رواية توأمي سبب تعاستي الفصل الثالث 3 بقلم نوران أحمد
رواية توأمي سبب تعاستي الفصل الثالث 3 بقلم نوران أحمد
رواية توأمي سبب تعاستي البارت الثالث
رواية توأمي سبب تعاستي الجزء الثالث
رواية توأمي سبب تعاستي الحلقة الثالثة
اتصدم كل الطلاب لما لقو دكتور فهد بيضرب طالب عنده واتجمع الأمن علشان يبعدوه عنه ولما قدرو يعملو كدا بص حواليه لقي رنا بتعيط وخايفه قلم قوي نزل علي وش رنا بقوه قدام الناس كلها وجرها وراه لحد باب العربيه دخلها بسرعه ومشي
فهد : ادام اهلك معرفوش يربوكي والله لاربي اهلك انا بس اصبري عليا
نص ساعه من الهدوء لحد ما وصلو نزلت بسرعه على البيت وهو وراها ولسه هتطلع اوضتها شدها جامد
فهد : مين ده يا محترمه جوليلي بجا انك عايزه تروحي الجامعه علشان الزفت ده هتوجع اي من واحده يتيمه أهلها معرفوش يربوها لا هي ولا اختها الزباله كان لازم اعرف انك زباله زيها بالضبط
رنا بدموع : انا انا ات اتحملتك ك كتير و ولحد ه هنا ك كفايه كدا ز زعيق وبهدله قدام الناس وضربتني قدام الجامعه كلها انا انا مش ه هسكت ابدا علي اللي حصل مهما كنت عملت كان ممكن تحاسبني في البيت مش هنا وقدام زمايلي هوري وشي للناس ازاي بعد اللي عملته سيرتي هتبقا علي كل ل لسان بسببك وانا مبشوفش اللي يستقوي ويضرب واحده ست انه راجل اصلا زي ما انا شايفاك دلوقتي مش راجل
ضربها فهد بالقلم وكل ده قدام الجد اللي اتصدم
رنا وهي بتتصنع الشجاعه : طلقني يا فهد من النهار ده مش عايزه اكون معاك ولا اعرفك اصلا تاني البني ادم مننا رصيد وطاقه وانت جبت اخرك معايا كدا وشكرا خلصت
وطلعت علي اوضتها
فهد : مفيش طلاج ولا في خروج ولا جامعه مره تانيه لحد ما تتربي وتعرفي جيمه اللي معاكي
بصله الجد بقرف وطلع ليها
رنا : اظن انا عملت اللي عليا يا جدي ولحد كدة وخلاص كفايه أنا تعبت ومش هقدر استحمل كل ده تاني لو سمحت يا جدي لو بتحبني اسمحلي اروح اعيش عند خالتي فتره ارتاح فيها واغير من نفسي علي ما حضرتك تخلص أجراءات الطلاق
الجد : معهافرش معاكي كتير يا بتي والحجيجه هو محتاج تربايه صوح العربيه هتستناكي بكره الصبح
تاني يوم في بيت بسيط في اوضه ندي كانت فاتحه لايف
ندي : اهلا بيكم في فقره اسالوني مع ندوش نشوف اول سؤال وهو من نسمه بتقول ( انا عندي مشكله كبيره حماتي عايزه تختار كل حاجه في البيت العفش وكل حاجه من غير ما تاخد رايي وقالت إن من العادات عندهم ان العروسه متشوفش الشقه الا يوم الفرح )
ليه يا طنط في اي هي الشقه من الصعيد هههه اسفه علي الافيه انتي شايفه في مشكله في حماتك غيريها سهله وبسيطه نشوف سوال تاني بقا بيقول
( اي الفرق بين الحما الحربايه والحما الحربوقه )
ندي : الحربايه هي اللي بتبقا حربوقه بس مش بابين عليها بتقعد تتغير في الالوان يعني ممكن لو حطيتيها علي اي كوميدينو هتاخد نفس اللون عادي يا سبحان الله ولكن انا ضد الحربقه علي اي حما حربوقه حربقي انتي بقا علي ابنها وطلعي عين امه كدا تكون خلصت الفقره يا عيال هروح اشوف اهلي بره صوتهم علي سلام
طلعت ندي بره الاوضه لقت امها بتزغرط
حازم بضيق : يا ماما بالله عليكي بقا يا ماما لا
ندي : الله الله الله اي الزغاريط دي مين عندنا بيتجوز يارب اكون انا
حازم : طب بقولك اي هطله بتاعه البيت لسه صاحيه اهي تعالي ناخد رأيها نشوف هتقول اي
ندي : هطله تسلملي يا حبي ده من زوقك ومن عيونك اللي مبيشوفوش
حازم : امك راحت العذا وجيبالي عروسه من هناك بتقولي شكلها حلو في العذا مابالك بقا في الأفراح هتكون عامله ازاي ظابط شهم طول بعرض بعضلات جمال شياكه وكل ده وامي اللي تختارلي عروسه
ندي : معاها حق البنات في العذا بتكون علي طبيعتها مبتحطش اي حاجه علي وشها هما في اي ولا في اي بصراحه امك دي مدرسه
الام : حبيبه امك والله شوف الفهمانا والفهمانه كسبانه
حازم : يعني خلاص كدا لبست
ندي : بقولك اي يا ماما مشوفتيليش عريس كدا في العذا ده يكون حلو وعضلات وكدا
حازم : سيبك من الحيوانه دي ركزي معايا مش معاكي صوره ليها طيب اشوفها
الام : في عريس جايلك بالليل يا موكوسه ظبطي نفسك بقا وانت خد دي صورتها
حازم : يا نهار ازرق علي الحلاوه مش زي جعفر االي عايش معاه هنا ده عمتا ماشي انا موافق
الام : ما كان من الاول يا جدع انت يخربيتك
حازم : خلاص خلاص المهم اني وافقت علي طلبك اهو والأهم انه عن اقتناع جامد البت
الام : الله انت بتتحرش بالبت قدامي ولا
ندي : هو لسه هيتحرش ده اتحرش خلاص امال مكنتش عايز تتجوز ليه وانت كدة اي يا عضلات نخيت كدا ليه
حازم : بت اتلمي وشوفي هتعملي اي عشان عريس الغفله اللي جايلك ده
الام : شوفي يا جزمه انتي مين علي الباب بيرن بقاله شويه يخربيتكم عيال هم
ندي بصدمه : رورو حبيبتي مقولتيش ليه انك جايه احلي مفاجاه دي ولا اي
الام بدموع : تعالي يا عين خالتك يا روحي تعالي في حضني يخربيتك مال وشك يا بت حصلك اي بس
حازم : هولاكو اللي متجوزاه مش عامله لنفسها قيمه ولا كرامه خليها تشيل بقا
الام : اتلم ياض انت متتكلمش معاها كدا تعالي يا عيني اجيبلك تاكل جعانه يا روحي
ندي بضيق : اي ده بقا ده ده انحياز محزوق
رنا : معلش يعني اي ده دي لغه جديده ولا اي
ندي : يعني انت بتنحاز لحد بحزقه فهمتي
حازم : بحزقه زي بحرقه كدا صح
الام : وكسه عليكم الا ما في حد عاقل وعدل نضفو البيت عشان العريس اللي جاي ده وانت معاهم اهو نستفاد بالعضلات دي في حاجه بصتله ندي ورنا وفضلو يضحكو عليه بصلهم بضيق وبدأ شيل السجاد
عدت الساعات وجه العريس
ندي : يا مامي مش عايزه لا مش عايزه اتجوز لا
الام : مش كنتي عايزه تتجوزي يلا يا بت اطلعي للواد قاعد لواحده طلعت
ووقفت رنا و حازم يتصنتو عليهم وهما بيضحكو
العريس أمجد : منوره يا عروسه ما شاء الله زي القمر عايزين بس ننول الرضا
ندي بضيق : ازيك يا عريس عندي شويه طلبات كدا عايزين نشوفها طلع نوته واكتب ورايا هما شويه حاجات صغيره كدا ولا نفركشها
أمجد : نفركشها عادي
ندي : اول حاجه الشنطه والشقه والسجاد والستاير والمفروشات عليك ولا نفركشها
أمجد : عادي نفركشها
ندي : العفش بقا عايزينه من دمياط والخشب من السعوديه وياريت تروح تقطع معاهم الخشب هناك كدا بتاع 6 سنين كدا ولا نفركشها
أمجد : نفركشها
رنا وحازم فضلو يضحكو علي اللي بيحصل فتره لحد ما جت الام شبشبت ليهم ووقفت معاهم تتصنت
ندي : الاجهزه والشفاطات والمطابخ والحمامات عليك وهدومي عليك وامي تجيب ليها زيي عشان بحب الوليه دي بصراحه ولا نفركشها
أمجد : نفركشها
ندي : انا اخر واحده اتكلم في الفلوس فلوسك بتاعتي مرتبي ليا ولا نفركشها
أمجد : انتي عارفه امك اللي قاعده جوه دي خليكي قاعده جنبها السلام عليكم
ندي : هيح وهو زعل ليه ده
الام وهي ماسكه الشبشب : انا هقولك يا روح امك
طلعت تجري تصوت ورنا وحازم فضلو يضحكو عليها
أما في الصعيد
فهد بصوت عالي : رناااا هي فين ما تتكلمو
ناديه : راحت عند خالتها يا ابني
فهد بغضب : إزاي تعمل كدا من غير ما تستأذن انا هروح اجيبها من شعرها
الجد : امضي علي ورج الطلاج ده يا فهد ووو فجاه
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية توأمي سبب تعاستي)