رواية عهد جديد الفصل الأول 1 بقلم ياسمين هاني

رواية عهد جديد الفصل الأول 1 بقلم ياسمين هاني

رواية عهد جديد البارت الأول

رواية عهد جديد الجزء الأول

رواية عهد جديد الحلقة الأولى

–بس أنا مِش هسيبك لغيري يا ياسمين وأفتكري دا كويس حتي لو هنعنس قُدام بعض بس أنتِ مش هتبقي لغيري أبداا لو على موتي .
قُلت بتحدي :-
ومين قالك أني هعنس قصادك أنا لو أتقدملي واحد عارف ربنا وهيتقي ربنا فيا ومُناسب هوافق عليه مِن غير تردد ،أنا مِش هربط أسمي بواحد مِش بيصلي ومِش عارف ربنا وبصباص للبنات كمان وغيره وغيره…وأعلى ما في خيلك أركبوا يا أبن ال عزب .
طبعاً أنتوا مِش فاهمين مين دا ولا إحنا بنتخانق على اى ، بختصار دا عمار ال عزب إبن عمي وهو عنده 23 وأكبر منِ بِ 3 سنين وزي ما عرفته هو لا يفقه مِن الدين شئ لا بيصلي وأكاد أُجزم إن مِش بيصوم رمضان كُله أصلاً وبيشرب سجاير وشيشه ومِش بيغض بصره “بصباص” والحكايه إن هو جا أتقدم لي وبابا طبعا مكنش موافق بس أخد رأي عشان أنا … ولا أقلكوا هتعرفوا بعدين المهم أنا رفضت ولما عرف طلعلي فوق السطح “إحنا بيت عيله “عشان عارف أني ببقا موجوده في الوقت دا ودار بينا الحوار اللي فات ..
سيبته ونزلت عشان دي تُعتبر خُلوه وأول ما نزلت قُلت لِ بابا على طول عشان مِش بخبي عليه حاجه .
-جدعه يا حبيبه أبوكي تعالي في حُضني
أول ما دخلت حُضنه عيطت عيطت جامد اووي .
ملس على دماغي بحنيه وقال :-
طيب أنتِ بتعيطي ليه دلوقتي .
‐عشان أنت عارف أني بحبه يا بابا بس مِش مُتخيله هو دا عمار خريج الأزهر عمار حافظ القرءان هو دا عمار اللي كان إمام جامع هو دا اللي كان مِش بيطيق السجاير هوا دا اللي كان مِش بيعرف يرفع عينه فيا بقا يعاكس البنات في الرايحه والجايه.
–ما أنا يا بنتي عشان عارف إنك بتحبيه عرضت عليكي في البدايه مع أني كُنت متأكد أنك هترفضي أنا عارف إنك حبتيه مِن سنتين عشان إلتزامه وأنا كمان كُنت بدعي ربنا أنوا يبقي مِن نصيبك عشان دا مهما كان إبن أخويا وأنا اللي مربيه بس مينفعكيش دلوقتي ،يلا أدخلي صلي العصر وأدعي ربنا ينزع حُبه مِن قلبك.
مسحت دموعي وبوست بابا مِن خد ودخلت هتقولولي أزاي تقولي لباباكي كدا هقولكوا أنا مِش بخبي على بابا حاجه وهو بيثق فيا وثقته دي مخلياني عُمري ما أفكر أعمل حاجه غلط .
‐ياحجوج .
-ايوا يا بكاشه .
-أنا طالعه عند مرات عمو محمد “عايده والده عمار ” عشان ندهت عليا مِن المنور .
-طيب متتأخريش عشان نتغدي سوا .
‐حاضر
خبطت على الباب وفتحت :-
أهلا بالوحشه اللي مِش بتسأل .
حضنتها وقُلت :-
أي يا خالتوا أنا أول إمبارح كُنت عندك وإمبارح كلمتك مِن التلفون أستني قبل ما أدخل إبنك موجود .
-لا مِش موجود أُمال أنا ندهت عليكي ليه.
قعدنا وشربنا شاي ولقتها بتقول :-
بُصي يا ياسمينا أنتِ عارفه أني بحبك زي بنتي بظبط وأتمني إنك تُبقي مِن نصيب أبني أنتي عارفه إن هو بيحبك مِن وأنتِ في اللفه الإنتكاسه اللي حصلت ليه دي بسبب صحابه اللي حاول يصلحهم وفسدوه وأنتي عارفه كِدا .
-أيوا يا خالتوا أنا عارفه إن الإنتكاسه اللي حصلت ليه دي بسبب صحابه بس في فرق إبنك مِش رادي يتغير مِش رادي يبعد عنهم إبنك أتبدل خالص إبنك حتى معندهوش فكرة إن هو يرجع ويبعد عنهم ، مفيش حد فينا ثابت مِش بيتغير دا الرسول صلي الله عليه وسلم كان بيقول 《اللهم يا مُقلب القلوب ثبت قلبي على دينك 》
الرسول اللي مِش بيخطأ كان بيخاف ربنا وبيدعيه فما بالك إحنا البشر ، إبنك اللي مِش عايز يتغير.
أنا عارفه والله بس أبني لما بيحط حاجه في دماغه مِش بيسبها وأنا سمعت الكلام اللي قالهولك على السطح حاولي….. قاطع كلامها عمو محمد اللي دخل ..
قال:-
وأنا أقول البيت منور ليه .
قُلت بمُناغشه :-
دا نورك يا عمو حمودي.
ضحك بصوت عالي وقال :-
طيب وأي لازمتها عمو دي.
-لا طبعا لازم أحترمك أنتَ عمو برضوا .
‐ماشي يا بكاشه
-طيب يا عايده قومي أعمِللنا كوبيتين نسكافيه كِدا على ما أتكلم مع بنت أخويا شويه .
‐ليه حاسه أنكم ببتفقوا عليا حتى بابا لما قُلت أطلع معترضش .
قالت مرات عمي بضحك :-
دي الحقيقه ..
راحت المطبخ تعمل النسكافيه ولقيت عمي بيقول ……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عهد جديد)