رواية فارس الصعيد الفصل الحادي عشر 11 بقلم ريهام محمد

رواية فارس الصعيد الفصل الحادي عشر 11 بقلم ريهام محمد

رواية فارس الصعيد البارت الحادي عشر

رواية فارس الصعيد الجزء الحادي عشر

رواية فارس الصعيد الحلقة الحادية عشر

تجلس في غرفه اصبحت الان من المفترض انها غرفتها لا تعرف كيف ولما تغيرت حياتها في تلك الساعات القليله او ماذا حدث او اين هو الان فهو لما يواجها او يتقابلا غير وقت توقيعها علي عقود الزواج منذ اسبوع واختفي هي لا تنكر ان الامر ليس بذلك السوء ولكن لما حدث بهذه الطريقه تريد فقط معرفه لما هذه الطريقه لما البعد والجفاء منه هي لن تعاتبه هي تريد فقط بعض الاجوبه علي اسألتها لما يضعفها وهي القويه لما ايها الفارس
.
.
.
.
.
دخلت غرفه فاتن كي تتابع جلاستها فهي تنشغل بها وبعد كل شئ هذه مهمتها وهي تعلمت من والدها ان عملها مسؤليه في رقبتها حتي انتهائه فلا تعلق شئ في عنقها حتي لا ينكسر
.
.
فاتن التي يتقطع قلبها علي هنا وعلي حالتها فهي لا تاكل الا بعد الحاح كبير منهم وحتي تأخذ علاجها ولا تجلس معهم بل تظل منعزله في تلك الغرفه الخاصه بفارسها الذي هاجرها وهاجرهم معها ولن تغفر لفارس دموعها وماذا فعل بهنا هي فقط ستعاتبه عندما يأتي
.
.
.
.
هنا وهي جالسه في بلكون الغرفه وترتدي شال من الصوف فلبرد اصبح شديد::شايفه ياماما مش بيسأل عليا خالص ولا حتي بيجي يشوفني وحشني يا ماما قوي
.
بكت هنا كعادتها طيله الاسبوع
.
.
.
في الصباح
.
.
فارس ::زياد احجزلي اول طياره لمصر
.
زياد::ياااه اخيرا هتجطع حبل البعد
.
فارس::مش بيدي وانت عارف كل ده ليه وعارف انه عشان نرتاح بعدين
.
.
زياد::تحب ابلغهم ولا اي الدنيا
.
فارس::لا خليها ماشيه زي ماهي
.
زياد::تمام يا خوي
.
.
…………..
.
.
هنا::انا هطلع اوضتي يا فاتن شبعت
..
.
فاتن::شبعتي ايه انتي كالتي حاجه اصلا
.
ايه::عجيبه والله اوضتك مره واحد وكيف اوضتك وصاحبها غايب
.
فاتن::جوزها يا ايه وكل ما يملك ملكها كمان
..
ايه::انتي مصدجه الجوازه دي اصلن يا فاتن ولو حتي اتجوزا في عريس يختفي من يوم كتب كتابه لدلوجتي ولا انا غلطانه يا اماني
.
.
اماني::مش غلطانه غير في حاجه واحده انك ادخلتي في حاجه مش تعنيكي يا ايه
.
.
ايه بغيظ::يا عالم مانتي ممكن انتي وهي تكونوا
.
.
هنا بحده::بسس انا مش عايزه اسمع ولا كلمه كفايه لغايه كدا
.
.
.
صعدت هنا غرفتها والجميع نظر لايه بعتاب
.
.
ايه::اي مانتو شايفين بس كلكم عايزين تعملو عمي القصر اتجلب حاله من يوم ما دخلته وانتي يا فاتن اخوكي عمره مجعد الفتره دي كلها من غير ما يكلمك في انه في الموضوع يامه حصل حاجه توطي الراس كيف ما عمها جال
.
فاتن بحده::اخرسي يا ايه هنا شرفها من شرف عيله العربي دلوجتي وبلاش حديدك الي هيوديكي في داهيه ده واحمدي ربك ان فارس مش هنا والا كنتي هتبيتي في جبرك
.
.
.
.
.
.
……..
مريم::يا سلام عايزه تقوليلي انه عادي
.
عزه::ايوه عادي ثم لو قعد سنه مشفتوش عادي مش هتفرق معايا
.
مريم::يا عزه يا عزه انا صاحبتك وعرفاكي كويس دانتي هتموتي وتعرفي عنه خبر واحده بس
.
.
عزه::بصراحه يا بت انتي انا هموت واعرف هو فين لا وكمان بعد ما تواضعتك واتصلت بيه قال ايه يكون مغلق الرخم لا وكمان حتي السكرتير بتاعه زيه بارد وابيخ منه ومش راضي يقولي حاجه الدكتور مقليش اي اوامر اني اطلع معلومات عنه لاي حد انا حد حد في عينه
.
مريم::اهدي علي نفسك يا امي لايحصلك حاجه بس
.
.
عزه بحزن::انا بس عايزه اعرف هو كويس ولا لأ
.
…
دخلت رنا وجلست معهم.
.
رنا::عزه بقولك هو دكتور زياد مشفش الابحاث .ولا جه الكليه
.
عزه::معرفش حاجه اني زي زيكم لاعرف حاجه عن الابحاث او عنه
.
رنا::اصل في كذا حاجه كدا نسيتها في الصعيد فقولت لو مجاش اروح انا اجيبهم عشان حاجات ضروريه
.
عزه::رنا انتي عارفه وانا عارفه انك لاعايزه تروحي عشان حاجات ولا الكلام ده والي في دماغك انسيه لانه اتجوز خلاص
.
.
رنا بتوتر::احم اي الي بتقوليه ده لا طبعا انا كنت عايزه الحاجات علي العموم فصلتيني وانا غلطانه اني جيت واتكلمت معاكي يا ساتر
.
.
ذهبت رنا وتركت عزه تدعي عليها وعلي تكبرها
.
.
..
.
.
اما في الصعيد حل الليل عليه .
.
.
ايه بغضب::دانا هطربج الدنيا عليه يا بوي كل خيوط اللعبه اتفكت مني
.
حسن::احنا لازمن نفكر ونعجلها شويه خالد وكان حبه للبت دي مخليه معانا ودلوجتي اختفي وفوزي عمها كان طمعان في فلوسها وبرضوا اختي لسبب مجهول وام ياسين اختفت معاه دلوجتي مش هتجدر ندخل حد تاني في اللعبه ولازمن نحسبها صح يا بتي الاوضاع اتغيرت
.
.
ايه ::متجلجش بيت السبع مبيخلاش
.
.
………..
جالسه علي السرير تنظر لصورته الكبيره الموضوعه علي الحائط وهو يرتدي عبائته السوداء الفخمه وعمته وعصاه التي تشبهه
.
اغمضت عيناها طويلا وهمست::وحشتني
.
.
.
فارس بصوت قوي ثابت::وايات الله انتي اكتر
.
.
دقات قلبهاا الان لا تحدد هل هي لوجوده ام خوفا من ان يكون تهيات
.
فتحت عيناها ثم نظرت له قامت من السرير ببطئ واقتربت منه بعينان مليئه بلدموع
.
.
هنا بصوت حزين::انت موجود صح وده مش حلم او تهيأت
.
فارس بحزن علي حالتها وقسوته التي جعلته يبتعد كل هذه المده::انا موجود جدامك يا هنايا
.
هنا رفعت نفسها وضمته لاول مره بكل مشاعر الحب والاطمئنان لوجوده امامها او حتي لو انه مجرد حلم فستستغله وبعدها انفجرت من البكاء
.
.
فارس ضمها لصدره::ابوس يدك اهدي وانا اسف يا ست البنات والله عارف اني غلط بس اهدي واسمعيني
.
.
.
……………..
.
.
سعاد::اكده يا زياد هونت عليك المده دي كلها مره واحده بس تكلمني فيها
.
زياد::يا ست الكل كنت بطمن عليكي من فاتن مانتي
ملكيش في النت عاد
.
.
سعاد بتنهيده::الحمد لله انكم بخير ورجعتوا للقصر حاله مش مظبوط اليومين دول
.
.
زياد::كل حاجه هتكون بخير
.
.
.
.
………
كان جالس وهي في حضنه ويمسح علي شعرها بهدوء ::كل الحكايه اني مليش في امور العشاق والحب بس الي اعرفه خايف عليكي خوف جنوني وان حمايتك مسؤليه متحمله في رقبتي لغايه لما موت فمتزعليش مني واعرفي اني بعمل كل ده لمصلحتك
.
.
هنا بصوت ناعس::متبعدش تاني بقي……. وانا هنام لاني منمتش من اسبوع ونبقي نكمل كلامنا بكره تصبح علي خير عشان لسه هنتخانق
.
.
فارس سندها الي السرير ووضع الغطاء عليها جيدا::عارف ان الكلام ده كلوا هيتجال بكره تاني
.
.
…
.
.
في الصباح
.
.
زياد::يا بت متخليش دماغك كدا ناشفه جولتلك كان شغل ورجعنا اهو والعريس مع عروسته دلوجتي
.
فاتن بخبث::وعروستك كيفها
.
زياد::تجصدي ايه
.
فاتن::اباي هتخبي ولا هتكدب عليا فاتن هي روحت فاتن هي كانت عامله اي لما مشت فاتن هي
.
قاطعها زياد::خلاص خلاص والله يعني ادعي تكون ليا
.
فاتن::علي فكره يوم ما مشت كانت بتسال كتير وكان خوفها عليك واضح والبت دي باين عليها طيبه وبت حلال
.
زياد::بس متجوليش بت
.
فاتن::ههه بدينا اياك
.
.
.
استيقظت وهي تتقلب في فراشها ولكن تشعر كما لو انها مقيده
.
فتحت عيناها للحظات تستوعب من في سريرها تعلم انه هو ولكن تريد التأكد انه حقيقه
.
.
هنا ::فارس
.
فتح فارس عيناه ونظر لها وهي بين يديه ::صباح الخير
.
هنا::كنت فين ده كلوا ليه عملت فيا كدا
.
فارس اعتدل في جلسته::جلتلك امبارح
.
هنا بغضب::مش فاكره يا فارس انا عايزه افهم ليه ده كلوا انت بس قولت كل حاجه بعملها لمصحلتك حتي مسألتنيش انا عايشه ازاي الفتره الي فاتت بعيد عني في كل حاجه يا شيخ دانا فكرت انك مجوزني عشان تكسرني وتنتقم مني علي كلامي معاك قبل كدا
.
فارس بحده::صوتك ميعلاش تاني ومش هفكرك كل مره تاني حاجه انا كنت عارف انتي عايشه ازاي ومين ضايقك وكل حاجه خلال الاسبوع ده ومش هبرر ليه بس كله في وجته وبس
.
هنا::لا والله ده انا جاريه عندك مثلا انت عارف انت باختفائك ده خليت الي يسوا ولا ميسواش يتكلم عليا يريتك متجوزتني
.
.
فارس بحده وصوت عالي::هنا جصري حسك واتعدلي في كلامك واعرفي بتجولي ايه
.
.
هنا رمت رأسها علي صدره بتنهيده::انا اتعذبت في غيابك يا فارس
.
.
فارس ضمها::متزعليش العذاب كان مشترك يا هنايا بس اوعدك ان كل حاجه هتكون كويسه
.
.
……………..
..
.
فوزي::يام ياسين عيب عليكي بقالك يومين ومش عارفه اراضي الواد ده فين
.
ام ياسين::ياباشا هوصله بس الحلاوه هتكون تجيله المرادي.
.
فوزي ::اطلبي الي عيزاه بس يكون عندي
.
ام ياسين بضحكه خليعه::هيكون
.
.
.
.
………
ايه بفرحه::جد يا بوي فارس اهنه كيف عرفت
.
حسن::الحرس جالولي انه جه امبارح
.
ايه::اخيرا اهو اكده اعرف ابدء
.
.
.
.
……..
علي جوز اماني::طيب وهو فارس هيفضل كدا بدال عارف عنهم كل حاجه ميتكلم
.
اماني::الموضوع مش كدا بس فارس زي مانت عارف محتاج وقت في كل حاجه
.
.
شهد::ماما انا نازله الدرس
.
اماني::ماشي يا شوشو خلي بالك من نفسك
.
.
نزلت شهد ولقت صحابها مستنينها (سهيله وبسمله)
.
سهيله::انا محفظتش حاجه
.
بسمله ::ليه يا سهيله دا الدرس سهل
.
سهيله::كنت بتفرج علي مسلسل لن اعيش في جلباب ابي
..
شهد بضحكه خفيفه::مبتزهقيش من المسلسل ده
.
.
انس فجاه ظهر::السلام عليكم
.
البنات ردو السلام
.
شهد::استاذ انس
.
انس بأبتسامه::ممكن اتكلم معاكي شويه يا انسه شهد
.
شهد::بمناسبه اي ثم انا مبتكلمش مع حد مبتجمعنيش بيه صله قرابه فبعد اذنك انا همشي لاني هتأخر علي الدرس
.
..
.
بعد ان ابتعدوا عنه
.
سهيله::اوبا يا شوشو يا جامد
.
بسمله::مين ده يا شهد
.
شهد::يلا علدرس وبلاش كلام
.
.
.
.
….
فارس::وبعدين
.
هنا ::ولا قابلين
.
فارس ::يعني
.
هنا::يعني ولا حاجه هتفضل علاقتنا محدوده جدا وكأننا في فتره خطوبه لغايه ما حضرتك تفهمني كل حاجه وبس كدا
.
.
فارس اقترب منها جدا جدا::يعني انتي دلوجتي خطيبتي
.
هنا بتوتر وخجل::احم ايوه والي بتعمله ده غلط ابعد وعيب
.
اقترب فارس اكثر:: مهو انتي متعرفيش اني جليل الادب
.
هنا نظرت لعيناه::انت كدا بتكسفني
.
ابتسم فارس وابتعد عنها::هههه انت تتكسفي
.
هنا اعتدلت::ليه حد قالك اني قليله الادب زيك
.
فارس::هههه المهم غيري خلجاتك ويلا عشان نفطر
.
هنا ::ماشي
.
.
فارس::انا هدخل الحمام عبال لما تخلصي
..
.
.اخرجت هنا تيشرت وعليه بنطلون جينز اسود وارتدهم وتركت شعرها الطويل خلف ظهرها
.
خرج فارس من الحمام ونظر لها::مجهزتيش ليه
.
هنا::منا جاهزه اهو
.
فارس::لا والله
.
هنا::اه والله ..في ايه يا فارس
.
فارس بهدوء::اسمعي يا بنت الناس انا جبل اكده كنت بتحكم في نفسي لما بشوف خلجاتك واجول اتحكم في نفسك يا فارس هي بكره من نفسها هتغير اسلوب لبسها
.
هنا::وبعدين
.
فارس::انتي دلوجتي هنا العربي حرم فارس العربي يعني كل كبيره وصغيره هتعمليها هتبجي في وشي انا مش همنعك من حاجه بس هجولك انك عاجله وهتعرفي تحافظي علي جوزك زين
.
نظر لها فارس ثم اراد ان يذهب ولكن اوقفته يد هنا
.
.
هنا::انت رايح فين
.
فارس ببرود ::هستنكي تحت
.
هنا اقتربت منه ووضعت يدها علي عنقه وتحدثت بدلع ::يعني يا فارس تنزل وتسيبني وانت لسه جاي دي حتي عيبه في حقي قوي
.
.
فارسةبهيام::لا والنبي بعدين هسيبك تختاري خلجاتك بمزاجك وتحصليني
.
هنا::متبقاش رخم بقي انا حابه بعد كدا انت الي تختاري خلجاتي يا سيدي
.
فارس بابتسامه::ان كيدهن عظيم
.
.
……………..
.
سعاد::طب فهمني اي لازمتها تروح القاهره دلوجتي انت لسه راجع امبارح
.
.
زياد::الجامعه يا ست الكل بعدين مسافه الطريق بس وهكون هنا بليل
.
سعاد::يا مري يا زياد خليك يا ولادي ارتاح شويه
.
زيادبهمس::منا هرتاح لما اروح الجامعه واشوفها
.
سعاد::بتجول ايي
.
زياد::بجول ادعيلي بس وان شاء الله هعاود بسرعه
.
.
.
.
.
…….
فوزي::ازيك يا خالد
.
خالد وعلامات الغضب ظاهره علي وجهه::عايز مني ايي
.
فوزي ببرود وهو يشرب سيجارته::انت عارف ان بنت اخويا الي هي هنا اتجوزت
.
خالد بحده::اكيد مش برضاها ده جبروت فارس
.
فوزي::معاك حق هو ضغط عليا بطريقه فظيعه وهددنا لغايه ما وافقت ويا حبيبتي يا بنتي هنا كنتي مسلوبه الاراده
.
.
خالد بغضب::متجلجش هحررها من سجن الظالم بس خليك عند وعدك هنا هتبجي ليا
.فوزي بخبث::بس تطلع من السجن ده واكيد انا راجل عند وعدي
.
.
.
.
.
……..
فاتن::ولا وني زعلانه بس بعتبر انك صالحتني يا فارس لما شوفت ضحكه هنا دي
.
لبني::والله والقصر نور من تاني
.
.
هنا::انا حاسه اني جعانه جدا
.
فاتن بعتاب::ايوه اكيد مانتي بجيتي كيف عود الجصب دي يا فارس مكنتش بتحط الزاد في بطنها الا بطلوع الروح وياريت كانت بتاكل زين
.
.
فارس ينظر لهنا::كل حاجه هتتغير….. الا صحيح يا خاله سعاد زياد فين
.
.
سعاد بحزن::اهو راح علي الجامعه
.
فاتن::اباي عليكي يا خاله مهو راجع تاني ليه الحزن ده
..
.
سعاد::ملحجتش اشوفه ولا اجعد معاه
.
..
فاتن بهمس::بأذن الله هنسمع اخبار كويسه عنه قريب
.
.
فارس نظر لفاتن نظره انها يفهم ما تقول::هجوم انا عندي شويه شغل في المكتب محدش يدخل ولا عايز صوت
.
.
.
بعد ان ذهب فارس
.
هنا::فاتن اخوكي ده بيتحول كلامه معايا وطريقته لما نكون لوحدنا حاجه وقدمكوا بحس انه واحد تاني خالص
.
فاتن::اخوي زينه الرجال بعدين هو كدا كريزما
.
هنا::مين يشهد للعروسه المهم يلا بينا عشان نكمل جلاستنا
.
.
.
……….
ايه بصوت عالي::اقسم بلله يام ياسين منا راجعه عنك
..
..
حسن::ايه انا حاسس انك لا عارفه تتصرفي ولا تعملي حاجه سيبيلي انا بجي الموضوع ده مش هستني لما الاجي نفسي مفلس وفي الشارع
.
.
ايه بحده ::عليك انت الفلوس وعليا انا فارس
.
.
.
.
.
.
……….
مريم::عزه جبتلك شورما
.
عزه بحزن::لا مش عايزه انا هطلع المكتبه
.
.
مريم::انتي يا بنتي استني هنا
.
ذهبت عزه بدون ان تلتفت
.
مريم بزعل::يا حياتي اول مره اشوفها بلحاله دي
.
اقترب منها قليلا وبصوت رخيم
.
.
زياد::مريم
.
مريم بتفاجئ::اي ده دكتور زياد
.
زياد::عامله اي معرفتش اودعكم بس انا وصيت السواق عليكم
.
مريم::الحمد لله وصلنا بسلامه وخلصنا البحث كلنا
.
زياد::احم امال فين البقيه
.
مريم فهمت مقصده فهي ليست غبيه لعدم رؤيه المشاعر الظاهره جدا بين زياد وعزه::كلهم في المحاضره او الكافتريا بس عزه في المكتبه
.
.
زياد يتصنع الجديه ليخفي لهفته علي عزه::تمام جهزوا الابحاث هشوفها كمان يومين قولي لبقيه زمايلك
.
مريم::تمام يا دكتور
.
.
.
.
……
حسن::فوزي بيه انا عارف ان بتي بوظت الدنيا بس انا دلوجتي بجولك ده اتفاج جديد معايا انا
.
فوزي::واي الي يضمنلي ان مش هتكون زي بنتك واعتمادي عليك هيكون علفاضي
.
.
حسن::جرب معتخسرش حاجه
.
فوزي::تمام يا حسن بكره تكون عندي بس لوحدك
حسن::اوامرك يا باشا
.
.
.
.
.
…….
عزه كانت تقرأ في كتاب .
.
زياد نظر لها نظره شوق وحب كبيره وكان عيناه ترتوي بلنظر اليها::انسه جابر
..
عزه::اووف مش كل شويه هفضل اتهيأ واسمع صوته مش حكايه هي
.
زياد بأبتسامه::انسه جابر بصي جدامك
.
نظرت عزه فوجدت زياد امامها ::لا كان صوت دلوقتي صوت وصوره يا فرحتك ببنتك يا اميمه اتجننت خلاص
.
زياد بضحكه::كيف مانتي متغيرتيش انا موجود جدامك يا هبله
..
.
.
عزه مدت صابعه السبابه ولمست خد زياد وبعدها شدت لحيته
.
زياد بألم::يا بت المجنونه يا هبله
.
عزه::اي ده انت موجود بجد يعني مختفتش
.
.
زياد::ايه اتوحشتيني عاد
.
عزه بتلقائيه::ايوه ….اقصد لا عادي جدا محستش اصلا بغيابك
.
زياد وقف::ماشي علي العموم اشوفك في المحاضره الجايه
.
.
عزه مسكت يده::انت موجود بجد وانا مش بيتهيائلي صح
.
.
زياد نظر لها بحنيه::انا موجود وهفضل موجود يا عزه
..
عزه::اول مره تقول اسمي
.
.
زياد وقف وعدل ملابسه::لان مينفعش اجولك انسه جابر بعد كده خلاص هتكون حاجه تانيه عن جريب يلا سلام
.
عزه بعدم فهم::اكيد ده حلم
..
.
.
.
………………
.
هنا::برافو برافو يا فاتن كدا والله لو عملنا الخطوات دي كمان يومين مش هتحتاجيني تاني
.
.
فاتن::بحس اني بنهج وانا بمشي
.
هنا::عشان بقالك فتره قاعده بس ان شاء الله هتبقي بخير قريب
.
فاتن::يارب جوليلي بجي اي محصلش حاجه
هنا::حاجه اي
.
فاتن::اباي عليكي بينك انتي وفارس مفهومه
.
هنا بخجل::اي ده يا فاتن بتقولي ايه ثم هو لسه راجع امبارح
.
فاتن:انتي الي هبله المراه النصحه هي الي تعرف تحكم جوزها كويس وتملي عينه وبعدين انا اخوي كل البنات الي تشوفه تكون هتموت عليه واخرهم الي كانت اهن تبع طلبه زياد
.
هنا بغيره::ااه حتي انتي كمان لحظتي المفعوصه دي
.
فاتن::بس شايفه تفسها بلبسها ودلعها وكهن الحريم
.
هنا::وده اعمله بقي ازاي ان شاء الله
.
فاتن::استني هخلي خاله لبني تعمل لنا شاي واحكيلك
.
…………..
.
.
اماني::يا علي الميزانيه بايظه خالص
.
علي::متقلقيش هظبطها بليل انا وندا
.
.
دخلت شهد عليهم المكتب
.
اماني::ايه يا شوشو مروحتيش ليه علي طول
.
شهد::بصوا في حاجه عايزه احكيهلكم
.
.
.
.
…………….
.
ايه::رايحله بكره ومتجولش
.
حسن:هو الي طلب وعايزين برضوا نفهم هو ناوي علي ايه ومتنسيش انه راجل كبير وواصل وعارف هو بيعمل ايه
.
.
ايه::ماشي يا بوي علي رأي المثل خليك ورا الكداب لحد باب الدار
.
…………..
.
عزه::انا مش مصدقه يعني هو موجود بجد ودي مش تهيأت
.
مريم بملل::يختاااااي المره الالف الي تسألي فيها ايوه يا ستي هو موجود اقولك روحي بوسيه من بوقه عشان تصدقي
عزه::ااه يا قليله الادب بتجرجريني للرزيله وانا بيني كدا بحبها
.
.
زياد مره من امامهم ونظر لها ثم غمز سريعا
.
.
عزه بخجل::ده باين انا وقعت واميمه مسمتش عليا
.
.
………………..
.
رن هاتف هنا
.
.
هنا::دي المره العاشره الي يرن فيها نفس الرقم
.
فاتن::دي غتاته بجي
.
هنا::الغريبه اني رديت مرتين ومفيش اي صوت
.
فاتن::اجولك اجفليه خالص
.
هنا::علي رأيك …انا هقوم بقي اشوف فارس
.
فاتن بغمزه::ايوه يا عم ومتنسيش الي جولتلك عليه
.
هنا بخجل::هشوف
.
.
راحت هنا لفارس المكتب وخبطت ثم فتحت الباب ودخلت ولكنهاوجدت شئ غريب
.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فارس الصعيد)