رواية عهد جديد الفصل الثاني 2 بقلم ياسمين هاني

رواية عهد جديد الفصل الثاني 2 بقلم ياسمين هاني

رواية عهد جديد البارت الثاني

رواية عهد جديد الجزء الثاني

رواية عهد جديد الحلقة الثانية

لقيت عمو بيقول:-
بصي يا بنتي مِن غير لف ودوران أنا مِش هلاقي أحسن ولا أعز مِنك تبقى مِن نصيب أبني وأكيد مرات عمك قالتلك إن هو دماغه ناشفه زيّ و…..
قاطعته وأنا بضحك وبقول :-
دي حقيقه .
-شوف بنت ال.. أنا دماغي ناشفه ، وراح حدفني بالمخده .
‐الله هو أنا نطقت بحاجه يا عمو أنتَ اللي قُلت .
-ماشي أنا هعلقك بس بعد ما أخلص موضوعنا ، المهم أنتِ وهو.
‐يا عمو معلش مِن غير كسوف وأنت عارف دا جواز يعني حياه تانيه يعني هعيش معاه أكتر ما هعيش في بيت أهلي وأنا قلتله أنا مِش هربط نفسي بيه ولا هتجوزه وهو بالمنظر دا .
-يعني دا أخر كلام عندك يا ياسمين.
‐أيوا يا عمو ومِش عيزاك تزعل مني أنت عارف أني بعتبرك زي بابا بالظبط عشان كِدا جاوبت عليك بصراحه.
-ماشي يا بنتي مِش زعلان والله .
-طيب يلا أنا نازله عشان بابا قالي متتأخريش
جت مرات عمي وقالت:-
والنسكافيه
بوستها في خدها وقُلتلها :-
أشربيه أنتِ وعمو يا دودو.
-شوف البت ماشي بس دي مش هتتحسب هااا.
-ماشي
نزلت على السلم واللي كنت بدعي أني ما أقبلهوش ،قابلته.
–مش ناويه تحني علينا .
‐أستغفر الله العظيم يارب .
ونزلت ومكلمتهوش لقيته بيمسك دراعي رُحت مدياه قلم البيت كُله طلع على صوته .
وقُلت بعلو صوتي وعصبيه شديده :-
دي تالت مره يا عمار وأنا قلتلك المره اللي فاتت متلمسنيش وأقسمتلك باللي خلقني وخلقك إن المره اللي جايه هنزل بأيدي على وشك، وربي وما أعبد المره الجايه ليهكون شبشي مِش أيدي .
-قال بصوت عالي وعصبيه شديده لدرجه أني خُفت :-
أنتِ أتجنتي في عقلك أنتِ أزاي تمدي أيدك عليا أنا الرائد عمار رجاله بشنبات مبتعرفش تُقف قدامي و…
جا بابا ووقف قدامي وقاله:-
إحمد ربك أني طلعت بعد ما هي ضربتك عشان والله كُنت عدمتك العافيه مِش عشان أبن أخويا هخليك تتعدى حدودك مع بنتي فأطلع بيتك عشان مزعلكش مني.
طلع وهو هيفرقع مِن العصبيه ومعرفش يتكلم عشان بابا وقفله وعمو برضوا متكلمش عشان أخوه الكبير أتكلم .
كُل واحد دخل شقته .
أتكلمت وَقُلت :-
يا بابا أنا مش عارفه ضربته أزاي بجد أنا والله مكنش قصدي أصغرك قُدامهم ويتقالك أني محترمتش حد انا…
-بس متكلميش أنتِ لو مكنتيش ضربتيه القلم دا كان زماني أنا اللي ضرّبك ولأول مره كُنت هعملها وأضربك .
‐الحمدلله أني عملت كِدا عشان مضّربش.
على الناحيه تانيه عند عمار
-أنا تضربني كدا، طيب ماشي يا ياسمين طب والله لما أتجوزك هطلعه عليكي .
ردت عايده “والده عمار” :-
يا شيخ أتنيل دا لو طلعت وقالتلك أنا موافقه أتجوزك هتنسى نفسك .
أتكلم محمد “والد عمار ” وبدأ يعلي صوته:-
مِن غير هزار اللي عَمَلِتُه صح عشان أنا معرفتش أربيك أزاي تمسك دراعها مِش حرام عليك وربنا هيحاسبك حسابين لأنك عارف إن هو حرام وعاملته ،والله العظيم يا عمار لو حصل مِنك حاجه تانيه أو قُلتلها حاجه تاني ما هتقعد في بيتي دقيقه واحد فهمت .
-يا بابا أنا بحترمك متخلنيش أسيب البيت أصلا مِن غير ما يحصل حاجه ، متخلنيش أوريكوا كلكوا الجنان اللي بجد والله أخطفها وما في حد هيعرف طريقينا ولا الجن الأزرق حتى .
-يابني فوق لنفسك مِش بتحبك ولا هتتجوزك الكل بيكلمها وهيه صح أنا لو عندي بنت مش هخليها تتجوز واحد شبهك مِش بيصلي ولا بيتقي ربنا وبقى بيستقوى على الناس بسلطته بعد ما كان بيقف معاهم هيه هتتجوز وتشوف حياتها وأنت هتقعد تقول ياريت اللي جرى ما كان فوق مِن غفلتك .
أتصدم عمار مِن كلامه وقال:-
أستحاله أستحاله ياسمين بتاعتي أنا ومِش هتبقي لغيري.
وساب البيت ومشى.
بعد أسبوعين مِن اليوم دا لقيت بابا داخل عليا الأوضه وبيقول :-
ياسمين في عريس متقدملك وبصراحه مُناسب وأنا سألت عليه هو مُهندس وعارف ربنا والكل شهد ليه بأخلاقه وأحترامه وأنه على خُلق .
‐طيب وعمار يا بابا.
-ماله إحنا قُلنا أي مِش قلنا تنسيه تماماً.
‐مِش على كِدا أنا بقول مِش هتحصل مُشكله .
-لا طبعا صلي استخاره وشوفي لو ارتحتي يجي عشان يشوفك وتتكلموا ونشوف .
‐حاضر يا بابا ، بس بيني وبينكوا أنا قلبي مُهزء زي صاحبته والله ما يبغي غير الرائد أبو عيون خُضر اللي فوقيا اللي مطلع عيني دا .
هتقولولي أزاي هتدخلي علاقه وأنتِ بتحبي واحد تاني هقولكوا أنا صليت أستخاره وأنا مارتحتش خالص وحسيت قلبي مقبوض بس لسه مقلتش لبابا.
عند عمار
قالت والده عمار :-
أنت مسمعتش إن ياسمين متقدملها عريس.
عروق أيديه برزت من الصدمه والعصبيه في نفس الوقت وقال :-
مين؟؟؟
-الباشمهندس موسى .
قام عمار وأخد مفاتيحه وقالتوالدته:-
رايح فين.
-مشوار صُغير مشوار وراجع.
-أستر يارب.
عند ياسمين .
-أي يا ياسمين أرد على الراجل أقوله يجي .
‐لا يا بابا أنا صليت أستخاره مرتين والله وفي كُل مره بحس قلبي بيتقبض كِدا ومِش مرتاحه خالص.
–طيب يا بنتي، أنا واثق فيكي يا ياسمين .
‐أه والله يا بابا هكدب عليك يعني.
-طيب ماشي ولقينا الباشمهندس موسى بيرن .
بابا: لسه كُنت هرن عليك..
الباشمهندس موسى بتوتر : طيب يا عمي مافيش نصيب وكُل شئ قسمه ونصيب وربنا يرزقها بأللي أحسن مني يارب.
أستغرب والد ياسمين وقال:-
يارب يبني .
‐أي يابابا ، أنت مقلتلوش ليه كُل شئ قسمه ونصيب .
-أنا لقيته هو اللي بيقول ، بس غريبه اوي.
‐ليه أي اللي غريب فيها.
–عشان لما جا طلبك كان ملهوف اوي وكان عايز يجي يتقدم على طول .
‐بصراحه محطتش في دماغي وقلت :-
عادي يا بابا ممكن يكون صلى استخاره ومرتحش برضوا.
بابا مكنش مقتنع بس قال :-
ممكن.
ولقيت حد بيخبط دخلت لبست النقاب وفتحت بس اتصدمت لما لقيت ……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عهد جديد)