رواية بنت الشيطان الفصل الخامس والأربعون 45 بقلم رحمة نبيل

رواية بنت الشيطان الفصل الخامس والأربعون 45 بقلم رحمة نبيل

رواية بنت الشيطان البارت الخامس والأربعون

رواية بنت الشيطان الجزء الخامس والأربعون

رواية بنت الشيطان الحلقة الخامسة والأربعون

الفصل الثامن عشر
نظر قاسم بتعجب لدانه وهنا أدرك انها لا تعلم بوضع ليث أشار لها برأسه بتحذير الا تظهر شئ
تفهمت دانه الأمر / احم اكيد يا فندم خلال ساعات هكون مترجماه
ليث بلهجه لا تقبل النقاش / ساعتين ويكون جاهز
فتحت دانه عينها بصدمه كبيرة وتحدثت / س… ساعتين مين انا
ابتسم بسخريه / ايه يا استاذه دانه مش هتقدري عليهم ولا اية
نظرت دانه بغيظ شديد له / لا هقدر يا فندم بس هترجمه فين ومكتبي مش جاهز
ابتسم ببرود وأشار برأسه تجاه الاريكه
ثم قال بهدوء وبرود يتخلل صوته / تقدري تخلصي كل شغلك هنا
كانت علي وشك الاعتراض ولكن لاحظت نظرات قاسم وهي تحذرها الا تفعل فهو يعلم صديقه جيدا لا يحب أن يناقشه احد في اي قرار له
دانه وهي تتحدث بغيظ شديد / حاضر أوامر تانيه
ابتسم ليث بتسليه
نظر له قاسم بغباء هل رأي صديقه يبتسم الان اخرجه من شروده صوت ليث / في حاجه تانيه يا قاسم
قاسم / لا بس
قاطعه ليث / تمام اتفضل انت لو احتاجتك هكلمك
نظر له قاسم بحاجب مرفوع هل يطرده الان ام انه يتوهم ذلك
قاسم باستهزاء / وده من امتي يا عنيا
ليث ببسمه برود / من دلوقتي اتفضل يلا
قاسم وهو يتمتم / ايه التهزيق دة عيل طور مش بيفهم
ليث ببرود / لو قومتلك هعرفك من الطور يلا امشي
قاسم وهو يأخذ اشياءه / هغور اهو هغور ياخي يلعن ابو دي معرفه جيبالي قله القيمه
ليث / بتقول حاجه
قاسم بسخريه / سلامتك يا حبيبي عايز حاجه
ليث بسخريه / لا يا قلبي عايز سلامتك
اخذ قاسم اشياؤه ورحل تحت نظرات دانه المتعجبه من هذه النظرات
ليث /هتفضلي تبصي كتير مش هتشتغلي
دانه بغيظ / بص بقي انا سكت كتير بس والله لو……. ااااه
صرخت دانه بفزع حينما وجدته اقترب منها بسرعه كبيره واقترب من اذنها وهمس / لو ايه
دانه بجسد متيبس / ها
ليث بصوت خافت جدا / لو اية
دانه / لا مفيش لو يا ريس ده كلام عيال انت هتاخد علي كلام العيال
ليث وهو يبتعد بضحك / لا واضح اني هتسلي اوي الايام الجاية
نظرت له دانه بغيظ وهو يتجه لمكتبه /اوووف هتوقف قلبي يا شيخ يخربيت حلاوتك يا جدع ايه ده
سمعها ليث وضحك بشدة عليها
دانه في نفسها وهي تكاد تبكي / يارب يكون افتكر نكتة من اسبوع وبيضحك عليها
عبدالرحمن وهو ينظر لها بألم بسبب دموعها وحدث نفسه كأنها امامه / بتبكي ليه
علي مسافه منه تمكنه من سماعها
رحمه بدموع بسيطة / والله مش زعلانه علي نفسي يا عم يونس انا عادي بس…. بس اهلي يا عم يونس
يونس / وانتي يابنتي هتدمري نفسك كده
رحمه وهي تمسح دموعها / اعمل اية يا عم يونس ده شرطه عشان يرجع لينا الملجأ شرط انه…. انه اتجوز منه
نظر عبدالرحمن بصدمه ماذا تقول هذه زواج مِن مَن هي تمزح اكيد
يونس / هتتجوزي واحد بيساومك علي عيلتك وبيتك يا رحمة عمري ما عرفتك كدة ضعيفه
رحمه وهي تنظر له وتبتلع ريقها / انا رفضت يا عم يونس
يونس ببسمه / ده الصح بإذن الله ربك ييسر الأمور
رحمه وهي تنظر له / انا حاسه اني مش كويسه دمرتهم عشان مصلحتي وهشردهم بسببي
يونس / متقوليش كده انتي كنتي بجد هتظلمي نفسك
رحمه وهي تأخذ حقيبتها / ربك يدبرها يا عم يونس اسفه لو كنت ازعجتك بمشاكلي بس انا بجد كنت عايزه اكلم حد ضروري
يونس / متقوليش كده يارحمه انتي اكتر من بنتي وانا هنا في اي وقت
هزت رحمه رأسها ببسمه باهته ثم رحلت تحت نظرات عبدالرحمن الذي سمع كل شئ لن ينكر كم الراحه للتي إصابته عندما سمع رفضها للزواج
ابتسم وأخرج هاتفه / الو يا سمير محتاجك في خدمه
مراد وهو يتنهد بملل وينظر لصغيرته التي تجلس أمامه وهي تهز قدمها بسرعه وغضب / ما سبتنيش اجبها من شعرها ليه ها
مراد بملل / يا روجى مش فاهم انتي متعصبه ليه دلوقتي
نظرت له والنيران تشتعل في عينها / متعصبه ليه واحد نازله معاك وبتركب معاك عربيتك واجي الاقيها واقفه معاك اتعصب ليه مليش حق والله
مراد وهو ينهض ويجلس مقابلها وامسك يدها / روجى انتي عارفه مين اللي ساكن هنا (أشار لقلبه) مفيش غير روجى بس هي اللي هنا روجى انتي مش بس زوجتي وحبيبتي انتي بنتي وصاحبتي وكل حياتي يا روجى عمري ما في يوم فكرت ولا عمري هفكر اني ابص بس مجرد نظره عابره لوحده تانيه لان ببساطه انتي بس اللي ساكنه قلبي يا روجى اوعي في يوم بس تفكري اني هبص لغيرك يا روجى
روجى بدموع /غصب عني بغير يا مراد اعمل ايه يعني
جذبها لاحضانه وقبل رأسها / تزعلي يا عمري ماشي بس اوعي تبعدي عن حضني ابدا فاهمه يا روجى
هزت رأسها ببسمه
كانت نور تجلس وتنظر لايميلي بنظرات مشتعله
ابتسم مالك في نفسه علي صغيره فمهما كبرت ستظل صغيرته الجميله
نفخت نور خدها بيغيظ وهي تنظر لهذه الايملي وثيابها القصيره التي انحصرت عن قدمها واظهرت قدمها بسخاء نهضت نور بانتفاضه وهي تنظر لها بغضب واحمر وجهها بشده وسحبت مفرش الطاوله ورمته عليها بحده وتحدث بالإنجليزية بكل غضب / ارجوكي قومي بتغطية قدمك
نظرت لها ايميلي بحاجب مرفوع ووضعت الغطاء بجانبها وتحدثت بعدم اهتمام / شكرا لك ولكنني بخير هكذا
نور وقد احمر وجهها بشده وامتلئت عينها بالدموع وهي تفكر ان مالك سينظر لها / ولكنني لست بخير هكذا
نظر مالك لها بقلق علي شكلها هذا ودموعها
تحدثت نور وقد تساقطت دموعها وهي تنظر لمالك وتتحدث مثل الطفل الذي بشكي لوالده / خليها تغطي رجليها يا مالك
نهض مالك وذهب تجاهها وسحبها معه لمكتبه وعندما دخل المكتب جذبها لاحضانه بشده وهو يتنهد بألم علي دموع حبيبته وكل ذلك بسببه لانه احضر هذه الفتاه هنا
وكأنه بعناقه لها أعطاها الضوء الأخضر لتنفجر في البكاء بشده وهي تدفن وجهها في صدره وتمسك قميصه بشدة / لبسها قصير اوي يا مالك ومبين كل حاجه
ابتسم علي زوجته الطفله هي تبكي فقط لأن ثيابها قصيره
رفعت نور رأسها من احضانه ونظرت له بانف وخدود حمراء من البكاء / هي حلوه صح احلي مني يا مالك صح و….. و….
لم تكمل كلامها بسبب عودتها للبكاء مجددا سحبها مالك وجلس علي الاريكه واجلسها بجانبه وقام بمسح دموعها وقبل خدها بحنان / قلب مالك انتي عارفه يانور مفيش حاجه حلوه في عيني خالص طالما الحاجة دي متخصكيش لان ببساطة تعريف الجمال عندي بيتلخص فيكي يا نور فيكي انتي وبس انا لو شوفت ملكات جمال عمري ما هفكر فيهم او اني حتي ابص عليهم لأنهم ببساطه مش نور
ابتسمت نور علي كلامه وتحدثت بطفوله / يعني هي مش حلوه
ضحك مالك عليها بشده وجذبها لاحضانه / تؤ تؤ مش حلوه
ثم قرصها من وجنتها بلطف / نوري بس هي اللي حلوه
ابتسمت نور عليه ونظرت له بحب شديد ولكن فاقوا من هذه الحاله وهم يسمعون صراخ ايملي
خرج مالك ونور بسرعه ونظروا بصدمه وجدوا ايملي تنظر لثيابها الملوثه تماما بالعصير بصدمه كبير
وسمر تحمل كأس عصير فارغ وتنظر لها باسف مصطنع / اوووبس اسفه لم اقصد
اغمض مالك عينه وزفر بحنق شديد
خرج سراج من الشركه الخاصه به وصعد لسيارته وانطلق بها السائق نظر سراج أمامه وجد مالك يتصل به أجاب سراج ببسمه / مالك باشا بنفسه
مالك وهو يتنهد بملل / تعالي خد مراتك يا سراج بدل ما هسلمها ليك جثه
سراج بضحكه عاليه / ليه بس يا كبير دي حتي قالتلي انكم وحشتوها فحبت تروح زياره
مالك بسخريه / زياره؟؟ مراتك هتولع في ايملي
سراج بضحك / ما هو اساسا…..
ايه يابني انت رايح فين كدة مش ده الطريق
انتبه مالك له جيدا
السائق بخبث / لا ده طريق مختصر يا…. يا صقر
نظر مالك للهاتف بصدمه انقطع الاتصال بسراج اتصل مجددا بيه ولكنه مشغول ثواني وتم غلق الهاتف
نظر مالك بجنون للهاتف
نظر خلفه وجد نور وسمر مع ايملي
خرج بسرعه وصعد لسيارته / الو عبدالرحمن حصلني علي مستشفي مازن
علي الجانب الاخر كان عبدالرحمن يفكر بتعجب لماذا صوت والده هكذا يبدو أنه متوتر او قلق لم ينتظر دقيقه اخري وصعد لسيارته بسرعه كبيره وانطلق لمشفي مازن
نظرت دانه لهذا البارد الذي يعمل منذ ساعات هي ستجن كيف يعمل وهو لايري شئ لاتنكر مهاراته في الكتابه علي الكومبيوتر كان يكتب بسرعه كبيره تأملته قليلا ملامحه تنبض بالرجوله بشره قمحيه لحيه يتخللها بعض الشعيرات البيضاء التي تزيده هيبة ووقار واكيد وسامة وشعره المصفف بحرفيه حقا وسيم جدا استفاقت علي حديثه لها / قمر مش كده
صدمت وفتحت عينها بشده هل يري
دانه وهي تتحدث بخفوت / هو شافني ولا ايه
ضحك هو ببرود / لا مش بشوف بس صوت كتابتك علي الكيبورد وقف فقلت كده وانتي اثبتي الجمله عليكي يعني انا كنت بخمن بس
ابتلعت ريقها بصدمه / يخربيتك اسود من مالك لا ده انا اخليه يشوفلك شغلانه معاك دة انت هتفيدهم والله
ضحك بشده عليها
نظرت بصدمه / لا انا ابتديت اخاف بجد
نهض ليث وسار تجاهها نظرت هي له بتعجب بسبب اقترابه منها / ايه
اقترب هو أكثر من مكانها
دانه / في ايه يا عم بتقرب كدة ليه
تجاهل هو كلامها
دانه بغباء / لا بص هتقل بعقلك والله هصرخ والم امه لا اله الا الله عليك وافضحك
تجاهلها مجددا
دانه / ايه يابا انت بتسمع دبة النمله ومش سامعني
ابتسم هو بسخريه وانحني بجسده عليها
دانه / بص استهدي بالله كده مش معقول يعني تعمل الحركات دي وانت راجل كباره كدة وليك مركزك
اقترب اكثر ومد يده خلف رأسها
اغمضت دانه عينها / انت بتعمل ايه
فجأه شعرت بعطره يتخلل حواسها بينما هو ابتسم علي حديثها
ثواني وشعرت بالهواء يلفح بشرتها نظرت وجدته ابتعد عنها وعاد لمكتبه نظرت له بتعجب / وجدته يحمل كتاب نظرت خلفها وجدت مكتبه عملاقه مليئه بالكتب اذا كان فقط يريد كتاب ولكن كيف علم مكان هذا الكتاب وكيف سيقرأه الا اذا كان نظرت لأكتب وامسكت أحدهم وجدته بطريقه برايل نظرت له بحزن شديد علي حالته
بينما هو كان يبتسم وهو يتذكر كلماتها
دانه / تلاقيه بيقول عني هبله دلوقتي لازم يعني أحرج نفسي اوي كدة ايه الهبل دة بس يارب
بينما هو ابتسم بشدة ولكن لم يظهر ذلك هو لم يرد الكتاب علي اي حال فقط أراد معرفه رده فعلها اذا اقترب منها هي مجنونه حقا
عادت رحمه الملجأ وجدت الجميع يجلس في الحديقه وملامحهم تنطق بالحزن تحدثت رحمه بألم / كله بسببي
رفع الجميع رأسه لها
رحمه بدموع / كله بسببي انا السبب في اللي حصل وهيحصل فيكم كلكم انا انانيه اوي
منال وهي تنظر لرحمه بحنان ثم نهضت وعانقتها ومسدت علي ظهرها / متقوليش كدة يا رحومي انتي لو كنتي وافقتي علي عرض الشخص ده انا كنت رفضت بعدين ده انتي ربك رب كريم وعوضه كبير مش ده كلامك برضو ولا نستيه يا عمري
رحمه ببسمه وهي تمسح دموعها / عندك حق وانا هخرج وهدور علي اي شقه علي قد الفلوس اللي معانا لحد ما ربنا يصلحها من عنده ونلاقي مكان تاني
أنور / احسن تستاهلوا عشان طمعانين فيا وفي فلوسي شوفوا ربنا عمل فيكم ايه بكره ارجع بيتي وانتم تنشردوا كده في الشارع
نظروا له لثواني بتعجب سرعان ما انفحروا في الضحك عليه
احمد وهو يقترب من رحمة ومنال / انا هنزل ادور علي شغل يا ماما وهساعدكم
نظرت له منال بفخر / لا يا حبيبي انت هتاخد بالك من اخواتك الفتره الجايه احنا مش عارفين ايه اللي جاي بس طول ما انت واخد بالك منهم هنطمن
احمد بحزن / كنت عايز اساعدكم يا ماما مش عايز اسيب الحمل كله عليكي انتي ورحمه
رحمه وهي تنظر له بفخر وتمسد علي شعره / قلب رحمه والله يا ابوحميد مفيش حمل ياباشا ابدا انتم مش حمل اوعي تقول كده احنا كلنا عيله وهنعدي الظروف دي مع بعض كلنا اتفقنا
هز احمد راسه
رحيل / وانا اوعدكم انا وماني مش هنتخانق لحد ما الظروف دي تخلص
رحمه بضحك / كتر خيركم
حمدي / وانا كمان مش هاكل حلويات كتير لحد ما نخلص الظروف دي
رحمه /ياريت يا حمدي تبطلها خالص حتي بعد الظروف مش مفلس امي بسببها
حمدي بضحكة / موعدكيش بس هحاول
نظرت منال لاولادها وضحكت بشده عليهم وضمتهم إليها / ربنا يخليكم ليا
أنور بتذمر مثل الأطفال / يعني خطفني وحرمني من حنان العيله ومش عايزين تحبوني معاكم
ضحكت رحمة وذهبت اليه وعانقته/ ده قلب رحمه يا ناس حبيبي يا أنور والله
كان مازن يجلس في مكتبه يعمل علي بعض الورق فجأة وجد شخص يقتحم غرفة مكتبه بعنف نظر بغضب شديد ولكنه تحول لقلق حينما وجده مالك وملامحه توحي بالتوتر والقلق
مالك بقلق / سراج حصله حاجة
*لاوعاوزين تخشو الجروب الروايات علي الواتساب كلموني علي الرقم ده*
‏*https://wa.me/+201288715026?text=ممكن-ادخل-جروب-الروايات-
نظرت ايميلي لهم / احم احم معذرة هل يمكنني أن أعرف اين هي غرفتي
نور وهي تدعي الأسف / انها الغرفه في الجزء الشرقي
نظرت سمر وهي تدعي الصدمه / يالله الجزء الشرقي يا لها من مسكينه
نظرت لهم الفتاه بخوف فهم يتحدثون الانجليزيه / ماذا به الجزء الشرقي
نور وهي تنظر لها بشفقه / لقد
قاطعتها سمر بدراميه / ارجوكي يا نور هكذا ستخاف
ايميلي بخوف ماذا هناك
نور وهي تدعي الشفقة / لا شئ
ايملي وهي تنظر لهم بقلق / حسنا
نظرت لها سمر نظرة مدققه/هي البت دي معندهاش لبس ولا اية ايه القرف اللي هي لابساه ده
نور بحنق / انا عارفه مالك جايب الأشكال دي منين اووف
سمعوا صوت من خلفهم / اوووووه انظروا الي هذه الجميله
ثم أطلقت صفير / بعترف الصراحه مالك ذوقه ايه قشطه
نظرت نور لجميله بغيظ / شوفتي يا سمر الجذمه دي عايزه تنقطني
سمر وهي تنظر لجميله بقرف / تجاهليها يا حبيبتي بعدين ده غلط أسد اساسا اية بنات مصر خلصت عشان يروح يجيب من بره هو اللي فتح علينا فتحة المستورد ده
ثم نظرت لنور / تقريبا مالك هيعمل زيه عشان كده استورد الحته اللي قدامك دي
ساره وهي تدخل / ايش هالمزه يا بنتي يخربيتك صاروخ أرض جو لا صاروخ ايه دي قاعدة صواريخ متحركة
نور / شايفه دول بنات وعملوا كدة امال الرجاله اه يا حوستي السوده يانا ياما
جنة وهي تدخل / ايه ده جايبين نسوان الله اكبر
جميله وهي تنظر لها وتغمز / ناقص خمره ههههههههه
سمر / والله اتصل بالبوليس يجي يلمكم كلكم يا كلاب يعني بدل ما تقفوا جنب البنيه جايين تعاكسوا في الكراميل دي
نور وهي تنظر لهم / اخص إلهي اشوفكم في مكاني منك ليها
ايملي وهي تنظر لهم بملل / اسفه لأنني قاطعت حديثكم هل يمكنني معرفه اين هي غرفتي
ساره / دي حلوه جوي يا واد يخربيت السكر اللي بينقط منها
جميله وهي تنظر لها بهيام مصطنع / ممكن تقولي جميله مره
سمر وهي تنزع حذائها / الواضح انكم فايقين وجايين تتسلوا تعالوا بقي
ركض الجميع وهو يصرخ وخلفهم سمر
بينما نور نظرت لهذه الفتاة وتنهدت بضيق ثم نهضت / هيا اتبعيني يكش نخلص بقي
اخذتها نور لغرفتها / هذه هي الغرفه التي ستقمين بها يكش نخلص من دي فتره يا شيخه
نظرت لها بتعجب / عفوا لم أفهم
نور / احسن اقصد لا شئ ارتاحي قليلا
ثم تركتها وهبطت الاسفل وجدت الجميع ينظر لسمر بشفقه وسمر فقط تنظر أمامها وكأنها في عالم آخر
نور برعب وهي تقترب من سمر / مالك يا سمر مالها سمر يا بنات
جنه بدموع / في ناس كلمتها وبلغتها ان…. انهم خطفوا سراج
عبدالرحمن وهو يفرك زقنة بحيرة وينظر لهم / مين في مصلحته انه يخطف عمي سراج
مازن وهو يحاول التركيز / معرفش مين سراج سايب الخدمة من زمان اوي فملهوش اعداء الا لو كانوا أعداء من السوق أو منافسين
مالك وهو يفكر / ما ظنش لو كانوا فعلا منافسين زي ما بتقول كانوا عملوا اي حاجة اغتيال سرقه ورقه تهديد او خطف اي حد من عيلته اما خطفه هو شخصيا مش هيفيدهم بحاجه ابدا
مراد / ليه ما يكونش شخص قاصد يأذي عمي مالك فخطف عمي سراج لانه عارف عمي مالك اكتر واحد
اسد /ده احتمال فعلا بس مين اللي ممكن يعمل كدة وازاي هنوصل ليهم
مالك ببسمه خبث / السواق
سمعت سما صوت وصول رساله لها نظرت وجدتها تحتوي علي صور لها وهي في أحضان الشباب وصور لها وهي تأخذ المخدرات من احد الأشخاص وصور وهي تستنشق البودرة
نظرت بصدمه وخوف شديد من هذا الذي يهددها بهذه الصور وماذا يقصد بذلك نظرت برعب للصور مجددا علي امل ان تجد اي شئ يخبرها انها مزحه من احد اصدقائها ثواني ووصلت رساله لها علي هاتفها / اتمني يكون الفوتوسيشن عجبك يا قطه أصله عجبني اوي فقولت اوريه ليكي ومين عارف يمكن اوريه لاسد باشا او خالد ده هيحصل بس في حاله رفضتي طلبي انتظري مني رساله ابلغك فيها اللي عايزه سلام يا…….. يا قطة
القت سما الهاتف وأخذت تلطم علي وجهها برعب / يا نهاري يا نهاري روحت في داهيه بابا هيقتلني يا نهاري يا خربيتك ياسما يا خربيتك يا سما

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)