رواية بنت الشيطان الفصل الثالث والأربعون 43 بقلم رحمة نبيل

رواية بنت الشيطان الفصل الثالث والأربعون 43 بقلم رحمة نبيل

رواية بنت الشيطان البارت الثالث والأربعون

رواية بنت الشيطان الجزء الثالث والأربعون

رواية بنت الشيطان الحلقة الثالثة والأربعون

الفصل السادس عشر
خرج عبدالرحمن من المركز بكل غضب فهو لم يصل لشئ يفيده كل ما استطاع معرفته ان هذا الشخص كان لا يتعامل مع الرئيس مباشره بل كان بينهم وسيط وهذا الوسيط كان دائما يغطي ملامحه
وقف أمامه سيارته يزفر بضيق وغضب واخذ يضرب علي سيارته بعنف ثم صعد الي سيارته وقادها للمكان الذي يذهب إليه كلما كان غاضبا لا يعرف لما ولكن في هذه اللحظه تذكرها وتذكر ضحكتها ومشاكستها وصوتها ابتسم دون أن يشعر وصل الي الكورنيش هبط من سيارته واستند علي مقدمتها واخذ أنفاسه ببطئ واغمض عينه ليستمتع بنسمه الهواء المحمله بعبير النيل فتح عينه علي منظر ابدعه الخالق حيث النيل الذي تنعكس فيه أضواء الفنادق والمراكب التي تسير ابتسم عندما تخيل نفسه معها في مركب كهذه يغنون سويا بكل جنون ضحك بسبب مخليته المجنونه ثواني وسمع نفس العزف للذي سمعه ذلك اليوم نظر بتعجب وجد ذلك الرجل الذي كان معها وهو يعزف اقترب منه ببسمه حتي وقف أمامه قال بنبرة رخيمه قليلا / عم يونس
توقف يونس عن العزف ونظر له ببسمه متعجبه / نعم
ابتسم عبدالرحمن وجلس بجانبه / بعتذر لو بقتحم خلوتك دي بس بجد بحب اسمع عزفك علي العود بحس براحه ممكن اقعد هنا
ابتسم له هذا الرجل الذي يبلغ من العمر سبعون /اكيد يابني انا بقعد لوحدي وازهق لولا القردة اللي بتيجي تسليني هنا
انتفض قلبه لسماع حديثه عنها / احم هي مين دي بنت حضرتك
يونس بضحك وهو ينظر للعود / لا صاحبتي
نظر عبدالرحمن بهدوء / صاحبتك
ضحك يونس / اها مش بتحب اني اقولها انها زي بنتي بتقولي متكبرش نفسك ياراجل رغم أنها في سن احفادي تقريبا البنت دي فظيعه بجد هههههههههههه
ابتسم عبدالرحمن وكأن الحديث عنها اعجبه جدا / احم وهي مجاتش ليه
يونس بضحك / اصلها انكسرت
هو يعرف هذا ولكن لماذا يضحك / وانت بتضحك عشان انكسرت
يونس / ههههههههههه لا عشان شقاوتها هي اللي بتعمل فيها كده علي طول تتخانق مع عيال أصغر منها بكتير بس تقول ايه عقلها صغير زي الأطفال بس رغم كده برائتها مشوفتهاش في حد
تنهد ثم قال / ها بقي تحب تسمع ايه
علم عبدالرحمن انه يغلق معه الحوار / اللي يعجبك
يونس بحماس هعزفلك اكتر اغنيه بحبها انا ورحمة
ضق قلبه لسماع اسمها وهز رأسه بموافقة
يونس وهو ينظر له بتعجب / الا صحيح انت اسمك ايه مقلتش
عبدالرحمن ببسمه / اسمي عبدالرحمن
يونس / تمام يا عبده اسمع بقي دي
مسك يونس الريشه التي يعزف بها وقام بعزف موسيقي اسمر يا اسمراني وهو يغنيها وبجانبه عبدالرحمن قد سافر في عالمه وهو يبتسم بسمه راحه كبيره
نظرت دانه باعين مفتوحه لهذا الذي يرتدي منشفه علي خصره فقط وضعت يدها علي فمها حتي لا تفلت منها صرخه دانه في نفسها / يا ختي هو انا دخلت مكتب في شركه ولا شقه مفروشه ولا ايه الحكايه ده طلع قليل الادب
شعر هو بشخص معه في المكتب استدار نصف استداره فقط وتحدث ببحه رجوليه طاغيه دون أن ينظر خلفه / مين
دانه وهي تنظر حولها بتوتر حتي لا تنظر له ثم حدثت نفسها بخفوت /انا احسن حاجه مردش واهرب من هنا شكله سافل اساسا مش بعيد يكون جايب نسوان في الأوضه اللي طلع منها
قالت ذلك وهي تنظر للغرفه الجانبيه التي خرج منها
التفتت دانه للخروج بكل هدوء مثل اللص ولكن سمعت صوته الذي يخرج بكل برود وسخريه دون أن يكلف نفسه عناء النظر إليها حتي / بتتسحبي زي الحراميه ليه
توقفت هي وابتلعت ريقها وهي تحدث نفسها / في ايه يا دانه ايه الخوف اللي فيكي ده اول ما يقرب عليكي هتصرخي او تضربيه انتي نسيتي تدريبات مالك ولا ايه
ثم نظرت له مجددا والي جسده الملئ بالعضلات / ده مدير شركه ولا مصارع بأم عضلاته دي استغفر الله يارب
تحدث بكل برود / متتحركيش من مكانك
فتحت عينها باتساع ماذا يقصد هذا بالا اتحرك من مكاني ثواني وكان يتركها ويتجه لغرفه اخري غير التي خرج منها نظرت له بغباء / هو انا دخلت مكتب ولا المعمار المرشدي للوحدات السكنية
وضعت يدها علي وجهها لتهدأ نفسها / اهدي كده أسد يلا فيه ايه هو مش هيقدر اساسا يقرب مني احنا هنشوف هو عايز ايه وايه الشغل عجبنا كان بها معجبناش
تحدثت بغرور/ الف مين يتمني الشغل معايا
سمعت صوته يتحدث بسخريه / هنشوف الموضوع دة اتفضلي الأول
نظرت له بصدمه متي خرج وجلس علي مكتبة وهل كانت تتحدث بصوت عالي ما هذا الاحراج تقدمت بخطوات صغيره ما هذا التوتر الذي تشعر هي به أين ذهبت دانه التي لاتهاب شيئا حسنا هي تعترف ان الهاله المحيطه به حقا مهيبه ولكن لتستعيد قوتها حتي لا يظن بها الضعف جلست بكل هدوء وأخذت شهيق وزفير
ليث بسخريه / هو انتي هتاخدي غطس ولا ايه
نظرت له بحده هل يسخر منها
دانه بغيظ لنفسها / اول حد يتريق عليا والله وجه اليوم يا دانه اللي حد يتريق عليكي يافرحة عبده فيكي
ابتسم ببرود / ندخل في الموضوع علي طول
هزت رأسها لتبعد عنها أي افكار في تشويه وجهه البارد الوسيم هذا ثم مدت يدها بملف / ده السي ڤي بتاعي في كل….
قاطعها وهو يضع الملف جانبا / ده مش مهم ادم قالي انك كنتي بتشتغلي في شركه قبل ماتجي اقدر اعرف سبب تركك للشغل هناك
نظرت له ولوت فمها وتحدثت بسخريه / الحيوانات عندهم كتير
رفع حاجبه وهو ينظر أمامه ببسمه سخريه / حيوانات
نظرت له / اه حيوانات
ليث بكل برود / وايه بقي نوع الحيوانات دي
دانه / حيوانات هجينه بين الحمار والقرد علي رأي الدكتور مصطفي محمود كائنات عايشه وسطينا ملهاش اسم
ابتسم عليها ابتسامة جانبية
ليث / احم نتكلم في المهم اهم حاجه عندي حاليا هي الالتزام بالمواعيد وانك تتحملي الشغل
نظرت له بحاجب مرفوع / الالتزام بالمواعيد مش مشكله عشان مش بلتزم عموما بس يعني ايه استحمل الشغل هو انت بتجلد الموظفين هنا
تجاهل كلامها ورفع حاجبه / مش بتلتزمي ازاي مفهمتش
دانه وهي تبتسم بغباء / يعني علي حسب انا صحيت بدري ولا لا هاجي
ليث وهو يعود بظهره للخلف ببسمه / مش ملاحظه انك صريحه اوي
دانه ببسمه / نبدأها علي نور احسن ما تتصدم في الاخر
ليث ببسمه بارده / اممممم حلو اوي شكلي هتسلي الايام الجايه
دانه وهي تنظر له بحاجب مرفوع وتحدث نفسها / ماشي يا آدم اما خليتك تقول ارنبنا في منور أنور ميت مره وبوظت الكلمتين العربي اللي تعرفهم مبقاش دانه علي الواقعه اللي رمتني فيها دي.
ليث بجديه / من بكره هتبدأي الشغل الساعه سبعه ومكتبك هيكون معايا هنا
نظرت له بحاجب مرفوع / معاك
كانت نظرته مصوبه للأمام ولا يعيرها اي انتباه ولا حتي ينظر لها / اها معايا هنا
دانه وهي تنظر له بتذمر / ليه أن شاء الله ميكونش ليا مكتب لوحدي
ليث وهو يبتسم في نفسه علي نبرتها هذه التي تذكره بالأطفال /الكلام خلص يا انسه دانه في اي استفسار
دانه وهي تتحدث بمزاح / بالنسبه للساعه سبعه مينفعش تبقي عشره
رفع حاجبه ببرود ومازال يتجاهل النظر لها / اشوف حضرتك الساعه سبعه هنا يا انسه دانه
دانه وهي تنهض / علي بركه الله علي الساعه عشرة الا عشره هكون موجوده سلام
ركضت دانه قبل أن يتحدث
نظر هو لاتجاه خروجها وتحدث بخبث / حبيت الشغل وحبيت مصر اوي
دانه وهي تركض الخارجه / اوووف ايه ده الدور كله فاضي مش فيه غير مكتبة ده ايه العبط دة
ذهبت تجاه المصعد وركبته حتي وصلت للدور الأرضي وخرجت بكل كبرياء وهي تنظر للسكرتيره بتكبر
وذهبت للجراج وركبت سيارتها وانطلقت بها للعوده للمنزل وبعد مرور ربع ساعه تقريبا شعرت بالسياره تهتز وصوت انفجار يصدح توقفت وهبطت من السياره وجدت احدي الإطارات ثقبت نظرت لها بغضب ونفخت بضيق
أخرجت هاتفها ولكن لم تجد لي اشاره للهاتف زفرت بضيق / نقصاك هي
_مين بس اللي مضايقك يا جميل كدة
نظرت خلفها وجدت شابان يبدو علي حالتها انها لصوص او ماشابه ومعهم ثلاث فتيات مظهرهم يوحي بالرعب
دانه وهي تنظر لهم بتشنج / اسرح يابابا بعيد عشان مش ناقصه
احدي الفتيات / الله الله ما تهدي علينا يا ابله كده ده احنا بس عايزين نتكلم شويه مع القمر
دانه وهي تضحك عليها / اه تقريبا كده في لبس في الموضوع
ألقت دانه هاتفها في السياره وشمرت القميص الذي ترتديه / انتم مفكرني فافي بقي ونايتي وبتاعه بابي ومامي الحركات دي لا فوق يا كبير ده انا اصيع منك ومن اللي خلفوك
ِنظر الشباب لها بسخريه / صدقي خوفنا منك بس تعرفي بحب الشرس اوي بعد ما هناخد اللي احنا عايزينه هنتسلي شويه معاكي
احدي الفتيان باعتراض / لا احنا قولنا سرقه بس
شاب بغلظه / وانتي مال شكلك انتي خدي اللي عايزاه واتكلي علي الله
دانه وهي تبتسم / صلوا علي النبي يا جماعه ده شيطان ودخل بينكم الله
نظر لها الشاب نظرة شهوانيه
ابتسمت له دانه واقتربت منه بغنج حتي وصلت له استندت علي كتفه وهمست في اذنه / غلطت لما فكرت تقف في وشي
ثواني وسمع الجميع صوت عظام تنكسر
سقط الشاب في الأرض يصرخ وهو يمسك زراعه
دانه وهي تنظر لهم ببراءه / اوووبس غصب عني
كان مراد يقف في شرفه غرفته ويتحدث مع روجي في الهاتف / اه تمام بكرة هاخدك واعملك اللي انتي عايزاه يا روجي
روجي بتذمر / بس انا كان نفسي اني اخرج معاهم يا مراد اشمعنا انا نرمين وناري وسما خرجوا
شعر هو بحزنها تنهد ببطئ / طب اجهزي هاجي معاكم
روجي وهي تصرخ بمرح / يعيش مراد يعيش يعيش
ابتسم مراد علي طفلته ومعشوقه الطفوله والشباب / يلا بسرعه عشان هرجع في رأي
روجي وهي تنهض بسرعه من علي فراشها / ترجع ايه هو لعب عيال ولا اية هوا هتلاقيني برن عليك اني خلصت
أغلق الهاتف معها ونظر بجانبه وجدها تحدق فيه نظر لها ببرود ثم دخل وأغلق للنافذه في وجهها
نظرت نجلاء بشر لنافذته / يخربيت تكبرك بس والله لوريك
ن
ظرت بسمه لها بسخريه كبيره / لا واضح انك شايفه شغلك
نجلاء وهي تزفر بضيق /الواد ده تقيل تقل يخربيته
شردت بسمه وهي تقول / زي ابوه بالضبط
Flash back
سمعت بسمه صوت ساره تفتح شقتها ركضت وانتظرت حتي دخلت وركضت لباب شقتها لتري نتائج ما فعلته
دخلت ساره وتركت مفاتيحها علي الطاوله وجدت مازن يجلس علي الاريكه وينظر للأمام وعيونه حمراء بشده
ساره وهي تقترب منه/ هو لسه مراد مجاش من المدرسه
لا رد
اقتربت منه / مالك يا مازن
وايضا لا رد
جلست بجانبه ومسدت علي شعره بحنان / فيه ايه يا مازن مالك
نظرت وجدته ينظر لشئ في يدة بشرود
نظرت وياليتها لم تنظر فتحت عينها بصدمه هذه صور لها مع هذا الحقير خطيبها قبل الزواج بمازن
ساره وهي تبتلع ريقها / مازن انا
التفت لها بحده ونظر له بشر وتحدث بفحيح / الصور دي بجد
ساره برعب / هفهمك والله ما كنتش بوعي…
قاطعها مجددا بفحيح مرعب / الصور دي بجد
ساره بدموع ورعب هزت رأسها بايجاب
مازن بقلب مكسور / امتي
ساره بدموع شديده / والله العظيم كنت هقولك والله العظيم يا مازن عمري في حياتي ما حبيت غيرك والصور دي كانت قبل ما اعرفك بكتير والله اااااااااه
سمعت بسمه من الخارج صوت تكسير زجاج وصراخ وبكاء ساره فابتسمت علي نجاح خطتها ولم تنتظر لتسمع الباقي وذهبت وهي تهنئ نفسها علي النجاح
بينما في الداخل كانت ساره تنظر برعب ليد مازن التي تلطخت بالماء بسبب ضربه للزجاج
Back
بسمه بشر / وقتها انا خسرت بس المره دي هحرق قلبكم لما ادمر حياه المحروس ابنكم
اقرا ايضا
رواية ما يخبئه لنا القدر الفصل الأول 1بقلم زينب رشدى (جميع الفصول كامله)
روايه جنه الفهد الفصل 15بقلم فاطمه (جديده وحصريه وكامله)
روايه جنه الفهد الفصل 14بقلم فاطمه (جديده وحصريه وكامله)
رواية بيت البنات الفصل التاسع عشر 19 بقلم أمل صالح جديده وحصريه
مراد وهو يرتدي الحذاء الخاص به ويتحدث مع خالد / والله عايز تيجي تعالي انا مش همنعك
خالد وهو يحضر ثيابه من الخزانة / اه هاجي اصل جو الشغل مقرف اوي
ضحك مراد / من يوم واحد ومليت لا خلي نفسك طويل كده اومال المهم يلا اجهز وكلم حسام لو عايز يجي
خالد / اشطا وانت شوف عبدة
مراد تمام هكلمه
انهي مراد مع خالد وقام بالاتصال بعبدالرحمن
كان عبدالرحمن يجلس مع يونس
عبدالرحمن / الو يا مراد
مراد / فاضي نخرج
عبدالرحمن وهو ينظر أمامه ويتنهد / اشطا انا اساسا مخنوق
مراد/ طب قابلنا في مول……
عبدالرحمن / تمام
نظر عبدالرحمن ليونس / شكرا يا عم يونس بجد علي الوقت الحلو ده
يونس ببسمه / انا اللي شكرا يا بني علي انك قعدت معايا
قبل عبدالرحمن يده ورأسه / اكيد هاجي تاني كتير
ثم ذهب لسيارته وانطلق بها امسك هاتفه واجري مكالمه
ثواني وسمع الرد
دانه / ايه يا كبير
عبدالرحمن / الشباب كلهم خارجين ايه رأيك
دانه وهي تنظر الأجساد المرميه أمامها / اشطات ياباشا ثواني واكون عندكم
عبدالرحمن / انتي فين
دانه وهي تصعد للسياره بضحكه / كنت بلعب شويه هههههههههه
عبدالرحمن / بتلعبي امممم ماشي ياباشا هستناك في مول…..
كانت رحمه تنظر للسقف بملل / اوووف علي الزهق ده
نظرت بجانبها للعكازين الموضوعين وابتسمت بخبث
بعد مرور عدة دقائق كانت رحمه تستند علي للعكازين وتتجه لباب الملجأ ببسمه / انا هطلع واشم هوا شوية لا من شاف ولا من دري ايوه هو ده
_لا للاسف مش هو ده
توقفت واستدارت بتحفز وجدت العصابه الصغيره تقف
احمد ببسمه خبيثه /علي فين يا كبير
رحمه ببسمه متوتره / ها لا اصل اصل اه اصل انا حسيت نفسي مخنوقه قلت اخرج الجنينه شويه اشم هوا و….. مش مصدقني صح
هز الجميع رأسه بإيجاب
رحمه / طيب اخلصوا البسوا يلا
رحيل / احنا لابسين يلا
رحمه وهي تنظر لهم بضيق وتدفع حمدي / يلا يا خويا بس براحه لمنال تصحي تنفخنا كلنا
سار الجميع علي أطراف اصابعهم
ولكن اصطدمت ماني بالطاوله
نظرت لها رحمه ولطمت علي خدها / هنتفضح يخربيتك
حمدي بصوت عالي نسبيا / الله غصب عنها
رحمه بشرار / علي صوتك لسه ماحدش صحي علي صوتك
رحيل بصوت عالي / كده يا ابله رحمه
نظرت رحمه برعب حولها / يخربيتك يا ام احمد انتي بتعملي ايه
رحيل / مش انتي قولتي علوا صوتكم
نظرت رحمه للجدار وأخذت تضرب رأسها به بغيظ / يارب الرحمه هموت مشلولة
تركهم احمد وذهب تجاه الباب وخرج
رحمه / ولا كأن فيه طوره ماشيه معاكم يلا يا ختي انتي وهما
كان الشباب يجتمعون في احد الكافيهات في مول……..
خالد وهو ينظر لمراد الذي يحدث روجى بهمس / يازيدي يا زيدي بتقولها ايه بقي ها ها
مراد ببرود / ملكش دعوه
عبدالرحمن وهو يضحك /دايما جايب لنفسك التهزيق
خالد / يا عم ده نحنوح اوي مش عارف ايه ده
نظر له مراد ببسمه بارده / تحب تقابل النحنوح ده في اي مسابقه
خالد بسماجه / عندي شد عضل
حسام بضحك / عيب يا شباب تكلموا الباشمهندس خالد كدة الله ده بقي بيشتغل في أكبر الشركات هنا
أراح خالد ظهره للخلف بتكبر / قولهم يابني والله انتي اللي بتفهم قول وسمعهم
حسام / حبيبي
ثم نظر لهم / اتكسفوا من نفسكم ازاي تغلطوا في شخص زي خالد
هز خالد رأسه ببسمه
حسام /هتحطوا عقلكم بعقل واحد اهبل يعني ده حتي يا اخي ميعرفش هيشتغل ازاي اتكسفوا من نفسكم
خالد وهو ينظر له بشر / خلاص يا حسام كتر خيرك يابني بعدين يعني ما هم عارفين ده كله فعادي يعني
ضحك الجميع عليه
نظر هو لهم بتذمر ولكن توقف نظره عندها هي من أصبح يكتشف كل يوم بها شئ يجذبه مثل المغناطيس
توقفت ناري عن الضحك عندما شعرت بانظار موجهه لها رفعت نظرها وجدته ينظر لها بشرود
أنزلت رأسها بخجل منه
بينما كان غيث ينظر لنرمين التي تحدث روجى وتبتسم
غيث في سرة / امتي تحسي بيا بس اه يا نرمين حبك وجع قلبي وانتي معتبراني اخوكي
رفعت نرمين نظرها وجدته يتأمل بها نظرت له ببسمه متعجبه وسألته برأسها ماذا يريد بينما هو ابتسم بسمه حنونه وهز رأسه برفض
كانت سما تنظر للجميع بضيق كبير هي تشعر انها وحيده في هذه العائله ليس هناك شخص يشعر بها او يحبها ليس هناك أحد يحبها سوي اصدقائها او هذا ما تظنه هي
تنهد حسام بوجع كبير يستوطن قلبه يتألم لهذه النظره في عينها كأنها وحيدة غبيه لا تعرف انها سكنت قلبه ورفيقه أحلامه دائما ولكن هي سبق واهانت رجولته لذا لن يظهر اي من هذه المشاعر لها ابدا بل سيحاول ان يقتلها ويلقيها لأبعد مكان
نظر عبدالرحمن للهاتف وجد رساله فتحها سرعان ما ارتسمت ابتسامه كبيره علي وجهه
ثواني وكانت دانه تسحب مقعد وتجلس وهي تتنهد / اوووف بقالي ساعه ومش لاقيه ركنه للعربيه
نظر خالد لها وقرر مشاكستها / وده كلام برضو ياباشا هي رنه واحده وكنت هنزل ابعد عربيتي وانتي تركني مكانها
نظرت له دانه بحنق / شيلاك للتقيله يا خالد باشا
عبدالرحمن وهو يميل عليها ويهمس / اتأخرتي ليه يا دانه
وايه اللي علي لبسك ده انتي كويسه.
نظرت دانه لملابسها وجدت شحم وقع عليها بالخطأ وهي في الورشه لتصلح سيارتها
دانه ببسمه لاخيها ورفيق المصائب / متقلقش ياباشا عليا ده بس مجرد شحم وانا بصلح العربيه هروح الحمام احاول انظفه او علي الاقل اداريه باي حاجه
ابتسم عبدالرحمن ونزع الجاكت الأسود الذي يرتديه / خدي ده وروحي ظبطي لبسك في الحمام
هزت هي رأسها ببسمه وقبلته من خده / اشطا ياباشا
خالد وهو ينظر لهم / يا جدعان انا بدأت أشك فيكم والله انتم متٱكدين انكم اخوات فعلا
نظرت له دانه ببسمه بارده /يا ناس يا شر كفايه قر
ضحك خالد / انا بقر ماشي يا دانه
دانه وهي تنهض / ماشي يا اخويا حد يا بنات رايح الحمام
ناري وهي تنهض لتتجنب نظرات خالد التي أصبحت توترها حقا
ومعهم سما
نظر عبدالرحمن لهم /طب هروح اعمل فون وجاي
هز الجميع رأسه
نظر خالد لهاتفه ثم فجأه تذكر شئ / اووببا ده انا نسيت ارجع الملف لعمي سراج ده انا هتنفخ
ضحك حسام بشده
مراد بسخريه / طب يا فالح يلا روح الحق شوف هتعمل ايه
خالد وهو يأخذ اشياءه وينطلق / حظك مش فاضيلك عشان ارد عليك
ابتسم مراد بسخريه ونظر لروجى/ تحبي تتمشي شويه
روجى ببسمه / اكيد
امسك مراد يدها ونهض / طب يا جماعه هتمشي انا وروجى نشوف المحلات كدة
حسام / براحتك ياباشا
نظرت نرمين بملل / وانا كمان عايزه اتمشي
غيث / لوتحبي ممكن اجي معاكي
نرمين / وحيات امك
نظر لها بتعجب
نرمين / اسفه مش قصدي قصدي بجد والله هتيجي معايا
نظر غيث لحسام / لو حسام وافق
ابتسم حسام / خد بالك منها
نهضت هي بسرعة وهي تتحدث / يلا يا غيوث عشان نلحق
كانت سما تسير بجانب الفتيات بملل شديد وهي تنظر لدانه بحقد علي حب الجميع لها
ثواني ورأت دانه مشهد جعلها تجن تماما ركضت دانه بسرعه الي هذا الشخص نظرت ناري بتعجب / مالها دي
سما بسخريه / تلاقيها رايحة تعمل بلوه هي وراها حاجه غيرها
نظرت لها ناري بغيظ / الكلام معاكي مفيش منه فايدة
اقتربت دانه بسرعه من مجموعه الشباب تلك وجذبت شخص خلفها ووقفت في وجههم / نعم يا حيلتها منك ليها فيه ايه
احدي الفتيات / ايه الكلام البيئه بتاعك دة بعدين وانتي مالك انتي
دانه بصوت عالي / اخرسي يابت بدل ما اعلقك
ثم نظرت لاحد الشباب واقتربت منه / وانتي بقي يا ننوس عين بابا وماما كنت بتمد ايدك عليه ليه
الشاب بحده / الواد الأهبل ده كان ماشي وخبط فيا وقع القهوه عليا
نظرت دانه لادم وجدته ينظر له بحزن شديد واصبحت دموعه علي أبواب عينه
دانه وهي تنظر لهم بشر / اهبل ها أنا بقي هوريك الأهبل
علي مقربه منهم في نفس المول كانت رحمه تسير وتنظر في المحلات
حمدي وهو يشير لمحل العاب / عايز المسدس ده يا رحمه
رحمه بملل / حاضر يا حبيبي اشتري لبس ليكم الأول بعدين لعب
رحيل / وانا يا رحمه عايزه باربي
رحمه / حاضر هجبلك باربي
ثم تمتمت بضيق / انا اللي جبته لنفسي لما قلت تعالوا نجيب لبس جديد
نظرت ماني لاحد الفساتين/ الله بصي يا رحمه ده حلو
نظرت رحمه لما تشير / طب تعالي نشوف
ذهبوا لذلك المحل ومرت رحمه بجانب عبدالرحمن وهو يتحدث في الهاتف وتخطته دون أن تنتبه له
عبدالرحمن ببسمه حنونة / حاضر ياقلب بابا هجبلك كل اللي قلتي عليه
………….
لا مش هتأخر يا قلبي ماشي يا جميل سلام
نظر لهاتفه ببسمه كبيره وعاد الطاوله الخاصه بهم ولكن عندما كان في طريقه للعوده خيل له انه رأها هذه المجنونه ولكنها فجأه اختفت ظن انه يتخيلها وانصرف عائدا
الشاب بوقاحه وهو ينظر لدانه / ليه انتي اللي هتدفعي
دانه وهي تقترب اكثر / يا سلام غالي والطلب رخيص
ثم ارجعت رأسها للخلف وضربت رأسه بها بسرعه كبيره فلم يستوعب ما يحدث الا وهو ملقي في الأرض ودانه تكيل له الضربات
نظر له أصدقائه بخوف وحاولوا ان يجذبوه منها
وبعد محاولات تركته دانه وهي تنظر عليه بقرف / يلا يابابا امشي شوف ماما عملتلك شوكولت كيك ولا ايه جتكم البلا في اشكالكم وخد شويه العرر دول معاك
بينما عند سما وناري كانت سما تمسك احد الأطفال وتصرخ بهم / انتي عبيطه ها عارفه الفستان اللي انتي لوثتيه بايدك القذره ده بكام ده انا لو بيعتك مش هتجيبي ربع تمنه
سمعت صوت خلفها يتحدث بحده / علي الاقل عندنا اخلاق واحترام يا محترمه
نظرت سما خلفها وجدت فتاه تقف وتنظر لها بشر / وانتي مين بقي البنت اللي بتسرح العيال دي عشان تشحت
فلتت الصغيره من يد سما وركضت للفتاة وهي تبكي / ابله رحمه
عانقتها رحمه بيد واحده والاخره تمسك بها العكاز الخاص بها / بس يا رحيل متعيطيش ياقلبي
رحمه بحده وهي تنظر لسما / للأسف انتي وحدة معندكيش ريحه الرحمة ولا الاخلاق
سما بعصبيه / انتي يابت متعرفيش انا مين
رحمه وهي تضحك بسخريه / ولا يهمني انتي مين ولا عايزه اعرف بس اللي اعرفه انك واحده بايظة ومتدلعه بفلوس اهلك وشايفه نفسك بيها بس نصيحه مني لو عايزه تشوفي نفسك علي خلق الله بحاجه يبقي الحاجه دي بتاعتك ومن صنعك عشان تبقي تشوفي نفسك علي حق
سما وهي ترفع يدها / انتي واحده حيوانه
فجأه أصبحت يدها معلقه في الهواء ورحمة تنظر لها بشر كبير. نظرت رحمه لهذا الذي يمسك يدنا وجدته نفس الشاب الذي كان في المشفي
عبدالرحمن بعروق نافره ومظهر جعل سما ترتعش /خدي نفسك وارجعي علي الطربيزه
نظرت له بخوف
عبدالرحمن بحده كبيره / حالااااااا
نظرت سما له برعب ثم نظرت لرحمه بكره شديد ورحلت
عبدالرحمن وهو ينظر لرحمه ولا يرفع عينه من عليها / وانتي يا ناري ارجعي معاها
هزت ناري رأسها وعادت
جاءت دانه ومعها ادم نظرت لعبدالرحمن ونظراته لتلك الفتاه
/ عبده فيه ايه ومين دي
نظرت رحمه لها / ولا حاجه يا انسه بس..
عبدالرحمن لدانه / ارجعي ليهم يا دانه وانا شويه وهاجي وراكي
اقتربت دانه منه وهمست / طب خف يا كبير علي البنت دي اديها دابت من كتر الفرك وانت هتاكلها بعينك.
نظر عبدالرحمن لرحمه وهي تفرك يدها بقوه أين ذهبت الفتاه التي كانت تصرخ منذ قليل غمز لدانه / انصرفي انتي بس
ضحكت دانه وأخذت ادم ورحلت
دانه / ايه اللي حصل يا آدم مع الشباب دول
ادم وهو ينظر لها بحزن /ك… كنت ج…. جاي لان ح… حسام قالي انكم هنا وانا ج…. جاي خ….خبطت فيه بالغلط
هزت دانه رأسها بايجاب ثم ابتسمت له / ولا يهمك يا قلبي يلا نرجع ليهم هو انهارده باين من أوله ههههه
عند دانه وعبدالرحمن
عبدالرحمن / بعتذر كتير علي اللي حصل ده
رحمه وهي تنظر بخجل / ولا يهمك حصل خير
احمد بتشنج لخجلها / وده من امتي ده
نظرت له رحمه بغضب
احمد / يلا عشان نروح
عبدالرحمن بسرعه ولهفه / هوصلكم اتفضلوا
رحمه برفض / لا معلش احنا هنروح لوحدنا
عبدالرحمن برفض قاطع وهو يشير لها وللاطفال / حضرتك مش هتقدري تمشي وكمان الأطفال خلاص بيناموا اتفضلي معايا
نظرت رحمه لهم ثم سارت خلفه
كان الهدوء يعم السياره حتي قاطعه عبدالرحمن /احم بعتذر تاني علي اللي حصل من بنت عمي
رحمه ببسمه / عادي مفيش مشكله والله ربنا يهدينا جميعا
عاد الصمت مجددا للسياره
عبدالرحمن لنفسه / اسألها علي رقم الفون اسأل
رحمه وهي تنظر له /ايوة هنا وصلنا
نظر عبدالرحمن لهذا المبني وجد لافته تشير انه ملجأ نظر لها بتعجب / هنا بس ده……
صمت وهو يدرك غباء ما قاله
رحمه ببسمه وهي تنظر للأطفال الذين ذهبوا في النوم / اها ملجأ احنا عايشين هنا
لا يعرف ما هذا الام الذي نخر قلبه بشده / بعتذر مكنش قصدي
رحمه ببسمه / ولا يهمك ابدا انا مش بتكسف من الموضوع دة خالص معلش تعبناك معانا
عبدالرحمن وهو يهبط ويساعدها علي النزول / انا هدخل الأطفال
رحمه وهي تبتلع ريقها /لا شكرا متتعبش نفسك انا هصحيهم
حمل عبدالرحمن ماني التي نامت / لا مينفعش تصحيهم انا هشيلهم
نظرت رحمه لأحمد / احمد اصحي يلا وصلنا احمد
فتح احمد عينه بنعاس ونظر بجانبه وجد الملجأ فنهض وايقظ حمدي وحمل رحيل وهبط من السياره ذهبت رحمة للباب واخرجت المفتاح وفتحت الباب ونظرت لعبدالرحمن واشارت له بالهدوء / اشششش محدش يعمل صوت عشان منال لو صحيت
فجأه تمت اناره المكان بأكلمه ووجدت منال تقف وتعقد زراعيها.
رحمه مكمله كلامها / هتنفخنا
نظر عبدالرحمن لهم بتعجب لما هذا الخوف هل تعذبهم هذه السيدة وقع قلبه لمجرد الفكره
منال للأطفال / خد اخواتك يا حمدي وادخل جوا ووري الاستاذ سرير رحيل
دخل عبدالرحمن مع احمد وهو يفكر ماذا ستفعل برحمه ذهب ووضعها وعاد بسرعه ليدافع عنها وجد رحمه تختبئ خلف رجل مسن
أنور بتذمر / امشي يا بت انتي من ورايا ايه الهبل ده
رحمه وهي تنظر لمنال / منال هتضربني ياانور
أنور وهو ينظر لمنال / ليه كده يابت انتي انا طول عمري ساكت وانا شايفك بتعذبي فيهم بس لا زمن الصمت انتهي وبقولك لا لا يا شاديه مش هسمحلك بالظلم
رحمه وهي تصفق وتصفر / الله عليك يا أنور يا جامد ايه يا راجل الحلاوه دي فنان والله
نظر لها عبدالرحمن بغباء
نظرت منال لعبدالرحمن / اهو هيقول عليكم مجانين
نظرت رحمه بصدمه له لقد نسيت انه هنا تماما
منال وهي تنظر لعبدالرحمن ببسمه / بعتذر يا بني تعبناك معانا
عبدالرحمن وشعر بطيبه هذه المرأه / مفيش تعب ولا حاجه
ثم نظر لرحمه وابتسم / ياريت كل التعب زي التعب ده
نظرت منال بحاجب مرفوع
انتبه عبدالرحمن / احم طب استأذن انا
منال وهي تنظر له وهو يرحل / نورتنا يابني
خرج عبدالرحمن ونظرت منال لرحمه / تعالي بقي انا هوريكي هعمل ايه.
صرخت رحمه وركضت لغرفتها / استهدي بالله يا منال
*لاوعاوزين تخشو الجروب الروايات علي الواتساب كلموني علي الرقم ده*
‏*https://wa.me/+201288715026?text=ممكن-ادخل-جروب-الروايات-
صعد عبدالرحمن لسيارته وأغلق عينه براحه / يخربيت كده البت في يومين اكلت عقلي
ضحك بسخريه من نفسه فهو لم يسبق وان اهتم باي فتاه سمع صوت هاتفه وجدها دانه / الو يا دانه…… روحتوا…… طب تمام انا راجع اهو……. ههههههههه هحكيلك لما ارجع تمام يلا ياباشا سلام
وانطلق بسيارته تجاه المنزل
نظر مالك لنور وهو يقف امام المرأه وينظر لها / ايه يا نور مش خلصنا
نور بتذمر / لا مش خلصنا يا مالك انت مش مستوعب انك بكره رايح تجيب ست البيت انا هنجن يا مالك
مالك وهو يجلس بجانبها / ياقلبي هو انا بقعد في البيت اساسا انتي عارفة عندي مهمات كتير غير اني بعد اسبوع عندي مهمه جديده يعني مش فاضي للقعده معاها غير كدة انتي عارفه مين اللي ساكن قلبي يا نوري
نور وهي تعانقه / مش بأيدي يا مالك كل ما افتكر انها هتعيش هنا شهر بشيط كده
ضحك مالك عليها وشدد من عناقها / طب نامي ربنا يهديكي يا بنتي نامي
كانت جنه تجلس تشاهد فيلم رعب وحدها شعرت بشخص بجانبها توقف قلبها من الخوف /يارب أعوذ بالله يارب العفريت طلع من الفيلم ولا اي
عمر وهو يهمس بجانب اذنها / جنه
جنه وهي تصرخ وتنظر حولها ولكن الظلام يعم المكان
كتم عمر ضحكته /جنه
جنه وهي تكاد تبكي / مين
عمر بخفوت / انا جن
جنه بصراخ وهي تقفز /يا ماما عفريت عفريت
ضحك عمر بشدة عليها وعلي طفولتها رغم سنها
سمعت جنه ضحكته وتوقفت وذهبت لتضئ المكان /هو انت يا جذمه يا عمر هموت بسببك
عمر وهو يتخذ الهروب / لا مش انا الجن يا روحي
جنه وهي تركض خلفه بحذائها / جن اما يلبسك يا جذمه انت تعالي هنا والله ل…… آآآآآآه
نظر عمر وجدها. سقطت بسبب السجادة اخذ يضحك عليها بشده
وهي تنظر له بغيظ شديد / طب والله يا عمر لاوريك
نهضت جنه وركضت خلفه وهو فقط يضحك
في الصباح
كانت نور تجلس وتنظر أمامها بشرار وتمسك سكين 🔪 تغرزه في الطاوله بشده وهي تتخيل رقبه هذه الحقيره تحت السكينه
نظر عبدالرحمن لدانه وبلع ريقه من الخوف
دانه وهي تهمس لعبدالرحمن / امك ناويه علي نيه سوده
عبدالرحمن / ربنا يستر علينا
نور وهي تنظر لهم بعيون تقدح شرار / بتتوشوش في ايه ياض انت وهي ها
عبدالرحمن / ابدا ياست الكل ده انا بقول لدانه نطلع نجهز اوضه الضيوف ل…… ا آآآآآآه
لم يكمل كلمته بسبب قيام نور بالقاء شبشبها عليه
عبدالرحمن / ايه يا نور الغشوميه دي
نور وهي تصرخ / نور يا قليل الادب هو عشان كبرت هتتصاحب عليا
دانه / صلي علي النبي يا جماعه ده شيطان ودخل بينا
نور وهي تنظر لهم ببسمه مختله / واد يا بعده انت والهبله اختك
عبدالرحمن / تسلمي يا حاجه عايزه ايه
نور بشر / مش وانتم صغيرين كنتم بتعملوا فيا مقالب
دانه وهي تضحك / ودي حاجه تتنسي يا حاجه ده احنا كنا بن…
توقفت عن الكلام حينما لمحت نظره نور
دانه / احم كملي يا حاجة
نور / ابوكم راح يستقبل الست دي من المطار
عبدالرحمن / ست مين ياما دي فورتيكه والله
نور / وانت شوفتها فين ياض
عبدالرحمن / ياختتتتي يا نور علي اللي شوفته شوفته ايه واحده ناقصها اتنين فولت وتنور
نور بغيظ / وابوك جايبها تقعد معانا في البيت بنت المضايقه ابوك عايز ينقطني
دانه / بس انت الأصل ياعسل انتي عارفه مالك ملهوش غير نور برضو
نور وقد هدأت قليلا / بس برضو لازم نرحب بيها
عبدالرحمن وهو ينظر لدانه / والله ونرجع ايام الشقاوة ياكبير
دانه وهي تضحك بخبث / ده الواحد هيتمتع إنما ايه
عبدالرحمن وهو يغمز لنور / قول يا كبير وسمعني عايزه تعملي ايه
نور ببراءه / ولا حاجه بس عايزه أرحب بيها علي اكمل وجه دي ضيفتنا برضو
عبدالرحمن / وجب يا كبيره
دانه / اشطا بقي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)