رواية وراء كبرياءه عاشق الفصل الثالث 3 بقلم دودو محمد

رواية وراء كبرياءه عاشق الفصل الثالث 3 بقلم دودو محمد

رواية وراء كبرياءه عاشق البارت الثالث

رواية وراء كبرياءه عاشق الجزء الثالث

رواية وراء كبرياءه عاشق الحلقة الثالثة

عند حبيبه فى الجامعه خلصت محاضراتها وسلمت على رشا ورنا وخرجت من باب الجامعه وكان اخوها واقف مستنيها
حبيبه :- حبيبى واقف من بدرى
عمر :- لا من شويه صغيرين
حبيبه :- طب ليه مرنتش عليا
عمر :- قولت بلاش ارن عليكى لتكونى فى محاضره واسبب ليكى مشكله
حبيبه :- ماشى يا حبيبى يلا بينا
عمر :- حبيبه
حبيبه :- ها
عمر :- شوفتى مصطفى النهارده
حبيبه :- لا
عمر :- حبيبه لو شفتيه واتعرضلك قوليلى متخبيش
حبيبه :- لا يا عمر مشفتهوش وانا لما نزلت تانى يوم من اللى حصل ورجعت منهاره لما استفزنى جيت ليك وحكيت ليك علطول
عمر :- ايوه يا حبيبه بس المرادى نزلتى الجامعه بعد مده من اللى حصل
حبيبه :- خلاص بقى يا عمر لو كان حصل حاجه كنت جيت قولت ليك علطول
عمر :- ماشى يا حبيبه يلا ووقف تاكسى وركب هو واخته وراحو البيت
……………………………………………………
عند سيف خلص شغل ونزل ركب عربيته وراح يجيب اخته ديمه من الكليه
واتصل عليها وقالها ان هو مستنيها بره
وشويه وخرجت ديمه
ديمه :- سورى يا ابيه على التأخير
سيف :- مين اللى انتى كنتى واقفه معاه ده
ديمه :- مين ده يا ابيه
سيف :- انتى هتستعبطى
ديمه :- بس انا مكنتش واقفه مع وبعدين افتكرت وقالت اه يا ابيه انت قصدك على دكتور عصام
سيف :- كنتى واقفه معاه ليه
ديمه :- ياابيه كان فى حاجه مش فاهمها فى المحاضره كنت بسأله عليها
سيف :- بعد كده لو عايزه تسألى على حاجه ابقى اسأليه فى المحاضره جوه مش عايز اشوفك وقفه مع راجل تانى فاهمه
ديمه :- حاضر يا ابيه اسفه
ومشى سيف بعربيته لقصر
……………………………………………………
فى بيت حبيبه وصل حسن وفتح الباب ودخل سمع صوت فى الصالون دخل يشوف مين واول ماشاف محمد فرح وقال
حسن :- محمد عامل ايه واحشتنى اوى يا اخويه
محمد :- حضنه وقال انت اكتر والله ياابن ابويه واحشنى اوى
حسن :- والله احسن مفاجئه النهارده
حوريه :- ده كان عايز يمشى علشان انت مش موجود
حسن :- عيب الكلام ده يا راجل ده بيتك تيجى فيه فى اى وقت
محمد :- عشت يا اخويه وبص لابنه اشرف وقال سلم على عمك يااشرف
اشرف :- ازي حضرتك يا عمى
حسن :- اخده فى حضنه وقال بسم الله ماشاءالله كبرت وبقيت راجل يا اشرف
محمد :- ابنى بقى دكتور
حسن :- ربنا يحميك ويحرسك يارب
اشرف :- ربنا يخليك يا عمى
وفى الوقت ده جت حبيبه وعمر
عمر :- بعد ما فتح الباب قال ده شكل حد عندنا
حبيبه :- ده مين اللى هيجلنا
عمر :- مش عارف تعالى نشوف
ودخلوا الصالون واول ما شافوا عمهم اتصدموا
حبيبه :- ا.ا.اذيك يا عمى
محمد :- حضنها وقال اذيك يا بنت اخويه ده انتى كبرتى واحلوتى خالص
حبيبه:- شكرآ يا عمى
عمر :- اذيك يا عمى بس ايه الشقه الغريبه دى
محمد :- اذيك يا ابن أخويه انت ايه مكنتش عايز تشوفنا ولا ايه
عمر :- لا يا عمى انت نورتنا النهارده بس بقالك كتير مجتش عندنا
محمد :- نعمل ايه فى اشرف بقى بقاله كذا يوم يقول عايز اشوف حبيبه يا ابا
عمر :- بص لاشرف وقال اه سورى يا اشرف مسلمتش عليك وسلم عليه وقاله منورنا والله
اشرف :- منوره بأصحابها يا عمر وبص لحبيبه وقال بهيام اذيك يا بنت عمى عامله ايه
حبيبه :- كويسه
اشرف :- بس انتى احلويتى اوى يا بيبه
حبيبه :- بأستغراب نعم
عمر :- ايه يا عم اشرف ما تلم نفسك
اشرف :- انتبه لنفسه وقال ا.ا.اسف
محمد :- ههههههههه لحستى دماغ الولا يا بيبه
حبيبه :- وهى بتضحك من غير نفس قالت
هههههه هو دماغه لاحسه لوحديها ياعمى
محمد :- ما هو انتى السبب من زمان وهو بيفكر فيكى لحستى مخه ومن هو صغير
عمر :- ده وهما صغيرين لكن دلوقتى كبروا وكل واحد بقى عنده حياه خاصه
محمد :- ما احنا سألنا امك عليها لو مخطوبه وقالت لا
حبيبه :- وانتو تسألو ليه مخطوبه ولا لا
اشرف :- هههههه بنطمن يا بيبه
حبيبه :- بقولك ايه اسمى حبيبه مش بيبه وبتطمنه ليه ان شاءالله
حوريه :- علشان تهدى الموقف قالت طب خلى الكلام بعدين ويلا قبل ما الاكل يبرد
محمد :- والله واحشنى اكلك اوى يا مرات اخويه
حسن :- ام عمر ميعلاش علي اكلها يا محمد
محمد :- انت هتقولى انا مهما اكل محدش بيعرف يعمل أكلها
حوريه :- تسلم يا اخويه اتفضلو على الاكل ومشوا كلهم راحو على السفره
حبيبه :- بصوت واطى لعمر انا اتخنقت من عمك وابنه ده
عمر :- مش اكتر منى بس اهو كلها كام ساعه ويغورو
حبيبه :- ده انا قربت اولع فى ابن عمك والله
عمر :- هههههه اه شوفتى بيسبلك ازاى
حبيبه :- انا مش شغلنى كل ده انا اللى شغلنى بنطلونه هو ناوى يوصله لصدره يدفيه ولا ايه
عمر :- هههههههه طب بس احسن اخدوا بالهم وبص ليهم وقال منورين يا جماعه
اشرف :- وهو بيبص على حبيبه هههههه بنورك يا ابن عمى
حبيبه :- بصوت واطى يخربيت ثقالت امك يا شيخ
عمر :- ههههههههه سمعتك على فكره
……………………………………………………
فى قصر عزالدين
وصل سيف هو وديمه ودخل القصر وقال السلام عليكم على ابوه اللى وصل قبله من شويه
سيف :- امال فين ادهم
عزالدين :- لسه مجاش
سيف :- انا مش عارف ابنك ده هيفضل مستهتر كده لأمته
عزالدين :- انا بفكر اجوزه اهو الجواز هو الحاجه الوحيده اللى هتلمه
سيف :- ايه اللى انت بتقوله ده يابابا مش لما يخلص الجامعه بتاعته الاول
عزالدين :- شكله مش نافع وهيفضل فيها العمر كله
سيف :- طب ايه رأيك ننزله معانا الشركه اهو يتحمل شويه المسؤاليه
عزالدين :- فكره حلوه خلاص لما يجى بلغه انت بالخبر ده واه فى بنت هتنزل معانا فى الشركه هى لسه بتدرس بس هتنزل تدريب عايزها تبقى تحت ايدك انت
سيف :- واشمعنا انا ما تخلى اى حد تانى يدربها او حتى كريم
عزالدين :- اصل ابوها راجل عزيز على قلبى اوى وهيسيب الشركه وكان عايز يضمن وظيفه لبنته والراجل استأمنى على بنته مش هضمن حد من الموظفين علشان كده طلبت منك انت تدربها
سيف :- وهى بتدرس ايه
عزالدين :- نفس مجالك مهندسه معماريه
سيف :- بلاش انا انت عارف يابابا مليش خلق لنسوان ومش بحب الشغل معاهم
عزالدين :- وهى هتاكلك ده ابوها كويس واكيد مربيها كويس يعنى مش هتكون من البنات اللى بتدلع
سيف :- حضرتك شفتها
عزالدين :- لا لسه معرفش هتيجى امته
سيف :- ربنا يسهل بس ممكن اخلى كريم هو اللى يدربها اهو كريم كويس واحنا عارفينه
عزالدين :- انا تعبت معاك رافض الاحتكاك بالحريم تمامآ ومهما اكلمك اللى فى دماغك فى دماغك
سيف :- وهفضل رافضهم كده علطول ده صنف بنات حوا كلهم نمرود
عزالدين :- يا ابنى شيل الفكره الغلط دى من دماغك طب ما امك من صنف الحريم بس عاشت قد ماعاشت صينه بيتها وجوزها وعيالها وكانت شايل الحمل لوحدها ولا عمرها اشتكت ولا ملت
سيف :- يابابا ماما الله يرحمها ست مفيش منها دلوقتى بتوع اليومين دول كل اللى يهمهم الطقم اللى لبساه ده ماركة ايه وان الميك اب يكون مظبوط وعايزه خروج وسهر وفسح كلها بنات مدلعه مفيش منهم دلوقتى اللى يقدر يتحمل المسؤاليه
عزالدين :- كالعاده مش هوصل معاك لحل نهائى اللى انت شايفه صح اعمله
وقام ودخل اوضه
سيف :- لنفسه ده جنس نمرود لو وصل لقلب الواحد ما بيهدوش الا لو كسروه
وقام دخل اوضه
ديمه :- كانت قاعده وقالت لنفسها حوار ممل جدآ وبتاع كل يوم مفيش تغير فينك يا دومى انت بس اللى بتفهمنى فى البيت الكئيب ده
أدهم :- ديمو حبيبتى اتجنيتى ولا ايه بتكلمى نفسك يا بت
ديمه :- دومى كويس انك جيت احسن مليت وزهقت من القعده وسط ابوك واخوك مع حوارهم الممل بتاع كل يوم
أدهم :- هههههههههه الصراحه الله يكون فى عونك
ديمه :- بس أقولك على خبر الموسم
أدهم :- قولى
ديمه :- ببلاش كده فين باكو الشكولاته بتاع كل يوم
أدهم :- قد ايه انك انتهزيه وقحه اتفضلى يااختى اهو
ديمه :- ياسلام عليك احسن دومى فى الدنيا
أدهم :- ماشى يا اختى احكى ايه هو الخبر
ديمه :- وهى بتاكل الشكولاته امم بابا وابيه اتفقوا ان ينزلوك معاهم الشركه
أدهم :- نععععععععععععم ده من ايه ان شاءالله لا طبعآ مش نازل شركات انا
ديمه :- ههههههه يا دومى بلاش تقول كلمه مش هتقدر تنفذها مدام ابيه قال انك هتنزل معاهم الشركه يبقى هتنزل
أدهم :- تصدقى ان انا غلطان ان جبتلك شكولاته معايه وشده من ايديها
ديمه :- طب انا مالى انا هات بقى الشكولاته
أدهم :- لا علشان تعرفى تضحكى عليا كويس
ديمه :- هات بقى يا ادهم
أدهم :- لا
ديمه :- بزعل طفولى والله لو مجبتها هخصمك
أدهم :- ما تولعى
ديمه :- هبطت رجليها فى الارض وقالت والله انت غلس ها ومشيت وهى متغاظه منه
أدهم :- بصوت اللمبى بت يا ديمو امزه خدى اهو متزعليش يابت انا اللمبى الحب يابت العشق يابت
ديمه :- ههههههههه هات يا اخويه
……………………………………………………
فى بيت حسن جادالله
بعد ما الكل خلص اكل دخل الصالون واتقدم ليهم واجب الضيافه
محمد :- خلاص مش قادر مفيش مكان فى بطنى بجد تسلم ايدك يامرات اخويه
حوريه :- الف هنا وشفا عليكم
محمد :- الله يهنيكى ياست حوريه
حسن :- بص لاشرف وقال اتفضل يا ابنى اشرب
أشرف :- شكرآ يا عمى مش قادر خلاص
حسن :- ده انا مبسوط اوى ان شفتكم النهارده
محمد :- طب ايه رأيك لو جوزنا حبيبه لأشرف
حبيبه :- كانت بتشرب العصير واول ماسمعت كده شرقت
أشرف :- سلامتك ياروح الروح
حبيبه :- لنفسها جتك وجعه فى روحك
حسن :- ايه اللى انت بتقوله ده يا محمد البت لسه فى الجامعه
محمد :- وفيها ايه ما هو اشرف هيخليها تكمل مش هيمنعها
عمر :- طبعآ لا يا عمى اختى مش بتفكر فى الجواز دلوقتى
محمد :- مش لما نشوف رأى العروسه نفسها وبص لحبيبه وقال ها يا عروستنا
حبيبه :- رأى فى ايه يا عمى طبعآ لا انا زى ما قالك عمر مش بفكر فى الجواز دلوقتى وبعدين انا لسه عايزه احقق ذاتى
اشرف :- ما هو انا هقف جنبك واساعدك فى كل حاجه
حوريه :- الصراحه ابنك ما يتعيبش يا محمد دكتور وزى القمر
حبيبه :- لنفسها قمر بالستر ياحاجه
محمد :- قولتى ايه يا بنتى
حبيبه :- معلش يا عمى ربنا يرزقه ببنت الحلال بس انا مش هنفع ليه انا لسه هخلص الجامعه واتعين فى شركه واوصل للى انا نفسى فيه
حوريه :- طب يا محمد سبنا نفكر وخير ان شاءالله
حبيبه :- نفكر فى ايه ياماما
حوريه :- بصت لحبيبه بمعنى اسكتى
محمد :- خلاص يا حسن اناهمشى دلوقتى وهنستنا الرد النهائى
حسن :- مالسه بدرى يا محمد
محمد :- معلش علشان لسه السكه السلام عليكم
كلهم :- وعليكم السلام
ومشى محمد وابنه اشرف وابتدت الحرب فى بيت حسن جادالله
……………………………………………………
فى قصر عزالدين
سيف راح عند باب اوضت اخوه أدهم وخبط على الباب
أدهم :- اذن ليه يدخل
سيف :- فاضى اتكلم معاك فى موضوع
أدهم :- اه تعال يا سيف
سيف :- دخل وقال اعمل حسابك من بكره هتنزل الشركه معانا
آدهم :- لا طبعآ انا مش هنزل الشركه معاكم انا هستنا اخلص جامعتى وهفتح شغل خاص بى بعيد عن شغلكم
سيف :- ليه ما شركة ابوك كبيره وكتير من الشباب اللى فى سنك يتمنوه يشتغله فيها
أدهم :- بس مش أنا
سيف :- ليه علشان تفضه لسرمحه والبنات والسهر مع شلتك الفاشله
أدهم :- والله دى حياتى وانا حر فيها
سيف :- لا مش حر فيها لما تكون حياتك الشخصيه بتأثر على سمعت عيلة عز يبقى من حقنا نوقفك على اللى انت بتعمله
أدهم :- برضه مش هنزل الشركه معاكم
سيف :- يا ابنى استرجل شويه وشيل معايا المسؤاليه ابوك كبر ومبقاش حمل شغل وانا لوحدى مفروض تبقى واقف معايا وجمبى
أدهم :- معاك كريم مش سايبك وبيساعدك
سيف :- بذمتك انت راجل علشان تعتمد على الغريب هو اللى يحرس فلوس ابوك
أدهم :- اه انا مش راجل عجبك كده
سيف :- ادههههههههم اتعدل فى الكلام
أدهم :- انا مش عيل علشان تتحكموا فيه انت وابوك وتحددو مستقبلى نيابة عنى
سيف :- انا قولت كلمه واحده الصبح تكون جاهز علشان تنزل معانا الشركه وسابه ومشى
…………………………………………………
فى بيت حسن جادالله
قعدوا مع بعض
حبيبه :- انتى ازاى يا ماما تسيبى الموضوع متعلق انا استحاله افكر فى اللى اسمه اشرف ده
حوريه :- ليه فى ايه يعيبه ده راجل بجد وابن عمك يعنى هيصونك ويخاف عليكى مش زى اللى كنتى جايبه لينا اللى فضحك فى المنطقه
حبيبه :- برضه لا انا مش بطيقه اصلا
حوريه :- الحب بيجى بعد الجواز
حسن :- خلاص يا حوريه سيبى البنت على راحتها هى اللى هتعيش معاه مش انتى
حوريه :- بقولكم ايه انا سبتكم تمشوا موضوع مصطفى رغم ان كنت مش موافقه واهى النتيجه الفضيحه يبقى المرادى همشى انا الموضوع على دماغى انا
حبيبه :- يعنى ايه يا ماما هتجوزهونى غصب عنى
حوريه :- اه انا امك وعارفه مصلحتك اكتر منك
عمر :- بس غلط اللى انتى هتعمليه ياماما هى مش بتحبه
حوريه :- مش لازم تحبه دلوقتى بعد الجواز لما تشوف حنيته عليها هتحبه وهتيجى تشكرنى كمان
حبيبه :- وانا مش موافقه واللى عندك اعمليه
حوريه :- قامت وقفت وضربت حبيبه بالقلم وقالت اخرسى انتى بنت مش متربيه علشان تردى على امك بالطريقه دى والجوازه هتم غصب عن الكل
حبيبه :- حطت ايديها على وشها وعيطت
حسن :- حوريه ايه اللى انتى عملتيه ده
حوريه :- بنتك مش متربيه ونقصه تربيه وانا هربيها من اول وجديد
حبيبه :- سبتهم وطلعت تجرى على اوضتها وطلع يجرى وراها عمر
حسن :- انتى لغتينى خالص يا حوريه وبتاخدى القرارات لوحدك
حوريه :- انا عارفه مصلحة عيالى فين
حسن :- ما هما عيالى انا كمان
حوريه :- بقولك ايه لو الموضوع ده محصلش زى ما انا عايزه والله لانا ماشيه وسايبه ليكم البيت

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية وراء كبرياءه عاشق)