رواية بنت الشيطان الفصل الثامن والعشرون 28 بقلم رحمة نبيل

رواية بنت الشيطان الفصل الثامن والعشرون 28 بقلم رحمة نبيل

رواية بنت الشيطان البارت الثامن والعشرون

رواية بنت الشيطان الجزء الثامن والعشرون

رواية بنت الشيطان الحلقة الثامنة والعشرون

#عشقتك_مجنونتي
#بنت_الشيطان2
#الفصل_الاول
رسالة �
‏كن قانعاً بما عندك.. وراضياً عما أنت عليه.. وانظر إلى من هو أقل منك في النعم.. ومن هو أكثر منك في البلاء.. وبذلك تنعم بالسعادة والهناء..))”��
صلوا علي من جلس علي ركبته يواسي طفل مات عصفورة
صلوا علي الحبيب المصطفى صلى الله عليه وسلم
بنت الشيطان الجزء الثاني
الفصل الأول
في صباح يوم جديد حيث الهدوء والسكينة و….. لحظه ما هذا الصوت يبدو أن هناك زلزال يضرب في البيت نهضت نور بسرعه وهي تركض للاسفل سمعت صوت التكسير يأتي من المطبخ ركضت للمطبخ رأت هناك المطبخ مقلوب رأس علي عقب نظرت له بتشنج ورفعت نظرها وجدت طفليها أصحاب الأحد عشرة عام ينظرون للمطبخ ببراءه ثم نظروا لها بابتسامه / صباح الخير يا ماما
نور وهي تأخذ نفس تلو الاخر / مش هتعصب مش هتعصب دول أطفال صغيرين أطفال وميعرفوش حاجه اهدي يا نور ده ذنب وبيتخلص منك
فتحت عينها ونظرت لهم وتحدثت بفحيح / ثواني والاقي المطبخ ده بيلمع فاهمين
صمت يعم المكان ولا احد يجيب
نور بصراخ / فاهمين
عبدالرحمن ودانه / فاهمين فاهمين
اخذ الطفلان يركضون في كل مكان بعشوائيه يحاولون الانتهاء من هذه الفوضي بسرعه قبل أن تتحول نور بالكامل
استيقظ مالك نظر بجانبه ولم يجد نور تعجب كثيرا نظر للوقت وجده السادسه صباحا ونور لا تستيقظ الان ابدا نهض وتوجه للاسفل يبحث عنها ولكن سمع صوت في المطبخ اتجه اليه وجد نور تقف علي الباب المطبخ وتنظر بشر للأطفال وهم يعملون
مالك بتعجب / فيه ايه اللي بيحصل هنا
دانه وقد وجدت الخلاص فقالت ببراءه وتمثيل / بابا شوفت مراتك عامله فينا ايه مبهدلانا ازاي
نور / حصل اصل انا مفتريه
عبدالرحمن وهو يكمل مع أخته / صحتنا بدري وبتقولنا قوموا اعملوا بلقمتكم
نور/ حصل برضو انا اللي خلتهم يعملوا ده كله
مالك وهو ينظر لهم ثم نظر لنور /انا تقريبا زعلت امي الله يرحمها عشان يرزقني بالعيله الهبلة دي اوعوا من وشي
تركهم وتوجه الثلاجه واحضر الحليب واخذه وخرج
نور وهي تنظر لاولادها بغضب
عبدالرحمن / عجبك كده يا ماما اديه زعل بسببك اتفضلي روحي صالحيه
نور وهي تكاد تهجم عليه / اه يا……
دانه / اهدي يا اخت نور انتي الكبيره روحي صالحي جوزك الأول بعدين اضربيه براحتك
نور وهي تنظر لمكان ذهاب مالك / ارجع الاقي قشة واحده هفرمكم يا كلاب
ثم تركتهم وذهبت لتراضي مالك
دخلت نور الغرفه وجدت مالك يجلس علي الكنبه وينظر أمامه في ملف يبدو أنه خاص بالعمل
نور وهي تجلس بجانبه وهي تعرف كم ارهقوه معهم تحمل مالك الكثير والكثير لاجلهم وهم كل مرة يختبرون صبره والحقيقه تقال لم يُحزن احد منه من قبل دائما كان مراعي لهم
نور بحنان وهو تمسد علي شعره / اسفين يا مالك
رفع مالك نظره من علي الورق ونظر لها بحب وامسك يدها وقبلها / اسفين علي ايه يا نور قلبي اسفين علي حياتي اللي خليتوا ليها طعم تاني ولا البيت اللي بقي فيه روح ولا قلبي اللي بقي بيدق ومبقاش حجر
نور وهي تنظر له بعشق ينمو مع الوقت اكثر واكثر / اسفين اننا دايما بنعصبك وبنعملك مشاكل وبنكلفك كتير اوي
مالك وهو يشدها الحصانه/ اششش متقوليش كده انا كل ما أملك ليكم انتم يا نور انا ربنا رزقني بيكم وانا بشكره كل لحظه عليكم اي نعم علي طول بتعملوا مشاكل بس بجد بحس بروح للبيت وانتم فيه وبتتخانقوا واللي بتنتهي كل مره انهم يلبسوكي التهمه ويجروا
نور بضحك / والله حساني مرات ابوهم مش عارفه ليه
مالك /ربنا يخليهم ليا يارب
دخلت دانه / الحمدلله اتصفينا كلنا والنية بقت قشطه والدنيا حلوة
عبدالرحمن وهو يدخل / حيث كده بقي نقدر نقولكم بكل فخر الغساله باظت خلاص
نظرت نور لهم وهي مصدومة / ليه ايه اللي وصلكم للغساله
دانه ببراءه/ كنا عايزين نغسل اللبس عشان نساعدك بس باظت
نور / لا والنبي
عبدالرحمن / من امتي واحنا بنكدب عليكي
نور وهي تحاول النهوض إليهم / طب والله ل…
منعها مالك من النهوض وهو يضحك بشده / امشوا من وشها دلوقتي عشان لو سبتها هتقتلكم
ركض الطفلان بسرعه شديدة للخارج بينما مالك يضحك بشده عليها وعلي أولاده
مالك وهو يضمها / خلاص خلاص هههههههه
ن
ور وهي تكاد تجن /مش هعملهم حاجه انا بس عايزه افهم هما ايه اللي وصلهم للغساله يا مالك سيبني بس هفهم منهم
مالك وهو يضحك ويشدها تجاه اكثر / سيبك انتي منهم دلوقتي
نظرت له نور بعيون ضيقه / ليه فيه ايه
مالك وهو يقترب / يعني مش عارفه فيه ايه
نور وقد تاهت في عينه / تؤ تؤ
مالك وهو يقترب منها اكثر / فيه انك وحشتيني موووت يانور حاسس انك بعدتي عني اخر فتره
نور وهي تضمه اكثر / متقلش كده يا مالك انا دايما جانبك يا حبيبي بس العيال والله كانوا شاغلني وانت شوفت بنفسك بيعملوا ايه دول بي….
مالك وهو يضع أصبعه علي فمها / اشششش انسي العيال دلوقتي مفيش غير انا وانتي وبس
ثم عانقها بحب شديد
عبدالرحمن بضحك / ابوكي ثبتها بكلمتين
دانه بضحك / ربنا يخليك يا مالك ياراعي الغلابه
استيقظت سمر علي صوت المنبه نهضت بكسل ونظرت بجانبها وجدت سراج ينام بهدوء اقتربت منه وقبلت جبينه وقامت بتصفيف شعره بيدها واقتربت منه وهمست في اذنه / بعشقك يا سراج
ابتعدت عنه ولكنها شهقت عندما رأته ينظر لها بعشق خالص / وسراج بيعشقك يا سمر
سمر ببسمه وهي تقبل كف يده /ربنا يديمك لينا ياقلب سمر انت بجد نعمه ياسراج كفايه انك استحملتني كتير في أول حياتنا مع بعض بسبب عقدتي من الجواز وصبرت كتير عليا وعلي حالتي الصعبه
سراج وهو يجذبها له / مش قلنا الموضوع دة اتقفل خلاص الماضي نرميه خلاص احنا نعيش المستقبل وبس والمستقبل هو انتي وبناتي القرود دول
ضحكت سمر بشده / طب وسع كده يابا عشان اصحي القرود
سراج بقرف لها وهي ترحل / يابا يابيئه يا مفسده الحظات الحلوه اسفوخس عليكي
خرجت سمر وهي تضحك بشده عليه ثم اتجهت للمهمه الصعبه التي تقوم بها يوميا
اخذت نفس عميق ودخلت للغرفة وقالت بصوت عالي / اصحووووووووا
ثم اتجهت لهم وقامت برفع الغطاء غن كلا من فتاتيها / يلا ياماما يلا يا حبيبتي منك ليها الباص هيوصل كمان ساعه يلا يا حاجه
ناري وهي تزفر بضيق / يوووه يا مامي سيبنا كمان شويه سمر وهي تسحبها / يلا يا اخت باربي علي الحمام خمس دقايق الاقيكي قدامي جاهزه
ثم اتجهت لروجي / روجي يلا ياماما يلا ياختي الباص هيفوتك
روجي / لحظه يا مامي
سمر وهي تسحبها / ولا فمتو ثانيه زياده قومي ياماما يلا ورا اختك علي الحمام علي طول
جلست سمر علي السرير وهي تأخذ نفسها / ياربي ايه العيال دي شكلي بدأت انسي التدريس الله يرحم يوم ما كنت بخلي عطوه يعملها علي نفسه ياااه ايام
ثم خرجت واتجهت لاسفل وقامت بتحضير سندوتشات لهم وضعتها في صناديق الاكل (اللانش بوكس) هبطت الفتاتان بكل كسل وأخذت كل واحده منهم حقيبتها
وذهبوا بانتظار الباص
صعدت سمر ودخلت لغرفتها وهي تحمل بعض السندوتشات لسراج
وجدته يقف أمام المرأه وهو يمشط شعره صفرت وغمزت له / ايه الشياكه دي ياباشا
سراج بضحك وهو يقترب منها ويقبلها بجانب فمها / عندي اجتماع مهم ياقلب الباشا
سمر بحب / ربنا يوفقك يا قلبي
سراج وهو ياكل السندوتش / اه ادعيلي يا سموره احسن فيرونيكا دي صعبه اوي في التعامل
سمر / يارب ياحبيبي يسه…..
فجأة تشنجت ملامحها / لا مؤخذه في اللفظ لا مؤخذه في ايه في اللفظ مين الأخت فيرونيكا دي ولا ده اسم منتج جديد
سراج وهو يشغل نفسه باكل السندوتش حتي لايري ملامحها / حلو اوي السندوتش ده ابقي كتري مربه المره الجايه
سمر بصراخ / سراج
سراج وهو ينهض / مش هخلص يا سمر فيرونيكا تبقي عميله عندنا من أشهر العملاء اللي بنتعامل معاهم يلا سلام عشان هتأخر
نظرت سمر لاثره وهو يخرج / هو سبني دلوقتي ومشي ولا انا بيتهيألي
ثم جزت علي أسنانها / وفيرونيكا مين دي كمان ان شاء الله ماشي ياسراج انا مش هسيبك في حالك
مازن وهو يرتدي ثيابه سمع خبط علي الباب
مازن وهو ينظر للمرأه / تعالي يا مراد
دخل مراد ذلك الرجل الصغير حرفيا فتصرفاته كلها توحي بالثقه والعقل.
مراد بهدوءه المعتاد / صباح الخير يابابا
مازن وهو يتجه له ويقبله فهو ابنه الوحيد وعزيز عليه كثيرا / صباح المانجه يا حبيب بابا
ابتسم مراد لوالده / هي ماما لسه نايمه
مازن وهو ينظر لزوجته النائمه / اها هي تعبانه شويه تعالي نجهز فطار لينا ونعمل حسابها كمان
مراد وهو يتجه مع والده للخارج / ماشي بس بسرعه عشان الباص قرب يجي
مازن / متقلقش يابطل مش هنتأخر
أسد وهو ينظر لاطفال بحزم/
عرفت ياخالد هتعمل ايه
خالد بايجاب / عرفت ياوالدي اي حد يقرب لأخواتي هكسره
أسد ببسمه /شاطر وبالاخص عيال عمك سراج اصلهم نايتي خالص ياحبيبي الباقي عادي دانه وعبدالرحمن العيال بيخافوا منهم اساسا ومراد هادي وعاقل وعيال عمتك جنه وعمك عمر معاهم حسام الكبير اما بنات خالتك سمر دول هبل ومشروع رقصات مستقبلي خلي بالك ليتشقطوا
تدخلت جميله وهي تضع الطعام في الحقيبه لابنائها / ماهذه الألفاظ يا أسد ارجوك هكذا سيتعلمها الأطفال
أسد / معلش يا اخت جميله مش هتتكرر
ثم غمز لاطفاله
سمع الأطفال صوت الباص في الخارج فخرجوا سريعا وهم يودعون أهلهم
أسد بعدما ذهب الأطفال / بس احلوينا يا جيمي
نظرت له جميله وانفجرت ضحكا / اوووه يا عزيزي مازلت كما أنت اسد هو أسد لن تتغير
أسد وهو يجذبها له ويغمز / واتا اتغير لية بس ياباشا ما احنا كده حلوين
صدحت ضحكه جميله في الأجواء
أسد بضحك / يخربيت جمال اهلك ياشيخه
عمر وهو يحمل طبق ملئ بالثلج ودخل لغرفه أبناءه وقام بوضع قطع الثلج في ثيابهم ثواني وكان أطفاله يقفزون وهم يضعون يدهم في ظهرهم نفس المشهد الذي اعتاد عليه عمر مع نور وسمر ولكن الآن مع أولاده
حسام وهو ينظر لوالده / لماذا فعلت هذا يا والدي
عمر/عشان تصحي يا عمر يامختار
نرمين بدلع فطري فيها /كدة مش حلو خالص يادادي
عمر / اكل العيش ياقلب دادي
ذهب عمر لادم الصغير الذي نام مجددا وحمله من التيشيرت الخاص بة وخرج / يلا تعالوا عشان تفطروا
خرج عمر واعطي ادم الصغير لجنه لكي تحضره بعد مرور بعض الدقائق كان الجميع انتهي من التجهز وتوجهوا للمدرسه وركبوا الباص
نظر عمر لجنه وقبلها علي خدها / روحي نامي انتي ياقلبي شكلك مرهق اوي
جنه وهي تبتسم / ماشي يا قلبي خد بالك من نفسك
هز عمر رأسه وانطلق لعمله في شركة سراج فبعدما ترك شركه حميد الشرقاوي عمل مع سراج
داخل الباص كان مراد يجلس بعيدا عن الكل وينظر في الكتاب أمامه ذهبت له هذه الصغيره / مراد هو ينفع اقعد جنبك هنا
نظر مراد لهذه الصغيره التي تنجح دائما في رسم البسمه دون أي جهد منها / تعالي ياروجي
ذهبت اليه روجي وجلست بجانبه ومسك هو كتابه مجددا ليكمل
روجي /هو ايه ده يا مراد
مراد /ده كتاب ياروجي
روجي / هو الكتاب ده اللي بيخليك ذكي
ابتسم لها مراد / اه هو
روجي / روجي عايزه واحد زيه هخلي بابي يجبلي واحد
مراد وهو يضمها اليه / ممكن نقرأه انا وانتي تعالي هقرأه ليكي
ناري وهي تنظر خالد ابن أسد / هو الواد ده اعمي عمره ما عبر اهلي اووف بقي عليه
خالد وهو يتجه لدانه ويغمز لها / ايه الحلاوه دي يادانه
نظرت له دانه ببسمه سخريه / يلا يا عسل روح العب بعيد قال حلوه قال ده انا اكبر منك يا معفن
خالد بضحكه وتأثير درامي / عمر ما كان السن عقبه في طريق الحب يا قلبي
ثواني وشعر باحد يمسكه من ثيابه من الخلف/معلش ياقلبي هو الحب كدة بهدله بعيد عنك
خالد وهو ينظر لعبدالرحمن ويبتسم بغباء / عبده ازيك يا كبير
عبدالرحمن وهو يبتسم له ويتركه ويجلس بجانب دانه / بخير يا حبيبي طول ما نت بعيد عن اختي اتفقنا عشان المره الجايه هعلقك ولا نسيت اخر مره عمو أسد سلكك من ايدي بالعافيه
نظر له خالد بمشاغبه وغمز له / حبيبي والله يا كبير ده انا بحبك
عبدالرحمن وهو يضم دانه له بتملك شديد / وانا بحبك طول ما انت بتلعب بعيد عن اختي ياباشا
ضحك خالد ورحل وهو يقول / هشوف كده
حسام ابن عمر وهو يجلس بجانب سما / بتعملي اية يا سما
سما وهي تنظر له بملل / ملكش دعوه.
حسام وهو ينظر لها بتجاهل /تمام عن اذنك
جلس خالد بجانب سما / ايه يا سما معاملتك الزفت دي لابن عمك
سما بملل / عيل رخم اساسا بعدين سيبك مني وخليك في دانه
ضحك خالد / بحب اضايقها واشوفها متعصبة
سما بتحذير / خلي بالك انت مش قد عبدالرحمن يا خالد
خالد وهو ينظر أمامه / عبدالرحمن اخويا واكتر ياسما مش عدو عشان اخد بالي منه
كان عبدالرحمن ودانه ينظرون لجميع من في الباص
دانه بتمثيل الحزن / الحب وسنينه
عبدالرحمن بضحكه / ده مبهدل الكل ده حتي مراد الكبير العاقل عينه بتطلع قلوب لما يشوف روجي
دانه / الا احنا ياشق ملناش حد في العيله هو احنا كنا فين لما كانوا بيوزعوا الكابلز
عبدالرحمن / كنا بنجنن نور هههههههههههه
يا مفرقين الشموع قلبي نصيبه فين
ضحكت دانه / تعرف ساعات بتصعب عليا اوي الست دي استحملت كتير هههههههههههههه
كانت سمر تسير في اروقه الشركه وهي تتجه لمكتب سراج بغضب يأكلها كلما تخليت ان هناك شئ مؤنت اقترب من زوجها
ذهبت للسكرتيرة / لو سمحتي مستر سراج
السكرتيرة / مستر سراج عنده اجتماع يافندم
سمر / عارفه في قاعه كام
السكرتيره ولانها تعرف سمر وما تفعله / قاعه رقم……
انطلقت سمر تجاه هذه القاعه وهي تكاد تكسر الأرض اسفلها فتحت الباب بقوه ونظرت للداخل ولكن رأت ما جعلها تتسمر في مكانها
سمر وهي تنظر لما تري / احيه
كانت نور تجري في ممر المديرية / اقول عليك ايه يامالك هتأخر بسببك يا ربي اللواء هيموتني المره دي
كانت نور علي وشك الدخول لمكتبها وجدت العسكري يتجه لها / والله ما انت تاعب نفسك اتفضل وانا جايه وراك
اخذت نور نفس عميق وهي تقوي نفسها علي مواجهه اللواء فأكيد سوف تتلقي منه كلمات لا تحب سماعها بالاضافه لمهمة تكون القاضيه هذه المره وتنهيها
طرقت نور الباب ودخلت بعد أن سمح لها اللواء
نور وهي تؤدي التحيه / تمام يافندم حضرتك طلبتني
نظر اللواء لها / يا صباح الخير اخيرا شرفتي
نور وهي تنظر له وتضحك بغباء / معلش يافندم راحت عليا نومه
اللواء وهو يخرج علبه الدواء ويأخذ منها ويتنفس لكي يهدأ
نور / الف سلامه عليك يافندم مالك
اللواء / يابنتي انا كبرت ومبقنش حملك والله
نور وهي تكاد تبكي / طب وانا عملت ايه
اللواء / اه خلاص اتفضلي اقعدي عشان تعرفي المهمه الجديدة
جلست نور وهي تنظر له بخوف / استر يارب
اللواء / طبعا بسبب نجاحك في مهمه الكوبرا في الفتره الاخيره قررنا اننا نوكل ليكي مهمه جديدة
نور وهي تحدث نفسها / ياختي ده انا كنت هروح فيها
اللواء / في حاجه ياسيادة الرائد
نور / احم لايافندم اتفضل
اللواء / عصمت ابو الفتوح رجل أعمال مصري اتشهر في الآونة الاخيره بسرعه بعد ما كان ثروته صفر تقريبا خلال سنه بقي من أشهر رجال الأعمال علي مستوي العالم مهمتك تقربي منه وتعملي تحريات للموضوع وتعرفي ايه اصل الموضوع بالضبط وعاوز تقرير بكل همسة ليه مفهوم
نور وهي تبتلع ريقها / طب يافندم ما في ظباط كتير يطلعوا المهمه دي غيري سيادة المقدم أدهم اظن كفئ وهيبقي مناسب اكتر مني
اللواء / بس القيادات اختارتك انتي يانور خصوصا انك ست والمعروف عن عصمت ده انه بتاع ستات لو شاف اي ست يريل عليها وانتي مش اي ست طبعا انتي شايفه نفسك عامله ازاي شبه الأطفال ومش هيخليه يشك في حاجه اتفضلي دلوقتي علي مكتبك وكل المعلومات هتوصلك في ملف خاص بالعمليه
نور وهي تحاول أن تثنيه عن رأيه / بس يافندم اظن ان….
اللواء وهو يمسك ملف امامه / الكلام خلص يا سيادة الرائد نفذي اللي قولت عليه
نور وهي تنهض بضيق / تمام يافندم
ذهبت نور لمكتبها وهي تفكر كيف ستقنع مالك بهذه المهمة خصوصا انه منذ مهمه الكوبرا حذرها من اي مهمه خطيره وان تقوم بمهمات سهله والا فلتترك العمل افضل وماذا سيفعل اذا عرف ما تنوي فعله لاستدراج الهدف هذه المره اكيد سيقوم بقتلها اه ياربي ارشدني للحل
سمر وهي تنظر بعين مفتوحه لهذه المرأه التي تقترب من زوجها مسافه لاتذكر بل وتميل بجسدها عليه بكل قذارة وتقترب منه وتهمس في اذنه الي هنا وقد وصلت سمر لآخر ذره صبر وهدوء تملكها صرخت سمر باسم سراج / سرررررااااااااج
نظر سراج برعب للصوت سرعان ما فتح عينه بصدمه من وجودها هنا
كان سراج علي وشك توضيح ماحدث / سمر اللي حصل انه
لم تنظر اليه سمر بل كان كل نظرها موجه لهذه المرأة
نظرت هذه المرأه لسمر بتعجب من هذه؟؟؟؟ وماذا تفعل هنا؟؟؟؟
لم تمهلها سمر الفرصة لطرح سؤال إضافي حيث ذهبت وجرتها من شعرها علي الارض وجلست فوقها وأخذت تضربها في كل مكان وتعضها أيضا تحت صرخات هذه المرأه التي تطرب اذن سمر ومحاولة سراج لكي يفك شعر فيرونيكا من يد سمر وسمر لاتريد تركها والمرأه تصرخ صرخات اجتمع عليها كل من في الشركه وسمر تميل عليها وتضربها اكثر نظر سراج لتجمع العمال حوله وصوتهم وهمهماتمم وصوت صراخ المرأة لم يستطع ان يحتمل الأمر سحب سمر بشده وقام بصفعها وصرخ في وجهها بشده حتي برزت عروقه / ارجعي علي البيت ياسمر حالا
………….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)