رواية مهمة حب (رحم للإيجار 2) الفصل التاسع 9 بقلم ريحانة الجنة
رواية مهمة حب (رحم للإيجار 2) الفصل التاسع 9 بقلم ريحانة الجنة
رواية مهمة حب (رحم للإيجار 2) البارت التاسع
رواية مهمة حب (رحم للإيجار 2) الجزء التاسع
رواية مهمة حب (رحم للإيجار 2) الحلقة التاسعة
في ڤيلا عدي
في أوضة مايا. مايا في السرير وكلهم حاواليها.
عدي بحزن: ينفع اللي عملتيه ده. ازاي تروحي المستشفي لوحدك من غير ماتقولي لحد. افرضي جرالك حاجة. اياكي تعملي كدة تاني فاهمة.
مايا ابتسمت: اسفة يا بابي بس حقيقي ماحبتش ابوظ عليكم حفلتكم . كمان الحمد لله اني قابلت دكتور أنس ده انسان جميل اوي يابابي.
كريم ابتسم وغمزها: ايه يا مايو مالك هي غمزت اخيرا ولا ايه.
مايا بعصبية: انت مجنون ولا ايه. انا بتكلم عنه كإنسان ودكتور مش اكتر. مش علشان اللي في دماغك.
عدي : بس يا كوكي ما تبوظش اللحظة دي لو سامحت. وابتسم. قوليلي يا مايو هو انتي اتعرفتي علي أنس من الحفلة ولا من قبل كدة.
مايا : لا اول مرة اشوفه في الحفلة. ليه يا بابي!
عدي بحيرة: لا ابدا مافيش حاجة. انا بس بسأل.
مايا: احممم . هو هو شهاب كان فين انا قبل ما اتعب دورت عليه في كل مكان في الحفلة وبرا مالقتهوش. ولا كمان زميلته تمارا دي. هما مشيوا مع بعض.
عدي بص لهنا بيأس واتنهد: واحنا هنعرف منين . الحفلة ماليانة وكلنا مشغولين. وبتردد. علي فكرة انا عايز بس اعرفك ان أنس يبقي اخو تمارا زميلة شهاب. والاتنين ولاد اللواء مهاب هما ساكنين معانا هنا في نفس الكومبوند.
مايا قلبها اتملي غل وغيظ: مين! ازاي زفته دي تكون اخت أنس. دول مختلفين تماما.
هنا: ممكن تسيبك منها ومن اخوها وتخليكي في صحتك.
مايا بتتولد جواها غيرة قوية من مجرد مابتسمع اسم تمارا. كمان حاست بالنفور من أنس لمجرد انها عرفت انه اخوها.
مايا بغضب: ممكن تسيبوني لوحدي انا عايزة انام.
حلا بحنان : انا هفضل جنبك علشان انا قلقانة عليكي.
مايا: لا روحي اوضتك انتي. انا بقيت كويسة.
چوري ابتسمت: سلامتك يا مايو حبيبتي.
كارما: انا بدعيلك ربنا ينهي عذابك ده. ونلاقي متبرع تعملي العملية دي.
أمير: انا اقترحت كتيير اننا نشتري كلي.بس بابا بقي مش موافق.
عدي بغضب: انا اكتر واحد فيكم يهموا حياة مايا وصحتها. بس ده مش معناه اني اروح اشتريها من واحد بيبيع حته منه علشان محتاج. انا عمري ما اقبل اني استغل حوجة الناس. كمان الدكتارة بتشوف متبرع تكون صحته كويسة ويقدر يعيش بكلي واحدة. لان حياة الانسان ده تهمني زي مايا لازم يكون ضميري مرتاح. مش بني ادم بيبيع حته منه كمان لازم التحاليل تكون مناسبة. واحنا كلنا حاولنا بس ماحدش فينا ينفع يديهالها. واخر مرة حد يجيب سيرة البيع دي تاني. فاهمين.
كلهم بصوا لأمير لانه فتح الموضوع ده تاني مع تحزير عدي انهم مايتكلموش فيه.
هنا : يالا يا ولاد روحوا نامو وسيبوا مايا ترتاح.
خرجوا كلهم وكل واحد راح اوضته وهنا وعدي كمان راحوا اوضتهم وغيروا هدومهم. عدي شايف هنا متغيرة وشكلها حزين. كانت واقفة بتسرح شعرها. قرب منها وحضنها من ظهرها وبرقة.
عدي: حبيبتي مالها. بقالك كام يوم شكلك متغير وبتتعمدي تبعدي عني. وكل ما اقرب منك تقوليلي تعبانة. حتي النهاردة في الحفلة رفضتي ترقصي معايا. فيكي ايه يا هنا.
هنا بحزن: علشان ماكنش ينفع اكون انا اللي معاك في الرقصة دي. كان لازم تخرج هي من قبرها و ترقصها معاها هي. مش انا.
عدي استغرب وبعد عنها: هي! هي مين ؟
هنا لفت ليه بدموع: حلا . حلا اختي يا عدي. حلا اللي لسة عايشة جواك برغم السنين برغم كل اللي عشناه مع بعض. برغم اني خلفت ليك بدل الطفل اللي مات معاها 4 ولاد وبنات. اديتك عمري كله. عوضتك عن كل شئ. وانت. انت اناني يا عدي.
عدي بألم: انتي ايه اللي فكرك بيها. ليه بتقلبي في الماضي. حلا في قبرها بقالها سنين . ليه لسة بتغيري منها. انا عايش معاكي انتي ليه مش عايزة تنسي ليه.
هنا بدموع وغضب: انسي! انسي لو انت نسيت. لكن انت لسة فاكر . انا سمعتك وانت بتتكلم مع حلا. حلا بنتك اللي كل ما تشوفها تفكرك بيها. بتحب ملامحها علشان ملامحها هي. مع انها ملامحي انا كمان. بس انت بتشوف فيها حلا مش هنا. انا بجد حزينة علي العمر اللي ضاع معاك وانت بتوهمني انك حبيتني.
عدي غمض عنيه بحزن: ياااااه يا هنا. كل اللي قدمتهولك ده ومش مكفيكي. كل الحب والحنان والدلع ده . كل الاهتمام والحتواء ده اتنسي بكلمة واحدة سمعتيها. ويارتني قولت حبيتها هي اكتر. انا ماكنتش قادر اقارن بينكم لان كل واحدة فيكم ليها مكان في قلبي. هنا انا مش مطلوب مني اكون انسان عديم الوفاء. و خاين للعشرة والحب علشان ارضيكي. انا فاكر حلا علشان انا السبب في موتها. فاكرها لاني ماشوفتش منها حاجة تقسيني عليها. مشوفتش منها اللي خاليني انساها كأنها ماكنتش موجودة. هو الانسان ايه مش مشاعر واحساسيس بتتحرك وتتكلم. ليه عايزاني اكون حجر او آلة. تعمل اللي يرضيكي وبس. ليه انانية كدة. ليه عايزة كل حاجة الماضي والحاضر والمستقبل. وكمان مستخسرة فيها مجرد ذكري في بالي. انتي ليه مش فاهماني ليه مش حسة بيا. ده احنا عشرة سنين. ولحد النهاردة مافهمتيش عدي.
هنا بكت وقعدت علي السرير: غصب عني انا حبيتك بكل جوارحي ليه تبقي معايا بجسمك وقلبك وعقلك معاها هي. وايوة بغير منها حتي لو كانت ميتة. علشان من اول يوم عرفتك وانا بحسدها حتي من قبل ما اعرف انها اختي. انت اعترفت لبنتي انك حبيت خالتها اكتر من امها. مش حاسس انك جرحتني وبالقوي كمان.
عدي اتنهد بحيرة وقرب منها وضمها لحضنه: ازاي بس تقولي كدة. انا كل اللي قولته اني مش عايز اجاوب. لان صعب اقارن بينكم كل واحدة فيكم وليها شئ خاص بيها بيميزها.
ورفع وشها ليه وابتسم وبص في عنيها: وبعدين كل الحب اللي كل اصحابك بتحسدك عليه ده مش عاجبك. لو انا ماحبتكيش يا هنا. ماكنايش هتعيشي معايا كل السنين ده. وانتي فاكرة اني بحبك.
هنا: اوعدني ما تجرحنيش بالشكل ده تاني. انا بحبك يا عدي.وماعنديش استعداد حد يشاركني فيك. حتي بتفكيرك.
عدي ابتسم وباسها من خدها: اوعدك يا هنا ايامي ولاياليا. المهم ينفع بس النكد اللي بيجري في دم كل الستات ده.
هنا ابتسمت ومسحت دموعها: اه هنكد عليك. زي ما نكدت عليا. بس ايه رئيك بقي. منك لله ضيعت عليا الحفلة كنت عايزة ارقص معاك. بس ماكنتش طيقاك.
عدي غمزها: كدة ويهون عليكي ديدو. المهم دلوقتي بعد حفلة النكد دي. مين اللي هيحاسب علي المشريب.
هنا ضحكت: ههههههههه. لا مافيش ماشاريب انسي.
عدي : يادي الفضيحة عايزاني اسيبك وانتي بالشكل ده وزعلانة. لا وحشة في حقي. وفي تاريخي الزوجي. لازم اصالح القمر. ويالا يا ستي انا ححاسب علي كل حاجة وهخلي بالي.
هنا برقة ابتسمت: هتخلي بالك من ايه بالظبط.
عدي قرب منها اكتر وبمكر: من كل حاجة. المهم الزبون يكون مبسوط.
هنا: هههههههههن. بس الزبون عايز ينام تعبان.
عدي : تعبانة لا كدة الموضوع كبير ومحتاج مساچ وليلة كبيرة اوي. ولازم نلحق وقتنا بقي ولا ايه.
هنا : هههههههههه. ااااه منك ومن قلبي الخاين اللي بيسامحك ده.
عدي ابتسم: تؤتؤ. قلبك ده حبيبي وحاسس بحبي ومصدقه مش زيك شكاكة . تعالي بقي علشان نبدأ جلسة المساچ. وقربها ليه اكتر. قوليلي بقي تحبي نبتدي منين.
هنا بدلع: هههههههههههه.
عدي : العب يا هنون. مش هتكبري هتفضلي مجنناني كدة انا بقول نشتغل علي كله بقي…….
………………………………..
عدي الليل بحنانه علي ناس وبفرحه علي ناس . وبأمانه علي ناس. وكمان بحزنه علي ناس تانية وبوجع وجراح ايام وليالي طويلة مهما مرت عمرها ما هتدويها.
وجاء نهار جديد بأمل جديد وبفرحة متشالة وبضحكة مستنينها وبقلب طيب ظهر لينا ينور ظلمتنا من بعد ما كانت ليل مالوش اخر….
في الاستديو الخاص بحمزة التهامي.
حمزة قضي الليل كله جنب فتون عنيه ما قدرتش تشوف النوم كان بيشوف علامات الالم علي ملامحها حتي وهي غايبة في دنيا تانية. فاقت فتون وهي مستغربة هي فين وبتعمل ايه. وليه حمزة معاها. مش فاهمة حاجة.
فتون برعب : هههههو اااانا فين . هو ايه اللي حصل. وجيت هنا ازاي.
حمزة حاول يداري حزنه ووجعه وقرب منها بهدوء علشان يهديها.
حمزة: ماتخفيش انتي معايا.
فتون :اانا كنت في الشركة مع سالي والبنات وشربنا عصير بعدها ماحستش بنفسي ايه. اللي حصل.
حمزة جز علي سنانه: الزبالة خدروكي علشان … علشان.
فتون قلبها دق وخافت وبدموع: علشان ايه . قول ابوس ايدك قولي انا حصلي ايه. اوعي تقولي ان حد عمل فيا حاجة.
حمزة شاف رعبها وخوفها اتوجع اكتر وقلبه كان ببنزف من الجرح علشانها.
حمزة بكذب: لا اهدي ماتخفيش. انتي كويسة. محسن الكلب كان متفق مع سالي علشان تخدرك. وهو بعدها يعتدي عليكي.
فتون حطت ايدها علي بقها تكتم صرختها وبدموع: وعمل كدة؟قولي وماتخبيش علشان خاطري.
حمزة بيحاول يمسك دمعة بتحاربه علشان تنزل: لا هو حاول بس. وانا اول ما عرفت جيت وانقذتك منه. ماتخفيش انتي زي ما انتي.
فتون حضنت نفسها بقهر ووجع وزل : يعني لمسني يعني قرب مني. ليه … ليه بيحصلي كدة لييه.. وبكت بحرقة.
حمزة بلوم: انا حذرتك وقولتلك ابعدي اهربي . انتي اللي صممتي. فتون ماينفعش نرمي نفسنا في النار ونقول احنا اتحرقنا بيها ليه. ده من الاول ماكنش مكانك.
فتون بمرار: انت ماتعرفش انا جوايا ايه. ماتعرفش انا شايلة ايه علي كتافي. انا كنت محتاجة للشغل ده. انا وامي واختي عايزين نعيش مش اكتر عايزين حطان تلمنا وتسترنا وبس. عايزة اجيب علاج امي عايزة الستر. ماطلبتش البس واتفسح. والله هو الستر. اوعي تكون فاكر اني كنت عايزة اتبهدل واتحوج للي يسواي وماسواش. لا. انا واحدة اتحرمت من ابوها سندها وظهرها. كنا عايشين مبسوطين علي قدنا بس مرتحاين. كفاية انه اخر الليل بيلمنا حاوليه ويحاجي علينا. كفاية اني كنت بحط راسي علي المخدة وانا متطمنة انه موجود معانا. انه في وسطتنا. كان علي قد حاله بس كان كافينا شر الناس والسؤال والحوجة. لحد ما في يوم الظهر والسند والامان راح. مات وسابنا للكلاب تنهش فينا. والمرض ياكل في امي. انا كان ممكن اتكوي بالنار اللي قولت عليها علشان اعالج امي. اكل طوب بس تفضل معانا. خايفة اصحي في يوم مااقيلهاش هي كمان. مريضة وتعبانة اه بس كفاية انها معانا. مرعوبة اصحي الاقيني انا وحياة لوحدنا. الدنيا تدوس علينا اكتر واكتر. بس خلاص الدنيا داست وبكل قوتها. فرمتني وجات عليا وانا ماعملتش حاجة. ما اذتش حد . ليه …. ليييه انا .. ليييه. هو انا للدرجة دي ربنا غضبان غليا … لدرجة دي انا وحشة. قولي انت ليه. قولي ليه واحد زي محسن الحقير ده يلمس جسمي من غير حق. حتي لو مااخدش اللي كان عايزة بس حاول و كشفني وعراني لييبه. وانا كنت ساترة نفسي قولي ليه .. ليه.
حمزة بيتقطع علي وجعها وضعفها وغله وغضبه من مخسن بيزيد اكتر واكتر.
حمزة قرب منها وقعد علي ركبته قصادها وبحنان: لا يافتون اياكي تقولي كدة. ربنا بيختبر صبرك وايمانك ليه بتحسبيها غضب وبلاء. ده ابتلاء من ربنا ولما تصبري ربنا هيعوضك. ده الانبياء اتأذوا بس صبروا. يبقي احنا مش هنصبر علي قضاء ربنا. اهدي ارجوكي واستغفري. وادعي ربنا يهون حزنك. واعتمدي علي الله ثم عليا. اقسم بالله وحياة كل دمعة من عنيكي وكل اااه طلعت منك. لهدفعه تمنها وهيدفعه غالي اوي. واتأكدي اني مش هسيب طارك ابداااا.
فتون بتمسح دموعها وبتيصله مستغربة هو فعلا الدنيا لسة فيها ناس زي حمزة ده. زي مافيها كلاب قذرة زي محسن. معقول شاب زيه ابن ناس وغني بالشكل ده وعايش في وسط زي ده المفروض يكون زيهم هامه نفسه وبس شاب المفروض يشوفها كبنت حلوة زي مامحسن شافها. لكن ليه ده مختلف ليه راجل اوي كدة. ليه بتبص في عنيه بتشوف امان وراحة وبتهدي بالشكل ده. ليه في اللحظة دي نفسها يضمها لحضنه من غير ماتخاف. عايزة ترمي حزنها ووجعها في حضنه وترتاح. ااااااه يا حمزة انا ليه كل ما احاول انساك وابعد عنك واقول مش ليا الاقي القدر بيرجعني ليك تاني.
حمزة بقلق من سكوتها: انتي كويسة حاجة بتوجعك.
فتون : لا ااانا بخير ااانا عايزة امشي عايزة اروح البيت. وجات تقوم بس اتجوعت بألم قوي جداااا. واتألمت.
ااااااه.
حمزة قرب منها : مالك ايه اللي بيوجعك.
فتون بخجل دمعت : مافيش حاجة. انا عايزة اروح عايزة اروح لامي وارمي نفسي في حضنها.
حمزة بمرارة : حاضر هروحك. بس الاول هنروح للدكتور اللي كشف عليكي بالليل. وبعد كدة هروحك. انا مش هسيبك.
فتون: وانت ذنبك ايه تعطل نفسك. مش كفاية انك انقذتني من الحيوان ده. وفضلت جنبي طول الليل. كتر خيرك لحد كدة. اانا همشي.
حمزة مسك ايديها وحنان العالم اتجمع في نظرة عنيه: مستحيل اسيبك بعد النهاردة. انتي من اللحظة دي بقيتي مسؤليتي برضاكي غصب عنك مش هتبعدي عني.
فتون قلبها بيدق وبتحاول تهرب من عنيه اللي بتحضنها من مجرد نظرة: ااايوة ببس.
حمزة حط ايده علي شفايفها: شششش. مافيش كلام ولا اعتراض. واعملي حسابك. انتي هتريحي في البيت كام يوم . وبعد كدة هتشتغلي معايا هنا. وكل يوم انا اللي هعدي اجيبك وانا اللي هرجعك البيت.
فتون قلبها بيبتسم من بين الحزن اللي فيه: ازاي بس وهشتغل ايه.
حمزة ابتسم:لما ترتاحي وتستعدي للشغل هقولك هتشتغلي ايه. المهم من هنا ورايح مافيش اعتراض. اللي اقوله يتنفذ مفهوم.
فتون ابتسمت من بين دموعها: مفهوم.
حمزة ابتسم: ايوة كدة الملامح الجميلة دي اتخلقت علشان تبتسم مش تحزن وتعيط. يالا بينا.
………………………………..
في شركة رعد الحديدي في مكتب حلا كانت قاعدة مع عميل اسمه ماهر.
ماهر بإعجاب: بصراحة انا لما شوفتك في الحفلة امبارح ماصدقتش انك مدير الحسبات. معقول في مدير حسبات بالجمال ده.
حلا بجدية: ميرسي لحضرتك. ممكن بقي اقدر اعرف حضرتك جاي ليه؟
ماهر: احممم. بصراحة انا نادرا لما بدخل في شغل الحسابات. تملي بلعت مدير الحسبات عندي هو اللي بيتولي كل حاجة. بس لما شوفتك في الحفلة امبارح وعرفت انتي مين. صممت اني لازم اجي اتعرف عليكي بنفسي.
قبل ماحلا ترد كان باب مكتبها بيخبط واتفتح ودخل فادي شاف ماهر اتعصب وقفل الباب. وقرب منهم وعنيه علي حلا بغل. حط ايده في جيبه .
فادي:ماهر! خير اللي جابك الحسابات. وليه ماجتش عليا علي طول.
ماهر بقلق من فادي: ايه اااه احمم. لا ابدااا . اصلي قولت اجي اشوف موضوع الشيكات اللي واقفة دي وفرصة اتعرف علي مدام حلا. بصراحة انا بهنيك يا فادي بيه عليها.
فادي بيعض علي شفايفه من الغيظ وبيص لحلا وبيعصر قبضة ايده من الغضب: ااه قولتي مدام حلا. دي في كام اسبوع بقت اشهر مني انا شخصيا. وبصلها بتوعد. ولا ايه يا مدام.
حلا برعب منه بس بتحاول تتغلب علي خوفها وتلاقي صوتها . فادي شكله متعصب كالعادة: واالله يا مستر فادي ده شرف ليا ان حضرتك والعملا تمدحوا فيا يارب بس اقدر اكمل علي نفس المنوال ده.
فادي بيجز علي شفايفه وقرب منها ووشوشها: تكملي ايه ! انتي بالشكل ده هتكملي مدة علاج مكثف. متجبسة في سرير في المستشفي ومش هيلاقوا فيكي حتة سليمة.
حلا شرقة من الخوف : كح كح. كح…
ماهر بقلق: مالك في ايه اتفضلي مياه.
حلا شربت وهي بتبص لفادي.
وفادي بيبصلها بغيظ وتوعد: لسة بدري علي الشرقة دي . ده انا هخليكي تلفي حاولين نفسك.
واستقام في وقفته وبص لماهر بغضب: تعالي يا ماهر استناني في مكتبي انا هقعد معاك. اصل المدام شرقانة.
ماهر قام بسرعة : ححاضر عن اذنك يا مدام حلا فرصة سعيدة. وسلم عليها.
حلا سلمت عليه ولقت فادي بيبصلها بغضب. شدت ايديها من ايده بسرعة وبتردد: ااانا اسعد يا فندم. نورتنا.
خرج ماهر وقفل الباب وفادي لفلها بغيظ وقلع چاكت البدلة وقرب منها.
حلا كانت بتبعد وهي خايفة منه. وقت غضبه مابيشوفش قصاده.
حلا بتبعد وبتحزير: ااانت عايز ايه. والله يا فادي لو قربت لصرخ والم عليك الشركة كلها انا بقولك اهو.
فادي بتجاهل لكل كلمة قالتها بيقرب منها وبيشمر اكمام قميصه: بقي انتي بقي عايزة تنزلي الشركة كل يوم وتقعدي مع الرجالة. هاه. وده يعاكسك وده يغازلك. وده فرصة سعيدة وده نهارك منيل عليك وعلي اللي هلفوك. انتي خلاص عيارك فلت.
حلا بتبلع ريقها بخوف: اااالله وانت مالك انا حرة. انت مش طلقتتي مالكش دعوة بيا.
فادي شدها من ايديها وقربها لحضنه وضمها بقوة وغضب وغيرة وبص في عنيها بقوة: انتي بتاعتي وليا وانا مابسبش حاجة تخصني ابدااا. وقولتهالك قبل كدة يوم ما اسيبها بكسرها.
حلا قلبها بيدق من قربه جواها شوق ليه ولهفة عايزة تقولوا ضمني اكتر خبيني في حضنك. وحشتني . اخطفني وخدني غصب عني بس ما تبعدنيش عن حضنك ده تاني. اانا ماصدقت رجعت ليه.
فادي شاف في عنيها الحنين ولهفة جسمها لقربه منها كانت انفاسه بتتحارب علشان تخرج . تخرج ازاي واللي بتحبسهم في وجودها معاه وفي حضنه. ضمها بقوة وهو بيتنفس في خصل شعرها بحنين.
فادي: وحشتك!
حلا دايبة في قربه ولمسته : انا وحشتك!
فادي : شايفة ايه هاه! اسألي الاتنين اللي بيحضنوا بعض دلوقتي . قلبي وقلبك. هان عليكي بعدي كل ده عن حضني. كان بيجيلك نوم.
حلا بدموع: انت اللي بعدتني وبيعت.
فادي: عمري ما ابيعك ابداااا. لو بكنوز الدنيا. انتي اللي بتعاندي ولاول مرة تقفي قصادي.
حلا : انا عايزة حبك وحنانك. عايزاك تحس بيا.
فادي ضغط علي خصرها بقوة : ومين يا غبية بيحس بيكي غيري . هو انتي ليكي غيري. اوعي تفتكري انك ممكن تبعدي اكتر. انتي اتربيتي علي ايدي. انا اول راجل لمسك اول راجل حبك اول راجل في حياتك. وبأكدلك اني الاخير. علشان اقسم بالله لو حصل غير كدة انا ممكن اقتلك يا حلا. والله اقتلك.
حلا : يبقي تنازل وتعترف انك مالكش غيري.
فادي: بشرط. تسيبك من كل ده ولا شغل ولا خروج عمال علي بطال. وتخرجي كل كلمة امك قالتهالك من دماغك. وترجعي حلا حبيبتي الرقيقة اللي كانت بتدوب في حضني.
حلا بعدت عنه وبعصبية: انت مافيش فايدة فيك. بردوا بتتشرط. ليه مش عايز تفهم . انا عايزة حياة خاصة بيا. ايه ضرك في شغلي بس.
فادي بغضب: تبقي مش عايزة ترجعي انتي حرة. بس انا عايز اقولك حاجة انا ممكن ارجعك حالا وغصب عنك. ومش هخاف من الخلع والكلام الاهبل بتاعك ده. تؤتؤ ده ماهزش فيا شعرة. بس يا حلا. انا بأقسملك اني مش هرجعك غير لما تجيني وتقولي خلاص حرمت انا ليك انت وبس. هترحعي برضاكي ياحلا علشان انتي مالكيش غير حضني وبس. وهتشوفي.
خرج فادي وسابها بتبكي محتارة. تنهي كل اللعبة دي
وترجعله تاني ترجع لحضنه كفاية عليها . ولا تكمل للأخر المشوار اللي بدأته. كانت جواها حرب بتقطع فيها اخرها ايه ومين الغالب. ماكنتش عارفة.
………………………………..
في مبني المخابرات العامة.
في مكتب اللواء عدلي.
شهاب وتمارا قاعدين مع اللواء عدلي.
اللواء عدلي: هاه يا ابطال جاهزين للمهمة.
تمارا بحماس:طبعاا. جاهزين يافندم.
شهاب ابتسم علي حماسها ده وبهدوء: ان شاء الله يا فندم.
اللواء عدلي: تمارا انا قبل اي حاجة عايز انبهك ان المهمة دي انتي هتكوني فيها تحت قيادة شهاب. هو القائد بتاعك يعني تسمعي الاوامر وتنفذيها بالحرف. وياريت تحافظي علي فرق الرتب اللي بينكم. واتمني سوء التفاهم اللي حصل بينكم يكون خلاص انتهي.
تمارا عقدت حاحبها بغضب: حاضر سيادتك. هنفذ الاوامر.
شهاب بيكتم ضحته علي شكلها: ماتقلقش سيادتك خلاص مافيش حاجة. انا هعرف ازاي اتعامل مع تمارا.
تمارا بصتله بغيظ: تقصد ايه بقي.
اللواء عدلي: وبعدين بقي. ممكن تهدي. انا هعرفك المهمة اللي انتي هتنفذيها مع شهاب. هو عارف كل التفاصيل.
تمارا: اتقضل حضرتك.
اللواء عدلي: بصي يا تمارا. في الغالب العمليات اللي بتم خارج البلاد اللي بيقوم بيها الجيش. بس في بعض الاحيان بيلجأوا لينا وبتكون عمليات مشتركة بينا وبينهم. وفي المهمة دي بالاخص احنا دورنا اكبر منهم. هما هيتولوا حمايتكم هناك. وانتم هتنفذوا المهمة دي. خصوصا ان العنصر المطلوب كان واحد مننا. في ظابط كان مكلف انه يرجع ميكروافيلم خطير جدااا. عليه برنامج متسجل عليه سلسلة اغتيالات لشخصيات عامة ورجال جيش وشرطة ووزارة. في بلاد كتيير وطبعاا منهم مصر. لما راح هناك بقي عميل مشترك لينا وليهم. باغهم بمهمته. وبدل الميكروفيلم بواحد تاني وسلمه واختفي هناك. مهمتهكم بقي ترجعوا الميكروفيلم الاصلي وترجعوه هو كمان. حي. ولو مااقتدرتوش. يبقي التعليمات وقتها واضحة.
تمارا بإستفهام: ازاي هنعمل ايه.
شهاب بثبات: التصفية. هنصفيه.
تمارا: احنا هنسافر فين؟
شهاب: ايطاليا.
تمارا: والسفر امتي.
اللواء عدلي: بعد بكرة. اظن كدة عرفتي كل حاجة. اتمني ليكم التوفيق . اتفضلوا.
خرجوا من عند اللواء عدلي ودخلوا مكتب شهاب.
شهاب بإستغراب: مالك . انتي خايفة!
تمارا بعصبية: ايه ياعم مين دي اللي خايفة انا قلبي حديد.
شهاب: هههههههههه. ايوة فعلا واضح. طيب قوليلي بتفكري في ايه.
تمارا اتنهدت: ازاي واحد مننا خدم في جهاز زي ده. وعرف كل الاسرار دي. ويخون. بجد مستغربة.
شهاب حط ايده في جيبه وسند علي المكتبة واتنهد: عادي في ناس زي الخيانة بتجري في دمها. ممكن تخون اقرب الناس ليها. وبتهون عليهظ بلدهم. اخد فلوس وقالك اسلم الميكروفيلم ليهم واعيش برا ماحدش هيقدر يوصلي. حتي مراته وولاده باعهم. سابهم هنا ولا سأل فيهم. مقضيها هناك عربدة وحريم وفلوس. بثمن بيع بلده واهله ودم ولادها.
تمارا بغيظ: انا نفسي اقتله بس اشوفه.
شهاب بصلها بإعجاب: تعرفي برغم غباوتك ولسانك ال300 متر. بس بحب شجاعتك واصرارك ده. وواثق فيكي.
تمارا ابتسمت غصب عنها: علشان بس الكلمتين الاخرنين دول. هعدي انا غباوتك و ال 300 متر دول.
شهاب: هههههههه. لا يا شيخة. قوليلي انتي متعودة تروحي المكان اللي قابلتك فيه امبارح ده كتيير.
تمارا: ايوة معظم الوقت بروح بحب اكون لوحدي.
شهاب ابتسم: تعرفي ده مكاني انا كمان. معقول كنا بنروح انا وانتي ومابنشوفش بعض.
تمارا بتردد: هو .. هو انا ممكن اسألك سؤال!
شهاب : اسألي.
تمارا: هو انت ومايا مخطوبين او يعني علي وشك.
شهاب بإنكار: مين! مايا لا طبعا مايا دي اختي زي حلا وچوري وكارما. بس ليه بتسألي.
تمارا عضت علي شفايفها وبهمس: اااه يا بنت التيت. بتلبسيني كمان. وديني لكسرك منخيرك ده واعرفك مين هي تمارا.
شهاب عقد حاجبه وقرب منها: بس انتي ماردتيش بتسألي ليه!
تمارا: احممم. لا ابدا انا بس افتكرتكم مخطوبين.
شهاب ابتسم بمكر وقرب منها : امممم. بس ولا في سبب تاني.
تمارا بإحراج: لا لا مافيش اسباب تانية هو كدة بس. عن اذنك. انا في مكتبي.
خرجت تمارا بتهرب منه ومن قربه. شهاب اتنهد. ياتري حكايتك معايا ايه. وليه كل مرة اشوفك افتكرها .
وافتكر ملك وازاي قابلها تاني مرة.
فلاااش.
شهاب وصل شغله زي كل يوم وعرف ان الدفعة الجديدة اللي لسة متخرجة وصلت صالة التدريب. غير هدومه وراحلهم. اول ما دخل شاف بنت بتتضرب مع زميلها لكن كانت عنيفة وقوية بس كانت من ظهرها. وقف يتابعها مش عارف ليه. فجأة خلصت التدريب ولفت وهي بتاخد نفسها لقت شهاب واتقابلت عنيهم.
شهاب ابتسم: ملك انتي!
ملك بتاخد نفسها : شهاب بتعمل ايه هنا؟
شهاب ربع ايده: انا القائد بتاعك يا حضرة الملازم.
ملك ادت التحية برسمية : تمام يا فندم.
وهي وشهاب ضحكوا.
شهاب:ههههههههه. اخر مكان اتوقع اقابلك فيه تاني هو هنا.
ملك : هههههههههههه. وانا كمان. بس بصراحة لايق عليك القيادة . انت كدة شكلك مسيطر.
شهاب : ههههههههه. غريبة اللي يشوفك بالفستان مايشوفكيش دلوقتي. حمادة تاني خالص.
ملك: هههههههه. كل وقت وله اذان يا فندم.
مؤمن وصل : ايه يا بوب اتعرفت علي موكا.
شهاب بغبيرة: موكا مين!
مؤمن : موكا ملك.
شهاب بص لملك بغيظ وملك اتحرجت.
ملك بجدية:مؤمن بيه. انا اسمي ملازم اول ملك البحيري. موكا دي في البيت زمش بيقولهالي غير اهلي واصحابي.
مؤمن بص لشهاب ونظراته ليها وفهم: امممم. تمام عن اذنكم.
شهاب بغيرة: خالي بالك من مؤمن هو صاحبي بس بيحب الستات ومش بيعمل حدود بينه وبينهم.
ملك ابتسمت: عيب عليك ابوب. انا موكا. هسنجفه.
شهاب: هههههههههه. تعرفي انا مبسوط اني قابلتك تاني.
ملك بإعجاب:انا مبسوطة اكتر.
شهاب: من النهاردة تدريبك معايا انا وبس. تعالي بقي اوريكي التدريب علي حق.
ملك مشيت معاه : ابو الغرور ده هلك ناس اقسم بالله. ياعم لم جنحاتك دي وانزل جنبنا كدة وقول يا باسط.
شهاب: هههههههههه. يخرب عقلك. طب عنداا فيكي انا احسن ظابط فيكي يا دخلية.
ملك: ياراجل مصدقاك. بس ده قبل ما اتخرج واجيلك. تعالي انت واتفرج علي الشغل بقي.
شهاب رجع بذاكرته وهو بيبتسم بحزن.
ههاه ياريتك ماجيتي. ويارتني ماقبلتك.
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية مهمة حب (رحم للإيجار 2))