رواية حبيبتي المسترجلة الفصل الرابع 4 بقلم الهام عبدالرحمن

رواية حبيبتي المسترجلة الفصل الرابع 4 بقلم الهام عبدالرحمن

رواية حبيبتي المسترجلة البارت الرابع

رواية حبيبتي المسترجلة الجزء الرابع

رواية حبيبتي المسترجلة الحلقة الرابعة

اخدت سها الورد وحطيته عندها في زهريه لان شكله كان عاجبها اوي وخرج تميم وراح يحضر الميتنج وبعد ما خلص دخلت سها وفكرته بميعاد الجيم وقام تميم وراح على هناك وكانت بيان في الوقت ده واقفه مع حنين ومنتظره تشوف تميم ونفسها تعرف عمل ايه لما الورد راحله، دخل تميم الجيم وغير هدومه وبدا يتمرن من غير ما يتكلم مع حد راحت بيان عشان تغلس عليه…
بيان: انت بتعمل التمرين ده غلط يا تميم وكده ممكن يحصل لك اصابه.
تميم: محدش طلب نصيحتك يا ست بيان انا عارف انا بعمل ايه كويس وبعدين بقولك ايه انا مودي حلو النهارده فبلاش تغيرهولي.
بيان بابتسامه انتصار: ويا ترى ايه بقى اللي مخلي مودك حلو كده وخايف انه يتعكر اوعى تكون بتحب يا تميم وما بتحكيليش ازعل منك اوي.
لولو الجندى صلى على سيدنا محمد
تميم: حب ايه يا بنتي وبعدين اصلا اللي يشوفك يا بيان يفقد الامل في البنات كلها وما يفكرش يحب ابدا معقوله يا بيان كل السنين دي ومش عارفه تغيري نفسك ده حتى مش بتحاولي تعملي زي البنات وتحطي ميك اب كده يغير من شكلك عشان حتى تحسي انك انثى او على الاقل تعرفي ترتبطي باي شاب بدل ما انتى لحد دلوقتي مش مرتبطه باي حد.
بيان: لو فاكر ان البنت مش بتبقى بنت غير بالميك اب فانت غلطان يا تميم لان في بنات كتير تعرف تحط ميك اب لكن اخلاقهم مش كويسه وغير ان طبيعه الشكل اللي ربنا خلقنا بيها احسن من اي حاجه ولازم نبقى راضيين بيها مش نغيرها بشويه مكياج في بنات كتير دلوقتي لما بتحط ميك اب بتتحول 180 درجه ممكن تبقى واحده انت ما تحبش تبص في وشها لكن لما تحط الميك اب تتمنى تقعد معاها وتبصلك بس على فكره يا تميم انت واحد من النوع اللي بيحب المظاهر وصدقني ده اكبر غلط ده ربنا حط الايمان في القلب يعني جوه والايمان يعني كل شيء جميل خليك فاهم ده كويس الجمال دايما بيبقى جوه مش بره بس.
لولو الجندى صلى على سيدنا محمد
مشت بيان وهي من جواها مكسور وفضلت تسأل نفسها ليه تميم مش قادر يشوفها حلوة ليه فعلا ما حدش حاول يقرب منها مع ان شكلها جميل مش وحش بس هي مش بتحب تحط ميك اب زي البنات وكمان تميم فضل زعلان من نفسه انه ضايقها اوي كده وقعد يفكر في كلامها وان هي فعلا معاها حق وان الانسان الجميل هو اللي جميل من جوه قبل ما يكون جميل من بره بالليل كانت بيان قاعده في اوضتها وماسكه الموبايل وبدات تجيب فيديوهات بتشرح انواع الميك اب وازاي تقدر تعمله وبعد شويه سمعت صوت جرس الباب ومامتها فتحت وكان تميم جاي وجايب معاك جاتوه وشيبسي وحلويات كتير لبيان.
صافي: ازيك يا تميم يا حبيبي تعالى ادخل ايه كل الحاجات دي يا حبيبي مكلف نفسك كده ليه؟
تميم: دي حاجات عشان بيان يا طنط اصل بصراحه زعلتها النهارده زياده ورخمت عليها وكنت عاوز اصالحها.
صافي: كلك ذوق يا تيمو يا ابن الغاليه ثواني هندهالك.
راحت صافي لاوضه بيان ولقيتها نايمه على السرير وماسكه الموبايل..
صافي: هو انتي يا مقصوفه الرقبه مش سامعه صوت تميم بره ما بتخرجيش تسلمي عليه ليه سيبي الهباب اللي في ايدك ده وتعالي الراجل جايب شيء وشويات عشان يراضيكى.
بيان: اسفه يا ماما هو كان قليل الذوق قوي وانا مش هخرج له ومش عاوزه منه حاجه.
صافي: يا بنتي ما يصحش كده ده ضيف واكرام الضيف واجب وانتي يا بيان مش قليله الذوق ومتربيه على الاصول قومي يا بنتي الله يهديكى الراجل جاي يصالحك.
بيان: ماشي يا صفصف بتثبتيني هخرجله عشان خاطرك انتى بس.
لولو الجندى صلى على سيدنا محمد
خرجت بيان لتميم وشافت كل الحاجات اللي جايبها فقعدت على الكرسي وقالت له..
بيان: ايه كل الحلويات دي هو انت جاي تصالح بنت اختك شايفني عيله صغيره عشان تجيب لي شيبسي وشوكولاته.
تميم: انا عارف اني زودتها معاكي يا بيان اتمنى تقبلي اعتذاري وكمان مش هضايقك تاني ابدا ايه رايك نبقى اصحاب بجد انا عارف انك مش مصاحبه حد غير حنين اللي في الجيم ويا ستي خلينا نبدا مع بعض صفحه جديده واوعدك ان مش هعمل اي حاجه تزعلك وانتي كمان بلاش تستفزيني ها بقى ايه رايك موافقه نعمل هدنة ونوقف الحرب.
بيان بعد ما فكرت شويه: ماشي يا تميم اما نشوف اخرتها موافقه يا سيدي بس لو فكرت تعمل اى مقلب او تضايقنى انا مش هسكتلك اتفقنا.
تميم: اتفقنا ياستى طيب ايه رايك نخرج بكره نتغدى سوا في اي مطعم وهاتي معاكي حنين وانا هجيب ساجد صاحبي معايا واهو بالمره اعرفك عليه.
وافقت بيان على طلب تميم وبعد كده اتعشى معاهم وراح على شقته وهي دخلت اوضتها واخدت تليفونها وبعتت رساله لتميم من الرقم التاني اللي كانت جايباه.
بيان: كان نفسي اعرف رايك في الورد اللي بعتهولك يا ترى عجبك.
لولو الجندى صلى على سيدنا محمد
تميم: انت مين وليه باعتالي ورد وتعرفيني منين؟
بيان: ايه كل الاسئله دي واحده واحده يا سيدي انا عرفتك بالصدفه بس من اول ما شوفتك قلبي دق ليك وما بطلتش تفكير وساعدني الحظ في اني اوصل لنمرة تليفونك وعنوان شغلك وبيتك وما تسالنيش ازاي على الاقل دلوقتي انا بس حابه اقرب منك واعرفك وتعرفني مش يمكن انت كمان تحبني.
تميم: بس انا ما بقتنعش بالحب من اول نظره ده وبعدين انا واحد بتاع شغل مش فاضي للكلام الفارغ ده ويا ريت ما تبعتيش تاني.
بيان:استنى بس ارجوك طيب بلاش حب ممكن تعتبرني صديقه ونتكلم سوا انا اصلا طول عمري لوحدي ومحتاجه اتكلم مع اي حد ممكن؟ اتمنى ما ترفضش طلبي اعتبر اللي انت هتعمله ده حاجه انسانيه.
اضطر تميم انه يوافق عشان ما حبش يكسر بخاطرها زي ما عمل مع بيان وبدا يتكلم معاها والغريب انه ارتاح لاسلوبها وعجبه طريقتها في الكلام وبدا يتشد ليها قفل معاها وهو بيسال نفسه يا ترى اللي عمله ده غلط ولا صح وبعدين نام وتاني يوم بعد ما خلص شغله اخد ساجد وعدى على بيان وحنين في الجيم واخدهم معاه وراحوا على مطعم على النيل وطلبوا الاكل وفضلوا يهزروا ويضحكوا وقضوا وقت جميل اوي.
لولو الجندى صلى على سيدنا محمد
ساجد: انا ما كنتش اعرف ان دمك خفيف اوي كده يا حنين.
حنين: لا ما اقولكش ده انا بحب الهزار اوي قد عيني واكره الناس الكئيبه موت.
تميم: ايوه يا حنين اصل الكآبه بتقصر العمر خليكي دايما بتضحكي كده ما تعمليش زي ناس اصحابنا خايفين يضحكوا.
بيان: تميم وبعدين والله هقوم امشي من هنا.
تميم: بنهزر يا بينو ايه ما تعرفيش تهزري يا وليه.
بيان: بينو ووليه تميم انت سخن يا ضنايا.
ساجد بضحك: ما خلاص بقى يا بيان الواد بيهزر معاكي فكي بقى بقولكم ايه ما تيجوا نروح سينما انا من زمان ما دخلتهاش.
حنين بفرحه: بجد انا كمان والله نفسي اروح سينما عشان خاطري وافقي يا بيان ده في فيلم حلو اوي بيقولوا عليه رومانسي طحن.
تميم: ها يا بينو نروح الفيلم الرومانسي الطحن ولا هتنكدي عليهم وتزعلي حنين.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حبيبتي المسترجلة)