رواية ضريبة الحب الفصل الخامس عشر 15 بقلم رادين

رواية ضريبة الحب الفصل الخامس عشر 15 بقلم رادين

رواية ضريبة الحب البارت الخامس عشر

رواية ضريبة الحب الجزء الخامس عشر

رواية ضريبة الحب الحلقة الخامسة عشر

شهد كانت خارجه من الجامعه لكنها شافت حاجه خلتها توقف متصمره مكانها من الصدمه ولكنها وبعد دقايق قررت انها تخرج عن صمتها و تدخل راحت نحيه البنت ال بتهزق الشاب ال واقف يترجاها انها تبصله حتي وعيونه مليانه دموع .
شهد راحت عليها وبكل غضب : متردي عليه هو هيتذلك ولا اي .
البنت لفت وشها لشهد و بصتلها من فوق لتحت و بعدين بصت بعيد.ببرود.ولا كأن حاجه حصلت
و شاب كذلك و فضل يترجها: ساندي عشان خاطري متسبنيش انا بحبك ونبي متكسريش قلبيي ببعدك عني .
ساندي بغضب : يحيي انا قلتلك بدل المره ألف خلاص كله شيء قسمه ونصيب وانت متنفعليش .
يحيي بعياط: لي وهو انا عملت اي لكل ده ، ده انا كنت أيدلك صوابعي العشره شمع .
ساندي ببرود يشل بلد : انا مقدرش استحمل اعيش مع واحد معاق زيك ، اي ال يجبرني اعيش بقيت عمري مع واحد معيوب زيك .
شهد عينها دمعت من بشاعه الكلام .
يحيي و بلع ريقه بصعوبه : بس انتي كنتي عارفه من الاول وانا مخبتش عنك حاجه ، اي اكتشفتش الحقيقه دلوقتي .
ساندي ببرود : آه .
يحيي: بس انا محتجلك في حياتي فعلااا ، ساندي انا فلست و كل املاكي اتحجز. عليها و ابويا طب ساكت من الصدمه ، لا وبعد ده كله اقول خلاص هبتدي من جديد مع حبيتي ابص الاقيكي انتي كمان عايزه تسبيني وتمشي .
ساندي وبتشور عليه بقرف : آه وانا اي ال يجبرني افضل معاك.بعد ما فلست يمعاق يا عاجز انت .
يحيي كان هيقع و لكن شهد سندته بأيديها و ساعدته يقعد علي كرسي ، ولفت وشها ل ساندي و عيونها كلها مليان شرار .
شهد بزعيق هز اركان المكان : انتييييي رخيصه و متسحقيش انك تتحبي الحب ال هو بيحبهولك.ده و حتي خساره فيكي دموعه ال بتنزل حزن علي واحده زيك .
ساندي ببرود كعادتها : ششششش دي دموع تمسيح ده واحد معندوش دم معاق بيحاول يخليه يصعب عليا عشان اكمل معاه و ادبس انا بقا في عجزه ده .
شهد و مسكت ساندي من أيديها الاتنين و قربت ليها وبزعيق : أفهمييييي …..افهمي يغبيه الرجل مبيعيطش بالساهل ، انا فاكره وانا صغيره بابا مره كان قاعد بيعيط و دي كانت اول مره اشوفه كده جريت عليه و سألته بتعيط لي قالي عشان ماما زعلانه منه جامد.وهو بيحبها وعايز يصلحها مش عارف قولتله طب مانت ممكن تصلحها بس من غير ما تعيط عارف رد قالي اي ….قالي : الرجل مننا مبيعيطش غير في حالاتين لما يفقد شخص عزيز عليه جداااا و التانيه لما ينجرح من حد.بيحبه اوييييي . واظن واضح انه بيحبك بس ال زيك خسارة فيهم الحب …..
ساندي ببرود واستهزاء : خلصتي ؟!!! …. كلامك مهزش شعره من قراري و ال زي ميستحقش انه يتحب دول أخرهم يقعده في البيت و يستنه أجلهم .
شهد بندفاع وعياط : يشيخه بقاا حرام عليكي …ارحمه من في الارض يرحمكم من في السماء ….حسبي الله ونعم الوكيل في أمثالك بجد.
ساندي : اوف بقااا .
شهد : وطلما انتي عارفه بأعاقته قبلتي ترتطبتي بيه لي من الاول ولي سبتيه لمَ فلس .
ساندي بهمس و قربت من شهد : هو غرضي مش واضح ولا اي ….فلوسه تغنيني عن اي حاجه يماما.
شهد بصتلها بصه كره و استحقار : حسبي الله فيك ِ بجد .
ساندي اتكلمت و جهت كلامها ل يحيي ال كان حاطه رأسها بين أيده بحزن : اظن كلامي متغيرش و زي ما هو و عالله تكلمني ولا تحفا عليا عشان هرحمك ،و انت عاجز مش هتعرف ترد ….باي يمعاق .
جت تمشي شهد مسكت ايديها و بكل قوتها ضربتها بالقلم ساندي اتصدمت و شبه مكنتش سامعه بسبب قوة الالم وبعد ماجمعت
ساندي بزعيق: انتي غبيه انتي ازاي تعملي كده …انتي تعرفيه منين عشان تدافعي عنه و انتي اصلك اي الحشرك في الموضوع وانتي مالك من الاساس .
شهد بزعيق خفيف: لا مالي ومالي ونص كمان …. لأني بدافع عنه بدافع انسانيتي و زي ما قولتلك قبل كده ، ارحمه من في الارض يرحمكم من في السماء ……امشي وان شاء الله ربنا هيعوضه الاحسن منك و يمكن اكتر ….ربنا يهديكي انتي و امثالك .
ساندي ببرود وغرور : مظنش ….وبصت ليحييي : مسيرك ترجعلي و هتحفي علي عشان محدش هيستحملك.يومين علي بعض .
ومشيت .
شهد بصت ليحيي وبحزن : ال يبيعك بالرخيص اوعااا في يوم تفكر تشتريه ولا حتي بالرخيص زيه ، و لو قلبك فضل يحبه ألجمه بلجام عقلك ، و ساعتها بس هتكتشف ان حبك.ليها كان مجرد خرافه مش اكتر ……عن اذنك واسفه علي تدخلي .
يحيي هزله رأسه بحزن بمعني ماشي وقام روح هو كمان .
شهد مشيت و كل ال في بالها هو بجد لسه في ناس كده ، هدافها الاول الفلوس ، وطز بقا في المشاعر و الوجع و اي حاجه المهم غرضهم الدنيّ وبس ( انا و من بعدي الطوفان ) حسبي الله بجد ربنا يهديهم .
شهد روحت البيت لاقت جميله قاعده و قدمها كارتين كتير اويييييي .
شهد بإستفهام : اي ده يجميله .
جميله بخجل : اضحك عليا .
شهد بدهشه : اي ده وده ازاي واي علاقته بال كارتين دي …..و اي الجواها .
جميله بتوتر: بصي احم يعني بصي ….
شهد : اخلصي يجميله ما تنطقي .
جميله : اي هو انا هخاف منك يعني ، بصي انا كنت طالبه اوردر ل كارتين رمضان ال حاجات ال هنحتاجها وطلبت كميه مش كتيره لكنهم في الاخر ولاد ال اي دبسوني في كل دول ……بس والله باين علي ال حاجه انها نضيفه مش بطال يعني .
شهد : نعممممم !!!!!!
جميله بفزع : اي !!!!!!
شهد : انتي عارفه ان فاضل يجي 4شهور علي رمضان انتييي بتهزررري ، راحه تجيبيهم دلوقتي .
جميله : والله ما خدت بالي من كده الا بعد ما طلبت الاوردر .
شهد بنفاذ صبر و بتقلب في الكارتين: خلاص حصل خير واهو الحاجه مش بطال و نستخدم منهم حبه ونشيله كميه نطلعهم صدقه علي روح انس .
جميله جريت حضنت شهد : تصدقي عندك حق ….دماغ شغاله مش بتنام
شهد بفخر مصتنع :اوماااال هو انا يعني اي حد يبنتي .
ادم من ساعه ما سافر و لا بيكلم جميله و لا حتي بيرد علي أتصالاتها و جميله حاسه ان ده هروب منها ، يمكن رجعت تروده افكار انه ناقص او ان حبها لي كان شفقه …..بس فعلا الاهم و العجيب ان لو حتي كان في مشاعر ما بينهم فمحدش فيهم فكر يعترف للتاني بحبه .
كل دي كانت أفكار بتروض جميله ال فعلا نفسها ادم يرد عليها و يبطل قسوة قلبه دي .
بعد يومين في الجامعه عند شهد……
طلع عندك حق .
شهد نبره الصوت لفتت انتباها لفت وشها تشوف مين لقته يحييي الشاب ال هي يعتبر ردتله جزء من كرامته من ساندي .
يحيي قعد علي الكرسي المقابل لشهد و ابتدأ يتكلم بنبره صوت حزينه : انا فعلا غبي …..مغفل ……حتي بعد كلامك و محولاتك لأنك.ترديلي ولو جزء صغير من حقي فانا بدل ما ادوس علي قلبي وألجمه بلجام عقلي زي مقولتيلي جريت عليها اطلب منها السماح .
شهد بصدمه : ليييييه!!!!!!!
يحييي بتأنيب لنفسه : عشان واحد غبي …. حب بجنون …بس حبها لي طلع نار مش جنه …انا بكرهني اويييي .
شهد : تعرف تسكت ..
شهد كانت لسه هتكمل يحيي اتصدم من كلمتها هو كان مرتاح جداااا و هو بيحكلها قام عشان يمشي شهد مسكت أيده بلطف عشان يقف : تعرف تسكت عن كلامك الجارح ليك و جلد الذات ال انت عامله لنفسك ده ، وبطل تعلق مشنقه الاعدام لنفسك بدون سببب
يحييي اقعد من جديد و بحزن : عشان انا استاهل .
شهد بنرفزه مكتومه : لا متستهلش هي الخساره فيها الحب ده ،دي طماعه جدااااا .
يحييي : تصدقي عندك حق طب فكرك اعمل اي بقا دلوقتي .
شهد : افرح غير جو و كده خرج نفسك من المود .
يحيي بضحك : تصدقي حاولت بس جت الحزينه تفرح ملقتلهاش مطرح.
شهد بدلته الضحك من قلبها فعلاا …
شهد : ايوه بقااا مانت بتعرف تقلش اهو .
يحيي : انا يبني ، طب والله ما انا دي اختي مني .
شهد : بس بس قلشه رخمه .
يحيي بضحك هستري : عارف عارف يشبح متزقش .
شهد: ماشاء الله حبك.ليها مخدتش ثواني عشان تنساها .
يحيي بهزار : الحزن في الجلب يأوختييي .
شهد بضحك : والله انت غريب فعلا ال يشوفك من شوية و المره ال فاتت ميصدقش ان ده واحد بيحب بصدق ……بس انا مصدقه .
يحييي بجديه: عشان مبحبش اظهر ضعفي نهائي إلا قدام ناس غاليين عليا و بحبهم .
شهد: بس انت أظهرته قدامي .
يحييي بضحك : يستي اعتبري نفسك.القاعده الشاذه الوحيدة ال في حياتي .
شهد بضحك: اشطا .
يحييي : طب انا همشي انا مش عايزه حاجه. ؟!.
شهد : متكلمهاش تاني ممكن ؟!! حتي لو رجعتلك.هي ….متستحقش صدقني .
يحييي : لا انا خلاص لازم اتعلم من الدرس ده كويس و بعدين هسمع كلامك …….بس لازم اجيب حقي منها الاول …حق تعبي و قهرتي و ذلي منها
شهد بأندافع : لا لا لا ونبييي الله الغني يعم عن ال هي عملته فيك …بجد متخليش الانتقام يعمي عينك ، و المفروض دي صفحه و اتقفلت وفكرة انك لسه بتفكر فيها او بتحاول تغير في احداثها فده مش هيساعدك انك.تتغير بجد .
يحييي عندك حق ..عن اذنك ……..جيه يمشي كأنه افتكر حاجه لف وشه لشهد : هو صحيح انتي مقولتليش انتي اسمك اي .
شهد : اسمي شهد .
يحيي : عاشت الأسامي يشهديد و مشي .
شهد كانت فرحانه ولكن سرعان ما افتكرت حاجه زعلتها : شهديدد يع بجد اي الدلع ده .
عدا اسبوع بأحداث روتينيه ملهاش صحه من التغير في الاساس بس كل ال حصل جديد أن جميله اتوقفت عن الشغل لحين رجوع ادم (في اجازه يعني ) وادم لغايه دلوقتي مرجعش ، وجميله متعرفش عنه حاجه .
النهارده عيد ميلاد شهد و الكل ولا كأنه هنا حتي جميله …
شهد : صباح الخير .
جميله ببرود مصتنع: صباح النور .
يوه اي القرف ده ده يوم نحس من اوله …..
جميله ال قالت الكلام ده .
شهد بصتلها بحزن علي كلامها و علي انها مش فاكره عيد ميلادها .
قعده يفطره .
جميله بزهق مُصتنع : الواحد كان نفسه يقعد.في بيته معزز مكرم بس يعمل اي بقا .
شهد بضيق : خير يجميله في اي علي الصبح.
جميله: خطوبه واحده صحبتي ولازم اروحها ضروري .
شهد : طلما مش عايزه متروحيش .
جميله: مينفعش لازم اروح .
شهد: طيب.
جميله: اعملي حسابك.انك جايه معايا .
شهد : لي يبنتي وده ليي أن شاء الله.
جميله : عشان انا مش عايزه اروح لوحدي …و بطلي مناهدة هتيجي برده .
شهد بضيق : طيب .
بعد المغرب …
جميله : ها يشهد جهزتي ؟!
شهد خرج من اوضتها بفستان بلون الفندر. الساحر و طرحه بيضه و شكلها جميل و يخطف .
جميله بإعجاب : أمال اي جعفر ال كنتي عايشلي فيه ده .
شهد بصوت تخين : اي ؟!!!
جميله بخوف مصتنع : خلاص يجعفر براحه الله مش كده …….يلا بينا يختيي .
شهد : يلاا.
راحه علي ال مكان المنشود دخله وقفهم الامن …
الامن : معلش يفندم لازم تغمه عنيكم واداهم غماضه للعين .
شهد بإستفهام : وده لي ان شاء الله .
الامن: دي قواعد المكان يفندم مليش انا دعوه.
شهد بنرفزه: نعممم؟!!
جميله : خلاص يشهد محصلش حاجه ، خلينا نلبسها و هنفهم بعدين .
شهد بضيق : طيب
و لبسوها فعلا و لكن شهد اول مالبستها الامن قرب منها و اتاكد انها مش شايفه و شال الغمامه من علي عين جميله .
جت بنت عليهم و بصوت هاديء ومسكت ايد شهد: اتفضلوا معايا حضرتكم هوصلكم .
مشيه معاها و جميله طبعا شايفه كل حاجه .
و قفه في جنينه ال في المكان و كانت واسعه اوييي ومتزينه بزينه كتيره اويييي و شكلها جميل و البلاين بلون ال فندر و الابيض زي ما شهد لابسه …..
جميله قربت من شهد و شالت الغمامه من علي عينيها و حضنتها : كل سنه وانتي طيبه ي احلي اخت علي الوجود
شهد خدت نظره بعنيها في المكان وكلها صدمه مش مصدقه نفسها بصت لاقت كل صحابها و زميلها في الجامعه موجودين و ناس كانت خلاص شبه علاقتهم اتقطع ببعض من كتر البعد ولكن اهم قدمها واقفين …
ولاقت تربيزه كبيره محطوط عليها هدايا كتير اوييي ، كل ده وهي بتطمع ال بيحصل في ثواني لحد ما قطع تفكيرها صوت صحابها وهما بيحتفلوا بيها و بيبتسمه و كل بيعد عليها و بيسلم وبشتياق ….
في مكان ما في الحفل
يبني طب. انا مالي جيبني معاك لي .
الشخص : عشان تغير جو بدل قعده البيت ي يحيي و اهو انت اجازه. من الشغل
يحيي : قصدك مش لاقي شغل ي أياد.
اياد : محصلش
يحيي : لا حصل .
اياد : بطل مناهده ويلاا نروح نسلم علي صاحبة العيد ميلاد .
أياد و يحييي راحه ناحيه شهد وهي كانت باصه الناحيه التانيه و مش منتبه ليهم
اياد : شهود .
شهد لفت وشها و بصت لهم ويحيي اتفجأ لما شافها .
يحيي بصدمه : شهد !!؟…. اي ده هو انتي صاحبه العيد ميلاد.
شهد بصدمة : آه …ازيك عامل اي ؟
يحيي بفرحه : تمام الحمدلله .
أياد طبعا كان مستغرب ال بيحصل جيه يدي الهديه لشهد يحيي خدها منه بسرعه و قدمها لشهد : كل سنه وانتي طيبه .
شهد : ولي تعبت نفسك.شكرا .
يحيي: لا ولاتعب ولا حاجه
اياد : تعب اي انا ال جيبها و جيبه هو كمان ….هو انتي هتعومي علي عومه ولا اي .
يحيي ضغط برجله علي رجل اياد
اياد: آه …الله يعم مش هي دي الحقيقه .
شهد: خلاص يشباب هديتك و هديته واحد مقبوله منكوا انتوا الاتنين .
اياد: لا بجد ..تصدق ياريتني ما جبتك….انا رايح اكل اهي حاجه افيد.من وقفتي هنا
يحيي في سره : تصدق الحمدلله اني جيت .
شهد : وانت عامل اي دلوقتي ؟
يحيي: بقيت احسن الحمدلله
شهد : طب حلو في تحسن اهو .
يحيي بضحك : آه بقا في تحسن ي شهديدد
شهد : اي الاسم الرخم ده انا اسمي شهد مش شهديدد.
يحييي بضحك : بيضيقك الاسم .
شهد بنرفزه: آه يضيقني .
يحييي و بضحك اكبر : حاضر خلاص مش هقوله تاني يشهديدد .
شهد بغضب : يباي منك و سابته ومشيت .
قضت اليوم مع صحبها وكان يوم جميل و مُبهج بجد و شهد فرحت .
أياد و يحيي جم عشان يسلمه علي شهد.قبل ما يمشه اياد سلم و قال ليحيي انه هينتظره برا .
يحيي : ان شاء الله ليك عندي هديه و احسن من الواد اياد جبها .
شهد : خلاص ملوش لزوم .
يحييي : لا لا لا ولو عشان متذلش لعيل زي ده .
شهد بخجل : طيب انت حر. .
يحيي: طيب ممكن بقا رقمك ي شهديدد
شهد : يوه بقااا ، لا مش هديك حاجه …سلام
جت تمشي و قف قدمها ….
يحيي : لا استني خلاص حقك عليا ..ممكن الرقم بقا .
شهد : طيب .
شهد و جميله روحه بعد يوم جميل و متعب في نفس الوقت .
جميله : انت لو كنت اعرف اننا هنرجع بكم الهدايا دي و ضهري هيتقطم بسببها مكنتش عملت حاجه.
شهد بتمثيل انها زعلانه: و اهون عليكي ي جميلتي .
جميله : لا متهنيش …و متقوليليش جميلتي دي.
شهد بإستفهام : اشمعنا .
جميله : عشان مببقلهاش غير منه هو بس .
شهد بعدم فهم : من مين ؟!!!.
جميله : متخديش في بالك .
شهد : طيب و قربت من جميله و حضنتها جامد : بحبككككككك اويييي بجد ، تسلمي علي ال عملتيه عشاني فرحت جداااا .
جميله : يارب دايما مبسوطه و سعيده و بعدت عنها : وبعدين كله بتمنه .
شهد : يعني اي .
جميله بصت علي الهدايا و بخبث: بالنص .
شهد بزعيق : نعمممم؟!!!!!!
جميله بضحك هستيري : اه يمسلحنجيه مش عايزه منك حاجه .
شهد: ماشي كده حلو و متفقين .
جميله : ايوه يلاا طلعي جعفر ال جواكي …انا داخله انام سلام .
شهد كانت داخله اوضتها عشان تنام الجرس رن
فتحت الباب ملقتش حد و لكن لقت صندوق كبير و مكتوب عليه كل سنه و انتي بخير ي شهود …..فهد .
شهد خدت الصندوق و دخلت علي اوضتها غيرت و صلت وبعدين راحت تفتح.الصندوق بتحمس زايد …..فتحته لاقت ساعه لونها دهبي جميله اويييي و برفيوم و شوكالات كتير اوييييي و حاجات حلوه كتير غاليه و مستورده😂
ابتسمت بفرح حطت الحاجه جمبها و فتحت موبيلها لاقت مسدج من فهد بيسألها الترد وصلها ولا و عجبها ولا لا .
ردت شهد علي المسدج : آه وصلي وعجبني اويييي شكرا اوييي يدكتور فهد .
فهد رد بسرعه علي غير توقعها : يأدي النيله انا اسمي فهد مش دكتور والله ابويا سماني فهد مش دكتور .
شهد: لا انا قصدي ان ده تكليف يعني .
فهد : لا يختي شيلي التكليف مش عايزو .
شهد: موعدش حضرتك الصراحه .
فهد : خلاص ماشي انتي حره ، ومش هنكد عليكي يلااا كل سنه وانتي طيبه.. سلام .
شهد : وانت طيب.. سلام .
جميله حزينه فعلاا علي بعد ادم و نفسها تفهم اي سبب البُعد ولكنها مش قادره تلاقي سبب يريح بالها من كتر التفكير .
و في مكان ما معاذ قاعد و منتظر شخص (معاذ صاحب ادم.لو نسيته و هو كان مسافر في شغل و مكنش بيروح الشركه ولا بيقابل ادم )
جيه الشخص ال منتظره معاذ
معاذ : واخيرا والله كنت لسه كنت هقوم امشي .
الشخص : معلش يحبيبي والله بس فعلا الطريق كان زحمه.
معاذ : ولا يهمك …..
ساد.الصمت للحظات معاذ اتكلم : و بعدين ي لمي ، ادم بالبيعمله ده هيخسرها
معاذ: معرفش بس انا شايف ان كده احسن .
لمي : احسن؟!!!! لي يعني ؟!!!
معاذ : لمي متحوريش انا وانتي عارفين ان جميله بالذات متنفعش لأدم و لو ال في بالنا لو حصل هتحصل مجزره احنا في غنا عنها .
لمي : عادي وبعدين انت خايف من اي مافيش حاجه لده كله .
معاذ: لا والله لا بقا انتي بالذات عارفه انا خايف ليه ومن اي .
لمي بتوتر : خلاص ال حصل حصل المهم هنعمل معاهم اي ، عقل ادم ونبي جميله بتحبه وهو بيحبها .
معاذ : ومين قالك ؟
لمي : حسيت وخلاص .
معاذ: ماشي ي لمي خلينا نكمل وربنا يستر من الجاي .
عدا شهرين كانت فتره سعيده علي ناس و حزينه لناس
فهد لسه مسافر و بيسأل علي شهد كل فتره ولكنها كانت بتحجج بانها مشغوله يا بترد متأخر وتقفل في الكلام بسرعه متعرفش لي بتعمل كده و فهد لاحظ ده بس هو كمان كان مشغول في شغله .
وفي نفس الوقت شهد و يحييي اتعرفه علي بعض اكتر و بقه صحاب جداااا و علاقتهم اتطورت و شهد كانت سعيده بده عشان هو طلع شخص طيب جدااا و دمه خفيف و طموح في شغله جداااا و يحيي كمان كان مبسوط بتعرفهم و حكالها عن انه تعبان في رجله و بيجي عليه وقت مش بيقدر يمشي و لا يتحرك وده مرض مزمن عنده ملوش علاج ، اما جميله فادم كالعاده مختفي وهي حالتها لا تصر حبيب ولا عدو ، معاذ كلم ادم في موضوعه هو وجميله و ادم لسه عند قراره عايز يختفي و مش حابب يكلم حد .
شهد كانت قاعده في مكتبه الجامعه بتقرأ روايه شوي و لقت يحيي داخل عليها و قعد وحط قدمها صندوق .
شهد بإستفهام : اي ده انت اي ال جابك واي ده ؟!!!
معاذ : اي ال جبني جاي اقعد معاكي شوية ….اي ده دي هديه عيد ميلادك .
شهد بضحك: ياااه هو انت لسه فاكر .
يحييي : ولا اقدر حتي إن انسا افتحيها يلااا .
شهد فعلا فتحتها و لاقت جواها سلسه كتب و روايات للعظيم دكتور احمد خالد توفيق (بحبه جدااا و هو قدوتي في الحياه و يارب في يوم اوصل ولو لربع انجازاته❤❤) و لقت كمان شوكالاتات كتير اوييي
بصتله و عيونها كلها فرحه : انت ازاي عرفت اني بحب كتبات دكتور احمد خالد توفيق و الشوكالاته .
يحييي: عادي اهو عرفت وخلاص .
شهد : قول بقاا
يحيي : و قعتك في الكلام قبل كده و سألتك بتحبي لمين كتبات اكتر حاجه قولتيلي علي اسمه و كمان الشوكالاته لاحظت انك.بتحبيها .
شهد ابتسمت من جواها و كانت فرحانه عشان اهتمامه بيها .
شهد : بجد شكرااا ي يحيي فرحت جداااا والله اويييي .
يحيي: العفو ي شهديددد
شهد : يوه بقا .
يحييي بتقليد.لشهد : يوه بقا .
شهد : بس خلاص.
يحيي: بس خلاص .
شهد : ي يحيي بطل خلاص .
يحييي: ي يحييي بطل خلاص .
شهد: يوه .
يحيي بضحك: يوه .
شهد : يوه خلاص والله لهقوم لو مبطلت
يحيي ردد نفس نطقها تاني .
شهد جت تقوم فعلاا مسك.ايدها
: عيانكِ كأنها في الحسن آية تتلي علي قوم قوم ضلّوا ، فاهتدوا
شهد خجلت من كلامه ولكنها ردت ب : هجرت البعض طوعا لأنني رأيت قلوبهم تهوى فراقي .. نعم أشتاق لكن وضعت كرامتي فوق إشتياقي .. وأرغب وصلهم دوما ولكن طريق الذل لا تهواه ساقي. – (احمد شوقي)
يحيي: لا أعلم لك منصفاً إلا عملك .. إذا أحسنته جمّلك .. وإذا أتقنته كمّلك.( – احمد شوقي)
شهد : تستطيع أن تلمس ذلك الحب بيديك ، إلا أنك لا تستطيع أن تعبر عنه بأي كلمات ، مهما كانت بلاغتها. – (محمد أسد).
يحيي : عندك حق
شهد و انتبهت للقالته و اتحرجت : لا ده بيت شعر مش قصدي حاجه .
يحيي : وماله عادي برده ..
شهد سكتت ومردتش
يحييي: وانتي بقا عرفتي الابيات دي منين
شهد. : عادي قراتهم قبل كده و ثبته في دماغي .
يحييي: امم طب تعرفي تجبيلي بيت شعر لاحمد شوقي في ال غزل .
شهد : اه ……لقد لامني يا هندُ في الحب لائمٌ مُحِبٌّ إذا عُدَّ الصِّحابُ حبيبُ .. وقلت له: صبراً ؛ فكلُّ أَخي هَوى على يَدِ مَنْ يهْوى غداً سيتوب. – احمد شوقي
يحييي : جميل عااش .
شهد : تسلم .
يحيي: بتعرفي تكتبي وكده .
شهد : لا الصراحه جميله اختي هي ال بتعرف .
يحييي: اشطا ي قشطه .
شهد: تيجي نأكل اندومي .
يحييي: بينا نأكل اندومي.
بليل في شهد كانت قاعده بتكلم يحيي شات و شويه وهما بيتكلمه فهد بعت لشهد مسدج مكتوب فيها ازيك اي اخبارك شهد طنشت و مردتش بعدها بشوية جت مسدج تانيه منه مكتوب فيها اكتف و مبترديش علي مسدجاتي
شهد.ردت عليه فعلاا وكان حوارهم كالتالي
شهد: معلش كان عندي حاجه ضروري برد.عليها ….و بعدين مبسألش الدنيا مشاغل زي مانت عارف بقا .
فهد : طيب ….لكن فعلا حاسس ان بقا في فتور في كلامنا و علاقتنا .
شهد : علاقتنا !!!!!!!….طيب .
فهد : آه في اي ؟!!!
شهد : مافيش .
فهد : صحيح عملتي اي في مشروع التخرج خلصتيه ؟
شهد: اه خلصته فضلي بس جزئيه الشخص ال مفروض اقبله واكتب عن تجارب حقيقه هو عاشها .
فهد : طب و لقيتي الحد ده .
شهد كتبت علي كيبورد لا بس افتكرت حاجه كده و مسحت المسدج دي و رجعت كتبت ،: آه لاقيته خلاص .
فهد : طب كويس .خلصي المشروع بقا.
شهد: ان شاء الله
فهد: ان شاء الله .
بعد يومين في الجامعه عند شهد
سما : لا يشهد بس كده الشخص ال انتي كاتبه عنه وعن تجاربه في مشروعك لو عرف هيبقا في دمار و انتي عارفه ده كويس
شهد : ان شاء الله ال حد ده مش هيعرف .
سما : لا استأذنيه الاول مينفعش كده .
شهد : خلاص يشهد هبقا اشوف …..يلا سلام .
بعد مرور كم شهر و قد هل شهر رمضان بطلته و جماله و روحه الخاصه …..
في الفتره ال فاتتت شهد و يحييي علاقتهم بقت قريبن جدااا من بعض ، وجميله وادم كعادتهم و متغيرش حاجه غير ان ادم تطلعه حجه قويه تخلي في سبب لبعده وهي شغل جديد وتقيل لازم يخلصه ….
اما جميله فلاقت وظيفه شغل تشتغلها لحد ما تشوف هيجرا معاها اي لحد ما ادم يرجع .
في اواخر ايام رمضان و الكل متجمع عند تتيانه الست ال طيبه ال جميله مثال للست العجوزه الوحيده ام الكل ال بتنور اي عمارة بتخطي رجليها فيها .
تتيانه عشان عزماهم علي الفطار كانت جميله و شهد و يحيي و نقدر نقول ان لما شهد حكت ليها عن يحيي هي أصرت تعمل العزومه دي .
المغرب آذن و الكل متجمع حوالين ال سفره .
يحييي: مكنش له لزوم بجد لده كله …تسلم أيد حضرتك بجد .
تتيانه: بالهنا والشفا و يلاا كل انت مكلتش حاجه خالص .
يحيي: اكل اي ده انا فضلي شوية وافرقع و لا انتي عايزاني ابقا فشله بقاا وكده
شهد بضحك : و ماله
يحييي: لا والله
جميله : بس يشباب مش كده كل يعم لكش يبان عليك حتي .
الكل انفجر ضحك و سادت البسمه علي وشهم
بعد.الاكل تتيانه و جميله دخله يشوفلهم حل مع مصوره المواعين ال انفجرت في وشهم
اما يحيي و شهد. طان وقفين في البلكونه
يحييي: البلكونه جميله اوييي و هواها يرد الروح .
شهد : عندك حق .
يحيي بضحك :عيانكِ كأنها في الحسن آية تتلي علي قوم قوم ضلّوا ، فاهتدوا
فاكره اليوم ده
شهد بضحك: فاكره طبعا هو يتنسي ، لما قعدنا نرد.علي بعض بأبيات شعر ملهاش علاقه ببعض
يحيي : يستي عادي .
ساد الصمت لثواني و هنا اتكلم يحيي و ياريته ما اتكلم 😂
يحيي : بيني في الحبِّ وبينك ما لا يَقْدِرُ واشٍ يُفْسِدُه. – (أحمد شوقي)
شهد بلا مبالاه : ايه
يحيي : بحبك .
شهد : اي قلت ايه
يحيي : يوه بقااا انتي هتعمليلي فيها طارشه ، بصي و لا كاني قلت حاجه .
شهد : يعني مش هتقول قلت اي .
يحيي برخامه: لا
شهد سكتت شوية و بعدين اتكلمت بعياط : يعني مش هتقولها .
يحيي بصدمه : اي ده يا خرابي انتي بتعيطي لا يستي خلاص هقولها ……….بحبك
شهد ضحكت بفرح : وانا كمان ،
يحيي : انتي كمان اي ؟!!
شهد: انا كمان بحبك و پحبك اوييي كمان
يحيي: يخرابي ده انتي طلعتي واقعه لشوشتك
شهد ضربته علي كتفه بالراحه : بس بطل رخامه بقاا
.يحييي : بقا تضربيني انا صحيح ما انتي بقا معاكي حصانه بقا
شهد : الحب هو اجمل اكتشاف للإنسان وإلا لكان مجرّد صخرة لا شيء يحرّكها سوى التآكل اليومي . الحب هو أيضاً تآكل عندما يخلو من الإبداع المستمر. هو معنى المعنى لحياة جافّة لم تعد تحفل بارتجافاتنا الخفية امام لحظة حب مسروقة, او أمام لون وجه نكتشفه للمرّة الأولى. – واسيني الاعرج
يحيي : وما من امرأة يا ولدي تستطيع أن تحيا بغير حب ، فهي إن لم تكن في حب قائم ، فهي في إنتظار حب جديد ، وإلى أن يأتي الحب الجديد فهي تجتر – في ساعات وحدتها – حباً قديماً وتستدفئ بذكراه – احمد رجب
شهد : بس اظن اني بحبك اكتفيت .
يحيي : و انا بجد انا فعلا مكنتش متخيل ان بعد ساندي ممكن احب بس تصدقي طلع حبي ليها مش حب اما انتي فحبي ليكِ اصبح عشق .
شهد اكتفت بإبتسامه من شده خجلها .
تتيانه : شايفهم مبسوطين ازاي باين انهم بيحبه بعض .
جميله بحزن : يبختهم بس بجد ربنا يسعدهم .
تتيانه بحزن علي جميله : مالك فيكِ اي احكيلي و فضفضي
جميله بعياط : ممنوش فايده البكأ.
تتيانه: طب احكيلي طيب فضفضي علي االاقل
جميله : ماشي
سما : شهد كده غلط طلما اعترفلك بحبه وانتي كمان اعترفتي يبقا لو فضلتي تكلمي فهد تبقي خاينه .
شهد بأنفعال: انا مش خاينه والله وبعدين فهد مقليش انه بيحبني يبقا انا كده مش خاينه .
سما : لا والله انتي بتضحكي علي نفسك يبنتي ولا بتضحكي علي مين ال بتقوليه ده غلط و ميصحش .
شهد بانفعال جامد: خلاص ي سما كفايه
انا ميهمنيش حاجه غير اني بحب يحييي بجد و هكمل معاه
سما في سرها: ياريت تكون دي الحقيقه فعلا
بعد مرور شهر شهد قدمت البحث و خلصت و علاقتها بفهد بدات تقل و كل مايكلمها تصده كالعاده لكن علي غير توقعها فهد مبقاش يكلمها هو كمان من بعد مشروع التخرج بتاعها و ده شيء استغربته و لكنها فرحت .
بعد مرور مده ادم رجع مصر من جديد و رجع شغله و جميله المفروض هتشوفوهتعمل اي بعد رجوعه .
يحييي : انتي خاينه و زباله و استغلليه و بتاعت مصلحتك و بعلو صوته انا بكرهك
شهد بدموع : و نبي اهدأ وفهمني في اي انا مش فاهمه انت طلبت اننا نتقابل و جايبني علي ملا وشي و بتزعقلي و انا فعلا مش فاهمه لي كل ده .
طغا صوت عليهم : لا بجد فعلا مش فاهمه لي هو قالك كده .
شهد بصدمه: سماا!!!!!
سما : ايوه سما و لا انتي فكراني هسيبك تكملي ضحك علي الراجل الغلبان ال حبك بجد
شهد : قصدك اي ؟!!
سما : قصدي انتي فاهمها انا قلت له كل حاجه وقربت منها وبهمس : اصل مكنش ينفع اسيبه علي عما طول الفتره ال فاتت دي
شهد بزعيق ممزوج بعياط : لي حرام عليكي بجد.
هنا تدخل يحيي: لييي ؟!!!! ليه انتي مكنتيش ناويه تقوليلي علي مشروع تخرجك ال عن ال عندهم أعاقه و انا اقول برده كل شويه تسأليني عن مرضي و حالتي النفسيه وانا زي الغبي اقولك و لا يمكن كمان مكنتيش هتقوليلي علي علاقتك ب دكتور الماده ….آه حقك ماهو كارت تستخدميه وقت اللزوم .
شهد بعياط : ونبي افهمني و اسمع انت فاهم غلط اديني فرصه اشرحلك او حتي ادافع عن نفسي .
يحييي بغضب : ششششش اخرسي انا بكرهك بجد ومن كل قلبي و سابها ومشي .
سما بصتلها وهي بتضحك بأنتصار : تستهالي و سابتها و مشيت .
شهد روحت بصعوبه و كانت منهاره جدااااا و علي اخرها مش مصدقه ال يحييي قاله و مصدومه من خيانه صحبتها ليها .
مكنش في حد في البيت غير امها ال جت بقالها يومين من السفر .
بعد شوية من العياط شهد نامت من التعب و صحيت علي صوت مامتها ال بتصحيها
مامتها: شهد يلااا قومي عايزاكي في حاجه مهمه قومييي
شهد و اتعدلت في قعدتها : خير. يا ماما في اي .
الام : في عريس متقدملك و جاي بليل و عايزاكي تجهزي نفسك عشان تقبليه
شهد : مش هقابله
الام : شهد ماينفعش ده دكتور في الجامعه عيب متصغرناش .
شهد كانت لسه هتتكلم صوت مامتها منعها : خلاص يشهد دي مجرد قعده مقولتلكيش اتجوزيه رغم انه ميتعيبش .
شهد اكتفت بهز رأسها و بس .
و جيه الليل و شهد جهزت نفسها و حاولت علي قد ما تقدر انها تمنع دموعها انها تنزل من حسرتها علي نفسها .
خبط شهد دخلت و كان زي ما اتوقعت بالضبط هو الشخص ال طلما حفا لاجل رضاها بصت بصدمه من ال شفته و ……..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ضريبة الحب)