رواية حكاية رنا الفصل السادس 6 بقلم سارة

رواية حكاية رنا الفصل السادس 6 بقلم سارة

رواية حكاية رنا البارت السادس

رواية حكاية رنا الجزء السادس

رواية حكاية رنا الحلقة السادسة

[جاتله، رسالة من رقم غير معروف كان مصدوم،،
طارق: في اية مالك
كان مضمون الرسالة: متفتكرش انك ذكي.. في حاجات كتير بتدور من وراك وانت عبيط ومش فاهم حاجة ياعلي
في حواليك خاينين.. يعنولك كتير، دور وراهم وانت تعرف هما مين
ف رد برسالة: انت مين
بس اتفاجئ انو بعد الرسالة الرقم عملو بلوك حتى لما اتصل مبيجمعش علشان عملو بلوك
ومفيش اي اسم ظاهر
طارق: يابني رد عليا في اية
.._وراله علي الرسالة وقرأها بتعجب شديد
طارق: دة هتلاقيه حد بيتسلى متاخدش ف بالك
علي: بس دة عارف اسمي
طارق: يبني منت كاتب اسمك طبيعي يعرف.. بيثير الجدل فكك فكك.. ومعنى انو عمل بلوك يعني خايف
علي: انا قلقت ياطارق
_علي ياحبيبي.. دي رسالة تافهه.. متاخدش ف بالك اسمع مني
_يعني تفتكر حد بيتسلى
_طبعاً
_همم ممكن برضو!
___________
_بصي بقا.. مقابلتنا كل يوم دي مش هتنفع.. علشان محدش يشك فينا ياريم.. كفاية اني كنت مشلول ورنا ماسكة موبايل.. كنت خايف تبعتي ماسدج او اي حاجة
_يادي رنا.. انا مش فاهمة انتو الاتنين عاملين حوار عليها لية.. مين هي اصلا حتة واحدة غبية لا راحت ولا جت، ولو فاكرها ذكية كانت خدت بالها من تصرفاتك اللي بتأذيها من غير ما تحس..
{كانت معدي شخص من جمبهم بيتكلم ف الموبايل ف خبط ف الترابيزة بالغلط..
_انا اسف جدا لحضرراتكو بجد مقصدش
_انت كتت هتدلق العصير!!
_»معلش مأخدتش بالي اسف بجد
_طيب حصل خير
…
_شايف اليوم اللي باين من اولو.. عمري ما جت سيرتها وعدى اليوم بخير
_مش موضوعنا ياريم.. والله ما موضوعنا، الاهم انا خايف نتكشف.. انتي كل شوية تقابليني عشان تقوليلي اعمل اية ما تكلميني فون احسن
_اة وعلي ياخفيف لما يشوفني.. بص بقا يا كريم..
انت لازم تحسس رنا انك بتحبها اوي واتجدعن اوي معاها لحد ما يتم جوازكو..
_ريم انتي بجد هتخليني اتجوزها
_وانت بسلامتك فاكر اني هقدر امسكها من ايدها ال بتوجعها وانت خاطبها. لازم تتجوزها واوعدك جوازكو هيتم بسرية وعلى مسؤليتي ومحدش هيعرف كل الي عليك تقنعها انكم متعملوش فرح
_قولتلها ووافقت
_هه.. مغفلة
_وبعدين هنعمل اي
_يعني.. قولها انا بحبك هتقولك وانا كمان بحبك.. وحشتيني بتاع لحد ما تحن وبعدها نشوف
_ريم.. انا واثق فيكي
_متقلقش ياكريم.. انا همسحها من ذاكرت علي.. وهنشوف مين فينا الاحسن
_مش قادر احدد دة زكاء ولا..
_اللي انت شايفة
_طيب،، يعني اقولها انا عايز اتجوزك
_وبما انها مغفلة وغبية هتقولك وانا موافقة ياحبيبي. يابني انت جامد ووقعتها فثانية
_لما نشوف ياست ريم خططك دي
_________
“والمفاجأة”
رنا_ياحبايبي.. ضحكتوني بشكل
انا طلعت مغفلة فعلاً
“ايوا فعلاً.. انا المغفلة الي سامعة كل حاجة حاليا وكلمة كلمة بيقولوها..
مهو مكانتش صدفة وغلطة انو الشخص دة يخبط ف الترابيزة عشان يركبلهم جهاز التصنت الجميل الصغنطوط دة ف الترابيزة وهو بيخبط..
واللي حاليا انا سامعة منة كل حاجه
بس لا فعلاً طلعت مغفلة
__
_صباح الخير يارنا انتي كالعادة ماسكة موبايلك ومبتشتغليش
_اسفة.. بس كان في حاجة مهمة كدة
_اة طيب لو الحاجة المهمة دي خلصت اتمنى تشوفي شغلك
يارنا انا بقيت بقولك سيبي الموبايل اكتر ما بقولك اشتغلي
يابنتي انتي دماغك دي اية
_مالها دماغي.. مالها فيها مخ وجمجمة. وصداع. وطبيعية اهي
_لا انا اشك ان دماغك دي فيها مخ انما صداع ف دي حاجة اكيدة مهو الصداع طالع ف الشغل
_طيب حيث كدة بقا معلش انا هأدي واجبي ف الشغل بس انا مش مأصرة
_انتي كدة مش مأصرة.. والله يارنا سبحان من صبرني عليكي
_برضو انا الغبية
_لا خالص مين قال كدة.. بعد اذنك
…
_مش فاهمه مالي يعني
___
{كنت خلصت شغلي.. وقاعدة مستنية الوقت يخلص علشان امشي.. كنسلت مكالمات كريم اللي هتجبلي شلل من قبل ما ارد.. ونعست ع المكتب واتاري الكل مشي الا انا واحدهم
وادي احدهم بيفوقني بالراحة
بهمس: ياحضرت الذكية يالي عندك مخ وصداع
يارنا هانم
رنا: يادي الارف.. يادي اليوم الي مش معدي
_هتفضلي نايمة كتير؟ هتباتي هنا ولا اية قومي علشان عايز امشي يا رنا
_اوف..
اديني قومت اهو خير بقا
{فضل باصصلي بصمت.. لحد ما استنتجت انو سكت عشان لو اتكلم هيخرج عن شعوره.. مانا اخدت بالي اني كالعادة نعست
..
_اي دة هما مصحونيش لية
_مصحوكيش!! يابنتي دة كل ما حد يجي تقوليله روح وانا جاية وراك
_يانهار.. انا قولت كدة
_لا امي
امشي يارنا من قدامي بسرعة
_طيب همشي
{لميت حاجتي ومشيت من قدامه بسرعة قبل ما ينفجر فيا.. الكائن اللعين دة!! عصبيته شرسه
كان لازم اهرب من قدام غريب الاطوار دة
ونجحت ف دة. ف مشيت وروحت بيتي بسلام
****
_رنا انتي ازاي عملتي كل دة
_انتي عبيطة يامريم.. هو انا لسا عملت حاجة دة انا لسا بقول ياهادي وبعدين انا سمعت كلامهم بس كدة عملت
_طب ماتوريهم التسجيل وتسيبهم يولعو وتطلعي من العلاقات التوكسيك دي
_تؤتؤ.. اتقلي ع اللبن يغلي
_هيفور يهبلة
_لأ منا هفوره عليهم وعلى دماغهم وعلى ابوهم و…..
_خلاص خلاص خلاص
_اة لا بقولك اية متطلعنيش عن شعوري
_ماشي ياست الجامدة قوليلي هتعملي اية
_سيبيني انام بقا
_طب قوليلي هتعملي اي تاني
_تاني اية يقلبي وانا عملت اولاني لما اعمل تاني
_رنا انا ابتديت اخاف منك.. انتي كويسة! انا حاسة انك مش رنا.. انتي متأكدة انك تمام بجد
فين رنا العيوطة
_بس يابت اخرسي.. عيوطة ف عينك دة ايام الضعف
يلا سيبيني انام بقا تصبحي على خير
_وانتي من اهله
________
_علي!! انت مش هتنام بقا ياحبيبي
_لا هنام قاعد شوية
_طب ممكن انزل بكرة
_لا مش ممكن هو اية حوار النزولات الكتيرة دي انتي بتستهتري بيا
انا مش موافق
[بتحاول تقنعه.. ف بيجيله رسالة تاني من نفس الرقم
بتلفت انتباهه ف بيفتحها بسرعة وكانت مضمونها.
: اية ياعلي.. عرفت مين هما ولا لسا.. شكلك محتاج مساعدة! بس معلش لازم تحاول بنفسك عشان تتعب وتلاقي نتيجة تعبت
_علي!! ياعلي. علي انت روحت فين
_ها.. انا هنا
_طيب ها قولت اية
_اية.. لا مش موافق مش هتنزلي
_لية ياعلي؟ لية انت بتعمل كدة ليى معايا هو في اي…..
_بس اسكتي بقا.. انا خلاص قولت اللي عندي
{كان شاغل باله الرسايل بس وفضوله قاتله يعرف هو مين
دخل علي الحمام ورن على طارق واتكلم بصوت خافت بحيث ريم متسمعهوش:
طارق.. انا جاتلي رسالة تاني من نفس الرقم
طارق: رسالة اية
علي: بيقولي عرفت هما مين ولا لا وكلام كدة كله الغاز وغريب
طارق: ياعلي قولتلك….
علي: لا. اسكت خالص انا مش حاسس ان دة حد بيتسلى
انا واثق ان في حاجة.. انت بتفهم ف الحاجات دي ياطارق.. ارجوك ساعدني انت اللي بتفهم ف الحاجات دي وهتعرف تدورلي وراه
_طيب ابعتلي الرقم دة وانا هتصرف
_ما…
ريم بتخبيط: علي!! انت بتعمل اية كل دة جوة
فتح الماية: طالع ياريم ثانية واحدة
ريم: اوف..
بهمس: هكلمك بعدين ياطارق وهبعتلك الرقم
_مستنيك
بيخرج عليي
_في اية ياعلي بتعمل اية جوة كل دة
_هكون بعمل اية يعني واحد ودخل الحمام
_بالموبايل؟ انت كنت بتكلم حد
_هكلم مين ياريم انتي مجنونة
بشك: وموبايلك منور لية
_انتي هتحققي معايا ولا اية
_انت كنت بتكلم حد
_وانا اعرف مين غيرك يا ريم
اوعي ياريم من وشي اوعي
اوعي واتمسي وقولي يا مسا
_يامسا ياخويا يامسا
____
[صباحاً..
نزلت من بيتي رايحة شغلي
لسا نازلة لقيت كريم قدام العمارة ومعاة ورد..
ابتسمت بالعافية: اي دة
،_انتي شايفة اية ما ورد قدامك اهو
_جميل
_اتفضلي
_ياحبيبي.. تعيش وتجيب ورد كل يوم
{عقبال ما احطهولك قدام قبرك}
_عجبك
_اوي.. اوي ياروحي تتخيل
_انتي رايحة فين كدة
_رايحة اقابل صحابي
_طيب تعالى اوصلك
_مفيش داعي مش عايزة اتعبك
_لالا تعالي بس
{وادي قابلني.. وبيتكلم.. سبحان التغيير المفاجئ، الرجولة خطيبي دة عمره ما وصلني.. دة واخد التعليمات من ريم بالحرف بقا، دة ماشاءالله حافظ مش فاهم وعاملي فيها رومانسي
اوف عليه اوف
خليته ينزلي قبل الشركة بخطوة وقال اية صحابي هيقابلوني هنا وهياخدوني بعربيتهم..
معرضش عليا يستنى معايا عشان طبعاً ريم مقالتلوش
وخليتو ينزلني قبلها بخطوة عشان عارفة انو مش عارف الطريق دة ولا فاهمة، ف طبيعي مش هيقول لريم اللي عارفاه ومش هتفهم اني لسا بروح الشغل
وفعلا نزلت واستنيته مشي
ودخلت الشركة
روحت مكتبي
اتبسطت اوي اول لما شوية باسكيت زبالة وعند اقرب باسكيت رميت الورد فية
وقعدت عادي على مكتبي وكملت شغلي طبيعي جدا
بعدها بشوية جية مديري الراقي المحترم فضل كدة باصص عليا من بعيد وانا عملت قال اية مش واخدة بالي لحد م جية
_كنت مراقبك اشوفك ماسكة الموبايل ولا لا
والحمدلله نصفتيني النهاردة يارنا
_علشان قولت لحضرتك قبل كدة اني بشتغل بضمير مصدقتنيش
_لا منا هفضل متابعك كدة لم….
اي دة
بتاع مين الورد المرمي دة
_ابتسمت _بتاعي
_وانتي مالك منشكحة كدة لية.. في حد يرمي ورد!!
ابتسمت تاني__انا
_ولية
_خطيبي جابهولي
_اها لا اذا كان كدة ماشي
[وضحك عليا ومشي من قدامي وكأنو بيستعوض ربنا فيا.
وانا بحسب دي تالت مرة اشوفه بيضحك
بعدله علشان هو عصبي.. وغريب بشكل مبالغ فيه
…….
_رنت عليه _
_علي مرضاش ينزلني بيقولي كل يوم هتنزلي
_منا قولتلك ياريم بلاش مقابلتنا كترت هو هيشك فينا..
_اعمل اية منا مبعرفش اكلمك فون هيسمعنى
_اتصرفي..لكن نزولنا هيسبب مشاكل
_طيب بقولك اية.. امبارح دخل الحمام وطول حبة ولما استعجلته خرج وكان موبايله معاه شكله كان بيتكلم ف التليفون تفتكر…..
_لا.. مش هيخونك.. يعني هو ساب رنا عشان وفالاخر هيروك يخونك.. فوقي يماما وبلاش تعملي مشاكل لحد ما تخلصي مشكلة رنا
بعد كدة نكدي عليه براحتك وندميه ع اليوم اللي اختارك فية
_ماشي.. هناخدهم بالدور ولا اية
… بقولك اية سلام علي جاي
_بتكلمي مين
_نهال صحبتي. بلغي معاها النزولة ما حضرتك موافقتش
_ومتتمسكنيش عشان مش هوافقك برضو ياريم
_اوف.. انا قرفت
_ربنا يقرفك كمان وكمان ياحببتي
____
[خبط فيه بالغلط..
قولت..: انا…
قاطعني:
_اسفة.. اسفة بجد مكنش قصدي حضرتك.. انا فيا مخ بجد مكنش قصدي.. انا بس عندي صداع
ضحكت: اي دة بقا ان شاءلله
_دة السيناريو بتاع كل مرة.. حفظت مش كدة
{ضحكت انا وهو مرة واحدة
_على فكرة.. “والله انا مكنتش هقول بالطريقة دي انت قلدتني اكتر مني
_والله يارنا انا تعبت منك وللمرة المليون بقولهالك
سبحان من صبرني عليكي
_انا اسفة بجد..
انا ملاحظة ان وجودي عمل توتر
انا هنسحب بعد اذنك
_انسحبي ياسيدة انسحبي
_______
[علي موبايله رن…..
وكان طارق
_ايوا ياطارق
_اي ياعلي
_اي قولي عرفت حاجة عن الرقم؟
_بص ياعلي……….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاية رنا)