رواية حب حلال الفصل الثاني 2 بقلم سلمى هيكل
رواية حب حلال الفصل الثاني 2 بقلم سلمى هيكل
رواية حب حلال البارت الثاني
رواية حب حلال الجزء الثاني
![حب حلال](https://darmsr.com/wp-content/uploads/2024/07/حب-حلال.jpg)
رواية حب حلال الحلقة الثانية
اول ما دخلت اتصدمت كان نفس الشخص اللي وقف معايا في فرح محمد
– تعالي يا حبيبتي اقعدي
-كان صوت ماما اللي فوقني من الصدمة اللي كنت فيها قعدت و سمعته بيتكلم
– انا اتشرف يا عمي اني اطلب ايد الآنسة زينة بنت حضرتك
– الشرف ليا طبعا الرأي رأي زينة احنا نسيبكوا مع بعض تتكلموا و انا هقعد في البلكونة قدامكوا اهو
بابا سابنا و طلع و كنت متوتره شوية
– ازي حضرتك يا آنسة زينة
– – الحمدلله بخير
– اتفضلي لو عايزة تسأليني عن حاجة
– =….
– طب تمام انا المهندس يوسف بشتغل في شركة كبيرة مرتبي الحمدلله كويس جدا عندي شقة جاهزة و متشطبة و مستوايا المادي الاجتماعي الي حد ما كويس
– طب انا مش موافقة
– ممكن اعرف السبب
– انا ليا شرط او بمعني أصح طلب و لو انا طلبته عارفة ان انت مش هتوافق عليه
– مين قالك اني مش هوافق اي نعم انا مش عارف ايه هو الطلب بس ايه اللي خلاكي تقولي كده
– اللي خلاك تيجي تكلمني و توقفني في الفرح كده يبقي مش هتوافق علي طلبي
– علي فكرة انا كمان عندي طلب
– ايه هو
– قولي أنت الاول
– و ليه متقولش أنت الاول
– طب خلاص كل واحد يكتب طلبه في ورقة و نبدلها مع بعض
– تمام
طلع ورقة وقلم من جيبه و قسم الورقة نصين و اداني ورقة و هو ورقة كتب طلبه في الورقة بتاعته
وانا كمان كتبت طلبي في الورقه بتاعتي و بدلناها مع بعض اتفاجأت من طلبه اللي هو كان نفس طلبي و هو كمان اتفاجئ من طلبي اللي كان نفس طلبه بصلي و قالي
– ببقي كده اعتبر ان فيه موافقة
– هصلي اسخارة و اخلي بابا يرد عليك
– تمام و إن شاء الله يكون ردك بالموافقه
– ربنا يقدم اللي فيه الخير
– بابا دخل و الباقيين كلهم دخلوا و قالهم ان حصل قبول و موافقة مبدئيه و قبل ما يمشوا
لقيت مامته قالتلي
– هاتي رقمك بقا يا زوزو عشان نبقي أصحاب
استغربت منها شوية
– متستغربيش كده انا مش عندي بنات و مصدقت ان حصل موافقة ولو حتي مبدئيه فأنتي من النهاردة بنتي حتي لو محصلش نصيب برضو هتبقي بنتي و نفضل صحاب
– طبعا يا طنط انا يشرفني
– بلاش طنط ديه قوليلي لولا زي الواد يوسف كده
ضحكت بهدوء
– ماشي يا لولا
و مشيوا من عندنا لقيت ماما و علي وشها الفرحة
– اخيرا يا حبيبتي ربنا يكملك علي خير
– ايه يا ماما هو خلاص كده و بعدين انا لسه هصلي استخارة
– ماشي يا حبيبتي ان شاء الله توافقي
– ان شاءالله يا ماما
دخلت اوضتي و غيرت هدومي و اتوضيت و لبست إسدالي و صليت استخارة بعدها حسيت براحة رهيبة قررت أبلغ بابا موافقتي بكرة
تاني يوم
– بابا انا موافقة
– يعني اكلمه اقوله تمام
– ايوة
لقيت ماما مرة واحدة مزغرطة
– مبروك يا حبيبتي الف مبروك
– الله يبارك فيكي يا حبيبتي
و بالفعل بابا كلمه و حددوا معاد لقراءة الفاتحة و الخطوبة
والنهارده كانت الخطوبة و قراءة الفاتحة مع بعض كنت لابسة فستان ابيض رقيق جدا و مكنتش حاطة ميكب خالص كنت عاملة ماسكات بس
قرأنا الفاتحة و جت فقرة تلبيس الشبكة مكنتش عارفة اقول له ايه لقيته بص لمامته بصة هي فهمتها و جت لبستي الشبكة كنت مبسوطة جدا لأن أخلاقه كانت عاليه و مرضاش يلمس ايدي
– مبارك يا زينة
– الله يبارك فيك يا يوسف
الخطوبة خلصت علي خير و بقينا ننزل مع محمد و بسملة و لما ييجي سرن عليا يبعتلي رساله قبلها عشان لو بابا مش فاضي و لو حصل و بابا مكنش فاضي كنت مامته هي اللي بتقعد معانا و احنا بنتكلم و جهزنا شقتنا بكل حاجة و كانت حلوة جدا كنت مبسوطة و حسيت كده اني حبيته بس طبعا مكنتش ببين ده
لحد يوم الفرح لبست فستان جميل جدا و عملت ميكب هادي جدا
لحظة كتب الكتاب كنت متوتره بدرجة لا توصف دقات قلبي عالية جدا سمعت الشيخ بيقول
– بارك الله لكما و بارك عليكما و جمع بينكما في خير
لقيته جه قدامي و قلعتي الدبلة من ايدي اليمين و لبسهالي في الشمال و حضني مرة واحدة لدرجة اني اتخضيت مش مستوعبة انو حاضني عادي كدا حسيت بحاجة سخنة تخللت الحجاب و حسيتها علي رقبتي ببص ليه لقيته مدمع
– هو ..انت بتبكي ايه
– مش مصدق الصراحه ان انت دلوقتي بقيتي مراتي لما شوفتك في الفرح بتاع اخوكي لفتي نظري مع انك مكنتيش لابسة اي حاجة ملفته اصلا و هتصدقني انى حيبتك من اول ما شوفتك
– انا كمان حبيتك اوي
– طب هو الفرح ده هيخلص امتي
– لسه ما هو الفرح حلو اهو
– عايزين نروح بقا
بعد سنة علي الفرح النهاردة عيد جوازنا الاول
و قاعدة بفكر هجيبله ايه اتصلت بلولا
– ايوة يا لولا عاملة ايه
– الحمدلله يا قلب لولا انت عاملة ايه
– الحمدلله..بقولك النهاردة عيد جوازنا اجيبلايه بقا
– بقولك ايه تعالي ننزل نلف في وسط البلد كده و نشوف
– ماش انا قايمه البس اهو
بعد مده نزلنا و قعدنا نلف و حسيت بدوخة شوية
– ايه مالك يا حبيبتي
– مفيش ..دايخة بس شوية هشرب عصير و هبقي كويس..
مكملتش كلامي و اغمي عليا لولا قعدت تفوقني لحد ما فوقت شوية و روحنا عند الدكتورة
– مبروك المدام حامل
– ايه انت متأكده يا دكتورة
– ايوة والله و كمان حامل في شهر و نص
– اظن ديه احسن هدية يا زينة مش هينساها العمر كلو
– ايوة عندك حق يا لولا ..لو سمحت يا دكتورة ممكن صورة من السونار
– طبعا يا مدام
روحت البيت و عملتله الاكل اللي بيحبه و نفخت بلالين كتير و جبت بلونه كبيرة مميزة و حطيت فيها صورة السونار و لبست فستان بيبي بلو لبعد الركبة و عملت شعري
جه من الشغل و لقاني مجهزة كل حاجة
– ايه الحلاوة ديه كلها كل سنة وانت حياتي يا حياتي
– و انت طيب تعالي بقا عشان ناكل
اكلنا و خلصنا اكل
– تسلم ايدك يا حبيبتي
– الله يسلمك ..فين هديتي بقا
طلع علية من جيبة كام فيها سلسله دهب عليها اسمي و اسمه كانت رقيقه اوي
– فين بقا هديتي
مديتله ايدي بدبوس
– اتفضل
– ايه ده
– فرقع البلونة الكبيرة ديه
– فيها ايه يعني
– افتح وانت تعرف
فتحها و مسك الورقة
– ايه ده
– مش عارف
– لا
– اصل النهاردة تعبت و روحت للدكتورة
رد بلهفة – مالك انت كويسة صح
– ايه يا حبيبي كويسة والله بس قالتي ان كمان شهور هيبقي فيه فرد جديد في العيلة
– انت قصدك انك …
– ايوة حامل
حضني بفرحة و لف بيا
– انا مش مصدق نفسي
– انت نفسك في ايه بقى
– اللي يجيبه ربنا كويس بس الصراحه نفسي في بنت
– اشمعنا بقا
– البنات بتبقي حنينة علي ابوها كده
– ماشي
بعد سبع شهور و نص في المستشفي خرجت الممرضة و في ايدها بيبي و سلمته ليوسف
– الف مبروك بنوته زي القمر
يوسف مسكها بفرحة و إذن في ودنها
– طب زينة عاملة ايه
– المدام كويسة جدا الحمدلله و هننقلها أوضة عادية
بعد مدة في الاوضة عند زينة
– ماشاء الل جميلة اوي يا يوسف
– طالعالك يا قلب يوسف
محمد – نحن هنا علي فكرة
– ايوة يعني اعمل ايه اهلا بيكوا
– الواد ده بقي كده من ساعة اما اتجوز البت زينة طبعت عليه باين
– احترم نفسك يا محمد لولا اني تعبانه كنت قومتلك
– لاء و علي ايه الطيب احسن
كلنا ضحكنا
– هتسميها ايه يا حبيبي
– فرحة ..
– اشمعني
– لاني اتعرفت عليك في فرح و كمان عشانيبقي اسمها فرحة يوسف فهي فرحتي بجد
– كده هغير بقا
ضحكنا كلنا و كملنا حياتنا في سعادة طبعا مش خالية من المشاكل بس كنا بنتخطاها
واخيرا احب اقول ان الحب في الحلال احسن بكتير
# تمت
لقراءة باقي حلقات الرواية اضغط على : (رواية حب حلال)
تحفه
روعه
استمر
فين البارت الثاني