رواية عهد الأسود 2 الفصل السادس 6 بقلم زهرة الربيع

رواية عهد الأسود 2 الفصل السادس 6 بقلم زهرة الربيع

رواية عهد الأسود 2 البارت السادس

رواية عهد الأسود 2 الجزء السادس

رواية عهد الأسود 2 الحلقة السادسة

كانت الخطه انه يوقع وعد ويجبها شقتو بس تفاجأ باخر شخص اتوقعو قال برعب..با..بابا
ضرغام بصله وابتسم ابتسامه خبيثه وضربوا بوكس قوي في وشه وقعو على الارض وقال…الف سلامه عليك يا روح بابا
غالب حاول يقف وهو حاطط ايده على عينه الي طارت حرفيا وقال بارتباك..بابا…افهم..اسمعني هشرحلك
بس ضرغام قفل الباب ودخل بغضب وهو بيتقدم عليه وقال..اتفضل اشرح..ومسكو من قميصه بغضب وضربو بوكس تاني وقال بزعيق…اشرررح سامعك
غالب بقى يتألم ووقف تاني وقال…يا بابا انا اا
بس ضرغام قاطعو لما مسكو من هدومو وضربو بركبتو في بطنو وقال بغضب وهو لسه ماسكو…انت ايه..انت اييييييه
غالب وقع على الارض وهو حاطط ايده على بطنو وضرغام بعد وهو بيجذب شعره لورا بعدم تصدق وقال بحزن …تعرف..اول ما قالتلي مقلقتش ابدا..ابدا وكنت متأكد انك لاعامل حادث ولا نيله…لاني عارف الحركات دي كويس..بس طول الطريق..وانا اتمنى لو كنت عامل حادث فعلا ومتكونش وصلت لكده يا غالب..وكمل بزعيق شديد وقال… هيه الوسا،،خه وصلت بيك للدرجادي..يعني لو كانت المسكينه فعلا جات…كنت هتعمل فيها كده ..ده الي ربيتك عليه يا و،،سخ
غالب بصلو بدموع وكان بيتالم جدا وقال بغضب..بحبها يا بابا بحبها..مش شايف غيرها مش عارف افكر في اي بنت تانيه..هعيش طول عمري لوحدي لو مكانتش معايا..ليه محدش فيكم حاسس بيا..انا مستعد اعمل اي حاجه بس وعد تكون ليا
ضرغام قال بغضب وزعيق..تقوم تفكر كده..افكار شياطين..دي متربيه معاك والمفروض تحميها مش انت الي تأذيها..بس انا بقول لمين اصلا..معاه حق اسد في كل كلمه..معاه حق….انا معرفتش اربيك..تربيتك وسخه..وحرام واحده زيها ترتبط بيك..عارف..انا كنت عايز اجوزهالك..وبحاول مع اسد على طول بس بعد الي عملتو ده اتأكدت انك اصلا لا حبتاها ولا تعرف الحب..امشي قدامي هروحك ..واياك تفتح بقك قدامها او قدام اسد..اياك يفهمو الي حصل يلا قدامي يلاااا
بقلم…زهرة الربيع
غالب اتنهد وجاب الجاكت بتاعو ولسه هيطلعو اتفتح الباب ودخل جبران وهو بيطوح ومعاه بنتين واحده طويله وواحده قصيره قال بضحك ..ولا يا غالب مرضتش اتعشي من غيرك…وزق عليه البنت القصيره وقال..كنت هجبلك عنايات ملقتهاش فجبتلك عينه واحده..وانت حلل براحتك بقى
غالب ضغط على اسنانو وبيشاورلو براسو على ضرغام الي كان واقف وراه وساند ضهره على الحيط ومكتف اديه وبيبصله بغضب
جبران قال بضحك فيه ايه يلا مالك رقبتك هتتلوح و
بس قطع كلامو لما شاف ضرغام وصفر وقال بضحك ..ضرغام باشا الثابت عندنا…لا كده مبدهاش انزل اجيب عنايات بقى
في القصر كانت وعد رايحه جايه في الصاله بخوف وبتبص في الساعه كل شويه
نزل فارس واتفاجأ بيها وقال… وعد ايه الي مصحكي دلوقتي انتي تعبانه ولا حاجه..دي الساعه 3:00 الفجر
وعد قالت بقلق ابدا ابدا مفيش صحيت اصلي عادي
فارس ابتسم وقعد وقال انتي مبتعرفيش تكدبي ابدا يا وعد… اصلا الفجر لسه ..في ايه بقى
وعد اتنهدت وقالت متشغلش بالك يا فارس.. قولي انت بقى صاحي ليه
ابتسم وقال بتغيري الموضوع ماشي بس انا بقى هجاوبك انا منمتش من امبارح اصلا يا وعد
ابتسمت له وقالت..بسبب موضوع جوازك من اختي صح
فارس قال بحزن الموضوع..مش اقولك ايه..بس الموضوع كله مش حاسه..و مش عايز ازعل بابا..ماتعودتش اصلا ازعله ومش عارف اعمل ايه
وعد ابتسمت وقالت.. انت مش محتاج تعمل يا فارس ربنا عالم بقلوب كل البشر وبيغير الاحوال ..ومدام بترضي ابوك و مش عايز تزعله يبقى هيجبر بخاطرك اكيد
فارس ابتسم ولسه هيرد …سموا صوت تاره بتقول.. يا جمالكم بتعملوا ايه هنا في انصاص الليالي
وعد اتنهدت وقالت… هنكون بنعمل ايه يعني..قاعدين في الصاله
تاره ضحكت وقالت ..بس اكيد مش بتصلوا الفجر يا شيخه وعد
وعد اتنهدت وقالت… ربنا يهديكي يا تاره ..بقولك ايه ما تيجي نتوضى ونقرا قران شويه وتصلي الفجر معايا
تاره قالت بسرعه..لا انا هشرب وادخل انام خدي تأتأه معاكي هو بيحب يصلي ..وبصيت لهم وضحكت وقالت…والله انتم لايقين لبعض اوي مش فاهمه جاتهم منين فكره جوازك من روز كان المفروض انتوا الاتنين تتجوزوا وتخلفوا خطيب صغير …و مشيت دخلت على المطبخ
وعد هزت راسها بيأس منها وقالت ..انا هطلع علشان الصلاه قربت عن اذنك
فارس ابتسم وقال انا كمان هروح علشان الصلاه
وعد مشيت وفارس لسه هيطلع على اوضته سمع تكسير في المطبخ فجري على طول علشان يشوف تاره
عند ضرغام اتقدم على جبران بغضب وقال… مشي الزباله اللي معاك دول عايزك في كلمتين
جبران ابتسم وبصلوا وقال بوقاحه… ولو مشيتهم مين هيحل محلهم يا ترى ..حتى لو جايب المدام معاك كنت فكرت
ضرغام مسكو من قميصه بغضب شديد ولسه هيتكلم غالب زعق في نفس الوقت وقال …جبران احترم نفسك واتكلم كويس
ضرغام قال بغضب.. وانت مستني ايه من واحد و،،سخ زي ده الوساخه بتجري في دمه بالوراثه
جبران نفض ايده وقال ..غالب خليك بعيد انت انا عمري ما دخلتك في المشاكل اللي بيني وبين والدك.. وبص لضرغام وقال بصيغه تهديد… انا والسيد الوالد ما بينا تفاصيل كثير الأحسن انك متعرفهاش
ضرغام بصلو بغضب يحرق الكون وقال .. ابعد عن ابني يا ابن الغول سمعت.. ابعد عنو. ..ده اخر تحذير ليك
ضرغام قال كده وشد غالب من ايده ونزل بيه بغضب وجبران قال بصوت عالي… بالراحه يا ضرغام بيه صحتك… انت عندك مكنه في البيت محتاجه مجهود عااالي
وبص للبنات اللي معاه وقال ..على ذكر المجهود …احنا اللي عبرنا الحدود
البنات ضحكوا جامد وجبران شدهم عليه وقال …اللي يغيب …ما لوش في الطيب نصيب
في القصر كان فارس دخل المطبخ بسرعه لما سمع صوت التكسير
لقى تاره بتلم قزاز من على الأرض قال … في ايه
تاره ضحكت وقالت… ولا حاجه كسرت الكبايه زي العاده
فارس اتنهد بارتياح وقال..خضتيني..افتكرت حصل لك حاجه
تاره ضحكت وقالت.. وهيحصلي ايه في المطبخ يعني التلاجه هتتخانق معايا ولا البوتاجاز هيعاكسني
فارس مشى ايده على رقبته بحرج وقال ..احم..معاكي حق فعلا معرفش ليه قلقت كده
تاره قربت منو وقالت بهمس… ده لانك بتخاف عليا زياده يا فارس
فارس بص لعيونها بعشق شديد وقال بتوهان… قوي والله
تاره مشت صباعها على خده وقالت برقه.. متخافش عليا تاني…و الاحسن تخاف على قلبك مني هو اولى بخوفك
فارس اتوتر جدا.. وارتبك مبقاش عارف ينطق وقال بتلعثم ..انا ك…كن..كنت
تاره ضحكت جامد وقالت.. ايه اللي حصل بس يا تأتأه ما كنت كويس ..على العموم اهدى انا كنت بنكشك عادي يعني.. تصبح على خير ..وانا من أهلو..لاني مش هفضل استنى لحد ما تنطقها بقى.. ومشيت وهي بتضحك
فارس بص لطيفها بحزن شديد وراح علشان يصلي
على الطريق كان ضرغام سايق بسرعه وغضب وغالب مكسوف ما يبصلو وقال بحرج …بابا ممكن نتكلم انا
بس قاطعو وقال بغضب.. انا مش عايز اسمعك منك اي مبررات بس هسألك سؤال واحد يا غالب…عايز توصل لفين… راضي عن نفسك كده ..من سكر لبنات زباله لقرف..واخر حاجه كنت عايز تغدر بابن عمتك وتأذي بنتو اللي اتربت معاك..وكمل بغضب وزعيق وقال.. وانا متاكد انها فكرته هو ..انا مش فاهم اعمل ايه تاني مش عارف اعمل ايه علشان افهمك انه بينتقم مني مش اكتر
غالب قال بسرعه…ينتقم منك ليه ..وايه اللي مش عايزني اعرفه ..اكيد لو في سبب اقتنعت بيه هقطع علاقتي بيه..لكن يا بابا انت مش راضي تقولي حاجه عايز تؤمرني وانفذ …بس ..بس في الموضوع ده بذات مش هقدر ..جبران ملوش دخل بتصرفاتي…هو مش زي ما انتو فاكرين..هو طيب بس عدواني لانو مكسور جدا من اقرب الناس ليه ..وانا مش هقاطعو من غير سبب
ضرغام اتنهد بخنقه وقال…بكره هتعرف بنفسك ان الولد ده بيكرهك وعايز يدمرك
وفضلو ساكتين لحد ما وصلو القصر
ضرغام نزل ودخل القصر وغالب دخل وراه
وعد كانت خلصت صلاتها ونزلت تاني تستناهم و اول ما شافتهم جريت عليهم وقالت بلهفه…غالب انت كويس
ضرغام اتنهد بياس وطلع على اوضته فورا
غالب ابتسم وقال ..احم..انا..انا تمام يا وعد
وعد قالت.. متزعلش مني انا قولت لعمي لاني خوفت اجي بالليل لوحدي كده ..وهو اصر ان هو اللي يجيلك
غالب ضحك بخفه على براءتها وقال.. كده احسن كويس انك مجيتيش الدنيا ليل اصلا ..و..وانا مكنتش هاتصل عليكي بس الي حصل
وعد ابتسمت وقالت.. قدر الله وما شاء فعل الحمد لله انك بخير
ولسه هتمشي مسك ايدها وقال وعد استني
وعد سحبت ايدها بسرعه وقالت.. احم.. ممكن متمسكش ايدي.. قولي استني وانا هستنى على طول
غالب ابتسم وقرب منها وقال.. متقلقيش احنا بنحب بعض وهنتجوز يعني عادي
وعد ضحكت بسخريه وقالت ..يعني تلت جمل اغبى من بعض في نفس الحوار.. بنحب بعض..وهنتجوز ..وعادي
اسمع يا غالب..اولا انا مستحيل احبك..وثانيا بقى حتى لو بحبك وهتجوزك مش عادي تمسك ايدي قبلها..وثالثا والأهم للمره المليون ونص هقولك لو خلصت كل الرجاله اللي على الارض ومبقاش غيرك مش هرتبط بيك
قطعت كلامها لما شمت ريحه غريبه وبقت تشم في هدومه من قريب وقالت..ايه الريحه المقرفه دي
غالب بعد بسرعه وقال بتوتر ..مفيش ..دي من الادويه الي خدتها في المستشفى
وعد قالت بغضب.. لا دي مش ريحه ادويه دي ريحه خمر ..انت مش هتنضف ابدا ..دلوقتي كنت هتموت كنت هتروح لربك وانت سكران
غالب قال.. بقول لك ادويه يا وعد
وعد قالت بسرعه ..كذاب انت شارب كلمتني امبارح وكنت شارب كمان يعني سكر،،ان وسا،،فل وكد،،اب كمان..انت ايه..كتلة ذنوب متنقله.. الشيطان عامل معاك عقد
كانت هتمشي بس مسك ايدها تاني وغمز وقال.. عقبال مانعمل انا وانتي عقد..ويكون مدى الحياه
وعد شدت ايدها بعنف وقالت بغضب ..قولتلك متلمسنيش مريض بجد..ومشيت وهي بتمتم وتستغفر
غالب ضحك وطلع على اوضته
في صباح يوم جديد كان الجميع على الفطار
اسامه قال.. بس صحيح يا غالب رجعت امتى
غالب ارتبك و عهد قالت.. والله انا ما سالته من فرحتي الصبح لقيته قدامي مصدقتش
اسامه قال بسخريه.. معاكي حق الشوق غلاب وده بقاله يوم ونص غايب يعني كتر خيرك الصراحه
عهد قالت بغيظ.. بتتريق يا اسامه ..طب اسأل شوق كده لو تستحمل ان نديم يمشي وهو زعلان كده وما تشوفوش
شوق قالت بسرعه.. لا طبعا ماستحملش
اسامه قال..وايه الجديد.. ما كلكم صنف واحد امال احنا ايه اللي مخلينا نترسم عليكم.. ماهو من عبطكم ده الواحده لو تسك الواحد على قفاه سواء ابنها بقى ولا جوزها يمشي على العجين ميلخبطوش
شوق قالت بسخريه..شوفو مين بيتكلم..ده انت الوحيد الي بتتسك ليل نهار وحالك مايل اهوه
الكل ضحك عليه واسامه قال …كده برده يا شوشو تشمتيهم فيا.. ده انا اللي اخترت ونقيت …وعشقت وحبيت…وظبطت و عديت.. وفتحت وحط….
بس شوق حطت ايدها على بقه بسرعه وقالت بتوتر وكسوف.. العيال.. العيال قاعده والنبي.. والنبي شالت ايدها بتردد وقال ..راضيني يلا
شوق قالت بسرعه.. حقك عليا انا اللي بتسك والله
اسامه ابتسم وقال …يسلملي اللي بيتكسف …اصل يا ولاد شوشو بتتكسف…خلفنا تلت عيال وهيه مكسوفه جيت اخلف العيل الرابع لقيتها برضو مكسوفه.. انا اتكسفت من نفسي بصراحه وقلت بارك الله في ما رزق
الكل ضحكو وضرغام وقف وقال…خف كلام وتعالى عايزك
اسامه اتنهد وقال.. قلبي بقى يتقبض كل ما يناديني بقى بومه قوي من يوم ماخلف
وراح وراه واول ما دخل المكتب قال بضيق… يا ابني في ايه …هو انا خطيبتك كل يوم ساحبني وراك كده
ضرغام قال بتوتر…مش وقت هزار يا اسامه غالب عمل مصيبه
اسامه قعد وقال بجديه … في ايه قلقتني
ضرغام قال .. اتصل على وعد في نص الليل وكان عايزها تروحله على الشقه بحجه انه عمل حادث واقنعها كمان انها متقولش لحد فينا…لولا ان البنت خافت تروح لوحدها وقالتلي كان الله اعلم ايه اللي حصل
اسامه اتسعت عنيه بزهول وقال… وبعدين
ضرغام قال..بس ..انا اقنعتها تفضل هنا ورحتلو..كمان خليتها متجيبش سيره قدام ابوها بحجة ان عهد متعرفش انو عمل حادث..ده اسد لو فهم اللي كان يقصده هيخرب الدنيا
اسامه اتنهد وقال.. انا بقى شايف انك غلطان والبنت كان المفروض تروح
بقلم…زهرة الربيع
ضرغام قعد وبصلو بزهول وقال…نعم.. انت مش شارب حاجه ولا مسمعتش كويس انت عارف لو راحت كان هيعمل ايه
اسامه قال بجديه.. اسمع يا ضرغام ..ابنك عاشق البنت وبيحبها ..يعني معملش كده لانه عنده رغبه فيها وهيغدر بيها لا هو عايز يحطها هيه وابوها قدام الامر الواقع مش اكتر
صرغام قال بغضب.. ايه التفكير ده ..ويحطهم ليه اصلا البنت مش عيزاه خلصنا ايه الحب الي بالشكل ده
اسامه ابتسم وقال …الحب انواع يا ضرغام وكل واحد بيحب على حسب طبعه..يعني مثلا انا متاكد ان لو انت حبيت عهد وهيه لا فانت هتسيبها عادي تكمل طريقها وانت هتكمل عادي..مش لانك مبتحبهاش لا لانك بطبيعتك مسالم بس فيه غيرك لا مش سهله ابدا وما يقدرش يكمل… وابنك مجنون بالبنت لو كنت سبته امبارح يمكن هو نفسه مكانش قدر يقرب لها ..ولو عملها يبقى فعلا حل الموضوع ..انا بايد الراي ده
ضرغام قعد بغضب مكبوت وقال.. وهتأيدوا اكتر لما تعرف مين صاحب الرأي …الي اسمه جبران ده كان هناك امبارح انا متاكد انو هو اللي قاله يعمل كده .. الولد ناوي على شر كان بيهددني عيني عينك انه هيحكي لغالب عن الماضي
اسامه اتنهد وقال يبقى كده مفيش غير خطتي.. ليالي هتوصل قريب وهعمل حفله ترحيب ولو اني بتخنق من الحفلات دي ..بس هعملها واعزمه عزومه شخصيه وأكيد هيجي ..وهندخل وعد ومتخافش عليها على ضمانتي
ضرغام اتنهد بقلق وقال… ربنا يستر.
عند جبران راح عند حنين ودخل عندها وكانت نايمه قرب منها وقال.. بنت انتي اصحي يا اختي كفايه نوم
حنين وقفت بسرعه وقالت نعم.. نعم
جبران بصلها من فوق لتحت بتقييم وقال مش بطاله يلا معاكي طلعه
بصتلو باستغراب وقالت ..طلعة ايه يعني
جبران قرب منها وقال بخبث…فيه راجل اعمال خليجي ملياردير طالب حاجه جامده ومتلمستش يعني بختمها وانت هتنفعي للطلعه دي ..واهو وتعوضي فلوس ابوكي اللي لهفا …بس الراجل عايز واحده متبرشمه بالكرتونه اوعى تكوني كده ولا كده وتكسفيني ازعل قوي
حنين اتسعت عنيها بشده ورجعت لورا بخوف وووو
بصو مش هحكلكم عن روعة الي جاي جامد بجد هنعرف ايه الي هيحصل مع حنين واسامه هيعمل ايه في مواجة جبران وياترى هينفذ خطتو ويدخل وعد في الموضوع احداث روعه حماس في حماس في البارتات الي جايه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عهد الاسود 2)