رواية وراء كبرياءه عاشق الفصل التاسع 9 بقلم دودو محمد

رواية وراء كبرياءه عاشق الفصل التاسع 9 بقلم دودو محمد

رواية وراء كبرياءه عاشق البارت التاسع

رواية وراء كبرياءه عاشق الجزء التاسع

رواية وراء كبرياءه عاشق الحلقة التاسعة

عند سيف خلص شغله وحس نفسه مخنوق نزل يشم شوية هوا ركب عربيته ومشى بيها على البحر
وقف العربيه ونزل راح لمكانه المفضل المنعزل عن الناس
……………………………………………………
عند حبيبه خلصت اكل ومسكت تليفونها فتحته وشافت رسايل كتير من اخوها وابوها وارقام غريبه ورقم رشا
اتصلت على رقم رشا وانتظرت الرد
رشا :- ايه يا بنتى حرام عليكى اتصلت بيكى كتير ولاقيت تليفونك مقفول
حبيبه :- ما انتى عارفه ان انا قافله من امبارح علشان محدش يعرف يوصلى
رشا :- كويس انك مجتيش كان فى ناس تبع عمك هنا وسالو عليكى عندى
حبيبه :- اه ما انا عارفه شفتهم وهما طالعين عندك
رشا :- ده مش هيسكتو ده بيقولو كل شويه هيجو يسألو عليكى عندى
حبيبه :- ما انا عارفه ومش هينفع اجى تانى عندك بس محتاجه الهدوم بتاعتى انا الحمدالله لاقيت شغل وهنزل من بكره
رشا :- الحمدالله يا حبيبتى بس هتقعدى فين
حبيبه :- هشوف اوضه ولا حاجه
رشا :- خلاص شوفى انتى فين وهبعت
ليكى شنطة الهدوم مع عبده اخويه
حبيبه :- انا دلوقتى قاعده على البحر بس فى مكان بعيد عن بيتك
رشا :- تمام خلى تليفونك مفتوح وانا هسجل رقمك على تليفون عبده اخويه وهرن عليكى منه وهو اول ما يقرب ليكى يكلمك علشان يعرف يوصلك
حبيبه :- ماشى انا مستنيه اخوكى
وقفلت حبيبه مع رشا واعلن تليفونها عن وصول رساله فتحتها وكان من اشرف ابن عمها ومحتوى الرساله مكتوب
اشرف :- مهما هتروحى هعرف اجيبك وهنتقم لكرامتى وكرامت العيله وهخلص من عارك قدام اهل البلد كلها وانا وانتى والتار ما بنا
حبيبه :- كتك القرف بنى أدم زباله بتاع امه وليه عين كمان يهدتتنى وهما اصلا طمعانين فى الارض اللى بأسمى وفى الوقت ده رن تليفونها برقم اخوها عمر وقعدة تكنسل عليه وشويه كمان تليفونها اعلن عن وصول رساله فتحتها وكان من اخوها عمر
عمر :- حبيبه ردى عليا ولو مش عايزه الجوازه وخايفه ترجعى فأنا بقولك ارجعى ومتخفيش هقف جمبك واحميكى منهم ومحدش هيقدر يمس شعره منك بس ارجعى تانى ابوكى هيتجن عليكى وبقى قاعد فى اوضه ومش بيخرج يكلم حد نهائى
حبيبه :- بدموع لنفسها انا اسفه يا بابا انا اسفه يا عمر بس غصب عنى والله ومبقاش فيها رجوع دلوقتى شكل عمى وابن عمى مش ناوين يجبوها لبر وفى الوقت ده رن تليفون حبيبه برقم عبدالله اخو رشا ردت عليه حبيبه
حبيبه :- ايوه يا عبدالله انت فين
عبدالله :- انا وصلت فى المكان اللى قالت عليه رشا ومش شايفك
حبيبه :- انت ابو قميص كروهات ده
عبدالله :- اه شوفتينى
حبيبه :- ايوه شيفاك من ضهرك لف وانت تشوفنى
عبدالله :- بص وراه لاق حبيبه بتشاور ليه راح ليها وقال ايه يا بنتى دوختينى ايه جايبك فى اخر بلاد المسلمين كده
حبيبه :- انا اللى طلبت من سواق التاكسى يبعد بيا على قد ما يقدر علشان محدش يشوفنى
عبدالله :- المهم خدى اهى شنطة هدومك مع انى زعلان
حبيبه :- زعلان ليه
عبدالله :- علشان القمر مش هيفطر معانا تانى
حبيبه :- اتكسفت وقالت ش.ش.شكرآ
عبدالله :- يالههههههوى على الطماطميه لما بتتكسف انا بعد كده مش هقولك غير يا طماطم
حبيبه :- هههههههههه وايه جاب اسمى لاسم طماطم
عبدالله :- خدودك يا جميل لما بيحمروا بيبقو شبه الطماطم علشان كده الاسم ده لايق عليكى
حبيبه :- شكرآ
عبدالله :- هتقعدى فين دلوقتى
حبيبه :- مش عارفه هشوف لسه اوضه اقعد فيها
عبدالله :- انا فى واحد صاحبى عنده شقه ارضى اوضين صغيرين وحمام ومطبخ لو عايزه اكلمهولك دلوقتى
حبيبه :- المهم متكونش غاليه
عبدالله :- لا متخفيش دى مش غاليه خالص وكمان لما يعرف ان الشقه لحد تابعى هيكرمك اكتر فى الإيجار
حبيبه :- ياريت يا عبدالله
عبدالله :- هتصلك بى واتصل على صاحبه واتفق معاه وقفل السكه
حبيبه :- ها قالك ايه
عبدالله :- اتفقت معاه على ايجار قليل ومش هياخد منك حاجه الشهر ده هياخد منك الشهر الجاى الشهرين على بعض علشان هو مش هنا مسافر وسايب المفتاح مع جارتهم هناك
حبيبه :- بجد ربنا يخليك يارب انت عملت معايا احلى معروف بدل ما كنت هنام فى الشارع
عبدالله :- احنا فى الخدمه يا جميل واخوكى عبدالله موجود فى اى وقت تحتاجيه يلا بينا على الشقه
حبيبه :- يلا ومشيت هى وعبدالله على الشقه الجديده
……………………………………………………
عند سيف قام وركب العربيه ومشى بيها وبالصدفه شاف حبيبه وهى واقفه مع عبدالله وقف العربيه قريبه منهم وسمع كلامهم بس فسرو بطريقه تانيه وقال
سيف :- هه هى دى اللى كنت مفكر انى ظلمتها طلعت بجد بتاعة رجاله وبتتفق معاه على الشقه اللى هتنام فيها معاه قد ايه وشها مخادع واللى يشوفها يصدق انها محترمه بجد وهى من بنات الليل ااااااه هتفضلو لحد امته يا بنات حوا مخادعين وتقدرو تمثلوا دور البراءه
ربنا يكفينى شركم ويبعدكم عنى
ومشى بعربيته راح لقصر
……………………………………………………
فى قصر عزالدين
فى اوضة ديمه كانت قاعده وعماله تعيط وافتكرت معاد البريود اتأخرت عليها وقالت
ديمه :- يا نهار اسود البريود اتاخرت عليا ليكون حصل حمل يارب استر مش نقصه فضايح وقامت لبست هدوم خروج ونزلت
عزالدين :- اخيرآ نزلتى رايحه فين يا حبيبتى
ديمه :- رايحه اجيب حاجه
عزالدين :- طب خليكى واتصلى بحد من اخواتك يجبها ليكى
ديمه :- ها م.م.مش هينفع دى حاجه خاصه بالبنات
عزالدين :- فهم وقال اه ماشى يا حبيبتى روحى ومتتأخريش
ومشيت ديمه راحت جابت اختبار حمل وحطته فى جيب البنطلون وجابت اشياء خاصه بالبريود علشان محدش يشك فيها وروحت على القصر ودخلت اوضتها ودخلت الحمام تعمل اختبار حمل
……………………………………………………
فى بيت حسن جادالله
كان عمر قاعد فى اوضه ودخل عليه ابوه
حسن :- فاضى يا ابنى اقعد معاك شويه
عمر :- اه يا بابا تعال
دخل حسن وقعد قصاد عمر على السرير وقال
حسن :- اختك لسه ما فتحتش تليفونها
عمر :- فتحته ورنيت عليها كتير وهى كنسلت عليا وبعت ليها رساله
حسن :- عمر يا ابنى اسمع منى الكلمتين دول اوعى فى يوم من الايام تقسى على اختك مهمها كانت غلطانه خدها فى حضنك واحتويها وبعد كده فهمها غلطها انتو ملكمش غير بعض وانت السند ليها فى الدنيا دى الواحد لما حاجه بتوجعه بيقول اخ
عمر :- ربنا يخليك لينا انت وماما ليه بتقول كده
حسن :- يا ابنى العمر مبقاش فيه وان عشت ليكم النهارده مش ضامن اعيش ليكم بكره وامك طول عمرها قاسيه على اختك ومعرفش ليه ده لما كانت لسه مولوده مكنتش بترضه ترضعها طبيعى ولا تغيرها ولا حاجه خالص كانت علطول راميها لعمتها هى اللى كانت بتقوم بكل حاجه ومحدش لحد دلوقتى عارف السبب المهم اختك دلوقتى امانه فى ايديك وحاول توصلها قبل عمك وابن عمك ما يؤذوها انا عايز حبيبه سليمه ولو حصلها حاجه هحملك انت الذنب
عمر :- يابابا انا مش ساكت انا واصحابى اللى فى القسم مش ساكتين بندور عليها وبنحاول نوصل ليها فى اقرب وقت
حسن :- وقف وقال انا عايز بنتى سليمه يا عمر وطلع وسابه
عمر :- لنفسه انا بعمل بكل جهدى علشان اوصلها قبل ما يأذيها اشرف
……………………………………………………
عند حبيبه وصلت هى وعبدالله لشقه وخبط عبدالله على باب الجاره اللى صاحبه قال عليها وطلب منها المفتاح
عبدالله :- ممكن لو سمحتى مفتاح الشقه الارضى
الجاره :- ايوه صاحب الشقه اتصل بيا وقالى اتفضل اهو يا اخويه
عبدالله :- شكرآ يا حاجه
الجاره :- ميلزمكش اي خدمه تانى
عبدالله :- ربنا يكرمك يا حاجه
الجاره :- دى مراتك يا ابنى
عبدالله :- اه يا اما
الجاره :- تعالى يا بنتى سلمى عليا ده انا زى امك
حبيبه :- سلمت عليها وقالت ربنا يخليكى يا امى ده شرف ليا والله ان اتعرفت على حضرتك
الجاره :- ومعاكم اطفال ولا لسه عرسان جداد
عبدالله :- بنفاذ صبر اتفضلى انتى ادخلى يا حاجه واحنا متشكرين ليكى
ونزل هو وحبيبه وسابها
الجاره :- يووووه هما مالهم شباب اليومين دول خلقهم بقى ضيق كده ليه ودخلت وقفلت الباب
وفتح عبدالله الباب ودخل هو حبيبه
حبيبه :- بعصبيه انت ازاى تقول ليها انك جوزى
عبدالله :- لا اقولها واحد غريب وجى معاكى الشقه والمنطقه شعبيه كانو دبحونا هنا
حبيبه :- برضه مش يديك الحق تقول كده
عبدالله :- ده احسن ليكى لما تتعرفى هنا انك متجوزه محدش هيقدر يضيقك
حبيبه :- ولما حد يسألنى جوزك فين اقولوا ايه
عبدالله :- قولى ان مسافر وبينزل كل فتره وانا هاجى كل فتره ابص عليكى وامشى علشان لو حد حاول يضيقك او عايزه حاجه اجبها ليكى المهم يلا اسيبك دلوقتى بقى محتاجه حاجه
حبيبه :- لا شكرآ ومشى عبدالله ودخلت حبيبه الاوضه وكانت كلها تراب فتحت شنطتها وغيرت هدومها ومسكت الشقه نضفتها من التراب وغيرت شكل ترتيب الفرش وبعد وقت طويل خلصت ورمت نفسها على السرير ونامت من التعب
……………………………………………………
فى قصر عزالدين
فى اوضة ديمه عملت الاختبار وطلعت النتيجه ايجابى فى حمل
ديمه :- بدموع يا فضحتى السوده اروح فين واجى منين يارب حلها من عندك دى حاجه مش بتستخبه واكيد الكل هيعرف انا اللى جبت ده كلو لنفسى لما حبيت واحد واطى وسمحت لي يتطوال معايا لحد ما ضحك عليا انا عارفه ان انا غضبتك كتير يارب بس انت تواب رحيم اغفرى ذنوبى يارب واسترها عليا ده انا وليه وغلبانه ووقعت فى ايد اللى مش بيخاف ربنا ولا بيرحم بس انت اقوى من الكل يارب وانت على الظالم والمفترى
……………………………………………………
فى بيت حسن جادالله
وصل اشرف لبيت عمه
حوريه :- ها طمنى عملت ايه معرفتش توصل للمخفيه بنتى
اشرف :- كان خلاص الرجاله وصله لمكان اللى نامت فيه بس شكل فى حد بلغها بوجود الرجاله مجدش وقعدوا الرجاله مراقبه البيت بس هى مجتش وانا وصتهم يقعدو يرقبوا البيت ويرقبوا اللى بينزلو من البيت لحد ما نوصل ليها
حوريه :- انا عارفه انك راجل وهتوصل ليها بسرعه
عمر :- وانا مش هسمح لحد يمد ايده على اختى ولو همسكوا وهحطوا فى الحجز
اشرف :- جر ايه يا ابن عمى اللى بيجرى فى جسمك ده ايه مايه اختك هربت يوم فرحها ونامت بره البيت الله اعلم هربت مع مين وقضت الليله دى فى حضن مين
عمر :- بعصبيه مسك فى اشرف وقال اخرس اختى دى اشرف من عشره زيك انت بس محروق علشان رفضتك وبعزقت كرامتك فى الارض واللى هيفكر يأذى اختى انا هكون راميه فى الحجز وانا بلغتك علشان متزعلش من اللى هيحصلك
وفى الوقت ده خرج حسن
حسن :- عمر سيب ابن عمك
عمر :- ده يا بابا بيقول كلام وحش على اختى
حسن :- كلمه واحده سيبو
عمر :- ساب اشرف وزقه
حسن :- جاى ليه يا اشرف
اشرف :- جاى ادور على بنت عمى وخطيبتى
حسن :- ملكش دعوه بالموضوع ده انا وابنى متكفلين بيه هندور عليها وهنرجعها فى حضننا من تانى
اشرف :- بنتك على عينى وعلى راسى لكن احنا صعايده ومجرد ما انتشر الخبر فى البلد الناس معندهاش سيره غير سيرة بنتك اللى هربت يوم فرحها وعلشان نسكت البلد ونقدر نرفع رسنا لازم نغسل شرفنا قدام الناس كلها علشان ما تتكلمش علينا
حسن :- معنى كلامك ده ايه عايز تقتل بنتى
اشرف :- اه مفيش حل غير كده
حسن :- على جثتى اخلى حد فيكم يأذى بنتى وبقولك اهو لو فكرت تمس شعره من بنتى هتكون انت مدفون قبل منها واتفضل اطلع بره بيتى ومتجيش تانى فيه
اشرف :- بص لحوريه وقال ايه رأيك يا مرات عمى فى الكلام ده موافقه عليه
حسن :- توافق او متوافقش انا اللى اقوله هو اللى يمشى ولو مش عجبها الكلام تتفضل معاك من غير مطرود
حوريه :- استنا يا اشرف انا جايه معاك ميشرفنيش اقعد فى بيت مفهوش رجاله اللى قابلين بالفضايح وسكتين
حسن :- فى ستين داهيه المركب اللى تغور انا اهم حاجه عندى بنتى وبس
عمر :- معقوله يا ماما انتى موافقه على قتل بنتك وهتقفى قصدنا علشان هنحمى حبيبه
حوريه :- دى بنت مش متربيه وتستاهل اللى هيحصل فيها
حسن :- بره انتى وهو مشوفش وش حد فيكم تانى
ودخلت حوريه ولبست هدومها وحطت هدومها كلها فى الشنطه وخرجت
حوريه :- خد يا اشرف يا حبيبى الشنطه منى وشال اشرف الشنطه ونزل بيها
حسن :- اعملى حسابك خروجك المرادى من الشقه ملهوش رجوع تانى
حوريه :- احسن هو انا يعنى هموت واعيش فيها ده حتى بيت كل اللى فيه فقر
حسن :- ماشى يا حوريه براحتك
ومشيت حوريه مع اشرف للبلد
عمر:- انا مصدوم بجد فى ماما
حسن :- لله الامر من قبل ومن بعد وسابه ودخل الاوضه
……………………………………………………
اشرقت شمس يوم جديد فى سماء عروس البحر لتنير البيوت وتداعب العيون البونيه بخيوطها الصفراء لتبدء حبيبه بفتح عينيها وقفلها كذا مره حتى اتعودت على النور
حبيبه :- مسكت الساعه وبصت فيها وقالت
يانهار اسود انا اتأخرت على الشغل فى اول يوم ليا وقامت دخلت الحمام واخدت شاور على السريع واتوضت وخرجت لبست هدومها وادت فرضها وخرجت تجرى من باب الشقه ووصلت على اول الشارع ووقفت تاكسى وقالت ليه العنوان ووصلها التاكسى عند الشركه وحسبته ونزلت من التاكسى وطلعت تجرى على السلم لحد ما وصلت لدور اللى فيه السكرتيره
حبيبه :- وهى بتنهج صباح الخير
السكرتيره :- صباح النور مالك بتنهجى كده ليه
حبيبه :- اصل طالعه بجرى على السلم
السكرتيره :- وليه مطلعتيش فى الاسانسير
حبيبه :- لالالا انا بخاف منه
السكرتيره :- ههههههه طب ادخلى بسرعه احسن صاحب الشركه التانيه اللى هتنضم لينا جوه وبيتعرف على الموظفين
حبيبه :- يا نهارى من اولها كده ربنا يستر ادخل اى اوضه
السكرتيره :- اللى على ايديك الشمال
حبيبه:- شكرآ ومشيت جرى ودخلت الاوضه من غير حتى ما تخبط والكل بص ليها
حبيبه :- ا.ا.انا اسفه ان مخبطش واسفه على التأخير
تامر :- ولا يهمك تعالى ادخلى
سيف :- كان ضهرو ليها بس لما سمع صوتها عرف ان هى دى فتاة الليل زى ما هو بيقول عليها
تامر :- بص لسيف وقاله ودى بقى الانسه حبيبه لسه اول يوم ليها
سيف :- لف بضهرو وبص لحبيبه وقال تشرفنا يا انسه مش انسه برضه
حبيبه :- اه يا فندم وبترفع راسها اتصدمت وقالت ا.ا.انت
تامر :- ده استاذ سيف مدير شركة عز
حبيبه :- احم اهلا بحضرتك
سيف :- اهلا
وقعد الكل على ترابيزة الاجتماع واتمضه عقود الانضمام وجه عقد حبيبه ولسه هتمضى
سيف :- قرب من حبيبه وقال المفروض الشركات دى لبنات المحترمه مش لبنات الليل
حبيبه :- انا محترمه غصب عن اى حد
سيف :- اه ما هو واضح تحبى اقولك انتى صحيتى النهارده متأخر ليه علشان طول الليل مكنتيش فاضيه كنتى فى حضن الشاب اللى شقطيه من على البحر ورحتى معاه الشقه الارضى
حبيبه :- انت واحد كداب ولو سمحت ملكش كلام معايا
سيف:- انا اللى اقول اتكلم مع مين ومتكلمش مع مين مش واحده زباله زيك هتعرفنى الصح من الغلط
تامر :- استاذ سيف حضرتك معايا هو فى مشكله بينك وبين الانسه
سيف :- لالا خالص ده انا كنت بوضح ليها بنود فى العقد مش فهمها
تامر :- اه ماشى اتفضلى امضى يا انسه
حبيبه :- مضت العقد وسلمته لتامر
سيف :- الانسه دى محتاجها فى الشركه عندى
تامر :- بس دى لسه فى الجامعه لو محتاج حد مضمون انا ممكن ارشح لحضرتك اكفاء المهندسين اللى عندى
سيف :- لالا انا محتاج واحده مبتدأه علشان اعلمها الشغل وتبقى ايدى اليمبن
حبيبه :- لا طبعآ انا مضيت هنا وهشتغل مع استاذ تامر
سيف:- والله استاذ تامر بنفسه هو اللى هيقولك روحى علشان فى شروط جزائيه للى يرفض نقل الموظفين حسب رغبة شركة عز
تامر :- للاسف يا انسه مدام انتى مضيتى العقد تبقى شغاله عندنا ومن الشروط ان لو طلبوا اى موظف من عندى لازم يروح يستلم الشغل فى شركة عز ولو انا رفض اوالموظف بيطبق عليه الشرط الجزائي وده مبلغ كبير جدآ
حبيبه :- يعنى انا كده ادبست فى الشغل فى شركة عز
تامر : – للاسف اه مع انى كان نفسى تشتغلى معايا
حبيبه :- وانا مش موافقه ولو هقدم استقاله من قبل ما استلم الشغل
تامر :- يا انسه الشغل فى شركة عز ده فرصه مش بتتعوض وحلم شباب كتير لسه متخرجين
سيف :- هقوم انا واشوفك بليل فى الحفله يا استاذ تامر وبص لحبيبه وقال فرصه سعيده ياااا انسه اشوفك بكره فى شركة عز وبصلها من فوق لتحت ومشى
وبعد ما مشى سيف حبيبه قالت
حبيبه :- استاذ تامر انا استحاله اشتغل مع البنى أدم ده
تامر :- ولو قولت ليكى علشان خاطرى لو متنفذش كلام استاذ سيف هيبقى فى خساره كبيره لشركه بسبب الشرط الجزائى وانا اوعدك فى اقرب وقت هطلب رجوعك لشركه عندى تانى
حبيبه :- بس ده هتعامل معاه ازاى ده بنى أدم متكبر وعديم الذوق
تامر :- معلش استحمليه كام شهر بس وانا هرجعك هنا تانى
حبيبه :- علشان خاطر حضرتك هوافق من اول مره شوفتك وانا مرتاحه لحضرتك لانك بنى أدم محترم بجد ومتواضع
تامر :- يعنى هتنزلى من بكره شركة عز
حبيبه : – ان شاءالله
تامر :- يبقى هنستناكى فى الحفله بليل
حبيبه :- اوكى
تامر :- تقدرى تمشى دلوقتى علشان تحضرى نفسك لبليل والشركه كلها واخده نص يوم
حبيبه :- قامت واقفت وقالت شكرآ لحضرتك وخرجت من المكتب ومشية على شقتها

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية وراء كبرياءه عاشق)