رواية حب الروايات الفصل الثالث 3 بقلم فونا

رواية حب الروايات الفصل الثالث 3 بقلم فونا

رواية حب الروايات البارت الثالث

رواية حب الروايات الجزء الثالث

رواية حب الروايات الحلقة الثالثة

_عيطت كتير أوي لدرجة أن صوتي بدأ يعلي وهو كان عمال يهديني
_مريم خلاص أهدي عشان خاطري أنا كويس قدامك أهو وصدقيني مش زعلان
بصتله وحاولت اهدي وأتكلمت بصوت طفولي_بجد
ضحك علي شكلي وأتكلم بحنان_بجد
اطمنت عليه وخرجنا من المستشفى ولقيت عربيته قدام المستشفى بس مخبوطة خبطة وحشه
بصيتله شوفت نظره حزن في عيونه لأنها كانت غالية عليه أوي حاولت افك الدنيا
_يا عم تتصلح ولا يهمك عند الواد حسونه ولا أجدعها ميكانيكي
ضحك_مش ده بردو اللي ولع في عربية عم ابراهيم
ضحكت_بس بجد ولا يهمك خدت الشر وراحت كويس أنك بخير
=الحمدلله
_يلا بقي أركب
كنت رايحه ناحيه كرسي السواقه
_رايحه فين
=هسوق
_وده ليه
=أنتَ مش شايف شكلك رايح في داهية ازاي
_جبر الخواطر يا جدع
ضحكت فهو كمل_مريم إحنا هنروح بتاكسي أنتِ لو سوقتي هروح أنا والعربية
بصيتله بعند_وأنا قولت هسوق مفيش تكاسي
حاول ينكشني_خلاص بقي أنا كنت خايف عليكي يوه
بصتله بقرف_خايف عليا ولا علي العربية وبعدين ما كنت هسوق ونوفر فلوس التوك توك
بصلي بغيظ_مش أنتِ اللي قعدتي تقولي تاكسي لاا وشوحتي كده
_ايوة طبعاً ليه ندفع خمسين جنيه وإحنا ممكن ندفع خمسه
بصلي بغيظ وبعدين بص قدامه
_وصلنا
=تعالي هنا رايحه فين
_هطلع
=وأنا
_هتطلع معايا
=ونادية طب
اتكلمت بثقه_سيبهالي
أول ما طلعنا وفتحت الباب جريت عليه فضلت تحضن وتبوس فيه
_خلاص يا خلتو مش كده يا حبيبتي عيب وعلي السلم كمان
تجاهلتني وكملت وهي بتعيط_ حبيبي أنتَ كويس
رد عليها بتعب_اه يا حبيبتي محتاج أنام بس
_خليه يدخل يرتاح دلوقتي ونبقي نشوف حصله ايه بكرة يا خلتو يلا
بصلي بصدمه حاولت أكتم ضحكتني
قرب مني وهمس_ده أنا هبهدلك
ضحكت بأستفزاز_تصبحو علي خير
طلعت مكنتش قادره حتي أغير هدومي اترميت علي الكنبه ونمت
صحيت تاني يوم علي رنه الفون
فتحت منغير مأبص علي الأسم
أتكلمت بنوم_ألو
_ممكن تنزلي أنا تحت
أتصدمت أما سمعت صوته
=أنزل فين أنتَ أتجننت وانزل ليه
_مريم لو سمحتي انزلي عشان مطلعش أنا
=أنتَ مجنون مش نازله طبعاً وكل اللي بينا انتهي خلاص
_مريم أنا لسه بحبك
=وأنا بكرهك مبقتش طايقه أسمع صوتك كفاية اللي حصلي انبارح بسببك
مستنتش أسمع رده وقفلت في وشه
لسه صاحيه اصحي علي قرف كده!!
دخلت الحمام وطلعت لبست عشان هروح الشغل ومفطرتش كالعادة
نزلت الأول أطمن علي چون بس خلتو قالتلي أنه نزل
رنيت عليه وأنا نازله علي السلم
_ألو
=ألو فينك
_أنا تحت بجيب حاجه
=ماشي أنا نازله كده كده
نزلت ولقيته واقف تحت البيت
_صباح الخير
=صباح الفل
_عامل ايه دلوقتي
=اهو الحمدلله
أبتسمت_ماشي سلام بقي عشان هروح شغلي
مشيت من قدامه بس وقفني بصوته_مريم أنتِ كويسه
لفيت له_انا زي الفل
ومشيت وسيبته
البوم كان ممل بالنسبالي مكنش في حالات غير واحده بس
كنت بفكر في اللي چون قالهولي فكرت كتير ووصلت لحل إني اديله فرصه
خلصت شغلي وطلعت برا المستشفى لقيته واقف مستنيني
_ابن حلال كنت هكلمك عشان نتقابل
ضحك_شوفتي بحس بيكي تعالي نتغدي سوا ونتكلم بعدها
وبالفعل روحنا مطعم صغير كده وأكلنا هناك بس أنا مكنتش مركزه معاه أوي كنت سرحانه في الكلام اللي هيتقال
_ألووو
=ايه في ايه
_أنتِ اللي في ايه بقالي ساعه بكلمك
اتنهدت_عايزة أقولك حاجه
بصلي وابتسم_كلي أذان مصغية
أبتسمت _لسه عايز فرصه؟
بصلي بعدم فهم وبعدين ادرك ده واتصدم
_مم مريم أنتِ واعية أنتِ بتقولي ايه
=ده أكتر وقت أنا واعية فيه يا چون أنا اكتشفت أنك تستاهل وتستاهل أكتر من كده كمان
كانت الفرحه باينه في عيونه زي الطفل لما بباه بيجبله لعبه كان نفسه فيها
قام وأتكلم بفرح_مريم أنا مش مصدق بجد
ضحكت علي حركته_أهدي يا مجنون الناس بتبص علينا
مسكني من ايدي فجأة وشدني_ناس مين بس تعالي معايا
كان بيجري وأنا كنت بجري وراه
أتكلمت بضحك_أهدي يا مجنون
=أهدي ايه ده إحنا هنتجوز كمان شهر
وقفت بصدمه_شهر ايه أنتَ بتهزر
_لا مش بهزر الشقه وجاهزة والفستان هننزل نجيبه والفرح أنا هتصرف حتي شنطه هدومك مش لازم تجبيها أنا عايزك أنتِ وبس
خلص كلامه ومستناش ردي وشدني تاني وراه
_يبني اتهد بنجري زي العبط
أتكلم بفرحه_أنا فرحان أوي يا مريم
وبالفعل كل حاجه كانت جاهزة خلال شهر وخلاص تكه وهنبقي لبعض
وقت الفيرست لوك
بصلي وعيونه كانت مدمعه وأنا دمعت تلقائيا
_شكلي حلو
أتكلم وحاول يمسك دموعه_أوي زي الفراشه
كنت شايفه الفرحه جوة عيونه وأدركت ساعتها أن كانت كل اختياراتي في الحياة غلط ما عدا هو
كان عيد جوازنا الأول بس انهاردة العيد بقو اتنين عشان انهاردة أنا عرفت إني حامل بعد صبر سنه
نضفت الشقه وعملت اكل بيحبه ولبست لبس لطيف وحطيت ميكب خفيف
_كل سنه وأنتِ طيبة يا حبيبي وربنا يخليكي ليا
أبتسمت وحضنته_بس كده زغلول يزعل
خرجني من حضنه وأتكلم بأستغراب_زغلول مين
أبتسمت وحطيت ايدي علي بطني
بصلي بعدم فهم بعدين اتصدم_أنتِ حامل
هزيت راسي وأنا بتكلم بدموع_اه هنا في بيبي
شالني وقعد يلف بيا من الفرحه
_أنا مش مصدق بجد هبقي بابا ومنك أنتِ
وحقيقي كان أعظم وأحن بابا شوفته في حياتي
تمت♥️

لقراءة باقي حلقات الرواية اضغط على : (رواية حب الروايات)