رواية احببت خادمه الفصل الرابع عشر 14 بقلم جيداء محمد

رواية احببت خادمه الفصل الرابع عشر 14 بقلم جيداء محمد

رواية احببت خادمه البارت الرابع عشر

رواية احببت خادمه الجزء الرابع عشر

رواية احببت خادمه الحلقة الرابعة عشر

يزن وهو بيتجاهل سؤال نور: وطبعا نقلتى كل حاجه بتحصل هنا لابوكى ومعرفش خدتى اى من هنا وودتيه لابوكى ولا سرقتى اى وكنتى متصنعة الطيبة عشان تضحكى علينا وكنتى فكرانى هصدق التمثيل اللى مثلتيه ده كلو لو امى صدقت انا عمرى ما هصدق
نور وهى تمثل القوة: اى الكلام اللي انت بتقولو ده ياجدع انت هو مش عشان انا بشتغل عندك تعمل فيا كده وانا كنت بسكت عشان اعرف اعيش اما دلوقتي لا مش هسكتلك بعد كده
يزن: انتى كمان بجحة وليكى عين تتكلمى بعد لما كشفت كل ألاعيبك انتى وابوكى محمد مش ده اسم ابوكى برضو
نور: ايوه ابويا اسمو محمد واى اللى دخل ابويا فى الموضوع
يزن: وعاملة نفسك متعرفيش حاجه خلاص بطلى تمثلى انا بقولك كشفت كل حاجه وان ابويا باعتك تنتقمى مننا
نور: تمثيل اى واى الهبل اللى انت بتقولو ده وابويا هيبعتنى انتقم منك ليه
يزن: اظن ان مش لازم اشرحلك حاجه وانك عارفة كل حاجه يلا اطلع بره الاوضة دى
نور: انا اصلا هطلع بس مش من الاوضة بس هطلع من الڤيلا كلها وهستنى اهلى برا الڤيلا كلها
يزن: مع السلامه ومش عايز اشوف وشك تانى
نور: هيكون احسن ليا انا عشان لو شوفتك مش عارفه هعمل فيك اى ساعتها
نور طلعت من أوضة الرسم ورزعت الباب وراها جامد لدرجة ان كل اللى فى الڤيلا اتخض من الصوت وطلعو يجرو على فوق
صفاء: مالك يا نور بتجرى كده ليه
نور:…………
صفاء: طيب بتعيطى ليه
نور مردتش عليها ولا هى ولا سهير ودخلت على الاوضة علطول
سهير: روحي يا صفاء شوفيها وانا هروح اشوف يزن
صفاء: حاضر ربنا يستر
سهير طلعت ل يزن لقتو عمال يكسر فى كل حاجه بتيجى قدامه والألوان كلها فى الارض
سهير بصدمة: اى اللى انت عملتو فى الاوضة ده وليه نور خارجة من عندك بتعيط
يزن: مفيش حاجه
سهير: هو اى اللى مفيش حاجه انطق
يزن: روحي اسأليها عشان مش فاضى وراية شغل في الشركة ولازم امشى دلوقتي
ومشى
سهير: هو مش انا بكلمك
يزن: معلشى بس وراية حاجه ضرورى
سهير ظبطت الأوضة ونزلت تشوف نور
صفاء: طب مالك يبنتى وليه بتلمى شنطتك دلوقتي
نور: عشان انا همشى دلوقتي
صفاء: طب اهدي واحكيلى
سهير: نور اهدى واحكيلى اى اللى حصل معاكى انتى ويزن
نور بعياط: هو مقلش لحضرتك
سهير: لا والله يبنتى مقالش حاجه احكى انتى
نور:………………
سهير وهى بتشيل هدومها من الشنطة تانى: مش هتمشى غير لما اهلك يجو يخدوكى من هنا
نور: لا لازم امشى مش هينفع اقعد هنا اكتر من كده
سهير: انا قولت كلمة مش هتمشى غير مع اهلك
سهير: يلا احكى
صفاء: متتعبيش قلبنا معاكى يبنتى ويلا احكى
سهير: ايوه يلا عشان لو ليكى حق عند يزن ارجعهولك
نور:……………..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية احببت خادمه)