روايات حواديت من الواقع الفصل الثالث 3 بقلم ليل السيد
روايات حواديت من الواقع الفصل الثالث 3 بقلم ليل السيد
روايات حواديت من الواقع البارت الثالث
روايات حواديت من الواقع الجزء الثالث
روايات حواديت من الواقع الحلقة الثالثة
= اهدي يا ليلي خدي نفسك واهدي بابا كويس دي نتيجة التحاليل ظهرت ومش هياخد جلسات كيماوي تاني الحمد لله
مرات عمي ناهد من الفرحه صوت زغريتها رنت في المكان
وليلي بدون وعي منها حضنت زين جامد وهي بتتنطط من الفرحة
– انا فرحانه فرحانه بجد يا زين بجد
ضمها زين لحضنه بلا وعي
= وأنا أكتر يا ليلي
اخدت ناهد بالها من وضعهم فحمحمت
ناهد.. طب مش يلا نغير ونروحلهم المستشفي ولا ايه
ليلي اخدت بالها
– انا اسفه يا زين
= زين باحراج اه يلا انا هدخل اجهز
روحوا المستشفي وهلال خرج معاهم ورجعوا كلهم البيت
هلال.. ظبطلنا أمورنا يا زين علشان ننزل البلد
حسين.. لسه في شوية متابعات هتحتاج تعملها يابو زين مستعجلش
هلال.. نكمل مع الدكاترة الي في البلد البيت وحشني
فين ليلي
ليلي.. انا هنا يا بابا كنت بعمل عصير
هلال.. بالمناسبه السعيده دي نعمل شربات
ناهد.. والله اطلب اجيبه دلوقتى انت تؤمر
هلال.. اقعدي يا ام ليلي عايزكم في موضوع بعيد عن دوشه الي في البلد بيني وبينكم واهو بالمره اسمع رأي ليلي ورايكم انتوا كمان
حسين.. موضوع ايه يابو زين انت تؤمر
هلال بص لزين
زين رايد ليلي يا حسين هنقرا فاتحه دلوقتى وبعد ما تخلص امتحانات نعمل خطوبة بس في الاول نسمع رأيها طبعا
زين وليلي اتصدموا حتي ناهد
ناهد بتوتر .. ليه الاستعجال ليلي لسه صغيره يابو زين ومش وقته
نظر لها حسين بغضب فيما معناه ان تصمت أفضل
حسين.. الي تشوفه يا هلال ياخويا مش هنلاقي احسن من زين ده هو الي مربيها وهو الي مسميها كمان
هلال.. رايك وراي ام ليلي علي راسى بس انا اهم حاجه عندي اسمع رأي ليلي دلوقتى
ليلي بتوتر اكبر بأن علي ملامحها
– ا… اااانا مش مش عار..فه اقول ايه
ألقت نظره علي زين بتوتر رأت بعيونه رجاء بأن تعطي له فرصه وأنه سوف يوضح لها كل شئ فهو أيضا متفاجئ من كلام والده في هذا الوقت
هلال.. تعالي يا ليلي يا بنتي
ذهبت ليلي الي حضنه
بصي يا ليلي انتي بنتي قبل ما تبقى بت حسين والعيله كلها عارفه انتي مكانتك عندي عامله ازاي دنا بناتي بيغيروا منك علشان انتي عارفه تصاحبيني وهما لا يعني معزتك من معزت زين انا عارفه انك مصدومه ومكنتيش متوقعه ان ده يحصل بس انا بقيت خايف تجرالي حاجه في اي وقت وأنا عارف ولدي ممكن يقعد عمره كله خايف يتكلم علشان خايف من الرفض وأنا عارف ان ولدي رايدك من وانتي عندك قد ١٢ سنه كده ولا ١٣ سنه فليه لا
ليلي.. انا مكنتش اعرف ده كله زين دايما كان بيبين لي انه بيكرهني بس انا كنت بخاف منه
هلال.. هو زين ولدي لما يخاف يتفضح انه بيحب بيتعامل بغشوميه
دنا الفرحه مكنتش سيعاني لما عرفت ان زين حبك انتي انا اصلا كنت هخاف اديكي لا حد اخاف افرط فيكي
ليلي.. انا مقدره كل ده والله يا بابا وبحبك أكتر بس بس انا مش عايزاه حاجه من دي تحصل دلوقتى انا متوتره والثانويه العامه ضاغطه عليا أكتر حاسه كل حاجه جت في وقت ورا بعض تعبك وسفري وبعدين امتحاناتي الي كمان اسبوع وقلقي عليك بعدين دلوقتى بتقوليلي زين بيحبك وقراية فاتحه كتير علي دماغي ده كله والله فاهمني
هلال.. فا..
زين قاطعه.. فاهمك يا ليلي وحقك عليا أنا أنا مكنتش اعرف ان الحج ناوي يفاتحك او يفاتح عمي في الموضوع ده دلوقتى وهو مدنيش خبر انا لو كنت اعرف كنت من نفسي قولتله مش وقته خدي وقتك يابت عمي ووقت متحسي ان الوقت مناسب عرفيني او عرفي هلال صحبك علي العموم انا دايما موجود
ليلي بنظرة امتنان.. شكرا ليك يا زين شكرا انك فهمتني ومزعلتش مين
زين .. لا وازعل منك ليه من حقك ترفضي وتوافقي ده مش جواز إجباري يلا يا محمود نشغل العربيه علشان تسخن شوية يكون الحج سلم علي الجماعه
حسين.. وليه الاستعجال يا ولدي لسه بدري
زين.. معلش يا عمي علشان نلحق بس نمسك الصحراوي قبل ما الدنيا تليل علينا يلا يا محمود
محمود.. مع السلامه يجماعه نشوفكم علي خير يارب
ناهد وحسين.. مع السلامه يابني
حسين لهلال
حسين.. حقك عليا يا هلال ياخويا انت أكتر واحد عارف ليلي ودماغها والله لو سبتني انا الي اتكلمت معاها كنت هعقلها شوية بس انت الي اصريت تسمع رأيها لوحدها ليلي لسه صغيره مش عارفه مصلحتها هي هتلاقي احسن من زين فين
هلال.. ملكش صالح انت يحسين انا مش زعلان من بتي بتي لو مش عايزاه زين انا الي هرفضه بنفسي الي هي عايزاه هيكون واحنا متعودناش نغصب علي بنات حاجه علشان نغصب عليهم جوازه
بأس رأس ليلي
وهمسلها
هلال.. المصحف الي في اوضتك هتلاقي فيه حاجه دي ليكي حسين ميعرفش عنها حاجه وخلي بالك من مذاكرتك وامتحاناتك وكلميني دايما طمنيني عليكي واي حاجه تعوزيها كلميني أنا
ومتفكريش لثانيه اني ممكن ازعل منك لو رفضتي زين ابني كل الي انتي عايزاه هو الي هيكون في الاخر
باست ليلي خده وحضنته
ليلي.. شكرا او يا صاحبي الوحيد شكرا اوي يا بابا ربنا يخليك ليا
هلال.. ويخليكي ليا يعيون بابا يلا اشوفكم علي خير يجماعه مع السلامه
مشيوا من عندنا وأنا دخلت اوضتي وسيبت بابا وماما بيتخانقوا
ناهد.. انت عايزاني ادي بنتي بأيدي للطيفه وعمايلها السودة دي بتعمل أعمال واسحار وانت اكتر واحد عارف عايزاني اخلي بنتي الوحيده تعيش معاها
زين علي عيني وعلي راسي مفيش زيه بس عيبه الوحيد انه ابن لطيفه
حسين بزعيق.. عايزاني اعمل ايه يعني أرفض ابن اخويا اخويا الي لسه طالع من المستشفي انا عمري رفضة لاخويا طلب علشان اقوله ابنك مش مناسب لبتي
ناهد.. مهو ده الي مخلينا ورا كول عمرنا انك لازم تاخد رأي اخوك في اي حاجه حتي لو الحاجه دي كانت تخصنا احنا وحياتنا احنا مش هو ما تمشي بدماغك لوحدك مره يمكن نرتاح
حسين بعصبيه.. ناهد مش عايزاه اسمع صوتك وقولتلك قبل كده لو ادخلتي بيني وبين اخويا هتخربي علي نفسك الا اخويا يا ناهد الا اخويا
ليلي خرجت من الاوضه
ليلي.. بابا هو انا لو وافقت علي زين هعيش مع طنط لطيفه فعلا!!
حسين بهدوء.. يابنتي اكيد هتعيشي في بيت العيله ايوه ما كلنا عارفين ان عمك هلال مخلص لزين شقته الي فوق في البيت يعني اكيد دي هتكون شقتك برضو
ليلي.. لا لا مستحيل اعيش هناك مستحيل انا اروح هناك في الإجازات بس لكن اعيش كل حياتي هناك لا لا يا بابا مش هقدر وبعدين زين شغله هنا يجي يقعد هو هنا معانا
ناهد.. يعني انتي اصلا وافقتي علي زين وكل مشكلتك دلوقتى مع المكان بس
ليلي.. لا يا ماما بس علشان ابقى عارفه كل حاجه عن الموضوع علشان لو رفضت مش عايزاه اكون رفضت زين عايزاه اي سبب ميزعلش زين وبابا هلال مني
ناهد.. جدعه يابنتي دول ولاد عمك كلهم علي عيني وراسي بس مش شبهك يا ليلي وهتتعبي معاهم
حسين.. مش قولتلك تسكتي يا ناهد تسكتي
وانتي يا ليلي مش وقته يا بابا ركزي في امتحاناتك دلوقتى وبعدين نبقا نشوف الموضوع ده
ليلي بهدوء.. ماشي يابابا انا داخله اذاكر
عدي شهر الامتحانات كان أصعب شهر في حياتي كان ضغط رهيب كنا اول دفعه في النظام الجديد ومش فاهمين اي حاجه وكل يوم أصعب من الي قبله أكتر واحد في الفترة دي كان بيكلمني وواقف جنبي كان زين
اه زين كان كل ليلية امتحانات يرن عليا ويقعد يراجع معايا شوية أساسيات ويهديني ويحاول يفصل دماغي علشان اعرف انام قبل الامتحان
اول مره كلمني قالي انسي اي حاجه اتقالت انتي دلوقتى بتكلمي زين ابن عمك انا عارف انك متوتره اوي وعارف أن ده ممكن يضيعك فاسمحيلي كل شوية ارن اطمن عليكي
وافقت طبعا لان كل كلامه صح انا كنت حاسه ان من كتر التوتر هيجرالي حاجه
كنت بخرج من الامتحان الاقي بابا مستنين بره وزين معاه علي التلفون من قبل ما اضمن بابا الاقيه بيقولي زين علي التلفون اكلم زين الاول اطمنه او اعيطله وبعدين يهديني وبعدين اروح انام
شهر كان مقرف بس احلي حاجه فيه كانت زين
كنت بدأت احبه واتعلق بيه فعلا وبدأت اشوف جانب حنيه فيه انا عمري ما شوفته قبل كده خلصت امتحانات وسافرنا اجازتنا في البلد وبالمرة ننتظر النتيجه
هلال.. ها يا لوله مفيش اخبار عن النتيجه
ليلي بتوتر.. مش عارفه يا بابا مش عارفه بجد كل شوية يقولوا بكره بكره انا زهقت حاسه اني هموت من التوتر
عمر.. بعد الشر عليكي متقوليش كده في داهيه ياستي التعليم كله
ليلي عمتها.. متجي نشغل نفسنا عن النتيجه دي خالص ونعمل حاجه احسن
ليلي.. زي اي يعمتو
ليلي بصت لهلال..بم انك كبير العيله يا اخويا وابو عمر ربنا يرحمه يارب وانت دلوقتى في مقام ابوه فأنا عايزاك تطلب ايد ليلي من حسين لابني عمر
ليلي وحسين وهلال وزين ومحمود كلهم بصوا لبعض بصدمه
لان ليلي اختهم الكبيره مكنتش تعرف ان زين طلب ايدها وهما في مصر
لطيفه بفرحه.. يالف نهار ابيض اخيرا
ناهد برضو كانت فرحانه لأنها بتحب ليلي أكتر من لطيفه وشايف ان عمر احسن
هلال.. انتي متكلمتيش معايا في الموضوع ده لوحدينا الاول ليه يا ليلي
ليلي.. هو في حد غريب وسطينا يعني يا اخويا
هلال.. مش حكاية حد غريب بس الموضوع ده ميتفتحش وسط كل العيال كده عادي المفروض كان يبقا بينا الاول
زين.. يعني هتفرق يحج وبعدين احنا مش عيال كلنا كبار متقول رايك في الموضوع
هلال نظر لابنه بانكسار فهو يعلم حاله.. الرأي مش رأي يا زين الرأي رأي ليلي
بعدها نظر لليلي بياس لانه يعلم أن ليلي متعلقه بعمر
ايه رايك يا بتي عمر ابن عمتك طالب ايدك واديكي اهو خلصتي امتحانات ومفيش حاجه تشغلك
ليلي نظرة له بصدمه ثم نظرة لزين
ليلي.. بس انا انا بحب عمر
صعق زين انتفض جسده ولولا ان محمود الذي كان بجانبه مكان تمكن من اتزانه امسك محمود كتفه وضغط عليه نظر هلال ليلي الاخر بصدمه وخيبة امل
ليلي.. بس بس في حاجه نظرت لعمر
وتقدما خطوات اليه
أنا بحبك زي اخويا يعمر انت اكتر واحد قريب مني وطول عمري شيفاك اخويا الي كان نفسي يعيش معايا علطول واشوفه دايما جنبي
اخذت زين شهيق بارتياح ونظر لمحمود بأمل
اكملت ليلي
انت الي عودتني علي ده من وأنا صغيره وانت الوحيد الي جنبي وبتسمعني وبتدافع عني وتحللي مشاكلي من وأنا صغيره وانا بقولهم انتوا مجبتوش ليا اخ زي عمر ليه فبابا يرد عليا ويقولي ما عمر بنفسه موجود ياستي بجد والله انت اخويا وانا مش هعرف اشوفك غير كده مكنتش اتمني انك تحبني ابدا بالطريقه دي كنت فاكراك زي منا شيفاك اخويا انت كمان شايفني زي قمر اختك انتوا أكتر اتنين قريبين مني في العيله كلها
انا مش عايزاه اخسرك ولا اخسر قمر اختي ولا اخسر عمتو ليلي الي ماليش غيرها انا مش عايزاه حد يزعل مني ومش عايزاه عمتو تزعل من بابا او مني
اتمني كلكم تفهموني
عمر بياس.. بس انا مش اخوكي انتي تجوزي ليا يا ليلي
ليلي.. انا فاهمه ده بس انا قلبي مش هيعرف يشوفك غير كده تعال قولي بعد ١٨ سنه عمر مش اخوكي اقلبي الدنيا وارمي ال١٨ سنه دول وحبي عمر بطريقه تاني
مش هعرف والله مش هعرف
عمر.. انا مش زعلان منك يا ست ليلي ومش هنخسر بعض ولا حاجه وانتي هتفضلي اختي واخت ليلي وبنت ليلي الكبيره كمان مش كده ولا ايه يا ليلي
ليلي عمتو.. اه طبعا طبعا محدش هيعرف يجبرك علي حاجه وملهاش علاقه بخسارتنا لبعض يابنتي انتي زيك زي قمر
ليلي شكرا يا جماعه
في نفس اللحظه وصلت رساله لزين علي تلفونه من صاحبه الي كانت باعتله رقم جلوس ليلي علشان يجبلوا النتيجه بتاعتها من الكنترول
مسك زين التلفون برعشه ايد خفيفه وبص علي الرساله من بره لقيها
ليلي حسين الدين 95%
زين بصوت عالي وفرحه… ليلي حسين الدين 95% يدكتورررة
ليلي بصدمه … اييييييه انت دي النتيجه هي ظهرتت
هلال بفرحه… الف مليون مبروووك الف مليون مبروك
بدوا الكل يهللوا
ليلي.. اهدوا يجماعه استنوا قربت من زين بتوتر
قولت كام وريني النتيجه والله ما سمعت
زين.. اهدي اهدي اهي النتيجه 95%
ليلي بتوتر ودموع.. طب طب انا مش عارفه يعني المجموع ده هيدخلني طب طيب ولا لا طب هو كده عالي زين بالله عليك انا مش فاهمه حاجه
زين.. اه والله عالي الأوائل في ال97،98يعني 95 كويس خالص هتلحقي متخافيش والله هتلحقي
نطت ليلي من الفرحه وحضنت زين لتاني مره وباسته في خده بسرعه وسط صدمة لطيفه وناهد وعمر الباقين من الفرحه محدش كان مركز
او شايفينه رد فعل عادي
كلهم قعدوا يباركوا لليلي ويحضنوها وهلال امر بدبح عجلين وتوزيعهم حلاوة نجاح الدكتورة ليلي وحسين بفرحه.. والله حتي يابنتي لو مجبتيش طب هتدخلي الكليه الي انتي عايزاه بفلوس ابوكي كفايه عندي انا انك قدامي عملتي الي عليكي انا مكنتش مستني مجاميع كده كده كنتي هتدخلي الي عايزاه
ليلي حضنته.. شكرا ليك يا اجمل واعظم اب في الدنيا انا بحبك اوي انا عملت كل ده علشانك وعلشان اشوفك مبسوط كده انت وماما
ناهد بفرحه اكبر.. احنا مبسوطين باي حاجه انتي بتعمليها وفخورين بيكي دايما كفايه انك دايما وسطينا والله يعيوني
قمر.. الف مليون مبروك لاجمل واشطر اخت في الدنيا
ليلي .. الله يبارك فيكي يا قمر يحبيبتي
عدت ليلة نجاح ليلي وكام ليلة تاني بعديها وكانت قاعده هي ومحمود وعمر وزين وقمر قدام اللاب بيكتبوا ليها التنسيق
زين.. انا شايف نكتبلها طب اسيوط اول رغبه علشان تجي تعيش معانا هنا
ليلي.. ابدا والله القاهره عين شمس اسكندريه اكتب اسيوط الرغبه ال٤٥
عمر.. اكتبلها حلايب وشلاتين يعم دي بتغلط فينا
محمود.. لا بجد اكتبلها القاهره وعين شمس الاول وبعدين اسيوط علشان لو لقدر الله ملحقتش دول متروحش محافظه لوحديها وتجي وسطينا هنا
ليلي.. اسيوط ايه انسوووووا
تالت يوم ظهرت النتيجه وكانت الرغبه ال٥ ليلي حسين الدين كلية طب اسيوط
ناهد.. ابدا والله اعملي تقليل اغتراب انا اقدر اعيش من غيرك انا وابوكي
هلال.. تعالوا كلكم عيشوا وسطينا هنا
حسين.. مفيش الكلام ده انا عندي شغل ومصالح هناك هي هتعمل تقليل اغتراب اتقبل كان بها متقبلش اديها معاكم مفيش قلق واسبوع هي عندنا يا ناهد واسبوع احنا عندها
ناهد.. ربنا يوفقها يارب
اخر اليوم علي سطوح البيت كانت قاعده ليلي في ركنها الهادي الي محدش يعرفه في البيت غيرها بتطلع تقعد قبل الفجر لحد ما الفجر يأذن تصلي فوق وتفضل قاعده لحد ما تشوف الشروق علشان بيتهم في الصعيد عالي اوي
زين من وراها.. بتعملي ايه عندك
ليلي بفزع.. خضتني يخربيتك انت الي بتعمل ايه هنا وعرفت مكاني ازاي
زين.. انتي فاكراه مكان سري يعني انتي عبيطه انا الي كنت بقعد هنا زمان
ليلي.. ايه ده بجد
زين.. تخيلي المهم قاعده بتعملي ايه لوحدك في الوقت ده ومش خايفه
ليلي.. لا لا مش بخاف
ضحك زين علي خضتها منه.. طبعا طبعا واضح
ليلي.. علي فكره بتكلم بجد
زين.. مصدقك ياستي مقولتليش قاعده بتعملي ايه لوحدك برضو
ليلي.. بحب اقعد هنا كل يوم اريح مكان في البيت كله اصل انا عايشه طول حياتي في بيتنا هناك لوحدي فبجي هنا مش متعوده علي الدوشه فبكون عايزاه افصل دماغي حبه
زين.. تفصلي دماغك حبه يعني ايه
ليلي عملت بايده .. يعني حبه صغيرين كدهو
ضحك زين علي شكلها
فرحانه بالنتيجه ولا لسه عايزاه تحولي
ليلي.. انا بحبكم واكيد نفسي اقعد معاكم كتير بس مش دايما يعني بحب بيتنا أكتر
زين.. ومين قالك انك هتسيبي بيتكم علطول
زي ما كنتي بتنزلي اجازات هنا كل شوية اكيد هتسافر كل شوية هناك
ليلي.. نتكلم بالعقل والمنطق في حد يسيب القاهره ويرجع يعيش في الصعيد الناس بتطلع كلها فوق دلوقتى وانا هنزل تحت هعمل ايه هنا
زين.. هتعيشي معايا
ليلي بلاوعي.. ليه هنا متجي انت تعيش معايا هناك انت شغلك كله هناك هعيش انا مع مين هنا
زين بسعاده.. يعني انتي موافقه علي ارتبطنا
ليلي بتوتر.. اصل اصل قولت انك حد كويس وبنا اني كنت بكرهك ومش عارفه اعتبرك اخويا فقولت اديك فرصه تاني واجرب اشوفك خطيبي مثلا ده علي اعتبار ما سيكون يعني
زين.. اقسم بالله يعني انتي موافقه بجد
ليلي.. بس عندي طلب واحد بس اتمني متعاندش قصادي فيه علشان انا عارفه انت قد ايه عندي
زين.. قولي عشرين طلب ياستي
ليلي.. لو كان لينا نصيب مع بعض احنا هنعيش فين شقتنا الي هنجهزها من الاول هتكون فين
زين بسرعه بديهيه
الشفه الي تحت السطوح الي انتي قاعده عليه ده كل العيله عارفه انها بتاعتي وانتي نفسك عارفه
ليلي.. بس انا مش عايزاه اقعد فيها
زين.. عايزاه بيت بره يعني ابنيلك بيت جنب بيتنا هنا
ليلي.. انا مش عايزاه اعيش هنا خالص
زين.. مستحيل انتي عايزاني اسيب امي لوحدها هنا هي وابويا
ليلي.. طب منت عايزاني اسيبه لوحدهم
زين.. انتي بنت يا ليلي طبيعي كنتي هتسبيهم كده كده وانا بقولك هسيبهم لوحدهم علشان عارف ان اخواتي التانين مسيرهم يتجوزوا ويمشوا هما كمان زي نورا ساعتها مين هيراعي اهلي
ليلي.. انا هلال اشيله جوه عيني لكن طنط لطيفه مش بتحبني ابدا وانا بخاف منها
زين.. مينفعش تقوليلي في وشي انك بتخافي من امي دي امي يا ليلي
ليلي.. وانا هكذب عليك انا فعلا بخاف منها هي بتكرهني يا زين والله بتكرهني وانت اكتر واحد عارف دي لسه هتشوف هتعمل ايه لما تعرف انك هتتقدملي هي نفسها هترفضني
زين.. دي الحاجه الوحيده الي محدش ليه رأي فيها غيري محدش ليه حق يختارك معايا وانا بحبك
لمعة عيون ليلي بفرحه
ليلي.. لو بتحبني فعلا اسمع كلامي زين انت كده كده البيت الي عايشين فيه في القاهره بيت بابا وهلال مع بعض وزي ما احنا لينا عدد أدوار هلال ليه قدهم في البيت نخلص اي شقه يا زين ونقعد هناك ده بيتك وانا شغلك هناك انا هتجوزك علشان اقعد هنا في البيت لوحدي
زين.. انا كل اخر اسبوع برجع البلد وانتي عارفه يعني مش هغيب عنك كتير واكيد كل اسبوعين كده هاخد مره معايا بجد متعقدهاش انا مصدقت انك وافقتي
ليلي.. انا مش هغير رأي مع الاسف يا زين انا مش هقدر اعيش مع طنط لطيفه أنا كمان حبيتك يا زين واتعلقت بك ورفضت عمر علشان كنت خلاص حبيتك يعني لو كان عمر أتقدم شوية بدري انا كان ممكن افكر في الموضوع بس انا دلوقتى عقلي معاك انت هو قلبي علشان كده ولو مره واحده بس اسمعني وسيب دماغك الناشفه دي هنا
وزي ما بتقول كل اسبوعين هسافر القاهره نخليها العكس وكل اسبوعين ننزل البلد سوا نقضي اسبوع هنا ولا كام يوم
زين.. انا مش موافق يا ليلي مش هقدر اعمل كده انا ابنهم الوحيد
ليلي.. انا نازله انام يا زين تصبح علي خير
امسك زين معصمها قبل أن تذهب
استني يا ليلي احنا لسه مخلصناش كلام
ليلي.. بس انا خلصت
زين.. دنا لسه مفرحتش بأول كلمة بحبك انتي تقوليهالي هنسيب بعض من قبل حتي ما نبدأ
ليلي.. الحمد لله ان كل حاجه حصلت في البداية علشان محدش يتعلق بالتاني اكتر
زين.. يعني ايه مش فاهم
ليلي.. يعني انا كمان مش موافقه اسيب اهلي وانا بنتهم الوحيده برضو علي الاقل انت هنا اهلك مش لوحدهم ووسطيهم الف حد في البيت والبيت عمره ما هيفضي عليهم عمتو دايما هنا وولاد عمي متجوزين هنا واعمامي هنا البيت كله ناس وانت بتقولي مش هسيبهم لوحدهم إنما أنا الي اهلي لوحدهم حرفيا بتقولي لا سبيه وانا مش هسيبهم يا زين
زين.. ممكن اخلي هلال يقنع عمي جيب مرات عمي هنا وانا وهو نبقى نسافر كل شوية القاهره نخلص شغلنا ونرجعلكم هتتحل صدقيني بس انتي متوقفهاش علي كده
ليلي.. مش هنسيب كلنا حياتنا ونجي هنا علشان خاطرك يا زين وعلشان خاطر مش عايز تتنازل انا امي مش بتحب هنا ومراتات أعمامي هنا مش بيحبوها وكل ما تجي يتعاملوا معاها علي انها الغريبه الي فيهم علشان ابويا الوحيد الي حب واتجوز بره العيله خلاص بقا ليه ندخلها تاني
زين.. الي بتتكلمي عنهم دول عيلتك انتي كمان
ليلي.. تمام وانا مش عايزاه اعيش باقى عمري وسطيهم عن اذنك
تركت ليلي زين وذهبت وبقى زين مكانه غير مصدق ما حدث اعترفت لبعضهما بحبهم وتركوا بعض في نفس اللحظه
فاق زين علي صوت اذان الفجر ذهب للصلاة
وفي نفس الوقت كانت ليلي تصلي فرضها بالأسفل
اليوم التالي كانت قد ظهرت نتيجة تقليل الاغتراب الذي قبوله وقبلت ليلي في جامعة القاهره
تجمعوا كلهم حول مائدة الطعام
حسين.. احنا هنمشي النهارده يابو زين علشان نقدم ورق ليلي للكليه خلاص
هلال.. كان نفسي تفضلي وسطينا يا ليلي بس عارف انك مش هتقدري تسيبي حسين وناهد وهما كمان مش هيقدروا يسيبوكي
ليلي نظرة لزين ثم لهلال.. شكرا يا بابا انك مقدر ده وعارف اني فعلا مش هعرف اسيبهم ومش زعلان مني علشان في ناس تانيه متخيله انه عادي مفيهاش حاجه لما يفضلوا لوحديهم وانا اعيش هنا
هلال بعدم فهم .. مين قال كده بس يابنتي كلنا عارفين ان حسين روحوا فيكي وميقدرش يستغني عنك
زين ردا تلقيح كلامها
زين.. بس كل بنت مسيرها تسيب أهلها في وم وتتجوز يا حج مفيش بنات بتفضل جنب اهلها العمر كله
ليلي.. ومفيش بنات بتسيب أهلها لوحدهم وتسافر تعيش بعيد عنها بمحافظات كل واحده حره تختار المكان الي هتعيش فيه محدش بيغصب حد علي حاجه والجواز ده عرض وطلب واي بنت لو شايفه العرض مناسب ليها هتوافق عادي مش مناسب خلاص هي في بيت باباها عزيزه عايشه وسط أهلها
زين بعصبيه.. ده جواز مش بيعه وبعدين هي هتروح بيت جوزها يجلدها يعني مهتعيش عزيزه برضو هي هتعيش في الشارع
هلال بعصبيه.. في ايه انتوا الاتنين مفيش اي احترام للي قاعدين معاكم وايه شغل التلقيح ده مالكم
ليلي.. بابا انا عايزاه امشي يلا
هلال.. اقعدي مكانك يا ليلي مفيش مشيان
وانت يا استاذ زين اسبقني علي المكتب
ونظر لي ليلي وانتي كمان تعالي معايا
لطيفه متسيبهم يمشوا عندهم مصالح
هلال بعصبيه.. مش عايز اسمع صوت يا لطيفه
حسين.. طب اجي معاكم يا اخويا هدي نفسك بس علشان انا لسه تعبان
هلال.. هو انا صغير عاد مش هعرف اشقم عيلين زي دول قولت عايزاهم لوحديهم يبقا لوحديهم خلاص
دخل غرفة المكتب وأغلق الباب بعصبيه انتفض منها الجالسين علي المائدة والموجودين بداخل الغرفه
هلال.. انتوا اتكلموا مع بعض في حاجه
زين.. ايوه
هلال.. وده امتى ان شاء الله
زين.. ايه لازمتها الاسئله دى
هلال.. لما اسأل سؤال ترد باجابة مش بسؤال تانى
زين.. امبارح قبل الفجر
هلال.. قبل الفجر قبل الفجر فين
زين.. فوق السطح يحج هلال
هلال.. والله عال بتقعدوا لوحدكم وكمان فوق السطح وبعد نص الليل انا ربيت حد فيكم علي كده
زين بعصبيه.. يعني هنكون بنعمل ايه لوحدنا هلي السطح مهو علشان انت الي ربيتنا المفروض تكون واثق فينا هعمل ايه يعني مع بت عمي انا هو انا طور لما تسببه لوحده هيهيج انت مش واثق في تربيت اعملك ايه …
بلع زين باقى جملته من أثر الكف علي وجهه ونظرت ليلي بصدمه وذهبت الي هلال تمسك يده بسرعه
هلال برجه.. وانا ربيتك تعلي صوتك عليا كده وتكلمني كده وتجادلني كمان في الغلط
ليلي.. بابا بابا انا انا الي اسفه زين زين معملش حاجه والله انا الي طلعت هناك والله كنا بنتكلم بس بابا بابا انا اسفه بجد متعملش حاجه لزين
زين.. سيبيه سيبييه ايه عايز تعمل ايه تاني هتشوفني كبير امتي هتفضل تقلل مني دايما كده ليه حتي قدام البت الي حبيتها بتقلل مني وقال انا الي عايز اتجوزها لما ابقى راجل وكبير الاول ابقى اتجوزها انا لسه ابويا بيريني
ليلي.. اسكت يا زين اسكتتت
بابا رد عليا اشتمني طيب اشتمني اعمل اي حاجه ابوس ايدك بس رد عليا
هلال.. انتي حسابك معايا بعدين يا ليلي
زين.. مش هتعملها حاجه علشان هي مغلطتش في حاجه انا الي كنت عارف انها فوق وطلعتلها
وبعدين انت ليه مش مصدق انه محصلش حاجه انت متخيل عيالك ممكن يكونوا عملوا ايه يعني منا ياما روحت عندهم وبت معاها في نفس البيت تحت سقف واحد عمي الي هو عمي كان بيثق فيا ويسيبني في بيت كامل معاها لوحدي عادي علشان عارف هو مربي بته ازاي وعارف ابن اخوه متربي ازاي انت بقا علشان عرفت اني قعدت معاها ساعتين لوحدنا يبقا خلاص الدنيا اتخربت
هلال.. مين قالك اني مش واثق فيكم
انت سيبتني اكمل كلامي لكن لا عامل زي الطور هايج وخلاص وناسي ان الي هايج فيه ده يبقى ابوك يبشمهندس يالي كبرت عليه ومش عايزاه يربيك انا لما ايدي اتمدت عليك اتمدت علشان طريقة كلامك مع ابوك الي كبرت عليه مش علشان قعدت مع بت عمك انا لو كنت كملت كلامي كنت هقولكم انتوا الاتنين دلوقتى حرام تقعدوا لوحدكم طالما اتنيلتوا حبيتوا بعض انا مش عايز حد فيكم يقع في غلط وايه النتيجه من قعدتكم لوحديكم اهي قدامي خناقه قدام الكبير والصغير وتلقيح كلام كيف العيال الصغيرين علي بعض
ليلي.. بس انا مكنش قصدي اعمل حاجه غلط
ده زين ابنك وانت ليلي بنتك محنا بتقعد مع بعض كتير عادي
هلال.. انتي حبتيه ميته انتي كمان
ليلي بتوتر .. هاا مهو لا مش حب اصل يعني احنا كنا بنتكلم عادي فالكلام جاب بعضه وبعدين زين ابن عمي
زين.. انا اسف مكنش قصدي ارفع صوتي عليك بس انا مش عارف انام من امبارح بسببها وداخل هنا فاكر انك هتخرب معايا الدنيا أكتر
ليلي.. وانا مالي انت الي بتعاند وخلاص
زين.. لا والله
هلال.. هتتخانقوا تاني قدامي برضو!
زين.. طيب اسمع انت واحكم
هلال.. سمعني يواد هلال
زين.. بتك لسه امبارح بس قيلالي انها موافقه اخيرا شوف انت الوحيد الي عارف انا مستني الموافقه دي من قد ايه
ونفس اليوم ترفض وتقول ان الموضوع خلص
هلال.. لاع مش فاهمه حصل ايه يعني
ليلي.. يا بابا هو ال…
زين.. مش عايزاه تعيش معايا هنا
بتقولي انها مش عايزاه تعيش معايا هنا يا اخلص الشقه الي في مصر ونعيش فيها ياما خلاص هي مش موافقه
هلال.. منتي عارفه يا ليلي ان شقه زين خلصانه هنا وبعدين نخلص الي في مصر برضو علشان لما تسافروا يكون ليكم مكانكم هناك
ليلي.. بس انا مش عايزاه اسيب بابا وماما هو شغله هناك وحياته هناك طيب منعيش هناك وننزل هنا كل اسبوعين زي ما هو يحب عادي وانا كمان اهو كليتي هناك يعني شغلي حتي بعدين هيبقى هناك برضو وانا لسه هقعد ٧ سنين في الكليه هيستني هو ٧ سنين يخلصوا علشان اجي اعيش معاه هنا
زين.. كليتك تقدري تنقليها هنا عادي متقولي للحج السبب التاني الي قولتيه تلات مرات في وشي
هلال.. سبب ايه تاني لي اليلي
ليلي باحراج.. مفيش حاجه تاني يا بابا بس كل الموضوع اهلي وانت عارف انا متعلقه بيهم ازاي
زين قاطعها.. اقولك انا السبب التاني ليلي بتقول ان امي مش بتحبها وان هي بتخاف منها وانها عارفه ان امي بتكرهها هتخاف تعيش مع امي هنا فهتفضل هناك مع امها احسن
هلال.. الكلام ده صح
زين.. يعني انا هتبل عليها
هلال.. اسكت انت ردي يا ليلي
ليلي.. طب اعلم ايه مهي طنط لطيفه بتكرهني فعلا والله وكلكم عارفين ده انا مش هعرف اعيش معاها يا بابا انا اسفه بس والله هي بتكرهني هي لو كانت بتحبني زي عمتو ليلي أنا مكنتش سيبتها لو كانت هي ومراتات أعمامي الباقيين بيحبوا ماما انا كنت اقنعت ماما كمان تجي تعيش معايا هنا زي ما زين قال بي لا انا ولا امي بنرتاح هنا لدرجع أننا نعيش وننقل حياتنا كلها هنا خلاص
هلال.. وانتي هتعيشي مع جوزك ولا مع لطيفه
ليلي.. زين هيسيبني ويسافر عندنا وأنا الي هبقى قاعده هنا طيب ليه منقعد في مكان واحد
هلال.. خلاص يازين اعمل إلى يريحك إلى هتبقى مراتك مش هينفع تفرض عليها عيشه هى مش عايزاها مش هناخدها من بيت ابوها علشان تعيش باقى عمرها مش مرتاحه
زين.. يعني انت موافق علي كلامها
هلال.. مش موافق ومش راضي عن كلامها بس احنا مش هغصبها علي حاجه علشان لو دي نورا ولا جني وحد اتقدملهم وقالولي انهم مش هيرتاحوا في المكان الي هيعيشوا فيه انا عمري ما هوافق علي العريس الي جاي وهي زيها زي نورا وجني وانا مش هعرف ارفضك علشان انت كمان ابني وعارف انك بتحبها فخلاص اعملها الي هي عايزاه وشقتكم هنا هتخلص برضو قضوا هنا شوية وهنا شوية المكانين ملككم
زين.. بس انا مش موافق يحج والي هي اتكلمت عنها دي امي فطالما هي مش موافقه تعيش معاها يبقا خلاص الموضوع خلص زي ما هي قالت قبل كده
هلال.. يعني انت هتقفل الموضوع الي بقالك سنين بتعذب نفسك عشانه وكل يوم تتخانق مع امك بسببه علشان سبب زي ده انا علشان عارف امك بقولك خلاص عيشها لوحديها طالما مش هترتاح
زين.. انت محبتش امي قبل كده دي مش ذنبي بس دي امي انا ومهما تعمل فأنا عمري ما هكرها فخلاص يابن الحلال انت بت عمي وهتفضلي بت عمي وعلي عيني وعلي راسي
ليلي.. ماشي يا زين اتمني الموضوع ده ميتفتحش تاني ابدا وخلي كلامك ده دايما في بالك علشان تفكر نفسك بيه كل شوية علشان لو حصل ايه يا زين انا مش هوافق عليك
عن اذنك يا بابا
خرجت ليلي من الغرفه بعصبيه
يلا يا بابا علشان نمشي انا زهقت من البيت
ضياء عمها.. في اي يا ليلي يابت مالك
ليلي.. مفيش يعمي انا بس عايزاه امشي
بدأت الدموع تتجمع في عيناها
يلا يا بابا معلش
ليلي عمتها.. اهدي بس وتعالي الاول نقعد سوا مستعجله ليه
ليلي بهزه.. معلش يعمتو مش دلوقتى يبابا يلا
هلال استني يحسين
حسين.. في ايه مالها ليلي
هلال.. خطوبة ليلي وزين التلات الجاي
صدم الجميع لم يكن احد يعلم من البداية ان هناك شئ من الأساس بين زين وليلي ماعدا محمود ابن عمه وحسين وناهد
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حواديت من الواقع)