رواية خطيئة حماتي الفصل الثاني 2 بقلم مصطفى جابر

رواية خطيئة حماتي الفصل الثاني 2 بقلم مصطفى جابر

رواية خطيئة حماتي البارت الثاني

رواية خطيئة حماتي الجزء الثاني

رواية خطيئة حماتي الحلقة الثانية

هيا مرات ابنك علي طول بالنقاب كده مبتقلعهوش خالص ؟
سميره ببرود : اسكتي يختي هيا لابساه علشان شكلها استغفر الله العظيم يارب سودة ومعفنه ده انا حتي بفكر اخلي طاهر يتجوز بنتك عليها علي الاقل يشوف خلقة حلوة ولا اي رايك يا زينة وانتي زينه.
ليل بتدخل بصدمه : عاوزة تجوزي جوزي عليا ؟
حماتها ببرود: وماله ياختي لما يتجوز ده راجل والشرع حلل ليه اربعه وبعدين علي الاقل هيدخل بيته يلاقي بنت حلوه وجميله مستنياه مش واحدة زيك.
ليل بدموع: بعد اذنك يا حماتي متغلطيش.
جارتها بتريقه : هي مغلطتش بنتي شكلها حلو اهي وانتي بنقاب وزي ما عرفت من حماتك انك سودة ووشك يقطع الخميره من البيت مش عارفة انا طاهر زينة الشباب بص لك علي ايه.
صوت من وراهم
: بصيت علي ادبها واخلاقها اللي مش موجود عند حضرتك ولا عند بنتك اللي مدورها ليل نهار مع الشباب .
بصوا للصوت بصدمة.
طاهر ببرود: مش دي الحقيقة يا حلوة ولا اي ؟
البنت وشها قلب الوان وقامت خرجت جري وامها بصت لسميرة بغضب: كلام ابنك علي بنتي ده مش هيعدي بالساهل سلااام
طاهر ببرود: سلام بس يا ريت رجلك متعتبش هنا تاني مفهوم
خرجت بغضب و طاهر بص لامه بعتاب: ليه يا امي عملتلك اي البت الغلبانه دي علشان تعملي فيها كده
سميرة ببرود: انا خايفة عليك منها.
ليل كانت وقفه بتعيط.
طاهر بهدؤء: اللي خايفه عليا منها دي احسن من اي حد انتي تعرفيه كفاية ادبها وأخلاقها عندي بالدنيا والانسان عمره ما كان بالشكل
مسك ايد ليل وباسها وباس رأسها : حقك علي راسي انا ياست البنات انتي مفيش في جمالك ولا حلاوتك دنا بحسد نفسي اني اتجوزتك يا ليل
سميرة بغضب: طيب خدها وغوروا علي شقتكم البت دي متنزلش ليا تاني مفهوم .
طاهر بهدؤء: تمام مفهوم يا امي وانا كذلك زيها مش هنزلك تاني سلام.
خد ليل وطلع شقتهم وسميرة قاعده بغضب علي اخرها…
عند نورهان كانت متابعه الموقف وابتسمت بخبث شديد.
نورهان في نفسها: بتحبها اوي كده ماشي انا هنزلك اللي في بطنها وهقهرك عليها .
عند ليل.
كانت قاعدة جمب طاهر اللي بيهديها: معلش يا حبيب قلبي انا جنبك.
ليل بدموع: انا خايفه اوي يا طاهر
طاهر باستغراب: ليه يا حبيبتي مش عايزك تخافي ابدا انا جنبك وهفضل جمبك لحد اخر نفس.
ضحكت بحب وهو باس دماغها.
عند سميرة حماه ليل
سميرة بغضب: منها لله ربنا ياخدها ليل بنت سعديه دي ، بقا المعفنه دي تاخد ابني مني وتخليه يقلب عليا مااشي انا هوريها
تانى يوم.
نورهان حطت زيت علي السلم عشان توقع ليل.
كارم جوز نورهان كان لسه راجع من السفر جه وقعد مع امه الاول.
طاهر: هنزل انا بقي يا حبيبتي هجيب حاجه من بره وهرجعلك تاني
ليل بخوف: طيب يا حبيبي خد بالك من نفسك.
طاهر بابتسامة: حاضر.
خرج طاهر وليل قالت تنزل تصالح حماتها علشان متفضلش زعلانه من ابنها .
ليل كانت لسه هتنزل علي السلم سمعت صوت صويت من شقة سلفتها الكل طلع وكسروا الباب واتصدموا.
نورهان بدموع زائفه وغضب: الحقني يا كارم اخوك بيتهجم عليا
الكل بصدمة: ايهههه.
طاهر بجمود: كدابة وستين كدابة.
كارم قرب من نورهان و كف نزله علي خدها سمع في البيت كله: دا اخويا يا بنت الـكللب.
نورهان بصدمة: اخوك تصدقه وتكدبني انا ، انا مراااتك
كارم ببرود: اه اصدقه مش اصدق واحدة زيك جاية من الشوارع كلمة تانية هتبقي طالق.
داخلت نورهان الشقة ورزعتها في وشهم طاهر لاخوه: كارم انا والله ما عملت حاجه انا كنت جاي اشوفك ولسه بخبط لقيتها فتحت وبتصوت
كارم طبطب عليه: متدافعش عن نفسك يا طاهر انت مش اخويا و بس انت ابني وواثق انك عمرك ما تعمل حاجه قذره زي دي وانا ليا تصرف تاني مع الحشرة اللي جوا دي.
ليل كانت واقفه بابتسامة علي حب الاخ لاخوه.
سميرة بصت لليل: بتتفرجي علي ايه غوري في داهيه من وشي خشي شقتك
طاهر بزهق: يا ماما بعد اذنك قولتلك ملكيش دعوه بيها
سميرة ببرود نازله من علي السلم مكان الزيت في ثواني معدودة كانت مرمية تحت وعمالة تصوت.
ليل خافت لسه هتنزل طاهر زعقلها : مكانك يا ليل اوعي تتحركي .
نزل طاهر وكارم جري عشان يشوفوا امهم.
ليل بدموع خايفه عليها و طاهر سندها هو و كارم و جابو دكتور ليها…
بعد شوي…
الدكتور: لازم ترتاح وتاخدوا بالكم منها ومتتحركش خالص.
طاهر بهدؤء: تمام يا دكتور.
كارم بجمود: كده انا فهمت انا طالع شقتي.
طاهر بهدؤء: طيب.
طلع كارم لنورهان وهو بيتوعد ليها…
طاهر لاقي ليل قدامه: انتي نزلتي ليه مخوفتيش علي اللي في بطنك.
ليل بهدؤء: محصلش حاجه يا طاهر انا خدت بالي وبعدين مكنش ينفع مش اطمن علي مامتك.
طاهر بهدؤء: طيب.
عند كارم.
مسكها من شعرها بغضب: عملتي كل دا ليهه انطقي لاحسن اوديكي في داهيه
نورهان بدموع تمثيل: معملتش حاجه لحد.
ضربها بغضب: عليا انا ياروح امك انطقيي يا بت.
نورهان بدموع: والله غيرتي عمتني من ليل و عملت كده بسبب امي اخر مره والله.
كارم بغضب: داهيه تاخدك انتي وامك انا ليا حساب تاني معاكم
نورهان بدموع: خلاص سامحني والنبي اخر مرة يا كارم والله .
سابها كارم وبعد عنها ونزل تحت
نورهان بدموع: والله ما هسيبك يا ليل يانا يا انتي من النهارده
اتصلت علي امها.
ام نورهان بغضب : بقي كده تمام مفيش قدامك حل غير انك تحطي ليها حبوب تجهض وتسقط اللي في بطنها .
نورهان بغل: لا مش كفايه عليها انا لازم احرق قلبها.
عند سميرة.
سميرة بغضب: اكيد انتي يا بومه اللي حطتي لي الزيت مش كده
ليل بهدؤء: ليه بتقولي كده يا حماتي
سميرة: بقول كده لانك اكيد عاوزة تخلصي مني و الزيت كان قدام شقتك.
ليل بحزن: ليه يا حماتي واخدة عني فكرة كده دنا اكتر حد هنا بيحبك وبتمني انك ترضي عني وتعامليني كويس ونا هشيلك في عيوني
سميرة: ايوه يا بت اعمليهم عليا اقلعي وش الملاك اللي انتي لبساه ده
طاهر بهدؤء: ليل اطلعي علي فوق واقعدي في شقتك ارتاحي
ليل بحزن : حاضر يا طاهر
طلعت ليل وطاهر طلع وراها.
سميرة بخبث: انا متأكده انك انتي اللي عملتيها بس وحياه ابني لهوريكي يا ليل.
تاني يوم.
سميرة ببرود اتصلت علي ليل: انزلي يا محروسة عشان تغسلي السجاد انا مش قادره و نورهان تعبانه.
ليل بهدؤء: مش هينفع يا حما…
سميرة بغضب وزعيق : لو منزلتليش حالا والله العظيم يا ليل لهتشوفي مني ايام سودة شبه وشك مفهووووم
ليل:حاضر يا حماتي نازله
نزلت ليل عشان تغسل السجاد لاقت نورهان قاعده جنب سميرة.
سميرة ببرود: من غير كلام تلمي هدومك وتمشي برا بيتي.
ليل بصدمة : …….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية خطيئة حماتي)