رواية بنت الشيطان الفصل السابع عشر 17 بقلم رحمة نبيل

رواية بنت الشيطان الفصل السابع عشر 17 بقلم رحمة نبيل

رواية بنت الشيطان البارت السابع عشر

رواية بنت الشيطان الجزء السابع عشر

رواية بنت الشيطان الحلقة السابعة عشر

نظر لها مالك بغضب جحيمي ودماءه تغلي في عروقه رأت هي نظرته لها وقع قلبها رجعت للخلف بخوف ورعب شديد منه اقدم هو لها بخطوات تشبه الأسد الذي ينقض علي فريسته ومسك زراعها وغرز اصابعه بشده فيه قال بجنون وصراخ / عملك ايه ها الكلب ده عملك ايه
نور وهي تهز رأسها ببكاء شديد / لا مش عمل حاجه
مالك بجنون / كدابه انطقي عمل ايه يانور بدل ما اتجن اكتر
نور بصراخ وهي تنفض يده / حاول يغتصبني
وقف ينظر لها بصدمه وقلبه يؤلمه ولكن لم ترأف بحالته وزادت أوجاعه حين قالت / مش بس كده ده كان عامل حفله علي شرفي
نظر لها وهو يترجاها ان تتوقف وان تكذب ماقالته
نور وهي تتجاهل المه صرخت بانهيار / جاب صحابه كلهم يسهروا في البيت ومكانش فيه حد غيري لاني كنت بذاكر وكلهم راحوا فرح هو وصحابه سكروا وبدأوا يخرفوا الباشا عرض عليهم انهم يستمتعوا الليليه علي حسابي اخدهم وطلع اوضتي كنت بذاكر لقيته داخل عليا هو وصحابه كنت لسه 13 سنه مش فاهمه حاجه قرب مني وشدني وقعد يلمس جسمي بطرقه قذرة ويحاول يبوسني بالعافيه لما قاومت خلي صحابه يمسكوني وقطع لبسي كله و….
مالك بصراخ هز القصر كله /كفايه مش عايز اسمع حاجه
نور بعند وبكاء / لا هتسمع مش انت عايز تعرف عمل ايه قرب عليا وكان عايز ينهي حياتي بس بابا لحقه لانه رجع يطمن عليا ومن ساعتها كان عثمان بيضاقني ويستغل اي فرصه عشان يقرب مني بطريقه قذره لحد مادخلت في حاله نفسيه بابا بعتني اكمل تعليمي هنا عند خالتو قعدت سنه مش بتكلم بسبب الصدمه يامالك دمر حياتي بس انا مرضتش اني استسلم ورجعت اعيش حياتي تاني بس هو ما استحملش اني اعيش سعيده وجه وكان عايز يتجوزني غصب عني انا مش وحشه يامالك والله
نظر لها وقد وصل لاقصي درجات الغضب ولكنه تحكم بنفسه لأجلها مد يده لها نظرت هي له بدموع غزيره وانطلقت لاحضانه رفعت نفسها وضمت نفسها له بينما هو يطحنها في احضانه ويشدد عليها وهي فقط تبكي
مالك وهو يربت علي شعرها / اششششش بس ياقلب مالك متبكيش وحياه نور عندي لهجبلك حقك يانور واذله قدام عينك
نور وهي تبكي في حضنه / متسبنيش يامالك والله انا مش وحشه بس مش قادره لما قربت مني افتكرته والله غصب عني
مالك وهو يقبل شعرها / خلاص اهدي ياروح مالك انا مش زعلان منك ياروحي اششش اهدي خالص وانا عمري ما هقرب منك غير لما انتي تبقي عايزه كده
ابتعدت نور عنه ونظرت له بشكلها المهلك خدودها الحمراء وانفها الأحمر من البكاء
مالك وهو يزفر بضيق / اللهم اغزيك ياشيطان يابنتي ارحميني لسه بقول ايه من شويه هتخليني ارجع في كلامي
خجلت نور من كلامه ودفنت وجهها في رقبته اغمض عينيه ليستحضر كل ذره ثبات تعلمها في حياته أين ذهبت تدريبات الثبات وعدم الضعف أمام اي اغراء ذهبت كلها مهب الريح مع نظره واحده منها
امال مالك جسده قليلا وحملها علي يده شهقت هي بخجل ودفنت وجهها في صدره صعد بها علي السلم ودخل غرفه مجاوره لغرفته وضعها علي الفراش وذهب للحمام خرج بعد دقائق وحملها ووضعها في الحمام
مسح علي شعرها كأنها طفلته / يلا استريحي انتي وخدي شاور بعدين نامي واستريحي لان بكره هنسافر اوضتي جنبك علي طول اي حاجه تحتاجيها تعاليلي اتفقنا
هزت نور رأسها بايجاب توافقه
خرج هو من غرفتها وبمجرد إغلاقه للباب تغيرت نظرته وعاد الشيطان ليخرج منه من جديد
💭💜…………………….. 💜💭
كان محمد يجلس بشرود ويفكر في مشكله عمر التي حكاها له لم يتوقع ابدا في حياته ان يكون حميد الشرقاوي بمثل هذا الشر
قطع شروده صابرين وهي تجلس بجانبه وتضع يدها علي كتفه بمشاكسه / ماله الباشا سرحان في ايه
محمد ببسمه علي زوجته وحبيبته التي تمناها كثيرا / ولا حاجه يا قلب الباشا سرحان في قمري اللي قدامي
صابرين بخجل / بس بقي بتكسفني الله
محمد بضحكه عاليه / بكسفك يابت ده انتي بتت
قاطع كلامهم صوت طرقات علي الباب كانت صابرين علي وشك ان تنهض
محمد / خليكي انتي انا هشوف
صابرين وهي تتجه للمطبخ / أشطا وانا هشوف الاكل اللي علي النار
اتجه محمد وفتح الباب فتح عينه بصدمه لما يراه أمامه كانت امرأءه ترتدي ثياب عفوا ترتدي قطعه من القماش تغطي مفاتنها فقط
غض محمد بصره وانزله في الأرض وقال / نعم
الفتاه وهي تنظر لمحمد بدهشه علي وسامته تحدثت بدلع / هاي انا هايدي جارتكم الجديده هنا معلش يا استاذ..
محمد / احم محمد
هايدي / استاذ محمد كنت عايزه مفك صاليبه
خرجت صابرين من المطبخ وهي تمسح يدها / مين يا محمد اللي علي…..
نظرت لها صابرين بفم مفتوح / ايه ده
نظر محمد لصابرين بخوف ثم بلع ريقه من رده فعلها………
💭💜…………………….. 💜💭
كان عمر يجلس وهو ينظر في النسخه من الملف امامه فهو صنع نسخه من الملف حتي يستطيع أن يفهم اكثر جاءت جنه جلست بجانبه /مالك ياعمر من ساعه ماجيت وانت ساكت
عمر وهو ينظرلها بشرود / ولا حاجه ياجنه المهم انتي اكلتي
هزت جنه رأسها بخجل / الحمدلله وانت أكلت ولا لا
عمر وهو ينظر لها ببسمه عاشقه / لسه ما اكلتش لحد دلوقتي
نهضت جنة بسرعه ظ هروح احضر الاكل بسرعه
عمر وهو ينهض ويمسك يدها مما جعلها ترتجف بين يده / يلا وانا هساعدك
اخذ عمر يدها وانطلق للمطبخ جنة تجهز الطعام وهو يساعدها بالتأكيد لا يخلو للأمر من تغزله بها
استيقظت سمر وتوجهت للمطبخ لتشىرب ولكنها توقفت عندما رأت عمر وجنة يتحدثون معا ببسمه عادت مره اخري ولم ترد ازعاجهم عادت لغرفتها وهي تدعي لهم بالصلاح
💭💜……………………. 💜💭
كانت ساره تجلس وتفكر في عرض مازن لها بالزواج هل توافق عليه وتتخلص من ذل وعذاب زوجه والدها ام ترفض اخذت تفكر طوال الليل 🌃 حتي اتخذت قرارها وستنفذه غدا
💭💜……………………… 💜💭
في قصر الشيطان كان مازل يعذب عثمان منذ ثلاث ساعات لم يرحمه وهو يعذبه بطرق مرعبه انتهي من ضربه وقف وهو يتنفس بسرعه واتجه لثلاجه صغيره في نهايه الغرفه وأخرج منها علبه دواء واخذ حقنه وذهب له وحقنه بها ثم ألقاها بجانبه وعثمان لا يشعر بشئ سوي انه يتألم حد الجحيم نظر له مالك بقرف وتركه ورحل دخل غرفته واتجه للحمام واستحم ثم خرج واستلقي علي الفراش وهو يتذكر مقتحمه أحلامه وهي بين زراعيه
استيقظت من نومها وجدت المكان مظلم تماما نظرت حولها بخوف
نور / شيطان شيطان
ضحكت نور للحظه علي نفسها / النور قاطع وبنادي علي الشيطان هههههههههه
ايه العبط ده بضحك في وقت زي ده مفيش دم خالص
ثم نهضت من علي السرير وأخذت تسير بحذر حتي خرجت من الغرفه واتجهت ناحيه غرفته وهي تنادي / شيطان انت هنا شيطان انا بخاف من الضلمه شيطان
كانت دموعها بدأت تهبط وتتخيل اشياء حولها جلست في الأرض وأخذت تغمض عينها وازداد نحيبها وتصرخ باعلي صوتها / شيطااااااان مالك الحقني
نهض مفزوعا من نومه واتجه للخارج وجدها تجلس علي الارض وتضم قدمها لها مثل الطفل اقترب منها بسرعه واحضنها ارتجف جسدها
مالك بحنان /اششش اهدي يا نوري انا هنا ياقلبي اهدي
نور بدمع وهي تدفن نفسها فيه / بخاف من الضلمه
حملها مالك وتوجه لغرفته وتسطح علي السرير وجذبها له / خلاص نامي معايا دلوقتي متخافيش دلوقتي يقيد
غمض مالك عينيه لينام لانه متعب جدا
نور وهي تنظر لملامحه الجميله جدا / مالك
مالك وهو يحاول النوم /هممممم
نور بتعجب / هما ليه بيقولوا عليك شيطان
مالك وهو يجذبها له أكثر ويدفن رأسها في شعرها وبصوت ناعس / عشان انا وحش
نور باعتراض / بس انت مش وحش انت كيوت وطيوب
فتح مالك عين واحده ونظر لها بحاجب مرفوع / كيوت
نور / اها عشان انت وافقت تدربني رغم انك متعرفنيش ودايما بتساعدني لو وقعت في مصيبه
مالك بصوت ناعس / مين قال اني معرفكيش انا اعرفك من زمان
نور / من زمان ازاي
مالك / نامي دلوقتي والصبح نتكلم
مر بعض الوقت نور بهمس / مالك انت نمت
مالك / اه نمت
نور / ازاي وانت بترد عليا
مالك / ماهو انا بتكلم وانا بنام
نور / مالك هو انت ليه بتساعدني علي طول
مالك وهو يضمها اكثر / عشان أنا كيوت وطيوب
اقتنعت نور بكلامه /فعلا انت طيوب اوي
مالك وهو يضع وجهها في عنقه / اسكتي بقي ونامي
نور / طيب سيبني طيب عشان انام
مالك / لا هتنامي كده نامي بقي
نظرت نور له ببسمه وذهبت في النوم وهي تعانقه ولأول مره تشعر بهذا الكم من الراحه التي تغمرها عند نومها
💭💜………………………. 💜💭
محمد / ما خلاص يا صابرين اهي غارت ياريتها ماجت
توقفت صابرين عن التحرك فجأه / انت ماشوفتش كانت لابسه ايه اه سوري دي مكانتش لابسه اساسا ما شوفتش مكانتش لأبسه ايه
محمد وهو ينهض ويحتضنها / ياقلبي وانا مبصتش اساسا عليها انا حطيت عيني في الأرض علي ومبصتش معقول ابص لحد غيرك انتي لحد دلوقتي مش عارفه انا بحبك ازاي انا بعشقك ياصابرين
صابرين وهي ترفع عينها له / بجد انا ربني رزقني احسن هديه وهي انت يامحمد
عانقها محمد / ايه الكلام السكر ده ياناس مقدرش انا علي الحلاوه دي خالص
صابرين وهي تعانقه بشده اكثر / بحبك يامحمد
توقف محمد عن مشاكستها ونظر امامه بصدمه / انت قولتي ايه
صابرين وهي تمسك وجهه / بحبك يامحمد ومن زمان وكنت مفكره انه حب اخوات او صداقه بس لا ده كان حب عشاق يامحمد انا عمري ماحبيت عمر انا بس كنت معجبه بيه
عانقها محمد بشده / اه ياصابرين لو تعرفي فرحتي قلبي ازاي بعشقك
💭💜……………………… 💜💭
في الصباح استيقظت سمر وارتدت ملابسها واتجهت لعملها فهي منذ فتره لم تذهب للأطفال هناك
دخلت سمر للمدرسه واتجهت للفصل الخاص بها بسرعه وصدمت مما تري
💭💜……………………. 💜💭
وصلت ميار ووالدها لحاره قديمه جدا حيث ينتشر الجهل والتخلف والبلطجه دخلت مع والدها وهي تسحب حقيبتها وتضع منديل علي انفها وتسير بثيابها التي لاتتفق ابدا مع ما يحيط بها من عشوائيات كانت تسير وهي تنظر بقرف للناس فجأه شعرت بشئ لزج علي قدمها نظرت وجدته دم نظرت له برعب ثم نظرت وجدت امرأه تذبح دجاجه امام منزلها والدجاجه تتحرك بعشوائيه فاصابها الدماء في ثيابها وقدمها نظرت واصبحت تسب المرأه وتلعن وفجأه قامت احدي الناس برمي وعاء من المياه القذره علي رأسها صرخت ميار بهياج ونظرت لفوق وجدت المرٱه تبتسم بشماته عليها لأنها كانت تهين جارتها دخل والد ميار للحاره فقد كان يركب سياره الأساس الذي احضره وجد ابنته بهذا الشكل نظر لها بسخريه وقال بصوت سمعته هي فقط / اهلا بيكي في الحاره يا ميار هانم
نظرت ميار لظهر والدها الذي يسير ببرود وذهبت خلفه وهي تكاد تموت من الغيظ وتتوعد لكل من ساهم في اذلالها
*لاوعاوزين تخشو الجروب الروايات علي الواتساب كلموني علي الرقم ده*
‏*https://wa.me/+201288715026?text=ممكن-ادخل-جروب-الروايات-
استيقظ مالك قبل نور نظر لها بحنان وقبل جبينها
نهض من جوارها ودخل ليستحم بعد مرور دقائق على استيقاظ مالك نهضت نور بشعر مشعت وهي تنظر حولها بتعجب حتي تذكرت كل ما حصل خجلت عندما تذكرت نومها بين زراعيه دقائق ووجدت مالك يخرج من الحمام بفوطه فقط نظرت له بصدمه كبيره / ايه ده
نظر مالك حوله / ايه في ايه.
نور وهي تعطيه ظهرها / البس بسرعه
رفع هى حاجبه منها واتجه للدولاب واخذ ثيابه وارتداها مالك / افتحي عينك خلصت نظرت له وجدته بدون تيشرت
نور وهي تنظر له بغضب طفولي / خلصت ازاى وانت مش لابس التيشيرت
نظر لها يتعجب / لا بصي اتعودي لاني مش بقعد في البيت من غير تيشيرت
نور / بس انت واحنا في التدريب كنت بتقعد بيه عادي
اقترب منها مالك بدرجه كبيره /بس دلوقتي يختلف كتير عن وقتها.. وقتها مكتيش مراتي دلوقتي انتي مراتي
نور / ياسلام هو عشان مراتك يبقي معناه تعمل قله الادب دي
نظر لها بتعجب سرعان ما انفجر ضاحكا / هي دي كل فكرتك عن قله الادب
نور وهي تنظر له بغضب طفولي زادها جمالا بتضحك عليا يا شيطان ماشي انا مخصماك
مالك وهو يمسك خدها / قومي يلا جهزي نفسك عشان منتأخرش
نور / نتأخر علي ايه مش فاهمه
مالك وهو يمسك هاتفه ويكتب رساله لاحد / انتي نسيتي انا مش بلغتك امبارح اننا هنسافر
نور بتعجب / نسافر بجد فين
مالك وهو يرفع نظره من علي هاتفه وينظر لها / هنسافر إيطاليا عندي مهمه هناك ومش هينفع اسيبك هنا.
نور / بس انا مودعتش حد لسه
مالك وهو ينظر لها بتعجب / امال مين اللي كانوا معاكي امبارح
نور / تفرق انا كنت قاعده معاهم بنيه اني رجعت بخير ومكنتش قاعده بنيه اني اسافر
مالك وهو ينظر لها بيأس /كلميهم في الفون طيب وودعيهم وانا هجهز الشنط
نور / مليش لبس هنا
مالك/ سمر جابتلك شنطتك امبارح وهي جايه
نور / مصدقت خلصت مني المعفنه عشان تنام لوحدها علي السرير
مالك / حقها الصراحه انتي بجد غير معقوله في نومك
نور بصدمه / انا ده انا ملاك في نومي
مالك / اوي يعني يلا كلميهم لحد ما اعمل مكالمه
ذهب مالك للخارج تاركا نور تحدث اخوتها
اتصل مالك باسد
مالك / صباح الخير
أسد / صباح النور يا مالك
مالك / اخبارك يا أسد
أسد / الحمدلله بخير وانت اخبارك ايه
مالك / الحمدلله كنت بتصل اقولك اني هاجي انهارده ايطاليا
أسد بفرحه / اخيرا تنور ياكبير
مالك / حبيبي يا أسد تسلم المهم أخبار زينه
تنهد أسد بحزن
مالك وقد شعر به /حصل حاجه
اسم / اممم امبارح قتلت ابن ماركوس
مالك ببرود / تمام ادم قعد معاها
أسد / لسه موصلش مستنيه عشان يبدأ الجلسه
مالك / تمام بإذن الله ساعات قليله ونوصل
أسد /توصل بالسلامه
أغلق مالك الهاتف ودخل وجد نور تجلس علي السرير وعينها تدمع ركض لها / مالك يانور بتبكي ليه
نور رفعت وجهها كان ملئ بالدموع / هيوحشوني اوي يا مالك
اخذ مالك وجهها بين كفه / اششش خلاص ياقلب مالك متعيطيش احنا مش هنعيش هناك هما شهرين بالكتير ونرجع ووقتها كلنا هنكون مع بعض
نور بتعجب / كلنا مين.
مالك وهو ينظر أمامه بشرود / قريب اوي هتعرفي
💭💜…………………… 💜💭
سمر بتعجب / انت بتعمل ايه هنا وايه الهيصه دي
عطوه وهو يركض لها / اخيرا وصلتي ياميس كلنا مستنينك عشان نبدأ الرحله
سمر بتعجب / رحله
سراج وهو ينظر لها بمتعه / اها الرحله مش انتي اللي طلبتي مني رحله للملاهي
سمر / ده انا نسيت الموضوع ده
سراج وهو يقترب منها وينظر في عينها بس انا منستش ويلا عشان هنبدأ الرحله
نظرت سمر للأطفال بحماس كبير/ اذا لنبدأ المتعه
انطلق الصغار يركضون للخارج وذهبت سمر كالعاده ووضعت الطفل المقعد علي الكرسي المتحرك وأخذته وخرجت في الممر تسابق الأطفال للحافله
نظر سراج في اثرها / اااااه يا تري هتعملي فيا ايه اكتر ياسمر خدتي قلبي هتاخدي ايه اكتر
💭💜…………………….. 💜💭
نظر أسد للسلم ونظر لها هذه القطه المشاكسه وهي تغني وهي تنزل
زينه / شوفت الفار السندق اللي اكل البندق فوف سطح الفندق
أسد بخوف في نفسه / تقريبا دي رساله ان الجريمه الجايه فوق سطح فندق
زينه وهي تكمل غناء وتهبط بفستانها الجميل الطفولي الأبيض اللون والقصير وبه ورود حمراء جميله
زينه / شوفت الواد اللوكلوك اللي شبه التوكتوك عمي فالنتينو
أسد / دي الضحيه الجديده ولا أيه
نظرت زينه أمامها وجدته يقف / ابو الأسود اخبارك يا كبير
أسد في نفسه / بليل سفاحه والصبح هبله ياربي عني عليها
نظر لها أسد / احسن منك الحمدلله
زينه بتذمر / ها ها خفه اوي
أسد / كده طب مش عقلك علي اخر مكالمه بيني انا ومالك
ركضت له زينه بلهفه / ملك الغابه حبيب قلبي ابيه مالك قالك ايه
أسد بسخريه / هو ابيه مالك وانا ابو الأسود مفيش ذره احترام خالص خلاص زمن الاحترام انتهي مع ام كلثوم.
زينه / خلاص يا عم بقي قولي قالك ايه
أسد وهو يربع يده / والمقابل
زينه / مادي قذر
أسد / بنت انا اكبر منك احترمي نفسك
زينه / اسفه والله قول بقي قالك ايه
أسد / قالي انه جاي انهارده
زينه وهي تقفز من الفرحه / بجد والنبي ابيه مالك جاي ياربي هموت من الفرحه.
سمعت صوت يأتي من خلفها
بعد الشر عليكي يا زينتي
نظرت له زينه بحب شديد
ادم وهو يتقدم لها ببسمه عاشقه / اخبار قطتي ايه انهارده

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)