رواية بنت الشيطان الفصل السادس والأربعون 46 بقلم رحمة نبيل

رواية بنت الشيطان الفصل السادس والأربعون 46 بقلم رحمة نبيل

رواية بنت الشيطان البارت السادس والأربعون

رواية بنت الشيطان الجزء السادس والأربعون

رواية بنت الشيطان الحلقة السادسة والأربعون

الفصل التاسع عشر
استيقظ سراج علي دلو ماء سقط علي وجهه فتح عينه بانزعاج كبير ونظر أمامه بملل وجد شخص أعاد له الذكريات القديمه
سراج /كده ياراجل مايه ساقعه اخد برد كده
نظر له الرجل بشر كبير /اوووه الصقر هنا بنفسه
سراج وهو يرفع رأسه اليه ببسمه مستفزه / شوفت التواضع
الرجل بانزعاج / لا تتحدث بالعربيه
سراج / الله وانت مال اهلك انت اتكلم باللي عايزه بعدين انا بعتب عليك يا مارتن ينفع يعني شغل الستينات ده يعني ترشي السواق وترش مخدر مش مقدرني انت يعني انا كسراج كنت بفضل مثلا تطلع عليا عربيات كتير كده وتقطع الطريق علينا وانزل انا بقي بالمسدس واحاربهم لحد ما واحد يضربني بغدر من ورا واقع وتقوم تجبني بقي وتعذبني علي الاقل اتعب شويه يا اخي بس انت بتسترخص يعني بس عموما مش مشكلة انا اساسا كنت زهقان والصراحه حبيت اللعبه اوي لا وفرحت لما لقيت السواق بيطلع المخدر وبيرشه فاكر اني مش هعرف امنعه لو عايز بس تقول اية الفضول كان قاتلني اني اعرف مين اللي عايز يخطفني فأنا كملت معاه اللعبه
نظر له للرجل بغضب شديد / انت ماذا تقول تحدث بلغه افهمها
سراج بملل / اذهب من هنا يا مارتن فرأسي يؤلمني ولست في مزاج للتحدث انا أتيت هنا لسبب واحد وقد عرفته
مارتن بغضب وهو يقترب منه / اتظنني امزح معك ها أنت سوف إريك عواقب ما فعلت وانت لم تأتي هنا بارادتك بل انا من قمت بخطفك
نظر له سراج ببرود سرعان ما انفجر ضاحكا / اه يا رجل لم أعرف انك مرح حسنا اسمعني انت لم تختطفي بل انا من جئت بإرادتي ولم اقاوم واذا لم أكن اريد المجئ فلم أكن لاكون أمامك الان كل ما في الموضوع انني عندما رأيت هذا الأحمق يخرج المخدر كان يمكنني قتله في نفس اللحظة ولكن امممممم يمكنك القول انه مجرد فضول لأعرف من هذا الشخص الذي يهتم بي بعد هذه السنين من ترك الخدمة ولكن انظروا من انه مارتن لا كوستر شقيق اداورد لا كسوتر الذي تم قتله علي يدي بابشع الطرق نظر له مارتن بغضب جحيمي / انت يا حقير سوف إريك كيف انتقم لاخي منك الذي قمت بقتله
نظر له سراج ببرود / هذا يعتبر انتقام يا عزيزي ألم تسمع به أخاك قتل زوجتي يوم زفافنا لذا ما فعلته هو مجرد رد فعل لا أكثر ولا أقل
مارتن وهو ينظر له بغضب / تذكر انك من بدأت هذه اللعبه وانا من سأنهيها
سراج وهو يتحدث ببرود / تؤ تؤ تصحيح اخاك من بدأ باللعبه وانا من سأنهيها يا عزيزي بموتك انت ومن يعاونك
نظر له مارتن بصدمه
فضحك سراج بصخب / لا تقل انك ظننت انني لن اعرف ان هناك شخص يعاونك اه مارتن يا عزيزي انت أضعف من ان تفعل شئ بمفرد اعلم ان التنظيم للخطف ضعيف ان لم يكن معدم ولكن في النهايه هذا خطف والشخص الذي ساعدك سأعرفه يا مارتن
اقترب منه مارتن وتحدث بظلام / سأنتقم منك يا صقر علي كل ما فعلته بعائلتي
سراج بسخريه / هيا يارجل ان هذا كان منذ 20 عام حقا ان قلبك اسود
مارتن وهو يضحك بشر / قتلت اخي ثم قمت بالهجوم علي وسُجنت بسببك ولكن خرجت مجددا منذ يومين وعاهدت نفسي ان انتقم منك
سراج بنظره بارده / افعل ما تشاء يا مارتن فكما تعلم انا لا اخافك يا رجل انظر الي نفسك شعر اصفر وعيون ملونه ونمش أعني من يمكنه ان يخاف منك أن حتي لا تشبه رجال العصابات هيا انصرف واتركني ارتاح قليلا
نظر مارتن لبروده بجنون كبير ثم صرخ / اقسم ان اجعلك تندم
ثم تركه وخرج نظر سراج في اثره وزفر بضيق / طلعلي منين ده بعد كل السنين دي الله يحرقك يا مارتن بالمايه اللي رمتها عليا دي اوووف
عبدالرحمن وهو ينظر لمالك ويبتسم بشر / ده سيبه ليا انا هعرف منه اللي احنا عايزينه
مالك وهو يبتسم لعبدالرحمن / تمام السواق عليك عايز اعرف كل حاجه عنه ومين اللي قاله كدة وازاي وصله
عبدالرحمن / اعتبره حصل يا شيطان
مالك ببسمه خبيثه / مع اني عارف مين اللي ممكن يعمل كده
مازن بتعجب / قصدك مين
مالك وهو ينهض / هتأكد وابلغكم
ثم رحل نظر مازن لهم / الموضوع ده ما يوصلش للبنات ابدا محدش ضامن ايه اللي ممكن يحصل ليهم خصوصا سمر
هز الجميع رأسه وهم يفكرون ماذا سيحدث
عبدالرحمن وهو ينهض / احم طب انا عندي موضوع هخلصه الأول يا جماعه عن اذنكم
ثم تحرك بسرعه قبل أن يسمع رد احد
ذهب لسيارته وقادها حتي وصل لاحد السيارات توقف وهبط من سيارته
نظر للشخص الذي يقف بجانب السياره / جبت اللي طلبته منك
ابتسم الشخص الاخر ومد يده بشئ / امسك يا كبير اول ما الناس عرفت انك محتاجه رحبت بالموضوع جدا ومسألوش ليه حتي
ابتسم عبدالرحمن بحزن / ربنا يكرمهم يارب دايما ويعوضهم خير شكرا يا سمير تعبتك معايا
سمير ببسمه /تعب مين يا عبيط بس انت اخويا
عانقه عبدالرحمن / ده العشم برضو ياباشا يلا امشي انا عشان الحقهم
سمير / مع الف سلامه يا كبير
ابتسم عبدالرحمن وذهب لسيارته وقادها حتي وصل لمكانه المنشود نظر له بشرود طويل ثم دخل اليه نظر في كل ركن وكل زاويه بحزن وهو يتذكر صديقه
Flash back
عبدالرحمن وهو ينظر للمنزل الكبير الذي يحتوي علي ثلاث طوابق وباحه أمامية واسعه بها أشجار وورود/ ايوه بقي علي الناس الرايقه اللي جهزت عش الزوجيه
شادي وهو يصتنع التكبر / يا بني هو انا شويه ولا اية
ثم نظر للمنزل /بس اخدت بالك انت انه تلات أدوار ده للأولاد بقي
ضحك ناصر وهو ينظر لصديقه بتعجب / اولاد مين يا شادي يا حبيبي ده انت لسه متجوزتش
شادي / ليه بتكسر مقاديفي يا جدع باعتبار ما سيكون يعني
مينا / الف مبروك ياباشا عليك البيت جميل وواسع عشان نلعب فيه كوره
نظر شادي لهم بقرف / بقولك بيت الزوجيه والأطفال والأحلام تقولي كوره يا تافه
نظر له مينا بتذمر ثم اخرج كرة ⚽ من حقيبته / امال انا جايب الكوره دي ليه مش عشان نلعب بيها ولا ايه
نظر ناصر للكره ثم أخذها منه / يلا ياض يا مينا هنلعب ماتش محترف انا وانت وشادي وعبده
مينا وهو ينظر له ويضحك / لا ياعم انت مش بتعرف تلعب هلعب مع عبده
ناصر بقرف / صدق انت واطي يلا غور يلا
سمير وهو يدخل للمنزل / وانا الحكم يلا
شادي بضحك / ده انتم مقررين بقي يعني اول حاجه هعملها في البيت هتكون ماتش كوره
ناصر / يا اخي افرح يعني حد ضامن عمره مين عارف مش يمكن تكون ذكري حلوه بعدين
اخذ عبدالرحمن الكرة ثم ألقاها / يلا نبدأ
واخذ للجميع يلعب وتعالت أصوات الضحك بينهم
بعد الانتهاء نظر عبدالرحمن لناصر ومينا / احنا اللي فزنا يا حلوين يلا بقي اطلبولنا الغدا
مينا لناصر / شوفت اهو اتدبسنا في عزومه بسببك
ناصر بملل / خلاص يا خويا مش هتذل اهلي يعني
عبدالرحمن بضحك / بس بس العزومة اساسا علي حسابي بمناسبه البيت الجديد والاكل زمانه في الطريق
هجم عليه الجميع وهم يضحكون
عبدالرحمن وهو يضحك بصوت عالي / بس ياض منك ليه كسرتوا ضهري يا تيران اوعوا كده
Back 🔙
نظر عبدالرحمن للمنزل بدموع /كان عندك حق يا ناصر انها هتبقي ذكري حلوه بس مكنتش عارف انها هتبقي ذكري ليكم
ارتفعت أصوات بكاءه لتملأ المنزل الذي سبق وامتلأ بضحكاتهم عبدالرحمن وهو يتذكر كلامهم وضحكهم / والله ما نسيتكم وحقكم هيرجع نظر للمنزل بدموع / اهلك في عيني يا ناصر والله ومينا وشادي برضو
سقط عبدالرحمن أرضا ببكاء / وحشتوني اوي وحشتوني اوي بحاول أبين اني اتخطيت الموضوع بس مش قادر والله ما عارف اتخطي موتكم بسهوله مش قادر يارتني كنت معاكم يارتني
رحمه وهي تنظر لأحمد الذي يظهر الجمود فقط علي ملامحه / فيه ايه يا حج أحمد لاوي بوزك ليه
احمد وهو ينظر لها باختناق / حاسس اني عاله عليكم انا اقدر اشتغل واجيب فلوس ورغم كده مش بشتغل ولا بساعدكم
رحمه وهي تبتسم عليه / ياباشا انت محسسني انك في الأربعينات ليه انت لسه خمستاشر سنه يا احمد يعني لسه حياتك قدامك يا بني خلص تعليم واختار مجال تحبه بعدين ابقي اشتغل وقتها محدش هيقدر يتكلم بس انت دلوقتي لسه صغير
نظر لها بضيق / انا مش صغير علي فكره
رحمه بضحكه / لا مش صغير يا سيدي انت راجل وسيد الرجاله وانا بعتمد عليك تخلي بالك من اخواتك اتفقنا
هز رأسه لها
ثواني وسمعوا صوت اصطدام كبير بالخارج ركضت رحمه وخلفها احمد بفزع
نظرت رحمه لما فعله هؤلاء الصغار / يا نهار ابيض عليكم
نظرت رحيل وماني وحمدي لبعضهم ثم اشاروا لبعضهم في نفس اللحظه وتحدثوا معا / هما السبب
كانت سما تجلس في غرفتها برعب كبير وهي تفكر من يمكن أن يهددها بهذه الطريقه هي سوف تجن قريبا من كثره التفكير في الأمر سمعت صوت رساله تصل لها علي الهاتف ارتجف جسدها وارتعش بشده مدت يدها بخوف وهي تمسك الهاتف ويدها ترتجف فتحت الرسالة وجدت صوره لها وهي في أحضان رفيقها وهو يقبلها بقذاره نظرت لها برعب ودقات قلبها تصم اذنيها شعرت انها تتنفس بصعوبه رأت رساله اخري تصل لها فتحتها بانامل ترتعش وجدت الرساله تحتوي علي عنوان واسفل هذا العنوان مكتوب (انهارده الساعه 9 هكون مستنيكي متحاوليش تتذاكي ابدا او تبلغي حد عشان هتكون صورك وفيديوهاتك كلها عند السيد الوالد واخوكي وعند شباب مصر كلهم هتيجي علي العنوان زي الشطوره وهنقضي وقت حلو مع بعض وهتاخدي صورك وانتي خارجه بس تلعبي كده ولا كده انتي عارفه سلام يا قطه)
القت سما الهاتف بارتجاف وجسد ينبض بالخوف وذكريات تتزاحم في عقلها بشدة
(كانت طفله صاحبه سبع أعوام نظرت لذلك الرجل الذي يصل عمره للاربعين وهو ينظر لها بشهوة /انظروا لهذه الجميله الصغيره اوووه سوف نقضي وقت ممتع يا عزيزتي)
وضعت سما يدها علي اذنها وصرخت بانتفاضه / لالالالالالا ابعد عني ابعد عني لالالا
تلاحقت الأصوات في رأسها
(إحدى الفتيات / من تظنين نفسك انت واحدة منا عاهره مثلك مثل الجميع هنا أصبحتي تنتمين لنا يا فتاه لذا أقبلي بالمره الواقع انتي عاهره قذره)
سما وهي تهتز بعنف / لا مش زيكم انا مش زيكم مش زيكم مش زيكم
رحمه وهي تنظر للاستراحة التي كانت موجودة في الحديقه وهي مفصصه تماما ومكسوره
رحمه بتشنج / ايه اللي حصل ده
حمدي وهو ينظر لها برعب ويبتلع ريقه / ده ده اه اسكتي مش كنا بنحاول ننضف سقف الاستراحه اصل زي ما انتي عارفه المسلم يترك المكان خير مما كان فالمهم يعني واحنا بنضفها وقعت بينا بس اطمني احنا بخير الحمدلله
رحمه / يا اخي يكش تولعوا ايه اللي عملتوه ده كسرتوا الاستراحه يا جذم انتم ايه
ثم نظرت للخشب المتناثر في كل مكان / انتم فصصتوه بايدكم ولا ايه يخربيتكم يخربيتكم
خرج أنور وهو يدفع الكرسي الخاص به وصرخ بهم / هو ايه الصوت ده الواحد ميعرفش يقعد في البيت بتاعه بهدوء ابدا
رحمه بسخريه / بيت مين يا أنور بس
أنور / ايوه انتي يابت انتي اللي عامله كل المشاكل انا عارفك انتي يا مصيبه انتي
رحمه وهي تنظر له بغيظ / ده علي اساس ان فيه ملايكه واقفه قدامك
قالت ذلك وهي تشير للأطفال الذي نظروا في الأرض ببراءه شديده.
أنور وهو ينظر لهم ببسمه / يا حبايبي ملايكه البت الكلبه دي ظلماكم
هز الأطفال رأسهم بحزن مصطنع
رحمه / وحيات امك انت وهي يارب انت شاهد يارب عليهم عشان لما اموت مشلوله محدش يسألا السبب
ثواني وشعرت بأحد يدخل للحديقة نظرت وجدته عبدالرحمن الذي ينظر لها بتعجب وينظر لثيابها بتعجب
حيث كانت ترتدي بنطال واسع وتيشرت واسع جدا وشعرها غير مرتب
رحمه بهمس محرج / اهيه كملت اهي
نظرت دانه لة بملل ثم ارجعت ظهرها للخلف بوجع / اه ياني يا ضهري اللي انكسر
فجأه سمعت صوت منبه نظرت وجدت ليث ينهض ويتجه لها
وجلس علي كرسي مجاور لها نظرت له بتعجب
ليث ببرود / خلصتي
دانه / اه خلصت باقي بس اراجعهم
ثواني وفتح الباب ودخل قاسم وهو يحمل حقائب طعام ويضغها أمامهم / يلا عشان ميت من الجوع
ليث ببرود / حط الاكل وانت ساكت
نظرت له دانه بانزعاج علي وقاحته بدأ قاسم في فتح علب الطعام ووضعها علي الطاوله
قاسم بعدما وضع الطعام / اتفضل اطفح
نظرت له دانه بصدمه
ليث ببسمه بارده / قولت ايه يا قاسم
قاسم وهو يبتلع ريقه / اتفضل حضرتك اطفح
ضحكت دانه عليهم بخفوت وبدأوا في الأكل.
بعد الانتهاء من الطعام نهض ليث واتجه لمكتبه وهو يمسح يده في احد المناديل / خلص اكل يا قاسم واستني عشان تقرأ ليا الورق الاستاذه دانه خلصته ناقص يتراجع عايز اعرف ايه هو الأصلح بينا في العقد وايه هي الرسالة اللي بعتوها
نظرت دانه له وتنهدت بملل الا يرتاح هذا الشخص تركت الطعام واتجهت للورق لتراجعه بينما قاسم يكمل طعام
بعد مرور دقائق نهض قاسم وهو يمسح يده / الحمدلله خلصت
دانه وهي تنظر بتعب للورق/ وانا خلاص خلصت هطبع الورق بس
نهض دانه وأخذت الفلاشه وذهبت المطبعة في الغرفه المجاوره التي سبق واخبرها عنها ليث
عادت لمكتب ثانيه وجدتهم يجلسون علي طاوله الاجتماع ذهبت وجلست ومدت يدها بالورق لقاسم ابتسم لها قاسم وتناول منها الورق
ليث وهو يحدثه / عايزك تخلي بالك وانت بتقرأ من موضوع الشرط الجزائي
هز قاسم رأسه وبدأ ينظر للورق سرعان ما فتح عينه علي وسعها وفتح فمه ببلاهه / ايه ده
كان مالك يجلس بكل برود وامامه احد الرجال وهو يتألم
مالم ببرود / لا تصعب الأمر علي نفسك صدقني لن يتأذي شخص غيرك هنا هيا أخبرني من هو الذي ارسلك خلفي
الرجل بتأوه / لا أحد
مالك وهو يفرك جانب فمه ببسمه مرعبه / اممممم لا أحد اذا انت من تلقاء نفسك كنت تراقبني صحيح
الرجل بالم / صحي…. ا اااااااااه
قاطعه مالك وهو يضربه بحده في بطنه ثم تحدث ببرود / لا احب ان أكرر حديثي هيا يا رجل هون علي نفسك ما سأفعله بك وتحدث
الرجل بألم وتأوه شديد / لا اعرف صدقني لا اعرف
قام مالك بركله مره اخري وأخرج مسدسه / اذا انت من جنيت علي نفسك
الرجل بصراخ / اقسم انني لا اعرف شخص ما حدثني في الهاتف واوكل لي مهمه مراقبتك وكان يتواصل معي عبر الهاتف فقط وتقاضيت اجري من خلال البنك
نظر مالك له بشر ثم انحني له / اقسم لك ان كنت تكذب علي فسوف اجعلك تتمني الموت
الرجل ببكاء والم / اقسم انني صادق لم اكذب بشئ ارجوك ارحمني
مالم وهو ينهض وينظر له / أين هو هذا الرقم
الرجل / هاتفي في جيبي هو آخر رقم تحدثت معه
مد مالك يده واخذ الهاتف ثم نظر له بشرود / اكيد الشخص ده ليه علاقه بخطف سراج
رحمه وهي تنتفض وتصرخ / محدش قالك تساعدنا احنا مش بنشحت منك
نظر لها عبدالرحمن بتعجب منها ومن ردة فعلها
نظرت منال بحده / رحمة اسكتي شويه
رحمه بألم من أن تري اي ذره شفقه في عينه لهم / يا ماما احنا مش محتاجين حاجه ابدا من اي حد انا هجيب شقه بالفلوس اللي معايا وهشتغل بس مش عايزين حاجه من حد
منال بحده / هو انتي مش عامله احترام ليا
رحمه بدموع وهي تركع عند ركبتها /والله يا ماما مش قصدي بس انتي…
منال وهي تقاطعها / ادخلي يارحمه كملي لم هدوم اخواتك
نظرت رحمه لعينها وعلمت انها لا تريدها هنا
هزت رأسها وهي تبتلع غصه في حلقها وتحركت للخارج ولكن لم تنسي ان ارمي نظره حارقه لعبدالرحمن قبل خروجها
نظرت له منال وتحدثت بهدوء / اقدر اعرف ليه حضرتك عايز تساعدنا وعرفت منين باللي حصل معانا
عبدالرحمن بخجل / اصل اللي حصل هو (حكي لها ما سمعه عند عن يونس) بس والله ما كان قصدي حاجه.
منال بخبث / وانت تعرف عم يونس منين
نظر لها عبدالرحمن بخجل
منال وهي تتنهد / اسمع يا بني انا عارفه انك قاصد تساعدنا بس انا مش هقدر اقبل مساعدتك دي ابدا
عبدالرحمن / ليه بس انتي لسه قايله ابني دلوقتي بعدين البيت مقفول ومفيش حد عايش فيه واصحابه في الصعيد غير انه كبير وفي غرف كتير وكمان جنينه كبيره عشان الاولاد
منال / مقدرش اقبله منك يا بني أصحابه مسيرهم هيجي يوم ويحتاجوه وانا مش هحط نفسي في موقف زي ده وابهدل الاولاد تاني معايا
عبدالرحمن باصرار / صاحب البيت يا أمي تعيشي انتي يعني محدش هيحتاجه
منال بتعجب / ازاي وانت لسه قايل هما في الصعيد
عبدالرحمن وقد غامت عينه بحزن / صاحبي البيت دة كان صاحبي وهو استشهد من فتره وده كان بيته بيجهزه عشان يتجوز فيه ويكون قريب من شغله عشان هو من الصعيد بس للاسف استشهد قبل الجواز والبيت من وقتها مقفول وانا استأذنت اهله وهما وافقوا لأنهم مش بيعملوا بيه حاجه
منال وهي تنظر له ببسمه / برضو يا ابني مقدرش اقبله كده من غير حاجه
عبدالرحمن / قصد حضرتك ايه
منال / قصدي لو عايزنا اننا تقبله ونروح نعيش فيه يبقي هنقسط حقه
ليث بتعجب / ايه مالك مش بتقرأ ليه
ابتلع قاسم ريقه ونظر لدانه وهو يكاد ينفجر ضحكا وتحدث لقاسم / متأكد انك عايزني اقرأ ليك الرساله اللي مع العقود منقرأ العقود علي طول
ليث ببرود / لا جايبك عشان تسليني بدل قعدتي دي انت بتهزر يا قاسم اخلص وأقرأ.
قاسم وهو ينظر له بتذمر / طب انت الحر
بدأ قاسم في قراءه الرساله / احم احم السيد ليث جايكوب نجم الجيل وعم الناس
ضم ليث حاجبيه بتعجب
بينما قاسم يكتم ضحكته ويكمل / حبينا بس نوصل الشكر علي اخر صفقه الصراحه الصفقه كانت لوز اللوز ومفيهاش غلطه عشان كده كنا حابين نزود الود والمحبة بينا ونعمل صفقه جديده اهو نسترزق منها قرشين حلوين
قاسم وهو يكتم ضحكته وينظر لدانه / احم نسترزق قرشين حلوين؟؟؟؟ متأكده من الترجمه
هزت دانه رأسها ببسمه فخر / اومال
كل هذا وليث مصدوم من ما يسمعه اكمل قاسم / عشان كده بتبلغ حضرتك لو بعد الشر مفيش قبول يبقي يا دار مدخلك شر وكل واحد مع نفسه اما لو فيه قبول من ناحيتكم فيبفي يا نهار ابيض يا استاذ ممتاز
قاسم وفلتت منه ضحكه وحدث نفسه / يخربيتك دي مش رساله شركه فروزن العالميه دي رساله بوتيك اخر كلام
اكمل قاسم بصوت مرتفع / وهنبقي ننزل مصر بعد ما ناخد الاوك منك عشان نوقع الصفقه وهنلف في مصر شويه ونعمل سياحه بالمره ما بين قوسين داخلين علي طمع بس كان عندنا تعليق علي اخر صفقه ان الشرط الجزائي كان حراق اوي فلو مفيهاش ازعاج ممكن تنزله شويه وبعدين احنا سمعتنا معروفه في السوق ودي مش اول مره تعاملنا مابين قوسين انت وذوقك بقي بس لا مؤاخذة عندنا تعقيب صغنون علي نوع المواد الخام
نفضل انه يكون بعد كده من شركه (اسم كبير مش مهم)
نظر قاسم لدانه
دانه وهي تهز رأسها ببراءه / ايه فعلا اسم الشركه رخم اوي بعدين الأسماء لا تترجم
اكمل قاسم وهو بالكاد يستطيع التحدث من كثره كتمه للضحك / وطبعا يا كبير اول ما نستلم منك الموافقه وان الدنيا بقت حلاوه هناخد اول طياره وهنيجي حمامه علي مصر نرجو الرد العاجل من سيادتكم وشكرا علي حسن استماعكم والسلام عليكم ورحمة الله وبركاته
قاسم بتعجب / اشمعنا اخر كام جملة ترجمتيهم كده
دانه /لان هما كده اترجمهم ايه غير كدة
هنا ولم يتحمل قاسم وانفجر ضاحكا / يا ختي ههههههههههههههههههه يخربيتك ههههههههه هموت ههههههههههه لا مؤاخذه هههههههههههه نجم الجيل وعم الناس ههههههههههههههه وحياه امك يا ليث لتجبني اقرأ ليك اي رساله يا اخي ههههههههههههههههه اول مره اشوف ترجمة بالحلاوة دي ههههههههههههههههههههه
كانت دانه تنظر له ببلاهه / فيه ايه هي الترجمه غلط ولا ايه
قاسم بضحك وقد سقط أرضا / هههههههههههه لا خالص ههههههههه دي صح اوي يعني ترجمه برعايه بدريه طلبه هههههههههههههههههههههههههه
كان ليث يضغط علي يدة بشدة ويغمض عينه حدث نفسه / فعلا مميزه يا آدم
نظرت دانه لتعبيرات ليث ببراءه / مال حضرتك يا مستر ليث هو انت تعبان ولا حاجه
كتم قاسم ضحكته بالقوه حتي لا يغضبه اكثر
ليث ببرود اخاف قاسم / نجم الجيل وعم الناس
دانه / امال يا راجل انت مستهون بنفسك
ليث ببسمه اخافتها / قاسم اخرج واقفل الباب وراك
قاسم وهو ينظر لدانه التي تهز رأسها برفض
قاسم / احم طب هو
ليث / يلا يا قاسم اخرج وبطل كلام
قاسم وهو ينهض وينظر لدانهبشفقه / يا صغيره علي الهم يالوزه
نظرت له دانه بشفاء ملتويه مثل الأطفال
خرج قاسم وحينما سمع سمع ليث صوت الباب تحدث ببسمه مخيفه /كنتي بتقولي ايه بقي
دانه ببسمه غبيه /ابدا مقولتش حاجه
ليث ببسمه مستمتعه / نجم الجيل وعم الناس
دانه / اه والله
ليث / دااااااااااااااااااانه
دانه وهي تتصنع البكاء / انا عملت ايه خيرا تعمل شرا تلقي دي ترجمه ولا اسلام الجيزاوي في أيامه
ليث وهو يكاد يفقد عقلة / انتي ايه……
*لاوعاوزين تخشو الجروب الروايات علي الواتساب كلموني علي الرقم ده*
‏*https://wa.me/+201288715026?text=ممكن-ادخل-جروب-الروايات-
كانت نرمين تجلس في الجامعه وهي تقرأ روايه وتبستم احيانا وتحزن احيانا بينما هو يراقبها من بعيد ولا يرفع عينه من عليها ثواني ووجد مجموعه من الشباب والبنات يقربون منها وملامحها تتحول للامتعاض
احد الشباب لنرمين / ايه يا نيرو هتفضلي طول عمرك مع الكتب كده ما تفكي وتيجي معانا في حفله في بيت ناني هتعجبك اوي
وغمز لها بوقاحه
نرمين وهي تقف وتنظر له بامتعاض / سوري مش بروح حفلات ولا بكلم شباب يلا اتكل علي الله بقي
ناني بدلع كبير /جرا اية يا نيرو انتي اتغيرتي ليه كدة ماحنا كنا بتخرج مع بعض يا قلبي علي طول ونهيص
نرمين بحده لها / كنا ده قبل ما تصاحبي اولاد يا ناني وانا حذرتك انك لو كملتي ومشيتي مع الاولاد يبقي كل واحد من طريق
سمعوا صوت من خلفهم / في حاجه يا نرمين
نظر الجميع وتحدث الشاب بسخريه / لا واضح اوي انك متعرفيش شباب
نظرت له نرمين بحده / احترم نفسك يا استاذ واعرف الأول بتتكلم علي ايه ده ابن عمي وفي مقام اخويا
شتم غيث في سره علي كلمه اخي
ونظر لهم بحد واقترب منه فبان فرق الطول والجسد
فهنا يتفوق غيث
غيث بحده / قسما بربي اشوف حد منكم مقرب منها لكون مندمه عمره كله فهمت
نظر له الشاب بخوف حاول مداراته / اهدي علي نفسك يا جدع كدة احنا بس كنا حابين نفرفشها لو مش عايزة خلاص يلا يا شباب.
نظر غيث لها وجدها تبتسم له / لا بس اية عضلاتك عاملة الواجب وزيادة الصراحه
هز غيث راسه بيأس منها ورحل
نظرت هي له يجهل /ماله ده طب استني طب هروح معاك يا حاج
نظر عبدالرحمن لهذا الرجل الذي يجلس امامه بسخريه / ها يا عبدالمجيد هتقول مين اللي بعتك تخطف عمي ولا نمشيها ميري
ارتعب الرجل من ملامح عبدالرحمن فقال بخوف / والله ياباشا مليش ذنب هو قالي
خبط عبدالرحمن يده بحده / مش شغلي اسمع حكايتك انا بس عايز اسم قولي هو مين وهمشيك
ابتلع الرجل ريقه بخوف / اللي دفعلي الفلوس وقالي اعمل كده
عبدالرحمن بترقب؟/مين
الرجل وهو يكاد يبكي /……….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)