رواية واحتلت عرش قلبي الفصل الثالث والثلاثون 33 بقلم رنا سعيد

*في قصر رعد الرفاعي*

رعد بجديه ممزوجه ببعض الحدة : انا مش عارف ايه الهدوء ال انا فيه حاليًا بس ده لحسن الحظ يعني…خير؟

توفيق : انا جايلك النهارده عشان ننهي اي خلاف و اي مشاكل اذا كانت بيني و بينك او بينك و بين عمر …انا مش هعيش اد ال عيشته يا ابني ومش عايز اقضي باقي عمري وانا وانت على الحال ده

رعد بحده : انا هطلع عمر من الموضوع عشان ده امر مفروغ منه…لكن ال انت عملته ده عمري ما انساهولك ولا انسى شكل امي و لما عرفت انك اتجوزت ولا المعامله الزفت اللي كنت بتعاملها بيها …ده لما شركاتك الاسهم بتاعتها وقعت من كتر الإهمال عشان مكنتش فاضي غير لحبيبة القلب و الوحيدة ال وقفت جانبك هي امي

توفيق بندم : يا رعد انا غلطان و ندمان على كل اللي عملته كفاية انها راحت مني مش عايزك انت كمان تفضل بعيد

رعد بلين حاول اخفاءه و لكن فشل : لا لا مستحيل انسى

توفيق : انت حابس نفسك في زنزانة الذكرايات…ادي نفسك فرصه تنسى..(ليصمت قليلا ثم يُكمل )…خلينا نفتح صفحه جديده ..

ليومأ بعدم الاعتراض بهدوء ثم يتركهم و يصعد بدون اضافة أي كلمة من احد الجالسين …بينما توفيق حدث عمر بعد ابتعاد رعد قائلًا :

انا مش عارف افاتحه ازاي في اللي انت عملته …مخلتش ليا عين اقوله سامح اخوك…كلمه انت انا مش هدخل في الموضوع ده دلوقتي

ليوافق بهدوء ..

*في الاعلى*

همس تقف خلف الباب مباشرةً و اذنها ملتصقه بالباب عسى تسمع اي شئ من ذلك الحديث..لينفتح الباب بدون اي مقدمات ثم تصتطدم بالحائط لتقول بألم :

آآآه وشي باااظ

رعد : حاسبيي معلش..(ليكمل وهو يرفع احد حاجبيه).. ايه اللي جاب وشك في الباب

همس : هه؟!…مش عارفه

رعد بإبتسامه خفيفة : رامية ودنك انتي هاا

همس بتذمر : مش انتوا اللي بتتكلموا بصوت واطي..وبعدين طالع يعني عاقل و هادي و…

رعد : عاقل؟…ده على اساس اني ببقى مجنون مثلا

همس : مش قصدي..يعني مش متعصب و بتتخانق مع دبان وشك..

رعد : بتخانق مع دبان وشي؟

همس : ييوووه..

رعد بضحك : خلاص يا همس انتي بتيجي تكحليها بتعميها

همس بحماس : طب قولي اتصالحتوا ولا لسه..

رعد بتفكير و غموض : ممم…مش عارف

همس برجاء : لا و حياتي عندك يا رعد وافق…ده كمان جايلك لحد عندك و دي مش اول مرة

رعد : يعني انتي شايفه كده

همس بإبتسامه امل : جدا كمان

ليومأ بعدم الاعتراض بهدوء ثم يخرج من الغرفه ثم يهبط الى الاسفل…

**********************************************

* عند ليان و معتز *

ليقترب منها اكثر .. وفي تلك اللحظة كان ايمن يمر من امام الغرفه و وقعت عينيه على معتز الذي يكاد ان يلتصق بليان و سيقبلها ليقول بحده :

لياان!

لتنتفض اثر صراخه بينما معتز ابتعد عنها بهدوء خارجي ثم يدخل ايمن الغرفه بينما ليان يدب الرعب في اوصالها ليقول ايمن بحده مُحدث معتز وهو يجذبه من ملابسه :

بتعمل ايه يا حيوان

لينزع معتز ملابسه من قبضة ايمن بعنف قائلا : الزم حدودك يا ايمن ان…

ايمن بغضب قاطع وهو يلكمه في وجهه : انت ليك عين تتكلم

ليان بصراخ : معتز ! …سيبه يا ايمن

ايمن بغضب : انتي تخرسي خالص

معتز وهو يدفعه بعنف بعيدا وفمه ينزف دمًا قائلا بغضب : اخرس انت انت فاهم غلط

ايمن بغضب : هو ايه اللي فاهم غلط..انا مش مرتاحلك من ساعه ما شوفت وشك…و لعلمكوا بقى الجوازة دي مش هتم

ليان ببكاء : يعني ايه!

ايمن : يعني انتي اللي جبتيه لنفسك و هتعيشي معانا .. ادي آخرة العيشة من غير حاكم ..( اكمل بحده مُحدث معتز )..اسمع يجدع انت ، انت تمشي من هنا حالا بدل ما ارتكب فيك جناية

ليدخل الجد ( طه ) الغرفة بهيبته قائلا بعدم فهم لما يجري : ايه اللي بيحصُل ده..صوتك واصل لآخر الدار

ايمن : الجوازة دي على جثتي انها تتم

طه : ايه اللي بتجوله ده يا ايمن

ايمن بحده : ايوة يا جدي زي ما سمعت

ايمن بصرامة : انت اتخبلت في مخك ولا ايه…انا مفاهمش منكوا حاچة …منتظركم نتحدث زين تحت في الدوار

**********************************************

*في قصر رعد الرفاعي*

توفيق بفرحة : بجد يا ابني

رعد بإبتسامه هادئة بتنهيده : اه ..بجد

عمر بسعادة : يعني خلاص يا رعد مسامحنا

رعد بغلظة : متجمعش يا عمر..انا وانت لسه مخلصناش

توفيق : خلاص يا ابني عمر اتغير بجد ..( ليوكزه في كتفه ثم يكمل )..مش كده يا بوز الإخص

عمر بتلعثم : اه..كده كده..و و بعدين يا رعد انا وانت عمرنا ما اتخانقنا حتى يوم على بعضه

رعد بسخريه : حاسب بس لحسن ادمع من حنيتك هه!

عمر بندم و بكاء وهو يقترب من رعد : رعد والله العظيم اتغيرت و كان شيطان داخل بينا ، اطلب مني اي حاجه و عندي استعداد اعملها ..( ليخرج مسدس من جيبه و يقربه الي رأسه )..والله لو عايزني اموت نفسي اعملها و مش كلام والله

رعد : يخربيتك ماشي بمسدس في جيبك ليه؟!

عمر : يعني مسامحني

رعد وهو يُجلسه: ايوا يعم ..اقعد هنا ماشي بالبتاع ده ليه انت مبتعملهاش غير لو في مصيبه

توفيق بقلق وهو ينظر لعمر : استر يا رب

عمر بضحك خفيف : ايه يجدعان خايفين اوي ليه ؟ ده انا ماشي بيه عادي يعني

رعد : لا يا راجل ..اكدب على الناس كلها لكن عليا انا لأ ياض

عمر بتنهيده : انتوا عايزين الصراحة

رعد : امم

توفيق : خير يا ابني قلقتنا

عمر بضحك : يجدعااان مفيش حاجه بهزر انتوا قلبتوها دراما ليه

رعد بغيظ وهو يمسك وساده ويقذفها عليه بعنف : تصدق انت رخم يلا…ه ه ه ه خفيف اوي

توفيق بتنهيده : يا ابني مش هتعقل

عمر : لا لا استغفر الله

توفيق مُحدث رعد : اومال فين همس

رعد وهو ينظر لعمر بتنهيده : هناديها

ليصعد رعد الى الاعلى و يحضر همس معه صم يفتش بعينيه عن عمر و لكن بم يجده ليقول :

اومال فين عمر

توفيق : جاله تليفون و مشي

رعد : طيب

توفيق بإبتسامه : ازيك يا بنتي..ما شاء الله زي القمر

رعد : اححمم

توفيق : ايه هتغير عليها من ابوك؟

رعد بإبتسامه خفيفة : لا ابدا يا بابا

لينظر له بحب و ها قد خرجت من فمه تلك الكلمه ( بابا ) بعد عناء

همس بخجل و ابتسامه : ازي حضرتك

توفيق : كويس يا بنتي …كان بودي والله اقعد معاكي بس متاخر على ميعاد مهم

همس : ليه كده حضرتك ملحقتش تقعد

توفيق : مرة تانيه ان شاء الله

ليرحل توفيق بعد تمتمة كلا من رعد و همس بالسلامات

ليقول رعد وهو مستندا برأسه على إحدى رجلي همس بعد ان صعدا غرفتهما :

حاسس ان هم اتشال من على قلبي و مرتاح كده

همس وهي تعبث في شعره : ربنا يريح قلبك على طول..قولي صح ، انت اتصالحت انت و عمر

رعد بتنهيده : امم

همس بإبتسامه : طيب الحمد لله

رعد : و انتي متعرفيش حاجه عن معتز و ليان ..كان قايلي انه هيكتب الكتاب النهارده كلمته الصبح و من ساعتها قافل تليفونه ابن الذينَ

همس : كلمت ليان من كام ساعه و قالتلي انهم وصلوا..

رعد و هو ينهض بجديه مصطنعه : طيب تمام..بقولك ايه

لتنظر له بالتساؤل ثم يُكمل وهو يقترب منها : هو انا قولتلك اني بحبك النهارده ؟

همس بتفكير : امممم…مش فاكره

رعد وهو يقترب اكثر وهو يغمز بإحدى عينيه : بس كده نفكرك يا قلبي

**********************************************

* في صعيد مصر * عند ليان و معتز

الجد جالس و حوله عم ليان و ايمن و علاء و معتز

ليسرد ايمن ما رآه للجالسين ليقول طه :

انت بتجول ايه ايمن!

ايمن بغضب : والله زي ما بقولك يجدي ولا البيه عنده حاجه تانيه

علاء بحده و غضب : لو الكلام اللي بيقوله ايمن ده صح يبقى انت من طريق و ليان من طريق يا ابن الناس و منشوفش وشك هنا تاني

خيري بصرامة : وه ده انت زودتها جوي ! على جثتي الجوازة دي تتم

يتبع..