رواية ميراث الشيطان الفصل الثامن 8 بقلم شروق حسام

رواية ميراث الشيطان الفصل الثامن 8 بقلم شروق حسام

رواية ميراث الشيطان البارت الثامن

رواية ميراث الشيطان الجزء الثامن

رواية ميراث الشيطان الحلقة الثامنة

في زقاق ضيق في أحد المناطق الشعبية للغاية
كان يقف وهو يحاصره بكل برود وجبروت
_: مش قولتلك مهما تهرب هلاقيك يا آسورة
آسر برعب وخوف : عايز مني ايه ؟ انا معملتش حاجة صدقني
الشيطان ببرود : ودي حاجة تفوتني بردوه هعمل نفسي مصدقك انتي عارف قواعدي وقوانيني وانا اللي بحكم في الآخر إذا كنت هخليك تعيش ولا تموت بعد اللي هسمعه منك فيلا ابدأ قدامك دقيقة
آسر متوسلا : متأذنيش ابوس ايدك
_: تيك توك تيك توك
الشيطان بإستهزاء : اللي بيودي لهلاك الإنسان هو كلامه الكتير ولسانه اللي عايز قصه
_: 40 ثانية
_:أنا…أنا….
_: 10 ثواني
_: يا شيطان أنا
_: 5….4….3
آسر بصوت مرتجف : نوح نوح بيه هو اللي قالي اعمل كده هو اللي قالي أسرق الورق من مكتبك
الشيطان بإبتسامة عريضة : ما انا عارف كل حاجة بس انت بقيت خلاص من الخونة
آسر ببكاء : طب أنا آسف انا قولتلك كل حاجة ابوس ايدك سيبني امشي بقي زمانها مستنياني…….
لم يكمل حديثه حتي سقط جثة هامدة علي الأرض
_: الخاين خاين مهما كانت أسبابه وانا مش بسامح اللي يقرب من حاجة تخصني مهما كانت هي ايه
نظر لمسعود الذي ينظر له بخوف وتوتر نظرة كادت أن تسقطه صريعا في مكانه
_: انت اللي اخترت من الأول وشغلنا مفيش فيه تراجع يلا روح شوف شغلك
انهي حديثه ثم ركب سيارته حتي ينتهي مسعود مما يفعله
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
عند منزل شذي كانت صبا تقف أسفله وهي تنادي علي صديقتها بكل صوتها
_:شذذذذذي يا شذذذذي
_: خلاص يا فضيحة نازلة نازلة فضحتيني في الشارع
_:انجزي يابت متأخرين علي درس الفيزياء ومستر أيمن هيعلقنا
_: حاااضر هلبس الكوتش بس
_: ماشي خلصي
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بعد ثلث ساعة
_: هفرقع ياربي انتي ايه يابت باردة ثلث ساعة بتلبسي الكوتش يا مفترية
_: مش كنت بعدل الطرحة وباكل لقمة تسندني
_: اسكتي يا بيئة سوڨاج
_: انا سوڨاج يا بت الله يرحم لما كانت الوالد بيشرب من خرطوم الميه
_: يا حيوااانة طب ايه اللي دخل الحج في الموضوع دلوقتي
شذي بغباء : هي بتتقال كده
_: غببببية فينك يا سهي بقي خديها من قدامي عشان انا قرفت
صبا بشك وحيرة : هو انا ليه حاسة أن احنا معندناش دم خالص
_: ليه بتسالي ده أكيد
_: طب الحمد لله اطمنت علينا البت مخطوفة واحنا نفسنا مفتوحة علي الأكل وبنروح دروس عادي
_: عادي يا بيبي it’s easy الواحد بيعمل موڤ أون بسرعة ههههه
_: طب أقسم بالله لما سهي ترجع لهقولها علي كلامك الدبش يا دبش
اخرجت لها لسانها ثم تركتها وركضت بعيدا حتي لا تلحقها
_: يا شذي استني يا بت انتي مش هعملك حاجة اقفي بقي يابت انتي ماشية من شارع غلط
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
ميراث بإحراج لما ستقوله : احم ماما
_: نعم ياروحي اتكلمي بسرعة عشان اكمل المحقق كونان
_: انا نازلة ادور علي شغلك
_: ماشي يا حبيبتي ادخلي نامي
_: يالولو
أغلقت ليلي التلفاز ثم نظرت لها بحدة : هو انا مقصرة معاكي في حاجة عشان تنزلي تشتغلي
_: أنا بس
_: بس ايه يا ميراث ها قوليلي
_: عايزة اشتغل وأبدا اكمل تعليمي الحاجة التي اتحرمت منها عايزة اعوضها
ليلي بتنهيدة : ماشي يا ميراث ماشي
قفزت ميراث عليها وهي تحتضنها بحب وتقبل وجهها بسعادة : حبيبة قلبي يا لولو ربنا يخليكي ليا يا اجمل ام في الدنيا
_: ويخليكي ليا يا ميمي
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
_: شذي انتي فين انا بدات اقلق عليكي يا شذي
صمتت فجأة وأخذت تستمع بصدمة لما يقال
_:الشنطة جاهزة
_: اه يابيه كله تمام
_: خد الفلوش اهي ومش عايز أشوف خلقتك لفترة
الرجل بعيون تلمع من كثرة المال الذي أصبح بحوذته : تؤمر يا سعادة البيه
رحل الرجال ثم ظل هو واقفا مكانه انتبهت صبا ثم اختبئت سريعا
_: شكل فيه قطة صغيرة موجودة بتلعب
حاولت صبا الهروب لكنه كان أسرع منها وضغط علي عرق معين بإحترافية فوقعت بين يديه مغمي عليها
_: دي آخري اللعب مع الكبار يا حلوة ههههه
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
_: يا اهلا يا مرحب باختي حبيبتي اتفضلي البيت بيتك تعالي يا سولي وحشتيني يا بت كبرتي كده امتي
_:هههه الوقت يا خالتو الوقت مفيش حاجة بتفضل علي حالها
_: ازيك يا سلسبيل وحشتيني
_: كويسة يا ممدوح
أكملت بهمس : كنت بس بعد ما شوفتك تعبت وعايزة ارجع يععع
أسماء بقرف : عاملة ايه يا سلسبيل لسه وحشة زي ما انتي
سلسبيل بهمس : معلش يا حبيبتي اللي علي رأسه بطحة بقي وعلي العموم انا كويسة طول ما انتي بعيد عني
_: يابجحتك يا شيخة معندكيش مكان تروحيه وجاية لحد بيتنا وبتهيني صحابه
سلسبيل ببراءة مزيفة: هو انا اتكلمت
أكملت بدموع مزيفة هي الآخري : شوفي يا خالتو أسماء بتعاملني ازاي حقيقي متوقعتش منها كده دي بتتطردني وبتقولي مليش مكان هنا
مريم بحدة : ايه أسماء الكلام ده اتأسفي لبنت خالتك والا هتصرف معاكي بأسلوب مش هيعجبك
_: ياماما انا معملتش حاجة هي اللي
_: يلاا
أسماء وهي تجز علي أسنانها بعصبية : اسفه
تركتهم وذهب لغرفتها وهي تتوعد لها بشئ كبير
_: متزعليش يا سولي منها هي زي اختك الصغيرة
سلسبيل بخبث : فعلا يا خالتي وانا مش زعلانة
مريم بحب : ربنا يكملك بعقلك يا حبيبتي نفسي البت بنتي تبقي عاقلة زيك
سلسبيل بتوعد : متقلقيش يا خالتو قريب قوي هتعقل ان شاء الله
_: ان شاء الله ادخلي ارتاحوا شوية علي ما اعمل الغدا
تسنيم بحب : ماشي يا حبيبتي
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ميراث الشيطان)