رواية حكاوي فرح وكريم الفصل الأول 1 بقلم ندى وائل

رواية حكاوي فرح وكريم الفصل الأول 1 بقلم ندى وائل

رواية حكاوي فرح وكريم البارت الأول

رواية حكاوي فرح وكريم الجزء الأول

رواية حكاوي فرح وكريم الحلقة الأولى

-ناقص واحد يا كباتن
-في واحد هنا يسطا بس نايم
-صحيه ياكابتن ده ميكروباص اكل عيش مش سرير
-ياكابتن… ياكابتن اصحي عاوزين الاجره
-في ايه علي الصبح
-انت بنت!!!!!!
-نعم عاوز ايه
-الاجره يا انسه
-خد يسطا ومتصحنيش الا لما توصل
“بنت؟!! ولابسه لبس ولد ونايمه كده عادي في ميكروباص كله رجاله ازاي يعني”
-ياانسه.. اصحي ماينفعش تنامي كده
-انت حد مسلطك عليا عشان متسبنيش انام يعني عاوز ايه
-ماينفعش وانتي بنت كده تنامي في ميكروباص مليان رجاله
-انت مالك ايش حشرك يعني انام في المكان اللي انا عاوزاه واسكت بقي عشان دماغي وجعاني
“غطت راسها بالكاب اللي لابساه وكملت نومها عادي… وانا قاعد مصدوم… مبانش انها بنت الا من صوتها لابسه لبس ولادي كله اسود وحاطه كاب علي دماغها خافيه بيه شعرها طريقه كلامها نفس طريقه كلام الولاد”
-ايوه هنا يسطا
-شوف ياكابتن اللي جمبيك ده نازل هنا برضو
-ياانسه اصحي وصلنا
“لاقيتها باصتلي بقرف ونزلت.. مجنونه دي والا ايه..نزلت وراها وفضلت باصص عليها لحد مااختفت من قدامي.. وروحت المكان اللي كنت رايحه”
-هو انا عاميه طلع ياض الخمسين جنيه اللي قلبتها من الست
-مخدتش حاجه والله
-وكمان بتحلف كدب ده انت ليلتك سوده النهارده
-اديها ياابني الفلوس وخلاص خليها تسيبك
“شوفتها تاني بس المره دي في خناقه”
-لو سمحت هو في ايه
-دي خناقه كده واد حرامي بس الاسطا فرح مسكته
“فرح.؟!! اسمها فرح… اسمها مايلقش عليها خالص”
-هي مين الاسطا فرح دي
-دي بت من الحته هنا كانت عايشه مع ابوها وبعد ماابوها مات بقيت بالشكل ده كده بقيت بتلبس لبس رجاله وبتتعامل زي الرجاله بس الشهاده لله هي اللي حاميه الحته دي
-خدي خلاص
-غور من هنا وماشوفش وشك هنا تاني…..اتفضلي ياحجه
-شكرًا ليكي يابنتي
-الشكرلله…..واد ياعبده هات كوبايه الشاي بتاعتي
-حاضر يسطا
“يعني ده كله حصلها بعد وفاه والدها؟! بس بنت تتحول بالشكل ده من رقه البنات لخشونه الرجاله وشخصيتهم ازاي اصلا قادره انها تعمل كده؟!ايه ده وانا مالي ماتعمل اللي هي عايزاه انا جاي اشوف شغلي وخلاص..بس بما انها مشهوره في منطقتها اكيد هتقدر تساعدني”
-صباح الخير…ممكن اقعد
-صباح الذفت..هو انت بتلف ورايا والا ايه مش كفايه اللي عملته في الميكروباص جاي هنا تاني ليه
-قعدت…اصلي عرفت انك مشهوره هنا وكده فمش هلاقي حد يساعدني غيرك
-يساعدك في ايه
-بصي انا مصور وكده فكنت داخل في مسابقه ولازم اصور العشوائيات والمناطق اللي زي دي وبما انك من هنا فاكيد هتبقي عارفه كل شبر فيها فممكن تساعديني وانتي باين عليك بنت بلد وهتساعديني
“بصتلي بتفكير كده…كنت خايف ترفض واخسر المسابقه بس….”
-تمام موافقه اساعدك
-متشكر ليكي جدًا والله وجميلك ده هفضل شايله وكمان انا ممكن اديكي اللي تطلبيه اللي انتي عايزاه هدهولك
-لا ياباشا احنا ولاد بلد زي مابتقول وانا هساعدك عشان انت جتلي تطلب مني وانا مش هرجعك مكسور الخاطر شوف حابب تبدا امتي وانا معاك يا…
-كريم اسمي كريم
-تمام يا باشا
“اتبسطت جدًا انها وافقت بالرغم من شكلها واللي هي فيه ده بس باين انها جدعه وطيبه….. بدانا التصوير بعدها بيومين وقفت معايا جامد فيهم وساعدتني جدًا وحقيقي مشعارف انا بقيت مالي بقيت بحب اتكلم معاها واتعامل معاها بالرغم انها لسه بتعاملني ببرود وخشونه ومشوفتهاش بتضحك ولا مره.. بس البت دي فيها حاجه بتشدك كده….”
-يعني حبك تيجي تصور النهارده في الهواء ده
-معلش ياستي استحمليني شويتين خلاص اخر يوم والمسابقه بكره
-اديني مستحمله اما نشوف….
“في اللحظه دي الهوا كان جامد لدرجه انه طير الكاب بتاعها وكمان…. فك شعرها… هي ازاي حلوه كده شعرها الاسود الطويل اللي بيطير مع الهواء وهي عماله بتشيله من علي وشها عشان تلحق الكاب في اللحظه دي مالقتش حاجه اعملها غير اني ارفع الكاميره واصورها.. اصورها وانا متابعها بعيني وقلبي اللي عمال يدق.. صورتها اكتر من صوره وهي لسه بتجري واول مره اشوفها بتضحك… ايوه ضحكت وهي بتشيل شعرها اللي عمال ييجي علي وشها وانا حاسس انه قلبي قرب يخرج من مكانه… الجمال ده كله مستخبي تحت الكاب والشخصيه الرجوليه اللي بتتعامل بيها…صورتها كتير كتير اوووي كانت فرحانه بالهواء وشعرها هي تقريبًا نسيت انه انا موجود”
-متلميهوش ليه عايزه تحبسيه سيبيه طاير كده انتي ليه كنتي حبساه اصلا.. وليه عامله في نفسك كده ليه مُنتحله شخصيه غير شخصيتك وعايشه في دور الولاد ليه خافيه البنت اللي جواكي ليه عامله كده في نفسك
-عايز تعرف عامله كل ده ليه
-ياريت تعرفيني
-يلا نمشي من هنا ونروح اي حته مش عايزه اتكلم هنا
“خدتها وروحنا اي كافيه.. حقيقي مش فاهم ليه كل ده.. وليه عامله ده كله في نفسها ومخبيه رقه البنات وشخصيتها ليه؟؟!!”
-عامله ده كله عشان مات سندي مات الراجل اللي كنت بتسند عليه والحضن اللي كان حاميني من الدنيا دي.. بعد وفاه ابويا لاقيت كل الرجاله بيبصولي حتي الستات كانوا عارفين اني ماليش ضهر ولا سند كانوا فاكرين اني كده بقيت سهله وانه من حق اي حد يعمل فيا اي حاجه هي خلاث ملهاش حد يسال عليها كان لازم اغير شخصيتي واتحول من بنت لراجل عشان اعرف اني اعيش واعرف اجيب اللقمه واحمي نفسي واهو زي ماانت شايف بقيت الاسطا فرح اللي لو واحد بس عاوز ييجي يتكلم معاها بيفكر فيها مليون مره بعد ده كله لسه بتسال عملت كده ليه
“ماقدرتش اني ارد عليها ولا اقول اي حاجه هي فعلا معاها حق في كل كلمه قالتها الناس مش بتسيب حد في حاله ابدا وخصوصا لو هي بنت زيها كده وخصوصا برضو لو في منطقه زي اللي هي عايشه فيها دي حقيقي هي استحملت كتير واظن انه بنت زيها وتستحمل ده كله المفروض يعملولها تمثال”
-مشعارف ارد عليكي اقول ايه بس كفايه إنك خرجتي كل اللي جواكي واتكلمتي مع حد.. حاسه بايه دلوقتي
-الحمدلله علي كل حال
-فرح
-نعم
-عايزك تيجي المسابقه بكره
-لا طبعا اجي فين انا ساعدتك بس عشان انت جيت طلبت مني غير كده ليه
-دي اخر حاجه هطلبها منك يافرح بالله عليكي وافقي
“بصتلي وهي بتفكر انا فعلا عاوزها تيجي المسابقه هي لازم تيجي”
-طب ماشي جايه
-بجد.. شكرا ليكي اوي يافرح بجد شكرا… يلا قومي
-ااقوم اروح فين
-يلا عشان نجيب فستان للمسابقه
-لا فستان ايه لا طبعا
-هتروحي المسابقه بهدوم الولاد دي
-ماهو..
-مش ماهو يلااااا
-ده حلو؟؟
-اوي خدي خوشي قيصيه هناك
-ايه يابنتي ده كله
-حلو؟!
“طلعت….. كان فستان ازرق منفوش شويه من تحت وبكمام شفافه… كانت فارده شعرها علي كتفها كانت شبهه الاميرات هي ازاي حلوه كده وازاي كانت مخبيه الجمال ده كله”
-وحش صح؟؟ هدخل اغيره
-زي القمر…. ده انتي طلعتي بتتكسفي زي البنات اهو
-حلو بجد
-زي القمر والله يلا خوشي غيريه عشان ناخده
“ابتسمت بفرحه ودخلت تغيره.. عمري ماكنت اتوقع انه البنت اللي كانت بتتخانق مع الولد علي الخمسين جنيه تبقي هي الاميره اللي واقفه قدامي دي.. وعمري ماكنت اتوقع برضو اني اقع في حبها!!!!
روحنا المسابقه سوا… دخلنا انا وهي وقعدنا وجيه دور انه صوري تظهر علي الشاشه عشان الناس تشوفها بس انا ماكنتش مستني انه الناس تشوفها انا كنت مستنيها هي تشوفها ظهرت صورها واللي اول ما ظهرت لاقيتها بتبصلي بصدمه واللي خرجها من صدمه صوت تصقيف الناس وابتسامتها اللي ظهرت ووشها اللي احمر”
-ايوه صورتك ماكنش ينفع اشوف المنظر ده قدامي ومصوركيش
-والان مع اعلان النتيجه…. والفائز في المسابقه هو كريم صفوت
-شكرا ليكم…وحقيقي مشعارف اعبر عن فرحتي بالجائزه دي بس كنت عاوز اقول اني ماكنتش هوصل للمكان ده ولا هاخد الجائزه دي غير بوجودها.. هي اللي ساعدتني اني اصور الصور دي وهي كمان اللي في الصور دي الصور دي انا خدتها من غير ماتاخد بالها خدتها في لحظه عفويه منها هي حتي ماكنتش تعرف اني صورتها وبرضو متعرفش اني بحبها.. ايوه حابب اقول قدام كل الناس دي اني بحبك يافرح حبيتك بهيئتك وانتي عامله ولد وحبيتك اكتر وانتي فرح بحبك يافرح
“كانت بصالي بصدمه وفرحه في نفس الوقت الناس كلها صقفت وهي طلعتلي علي المسرح”
-ايوه بحبك يسطا فرح.. تتجوزيني؟
-وافقي وافقي
-موافقه ياقلب الاسطا♥️
وقابلتك انت
لاقيتك بتغير كل حياتي
معرفش ازاي حبيتك ماعرفش ازاي ياحياتي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)