رواية وراء كبرياءه عاشق الفصل الثالث عشر 13 بقلم دودو محمد

رواية وراء كبرياءه عاشق الفصل الثالث عشر 13 بقلم دودو محمد

رواية وراء كبرياءه عاشق البارت الثالث عشر

رواية وراء كبرياءه عاشق الجزء الثالث عشر

رواية وراء كبرياءه عاشق الحلقة الثالثة عشر

فى شركة عز
كان قاعد سيف وشغال هو حبيبه وجه ليه اتصال بيبلغه باللى حصل لاخته
سيف :- ده نهارهم اسود اعرف مين اللى عمل كده وانا رايح على المستشفى حالا
وقفل وقام وقف
حبيبه :- خير يا استاذ سيف فى حاجه
سيف :- وانتى مالك ايه دخلك
حبيبه :- انا اسفه
سيف :- اهو ده نتيجة اللى يجيب واحده و****شبهك تشتغل فى الشركه من يوم ما دخلتيها والمشاكل جت على دماغنا
حبيبه :- حضرتك اللى جبتنى ولو انت شايف ان وشى فقر عليكم ممكن امشى ومتشفش وشى تانى
سيف :- انا مش فايق لواحده زيك انا ماشى وعلى الله اسمع انك مجتيش الشركه ودينى لاحبسكم انتى وتامر وانا حظرتك ومشى وسبها
حبيبه :- ربنا على المفترى منك لله يا شيخ على الكلام اللى بتسسمم بيه جسمى كل شويه
……………………………………………………
وصل سيف المستشفى وكانت الصحافه متجمعه واول ما شفوه طلعو يجرو عليه
صحفى :- استاذ سيف حقيقة القبض على شقيقة حضرتك
صحفى اخر :- وهل صحيح اخت حضرتك كان فى علاقه مابينها وبين القتيل
صحفى اخر :- هل صحيح اخت حضرتك كانت حامل من علاقه غير شرعيه
صحفى اخر :- هل اخت حضرتك تعرضت للاعتداء داخل السجن ام هى محاولة انتحار منها
سيف :- بزعيق وعصبيه مش عايز اسمع ولا نص كلمه تانى وزق الصحفين ودخل المستشفى وسال على اوضت ديمه والاستقبال وصفها ليه
وراح عند اوضة اخته وكان فى اتنين عساكر واقفين على الباب
العسكرى :- ممنوع يا حضرت
سيف :- اوعى يا بابا انت ميتقليش ممنوع انا ادخل فى اى وقت
العسكرى :- لا مش هتدخل لمتهمه علشان ممنوع واللى عندك اعمله
سيف :- بقى انت تقف قصادى انا
العسكرى :- والله دى اوامر احنا ملناش دعوه يا حضرة روح اعمل اذن دخول من عمر باشا
سيف :- وفين سى عمر ده
العسكرى :- مش عارفين والله
سيف :- اللهم يطولك ياروح وراح يدور على عمر وشافه وهو طالع من عند الدكتور
سيف :- انت ده انا هخلى يومك اسود انا نبهتك ان محدش يمد ايده على اختى ومع ذلك سلط عليها المساجين يضربوها
عمر :- انا مسلطش حد على اختك وانا مش بحب اسلوب العنف واللى عملوا كده اتحسبو وخلاص وبعد كده لما تتكلم معايا تتكلم بأدبك بدل ما اعملك قضية سب وقذف لسلطات اثناء تأدية عاملهم انت حر
سيف :- بقى انت بتهددنى انا ده انا هوديك ورا الشمس وهعرفك مين سيف عزالدين
عمر :- اللى عندك اعمله وانا مبخفش من اللى زى امثالك مفكر نفسه ملك الدنيا ومحدش قدك بس فيه اللى احسن منك واقوى فيه ربنا واللى معاه ربنا عمره ما هيخاف من العبد عن أذنك
سيف :- انا هعرفك مين سيف عزالدين واتصل على رتبه كبيره فى البلد وقال
سيف :- سعد باشا ازيك وايه اخبارك
سعد :- تمام الحمدالله وقلبى معاك فى اللى حصل
سيف :- تسلم يارب انا كنت عايز منك خدمه
سعد :- طبعآ اوامر يا سيف باشا
سيف :- فى واحد كده مضيقنى وشايف نفسه علينا اسمه عمر وماسك قضية اختى
سعد :- اه عارفه ده شاب مجتهد وممتاز والناس كلها بتحبه
سيف :- بس مقدرش يحافظ على اختى وكنت عايز ليه قرصة ودن كده
سعد :- مع ان الولد ممتاز بس اللى تأمر بيه ياسيف باشا
سيف :- عايزه يتنقل فى مكان منفى علشان يعرف يتعامل مع اسياده عدل
سعد :- من بكره قرار نقله هيطلع
سيف :- تشكر يا باشا واخدمك فى الفرح يارب
وقفل مع سعد السكه وقال بأنتصار متخلقش لسه اللى يقف قصادى
وراح عند اوضة اخته وكان عمر واقف وقال
سيف :- وسع كده من سكتى
عمر :- رايح فين
سيف :- هدخل ابص على اختى
عمر :-هى مش وكاله من غير بواب ممنوع الزياره
وفى الوقت ده جه ليه تليفون من سعد
عمر :- سعد باشا امر حضرتك
سعد :- سلم ورق القضيه وروح القضيه مبقتش معاك دلوقتى
عمر :- ازاى حضرتك انا اللى متابع القضيه من اولها
سعد :- انت هتناقشنى الكلام انتهى القضيه اتسحبت منك خلاص سلام وقفل السكه فى وش عمر
سيف :- بص لعمر بصت أنتصار وقال دى قرصة ودن علشان بعد كده تعرف تقف قصاد اسيادك
عمر :- يعنى انت وراه الموضوع
سيف :- وكان ممكن ارفضك من شغلك خالص بس انا اكتفيت بنقلك بس
عمر :- متفرحش عمر الظلم ما بيدوم ساعة الظلم قصيره جدآ وفيه ربك الحق بيجيب حق المظلوم ولو بعد حين ومسيرنا هنتقابل وسعتها هيكون ربنا جابلى حقى منك
سيف :- خلصت اتفضل بقى من غير مطرود وبص للعساكر وقال اوعى منك ليه
العسكرى :- بخوف اتفضل يا باشا
ودخل سيف الاوضه وقفل الباب فى وش عمر
عمر :- لنفسه متفرحش اوى كده بالظلم علشان عمره ما هيدوم
ومشى عمر من المستشفى وراح على البيت
……………………………………………………
فى شركة عز
حبيبه راحت لسكرتير وطلبت منه رقم أدهم
السكرتير :- ممنوع والله يا انسه
حبيبه :- انشالله يخليك ادهونى ومش هقول ان انا جبته منك هقول جبته من اى حد تانى
السكرتير :- لو استاذ سيف عرف هيودينى وراه الشمس
حبيبه :- مش هيعرف حاجه يلا بقى خليك حلو
السكرتير :- انا هعمل معاكى واجب بس اوعى تقولى لحد
حبيبه :- ربنا يجبر بخاطرك قادر يا كريم
السكرتير :- كتب ليها الرقم وقال خدى ربنا يستر بقى
حبيبه :- اخدت رقم التليفون واتصلت على ادهم وانتظرت الرد
أدهم :- الو مين معايا
حبيبه :- انا حبيبه يا أستاذ أ دهم
أدهم :- اه خير يا حبيبه
حبيبه :- خير ان شاءالله انا قولت اطمن على حضرتك لتكون تعبان ولا حاجه علشان مجتش النهارده
أدهم :- ربنا يخليكى يا حبيبه انا كويس بس بابا هو اللى تعبان وفى المستشفى
حبيبه :- الف سلامه عليه طب اسم المستشفى ايه
أدهم :- اسمها مستشفى (………)
حبيبه :- خلاص انا جايلك
أدهم :- متتعبيش نفسك يا حبيبه وتيجى
حبيبه :- احنا مش اتفقنا نكون أصحاب واخوات ومن واجب الاخت تقف مع اخوها فى المصايب صح ولا لا
أدهم :- بحسره انتى احسن من أختى كمان ياريت اختى تكون ربعك بس
حبيبه :- نص ساعه واكون عندك
وقفلت حبيبه مع أدهم ومسكت شنطة أيديها ونزلت من الشركه ووقفت تاكسى وادته عنوان المستشفى وراحت عليها
……………………………………………………
فى المستشفى عند ديمه
كانت نايمه والمحلول فى ايديها ومش حاسه بحاجه خالص
سيف :- قعد على الكرسى اللى قصاد السرير وقال ليه عملتى كده وحطيتى رسنا فى الطين وكسرتى ضهرنا ليه عمرى ما اعتبرتك اختى تملى كنت بعتبرك بنتى المسؤوله منى كنت بخاف عليكى من الهوا الطاير لما ماما ماتت وانتى صغيره كنت بخدك فى حضنى وادلعك كنت بحاول اعوضك ولو جزء صغير من فقدانك حنان ماما ولما شفتك كبيرتى وبقيتى انسه بدأت اشد عليكى قولت علشان تخافى منى ومتفكريش تعملى الغلط وتخافى من عقابى وبدأت اشد واشد لحد ما بعدنا عن بعض خالص ومبقاش ما بنا غير الخوف والجفاء بس انا عارف اللى حصل ليكى ده نتيجة قلة خبرتك فى الحياه وذنب بنات كتير اخوكى أدهم ظلمهم وكسرهم زيك بالظبط بس برضه عمرى ما هقدر اسامحك ومن هنا ورايح انا اختى ماتت وحتى لما تقومى بالسلامه وتخرجى من مصيبتك وتعيشى معانا فى البيت هتحرمى عليا طول العمر ولا عمر لسانى هيخاطب لسانك طول ما انا عايش وهعتبرك واحده غريبه عايشه فى وسطنا وبص عليها بصه اخيره وطلع من باب الاوضه وخرج من المستشفى وراح المستشفى اللى فيها ابوه
……………………………………………………
فى المستشفى عند أدهم
كان قاعد وحاطت ايده على راسه وفى الوقت ده وصلت حبيبه
حبيبه :- استاذ عز عامل ايه دلوقتى
أدهم :- لسه والله السعات اللى جايه فيها خطر عليه ادعيله بالله عليكى يا حبيبه
حبيبه :- ان شاءالله هيقوم بالسلامه بس انت اجمد كده علشان خاطره
أدهم :- مش قادر يا حبيبه بابا بالنسبه ليا كل حاجه فى الدنيا ومقدرش اعيش من غيره فى الحياه رغم ان انا راجل بس بحس ان انا من غيره عيل تايه
حبيبه :- بإذن الله هتعدى عليه مرحلة الخطر وهيبقى زى الفل وهيعيش لحد ما يجوزك ويشوف عيالك وعيال عيالك كمان
أدهم :- شكرآ بجد ليكى ووقفتك جمبى دى عمرى ما هنسهالك بجد كنت محتاج حد جمبى فى الفتره دى
حبيبه :- متقولش كده رغم ان احنا مش بقلنا كتير عرفين بعضينا واول مقابله مابنا مكانتش لطيفه بس بحس فيك شبه كبير من أخويه عمر وبرتاح معاك اوى زى ما كنت برتاح مع عمر فى الكلام وحاسه انك حد قريب منى مش غريب يعنى حاسه ان دمنا واحد
أدهم :- بأبتسامة أنكسار ياريتنى كنت عرفتك من زمان يمكن كانت حاجات كتير اتغيرت
حبيبه :- انت عندك أخوات تانى غير استاذ سيف
أدهم :- كان عندى اخت وماتت
حبيبه:- ربنا يرحمها
وفى الوقت ده جه عليهم سيف
سيف :- انتى !انتى بتعملى ايه هنا
أدهم :- كتر خيرها عرفت بخبر تعب بابا جت تسأل عليه
سيف :- انا مش حذرتك وقولتلك ابعدى عن أدهم انتى ايه مش بتفهمى وعايزه اى راجل تبيعى نفسك ليه
حبيبه :- بصتله وعيطت ومردتش عليه
أدهم :- ايه اللى انت بتقوله ده ياسيف البنت مغلطتش دى جت تعمل الواجب
سيف :- انت تخرس خالص مش كفايه كل اللى احنا فيه ده بسبب نجستك ووسختك مع البنات ياما قولتلك بلاش بس انت كنت مصمم تعيش حياتك بالطريقه القذره دى واخرتها احنا كلنا اللى بندفع التمن وانت ولا همك وعايش حياتك زى ما هى ومخلى حتة بنت بتلعب بالبيضه والحجر تضحك عليك فوق بقى يااخى وانضف شويه
وبص لحبيبه وقال وانتى مشوفش وشك هنا تانى ولو شفتك فى الشركه بتكلمى اخويه تانى هوريكى الوش التانى اللى مش هتحبي تشوفيه خالص سمعتى اطلعى بره يا زباله
حبيبه :- انا مش زباله الزباله هما اللى زى امثالك واحد متكبر ومغرور وشايف نفسك على ايه ده انت واحد معقد وانا احسن منك الف مره يمكن معنديش الفلوس اللى عندك بس عندى اللى احسن من الفلوس عندى كرامتى وعزة نفسى اللى مش هقبل حد يجى عليهم ويدوس عليهم ام الشرف فأنا مش هقولك غير انت كده ارتكبت اكبر غلط فى حياتك وهو قذف المحصنات وده عقوبته عند ربنا كبيره وهو قادر يجيب ليا حقى منك
سيف :- معرفش يرد عليها
حبيبه :- وشركتك انا مش شغاله فيها تانى واللى عندك اعمله علشان انا ميشرفنيش اشتغل مع واحد زيك
وبصت لادهم وقالت
وانت يا ادهم زى اخويه ومش هبطل اسأل عليك وياريت انت كمان تسأل عليا ومدام احنا مش بنعمل حاجه غلط يبقى منخفش من حد واللى مش عجبه يخبط راسه فى الحيط الا لو انت عايز تسمع كلامه
أدهم :- زى ما احنا يا حبيبه وانا معاكى وجمبك علطول ولو احتاجتى اى حاجه اتصلى بى علطول وانا هتصل اطمن عليكى كل يوم
حبيبه :- ماشى يا أدهم ربنا يديم المعروف اللى بينا سلام وبصت لسيف من فوق لتحت وقالت وانت من غير سلام ومشيت حبيبه روحت على بيتها
أدهم :- فوق انت بقى مش كل البنات صفاء مش كلهم خاينين شبها مش كلهم يا سيف
سيف :- ادهم متجبش سيرتها قدامى ولا يا ادهم كلهم خاينين كلهم بتوع فلوس وبس كلهم يقدرو يمثلو عليك ويوقعك فى شبكهم كلهم بيحبو يشوفه الراجل مذلول ليهم
أدهم :- بس حبيبه مش كده حبيبه بجد محترمه حبيبه اول بنت تمد ايديها عليا علشان حاولت اضيقها واعكسها انت عارف انا بتمنا ان حبيبه هى اللى تكون اختى كانت بجد هتقدر تصون شرفها وتحافظ على شرف واسم العيله
سيف :- انت ليه محسسنى انك تعرفها من زمان انت مش بقالك غير يومين
أدهم :- علشان حبيبه قدرت تغيرنى فى اليومين دول قدرت تورينى النوع التانى من البنات النوع المحترم عرفتنى ان لسه فى بنات بجد بتخاف على سمعتها وعلى شرفها عرفتنى ان فيه بنات لا يمكن تبيع نفسها علشان الفلوس بجد كنت اتمنى ان اتعرف عليها من زمان كان زمان حاجات كتير اتغيرت فى حياتى ولعلمك انا شرف ليا ان اتعرفت عليها وهفضل محافظ عليها وهقف جمبها مهما حصل وسابه ومشى
سيف :- قعد على الكرسى وحط راسه مابين ايديه وقعد يفكر فى الكلام اللى قاله أدهم
……………………………………………………
عند حبيبه خرجت من باب المستشفى ووقفت تاكسى ووصلها لعنوان شقتها ودخلت وقفلت الباب وراها وقعدة تعيط
حبيبه :- انا تعبت والله العظيم تعبت من البشر كلهم هما ليه بقت الناس وحشه وبقى كل همهم المظاهر والفلوس وبس واحد حب جسمى ومحبنيش والتانى حب الفلوس والارض ومحبنيش وواحد شايفنى من بنات الليل وبتاعة رجاله وبسبب عمى بعد عن ابويه وأخويه وعشت فى شقه لوحدى وكل اللى انا فيه ده من جشع البشر مع انى عمرى ما اتمنيت حاجه وحشه لحد انا عارفه ياربى ان ده اختبار بتختبر بى قوة ايمانى وصبرى
ومش بعترض بس اتلطف براحمتك وابعد عنى ولاد الحرام
……………………………………………………
فى بيت حسن جادالله
وصل عمر البيت وهو حزين وقبله حسن
حسن :- مالك يا ابنى
عمر :- مفيش يا بابا
حسن :- بخضه اختك حصلها حاجه
عمر :- لالالا يا بابا متخفش دى مشكله معايا فى الشغل
حسن :- مشكلة ايه
عمر :- حكا لابوه اللى حصل بس طبعآ مقلش الاسامى
حسن :- يا ابنى متزعلش محدش يعرف لو كنت كملت فى القضيه كان ايه هيحصل ليك ربنا مش بيجيب حاجه وحشه لحد
عمر :- ونعمه بالله يابابا انا مش زعلان على كده انا كل زعلى على البنى أدمين اللى الفلوس عمة عنيهم وقوة قلبهم وخلتهم بقو شبه الذئاب غدرين وبيستقوه على الغلابه
حسن :- يا حبيبى القوى فيه الاقوى منه وفى ربك اقوى من الكل وبصير على عباده ولو ساب القوى يفرح بنفسه شويه على الضعيف بيجى يوم وربك بيبتليه وبتتقلب الايه والضعيف اللى كان القوى بيتحكم فيه بيجى يوم عليه والضعيف ده هو اللى بيتحكم فى القوى
وربك القوى منتقم من كل عزيزآ جبار
عمر :- ونعمه بالله يا بابا وانا متأكد ان هيجى يوم وربى هينصرنى على اللى ظلمنى
حسن :- بإذن الله يا ابنى
عمر :- المهم يا بابا انا لو انتقلت هتيجى معايا
حسن :- طب واختك يا ابنى تعيش هنا وحيده
عمر :- ومين قالك كده انا هخلى زميلى يتابعوا البحث عليها لحد ما يوصلوا ليها وهاخدها تعيش معانا
حسن :- خلاص هعيش هنا لحد ما يلاقوها ونيجى احنا الاتنين مع بعض
عمر :- مش هينفع والله يا بابا اسيبك هنا لوحدك تعال معايا وقريب قوى نلاقى حبيبه وتيجى تعيش معانا
حسن :- مش هاين عليا يا ابنى ابعد عن المكان اللى فيه ذكرياتى مع اختك
عمر :- أن شاءالله هترجع حبيبه ونعيش مع بعض احلى مستقبل
حسن :- ان شاءالله

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية وراء كبرياءه عاشق)