رواية الأميرة والمغترب الفصل السابع والستون 67 بقلم آلاء اسماعيل البشري

رواية الأميرة والمغترب الفصل السابع والستون 67 بقلم آلاء اسماعيل البشري

رواية الأميرة والمغترب البارت السابع والستون

رواية الأميرة والمغترب الجزء السابع والستون

رواية الأميرة والمغترب الحلقة السابعة والستون

فاتن بصدمة: جون !! 😰
فأكمل ياسين بسخرية: مش برضو كان عليكي ديون كثيرة اوي ليه و ابتزك يا إما ترجعي له فلوسه كلها مرة وحدة يا إما يحبسك يا إما تنفذي طلباته ؟
و انتي طبعا اخترتي الحل الثالث .
اخذ هاتفه بهدوء و اكمل
-و اللي بسببه لسة لحد دلوقت بتسرقي فلوس من جوزك و بتديله عشان الصور ما توصلش ليه ؟؟ اهو انا بقى مستعد اوصلها للناس كلها الليلة لو ما عملتيش اللي قلتلك عليه …ما تنسيش ان الصحافة هتكون موجودة يعني ف”ضيحتك هتبقى ف كندا كلها مش قدام معارفي و بس …و انا طبعا ما يرضنيش اف”ضح خالة مراتي و يهمني انك تتعاوني معايا ..لاني اقدر امحي اللي اسمه جون ده و اخليه يمشي يكلم نفسه قلتي ايه…الناس مستنية برة ؟؟
فاتن بضيق : موافقة 😓
ياسين : حلو اوي …ما تخافيش الكلام ده هيفضل ما بيننا احنا الإثنين بس ..
خرجت برفقته و هي تشعر بالخزي الشديد
وقف ياسين و بجانبه منذر الذي تولى مهمة الترجمة من اجل الصحافة و معارفه الاجانب
نظر للجميع ثم قال : أهلا بيكم في بيتي و أشكركم على تلبية الدعوة
النهاردة عندنا مناسبتين كتب كتابي و كتب كتاب صديقي العزيز خالد و هينضم لينا أهل العروسة في مصر
ترجم منذر ما قالها بالإنجليزية فصفق الجميع و بارك لهما
فيما بدأت بعض الهمهمات من هنا و هناك
صحافيين و معارفه يتسائلون و يتعجبون بسبب ظروف هذا القران و يستنكرون هذه الطريقة التي تزوج بها والغموض الذي يلفها و الآخرون ينتابهم فضول ق”اتل حول هوية العروس و سبب بقائها مجهولة الهوية حتى آخر لحظة !!و لماذا تمت كل تحضيرات الزفاف في يوم واحد فقط…
و اخرون قد بلغهم خبر هروبها و لجوئها إليه و كذا اختطافها
كان يستمع الى تلك الهمهمات و لا يعيرها اهتماما ثم فجأة اوقف صوته القوي كل همساتهم
-طبعا الكل بيتسائل عن هويتها و ظروف جوازنا فأنا كنت عايز أوضح لكم كل ده
نظر الى فاتن و قال : اقدم لكم خالة مراتي هي هتفهمكم كل ده
صعق صالح و نظر الى سحر بصدمة و هما يريانها تتقدم بضيق و لا تستطيع ان ترفع وجهها للأعلى
-اتفضلي يا مدام فاتن احكيلهم اللي حصل
نظر إلى منذر ليترجم و قال للجميع
-على فكرة العروسة ما تعرفش ان اهلها هيكونو معانا ،انا حبيت أعملها مفاجأة يا ريت تساعدوني ف كدة
اومأ الى خالد بينما يصعد تلك الدرجات لإصطحابها فإتصل هذا الاخير فورا ببدر و ظهر الاتصال على تلك الشاشة الموجودة خلفهم و ظهر والدي أميرة و كذا بدر و حنان و قال خالد لبدر
-اميرة هتنزل بعد شوية ☺️
فجأة بدأت فاتن في الكلام وسط اهتمام و تركيز الصحافة خاصة
وصل الى الأعلى و كانت تهم بنزول الدرج رفقة نانسي لكن ياسين اوقفها
-تفضلي انت نانسي سأرافقها أنا للأسفل
-حسنا سيدي
نزلت نانسي امامما مسرعة بينما توقف ياسين بعد ان لاحظ ارتباكها
امسك يدها :مالك؟؟ خايفة!!
-متوترة شوية …
-من ايه ؟
-حاجات كثير …انا لسة مش قادرة اقف كويس بالكعب خايفة يحصلي موقف محرج كدة ولا كدة..و كمان معرفش حد
شدد على يدها بحب قائلا : ما تشيليش هم حاجة طول ما انا معاكي و بعدين اهلك معاكي و ام أحمد
أميرة: عارفة ..
ثم أكملت بضيق: بس لو كنت جبتلي عكاز زي ما الدكتورة قالت 😥
-و انا رحت فين؟ انا هأبقى عكازك ☺️ و بعدين انتي مش هتقفي يا دوب ننزل و هتقعدي ما تقلقيش..
اومأت برأسها بإستسلام فأردف ياسين
-متأكد انك لما تشوفي المفاجأة هتنسي كل حاجة ☺️
-ما تقولي عليها …انت كدة بتوترني اكثر مش بحب المفاجآت 😓
-عايزة تعرفي المفاجأة الاولانية ؟حاضر انا هقولك عشان ما تنزليش و انتي متوترة :النهاردة كتب كتاب سحر كمان ☺️
-اميرو بفرحة : و الله !! 😀
ياسين: اه و الله ..يالا بينا دلوقت ؟☺️
اومأت بسعادة و نزلا سويا ببطء
في الأسفل كانت فاتن في وضع مزر للغاية تحكي بإختصار شديد ما حدث دون ان ترفع رأسها وسط استنكار و صدمة الحضور و نظرات الاحتقار…و همهمات متفرقة
-مسكينة…
-معقولة يحصل فيها كل ده !!
-لا و من مين ؟ من خالتها!
-مش بيقولوا الخالة ام ؟
-زمن العجائب
-لا أستطيع تخيل احساسها في تلك اللحظات ! المسكينة
-هذا سبب زواجهم السريع اذن!!
خالد لسحر: هو ايه اللي حصل ؟؟انا مش مصدق !؟
سحر : ولا انا ؟!!!
في تلك اللحظة نزلت أميرة ب طلتها المثيرة كأنها نجمة لامعة رفقة ياسين الذي كان ممسكا بها بحذر
إلتفت الانظار كلها نحوهما بين انبهار و إعجاب و حسد
و فجأة بدأ الجميع بالتصفيق الى أن وصلت إلى الأسفل
فإنطلقت نحوها سحر تعانقها بحرارة
-وحشتيني اووووي يا قلبي 🥰
-و انتي اكثر يا سحورة . .الف مبروك ياسين قالي
-الله يبارك فيك ☺️
ابتعدت سحر لتقترب فاتن و سلمت عليها بإحراج ثم قالت
امام الجميع : أميرة انا آسفة بجد عن كل اللي حصلك بسببنا …اتمنى تقبلي اعتذاري
صالح بحرج:احنا آسفين يا بنتي ..اتسرعنا و جينا عليكي من غير ما نتأكد
أميرة بطيبة: الحمد لله ربنا كان معايا …انا مسامحاكم
أمسك ياسين يدها و اجلسها بجانبه
كانت عينا فاتن سنخرج من محاجرها و هي تراها تتألق في ذلك الفستان الذي أقل ما يقال عنه أنه ساااحر
نظر ياسين الى الجميع و قال
-اقدم لكم مراتي المستقبلية :أميرة ..
المأذون: لو كان الجميع هنا .. فلنبدأ كتب الكتاب يا ولدي
-لا لسة يا مولانا ..
قالها ياسين بقوة فإلتفتت نحوه أميرة بتعجب
ياسين : الاول نطلب إيدها من اهلها و نسمع موافقة وكيلها مش الشرع و الاصول بيقولوا كدة يا مولانا؟
المأذون: طبعا يا ولدي…أين وكيلها
نظرت أميرة الى صالح و قالت :جوز..
-أبوها
قاطعها ياسين وسط ذهولها ثم اكمل بثقة: ابوها هو وكيلها يا مولانا
في تلك اللحظة ابتعد جميع الواقفين و انقسموا الى قسمين لتظهر من خلفهم شاشة التلفاز و هتفت أميرة بصدمة
:باباااااا …ماااامااااا !!!
تجمعت الدموع في عينيها و نظرت إليه بدهشة :دي المفاجأة !
فإبتسم بحب: أكيد مش هاخليكي تتجوزي من غير أهلك ☺️
أمسكت فاطمة الهاتف بلهفة : بنتي …يا حبيبتي يا بنتي
و سرعان ما وقفت لتتوجه نحو الشاشة فوقف معها يمسك بيدها و يساعدها بحذر إلى أن وصلت إليهما
انهارت والدتها بالبكاء
-أميرة …وحشتيني يا بنتي معقولة كل ده يحصل فيكي يا ضنايا ما قلتليش ليه ؟؟ 😭
غصب عنها انهمرت دموعها و هي تقول : مكنتش عايزة اقلقك معاي .. المهم أنا كويسة ما تقلقيش ..اديكي شايفاني قدامك مافياش حاجة بطلي تعيطي بقى تخليني اعيط غصب عني
ياسين :لا مش عايزين دموع في يوم زي ده ..
ادارت فاطمة الهاتف من جديد الى رجب
أميرة :بابا …انت عارف اني تربيتك و مستحيل اعمل حاجة غلط…
رجب:عارف يا بنتي ..حنان و جوزها حكولنا كل حاجة..
ياسين : حج رجب أنا يشرفني أطلب ايد بنتك أميرة ..
رجب: واحد عمل كل ده عشان بنتي و هو ميعرفهاش أكيد هيكون شهم و ابن حلال ..لو أميرة موافقة انا معنديش مانع
ايه رأيك يا أميرة ؟ انتي موافقة ؟
أميرة بخجل : موافقة يا بابا
ياسين : على فكرة أميرة شارطة ان الجواز يتم في مصر و انا موافق ☺️
رجب : يبقى على بركة الله
ياسين :مولانا احنا هنبدأ مراسيم كتب الكتاب ☺️
في مصر
اقفل إيهاب الخط و هو يشتعل غضبا
-الاغبياااااا. … كنت متأكد اني ما اقدرش اعتمد عليهم 😤😡
في تلك اللحظة دخلت سما
-ايه اللي حصل شايفة عفاريت الدنيا كلها بتتنطط قدامك
-الغب”ي دانيال !
سما: ما عرفش يوقف كتب الكتاب مش كدة ؟؟
ايهاب : كانوا هيف”جروا مصنع ياسين بس انكشفوا
ياسين طلع عامل احتياطاته اثنين اتمسكوا وهو عرف يفلت هو و واحد تاني معاه
سما : يبقى أكيد كان عارف انهم هناك …طب و الحل ؟؟ الجواز ده مش لازم يتم.. لو حصل و حملت كل اللي احنا بنعمله من سنين هيضيع !!
-مش هيحصل …مادام دانيال هرب يبقى أكيد هيلاقي حل
-هيعمل ايه بقى اذا كان المحروس هيتجوز الليلة؟
-دانيال مؤكد هيكمل في الخطة حتى لو لوحده…هاتي بس ما يكونش مراقبه هو كمان
سما بضيق : انا ابتديت أتضايق يا بيبي …الموضوع طول اوي .. و احنا من غير فلوس …مش كفاية عيد ميلاد سوزي اللي اعتذرت عنه 😓
-مش فاهم ازاي ما بعثش فلوس لحد دلوقت مش من عادته
سما بتفكير: ما يمكن بعثلها بطريقة تانية ؟ 🙄
-مش فاهم 😕
-سألت اذا كان فيه حساب تاني بإسمها؟ ماهو مستحيل يكون اللي قلت عليه صح ! لو عادل ممكن اصدق …بس ممدوح و فردوس !
لا ما اعتقدش.. انا عارفاهم كويس طول عمرهم استغلاليين و مستحيل يعملوا حاجة لوجه الله
إيهاب : صح انا ازاي ما فكرتش في كدة ! انا هاعمل اتصالاتي حالا
خرج و تركها مسرعا فجلست تفكر بشرود ثم همست مع نفسها بشر
-وعدتك اني هانتقملك منه بطريقتي .. وقت ياسين قرب يخلص و قريب اوي هتبقى كل ثروته ملكنا
انتهت مراسم كتب الكتابين و قدم ياسين و خالد شبكتيهما للعروسين و كذا خواتم الخطوبة
بعد العشاء خرج الجميع إلى الحديقة من اجل حفلة كتب الكتاب التي جهزها ياسين
وقف الجميع مشدوهين و على رأسهم فاتن من فخامة ذلك الحفل و تحضيراته
كانت الحديقة مضاءة بشكل بديع يعكس جمالها الساحر ليلا
و كان فستان أميرة يظهرها كنجمة شديدة اللمعان فقد كان مرصعاً بالكامل بالماس و الأحجار الكريمة، ما منح أميرة إطلالة باهرة و بريقاً لا يضاهى.
كان الحرس في كل ركن من اركان الحديقة تحسبا لأي ظرف
بينما يتقدم الضيوف الى البوفيه المفتوح أشار ياسين الى نانسي لتهتم بأمر الصحفيين الفضوليين الذين كانوا يستميتون للحصول على اجابات منه
نانسي : تفضلوا من هنا سنترك السيد يستمتع بحفل عقد قرانه ، بصفتي مديرة مكتب السيد ياسين سأجيب على كل اسئلتكم ..من هنا من فضلكم
اخذتهم جانبا الى احد أجزاء الحديقة و توجهت جميع عدساتهم نحوها لترك بعض الخصوصية لياسين و أميرة
فور توجههم نحوها إقتربت فاتن التي كان ينتابها الفضول اكثر منهم حول كل تلك المجوهرات التي قدمها لها و كذا الفستان الذي كان قطعة فنية حقيقية
صحفي 1: سيدة نانسي أولا نريد أن نعرف تفاصيل عن الفستان فمن الواضح أنه فريد من نوعه
نانسي : انت محق في ذلك ..فبغض النظر عن تكلفة صنعه الباهضة ,لهذا الثوب قصة تجعله اغلى من ثمنه بكثير لأنه مصمم حسب الطلب و لا يوجد منه سوى قطعة وحيدة
-هل يمكنك التوضيح اكثر؟
-بالتأكيد ..يدعى ثوب الزفاف هذا بالثوب الماسي الذهبي يبلغ ثمنه 8.5 مليون دولار، من تصميم المصممة اليابانية المبدعة يومي كاتسورا بناءا على طلب من الاميرة الدانماركية صوفيا التي كان من المفترض عقد قرانها على الامير كارل ولي عهد النرويج
شهقت فاتن و وضعت يدها على فمها حتى لا يسمعها احد
-يا مصيبتي!فستان أميرة حقيقية؟؟ و كمان 8 مليون دولار للفستان بس؟!!
أكملت نانسي
-في فترة من فترات الخطوبة وقع خلاف بين العائلتين المالكتبن للبلدين مما ادى الى الغاء الزفاف و رفضت الاميرة اي شيء يذكرها بهذه الذكرى المهينة على حد قولها لذا بقي الثوب في دار الازياء التي صمم بها في كاليفورنيا و قد عرض في المتحف الخاص بها منذ سنتين و لم يستطع أحد شراءه
يعتبر أهم و اكثر الفساتين ترفاً وكلفةً في مجموعتهم التي تضم أكثر من 650 ألف فستان زفاف.
صحفية 2 و هي جالا صديقة ليليان في صحيفة الازياء
: هل يمكنك اعطاؤنا وصفا له
اجل…صُمم ثوب زفاف الأميرة صوفيا كما ترون باللون البيج الملوكي، وتم تطريزه بخيوط فضية، قماشه من الساتان الأبيض والعاجي كما استخدم فيه الدانتيل الإنجليزي والفرنسي تزين هذا الثوب الرائع والفريد من نوعه، بألف حبة لؤلؤ، و رصع من اعلاه بألماس نادر أبيض وذهبي عيار 5.5 قيراط، مع ألماس أخضر عيار 8.8 قيراط..عددهم 68 ماسة قيمة الواحدة لا تقل عن 50 الف دولار
اجريت بعض التعديلات على العنق و الأكمام لتتناسب مع لبس محجبة
همست جالا لنفسها بشماتة: لو كانت ليليان موجودة كان زمانها اتجلطت أكيد 🙄😂
في تلك اللحظة وصل صالح إلى فاتن
-بتعملي هنا ايه و سايبة بنتك لوحدها؟
فاتن بصدمة: الحق يا صالح : قال و احنا اللي اتهمناها بسرقة 30 الف دولار …دي واحدة بس من الالماظ اللي هي لابساه في فستانها تساوي تحويشة عمرك كلها !! 😱😱 يا ريتنا ما عملنا العملة المهببة دي …منك لله يا حنان
صالح بتذمر : مالناش دعوة بقى …امشي قدامي بلاش فضا’يح
فاتن و هي تنظر الى نانسي : هسس مش متحركة من هنا …بتتكلم عن الشبكة. هموووت و اعرف جابهالها بكااام دي كمان
وقف صالح ينظر إليها بيأس
سأل صحفي : ماذا بخصوص القلادة التي اهداها إياها..تبدو مألوفة لنا ..مؤكد ان لها هي الاخرى قصة مميزة
نانسي بإبتسامة : هذا صحيح ..اقتناها السيد ياسين من دار “كريستيز” للمزادات العالمية و هي قلادة من الألماس وزنها 163 قيراطاً مقابل مبلغ 33.5 مليون دولار أمريكي و ماستها الكبيرة النادرة تعد الأكبر من نوعها التي تُعرض في مزاد علني لأنها احدى مجوهرات التاج الملكي الفرنسي التي تمت مصادرتها في عام 1887 ، بعد لجوء نابليون الثالث وزوجته يوجيني إلى انجلترا، وتركهما مجوهراتهما ورائهما.
القلادة مصنوعة من الذهب الأبيض والألماس والزمرد، وقد صممها صانع المجوهرات السويسري دي غريسو، واستغرق تصميمها 1700 ساعة،
فاتن : اهو دي الشبكة ولا بلاش …مش اللي انت فرحان لي بيها و قال ايه خطيب بنتك جايبها لها بمئة ألف دولار 😏
شدها من يدها و أخذها بعيدا عن المؤتمر الصحفي و هو يجز على اسنانه: بقولك ايه يا فاتن !! انتي تلمي الليلة احسن لك و تحمدي ربنا ان عريس بنتك جايبلها شبكة لو قعدت اشتغل طول عمري مش هاعرف احوش ثمنها !! انتي ايه !! مش بيعجبك العجب !!
كان صحفي يسأل عن خاتم الخطوبة الماسي
فاتن : طب اسكت خليني اسمع حكاية الخاتم ده ايه حاسة اني هتجيلي جلطة الليلة
شرد صالح لوهلة ثم قال بتذكر: اااااه صحيح !!! هو ايه اللي حصل من شوية ده !!!
فاتن ببلاهة: ايه؟؟
-هو انتي اعترفتي للناس كلها باللي عملناه و اعتذرتي منها كمان ؟؟! انا عارفك كويس و حافظ كل حركة منك و بأقول انك مستحيل تعمليها حتى لو اتحطت الس”كينة فوق رقبتك ! بقى ازاي حصل ده! و ايه السر ف كدة؟؟
-سر ايه … احنا غلطنا ف حقها و كان لازم نتأسف لها ..مش انت بنفسك قلتلي جوزها ميلياردير و هينفعنا بعد كدة ؟؟ اديني عملت بنصيحتك 🙄
-لا و الله !! عايزاني اصدقك على كدة!! قوليلي الحقيقة يا فاتن . .. انتي كنتي مع ياسين لوحدكم في اوضة السفرة و طلعتو سوا و اعترفتي بعدها على طول ..اوعي تفتكري اني مش واخذ بالي !
ارتبكت فاتن و نظرت حولها : اوووف منك يا صالح .. و بعدين معاك هو ده وقت تحقيقك ..
نظرت بإتجاه سحر و قالت مسرعة : يالا نروح عندهم مش حلوة نسيبهم لوحدهم
غادرته مسرعة مما زاد الشك اكثر في قلبه ؛ دلوقت مش حلوة تسيبيهم !! و انتي من شوية مكانش همك غير فستان أميرة و الخاتم بتاعها !! طيب يا فاتن .. مسيري اعرف انتي مخبية ايه
ذهب وراءها الى ياسين و خالد و أميرة و سحر الذين كانوا يتسامرون بينهم و يضحكون
قال ياسين لخالد
– النهاردة فرحتنا فرحتين لان صديق عمري بيتجوز معاي في يوم واحد الف مبروووك …
-الله يبارك فيك و انا مبسوط اوي انكم موجودين معايا انت و أحمد و ام أحمد في يوم زي ده
ياسين : شد حيلك بقى عشان الفرح و ما تقلقش هديتك انت و سحر جاهزة
أميرة : هدية ايه دي؟؟
قال خالد : هدية ايه بس احنا أصلا افضالك مغرقانا … كفاية عليا وقفتك معاي في يوم زي ده عشان ما احسش بالغربة
-لو ما وقفتش معاك هأقف مع مين يا لودا ..المهم عقد المصنع بتاع اوتاوا جاهز و بإسمك فاضل بس يتكتب في الشهر العقاري و حلال عليك ☺️ 🥰
خالد بدهشة: مصنع ايه بس يا ياسين !! ده كثير اوي !! ده اكبر مصنع في مصانعك كلها
ياسين بحب: ما يغلاش عليك يا لودا ما تنساش انت اللي بنيته و شقيت عليه … مش خسارة في اخوي ☺️
لمعت علينا فاتن بطمع بينما نظر ياسين الى سحر و قال
-ما نسيتكيش انتي كمان هديتك جاهزة ..أميرة قالتلي عملتي ايه عشانها…لولاكي كان زمانها في السجن …عشان كدة انا مجهزلك عقد تمليك لشاليه في الملديف بإسمك
سحر بدهشة : شاليه في المالديف !! بإسمي ؟؟؟
ياسين : ايوة تبقو تصيفو فيه لما تزهقي من الغردقة ☺️
سحر بمزاح : و انا ايه اللي هيوديني الغردقة ؟
ياسين : هو خالد ما قالكيش ان عنده شاليه في الجونة بالغردقة؟؟ نظر الى خالد و قال بتصنع البلادة : يبقى أكيد ما قلتلهاش كمان عن فيلتك اللي في غاردن سيتي!!
نظرت فاتن الى صالح الذي قال بدهشة : غاردن سيتي !؟
ياسين : اومال ابوه الله يرحمه كان عايش فين بعد ما اتقاعد !! ! أكيد عنده فيلا و احسن من اللي هنا بكثير كمان
صالح : بس خالد ما قالش حاجة عن كل ده !!
خالد بإحراج : ما جاتش فرصة بس عشان اقولكم و محدش سألني..في تلك اللحظة رن هاتف خالد وكان بدر
كانت حنان تريد أن تودعهم قبل أن يغادرا منزل خالتها فاعطى الهاتف لسحر و فاتن و بينما يبتعدان ليكلمانها فيديو همس خالد لياسين
-ايه لزوم الفصل اللي انت عملته من شوية ده ؟
ياسين بضحك:ده بدل ما تشكرني ! اعمل لك ايه بس .. حماتك طماعة و عينها فاضية ….مش شايف عينيها هيطلعوا في وشنا انا و مراتي ازاي ! قلت اخليها تلتهي شوية ..خليها تعرف ان انت كمان مش قليل 🙄😉
أخيرا انتهت الحفلة التي كانت اكثر من رائعة و سعدت أميرة كثيرا بوجود والديها و اختها و ارتاحت نفسيا كأن جبلا قد انزاح من فوق كاهلها
ساعدتها نانسي على الصعود الى جناحها من أجل تغيير ملابسها و حاولت فاتن اللحاق بها لكن أحد الحرس كان لها بالمرصاد و منعها من الصعود لأنها رغبة السيد
غادر الجميع ما عدا عائلة أحمد التي بقيت لقضاء الليلة في الجناح المخصص لهم و المغادرة في الصباح
رفضت خالة أميرة البقاء في القصر بعدما حدث بينها و بين ياسين الذي كانت تتجنب مواجهته طيلة الحفل و لا تجرؤ على النظر اليه و قد لاحظ صالح ذلك و ازدادت شكوكه اكثر بعدما اصرت على الذهاب إلى منزل خالد بدلا من البقاء في القصر .
و بعد مدة لم يبق في الأسفل سوى ياسين و ام أحمد التي كانت تقف على رأس الخادمات لتنظيف كل شيء
-الحفلة كانت حلوة اوي و أميرة كانت منورة ربنا يسعدكم يا ابني و يبعد عنكم عين الحسود و الحقود و اللي ما يصليش على النبي
-عليه الصلاة و السلام ،ربنا يخليكي لينا يا ماما .. بس انتي النهاردة تعبتي اوي لو تروحي ترتاحي و هيبقوا يخلصوا شغل الصبح …الشغل مش هيهرب
-لا يا ابني مش تعبانة بالعكس مبسوطة اوي …من لما مات عمك سليمان ما فرحتش كدة …و من فرحتي حاسة اني اقدر اشتغل للصبح ..☺️ يالا ما تشغلش انت بالك بيا و روح لعروستك زمانها مستنياك
ياسين بإستسلام :براحتك طبعا … اللي تشوفيه يا ماما ..تصبحي على خير ☺️
-تلاقي الخير يا ابني
كان يهم بالصعود الى الأعلى حين رن هاتفه
-الو …ايوة يا رمزي .. متأكد من كدة ؟؟
-……..
طب بقولك ايه … ما تعملوش حاجة ..انا هأبقى أتصرف بنفسي …و الگلاب اللي مسكتوهم في المصنع المساء سيبوهم يمشو …
-…………
-لا ما تخافش ..ما اعتقدش هيقدرو يرجعو بعد العلقة اللي خذوها و كمان الراس الكبيرة بتاعهم مش موجود مش هيعرفوا يتصرفوا من غيره …
اقفل الخط و صعد الى الأعلى و هو يتنهد بعمق و يهمس مع نفسه بينما ينظر الى الأعلى: يا رب الموضوع ده يتم على خير…انا مش شايل هم حاجة ولا يهمني حاجة غيرها هي و انها تكون بأمان .
في مكان آخر
أجرت جالا أتصالا هاتفي
-الو …
-إتأخرتي يعني ؟
-إتأخرت ايه ؟ أنا لسة واصلة البيت من شوية ..
-المهم ..ايه الأخبار ؟
حكت له كل ما حدث بالتفصيل و استوقفته جملة شدت انتباهه
-انتي قلتي ايه؟
-بيقولوا الجواز مش هيتم الا في مصر
-انتي متأكدة من الكلام ده !!
-إلا متأكدة …هو قايل الكلام ده بنفسه لأبوها و الكل سمعه و تقدر تتأكد من حد تاني ..بيقول ده شرطها
-هاااااايل …شكرا ليكي ☺️..مكافئتك هتوصلك زي ما وعدتك عشرين الف دولار هتكون في حسابك بكرة الصبح
اقفل الخط و هو يفكر : طلعتي عب’يطة يا أميرة هانم… يالا من حسن حظي وفرتي عليا حاجات كثير
-مكافأة ايه اللي سمعتك تتكلم عنها دي ؟؟
،التفت ايهاب خلفه فوجدها تنظر اليه بفضب
-دي وحدة صخفية جايبلنا خبر بمليون جنيه يا سما
-مليش دعوة بكل ده رد على سؤالي : مكافأة ايه دي ؟؟
-انا وعدتها بمبلغ عشرين الف جنيه مقابل انها تجيبلي تفاصيل عن الحفل
-يعني افهم من كدة ان معاك فلوس و مخبيها عني؟؟
-يا بيبي افهمي ده مبلغ كدة كنت شايله لزوم اي طاريء
-مليش دعوة … انا بقالي اربع ايام مش عارفة افطر زي الناس و انت عمال بتقولي اول ما ناخذ ميراثنا هعيشك ملكة و انت معاك عشرين الف ؟؟ يبقى أكيد معاك غيرهم هااا؟؟؟ و في الاخير ايه ؟؟
و لا خطتك نفعت و لا ياسين ما”ت و هنفضل زي الجر”بانبن ناكل في جبنة حاف الصبح و في مكارونة الغدا !!
ايهاب بضيق : أوعدك كل ده هيتغير انتي بس اصبري عليا شوية مش فاضل كثير
سما : طب و بخصوص موضوع الفلوس اللي متعود يبعثها
وصلت لايه ؟؟
-مفيش …ما وصلتش لحاجة
سما بشك: متأكد؟؟
-ايوة يا سما و من فضلك سيبيني في حالي دلوقت …مش عايزة انتقامك منه و فلوسه في نفس الوقت !! انا هاحققلك كل ده قريب اوي …انت بس بطلي تضغطي عليا كل شوية في موضوع الفلوس و سيبيني اشوف شغلي ماشي؟؟
نفخت بضيق و غادرت فتذكر ايهاب مكالمته سابقا مع مدير أحد البنوك
فلاش
-انت متأكد يا منصور بيه ؟
-طبعا متأكد.. الحساب الجديد بإسمها اتفتح من اسبوع تقريبا و اتحول عليه ثاني يوم مبلغ 1300 دولار و اتسحبت في نفس اليوم
-طب متشكر اوي يا منصور بيه تعبتك معايا
عودة من الفلاش
همس إيهاب بشر : يعني حتى الفتافيت اللي بترميهالنا كل شهر استخسرتها فينا ؟؟ طيب يا ياسين الگلب … هأفكرك بكل ده لما اقف على قبرك و اتنعم في قصرك بفلوسك ….أوعدك بكدة

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الأميرة والمغترب)