رواية فعلتها لأجل أبي الفصل الثالث 3 بقلم هدير عبدالعليم

رواية فعلتها لأجل أبي الفصل الثالث 3 بقلم هدير عبدالعليم

رواية فعلتها لأجل أبي البارت الثالث

رواية فعلتها لأجل أبي الجزء الثالث

رواية فعلتها لأجل أبي الحلقة الثالثة

بابا بدهشة: دنيا يعنى أنا إللى واقف فى طريقك ؟ يعنى أنا سبب إنك مش مبسوطة ؟
دنيا :…
بابا: أنتِ موافقة و قد القرار ده ؟
دنيا بثقة : اه موافقة
بابا بأستسلام: يبقا مفيش اب هيقف فى طريق عياله, أنا مش موافق بس طالما أنتِ شايفه ان ده الصح يبقا القرار ليكِ, الجواز مينفعش يكون إجباري دا القرار الوحيد إللى لازم نختاره و إحنا متقبلين شريك حياتنا بكل حاجة العيوب قبل المميزات.
طنط بتزغرط : الف مبروك .
دنيا : الله يبارك فيكِ يا غاليه .
شهاب بإنتصار: أخيراً, مبروك يا عروستي.
ماما: أقوم أجيب الشربات بقا.
دنيا بابتسامة: الله يبارك فيكِ.
شهاب: طلباتك أى يا عمو.
بابا : كأن نفسى يكون عندى طلبات بس أنا نفسى فعلاً تحافظ على دنيا.
طنط بهدوء : دا هيشيلها فى عنيه.
بابا بتنهيدة : يارب يكون حقيقي مش مجرد كلام .
ماما جاية من جوا بالشربات: بس دنيا لازم يجيلها شبكه اغلى من أى حد فى العيلة, بنت خالتها جالها ب ١٠٠ الف عايزين..
طنط بسرعة : إحنا هنجيب ب ٢٠٠ الف دهب .
طنط : وعايزين..
بابا بعصبية : شهاب أبوك هييجي أمتي علشان نقرأ الفاتحة؟
شهاب : أى وقت حضرتك تحدده يا عمو.
بابا : يبقا يوم الجمعة بعد العشاء ان شاء الله.
شهاب : تمام .
معاذ : هييييي عندنا فرح
دنيا بحضن لمعاذ وضحك : وأنا العروسة.
بابا بأستسلام: الف مبروك .
دنيا : الله يبارك فيك يا أحن اب فى الدنيا .
^^^يوم الشبكة ^^^
عمتو : الف مبروك يا دودو شبكتك مجتش لحد ما شاء الله.
دنيا : الله يبارك فيكِ يا عمتو و كل إللى هجيبه محدش هيجيبه .
عمتو: ربنا يسعدك يا حبيبتي.
دنيا : يارب.
آيه بنت عمتو بصوت واطي و هى واقفه بعيد : بت يا آلاء العريس بيبص على كل البنات هو خالو موافق عليه؟
آلاء: النصيب بقا بعد إذنك هشوف ماما تكون عايزه مساعده.
آيه: أوعى تكوني زعلتي أنا والله مش قصدى حاجه بس مستغربة ان خالو إللى بنخليه يختار لينا العرسان يختار لبنته حد زي كده ،خالو ديما بيدرو على الاحترام.
آلاء بهدوء : لازم تكوني عارفه ان الجواز نصيب ممكن العالم كله يحارب علشان الجوازه متكملش لكن تكمل علشان هم مكتوبين لبعض من قبل ما نتولد أصلا… فاهمه!!؟
آيه بتنهيدة : فعلاً معاكِ حق.
دنيا بتبص ل آيه و بتشاور ليها علشان تيجي تسلم عليها
آيه بتكمل كلام مع آلاء: إحنا لو فضلنا نتكلم عن القدر و النصيب مش هنخلص محدش كأن يصدق إنى هتجوز واحد كنت المحامية ليه فى يوم من الايام كنت بدافع عن واحد أنا بس إللى شايفه أنه مظلوم لحد ما ثبتت البراءة … سلام هسلم على العروسة علشان بتشاورلي .
آيه: يا عروووسة الف مبرووووووك أجمل عروسة.
دنيا : أى يا بت كله ده واقفة بتتكلمي مع آلاء المفروض إنك جاية علشانى..
آيه بضحك: خلاص بقا يا عروسة المسامح كريم و أنا شايفه اصحابك جنبك أهو.. استني هزعرط لولوووي
ماما : واحده كمان يا يويو .
بدأنا نهيص و نفرح
^^بعد فتره و قبل الفرح بشهر^^
طنط : عاملة أى يا بنتى.
دنيا : الحمد لله يا ماما .
طنط : أنا بحبك أوى يا دنيتى.
دنيا: وأنا بحبك أوى يا ماما و بحسك قريبة منى أوى.
آلاء بضحكه مكتومة وصوت واطى: احمم ماما..
دنيا بتكمل كلامها بدون ما تدى إهتمام لكلام آلاء:كفاية إنك ام شهاب.
ماما : والله نورتينا يا ام شهاب.
طنط : منور بيكم يا حبيبتي.
ماما : الله يخليكِ
طنط: باقى كده شهر على الفرح , شهاب خلص كل حاجه فى الشقة .
ماما : والله إحنا ناقصلنا شوية حاجات كده لسه..
طنط بسرعة وبدون ما ماما تكمل كلامها : لا يا ام دنيا إحنا فرحنا لازم يتعمل فى معاده هو مش كلام رجاله ولا أى؟
ماما : والله إحنا كنا عاملين حسابنا بس معاذ طبعًا تعب و دخل المستشفى و صرف فلوس كتير .
طنط : اتصرفوا, إحنا مش مقصرين معاكم فى حاجه .
آلاء: هو حضرتك عماله تتكلمى كده ليه هو أنتِ أشترتينا ولا أى ؟ دى خطوبة و..
ماما بسرعة: آلاء أدخلي جوا..
آلاء بتكشيرة و بصه وحشه ل ام شهاب : أنا داخلة بس يارب الناس تحس شوية .
دنيا : معلش يا ماما آلاء صغيره متركزيش فى كلامها.
طنط : لا عادى, أهم حاجه أبقا عرفيني عملتوا أى بعد إذنكم..
ماما : لسه بدري .
طنط باستفزاز : شكله هيكون بدري زي الفرح .
ماما : دنيا وصلى حماتك ..
دنيا وصلت ام شهاب و رجعت : ماما مالك؟ زعلانة لى؟
ماما : لا مش زعلانة, مش عارفه هقول لابوكي إزاى على ان لازم الفرح يكون بعد شهر .
آلاء طالعه من جوا و بعصبية: يعنى انتوا موافقين على كلامها؟ كل إللى شاغل دماغك هو أنتِ إزاى هتقولى لبابا ؟ أنا هقوله.
ماما بسرعة: عارفه لو بابا عرف باللى حصل ده ..
آلاء: يعنى أى ؟
ماما: يعنى يرضيكِ أختك تفشكل الخطوبة.
آلاء بعصبية و حب فى نفس الوقت: محدش بيكره اخواته دول هم الأمان إللى بيحمونا من سوء العالم أنا خائفه عليها،خائفه على قلبها خائفه حد يكسرها ، خائفه شخص غلط يدخل حياتها يعلمها القسوة فتكون قاسية على كل الناس حتى اخواتها.
ماما بهدوء: لو بتحبيها بلاش تقولى لابوكي .
آلاء: وعلشان أنا بحبها وممكن أعمل أى حاجه علشانها يبقا مش هقول لبابا لو جاوبت على سؤالي بصدق دنيا أنتِ لسه موافقة تتجوزي شهاب؟
دنيا : اه لأنى بحبه, كله ده بعد الجواز هيتحل ..
آلاء بأستسلام وحزن:يبقا بابا مش هيعرف حاجه باللي حصل.
^^^^ بالليل ^^^^
ماما : أبو دنيا كنت عايزه أكلمك فى موضوع كده.
بابا بضحك : أتكلمي فى أى حاجه الا الفلوس.
ماما:عايزين نفرح قريباً.
بابا بضحك: حد يقول لا ل الفرح, بس مش فاهم قصدك أى ؟
ماما بهدوء: بقول يعنى نعمل فرح دنيا فى معاده و ..
بابا بسرعة: أنتِ عارفه ان لسه ناقص حاجات كتير مش عارفين نجيبها علشان مفيش فلوس .
ماما : يا حبيبى التقسيط سهل الدنيا أوى.
بابا : أنتِ عارفه إنى مش بحب أجيب حاجة قسط.
ماما : يا حبيبى ما هو إحنا لازم نعمل الفرح.
بابا : لازم لى .
معاذ جاى من جوا و ببراءة : نسيت أقولك يا بابا ام شهاب كانت هنا الصبح و ..
بابا:..
(يارب الجواز تبوظ 😅)

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فعلتها لأجل أبي)