رواية تزوجته فقيرا فأغناني الله به الفصل الأول 1 بقلم نسمة مالك
رواية تزوجته فقيرا فأغناني الله به الفصل الأول 1 بقلم نسمة مالك
رواية تزوجته فقيرا فأغناني الله به البارت الأول
رواية تزوجته فقيرا فأغناني الله به الجزء الأول
رواية تزوجته فقيرا فأغناني الله به الحلقة الأولى
صفعه..تليها الاخرى..
بكل عنف تجذبها من شعرها حتى كادت ان تخلعه من جذوره..
نجوى:بغضب عارم..مش كفايه اتكتب كتابك عليه غصب عنى..كمان عايزه تروحى تعيشى معاه غصب عنى..
صفعتها بعنف اكبر..انتى يابت بتفكرى ازاى..
عايزه تدفنى شبابك بالحيا مع واحد فقير محلتوش جنيه بعد ما حط كل اللى حوشه فى عمليه امه وقاعد مكتئب وقافل على نفسه من ساعه ما اخواته خدو امه منه ولا بياكل ولا بيشرب لحد ما هيموت وانتى عايزه تروحيله عشان تموتى معاه وتحرقى قلبى عليكى..
ضربتها بكلتا يدها على ظهرها بعنف..
انا خلفتك علشان تقرفينى فى عيشتى..
بدل ما تفرحينى بيكى..
واشوفك عروسه باحلى فستان واجمل فرح مع واحد يعملك شقه تليق بعروسه..صفعتها بعنف..
عايزه تتجوزى سكيتى لييييييه معيوبه ولا بيره..
جذبتها من شعرها بعنف..
اسمعى يابت اول ما ابوكى يجى تقوليله انا مش عايزه الجوازه دى وتخليه يطلقك منه ويشوف حاله بعيد عننا..
حبيبه:بنهيار..يا ماما انا مش هسيب ايوب مهما حصل..
نظرت لها بعيون تغرقها الدمع..
ايوب بقى جوزى وواجبى افضل جنبه فى شدته..صرخت بعلو صوتها..وانا مش عايزه لا فرح ولا فستان ولا شقه..
بكت بنحيب..انا عايزه ايوب وبس..
وضعت كف يدها على قلبها وأغمضت عيونها بعنف لتنهمر دموعها بغزاره اكثر..عايزه جوزى حب عمرى..
همت نجوى بالهجوم عليها وضربها مره اخرى لكن صوت محمد الصارم اوقفها..
محمد:بغضب..نجوى..نظرت له..اياكى تمدى ايدك على بنتى تانى..نظر لحبيبه..البسى هدومك يا حبيبه..صمت لوهله.. هوديكى لجوزك..
البارت الاول..
..نبدأ حكايتنا..بسم الله الرحمن الرحيم..والصلاه والسلام على خير خلق الله..محمد بن عبد الله..
وعلى اله وصحبه وسلم..صلاه تنحل بها العقد..
وتنفك بها الكرب..وينفتح بها ابواب الرزق..
…………………………………………..
..تزوجته فقيرا فأغناني الله به..
✍نسمه مالك✍..
………………………………………………
سطعت شمس نهار جديد..
بمنطقه شعبيه تمتاز بعائلات من الطبقه المتوسطه..
وعائلات اخرى من الطبقه الفقيره جداا..
أستيقظ بطلنا بالصباح الباكر كعادته على صوت والدته الحنون..
زينب:ايوب..ربطت على كتفه..اصحى يا ضنايا الشمس طلعت..وضعت كف يدها على رأسه وبدأت تقرأ ما تيسر من القرأن الكريم حتى انتهت..
بحب قبلت جبهته واكملت بغضب مصتنع..
اصحى بقى يا واد..هعملك طعميه سخنه تستاهل بوقك..
ببطئ..فتح عيناه السوداء ذات الرموش الكثيفه واعتدل جالسا وهمس بسره..
ايوب:اصطبحنا وأصطبح الملك لله..نظر لوالدته ببتسامه..
صبحك الله بالخير يا امه..
زينب:صباحك رضا ورضوان وجنه من الرحمن يا قلب امك..
يله قوم صبح وشك واتوضى وصلى وتعالى افطر معايا قبل ما تنزل على اكل عيشك..
ايوب:بعتاب..برضو نزلتى يا امه..اقترب منها وقبل يدها بعمق..السلم يتعبك يا حبيبتى..عايزه اى حاجه صحينى وانا اجبهالك..
زينب:ببتسامه..متخفش على امك يا ضنايا..
ربطت على وجنتيه بحنان..قلب امك لسه بخير بفضل ربنا وعشانك يا ايوب والا مكنش يستحمل اللى اخواتك عملوه ووقف من القهر والحسره يا ابنى..
ايوب:بلهفه..بعد الشر عليكى يا ام ايوب..قبل جبهتها..
ربنا يباركلى فى عمرك ولا يحرمنى منك ابدا..
تنهد بألم..واخواتى ربنا يهديهم..ادعلهم يا امه..
زينب:دعيلهم ودعيالك يا ضنايا..ربطت على كتفه..
على ما تدخل الحمام اكون حضرتك الفطار..
ابتعد بنظرها عنه واكملت بتوتر..
وابقى ارجع على المغربيه يا ايوب علشان هنروح مشوار..
ضيق ايوب عيناه ونظر لها بستغراب وبتسائل تحدث..
ايوب:مشوار ايه يا امى؟!!..اتسعت عيناه بصدمه وبزهول اكمل..اوعى تقوليلى عايزه تروحى لاخواتى تانى..
زينب:بضحكه متألمه..نروحلهم تانى هههههه..علشان يطلبولنا البوليس المرادى..اغمضت عيونها بعنف تحاول التحكم بدموعها..لا يا حبيبى مش هنرحلهم..نظرت له وابتسمت بفرحه..هنروح نخطبلك..
ايوب:بعدم فهم..نعم؟!!..تخطبى لمين؟!..
زينب:اخطبلك انت يا ضنايا..التمعت عيونها بالدموع..
نفسى افرح بيك واشيل ولادك يا ايوب..
ايوب:بصرامه..امه..انا مش هتجوز واجيب واحده اظلمها معايا..
زينب:يا ابنى ربنا ما يجيب ظلم..والعروسه اللى انا اخترتهالك بنت حلال عارفه كل ظروفك وراضيه بيك..
ايوب:امممم..ومين بقى العروسه دى..نظر لها بتحذير..
اوعى تقولى حبيبه بنت عم محمد..
زينب:بفرحه طفوليه..هى يا واد..بت زى البدر..
ايوب:ببتسامه..عارف حبيبه يا امه..غمز لها بشقاوه..
دى احلى من البدر كمان..
زينب:هههههه..اه منك يا واد انت..يعنى لامح البت وعارف انها بتتمناك..
ربطت على ظهره بحنان..البت ادب واخلاق وانا بعتبرها بنتى اللى مخلفتهاش وبمشيئه الله ربنا هيجعلهالك عوض وفرحه عن كل اللى شوفته فى حياتك يا حبيبى..وبالقرشين اللى معاك هنج..؟!!..
قطع حديثها ايوب برجاء..
ايوب:امه..شيلى الموضوع دا من دماغك خاااالص..
امسك كلتا يدها بين يديه وبدموع تحدث..
الفلوس اللى معايا دى فلوس عمليتك انا مش هاخد منها قرش لنفسى..وهفضل انحت فى الصخر واشتغل كل حاجه واى حاجه يجيلى منها قرش بالحلال لحد ما اكمل المبلغ اللى الدكتور قال عليه وتعملى العمليه وتخفى وترجعى احسن من الاول يا ست الكل..
زينب:ببكاء..انا مش هعمل عمليات يا ايوب انا الحمد لله كويسه..وانت هتتجوز حبيبه يعنى هتتجوزها..
ايوب:اهدى يا امه بلاش عياط علشان خاطرى..
زينب:بصرامه..انا خت معاد من اهل حبيبه علشان نروح نخطبها..
ايوب:بزهول..واهلها واقفو؟!..ابتسم بألم..ولا انتى مقولتيش ليهم سبب الزياره؟!..
زينب:بصدق..انا قولتلهم هنيجى المغربيه نشرب معاكم الشاى..
نظرت له بتمعن..لكن حبيبه انا قولتلها اننا هنطلبها وهى موافقه..
ايوب:بتنهيده..هى اه..اهلها مستحيل يا ام ايوب وخصوصا امها..
زينب:بغضب..مستحيل ليه ان شاء الله..وانت فيك ايه يتعيب ان شاء الله..دا انت كل الحته بيحلفو بأخلاقك وادبك واولهم ام حبيبه..نظرت له برجاء..علشان خاطرى يا ضنايا تعالى معايا نطلبها وارمى حمولك على الله..وصدقنى يا ابنى اول ما تطلب حلال ربنا هتلاقى باب رزق اتفتحلك من حيث لا تحتسب..
ايوب:بنفاذ صبر..حاضر يا امه..انا هريحك..وهجى معاكى نطلبها..بس مش عيزك تزعلى لما يرفضونى..
زينب:بفرحه عارمه..قلبى بيقولى حبيبه هتبقى مراتك يا ايوب..واطمن يا حبيبى مش هيرفضوك وبنتهم عيزاك..
حرك ايوب راسه بالايجاب وابتسم لها ابتسامه باهته وهمس بسره بأسف..
ايوب:انا هخلى بنتهم ترفضنى..اغمض عينه بعنف..
وتشلينى من دماغك خالص يا حبيبه..
ولكن عذرا ايوب انت ليس برأس حبيبه..انت داخل اعماق قلبها..
..استوووووب..ايوب زيدان..30 عام..شاب شديد الوسامه بملامح يظهر عليها الشقى.يمتاز باخلاقه العاليه وطبعه الهادئ..حاصل على الشهاده الاعداديه..
ولم يكمل تعليمه وبدا يعمل باحدى الورش حتى يستطيع تعليم اشقائه..
يقيم مع والدته بغرفه صغيره ببيت عائله والده..
………………………………………….
بمنزل أخر..تمتلكه عائله مستوره الحال..
الاب..محمد موظف بأحدى الهيئات الحكوميه..
الام..نجوى..موظفه ايضا بمكتب بريد..
كعادتهم..استيقظو بالصباح الباكر استعدادا لعملهم..
محمد:صباح الخير يا ام هبه..
نجوى:بضيق..اهو صباح والسلام..
محمد:بستغراب..مالك يا وليه..ايه البوز اللى على الصبح دا..
نجوى:بتحذير..محمد..قولى الحقيقه..انت ايوب ابن عم زيدان الله يرحمه طلب منك ايد حبيبه؟!..
محمد:بصدق..لا..ابتسم بتمنى..بس يا ريت والله..دا واد جدع وبميت راجل والف واحده تتمناه..
نجوى:بعلو صوتها..الا بنتى يا حبيبى..هو جدع وراجل اه وانا اشهد بكده..لكن مش معنى كده انى اجوزه بنتى..
محمد:يا وليه بقولك مطلبهاش اصلا تقوليلى مش هجوزهاله..
نجوى:نفخت بضيق..امه قبلتنى عند محل الطعميه وقالتلى هنيجى المغربيه نشرب معاكو الشاى انا وايوب..
محمد:بفرحه..يا الف مرحب..ينورو..
نجوى:انت فرحان كده ليه؟!!..
محمد:ومفرحش ليه..ايوب راجل انا اتمنيته فى يوم لواحده من بناتى وبما ان هبه اتجوزت يبقى ربنا يكتب حبيبه من نصيبه..
نجوى:بغيظ..انت عايز تجننى يا راجل انت..عايز ترمى بنتك لواحد فقير دقه محلتوش اللضه..لييييييه..بيره ولا معيوبه علشان ترميها الرميه دى؟!..
محمد:بتعقل..بقولك ايه..اهدى وصلى على النبى كده يا ام هبه وافتكرى ان الفقر مش عيب..وادعى ربنا انهم يطلبو حبيبه وتكون من نصيبه لأن ايوب هو اللى هيصونها ويحطها جوه عيونه..تنهد بألم..مش هيعمل زى جوز بنتك الصايغ اللى مجننها وراه ومخليها تلف حولين نفسها من اللى بيعملو فيها..
نجوى:بأصرار..سيبك من كل الكلام دا..كلامك دا ميأكلش عيش..هبه بنتى متجوزه اكبر صايغ فى شارع الصاغه مخليها برنسيسه احسن لبس واحسن اكل بيجبهولها..
وانت عايز تجوز اختها لواحد هيجوعها وينيمها من غير عشا..دا على جثتى يا محمد..
محمد:بيأس..انا اتاخرت على شغلى..وهكون فى انتظار الناس فى المعاد..نظر لها بتحذير..واوعى تكسفيهم او تقولى اى كلمه تحرجهم يا نجوى..الناس ياخدو واجبهم ونشوفهم عايزين ايه بالذوق والادب لان مهما كان دول جيرنا فى الاخر..
نجوى:بتنهيده..حاضر يا محمد..بس يكون فى معلومك اللى انا عيزاه هو اللى هيتنفذ..
محمد:بصرامه..اللى حبيبه عيزاه هو اللى هيتنفذ..انا مش هغصب بنتى على حاجه ولا همنعها من حاجه هى عيزاها..
نهى جملته وانتفضت بفزع حين أسرعت ابنته بفتح باب غرفتها وركضت نحوه بكل سرعتها احتضنته بحب شديد وببكاء تحدثت..
حبيبه:يا حبيبى يا بابا..قبلت وجنته..ربنا ميحرمنيش منك ابدا يارب..
محمد:ببتسامه..ولا منك يا حبيبه ابوكى..
نجوى:بغضب..الله الله دا انتو طبخنها سوا بقى وانا اخر من يعلم..
محمد:بغضب مصتنع..اوعى يا حبيبه من وشى اخرتينى على الشغل برغى امك دا..غمز لها وبهمس اكمل..اجرى على اوضك امك لو مسكتك هتعملك شورما..
اؤمئت حبيبه له بطاعه وفرت هاربه على غرفتها..لتنادى عليها نجوى بغضب وغيظ شديد..
نجوى:بتجرى يا حبيبه..طيب وحياه امك لما ارجعلك من الشغل..نظرت لزوجها بشرار..رغى امك ها..مسحت على ذقنها باصابع يدها واكملت بوعيد..ماشى..اما وريتك انت وبنتك مبقاش انا نجوى..
بينما داخل غرفه حبيبه..
تقفز بفرحه عارمه على سريرها وبضحك وبكاء بان واحد تحدث نفسها بعدم تصديق..
حبيبه:هتجوز بيبو..أخرجت صوره صغيره له اخذتها من والدته تخبئها بجوار قلبها قبلتها بعشق..ربنا حققلى حلمى وهتجوزك يا ايوب..ضمت الصوره لصدرها..
اااه لو تعرف انا بحبك اد ايه..
رفعت عيونها للسماء وبتوسل همست..
يااارب اجمعنى بيه فى الحلال باقرب وقت يارب..
..استووووب..حبيبه..20 عام..بغايه الرقه والجمال..
تمتاز ببرائه ملامحها وطيبه ونقاء قلبها..بتالته كليه تجاره..
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية تزوجته فقيرا فأغناني الله به)