رواية غيرة الحب الفصل الخامس 5 بقلم هند إيهاب

رواية غيرة الحب الفصل الخامس 5 بقلم هند إيهاب

رواية غيرة الحب البارت الخامس

رواية غيرة الحب الجزء الخامس

رواية غيرة الحب الحلقة الخامسة

منكرش أنه بيعمل حركات بتخطف قلبي وتحركه من مكانه.
فضلت ييجي شهر بلتزم في الچيم، بشوفه كُل يوم لدرجة أنه بقى جُزء من يومي، لو مشوفتوش أحس أن فيه حاجه ناقصه، بينا كلام وكلامنا وصل لدرجة تليفونات نُص الليل
شعور حلو أنه يمشي من مكان بسبب عدم وجودي فيه.
بقيت بعمل حاجات غريبه، زي مثلًا بقيت أهتم بلبسي، بشكلي، بس الحاجه الوحيده اللي مش بعرف أهتم بيها هي تلقائيتي في الكلام، واللي خلاني مفكرش في أهتمامي بيها أنه حاببني كدا.
أفتكر أن في وقت كلامي معاه وحكاياتي اللي مبتخلصش، بسمع منه كلمه حلوه بعد كُل ده، زي مثلًا، أنا بحب أسمعك، أحكي لي حابب صوتك، حابب تلقائيتك في الكلام من غير ما تحُطي حدود.
كلام بسيط بس بيفرق معايّ جدًا.
الأنسان هيعوز أيه أكتر من شخص حابب وجوده ومتقبله في جميع حالاته.
“تيجي نهرب من كل الدنيا وحدينا، نوصل عند القمرا العليا وحدينا”
كان كوبليه من أُغنية مُصطفي قمر، كان بعتهالي مسدچ
ابتسمت وقولت:
– معنديش مانع
– طب يلا أنزلي
– أنزل فين!!
– هنرجع في كلامنا!!
– لاء
– طب يلا أنا تحت
ضحكت لما شوفت أخر مسدچ منه، لبست سوت ونزلت جري عليه، أول ما شافني، مسك أيدي وبقينا نجري، كُنا بنحاول نبعد عن الناس والدُنيا كُلها.
وصلنا لمكان هادي، مفيهوش حد خالص، رميت نفسي علي الأرض وهو كذلك، بقينا باصين للسما، مكنش فيه غيري أنا وهو والقمر والنجوم شاهده علينا.
بصينا لبعض وكأن عيونا بتقول لبعض كلام وفجأه قال:
– تتجوزيني!!
قومت بخضه وقولت:
– أيه!! أنتَ قولت أيه!!
قام قعد وقال:
– بقولك تتجوزيني يا هند!!
– لالا أنتَ أكيد بتهزر صح؟؟
قام وقف ومسك أيدي ولفني وبعدي باس أيدي وقال:
– عُمري ما كُنت جد قد اللحظه دي، تتجوزيني!!
ابتسمت وأنا شايفه أصراره ولهفته وقولت:
– موافقه طبعًا

تمت

لقراءة باقي حلقات الرواية اضغط على : (رواية غيرة الحب)