رواية حبيبتي المسترجلة الفصل الأول 1 بقلم الهام عبدالرحمن

رواية حبيبتي المسترجلة الفصل الأول 1 بقلم الهام عبدالرحمن

رواية حبيبتي المسترجلة البارت الأول

رواية حبيبتي المسترجلة الجزء الأول

رواية حبيبتي المسترجلة الحلقة الأولى

في احدى شركات مستحضرات التجميل بمدينه لوس انجلوس كان بطلنا قاعد في مكتبه بيراجع اوراق اهم صفقه لمستحضرات التجميل وفجاه دخل واحد من الباب زي الاعصار وهو متعصب جدا وبيقول…
ساجد: تميم هو صحيح اللي انا سمعته ده انت هتسيب لوس انجلوس وتروح تعيش في مصر؟
تميم: ايوه ايه المشكله يعني وبعدين انا مش قولتلك مليون مره تخبط على الباب قبل ما تدخل.
ساجد وهو متعصب: انت هتجنني يا جدع انت انا بتكلم في ايه وانت بتتكلم في ايه انا عاوز اعرف انت ازاي هتقدر تسيب لوس انجلوس وتروح تعيش في مصر بقا في حد عاقل يسيب مدينه الملايكه ويروح يعيش وسط التراب والزحمه.
تميم بهدوء: ما هو انا مش هنزل مصر لوحدي انت كمان هتيجي معايا.
ساجد: نااااعم يا اخويا بتقول ايه سمعني كده بقا انت عاوزني اسيب المزز اللي هنا عشان اجي معاك واعيش في وسط الغفر اللي هناك لا انت تشوفلك صاحب تاني غيري انا مش منقول من هنا ولا بالطبل البلدى.
تميم ببرود: مش بمزاجك على فكره ده شغل ولازم يتعمل وبعدين هو انت ما عندكش دم اهلك ما اشتقتلهمش ولا هم خلاص مبقوش فارقين معاك.
ساجد: هيوحشوني ليه ان شاء الله ما هم كل سنه بييجوا هنا ويقضوا اجازه الصيف معايا.
تميم وهو يقف بجانب الشرفه: دا انت انسان بارد بصحيح تعرف ان مصر وحشتني أوي وحشني ذكرياتي فيها مع ماما وكمان طنط صافي تصدق بقالي مده ما كلمتهاش زمانها زعلانة منى.
ساجد بقله حيله: ويا ترى هتقعد قد ايه في مصر ولا ناوى تبلط هناك.
لولو الجندى صلى على سيدنا محمد
تميم: ممكن شهرين تلاته على حسب الشغل ما يخلص، الشركه هناك محتاجه اهتمام شويه لانها مش بالمستوى المطلوب انا عاوز شركات الجندي تبقى اكبر شركات في العالم كله.
ساجد: طيب هو ما كانش ينفع اي حد تاني يروح لازم احنا يعني اصل انا بصراحه مش بالع حتة ان احنا نعيش فى مصر مش عارف اهضمها.
تميم بصرامه: لا ويلا روح شوف شغلك عشان السفر بعد اسبوع يا دوب تلحق تجهز نفسك.
ساجد بتنهيده: حاضر يا سيدي انت القوى على كل قوى يارب معلش بقا يا كريستين مضطر اسيبك عشان اروح لام الدنيا جايلك يا مصر جايلك ياغالية.
في احد المنازل بمدينه نصر كانت بيان قاعده في اوضتها بتسمع اغاني وحاطه السماعات في ودانها ومش سامعه مامتها وهي بتنده عليها بعد شويه دخلت مامتها عليها في الاوضه وشالت السماعات من ودانها وقالت لها بصوت عالي..
صافي: انتى يا اخره صبري عماله بندهلك من بدري وانتى مش سمعاني بسبب الهبابة اللي حطاها في ودانك دي دا كل الناس اللي في العماره سمعوا صوتي الا انتى.
وبعدين قعدت على السرير وفضلت تخبط على رجليها بايديها وتقول ببكاء مصطنع: هو انا عملت ايه يا ربى في دنيتي عشان اخلف بنت مطلعه على جتتي البلا الازرق انا اكيد عملت ذنب كبير عشان اتبلي البلوه دي.
راحت بيان مقربه منها وقعدت جنبها على السرير وقالت لها بهدوء.
لولو الجندى صلى على سيدنا محمد
بيان: في ايه بس يا ست الكل ايه اللي مزعلك بالشكل ده انا عملت ايه بس عشان المناحه اللي انتى عاملاها لي دي؟
صافي: اه يا اختي اعملي نفسك بريئه أوي وانتى اعوذ بالله منك بوريه يا شيخه منك بوريه هتفقعي لي المراره اللي حيلتي.
بيان بضحك: كل ده يا ماما عشان رفضت العريس اللي خالو جابهولي.
صافي: وهو ده عريس يترفض يا موكوسه يا بنت الموكوسه دا قيمة وسيما وملو هدومه وموظف قد الدنيا.
بيان: يا ماما يا حبيبتي انا نفسي اعرف بس انت مستعجله على ايه ده انا لسه صغيره يا دوبك 24 سنه وبعدين العريس اللي عاجبك أوي ده عنده بوادر كرش يعني بيحب الاكل وانا واحده رياضيه وبشتغل في جيم يعني مش هعرف اتعامل معاه لانى باكل اكل صحي وهو عاوز طباخه مش واحده محافظه على رشاقتها وبتاكل بالجرام وبتحسب سعرات حرارية.
صافي: تصدقي عندك حق ازاي يكون بيحب الاكل دي اسمها قله ادب كويس انك رفضتيه وهجمت عليها تشدها من شعرها وتقول من بين اسنانها يعني انت رفضتيه عشان عنده كرش وبيحب الاكل مش عشان حضرتك اصلا اللي ما بتعرفيش تطبخي يا اختي كنت دوريلك على حجه تانيه تنفع بدل الكلام الاهبل بتاعد دا.
بيان وهي بتصرخ: اه يا ماما شعري سيبي شعري بالله عليكي هو انا عاوزه اعرف مين اللي يهمك انا ولا هو ده انا بنتك الوحيده ما حلتكيش غيري يا اختي وبقولك ايه من الاخر يا ست الكل انا صنف الرجاله ده ما بينزليش من زور ففكك مني بقى انت وخالو وبطلوا تجيبولي عرسان عمال على بطال انا يا ستي مرتاحه كده عاوزه اقعد معاكي هو انتى مستغنيه عني يا ستي انت عاوزه تسربيني زي القطط وخلاصولا يكونش واكلة اكلك وانا مش عارفه.
صافي: يا بنتي هو انا هعيشلك العمر كله عاوزه افرح بيكي قبل ما اموت واشوفلك حته عيل حتى اساعدك في تربيته ما انتى خيبه ومش هتعرفي تعملي حاجه.
لولو الجندى صلى على سيدنا محمد
بيان: ااااه وصلت الدراما شكلها هتبدا لا بقى معطلكيش انا اصلا اتاخرت على الجيم سلام يا مزه قال ايه عاوزاني اتجوز وكمان اخلف واقعد اربيهم.
نزلت صافي على الارض ومسكت الشبشب وحدفته فيها وهي بتقول..
صافي: بقى انا بعمل وصلة دراما يا موكوسه طيب ماشي بس لما ترجعي وحياه امك اللي هي انا لا هجوزك يعني هجوزك رضيتى ولا مرضتيش لازم تتجوزى دا جيل ايه المهبب دا ياربى.
بيان بضحك وهي واقفه عند باب الشقه: والله شكلك كده عاوزه تطرقيني عشان يخلالك الجو يا جميل وتتجوزي بس لا ممكن ابدا (بصوت عبدالفتاح القصرى) انا قاعده على قلبك يا جميل وهفضل كاتمة على نفسك كدا ومش هتعرفى تخلصى منى.
اول لما خلصت كلامها طلعت صافي تجري وراها لكن هي قفلت باب الشقه بسرعه.
وصلت بيان للجيم اللي بتشتغل فيه وغيرت هدومها وبعد شويه وصلت صاحبتها حنين وقالت لها..
بيان: انت اتاخرتي كده ليه يا زفته مش اتفقنا انك تيجي بدري شويه علشان مستر حسام ما يبهدلكيش زي كل مره.
لولو الجندى صلى على سيدنا محمد
حنين: اعمل ايه بس اصل كنت سهرانه طول الليل يقطع الروايات وسنينها اقرا يا اختي الفصل من دول واقول كل يوم فصل اتفاجئ الاقي النهار طلع وخلصت الروايه كلها.
بيان: ما تجبري نفسك يا ماما واول لما تخلصي الفصل اقفلى الروايه ونامي وابقى كمليها فى يوم تانى.
حنين: وانا اعمل ايه يا بيان ما الروايه بتبقى حلوه اوي ومش بقدر انام الا لما اخلصها كلها.
بيان: خلاص يا ست هانم انتى اسهري طول الليل على الروايات بتاعتك وتعالي كل يوم متاخره واسمعيلك كلمتين ما لهمش لازمه.
حنين: خلاص بقى ما هي عدت على خير اهي والحمد لله مستر حسام كان مشغول وما خدش باله ان انا جيت متاخره.
لا خدت بالي يا ست حنين بس انا اللي طنشت عشان جاي مبسوط ومش عاوز اتعصب النهارده.
وده كان صوت حسام وهو واقف وراهم بعد ما سمع كلامهم.
بيان: كل سنه وحضرتك طيب يا مستر وعقبال مليون سنه سعيده عليك
حسام: وانتى طيبه يا بيان شايفه الناس اللي بتفهم وعارفه يا ست حنين مش انتي اللي ما هانش عليكي تدخلي عليا بورده حتى ولا ان شاء الله بكيس ملح وتقوليلى عقبال ميت سنة.
حنين بابتسامه: وهو انا اقدر يا مستر ده انا حتى انا والبت بيان عاملينلك حفله مفاجاه والتورته جايه كمان شويه في الطريق.
بصيتلها بيان وفضلت تبرق بعينيها وتغمز فيها لكن حنين مش راضيه توقف كلام وحرقت المفاجاه فاتكلمت بيان بعصبيه.
بيان: انتى ايه يا شيخه مسحوبه من لسانك ما بيتبلش في بوقك فوله بوظتى المفاجاه منك للي اكلت دراع جوزها يا بعيده الهي اشوف فيكي ست اشهر.
حسام بضحك: خلاص يا بنات انا هعمل نفسي ما عرفتش حاجه وهتفاجئ بردو بس قوليلي يا حنين هي التورته شيكولاته ولا فانيليا؟
لولو الجندى صلى على سيدنا محمد
حنين: عاملين نص شيكولاته ونص فانيليا وعليها فواكه كتير من اللي قلبك يحبها.
بصتلها بيان وهزت وشها يمين وشمال وقالتلها بقله حيله..
بيان: ما فيش فيكي فايده ما بالمره قوليله على البلالين والهدايا داهية توكسك اكتر ما انتى موكوسه.
وبعدين شدتها من ايديها وهي بتقول يلا يا ضنايا خلينا نشوف شغلنا عن اذنك يا مستر عليه العوض ومنه العوض المفاجاه راحت ربنا يهدك يا حنين يا بنت ام حنين الهى اشوف فيكى يوم يابعيدة.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حبيبتي المسترجلة)