رواية ابو غمازة الفصل الثاني 2 بقلم منة حنفي

رواية ابو غمازة الفصل الثاني 2 بقلم منة حنفي

رواية ابو غمازة البارت الثاني

رواية ابو غمازة الجزء الثاني

رواية ابو غمازة الحلقة الثانية

= هو مش هنا ، يوسف اتنقل مستشفى الشرطه
_اتقبض عليه صح ؟!
قربت مني وهي بتمسكك كفوفي
= انا عارفه اللي هقوله دا صعب بس يوسف طلع ضابط ي ليلي ، كان بيمثل عشان مهمته تنجح مش اكتر
_ظابط ! ، طب وحبه ليا ؟
=كان وهم منك مش اكتر
بدأت امشي بخطوات بطئيه ، روحت البيت ولميت كل هدومي ،و حجزت اول قطر رايح اسكندريه ، كان وقت صعب ومع كل خطوه بيمشيها القطر مكنش بيجي ف بالي غير أن مش هشوفه تاني ، روحت لاهلي اليه كانو فرحانين برجوعي عدت الايام وانا بحاول اتاقلم
_مطلعش بيحبني
= معلش يا لي لي
_ انا بكرهه جدا
= وانا كمان
_ حنان
= نعم
_انا كذابه اوي ، انا بحبه ي حنان
هو ليه محبنيش ؟
= عشان عديم الاحساس ، عديم المشاعر منه لله كشفت راسي ودعيت عليه روقي كدا دا ميستهلش والله انتي تستاهلي واحد احسن منه مليون مره
_ انا مش عايزه حد احسن منه انا عايزاه هو
سمعت صوت تنهيدها
= ليلي صدقيني لو حبك مكنش هيبعد مهما كانت ظروفه ، اليه بيحب مش بيبعد ابدا
_ابداً ؟
= ابداً
فكره انه محبنيش كانت صعبه ومش مقبوله بنسبالي ولكن ف النهايه قررت ارجع لحياتي القديمه ولـ شغلي
_خلاص هتمشي وتسبيني هو انا لحقت اشبع منك
= معلش ي ماما هانت خلاص كلها كام شهر واخلص
_طب كلي طبق مهلبيه قبل ماتنزلي
= المره الجايه بقا ياماما
_براحتك كدا كدا اخر علبه ف عمود الاكل اللي حطعولك ف الشنطه في طبق خلي بالك من العمود يا ليلي اوعي يتكسر
=حاضر ياماما
_خالي بالك من نفسك ي عيوني
ملحقتش ارد ولقيت تلفوني بيرن ، كان سواق الاوبر
= انا وصلت اللوكيشن يافندم
_ حاضر نزله اهو ثانيه ، اقل من الثانيه هكون عندك
رميت بوسه ع الهوا لماما ونزلت
( علي رصيف محطه سيدي جابر)
كنت متوقعه أن القي القطر فاتني بس لقيته لسه مجاش فـ بدأت اهدا ، بس الخوفي دا زاد أضعاف لما لقيت حد قعد جنبي ريحته مش غريبه عليا
_جميله محطه سيد جابر دي وهاديه
الصوت دا انا عارفاه كويس بدأت احرك راسي بتدريج وبحاول استوعب أن دا مش حلم
= انت ؟!
_ للاسف انا اه
بدأت استوعب وجوده ف بعدت
= خير جاي ليه
_اخد حقي منك
بصتله بدهشه
= وانا عملتك اي
_ ضيعتي وقت كبير بسببه للاسف هنطر ناجل فرحنا
= فرحنا ! ، فرح مين ؟… انت هتتجوز
_انا وانتي مالك يا ليلي يا حبيبتي فوقي كدا انا اللي مضروب بالنار مش انتي
= مض*روب بـ النا*ر من زميلك الصيع اللي زيك يامج*رم
_ وطي صوتك احنا ف المحطه ، عايزه تسوقي سمعتي وانا ضابط محترم من الشغل للبيت ومن البيت للشغل
الشريط اتعاد وبدأت استرجع يوم ما عرفت من حنان أنه ضابط بدأت اخد نفسي ببطئ عشان معيطش ومشيت كام خطوه فـ وقف قصادي
_ المرادي انتي هتسمعيني
= اليه هتقوله مش هيغفرلك ابدا انك كذبت عليا
_ غصب عني شغلي بيحكمني أن مقولش حاجه أنا اي كلمه ممكن اقولها مش هدمر حياتي بس لا انا كمان هدمر حياتك ، صدقيني أنا مستحملش عليكي الهوا
=دا علي اساس انك بتحبني يعني
_ انتي شايفه اي ؟ ، واحد جايلك من القاهره لـ اسكندرية وهو لسا جرحه ملمش حتي تفتكري مش بيحبك !
= ثواني انت عرفت مكاني منين!
_من البطاقه اللي كانت ف شنطتك اللي خدتها منك ، بس خلينا نعترف أن مامتك دي عسل ، كانت عايزه تأكلني المهلبيه بس انا رفضت لان المهلبيه اللي هنا احلي
= انت عايز تتربي
_ اتربيت ف غيابك والله ، مش هتوافقي بقي
_ أوفق علي اي ؟
= اننا نتجوز ي لولو
_سبني افكر
=نعم يا قلب ماما
قربت منه اكتر وانا ببص ف عينه
_ طب هنشرب كل يوم سوا خربوش شاي بالنعناع ؟
= مع صوت ام كلثوم ف البلكونه وانتي ف حضني
_تعرف أن عندك غمازه تهبل
=واي كمان
_وانك صايع وسرسجي ومش لاقي حد يلمك بس حساك طيب ويجي منك
=يا جدع
_ امال طبع….
ضربت راسي بكف ايدي وانا بصرخ بقوله
_ يا نهار اسود القطر بيمشي
مسك ايدي وهو بيجري
= اجري يا ليلي بسرعه
_ما انا بجري اهو ، براحه انت ع الشنطه فيها عمود الاكل بتاع امي هيتكسر
= دانا اللي هديكي بالعمود ف دماغك هو دا واقته
ركبوا القطر وهما بيبصو لبعض وببضحكو
_الا صحيح مقولتليش هتلميني ازاي
=لما نتجوز هقولك
الخلفيه صوت ام كلثوم وهي بتقول :
ياما عيوني شغلوني لكن ولا شغلوني .. الا عيونك انت دول بس اللي خدوني وف حبك أمروني

لقراءة باقي حلقات الرواية اضغط على : (رواية ابو غمازة)