رواية موضوع عائلي 2 (الجميله والشعر الأبيض) الفصل الثامن والعشرون 28 بقلم رحاب القاضي
رواية موضوع عائلي 2 (الجميله والشعر الأبيض) الفصل الثامن والعشرون 28 بقلم رحاب القاضي
رواية موضوع عائلي 2 (الجميله والشعر الأبيض) البارت الثامن والعشرون
رواية موضوع عائلي 2 (الجميله والشعر الأبيض) الجزء الثامن والعشرون
رواية موضوع عائلي 2 (الجميله والشعر الأبيض) الحلقة الثامنة والعشرون
ــــــــــــــــــــــــــــــــــــــــــــ
_ وصل محمد وهناء المستشفي اللي فيها يونس، ودخلو اوضة الانتظار اللي كانت فيها شهد وصبري اخوها..
هناء بخوف شديد
في ايه يا شهد ماله يونس حصل ايه؟..
_ما ردتش عليها شهد اللي كانت مش قادره تستوعب اللي حصل، فرد عليها صبري وقال..
صبري
والله يا حجه ام محمد ما نعرف اللي حصل انا الجماعه كلموني وقالولي اجي بسرعه من الشغل ولما جيت لقيت الاسعاف جابته علي هنا وبيقولو في عربيه عدت وضربو عليه نار وهو خارج من عندنا..
محمد بخوف حقيقي
هيكون مين اللي عمل فيه كده، انا هبلغ الشرطه..
هناء ببكاء
طيب هو حالته كويسه؟..
صبري بضيق
ربنا يعديها علي خير..
ــــــــــ #بقلم_الكاتبه_رحاب_القاضي ــــــــ
_ وفي بيت عمار كان قاعد مصدوم من اللي حصل ليونس ومعاه عز الدين اللي قاله..
عز
وبعدين هتعمل ايه، الراجل بين الحيا والموت..
عمار بغضب
انا السبب انا اللي دخلت يونس في المشكله دي..
عزالدين
بص انت لازم تشوف اخوك هو اللي عارف الاشكال دي ومتعامل معاهم واكيد هيبقي عنده خلفيه هما فين ولو عرفنا مكانهم هيتقبض عليهم..
دخل مروان في الوقت ده وقال
بابا البنات عايزين يروحو هروح اوصلهم..
عمار
لا لا مش هينفع خليهم هنا..
مروان بمرح
هو انا نفسي يقعدو هنا بس مش هينفع انت عايز طنط فريده تيجي تولع فينا..
عزالدين
ما تجيبها هي كمان هنا يا عمار..
عمار بضيق
مش هينفع الست دي بالعه الموضوع بالعافيه ما بالك لو قولتلها ان في مصيبه واقع فيها..
مروان
هو ايه الموضوع يا بابا في ايه؟..
عمار
خليك انت يا مروان هنا، اوعي تخرج من البيت خالص فاهم، وانا هروح اوصل جميله وايتن وهخلي حراسه علي بيتهم من بعيد ما اضمنش الكلاب دول ناوين علي ايه؟..
مروان
وانا هتحبس في البيت يعني..
عمار بحده
انت تسمع الكلام اللي اقولك عليه وبس، وتعالي يا عز روح ليونس وطمني حالته وصلت لايه..
عزالدين
تمام مااشي..
_ وبعد شويه قدام بيت جميله نزلت ايتن من العربيه وجميله فضلت قااعده وقالت لعمار..
جميله
في ايه بقي؟..
عمار
ما فيش يا جميله وانزلي يلا انا بجد مش فاضي..
جميله بضيق
لو مدايق اننا هنتجوز بلاش منه الموضوع اصلا..
عمار بحده
لا تخلف مش عايز هو انا جيبت سيرة جوازنا اصلا..
جميله
اومال في ايه فجأه كده ادايقت ورجعت رخم تاني..
اتنهد بضيق وقال
تخيلي غلطه عملتها زمان من سنين لحد دلوقتي بدفع تمنها..
جميله
يا نهااااار اسود انت متجوز ومخلف تاني صح، قول انا عارفه ان جوازتي مش هتتم علي خير..
عمار
بقولك ايه انزلي يا جميله واعمليلي بلوك لحد. يوم الفرح ده اذا كان في فرح..
جميله
باااس انا فهمت..
عمار بنفاذ صبر
امم فهمتي ايه ابهريني؟..
جميله بدموع
انت بتعمل الشويتين دول عشان ما تعمليش فرح زي ما انا عايزه صح؟..
عمار بضيق
لا مش انا اللي بعمل الظروف اللي حواليا هي اللي بتعمل ووارد جداً نتجوز من غير فرح..
جميله بغضب
لا مش هتجوز انا من غير فرح..
عمار بضيق
انزلي يا جميله لو سمحتي ده مش وقته..
جميله بجده
لا مش هنزل غير لما افهم في ايه، ليه كل ما نحل مشكله تجيب مشكله اكبر منها، انا من حقي يتعملي فرح..
عمار بحده
وانا من حقي تفهميني وتقدري ظروفي..
جميله بدموع
وهي ايه ظروفك..
عمار بغضب
انتي اوحش حاجه فيكي انك انانيه في حاجات تافهه، انا الدنيا كلها اتقفلت قدامي في واحد بين الحيا والموت بسببي ومتهدد بأبني واخويا والمفروض تفهمي لوحدك ان الوضع مش كويس معايا، انما انتي كل اللي همك الفرح وهيتعمل ازاي، لا احب اطمنك ممكن ما يبقاش في فرح اصلا ولا يبقي في انا كمان وابقي دوري علي عريس غيري يعملك اللي نفسك فيه وقتها..
ردت عليه ببكاء وقالت
انت ليه بتكلمني كده، وبعدين انت ما قولتليش في ايه معاك انا هعرف منين؟..
عمار بحده
يبقي اسكتي ولما احل مشاكلي هبقي اجيلك يا جميله، انزلي يلاا..
جميله بغيظ
طيب علي فكره بقي انا كمان من حقي ازعل حضرتك لحد. دلوقتي ناسي تلبسني الدبله بتاعتي من لما جات طليقتك يوم كتب الكتاب وخربتلي اليوم…
عمار بعصبيه
الطم علي وشي يا جميله، ده وقته..
جميله ميحت دموعها وقالت
طيب ما انت قولي في ايه؟..
عمار بضيق
في مشاكل مع زكريا مع الناس اللي اتورط معاهم في شغل زباله قبل كده وعشان اخلصه منهم خليت يونس الصاوي يساعدني..
جميله
قصدك علي يونس جوز شهد صاحبتي..
عمار
ايوه هو المهم الموضوع كان خلص واتقبض عليهم وزكريا حاله اتعدل وبقي شغال معاكي اهو، بس من شويه عرفت انهم هربو من السجن وناوين ينتقمو مني وبدأو بيونس اللي حالته خطر دلوقتي
جميله بصدمه
يا نهار اسود طيب ما تبلغ الشرطه..
عمار
بالعقل يا جميله ما هما هربانين واكيد الشرطه بتدور عليهم وما ينفعش انا اقول اي حاجه للشرطه دلوقتي غير لما اعرف ارتبها كويس عشان زكريا ما يدخلش معاهم في القضيه..
جميله
طيب وديني لشهد بسرعه..
عمار
الوقت اتأخر يا جميله، انزلي دلوقتي وبكره هخليكي تروحيلها..
مسكت ايده وقالت
لا عشان خاطري انا لازم اكون معاها دلوقتي..
عمار بهدوء
اللي فرق معاكي صاحبتك وبس..
جميله
ايوه عشان انت زعقتلي وكمان مش عايز تعملي فرح..
عمار بهدوء
ما تزعليش ما كنتش اقصد..
جميله
وديني لشهد وما تتكلمش معايا..
عمار
ما ترخميش بقي انتي شايفه اهو الوضع اللي انا فيه..
جميله بحزن
برضو ما تزعقليش يا عمار..
مسك ايدها وباسها وقال
انا اسف خلاص بس انتي تقدري بعد. كده لما اكون مدايق تاخدي جنب كده لحد. ما اهدي..
جميله
لا انا اتكلم في الوقت اللي يعجبني وانت تتحملني، وبعدين ايه اروح اشوف عريس تاني دي هاا، انت عارف لو حصلك حاجه يا عمار هنفخك وهتجوزك برضو..
حضنها عمار بهدوء وقال
والله هنتجوز وان شاء الله ما فيش حاجه هتحصل..
جميله بتوتر
طيب يلا ابعد كده ووصلني عند شهد..
عمار وهو بيقربها ليه اكتر
ليه ما احنا حلوين اهو وانا محتاج احتوااء دلوقتي..
جميله
يا نهار اسود ماما..
_بعد عنها عمار بسرعه وبص ورااه مالقااش حد وهي ضحكت بهدوء وقالتله..
جميله
عشان تلم نفسك بعد كده..
عمار بخبث
هانت اووي كلهم 6 اياام يا جميله والنهارده عدي اهو يبقي 5اياام بس..
جميله
بعد ما تخلص مشاكلك الاول عشان انا لو ما اتعمليش الفرح اللي نفسي فيه مش هتجوز…
عمار بضيق
بعدين يا جميله نبقي نتنااقش المهم. كلمي امك وقوليلها انك رايحه لشهد…
_ واخدها فعلا عمار عند شهد وكان عز الدين هنااك، واول ما شافتها شهد حضنتها وقالت ببكاء..
شهد
يونس حالته خطر اووي يا جميله، انا لو حصلتله حاجه مش هقدر اعيش من غيره..
جميله بحزن
لا ما تقوليش كده هو هيكون كويس والله..
قرب يوسف من عمار وقاله بحده
انت ايه اللي جابك مش انت اللي ورطته مع الناس دي، انقذت اخوك علي حساب حياته هو..
محمد بعدم فهم
هي في ايه يا يوسف ومين ده؟..
عزالدين
مش وقته الكلام ده يا يوسف وبعدين هو يونس حد ضربه علي ايده ما هو اللي وافق يساعد عمار بمزاجه..
بوسف بحده
انت كمان تسكت خااالص هو مش انت اللي كنت بتقول مالكش علاقه بعمار المنشاوي عشان تخلينا نشتغل معاه، فجأه كده بقي صاحبك واكيد ليكم مصلحه في كل اللي حصل ده…
عمار بجمود
يقوم يونس بالسلامه وهعرف ارد عليك واخليك تعرف انت وقفت في وش مين واتكلمت بالطريقه دي..
محمد بحده
لو سمحتو انتو الاتنين امشو من هنا احنا مش عايزين حد منكم معانا…
هناء بضيق
محمد مش وقته الكلام ده، خلينا نطمن علي اخوك الاول…
قرب عمار من جميله وقالها بصوت واطي
ما تمشيش من هنا انا هرجع اخدك،ولما الدكتور يخرج ويقولكم حالته ابقي كلميني وقوليلي..
جميله
حاضر..
_ ومشي فعلا عمار ومعاه عز الدين وكلهم بصو لجميله بضيق اللي قالت بسرعه..
جميله
في ايه والله انا صاحبة شهد حتي اسألوها..
شهد بدموع وصوت واطي
ما شوفتيش اللي حصل يا جميله، من لما شوفته وهو مضروب النار وانا مش قادره حتي اتحكم في اعصابي..
جميله
ان شاء الله هيكون كويس، المهم انتي ولادك فين اخلي ايتن تروح تاخدهم؟..
شهد بدموع
لا لا هما مع زهره واسر في البيت، المهم بس اطمن علي يونس..
جميله
خير ان شاء الله وهيكون كويس..
_ وتحت المستشفي كان عمار وعز الدين واقفين قدام العربيه بتاعت عمار، وعز كان عنال يتلفت حواليه فوعق فيه عمار وقاله..
عمار
ما خلاص بقي يا عزالدين زولتني..
عز بقلق
ما انا لازم اقلق ممكن دلوقتي نلاقي عيارين نازلين علي راسنا..
عمار
هيبقي نصيب..
عزالدين
لا انا مش عايز اموت يا عم ده انا طفشت من ابويا زمان عشان كان عايز يعلمني اضرب ناار وانت عايو تورطني مع عصابه دلوقتي..
عمار بسخريه
ما هو ده قمة التخلف تسيب عيلتك الكبيره اللي في الصعيد وتيجي هنا..
عزالدين
ما هما هناك كان عليهم حاجات غريبه يعني مثلا اتجوز واحده بس وكل الستات هناك منقبه وما فيش حاجه تفتح نفسي اقعد عشانها..
عمار بغيظ
اخرس يا عز انا في مصيبه وانت عمال تحكيلي الستات في بلدكم كانو عاملين ازاي..
عز بهدوء
اهو بنفضفض لحد ما نطمن علي يونس بس الممرضه قالتلي ان الطلقتين اللي جم فيه واحده في كتفه من ورا والتانيه في صدره ومش خطر يعني بس اهله دول اوفر اووي ولا صاحبه ده مش بطيقه..
عمار بضيق
بطل رغي يا عز..
عز
طيب انت عارف برضو انت غلطان..
عمار
معاك حق اديني اهو كلمت زكريا وهو يتصرف..
عز
لا لا انا مش علي كده، انت غلطان عشان هتتجوز البت جميله دي..
عمار بحده
البت جميله انت بتقول علي مراتي انا كده؟..
عزالدين
اسمع بس عندنا في البلد كانو بيقولو الستات دول قدم علي الراجل يا خير ياا شر، والبت دي من لما ظهرت في حياتك وانت هاتك يا خوازيق وكمان عايز تكمل الجوازه دي بومه يا ابني..
جات جميله من ورااه في الوقت ده وقالت
مين دي اللي بومه يا عرة الرجاله..
اتخبي عزالدين ورا عمار وقال
سلام قول من ربٍ رحيم انتي جيتي امتي يا بومه.. ااقصد يا جميله..
مسكت جميله طوبه من الارض وقالت بعصبيه
عايز تطفشلي الراجل ده انا ما صدقت وربنا لافتح دماغك..
مسك عمار ايدها وقال بقلق
خلاص يا جميله حقك عليا ده متخلف اصلا انا مش باخد عليه..
جميله بعصبيه
والله برضو لافتح دماااغه بقي انا وشي وحش عليك يا عموري سيبني عليه…
عز بخوف
اوعي تسيبها يا عمار وبعدين ايه تفتحي دماغي دي هي دماغ فرخه..
عمار
خلاص بقي فضحتوني انت وهي، وانتي ايه اللي نزلك اصلا يا جميله..
رمت الطوبه علي الارض وقالت
كنت هكلمك اطمنك علي صاحبك بس شوفتك من الشباك واقف هنا قولت اجيلك عشان تروحني بالمره..
عمار بأهتمام
يونس عامل ايه طيب؟..
جميله
كويس الدكتور قال ما كانش في خطر اووي بس الرصاصه اللي جات في كتفه من ورا هي اللي صعبه وممكن تسيب اثر..
عمار بضيق
طيب تعالي اروحك وانتي امشي يا عز وبكره تروح الشغل بدري وتخلص كل حاجه كأني انا موجود..
عز بغيظ
اللي اسمه عز بقي يرد عليك..
عمار بحده
عزالدين مش وقت هرجله خااالص هتقدر ولا لا؟..
عزالدين
حاضر هروح اناام بقي وبالله عليك تسيبني انام ما تطلعليش بمصيبه جديده..
جميله
والله ما في مصيبه غيرك اصلا…
عزالدين
انتي ايه اللي حشرك في الكلام بيني وبين صاحبي..
جميله
وانا بكلم جوزي اصلا ما وجهتلكش كلام…
عمار
ما خلاص يا عز بقي وامشي..
عزالدين
هو انت بتزعقلي انا ليه ما تشوفها هي..
عمار بغيظ
انت مستوعب انت بتعمل ايه ما تكبر يا عم بكلم عيل صغير..
ضربته جميله علي كتفه وقالت بعصبيه
يعني قصدك ان انا اللي عليه صغيره وما يعملش عقله بعقلي مش كده..
عمار
بصو خليكم كده اتخانقو وانا ماااشي..
عز بخبث
وانا كمان ماشي مش هعمل عقلي بعقل عيله صغيره..
جميله وهي بتجري ورا عمار
لولا ان الوقت اتاخر واخاف اروح لوحدي انا كنت نفختك يا بتاع البنات يا مش محترم انت.
عمار وهو بيفتحلها باب العربيه وقال
لو خلصتي ردح اركبي…
جميله
ايه الوش ده علي فكره هو اللي غلط الاول.
عمار بحده
اخلصي يا جميله وما تتكلميش مع حد تاني كده يبقي في حدود في الكلام…
_جميله ركبت العربيه وهي ساكته وهو كمان وكان متدايق جداً..
جميله
علي فكره هو اللي دايقني..
عمار بحده
ده اسمه هزار ولا لا؟..
جميله بقلق
يعني شويه..
عمار بنبره غاضبه
لو علي زكريا فهو اخويا وعارف انه بيعتبرك اخته وعشان كده انا اللي بعتهولك يكون معاكي، انما عز ده من باقي اهلك عشان تتعاملي معاه كده..
جميله بقلق
فيها ايه يا عمار انا ما عملتش حاجه يعني ده. كلام..
عمار
بلاش منه والنظام هيتغير يا جميله كلام مع اي حد بالطريقه دي ممنوع..
جميله
انا كده من زمان يعني ايه اللي اتغير..
عمار
اتغير انك دلوقتي مراتي واسمك علي اسمي واي تصرف بتعمليه هيبقي في وشي انا…
جميله بضيق
وانا ما عملتش حاجه غلط يا عمار لكل ده..
عمار
انا كنت هرد عليه لو انتي سكتي، وهزار مع اي حد. حتي لو بالكلام ممنوع…
جميله
والمفروض انا اقولك حاضر واسمع كلامك..
عمار
ده غصب عنك هتقولي كده ومش هقبل نقااش في الموضوع ده….
جميله
انا هسكت بس عشان انا عاقله ومقدره الوضع اللي انت فيه..
عمار بسخريه
انتي هتقوليلي علي عقلك..
_ سكتت جميله وقبل ما يوصلو بيتها موبيلها رن فكتمت الصوت بسرعه وحطته في الشنطه..
عمار
مين بيكلمك..
جميله بقلق
حاجه خاااصه..
عمار بجمود
مين بيكلمك يا جميله؟..
جميله
قربنا نوصل اهو بعدين ابقي وقت تاني اقولك عشان موضوع طويل وعايزه ادخل البيت بسرعه..
وقف عمار العربيه وبصلها وقال
مين بيكلمك ومش هكرر سؤالي تاني..
جميله بقلق
هو انت مالك اتحولت كده ليه يا عموري..
عمار
لان الاول كان وضع ودلوقتي وضع تاني خالص، الاول كنا يعتبر متصاحبين وكنت بعدي حاجات كتير واقول ماليش كلمه عليها انما دلوقتي انتي مراتي وهتسمعي كلامي غصب عن اللي جابوكي..
جميله بغيظ
ما تغلطش يا عمار وانا مش بحب الطريقه دي..
عمار
تحبيها او لا دي حاجه ترجعلك بس هو ده نظاامي وانتي لحد دلوقتي ما شوفتيش الوش التاني..
جميله
شوفتو فاكر مهااب في الشركه لما كنت قاعده معاه وبنتكلم علي فيروز جيت وزعقتلي وكانت اول مره تزعقلي، علي العموم انا مسمحاك يلا بقي روحني وانا هسمع كلامك..
عمار بجمود
ردي علي سؤالي ولا اخد الموبيل واشوف بنفسي مين كان بيكلمك..
جميله
وانا اللي افتكرتك نسيت..
عمار
اخلصي…
جميله
بص بالراحه كده من غير عصبيه انا الصبح شوفت ح.. حسين ابن عمي منزل استوري حزينه اووي فااا…
عمار بنبره غاضبه
كملي..
جميله
فبعتله قولتله اول ما تفضي كلمني عشان اشوفه ماله…
عمار بجمود
والمفروض انا اعمل ايه دلوقتي اقولك برافو انك عملتي كده ولا اكسر دماغك دي..
جميله
يا عموري افهم حسين ده يعتبر اخويا واخو ايتن من واحنا صغيرين وهو طيب جدا غير عمي خالص ووقف جنبي وجنب ايتن في حاجات كتير وانا بحبه.. زي اخويا يعني..
عمار بهدوء
ده قومتي عليا القيامه لما مشيت مع سميره يوم كتب كتابنا مع اني كنت بحل مشكله..
جميله بقلق
ما انا بحل مشكله برضو افرض الواد دخل في اكتئاب وانتحر..
عمار بجديه
بصي يا جميله عشان الموضوع ده ما يتفتحش تاني انا غيرتي وحشه وما جربتهاش قبل كده ولا حسيت بيها غير معاكي ومش بتحمل حد يتكلم معاكي او يكون في بينكم تعامل اصلا، فتتعدلي وتسمعي كلامي وتقطعي علاقتك بأبن عمك يا كل واحد فينا يروح لحاله من دلوقتي..
جميله بقلق
انت ليه بتكبر الموضوع كده..
عمار بحده
لا هو كبير يا جميله وانتي واجبك تسمعي كلامي وتنفذيه وبس في النقطه دي بالذات..
جميله
ماشي..
عمار بغضب
هتردي عليه؟..
جميله
انت شايف ايه؟…
عمار
انا عايز اعرف انتي هتعملي ايه؟..
_طلعت جميله موبيلها وبعتت رساله صوتيه لحسين وقالتله بهدوء….
جميله
معلش يا حسين ما عرفتش ارد عليك، انا كنت عايزاك في موضوع كده بس خلاص اتحل شكرا ليك..
وبص لعمار وقالت بضيق
تمام كده..
_ ما ردش عليها ووصلها لقدام البيت وجات تنزل وهي مدايقه من غير ما تكلمه، فمسك ايدها وقال..
عمار
استني..
جميله بدموع
عايز ايه؟..
عمار
بقي عموري يتقالو عايز ايه وانتي قالبه وشك كده..
جميله بحزن
عشان انت بجد زودتها معايا اووي النهارده..
عمار بهدوء
طيب خلاص ما تزعليش، بس اسمعي الكلام وانا مش هتعصب..
جميله
علي فكره انا شخصيتي كده من الاول ليه مش عجبااك دلوقتي..
عمار
لا عجبااني وجداً كمان بس ليا لوحدي هزري واعملي اللي عايزااه انما تبقي مع اي حد غيري مدام عمار المنشاوي اللي مستحيل حد ينسي حدوده او يدايقها بربع كلمه، وبالنسبه بقي لغيرتي عليكي فدي بقي حاجه مش هعتذر عليها عشان يوم ما هبطل اغير يبقي بطلت احبك يا جميله..
_ خلص كلامه وطلع علبه صغيره من جيبه فيها دبلتين وقال بهدوء…
عمار
برغم ان في كارثه بتحصل حواليا بس انتي ديما بتقدري تشغليني وتاخدي اهتمامي كله..
ابتسمت بهدوء وقالتله
بلاش تتكلم بقي عن مواهبي كتير لاتحسد…
_ضحك بهدوء ولبسها الدبله بتاعتها وهو كمان لبس الدبله بتاعته وباس ايدها وقالها…
عمار
سبحان اللي هيعدي الخمس ايام دول عليا..
جميله
هو احنا هنعمل فرح صح؟..
عمار
ان شاء الله ويلا عايز حاجه حلوه بقي قبل ما تنزلي..
جميله
كان معايا شوكلاته واكلتها حظك وحش..
عمار
لا فتحي مخك شويه شوكلاته ايه بس، انا عايز حضن بوسه اا..
جميله بكسوف
هتاخد قلم علي وشك وهيبقي ما فيش احلي من كده..
عمار مسك ايدها جامد وقرب منها وقال
طيب وريني بقي هتعمليها ازاي..
وقفت فريده في الوقت ده جنب العربيه وقالت
كل ده يا جميله تأخير، انت بتعمل ايه في البت..
جميله بكسوف وتوتر
رد بقي يا شبح..
عمار بغيظ
ابو فصلان امك يا جميله بقالنا ساعه بنرغي حبكت امك تيجي دلوقتي..
وبعد عنها ونزل من العربيه وقال لفريده بهدوء
ما بعلش حاجه يا مدام فريده هي بس كانت متأثره باللي حصل لجوز صحبتها..
فريده
امم طيب انزلي يا جميله، اتفضل معانا يا عمار..
عمار بهدوء
مره تانيه ان شاء الله…
_ نزلت جمله وهو اخد عربيته ومشي، وتوقعت ان فريده هتتخانق معاها وهتحصل مشكله، بس اتفجأت لما فريده قالت بكل هدوء…
فريده
جوز شهد كويس؟..
جميله
ايوه كويس..
فريده
طيب ما تبقيش تتأخري كده تاني لما تبقي مع عمار…
ابتسمت جميله وقالت
حاضر يا ماما، تصبحي علي خير…
ــــــــــ #بقلم_الكاتبه_رحاب_القاضي ــــــــ
_وفي المستشفي كانت شهد قاعده جنب يونس اللي كان نايم وحواليه الاجهزه الطبيه ودراعه ملفوف برابط طبي…
شهد بدموع
تاني مره اتحط في الموقف ده معاك، قبل كده لما عادل ابن عم هاجر واللي معاه خطفوني وانت جيت ولولا عزالدين انقذك وقتها كنت هخسرك، والمره دي كنت هخسرك انا وولادي مش لوحدي..
دخل عندهت يوسف في الوقت ده وقال
شهد بعد اذنك عايزك دقيقه..
مسحت شهد دموعها وطلعت قالتله
نعم يا يوسف في ايه؟..
يوسف
بصي الحجه هناء روحت ومحمد تحت بيخلص حساب المستشفي وانا قولت لبطه تروح عند امها وانتي روحي لولادك وانا ومحمد هنقعد معاه..
شهد
لا طبعا انا مش هسيبه ومش همشي من هنا غير لما يقوم ويقولي انه كويس..
يوسف
عشان خاطر ولادك حتي يا شهد تلاقيهم خايفين والمنظر اللي شافو فيه ابوهم مش كويس..
شهد يدموع
زهره معاهم وقالتلي انهم كويسين ونامو، وانا مش هسيب جوزي يا يوسف روح انت وما تشغلش بالك بيا..
جه محمد وقال
في ايه؟..
يوسف
مش راضيه تمشي..
محمد
خلاص روح انت يا يوسف وانا هفضل معاهم هنا.
يوسف
ماشي ولو حصلت حاجه بالله عليك كلمني..
محمد
حاضر…
ومشي فعلا يوسف ومحمد قال لشهد
بطلي عياط يا شهد هو كويس، وادخلي اقعدي معاه جوه وانا هنا في الاوضه دي..
شهد بدموع
حاضر…
محمد بفضول
شهد استني انا كنت عايزك تمشي عشان لو هتروحي العرض بتاعك بكره امي قالتلي اخليكي تمشي عشان عندك شغل مهم…
شهد
ما فيش حاجه عندي اهم من جوزي ابو ولادي يا محمد..
ابتسم محمد وقال
ادخلي قوليها قدامه كده هتلاقيه قام وبقي زي الفل..
_ ابتسمت شهد بهدوء وسابته ودخلت قعدت جنب يونس وهي بتدعي يقوم بالسلامه..
ــــــــــ #بقلم_الكاتبه_رحاب_القاضي ــــــــ
_وفي بيت دارين الجديد..
دخل يوسف هناك لمفتاحه الخاص واستغرب الهدوء اللي في البيت وان النور كله مقفول…
يوسف بقلق
تكونش ملبوسه زي اللي في الافلام الرعب ويبقي ده ذنب البت بطه..داااارين…
_ وطلع فوق لاوضتهم اللي اول مره يدخلها وهي موجوده ولقاها برضو ضلمه بس لفت نظره الابجوره اللي جنبها وهي نايمه منوره..
يوسف
ونعم الزوجه الموفره قافله نور البيت كله وفاتحه اللي جنبيها وهي نايمه..
_ قلع جاكبت بدلته وحطه علي الكنبه وراح قعد جنبيها علي السرير وهي نايمه وقبل ما يقرب منها وهي نايمه فتحت عينيها واول ما شافته صرخت وقامت بسرعه وقالت…
دارين بخوف
انت مين ودخلت هنا ازاي..
فتح النور بسرعه وقال
يوسف انا يوسف اهدي…
دارين بخوف
وايه اللي جابك..
يوسف
يادي النيله عادي يا درين جيت عادي يعني..
دارين بتنهيده طويله
وما كلمتنيش ليه الاول ينفع كده انا فكرتك العفريت..
يوسف
العفريت؟!..
دارين
ما انا كنت زهقاانه فكنت بتفرج علي مسلسل كوري رعب وقفلت نور البيت كله عشان اعيش الجو يعني ولما خلص خوفت اقوم افتح النور ونمت علي طول..
يوسف
مش قد الرعب ما تتفرجيش عليه…
دارين
ده اللي هيحصل اقفل النور بقي عشان هنام..
يوسف
تنامي؟… هو انا جايلك عشان تنامي انتي عبيطه..
دارين بجديه
امم بص بقي عشان نبقي متفقين يا يوسف انا مش بمزاجك يعني احنا كده كده متجوزين بأتفاق، يعني وقت ما نتفق علي معاد معين يبقي كده يعني..
يوسف بغيظ
ماليش معاد معين وقت ما ظروفي هتسمح اجيلك هاجي..
دارين بخبث
اوكي وانا وقت ما اكون جاهزه هقولك..
يوسف ضحك وقال
يعني انا جيت علي الفاضي معني كلامك قوم امشي يا يوسف صح؟..
دارين بهدوء
لا طبعا ما اقدرش اقول كده ده بيتك ولو عايز تبات هنا براحتك..
_ قالت كلامها وراحت ناكت جنبيه وبصتلت وهي نايمه وقالت..
دارين
مامتك كلمتني كتير واديتني نصايح كتير..
يوسف وهز بيقلد طريقة مامته
واكيد قالتلك اوعي تسبيه خليكي كده ورااه لحد ما يبقي معاكي علي طول عشان تفرحوني بحتت عيل ويسيب اللي ما تتسمي بطه..
ضحكت دارين وقالت
ههههه حصل هي قالت كده بالظبط وبنفس الطريقه..
يوسف بسخريه
امي وحافظها انتي هتقوليلي عليها. المهم كبري دماغك منها عشان لو سلمتيها ودنك مش هتحلك..
دارين
بالعكس لطيفه اووي وبتحبك جداً وانا بحب اتكلم معاها، خلتني اقولها يا ماما علي فكره..
يوسف
امم سبحان من جمع ووفق اصلا..
دارين بهدوء
عارف انا لسه مش مستوعبه اني بقيت مراتك، يعني من فتره قريبه انا وانت كنا بناكل في بعض وكنت هموت واديك بالقلم علي وشك ودلوقتي قاعدين انا وانت في اوضه واحده لا وبنتكلم عادي كده من غير ما نتخانق…
ابتسم يوسف ورد عليها
سبحااانه بقي… علي فكره يونس اتضرب بالنار وهو في المستشفي دلوقتي انا جاي من عنده اصلا..
قامت قعدت بسرعه وقالت بخوف
ماله يونس حصله ايه؟..
بصلها بجمود وقال
ايه الخضه دي؟!…
دارين بخوف وانفعال
قول يا يوسف ماله يونس وازاي يعني اتضرب بالنار.، ومين اللي عمل كده..
يوسف بضيق
مشكله معاه كبرت شويه بس حالته مستقره وانا جاي من عنده دلوقتي اصلا..
دارين بدموع
ربنا يقومه بالسلامه..
_جات تنام تاني بس مسك يوسف ايدها جامد وقال بنبره غاضبه…
يوسف
لسه بتحبيه مش كده، باين عليكي اووي..
دارين بألم
سيب ايدي يا يوسف ايه اللي بتعملو ده..
يوسف بحده
ردي علي سؤالي؟..
دارين بقلق
لا طبعا مش بحبه ولو كنت لسه بحبه ما كنتش قبلت اتجوزك تحت اي وضع لانك صاحبه، وبعدين انت يفرق معاك في ايه؟..
يوسف بحده
لا يفرق يا دارين عشان انتي دلوقتي مراتي وطول كا احنا مع بعض جو السهرات والمعارف الكتير بتاعك ده ينتهي…
دارين بضيق
ممكن تسيب ايدي عشان انام..
يوسف بخبث
لا مش هتنامي انا مش جايلك عشان تنامي..
ــــــــــ #بقلم_الكاتبه_رحاب_القاضي ــــــــ
_ وتاني يوم الصبح في بيت المنشاوي، كان زكريا قااعد علي الكرسي اللي في اوضته من لما كلمه عمار وقاله اللي حصل، وبص لجهاد اللي كانت بتتحرك وهي نايمه بهدوء اتنهد بضيق وفجاه موبيله رن فمسكه بسرعه ورد وقال من غير ما ياخد باله من جهاد اللي صحيت وكانت سمعاه..
زكريا
ايوه يا رضا هاا عملت اللي قوتلك عليه؟..
رضا
ايوه يا زكريا والعيال وصلو فعلا لمكانهم والكلام ده من رجالة عزيز اللي معاه حالياً وكمان الراجل اللي بيساعدهم هيكون موجود هناك كمان ساعه..
زكريا
المهم كلهم هناك دلوقتي ومجدي معاهم؟..
رضا
ايوه انا هجمع الرجاله واجيلك علي البيت..
زكريا
تمام مستنيكم يلا..
_وقفل معاه وقام وقف عند الدولاب وبدأ يغير هدومه، فقامت جهاد وسألته وقالت..
جهاد
في ايه يا زكريا؟..
زكريا
ما فيش حاجه وروحي كملي نومك…
جهاد بقلق
لا في انت شكلك بيقول ان في مصيبه حصلت ومجدي اخويا ده اللي كنت بتتكلم عنه صح؟..
_ما ردش عليها وطلع سلاحه قدامها وحطه في هدومه وجه يمشي بس هي مسكت ايده بسرعه وقالت بدموع وخوف..
جهاد
انت رايح فين يا زكريا رد. عليا؟..
زكريا بدموع ونبره غاضبه
ليه ظهرتي في حياتي، انا عمري في حياتي ما كنت بخاف قد ما خوفت لما انتي بقيتي في حياتي، ما كانش ليا نقطة ضعف بقي ليا لما انتي ظهرتي، ياريتني ما شوفتك ولا عرفتك انا لاول مره في حياتي بلعن الصدفه اللي جمعتني بيكي…
جهاد ببكاء
انت ايه اللي بتقوله ده انت هتسيبني..
سحب ايده منها وقال بحده
يمكن عشان تبقي تربي ابنك لوحدك وهو يتيم، وذنبه عندك انتي عشان ما سمعتيش كلامي من الاول ونزلتيه..
جهاد بدموع وحده
وانت جاي تقول كده دلوقتي بعد ما علقتني بيك، جاي تبعد بعد ما بقيت معتمده عليك في كل حاجه ولا دي حجه عشان ترجع لشغلك القديم ما هو الطبع غلااب..
زكريا بعصبيه
انا ما بتحججش بس الدنيا دي صعب عليها ابقي كويس، صعب عليها ابطل امسك سلاح، ولازم يطلع عيني عشان اعرف ابقي مبسوط ما فيش حاجه اخدتها منها من غير تعب…
حضنته جهاد وقالت ببكاء
طيب ما تمشيش انا ما اقدرش اعيش من غيرك، والله ماليا غيرك ما تسبنيش عشان خاطري يا زكريا..
نزلت دموعه وبعدها عنه وقال
لازم امشي والا الكل حياتهم هتدمر بسببي حتي انتي، لو ما رجعتش ما تسبيش ابويا هو هياخد باله منك..
_ قال كلامه ومشي وهي راحت قعدت علي السرير وفضلت تعيط، وبعد شويه صحي المنشاوي وبصلها من الباب اللي كان مفتوح وقال بقلق..
المنشاوي
جهاد مالك يا بنتي بتعيطي كده ليه؟..
طلعت جهاد وقالتله ببكاء
زكريا سابني ومشي، ليه بيعمل فيا كده؟..
المنشاوي بقلق
سابك ازاي بس يا جهاد اتخانقتو ولا ايه؟..
جهاد بدموع
لا بس في مشكله معاه وما رضيش يقولي عليها بس قالي ان انا السبب وانه ممكن ما يرجعش..
المنشاوي قلبه اتقبض وقال
ازاي يعني ويروح لوحده ليه، اقعدي انتي بس جوه وانا هكلم عمار واهدي اخوه مش هيسيبه..
_ دخلت جهاد اوضتها وكانت لسه هتلم شعرها اللي مفرود علي ضهرها بس سمعت صوت حركه وخبط بره الاوضه، طلعت وهي قلقانه ليكون المنشازي حصلتله حاجه، بس اتصدمت اول ما شافت مجدي واقف قدامه وفي ايده سلاح..
جهاد بصدمه
مجدي؟…
مجدي بحقد
قولتلك يا جهاد مش هسيبك غير لما اخد حقي وحق اخواتي وحياتنا اللي اتدمرت بسببك انتي وامك وابوكي..
جهاد بخوف
لا لا اللي انت عايز تعمله ده هيوديك في داهيه يا مجدي ابوس ايدك بلاااش..
مجدي بغضب
عايزه تريحي ابوكي في تربته لما يلاقيكي مبسوطه انا بقي هخليه وهو ميت يشيل ذنب ان اخ يقتل اخته وابنها اللي لسه ما جاش علي وش الدنيا..
جهاد ببكاء
لا لا حرام عليك انا ماليش ذنب اوعي يا مجدي تعمل كده والنبي..
_دخل في الوقت ده عماد اللي كان جاي شله بيجري وقال بخوف شديد..
عماد
انت هتنيل ايه نزل السلاح ده..
مجدي
كويس انك جيت بسرعه اول ما كلمته وقولتله اني هخطفك خاف عليكي يا حرام…
عماد بحده
بطل جنان بقي هي مالهاش ذنب، ولو عايز تموت اي حد عشان تنتقم من ابوك انا قدامك اهو..
مجدي بدموع
ما كانش بيحبك انت كان بيحبها هي، هو كرهنا احنا وحبها هي ظلمنا احنا واداها هي كل حاجه…
عماد بغضب
انت مريض بجد مستحيل يكون ده تفكير بني ادم طبيعي..
مجدي
بسببكم بقيت كده، انا ما كانش ليا غير شيماء..
نزلت دموعه وقال
عارف شيماء فين… شيماء اختك انتحرت بعد ما بنتها عمليتها فشلت كنت انا في السجن ومالقتش حد يقف جنبيها ولا يمنع جوزها وحماتها انهم يأذوها فرحيت نفسها وانتحرت..
بص لجهاد وقال بحزن
هي مش شيماء كانت بنته زيك مش كان ليها حق عليه، اتحرمت منه عمرها كله كانت تروح المدرسه وترجع تعيط وتقول ليه ما عنديش بابا زي باقي صاحبي، وكل ده بسببك انتي وامك..
جهاد ببكاء وخوف قالت
والله انا ماليش ذنب هما اذوك انا ماليش ذنب..
_حاول عماد يقرب منه ويوقفه، بس مجدي كان ملياان غضب وزقه وقعه علي الارض جامد قدام جهاد اللي بسرعه نزلت علي الارض عشان تسنده ومجدي قال بغضب..
مجدي
انت كده كده ميت يا عماد وانا راحتي في موتها هي، ومش بس كده ده كمان حبيب القلب زمانه بيشوف الموت بعينيه هناك، اصله وقع في الفخ بكل سهوله وهياخد صدمة عمره لما يلاقي كل رجالته خانوه وسلموه لعزيز..
عماد بدموع
انت حيواااان وحقير…
طلع المنشاوي من اوضته وقال
ما تتلم بقي يا ولد انت داخل وعامل فيها فريد شوقي فنفسك كده ليه؟..
شاور مجدي بسلاحه عليه وقال
اترمي جنبهم يا راجل انت بدل ما ابدأ بيك..
المنشاوي
بتقول ان ابوك كان راجل واطي وانت بتعمل كده في اخواتك عشان تنتقم منه، بس انت ليه طلعت زيه مدام بتكرهه كده..
مجدي بغيظ
بقولك اترزع مكانك احسنلك وما اسمعش صوتك..
المنشاوي قعد علي الكنبه وقال
اللي المفروض يتعاقب انت عشان ما نجحتش في الاختبار اللي ربنا حطك فيه وعشان ما تعرفش ربنا اصلا..
_ اتعصب مجدي من كلام المنشاوي وضربه بالرصاص في رجله فوقع المنشاوي علي الارض بألم وجهاد وعماد جريو عليه بسرعه..
جهاد ببكاء
انا اسفه يا بابا حقك عليا، انا السبب في كل ده..
عماد
حضرتك كويس..
ابتسم المنشاوي بألم وقاال
ايوه انا كويس يا ابني، بس وطو صوتكم لاحسن ينفخنا ابن المجانين ده…
مجدي
ما اسمعش صوتكم انا مستني بس منهم اشاره وانتي وحماكي يا جهاد مش هيبقالكم وجود علي وش الدنيا وفي نفس اللحظه انا همشي بره مصر خالص ومعايا كل فلوسي..
_ في الوقت ده وصل زكريا للبيت اللي فيه عزيز وزيدان ومجدي زي ما هو متوقع ونزل هو ورجالته ودخل هناك واتفاجئ بأن عزيز وزيدان ومعاهم واحد. تاني من اللي شغالين معاهم قاعدين من غير اي حراسه..
زكريا
اهلا بالحبايب متجمعين في جهنم قريب..
رد عليه عزيز ببرود وقال
ابقي لما تروح هناك قولنا احنا هنتجمع في الجنه ولا معاك في جهنم..
زيدان بخبث
لا لا مش هو اللب هيروح دي الحلوه مراته وكمان الحج المنشاوي..
رفع زكريا سلاحه في وشهم وقال بغضب
قبل ما حد منكم هيقربلهم هكون نهيت مسيرتي الاجراميه معاكم بيكم انتو..
_ضحكو هما التلاته وهما بيبصولو بشماته، وفجأه رجالة زكريا كلهم معادا رضا حطو اسلحتهم فب وش زكريا..
زكريا بصدمه
انتو بتعملو ايه؟…
عزيز
عيب اووي ان ابقي انا اللي مشغلهم معاك ويقفو ضدي زيك..
زكريا بجديه
لو عايز تاخد حقك تمام انت كسبت زخده مني ومالكش دعوه بأهلي الموضوع بيني وبينك من البدايه اصلا..
زيدان بحقد
انا كان نفسي والله اخلص منك انت واخوك ويونس الصاوي قبل ما نمشي بس يلاا كفايه الدرس اللي اتعلمه ابن الصاوي وحرقة قلبك علي مراتك وابوك انت واخوك..
زكريا بغضب
هو انا يعني لو عملتو كده هسيبكم..
عزيز
مش هتعرف توصلنا اصلا…
_ومسك الموبيل الصغير اللي في ايده وكلم مجدي وقال بحقد..
عزيز
نفذ يا مجدي وانزة هتلاقي عربيه مستنياااك هتجيبك لحد عندي وهنمشي علي طول بره البلد..
زكريا بدموع
اوعي تعمل كده والله هخليك تسف تراب الارض لو لمستهم..
مجدي بغضب
اعتبره حصل يا عزيز بيه….
_ قال كلامه وقفل وعزيز اخد رجالته واخد موبيل زكريا وسلاحه غصب عنه ومشيو…
رضا
وبعدين يا زكريا هنعمل ايه؟…
زكريا بدموع
لازم اروح البيت بسرعه لازم اشوفهم واعرف حصلهم ايه؟..
رضا
ازاي دول اخدو العربيات والطريق الرئيسي بعيد عنها بتاع 200 متر.
زكريا بغضب
هنمشي لحد ما نوصل يلااا بسرعه..
_ ومشيو فعلا لحد الطريق الرئيسي وركبو في عربية اجره وزكريا كان بيموت رعب وخوف علي ابوه ومراته..
ــــــــــ #بقلم_الكاتبه_رحاب_القاضي ــــــــ
_ في الوقت ده في بيت المنشاوي، قاام مجدي وقف من علي الكرسي اللي كان قااعد عليه ورفع سلاحه في وشهم هما التلاته وقال..
مجدي
هي يا اختي يا حبيبتي تحبي ابدأ بيكي ولا بحمااكي..
حضنها المنشاوي وقال بتعب شديد
اوعي تقربلها هي ما اذتكش في حاجه فووق بقي واتقي الله..
عماد بقلق وخوف
اهدي يا مجدي احنا لا شوفنا جهاد ولا كنا نعرفها زمان، ابوك هو اللي عمل فينا كلنا كده مش هي..
مجدي بدموع
تشيل ذنبه بقي مش هي اللي كانت السبب..
_وكان لسه هيضرب عليها نار بس فجاه الباب اتكسر ودخلت الشرطه ومسكو مجدي بسرعه وعمار كمان اللي جري بسرعه علي باباه وقال بخوف..
عمار
انت كويس يا بابا..
المنشاوي بتعب
وديني المستشفي بسرعه بقالي ساعه مكلمك عشان تيجي كنت مستني ايه، واخوك فين..
عمار
اخويا انا بلغت الشرطه وهما بيتبعو موبيله وهيوصلو ليه..
مجدي بغضب
والله لاقتلك يا جهاد مش هتخلص كده وهاخد حقي منكم كلكم…
حضنها عماد بهدوء وقال
سيبك منه خلاص هو كده رسم نهايته بنفسه…
عمار بهدوء
خليكي هنا يا جهاد مع اخوكي وانا هاخد بابا للمستشفي..
جهاد بدموع
طيب ابقي طمني عليه لو سمحت..
عمار
حاضر وانا سايب حراسه تحت..
جهاد. بدموع وقلق
وزكريا..
عمار وهو بيحاول يسند باباه
هيجي ما تقلقيش..
_ مشي عمار مع المنشاوي اللي بدأت يتعب من رجله بزيامه، وعماد مسك ايدها وقال..
عماد
انتي ليه ما قولتليش ان ده حصل انا عرفت من حماكي..
جهاد بدموع وحزن
انا ايه الغلط اللي عملتو عشان كل ده يحصلي، ليه اخويا يبقي بيكرهني كده وعايز يقتلني واختي تنتحر وانا اللي اشيل ذنبها حتي انت بعد كل اللي عملتو معايا بحسك ديما عايز تقولي ما هو بسببك، طيب انا ايه الغلط اللي عملتو..
عماد بقلق
اهدي طيب وخلاص كل حاجه خلصت فاضل بس نطمن علي زكريا…
قامت جهاد وقالت
امشي يا عماد روح اقعد لوحدك لكد. نو تموت وتشيلني ذنبك انت كمان، انا مش عايزه اي حد منكم في حياتي تاني…
_ ودخلت اوضتها وقعدت علي السرير وفضلت تعيط وكل اللي حصل من لما ابوها مات للوقت ده بيتكرر قدامها ليزيد حزنها اضعاااف..
ــــــــــ #بقلم_الكاتبه_رحاب_القاضي ــــــــ
_ وفي المستشفي كان الدكتور بيفحص يونس اللي بدأ يفوق تدريجياً، وجات الممرضه في الوقت ده وقالت لشهد..
الممرضه
لو سمحتي يا مدام في واحد بره طالب يشوف حضرتك بسرعه اسمه زيد..
شهد بقلق
طيب انا ريحاله اهوو..
_ وطلعت من اوضة يونس وفضل محمد وهناء بس معاه، وقابلت زيد اللي كان واقف مستنيها..
شهد
ايوه يا زيد بيه نعم..
زيد
اولا الف مليون سلامه علي جوزك انا عارف انك في مود وحش دلوقتي بس احنا عندنا شغل يا شاهي..
شهد بجديه
لو سمحت انا نبهت عليك اكتر من مره ان انا اسمي مدام شهد، والشغل بتاع حضرتك انا بعتذر جدا لاني مش هقدر اكمل فيه..
زيد
ايه الكلام االي انتي بتقوليه ده، انتي جايه تقولي كده يوم العرض..
شهد بنبره غاضبه
وحضرتك مش شايف الوضع اللي انا فيه، ولو فاكر اني ممكن اسيب جوزي وهو في الحاله دي واجي معاك عشان الشغل يبقي بتحلم، وعشان ما أبوظش شغلك تقدر تاخد تصميماتي كلها وتنسبها لنفسك او لماجي انا مش عايزاهم..
زيد
انا عرفت الناس بيكي والكل عارف انك انتي اللي معايا في العرض، ولازم النهارده نظهر انا وانتي قدام الناس..
شهد
لا مش هيحصل انا مش هينفع اقف جنبك واتصور معاك واستني الناس تقول عليا زي ما كانت بتقول علي اللي قبلي، تقول هي دي البنت اللي اتنازلت عن شرفها للمدير عشان توصل مش هو ده اللي كان بيتقال علي اللي قبلي..
زيد بأحراج
لا بس انتي غير اي حد، انتي الوحيده اللي انا مبسوط من شغلها ونفسي نكمل سوا لانك شاطره وقادره تخليني وتخلي الكل يحترمك مش هيفرق معاكي كلام حد..
شهد
لا هيفرق معايا ومع جوزي وولادي لما حد يقول كده عليا قدامهم هيبقي وحش اووي، وبعدين انة مش بضرك في حاجه انا مستعده امضيلك علي تنازل للتصميمات دي لشركتك لاني سيبت الشركه في وقت صعب..
زيد. بضيق
انا كان نفسي تكوني موجوده معايا علي طول في الشغل كنتي هتبقي حاجه كبيره اووي..
شهد
معلش بس لنا ما فيش حاجه تهمني دلوقتي غير جوزي..
_في الوقت ده طلع الدكتور ومحمد معاه وقرب من شهد وزيد وسألها…
محمد.
مين ده يا شهد؟..
شهد
ده زين بيه كان المدير بتاعي جاي يطمن علي يونس..
محمد.
اهلا بحضرتك وشكراً لتعبك..
زيد بجمود
لا تعب ولا حاجه، وشكراً اووي يا مدام كلك ذووق بجد بس اللي انتي بتسيبي شغلك عشانه كان متفق مع ماجي ومديها فلوس كتير عشان تهربلك شغلك وتقدري تسأليها وتوريكي الشيك اللي اداهولها،وانا كلامي مع عدي اللي جابك ليا من البدايه..
_مشي زيد وشهد كانتومصدومه من اللي سمعته يعني عي دلوقتي بتضحي عشانه وهو كان عايز يدمرها ومحمد قالها بهدوء..
محمد
هو يقصد عدي جوز هاجر؟..
شهد
ايوه المهم الدكتور قال ايه علي يونس..
محمد
لا الحمد لله بقي احسن بس المشكله في دراعه هياخد وقت كبير في العلاج عشان يقدر يحركه بشكل طبيعي..
شهد بدموع
طيب هو فااق ولا لسه ولا هيفوق امتي؟..
ابتسم محمد وقال
اطمني هو فااق جوه وسأل عليكي..
_ دخلت شهد بسرعع ولقيت هناء قااعده جنبيه وماسكه ايده، ولما دخلت هو بصلها بضيق وقال..
يونس
كان جاي عايزك في ايه؟..
شهد قربت منه وقالت
هو ده وقته المهم انت كويس؟..
يونس بحده
مالكيش دعوه الولد ده كان جاي عايزك في ايه؟..
_ كان بيتكلم وماسك دراعه بألم وباين عليه التعب بشكل كبير، ابتسمت هناء وقالت لشهد..
هناء
ردي عليه مش هتخلصي منه، وانا هروح اخلي الواد محمد يمشي يشوف مراته وولاده وشغله..
_طلعت هناء وشهد كانت بصاله بهدوء وهو كرر سؤاله تاني وقال..
يونس
كان عايز منك ايه يا شهد؟..
ردت عليه بهدوء
جاي عشان يقولي احضر معاه العرض ونكمل شغلنا..
يونس بضيق
وانتي قولتيلو ايه؟..
شهد بجديه
قولتله جوزي محتاجني ومش هينفع احضر العرض..
يونس
وبالنسبه لشغلك معاه..
شهد
مش وقته الكلام ده يا يونس ارتاح دلوقتي وبعدين نتكلم..
يونس بضيق
لا هنتكلم دلوقتي هترجعي الشغل عنده تاني..
شهد بدموع
لا مش هرجع ولا انت كنت هتسيبني ارجع اصلا..
يونس
قصدك ايه؟..
شهد بحزن
انا اللي عامله حساب لزعلك وبس انما انت مش بيفرق معاك حاجه غير ان كلامك يتنفذ وتعمل اللي عايزه، واخرة تسرعك واختيارتك كنت هتروح مننا وهتيتم ولادك…
يونس بجديه
الموضوع مش كده انا متوقعتش ان المكشله هتبقي كبيره كده..
شهد قامت وقالت
انت مش بتحسب حساب حاجه قصدك، المهم انا همشي عشان اشوف الولاد من لما شافوك امبارح وانت ااا.. حالتهم وحشه ولازم اكون جنبيهم..
يونس بقلق
في ايه يا شهد مالك؟..
نزلت دموعها وقالت
مش حابه اتكلم معاك واعاتبك وانت كده، ربنا يقومك بالسلامه وبعدين نتكلم..
_ وسابته ومشيت ودخلت هناء ومعاها اكل وقالتله..
هناء
اتعدل عشان تاكل يلااا..
يونس
ماليش نفس انا عايز انام والالم بدأ يشد عليا اووي.
هناء
ما يا ابن الحمار بقولك قوم اطفح عشان تاخد الدوا…
يونس بتعب
اووف انا همشي من هنا امتي؟..
هناء
اما تقدر تقف علي رجلك..
يونس
هي شهد مالها مدايقه اووي كده ليه؟..
هناء
واحده جوزها وابو عيالها كان هيموت قدام عينيها وعايزها تبقي مبسوطه…
يونس
ملافظ. السعد يا حجه، وبعدين. لا شكلها مدايق من حاجه تانيه..
هناء
اقولك انا هي مدايقه انها مراتك انت ولا ابوك ولا اخوك تخنقو بلد. بحالها..
يونس بغيظ
امشي من عندي انا مش بتحملك وانا كويس هتحملك وانا تعباان..
هناء
قاااعده علي قلبك لحد ما تخف..
يونس
طيب اكليني مش هعرف احرك ايدي..
هناء ابتسمت وقالت
فاكر وانت صغير بتخلي ابوك يشيل هو مازن وبتقعد انت علي رجلي عشان اكلك…
ابتسم. يونس وقال
عشان كنتي بتحبي مازن اكتر مني ومن محمد..
هناء
والله ما حصل انتو التلاته كنتو واحد عندي وبحبكم زي بعض، بعيد عن اللي ابوك عمله معاك…
يونس بخبث
طيب وابويا بقي كنتي بتحبيه ولا لا؟..
اتوترت هناء وقالت
ما تتنيل تاكل وتخلص الله..
_ضحك يونس بهدوء وبدأ ياكل من ايدها وبرغم كل اللي حصل في طفولته الا ان حنيتها عليه وحبها ليه نسوه كل الحزن اللي كان في قلبه ليها…
ــــــــــ #بقلم_الكاتبه_رحاب_القاضي ــــــــ
_ وفي بيت يوسف ودارين كانت واقفه في المطبخ وبتجهز الفطار واول ما افتكرت اللب حصل امبارح ابتسمت وقالت لنفسها..
دارين
معقول بيغير عليا، ايوه اكيد بيغير كان باين اووي عليه..
_وحطت الاكل علي السفره وطلعت فوق عشان تخليه ينزل يفطر معاها واول ما فتحت الباب وكانت لسه هتتكلم بس هو شاورلها تسكت وكان بيتكلم في الفون وقال….
يوسف
حاضر يا حبيبتي انا هاجي اهو مسافة السكه..
وقفل مع بطه وقالها
دي بطه ما تعرفش اني عندك هي فاكره اني قاعد عند يونس..
دارين بضيق
وايه اللي يخليها ما تعرفش؟..
يوسف
عشان هتدايق..
دارين بحده
يوسف انا قبل ما اتجوزك قولتلك لازم مراتك تكون عارفه عشان انا مش حابه تكون علاقتنا في السر، واللي بتعمله ده غلط في حقي..
يوسف
هو ايه الغلط انا خايف علي مشاعرها مش اكتر..
دارين بدموع
وانا لما تتعامل معايا علي اني عشقتك مش مراتك ده ما يجرحش مشاعري؟..
يوسف بجمود
بلاش الطريقه دي انتي عارفه انا متجوزك ليه وعارقه ليه باجي هنا وعارفه برضو اني بحب مراتي ومش بحب ازعلها واتجوزتك اصلا عشان اريحها هي..
دارين بحزن
ماشي اتفضل امشي بقي..
يوسف
بتطرديني من بيتي..
دارين بحده
ايوه امشي يا يوسف روحلها عشان ما تتأخرش وتشك فيك انك عند مراتك التانيه..
يوسف بخبث
يالهوي عليكي وانتي مقموصه.
قرب منها وقال
بتبقي زي ال… شبه العيال التنحه بالظبط..
_مسكت المخده وضربته بيها وهو مشي وهو بيضحك، ومسكت هي موبيلها وفتحت صورة بطه اللي حطاها علي الانستجرام وقالت بضيق..
دارين
فيها ايه مميز عشان تحبها بالطريقه دي يا يوسف؟..
ــــــــــ #بقلم_الكاتبه_رحاب_القاضي ــــــــ
_وفي شركة عمار المنشاوي، دخلت فيروز المكتب عند. عز الدين وقالتله..
فيروز
ممكن افهم انت بتتهرب مني ليه؟..
عز بجمود
لا خالص بس عمار مش موجود وكل حاجه علي دماغي انا لوحدي النهارده..
فيروز بحزن
يعني هو انت زعلت عشان كلمتك بصراحه..
عز بحده
وحقك تفكري كده ما انا اللي زباله وما حدش يثق فيه بعد كل اللي كنت بعمله، مش ده اللي انتي عايزه تقوليه؟..
فيروز بقلق
لا ما كنتش هقول كده..
وقف قدامها وقال
كنتي هتلمحي بحاجات زي دي، انتي وابوكي مش بتسيبو فرصه غير لما تعملو كده..
فيروز بضيق
حط نفسك مكاني وافتكر في الاول انت طلبت مني ايه يخليني لحد دلوقتي ابقي قلقانه منك..
عزالدين
هو انتي ليه شايفه اللي عدي بس ما تشوفي انا بقيت ازاي دلوقتي وبحاول اعمل ايه عشانك..
فيروز بقلق
هو انت ليه مستعجل اووي في موضوع الجواز كده؟..
عزالدين
وليه ما استعجلش مدام بحبك وانتي بتحبيني ايه اللي يخليني استني هكون نفسي مثلا ولا مستنيكي تكملي السن القانوني يا طنط فيروز..
ضربته علي كتفه وقالت بغيظ
بطل بقي تريقه…
عزالدين
مش بتريق انا بتكلم بجد، انتي مستعده نتجوز ولا لا، ولو مش واثقه فيا نتجوز يبقي عمرك ما هتثقي فيا حتي لو بعد 100 سنه..
فيروز بتوتر
موافقه يا عز نتجوز قريب..
ابتسم بسعاده وقال
احلفي انتي موافقه بجد بجد يعني؟..
فيروز
ايوه بجد بس انت بقي تقنع بابا يوافق لانه قلقان منك جدا جدا جدا..
عزالدين بخبث
سبيلي انتي ابوكي وانا هعرف ازاي اخليه يوافق بطريقتي..
فيروز
ازاي يعني بص انا اهم حاجه عندي رأي بابا ما اقدرش اوافق وهو رافض..
عزالدين
امم عايزه يبقي التريند لايق عليكي ويا ابويا كنت منعتني والجو ده..
فيروز
والله هو انت هتخليني اعمل التريند ولا ايه..
عزالدين
لا طبعا بس حسيت من كلامك كده، المهم تعالي نخرج بقي ونشوف هنعمل ايه في فرحنا..
فيروز
استني انت عندك. شغل وبعدين مش لما بابا يوافق الاول نبقي نشوف ااحاجات دي..
عزالدين
هيوافق يا بومه هانم، وبعدين الخميس اللي زي النهارده هنتجوز..
فيروز
لا طبعا ده بسرعه اووي يا عز..
عزالدين
لا مش بسرعه والله ده انا لو عليا يبقي النهارده..
ومسك ايدها وباسها وقال
بحبك يا فيروز..
ردت عليه ولاول مره وقالت
وانا كمان بحبك يا عز ودي كلمه. كبيره وانا واثقه فيك انك هتكون تستاهلها..
عزالدين بمرح
بصي هبهرك والله..
_ واخدها وخرجو من الشركه وخلاها تختار فستان الفرح وكمان حجز قاعه كبيره عشان يعملو فيها فرحهم…
ــــــــــ #بقلم_الكاتبه_رحاب_القاضي ــــــــ
_ وبالليل في قاعه راقيه جداً كانت كانت ايتن واقفه جنب مروان بفستانها الازرق الطويل للارض وكانت حلوه جدا….
ايتن
انت ليه ما قولتش ان جدك تعبان من الاول ما كناااش عملنا حاجه..
مروان
بابا قال كل حاجه اتحلت وجدو كويس دلوقتي والمشكله اتحلت وبعدين سبيني افرح والنبي ده انا داخل علي مرمطه..
ايتن
ما انا هتمرمط معاك علي فكره، وبعدين المهم ابوك فين وعمك وجهاد فين؟..
مروان
بابا جاي وعمي هيقعد. مع جدو وجهاد البنت حامل وتعباانه وبعدين سيبك من كل ده ركزي معايا انا بس..
ايتن
يا بيبي طبعا هركز معاك انت بس، انا بتكلم عشان ماما..
مروان
اهو بابا جه سيبك منهم بقي وقومي نرقص..
ايتن بحمااس
اوكي يلااا..
_وعند جميله وفريده رااح عمار وقعد معاهم وقال بهدوء.
عمار
بعتذر جداً يا مدام فريده علي التأخير..
فريده
لا عادي ولا يهمك، المهم الحج المنشاوي كويس انا والله لو كنت عرفت كده من الصبح ما كناش عملنا حاجه..
عمار
لا لا بابا كويس الحمد لله ما فيش داعي حاجه تتأجل..
فريده
ان شاء الله خير، بعد اذنك هروح اشوف الضيوف..
عمار
اتفضلي..
_ مشيت فريده وهو قرب من جميله اللي كانت قااعده مدايقه وقالها…
عمار
ايه القمر ده، الفستان حلو اووي عليكي..
جميله بضيق
طيب..
عمار
خلاص بقي يا جميله ما تكبريش الموضوع اديكي عرفتي ان ابويا كان تعباان وكمان زكريا كان في مصيبه هو ومراته..
جميله
ما انا لو مهمه في حياتك كنت فضيت من وقتك دقيقتين تكلمني تطمني عليك..
عمار
لو مهمه؟! ده انتي حياتي كلها يا جميله..
جميله بسخريه
اهو كلام..
عمار
طيب انا اسف بعد كده هكلمك واشيلك معايا الهم واخوفك عليا عشان تبقي مبسوطه..
جميله
ايوه انا هبقي مبسوطه كده، وحاجه كمان انا عايزه اعمل فرحي هنا المكان والتصميمات دي عجبتني اوي….
عمار
بصي انا مش عايز اعمل فرح احنا هنعمل حاجه بسيطه وهنسافر شرم انا وانتي هخلص شغل مهم هناك وفي نفس الوقت نقضي شهر العسل، فاكره الاوتيل اللي هناك ده اول مره قولتلك بحبك كانت هناك..
جميله بضيق
لا يا عمار انا عايزه اعمل فرح ونرقص ونبقي مبسوطين زي ايتن ومروان كده..
عمار
انا مش حابب الفكره يا جميله ومش عاجبني النظام اللي انتي عايزااه للفرح…
جميله
بس انا عايزه كده ده هو يوم انا مستنيااه من زمان..
عمار
ما انا بقولك هنعمل فرح وهتلبسي احلي فستان بس يكون هادي شويه ونقعد. ساعه مع الضيوف ونكمل فرحنا مع بعض..
جميله
لا انا عايزه فرح كبير وعايزه احس بجد. اني عروسه مش فرح والسلام..
عمار
وانا مش عايز اعمل فرح كبير يا جميله انا مش لسه عندي عشرين سنه ولا دي اول جوازه ليا..
جميله بدموع
وانا ذنبي ايه انا لسه صغيره ودي اول فرحتي، وبعدين انا مش شايفه ان في حاجه غلط في اني اعمل فرحي بالطريقه اللي بتمناها..
عمار بضيق
في ضيوف مهمه جات وهنشغل معاهم شويه..
مسكت ايده وقالت بقلق
وفرحنا هيكون ازاي..
سحب ايده منها وقال بجمود
اللي عندي قولته يا جميله معلش عديها عشان خاطري المره دي..
_ قال كلامه وسابها ومشي وهي فضلت قااعده مدايقه وهو راح استقبل الضيوف اللي جات، وكل شويه يبصلها وهي قااعده زعلانه لوحدها..
قربت منه فريده وقالت
عمار معلش عايزااك دقيقه واحده..
استئذن من الناس اللي واقف معاهم وقال لفريده
نعم يا مدام فريده؟..
فريده
ليه مش عايزها تفرح هو ده وعدك ليا انك هتخليها علي طول مبسوطه؟..
عمار بهدوء
فين اللي مش عايزها تفرح، انا هعملها فرح واللي نفسها فيه بس بطريقه كويسه.
فريده
جميله مش هتكون مبسوطه غير لو عملت الفرح اللي نفسها فيه، لو سمحت وافق..
_ اتنهد عمار بضيق وساب فريده وراح وقف جنب جميله ومسك ايدها وقال..
عمار
تعالي يلا هنرقص معاهم..
جميله بسخريه
والله هو عمار المنشاوي ما بقاش خايف علي شكله قدام الناس ولا ايه؟..
مال عليها شويه وقال بابتسامه بسيطه
سبق وقولتلك انا بالنسبه للناس كلها عمار المنشاوي الا انتي انا ببقي عموري وبس..
_ابتسمت بهدوء وهو اخدها ووقفو وسط الناس كلها بيرقصو سوا، وفي لحظه قدر عمار يخطف الانظار من الكل حتي من ابنه بهيبته وشخصيته، وده خلاها تتوتر اكتر من اهتمام الكل بيهم..
عمار
يا بنتي مالك بتتنفضي كده ليه؟..
جميله
هو الكل سكت وبقي يبصلنا وكمان بيصورونا يا فضيحتي.
ضحك عمار بهدوء وقالها
فضيحة ايه بس انتي بترقصي مع جوزك مش حد غريب..
جميله
امم..
عمار
زعلانه مني؟..
جميله
لا خالص هو انت عملت حاجه تزعلني..
عمار
هعملك الفرح اللي نفسك فيه وهرقص معاكي وهجيبلك عصام صاصا كمان..
حضنته جميله وقالت بسعاده
ايوه كده يا عموري انا بحبك اوووووي…
ــــــــــ #بقلم_الكاتبه_رحاب_القاضي ــــــــ
_وعدي اليوم وكان سعيد جداً علي عمار وجميله ومروان وايتن وفيروز وعز وكان صعب جداً علي جهاد اللي من وقت ما حصل اللي حصل مع اخواتها وهي قااعده في اوضتها زعلانه وبتعيط، وعماد قاااعد بره في الصاله وكل ما يروح يكلمها ما كانتش بترد عليه، لحد تاني يوم الصبح لما رجع زكريا..
عماد
كل ده يا عمم..
زكريا
كنت مع ابويا في المستشفي لحد ما عمار جه واخده عنده..
عماد
هو كويس طيب؟..
زكريا
كويس بس تعب عشان السن وكده..
عماد
ربنا يقومه بالسلامه، زكريا انا عايز اتعالج..
زكريا بهدوء
تمام انا هاخدك لمصحه كويسه..
عماد
ما تقولش لجهاد قولها اني هسافر لحد ما اتعالج وارجع كويس…
زكريا
اللي يريحك بالمناسبه عزيز وزيدان اتقبض عليهم،المتخلفين اخدو موبيلي وهما ماشيين وعمار بلغ الشرطه وخلاهم يتبعو موبيلي ومسكوهم..
ضحك عماد وقال
شوف ازاي وقعو في شر اعمالهم، بس بجد لولا اخوك ومعارفه كنا هنبقي في ورطه كبيره، احنا شوفنا يوم امبااارح ولا الجحيم وخصوصاً جهاد..
زكريا بضيق
هي جوه صح؟..
عماد
من امبارح جوه ولا اكل ولا شرب وشكلها تعبان ومش راضيه تقول.، المهم خلي بالك منها وانا هظبط حالي واكلمك ونروح المصحه وابقي روح انت الشركه بتاعت ابويا وخد بالك من الشغل انا كده كده ما بفهمش فيه..
زكريا
خلص بس انت علاجك وانا هعرفك كل حاجه عشان تمسك انت فلوسك انت واختك وتبقي قد المسؤليه..
_ ابتسم عماد بحمااس ومشي، وزكريا دخل عند جهاد اللي كانت قااعده علي السرير وماسكه موبيلها وبتقلب فيه وشكلها باين عليه فعلا التعب والحزن..
زكريا
اطمني كل حاجه خلصت خلاص..
جهاد
باباك عامل ايه؟..
زكريا
كويس عمار اخده عنده وبيقولك خلي بالك من نفسك وهو هيخف وهيرجع تاني هنا..
ووقف عند الدولاب بيطلع هدوم ليه وقال
هاخد شاور وانتي اطلبيلنا اكل من تحت عشان جعان اووي..
وقفت قدامه وقالت بجديه
طلقني..
بصلها بحده وقال
نعم؟؟..
جهاد بدموع
زي ما سمعت طلقني انا مش عايزه اكمل معاك..
_ تفتكرو هيحصل ايه؟…
ــــــــــ #بقلم_الكاتبه_رحاب_القاضي ــــــــ
_ وعند يونس في المستشفى كانت شهد قااعده جنبيه ومعاهم بطه ويوسف…
بطه
والله يا شهد لو مكانك احبسه في البيت ده بيطلع يجيب مصايب ويرجع…
يونس
اتلمي يا بطه بدل ما اقوملك..
شهد
براحتك يا بطه هو مش قادر يتحرك اصلا..
ضحك يوسف وقاله
ههههه طيرتهالك خااالص…
يونس
انا هسكت بس عشان مش لوحدنا يا شهد…
_ابتسمت شهد بهدوء ودخلت في الوقت ده دارين بعد ما خبطت علي الباب واتصدمت بوجود يوسف وبطه، وبالاخص يوسف اللي بصلها بغضب وقال..
يوسف
انتي بتعملي ايه هنا؟..
دارين بهدوء
جايه اطمن علي يونس.
وبصت ليونس وقالت
الف سلامه عليك ما قدرتش ما اجيش اطمن عليك…
يونس بهدوء
الله يسلمك يا داري كلك واجب..
شهد بضيق
اتفضلي اقعدي..
دارين بقلق
لا لا مالوش داعي كفايه بس اني اطمنت عليه، والف سلامه عليه مره تانيه وربنا يقومهولك بالسلامه..
شهد بهدوء
الله يسلمك..
دارين
بعد اذنكم..
مشيت دارين ويونس بص ليوسف بخبث وقال
فيها الخير والله…
يوسف قام وقف وقال
انا هروح اجيب حاجه من بره وجاااي..
_وطلع من عندهم وبطه بصت لاثره بدموع وهي متبعاه من اول ما دخلت دارين وخصوصاً لما كلمت يونس واتأكدت انه مش ادايق انها جات وهي موجوده، بس هو كان مدايق من اهتمامها بيونس..
وتحت قبل ما دارين تركب عربيتها مسك يوسف ايدها جامد وقال بعصبيه..
يوسف
ايه اللي جابك؟..
دارين
جايه اعمل الواجب، وبعدين سيب ايدي احنا في الشارع..
يوسف بحده
وتيجي ليه اصلا ولا خوفك عليه هو اللي جابك؟..
دارين
وانت يفرق معاك في ايه؟..
يوسف بغيظ
يفرق انك مراتي والتصرفات دي ما تعجبنيش..
دارين بخبث
تمام هسمع كلامك واعملك اللي عايزه بس دلوقتي حالا تيجي معايا البيت وبالليل نروح حفلة خطوبة واحده صحبتي وكمان تبات مهايا النهارده وبطه تبقي عارفه، انت كمان جوزي وزي ما هسمع كلامك تسمع كلامي ولا انت هتمشيني علي مزاجك بس..
جات في الوقت ده بطه وقالت
يوسف معلش يا حبيبي ممكن نروح عشان تعبت شويه..
_ بصتله دارين بخبث وهو اتنهد بضيق وقال؟…
_ تفتكرو يوسف هيختار يروح مع مين؟..
ــــــــــــــــــــــــــــــــــــ
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية موضوع عائلي 2 (الجميله والشعر الأبيض))