رواية وراء كبرياءه عاشق الفصل الحادي عشر 11 بقلم دودو محمد

رواية وراء كبرياءه عاشق الفصل الحادي عشر 11 بقلم دودو محمد

رواية وراء كبرياءه عاشق البارت الحادي عشر

رواية وراء كبرياءه عاشق الجزء الحادي عشر

رواية وراء كبرياءه عاشق الحلقة الحادية عشر

اشرق الصباح بنوره الساطع فى سماء الاسكندريه استيقظ سيف من نومه قام من على سريره دخل حمامه اخد شاور وطلع لبس هدومه ورش من برفانه المميز وبص لنفسه فى المرايا وقال اللعب هيبدء النهارده وهنشوف هتتحدينى ازاى بقى انا سيف عزالدين يدخل تحدى مع جربوعه زى دى اهو مش مشكله تغير الواحد يتسلى شويه بدل الملل اللى الواحد فيه
وخرج من اوضه ونزل قعد على السفره
سيف :- صباح الخير
الكل :- صباح النور
سيف :- بص لديمه وقال ايه ناويه تروحى الجامعه النهارده
ديمه :- اه يا ابيه
عزالدين :- انتى هتروحى علشان تهربى ومتروحيش لدكتور
ديمه :- يا بابا انا كويسه وده شوية برد فى معدتى واخد برشام لمعده وهبقى كويسه
سيف :- ماشى يا ديمه من هنا لحد بكره لو فضلتى على الحاله دى هاخدك لدكتور
ديمه :- ان شاءالله يا ابيه
سيف :- بص لادهم وقال مش عوايدك يعنى تقعد ساكت
أدهم :- هو انا لو قعد ساكت مش عاجب ولو اتكلمت برضه مش عاجب اعمل ليكم ايه بس
سيف:- ولا حاجه بس قولت اطمن عليك لتكون تعبان ولا حاجه
أدهم :- انا زى الفل انت عايز تتعب اى حد فينا بالعافيه
سيف :- بس بس انشالله تولعو وقام وقف وقال انا ماشى وبص لديمه وقال لو خلصتى يلا
ديمه :- اه يا ابيه يلا
ومشيت ديمه مع سيف ووصلها لجامعه وراح هو على الشركه
ديمه :- استنت لحد ما عربية اخوها اختفت وطلعت ركبت تاكسى وراحت على عنوان بيت عصام
……………………………………………………
فى بيت حبيبه صحيت على صوت المنبه طفت المنبه وقامت من على سريرها دخلت حمامها اخدت شاورها واتوضت وخرجت لبست هدومها وادت فرضها وخرجت من الاوضه عملت فنجان قهوه وشربته وخرجت من باب الشقه وخرجت من العماره وطلعت على اول الشارع وقفت تاكسى وراح بيها على شركة عز
……………………………………………………
فى البلد فى بيت محمد جادالله
كان اشرف قاعد وبيشرب سيجارته وبيطلع الدخان من بؤقه وبيقول
اشرف :- بقى انا بنت ال تهرب منى يوم فرحى
سماح :- انا بنت اخويه متربيه كويس فى سبب وراه هروبها ده
اشرف :- سبب ايه غير تكون عشقه واحد وغلطة معاه
سماح :- لا حبيبه مش كده انا واثقه منها بس ممكن تكون امها ضغطت عليها علشان توافق والبت مستحملتش هربت
سهير :- ليه بقى وانا ابنى فى ايه يعيبه ده دكتور قد الدنيا واى واحده من البلد تتمنى نظره منه
سماح :- امم ما انا عارفه
اشرف :- بس انا يا اما قلبى مع حبيبه
سهير :- كتك مو لما يلهفك بقى انت لسه بتفكر فيها بعد ما طفشت مع عشيقها يوم فرحكم
سماح :- ما تلمى لسانك يا سهير ما تراعى ان اللى بتتكلمى عليها دى بنت اخويه وانا اللى مربيها
سهير :- متزعليش يااختى انا بتكلم كده من قهرتى على ابنى وفرحته اللى انطفت
سماح :- كل شئ قسمه ونصيب وبكره ربنا هيرزقه ببنت الحلال اللى تسعده
اشرف :- لا يا عمه انا مش هلمس ولا واحده غير لما اغسل عارى الاول
سهير :- تستاهل اللى هيحصل فيها مقصوفت الراقبه دى
سماح :- سهيررررررررررر
سهير :- يوووووه بقى انا قايمه اشوف اللى ورايا علشان لسانى مش هيسكت
سماح :- احسن برضه
……………………………………………………
فى شركة عز
وصلت حبيبه الشركه ودخلت تجرى وسألت على مكتب سيف ودلها عليه مسؤول الاستقبال وطلعت ووصلت لسكرتير وقالت
حبيبه :- لو سمحت انا اللى استاذ سيف نقلها من شركة لمار لهنا
السكرتير :- اسم حضرتك ايه
حبيبه :- حبيبه حسن جادالله
السكرتير :- طب استريحى شويه وهدخل ابلغ استاذ كريم علشان استاذ سيف لسه مجاش
حبيبه :- تمام وفى سرها اللهى ما يجى ابدآ
ودخل السكرتير بلغ كريم وطلع
السكرتير :- اتفضلى استاذ كريم مستنيكى
حبيبه :- شكرآ
ودخلت حبيبه لمكتب كريم
كريم :- اتفضلى يا انسه
حبيبه :- قعدة وقالت شكرآ ليك
كريم :- السكرتير قالى ان استاذ سيف هو اللى نقلك هنا
حبيبه :- اه امبارح وهو بيمضى العقد امر ان اجى استلم الشغل فى شركة عز
كريم :- وانتى خريجة ايه
حبيبه :- لا حضرتك انا لسه متخرجتش انا فى كلية هندسه
كريم :- بستغراب لسه بتدرسى طب هو جايبك هنا ليه
حبيبه :- معرفش حضرتك
كريم :- غريبه اول حاجه ان يشغل معا بنت وده من سابع المستحيلات وتانى حاجه يشغلك وانتى لسه بتدرسى ودى برضه غريبه جدآ لان الشركه مش بتعين غير المتخرجين ومعاهم شهادة خبره
حبيبه :- والله حضرتك اسأله هو مش انا
كريم :- عمومآ يا انسه انا هطلب منك تقعدى عند السكرتير لحد ما يوصل استاذ سيف وهو هيقول هيعينك فين
حبيبه :- وقفت وقالت تمام يا فندم وطلعت وهى ماشيه خبطت فى أدهم
حبيبه :- ا.ا.اسفه
أدهم :- اوباااااااااا انتى وقعتى ولا الهوا رماكى
حبيبه :- بصدمه انت انت بتعمل ايه هنا
أدهم :- ده انا المفروض اسألك
حبيبه :- ليه بقى ان شاءالله
أدهم :- علشان انا صاحب الشركه هنا
حبيبه :- بصدمه ايه صاحب الشركه ازاى واستاذ سيف يبقى ايه
أدهم :- عادى صاحب الشركه برضه
حبيبه :- هو استاذ سيف يبقى اخوك
أدهم :- اه انتى بقى بتعملى ايه هنا
حبيبه :- انا اول يوم ليا فى الشغل هنا
أدهم :- حلووووووو ده احسن اصتباحه دى ولا ايه ده شكلها الشركه هتحلو
حبيبه :- حتى لو كنت صاحب الشركه ياريت تتكلم بأدب لو سمحت
أدهم :- أدب ايه بس ده انتى تنطقى الحجر
حبيبه :- وهى بتكتم ضحكتها شكلك نسيت القلم اللى اخده امبارح على وشك وعايز واحد تانى يفوقك
أدهم :- وبتكتمى ضحكتك ليه ده حتى الابتسامه فى وش اخيك صدقه مش كده ولا ايه
حبيبه :- ههههههههههه اصل كان شكلك تحفه وانت مصدوم من القلم
أدهم :- هههههه الصراحه ايديك دى مش ايد دى مرزبه
حبيبه :- ولو محترمتش نفسك معايه فى الكلام هديك واحد تانى
أدهم :- لالالا فى عرضك ده انا بجمع الحروف بالعافيه من ساعة امبارح
حبيبه :- ههههههههههههه على فكره انت مشكله
أدهم :- على فكره بيبقى شكلك حلو اوى وانتى بتضحكى
حبيبه :- لو سمحت مش بحب الكلام بالطريقه دى انت ممكن تتكلم معايا عادى بأدبك
أدهم :- اممممممم هاحاول مع انى مش واخد على كده
حبيبه :- لا جرب وهتلاقيها سهلا قول معايا لو سمحتى يا انسه بعد اذنك
أدهم :- اممم لو سمحتى يا انسه بعد اذنك
حبيبه :- شوفت سهلا اهى مش صعبه حاول تتمرن على الكلمتين دول وانت هتبقى احسن
أدهم :- لا دى اصعب من الثانويه العامه الصراحه انا بقول خلينى قليل الادب احسن
حبيبه:- ههههههههههههههههه
أدهم :- هههههههههههههه احنا ممكن نبقى اصحاب بالادب ايه رايك
حبيبه :- هجربك الاول
أدهم :- ليه شيفانى تليفون مستعمل هتجربيه قبل ما تشتريه
حبيبه :- ههههههههههههههه لا بس ممكن تكون بتعمل كده علشان امن ليك وتضحك عليا
أدهم :- طب هتصدقى لو قولت ليكى ان انتى اول بنت مفكرش فيها بطريقه وحشه ولا احس من نحيتك بحاجه من اللى بحسها اتجاه البنات التانيه
حبيبه :- مدت ايديها وقالت يعنى اخوات
أدهم :- مد ايده وقال واحلى اخوات وفى الوقت ده جه سيف
سيف :- بدأنا شغل المسخره فى الشركه لو سمحتى شغل ال**** دى تبقى بره الشركه انتى شغاله فى شركه محترمه يا انسه ولا الله اعلم مدام
أدهم :- براحه شويه عليها يا سيف هى معملتش حاجه لكل ده
سيف :- اسكت انت وروح على مكتبك وعلى الله اشوفك وقف معاها فاهم
أدهم :- اهدا شويه يا سيف انت مش شايفنى عيل صغير قدامك علشان تزعقلى كده قدام اللى فى الشركه وسابه ومشى
سيف :- بص لحبيبه وقال وانتى ملكيش دعوه بى مش نقصين قرف فى الشركه
حبيبه :- ولو انت شايفنى وحشه اوى مخلينى ليه فى الشركه سبنى امشى
سيف :- هرميكى رمية الكلاب فى الشارع بس لما اذلك واكسرلك قدام نفسك
حبيبه :- عمرك ما هتعرف تذلنى علشان اتربيت على ايد راجل علمنى ازاى اكون رافعه راسى فى السما وعلمنى عزة النفس وطول ما انا بأدبى واحترامى وبعمل كل شئ بما يرضى الله يبقى عمرى ما حد يقدر يكسرنى
سيف :- ههههههه ولتانى مره يضحك سيف وده شئ نادر ادبك واحترامك ايه اللى بتتكلمى عليهم اللى كل يوم فى حضن راجل شكل
حبيبه :- ( يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ) صدق الله العظيم (يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ) صدق الله العظيم
واعتبر كده رديت عليك بكلام ربنا وانت حر تصدق ان انا شريفه ولا لا عن اذنك
سيف :- قعد يبص على اثرها لما مشيت وحس بنفس الاحساس اللى بيحسه كل ما يشوفها
……………………………………………………
عند ديمه وصل التاكسى عند بيت عصام حسبته وطلعت خبطت على باب الشقه فتح ليها عصام
عصام :- حبيبت قلبى واحشتينى وبيقرب عليها علشان يحضنها
ديمه :- بعدت عنه وقالت لو سمحت ابعد عنى ودخلت قعدة على الكنبه
عصام :- بصلها بستغراب وقفل الباب ودخل قعد جمبها وقال ايه يا جميل هتفضل مكشر كده كتير
ديمه :- ممكن شوية مايه
عصام :- من عينى وقام راح يجيب ليها المايه وجه وادها كوباية المايه
ديمه :- شربت وقالت عصام انا حامل
عصام :- نعمممممممم يا اختى وانا مالى
ديمه :- مالك ازاى وانت عارف ومتأكد مفيش راجل تانى لمسنى
عصام :- ههههههههه لا يا حبيبتى روحى لمغفل تانى تلبسيه الموضوع ده
ديمه :- طلعت سكينه من شنطتها وقالت كنت عارفه انك مش راجل ومش هتعترف باللى فى بطنى وراحت تضربو بالسكينه
عصام :- مسك ايديها ووقع السكينه من ايديها وكتفها وقال مفكره نفسك تقدرى تموتينى تبقى هبله والفيديوهات اللى عندى هتروح لاهلك وورينى هتعملى ايه بقى يا حلوه ورماها قدام بابا الشقه وقفله
ديمه :- نزلت تجرى وقعدة تعيط على انها معرفتش تخلص عليه ووقفت تاكسى وروحت على القصر
…………………………………………………
فى شركة عز
كان قاعد سيف على مكتبه وكريم قاعد على الكرسى اللى قصاد المكتب
كريم :- فهمنى بقى ايه حكاية البنت دى
سيف :- مفيش قصه ولا حاجه انا محتاج حد معايا يكون ايدى اليمين ويساعدنى فى الشغل ويكون لسه مبتدأ علشان اعرف اعوده على دماغى انا
كريم :- حلو الكلام ده بس من امته وانت بتشتغل مع بنات ما انت رافض المبدأ من زمان
سيف :- ما خلاص يا كريم انت هتعمل معايا تحقيق
كريم :- المشكله ان انا كمان حفظك ومدام اتهربت من الكلام يبقى الموضوع فى ان
وفى الوقت ده خبطت حبيبه على الباب
كريم :- تعالى يا انسه
حبيبه :- استاذ سيف كان باعت ليا السكرتير اوامر حضرتك
سيف :- ………………………
كريم :- سيف الانسه بتكلمك رد عليها
سيف :- كريم ممكن تروح مكتبك دلوقتى
كريم :- وهو مستغرب من افعال صاحبه ماشى يا سيف وخرج وراح مكتبه
حبيبه :- افندم يا استاذ سيف
سيف :- وهو بيخبط بالقلم على مكتبه وبيهز الكرسى بيه قال هى مش شركة اهلك علشان تيجى وتقعدى جمب السكرتير بره
حبيبه :- انا مستنيه حضرتك تقولى اعمل ايه
سيف :- امممممم اتفضلى هاتيلى قهوه
حبيبه :- نعم قهوه انا جايه اشتغل ايه هنا بالظبط
سيف :- انتى تشتغلى اى شغل اقولك عليه على الاقل شغلانه محترمه مفهاش مسخره وقلة ادب
حبيبه :- لنفسها اللهم يطولك ياروح حاضر يا فندم هروح اجيب القهوه ليك
سيف :- ياريت بسرعه وبلاش شغل المسخره مع الرجاله فى البوفيه
حبيبه :- عن اذنك
وحضرة ليه القهوه وجابتها ليه
حبيبه :- اتفضل حضرتك وحطتها قصاده على المكتب
سيف :- لا خلاص مش عايز شيليها
حبيبه :- استغفر الله العظيم حاضر
سيف :- ايه مش عجبك
حبيبه :- اللى حضرتك تأمر بيه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية وراء كبرياءه عاشق)