رواية فعلتها لأجل أبي الفصل الثامن 8 بقلم هدير عبدالعليم

رواية فعلتها لأجل أبي الفصل الثامن 8 بقلم هدير عبدالعليم

رواية فعلتها لأجل أبي البارت الثامن

رواية فعلتها لأجل أبي الجزء الثامن

رواية فعلتها لأجل أبي الحلقة الثامنة

ماما : أى إللى فى الشارع يا مالك ؟ فيه صوت عالي فى الشارع ليه؟
مالك بيشد أيد ماما : تعالى شوفى مفاجأة.
ماما : يا ولد قولي فى أى؟!
مالك : يلا بس .
ماما : بجيب الخمار علشان آشوف فى أي و لسه بفتح الباب .
آلاء بدموع :بجد ؟!! هو ده حقيقي؟
دنيا : باااااابا!!!!!!
آلاء بدموع و بجري احضن بابا : وحشتنى أوي.
دنيا بحضن و إنهيار : بابا بجد إحنا من غيرك ولا حاجه.
ماما بدأت تسجد شكر لله .
بابا بحضن لينا كلنا و دموع فرحة : الحمد لله كل إللى يجيبة ربنا خير, وأنا مليش غيركم والله .
بدأت الفرحة تظهر على عيونا ل أول مره من زمان أوي
^^ ثالث يوم ^^
بابا : عاملة أيه يا دنيا .
دنيا: الحمد لله ، والله يا بابا البيت من غيرك وحش أوي.
بابا : حبيبتي يا دنيا .
دنيا : ربنا يديم وجودك الجميل ده يا بابا .
بابا بيسأل : امال شهاب جوزك يعنى محدش شايفه كده هو كويس؟
دنيا : شهاب!؟!
بابا ب استغراب: هو أنتوا زعلانين ولا أى؟
دنيا بتاخد نفس عميق : أنا وشهاب انفصلنا.
بابا بصدمة : أى ؟! و لية؟
دنيا بتنهيدة : البيت مش زينا ياريت كنت سمعت كلامك يا بابا, طنط وفاء مش كويسة خالص و شهاب كمان قاسي و بيشرب مخدرات , ياريت كنت سمعت كلامك معرفتش أهمية أى كلمة غير لما روحت هناك , وكأنك كنت عايش مع الناس دى قولتلي طباع كل واحد فيهم وأنا مصدقتش كله ده غير لما اتجوزت, بس عماله أسأل نفسى هى ليه الناس بتظهر أحسن ما فيهم فى الاول لى مكنش باين عليهم إنهم وحشيين مثلاً وقت ما أتقدم.
بابا بحنية : لان مش معقول شخص وحش ييجي يقولك انه وحش بس ممكن المواقف هي إللى تبين أنه وحش ,صح؟!
دنيا بدموع: فعلاً
بابا بحنية و بيحضن دنيا : مش عيب أننا نختار غلط ,العيب أننا نفضل مكملين فى الغلط و منقدرش نقوم و نكمل حياتنا بعد أى وقعة.
آلاء جاية من الاوضه : و أول خطوة ل النجاح إنك تقومي و تكملي تعليمك.
دنيا بتبص بحسرة على إللى فات : هم بعد العيد بيفتلوا كحك ما خلاص طلعت .
آلاء: لا طبعاً الكلام ده غلط , مفيش حد بيكبر على العلم و التعليم مش بسن محدد روحي منازل وكملى , بلاش علشان شخص واحد غلط دخل حياتك حياتك تقف قومي و كملى .
بابا بهدوء : أنا موافق آلاء جدا .
مالك بضحك : يعنى هتروحي المدرسة بالشنطة وأنتِ كبيرة كده ؟!
آلاء بتضم على شفيفها و بتضحك : اتهدى و أسكت يا لوكه يا حلو .
بابا : ها ناخد الورق و نروح نقدم ؟
دنيا : تفتكر ينفع؟
بابا : طالما لسه بنتنفس و عايشين يبقا لسه فيه فرصه , الحياة مش هتقف على حد ولا حاجة صدقيني بعد وقت مش طويل هتفتكري الوقت ده و تقولى إزاى كل حاجة بتعدى كده المواقف الصعبة و الحلوة بتعدى !؟ هى دي الدنيا, يا دنيا.
دنيا : فعلاً معاك حق, خلاص أنا موافقة.
^^ تانى يوم ^^
ماما باستفهام:عملتوا أى ؟
بابا : المديرة قالت إنها هتعتمد شهادة الابتدائيه و تبدأ من أول أولى إعدادى.
ماما : عادى يا حبيبتي مفيش سنين ضاعت من عمرك ولا حاجة.
دنيا بحسرة على إللى فات: ولا ضاعت مش فارقة.
ماما بتنهيدة : ربنا رب خير ,مينفعش نقلق وربنا موجود, نتوكل على الله و نبدأ حياتنا من جديد , ربنا يجعلك يا بنتي فى كل خطوه سلامة .
دنيا : يارب يا ماما .
بابا : دلوقتى بقا فيه تعليم مفتوح و كل الناس حقها تتعلم, ربنا يكتبلك الخير و التوفيق يا حبيبت بابا.
دنيا : يارب , آلاء جات .
آلاء جاية من بره و بتضحك : الطالبة الجديدة عاملة أي.
دنيا بقلق : تفتكري خطوة صح ؟
آلاء: طبعاً صح الصح , التعليم حالياً هو سلاح البنت, يعنى التعليم مهم علشان تكونِ ام واعية و مهم علشان تثقفى نفسك و تتعاملي مع الناس, التعليم حالياً بقا زي الاكل و الشرب بالظبط.
دنيا : فعلاً, أدعيلي كتير .
^^^ بعد شهرين ^^^
معاذ : عارفه شهاب أتجوز مين؟
دنيا بعصبية: مش عايزه أعرف.
مالك : عارفه كانواْ عاملين فرح وحش أوى و كانوا معديين من هنا .
معاذ : عارفه أنتِ أجمل من العروسة .
دنيا بدأت ابتسم : حبيبي يا معاذ.
ماما جايه بسرعة من جوا و بصوت عالى : مالك , معاذ على الاوضة مش عايزه اسمع صوت.
دنيا نبرة ماما خوفتني : بتزعقي كده لى, عادى إحنا بنضحك شهاب مش فارق معايا دلوقتى كأن فتره فى حياتي و إنتهت.
آلاء. بتشاور لمعاذ و مالك : تعالوا هنا مش عايزين كلام كتير .
دنيا بدأت أحس ان فيه حاجه غلط ومش مفهومه آلاء كل حاجة بتضحك عليها عادى ليه مش عايزه مالك و معاذ يتكلموا.
معاذ : عارفه العروسة كانت بتيجي هنا عارف هى مين
آلاء قامت بسرعة علشان تسكت معاذ : ..
مالك بضحك : أنا هقولها يا معاذ العروسة هى..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فعلتها لأجل أبي)