رواية متمردتي الصعيديه الفصل الرابع 4 بقلم نوران أحمد
رواية متمردتي الصعيديه الفصل الرابع 4 بقلم نوران أحمد
رواية متمردتي الصعيديه البارت الرابع
رواية متمردتي الصعيديه الجزء الرابع
رواية متمردتي الصعيديه الحلقة الرابعة
في المدرسه
دخل محروس بعصبيه مكتب غزل وفتح الباب برجله بعنف وبص لغزل بقرف وقال للرجاله
محروس : جيبوها بره اني عربيها كدام الكل تكون عبرت للي يفكر بس يجرب من ولدي
سحبوها الرجاله لبره وقفت وسط حوش المدرسه والطلاب والمدرسين واهالي البلد بيتفرجوا باهتمام
صبحي : اخيرا جه اللي يربيها مستنيك من زمان يا باشا دي معتشوفش حد واصل وطايحه في الكل محدش جادر عليها واصل اني معاك
بصتله غزل بقرف
غزل : دخول المدرسه بالشكل ده وانك تلمسني اصلا مش هيعدي
محروس : ولا تعرفي تعملي حاجه جوليلي بجا مين اللي اتجرأ يضرب ابني انتي معتعرفيش ابني ولد مين عاد اني من كبارات البلد انتي اتجنيتي عاد انتي في بلدي يا بت كيف حرمه تضرب راجل
غزل : انا اللي اتجننت بردو يا راجل يا مهزق انت اللي في مدرستي ومش عارف تتكلم بأدب طبيعي من شابه اباه فما ظلم وعلي فكرة بقا انت اللي متعرفش انا مين
محروس : لع ده انتي شكلك اتجنيتي اياك أنتي فاكره نفسك مين يا بت اني ابني يعمل اللي هو عايزه اني دخلته مدرسه حكومه بايظه عشان يعمل اللي هو عايزه هو حر معتجرفينلش عاد يا بت البندر مش انتي اللي هتصلحي المايله يعني
غزل : الحريه مش ده معناها المفروض تعلم ابنك يعمل الصح مش يعاكس ويضايق بنات الناس ده ملوش علاقه بالحريه ده اسمه تسيب وانت بنفسك اللي هتوصل ابنك للأحداث بالشكل ده لازم يبقا في شده ومش كل حاجه تكون متاحه كدا وأدام بحاول وفي فرصه اه هقدر اصلح المايله وهعمل اللي رجاله بشنبات معرفوش يعملوه
محروس : اني ممكن اوديكي في داهيه بشكوه صغيره كيف معلمه تضرب طالب شكلك اصغيره ومعتعرفيش حاجه واصل بس الصغيره بيتربي وبيتعلم واني عربيكي زين جوي يا بت البندر
عم عباس : ما مابلاش يا بيه معتعرفش دس عتجرب لمين عاد متعملش عداوه معتعرفش اي اللي حوصل لما جربت منيها بس
غزل بثقه : عادي اعمل كدا وانا هجمع كل الطالبات اللي ابنك أتعرض ليهم وضايقهم يعملو محضر وابقا سلملي علي مستقبل ابنك يا ابو الرجال انا متهددش
محروس بغضب لعباس : عتكون مين يعني عشان اخلي بالي من تصرفاتي معاها وبص لغزل أنتي معتعرفيش انتي بتتحدثي مع مين لساتك معتعرفيش حاجه عن البلد بس ضربك لولدي معيعديش اكده واصل ده ولد الهلالي و شكلك مشوفتيش تربيه واصل معتعرفيش كيف تتعاملي مع اسيادك بس ملحوجه هربيكي زين يا بت البندر و ولدي ميعوزش حاجه وارفضهاله واصل هتوها يا رجاله
غزل بسخريه : طبيعي الولد يكون مش راجل طالع لابوه مش متربي اتوقع اي من واحد أبوه بالشكل ده
قرب منها محروس بعصبيه وغضب ورفع ايده ولسه هينزلها علي وشها مسك ايده شيخ البلد
محروس بخوف : شيخ البلد عتعمل اي اهنه عاد اني اني اسف بس الحرمه دي اتعدت عليا ومحتاجه تربايه ولازم اجيب حجي مش واحده من البندر عتيجي وتعلم علي ولد بلدك ولا اي يا بيه
مراد بغضب : كيف بتضرب حرمه لع واي كمان تبعي بصلها بغضب
محروس : معرفش والله انها تبعك لو عايز احب علي يدها دلوجيت بس معتزعلش مني واصل
غزل بفخر من وري مراد وهي سعيده ومبتسمه : دلوقتي احب علي يدها مش كنت نافش رشيك اي اللي حصل يا سبع الرجال ناس ما تجيش غير بالعين الحمره صحيح وبصت لمراد بابتسامه اتحولت في ثواني لخوف وتوتر من نظرات مراد الغاضبه والحارقه ليها خافت ورجعت كام خطوه لوري وبصت في الارض
مراد بغضب : واركبي المخروبه دي علي ما جيلك ليلتك سوده حسابنا مش اهنه في الدوار اتحركي حالا
طلعت تجري بسرعه للعربيه بتاعته بخوف
مراد بعصبيه : عوضين لملي الرجاله اللي اهنه دول اللي معجبهمش تصرفات بت عمي وجيبهم على المخزن شكلنا هنتسلي عاد اليومين دول وروجوهم جوي جوي علي ما جيلكم ورايا حوار تاني وبص لغزل بغضب خافت جدا منه مشي ناحيه العربيه ومع كل خطوه منه قلبها بيدق بشكل غريب وحيره اكيد ده مش خوف صح مبخفش من حاجه ولا بردو حب انا مش بتاعه الكلام ده
ركب مراد العربيه وبدأ يسوق باعلي سرعه
غزل بخوف : اي اللي عملته في نفسي ده يا ربي ده انا هتشلوح احم علي فكره بقا انا مش غلطانه مع الراجل العره اللي لسه سايبينه ده
مراد بغضب : نعم عتجولي اي كل حياتك غلط معتعرفيش الأصول والادب خروجك من الدوار بالشكل ده طبيعي معتستاذنيش من حدي ملكيش كبير اياك ومعملاش حساب اني خطيبك وعكون جوزك وكل شويه عتدخلي حالك بمصيبة جديده واني وراكي ألم وراكي واساعدك مش اكده لع يظهر اني دلعتك زياده جوي يا بت البندر
غزل بحزن مصطنع : اصلا انا زعلانه منك كدا بردو يا ميمو تحبسني كل الوقت ده وكنت خايفه جدا علي فكره وكنت هقولك والله اني هخرج بس لقيتك نايم بقا ممكن بعد كدا نتفاهم بهدوء من غير عنف انا مش ناسيه انك هتكون جوزي بس علي الاقل خليني احبك ها وعلي فكرة انا مش بتاعه مشاكل خالص خالص انت اللي نحس عليا كل ما تيجي تحصلي مشكله وبعدين اي دلعتك زياده دي هو انا اعرفك اصلا عشان تدلعني ولو ده دلع امال زعلك بيعمل اي
مراد بضيق : فعلا اني اللي نحس عليكي باجي جبل ما تتضربي كل مره بثواني واني اللي نحس معايزكيش تشتغلي واصل
غزل : لا بص بقا انت شريك حياتي المستقبلي لازم تفهمني وتعرف تتعامل معايا إزاي ده شغلي وانا بحبه ومهتمه بيه بدل ما تمنعني وتخليني اكرك خليك سندي وجنبي علي طول وشاركني كل حاجه في حياتي صدقني كدا ممكن نقرب اكتر
مراد بعصبيه : جايك اي عاد من الشغل و المدرسه غير وجع الجلب والمشاكل ومعكونش مطمن عليكي واصل واني مش موجود معاكي ليه مهتمه جوي أكده بالشغل اللي عايزاه بس جوليلي عليه وعنفذهولك
غزل : عشان الرجاله ملهمش امان لازم اشتغل ده سلاحي الوحيد ولما اتطلق هعرف اصرف علي نفسي
مراد بغضب : اكتمي يا غزل معايزش اسمع صوتك واصل في الطريج وهحاسبك علي حديثك ده لما نروح
غزل : عارفه اني غلطانه خلاص بقا عديها ومش هتتكرر بجد
مراد : مهعديهاش واصل ومعيزش اسمع صوتك واصل مفهوم
سكتت غزل طول الطريق بتفكر وقلبها بيدق بشكل غريب
وقفت العربيه نزلت منها غزل بسرعه وقلق وقبل ما تدخل لقت كوره بتتحدف اتجاهها من مجموعه اطفال ابتسمت ليهم ونسيت كل حاجه اول ما شافت الكوره فرحت اوي انها هتلعب معاهم شاطت الكوره بكل قوتها وجت في دماغ مراد اتصدمت بخوف وطلعت تجري وهو بيجري وراها دخلت بسرعه استخبت وري جدها
غزل : بيدور عليا بيدور عليا يا جدي إلهي تنستر ابعده عني
دخل مراد بغضب وقرب منها وو فجاه
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية متمردتي الصعيديه)