رواية حكاوي فرح وكريم الفصل الثالث 3 بقلم ندى وائل

رواية حكاوي فرح وكريم الفصل الثالث 3 بقلم ندى وائل

رواية حكاوي فرح وكريم اليارت الثالث

رواية حكاوي فرح وكريم الجزء الثالث

رواية حكاوي فرح وكريم الحلقة الثالثة

-الو ياماما خلاص جايه اهو
-خلصي يافرح الساعه9 يابنتي
-كان عندي حاله ياماما وخلصت وجايه اهو متقلقيش مع السلامه
-اااعععع…
-شششش….بصي انا مش هاذيكي بس انا محتاج مساعدتك
“كان حاطط ايده علي بوقي وهو بيتكلم ومغطي وشه مش باين الا عينيه….حركت راسي بمعني نعم وانا خايفه”
-متقلقيش تعالي معايا
“مشيت معاه وانا قلبي بيدق وخايفه ولسوء الحظ كنت في شارع فاضي مافيهوش حد عشان كده خوفت اكتر….وصلت معاه لبيت”
-بصوت واطي….يلا وقفتي ليه
-انت مين وعاوز ايه واحنا رايحين فين
-قولتلك متخافيش يلا
-انا مش هتحرك من هنا لما افهم في ايه
“لاقيته بصلي بغضب كنت حاسه انه هياكلني خوفت شويه بس استجمعت قوتي عشان لازم ابقي قويه”
-بصي صاحبي فوق متصاب برصاصه وانا معرفش دكاتره هنا غيرك فانتي لازم تيجي تساعديني عشان مافيش غيرك
“لوهله حسيته صادق بس في نفس الوقت الاحساس مش كفايه قعدت ابص علي البيت شويه”
-وانا ايه اللي يضمنلي انك مش بتكدب عليا
-مش لاقي حاجه اضمنلك بيها بس انا معايا اخته فوق وهتطلعي وتشوفي
-خليها تنزل هي واطلع معاها
-انتي عنيده ليه بقولك صاحبي بيموت انتي لازم تساعديه
-وانا مش هطلع الا لما اتاكد انك مش بتكدب
-وانا اسف
“لاقيته قال الجمله دي وانا بصتله باستغراب وفجاه شالني علي كتفه وطلع بيا فوق انا من الصدمه مقدرتش انطق بكلمه بس فوقت وقعدت ازعق واخبطه علي كتفه وهو بيمد شويه في مشيه….. وصلنا قدام شقه ولاقيته نزلني”
-بدموع… انت انسان قليل الادب ومش محترم انت ازاي تعمل كده
-ببرود…. انتي اللي عنيده وانا مش عايز منك غير تساعدي صاحبي مش اكتر
-في ايه؟!
“لاقيت بنت فتحت الباب وبصتلنا وقالت الجمله دي وانا قلبي لسه عمال يدق من الخوف”
-اهدي يادكتوره متخافيش محدش هيعملك حاجه احنا بس محتاجين مساعدتك ارجوكي اتفضلي ومتخافيش
“بصتله لاقيته دخل قبليا وراح يقعد وبصتلها هي كان باين عليها الخوف والتعب اتشجعت شويه”
-تمام
-اخويا جوه في الاوضه دراعه متعور ارجوكي ساعديه ملناش غيرك
“بصتلها وانا ببلع ريقي بخوف وبصتله هو لاقيته شال القناع من علي وشه كان باين في وشه اثار جروح وخرابيش كانه خارج من خناقه”
-طب حضرتك تعالي وريني
-اتفضلي
“دخلت الاوضه لاقيت شاب نايم علي السرير وعلي وشه جروح برضو بس دراعه كانت بتنزف جامد وهما رابطينها بقماشه صغيره جريت عليه بسرعه”
-ايه اللي حصل….. انا محتاجه شاش وقطن ومطهر وحاجات من الصيدليه الجرح لازم يتنضف
-بقلق…. طب هيبقي كويس؟
-متقلقيش هيبقي كويس المهم لازم حد ينزل يجبلي حاجات من الصيدليه
-يا كريم
-ايوه
-ببرود…. لازم حد ينزل يجيبلي حاجات من الصيدليه عشان اطهر الجرح
-حاجات ايه
“قولتله علي الحاجات اللي انا عاوزاها ونزل يجيبها وانا قعدت احاول اوقف النزيف لحد ماهو جيه وطهرت الجرح ولفيته وحاولت اصحي المريض بمساعده اخته واديته مسكن ونام تاني”
-انا بجد مشعرفه اقول لحضرتك ايه بجد انا بشكرك اوي انك ساعدتينا
-ابتسمت…لا مافيش حاجه بس انا ممكن افهم ايه اللي حصله
-مايخصكيش
-وانت مالك انا مسالتكش انت
-هيخف امتي؟
-لازم حد يغيرله علي الجرح كل شويه
-ببرود…. وحد ليه ماانتي موجوده
-هو انت فاكر اني هفضل هنا انا لازم امشي
-مش هتمشي مافيش حد غيرك هنا يساعدنا ومنه بتخاف من الدم والحاجات دي فمافيش غيرك
-طب ماتغيرله انت
-مبعرفش… لو عايزه تكلمي والدتك كلميها وقوليلها انك بايته عند حد من اصحابك وحسك عينك تعرفي حد انك بتعملي حاجه انتي فاهمه
“استفزني بطريقه كلامه وبروده هو ازاي يتكلم معايا بالطريقه دي… بس هعمل ايه.. بصيت علي المريض لازم افضل عشان اساعده مافيش حل تاني… قررت هاخد الفون عشان ارن علي ماما.. لاقيته ساب الاوضه وخرج”
-انا اسفه علي الطريقه اللي هو بيتكلم بيها بس كريم قلقان شويه من اللي حصل لعمر وكده وانه اقرب حد ليه انا بعتذرلك نيابه عنه وانا معاكي متقلقيش محدش هيقربلك بس خليكي معانا لحد مايخف بس
-ممكن اعرف ايه اللي حصلهم
-اتنهدت….كلمي مامتك قوليلها وانا هحكيلك كل حاجه
“حركت راسي بمعني نعم وخدت الفون كلمت ماما عشان اقولها اني بايته عند حد من اصحابي وبالرغم اني عارفه انها مقتنعتش بس وافقت… قفلت معاها وروحت عشان اشوف ايه الحكايه”
-بصي ياستي الحكايه انه كان في سرقه في مكان الشغل بتاع عمر وكريم وهما كانوا موجودين ساعتها ولما عرفوا بالسرقه حاولوا يروحوا يعملوا اي حاجه واشتبكوا مع الحراميه بس للاسف الحراميه هربوا والبوليس جيه وافتكر انه عمر وكريم هما اللي عملوا كده فقعدوا يجروا وراهم وضربوا عمر بالرصاص والحمدلله انه كريم عرف ييجي هنا وجاب عمر وكلمني وجيت وكريم عارف انك دكتوره هنا عشان كده جابك انتي
-طب هما ليه مايروحوش يسلموا نفسهم ويقولوا انهم ماعملوش حاجه
-هيعملوا كده بس بعد ماعمر يخف شويه
“حركت راسي بمعني نعم واتنهدت بتعب…..قعدت افكر في اللي حصل وهل الشرطه هتصدقهم فعلا والا ايه اللي هيحصل”
-دكتوره فرح
-ايوه
-ممكن تشوفي جروح كريم هو مش موافق بس عشان هي بدات تنزف وماينفعش يسيبها
-تمام انا جايه
“روحت للبارد عشان اغيرله علي جرحه المفروض هو اللي ييجي اساسا وال بيقول عليا انا عنيده اومال هو ايه؟!بارد وعنيد ومغرور ورخم”
-يلا عشان اشوفلك جرحك
-شكرا مش عاوز حاجه
-بلاش تبقي عنيد جروحك بتنزف
-ماقولت شكرا مش عاوز حاجه منك
-كريم خليها تشوفلك الجرح
-اتفضلي يارب نخلص
“قعدت قدامه وانا عايزه اخبطه بحاجه بدات اطهرله جروحه بس مشعرفه ليه قلبي كان بيدق وايدي بترتعش دي مش اول مره اغير لحد علي جرح يعني…..لاقيته رفع عيونه وبصلي وانا كمان بصتله بس……”
-عارف اني حلو بس ياريت حضرتك تخلصي
-وشي احمر….. مغرور وبارد
“قولت الكلمتين دول وقمت من قدامه وقلبي لسه بيدق وايدي بترتعش عيل رخم انا غلطانه اساسا اني جيت اغيرله علي حاجه”
-شكرا ليكي يا دكتوره
-عفوا علي ايه ده شغلي
-ابتسمت… كريم؟
-نعم
-مش تشكر الدكتوره علي وقفتها معانا
-ببرود… شكرا
-ببرود زيه…. عفوا
“دخلت قعدت علي كنبه قدام سرير عمر ومن التعب نمت وانا قاعده……..صحيت تاني يوم لاقيتني متغطيه بجاكيت معرفش بتاع مين والا مين غطاني اساسا… طلعت بره الاوضه لاقيته نايم مشعرفه ليه لاقيت نفسي ببص شويه كان هادئ وشبهه الاطفال مش هو البارد اللي كان بيتكلم معايا امبارح”
-دكتوره؟
-ايوه… صباح الخير
-ابتسمت… صباح النور تعالي كلي حاجه تلاقيكي ماكلتيش من امبارح
“لاقيت نفسي ببص عليه”
-طب وهو مش هياكل
-ابتسمت……لا كريم مابيفطرش
-ابتسمت باحراج… اه تمام
“انا مهزءه صح؟؟ انا بسال ليه اساسا مايفطر والا مايفطرش انا مالي……..خلصت الفطار وقومت غيرت الجرح بتاع عمر لاقيته داخل”
-الجاكيت بتاعي كان هنا
-اه هناك اهو
-شكرا
“جيه يخرج وقف ورجع تاني ووقف قدامي”
-بصي انا عارف اني زودتها معاكي وكده انا اسف ماكنش قصدي اجيبك هنا امبارح بالطريقه دي ولا كان قصدي اتعامل معاكي ببرود واستفزاز بس كنت قلقان علي صاحبي ومقدرتش اسيطر علي نفسي وكمان كنت عاوز اشكرك انك وقفتي معانا وعالجتيه انا مشعارف من غيرك كنا هنعمل ايه
“اتصدمتوا؟! انا اتصدمت والله هو ده البارد اللي كان بيتكلم معايا امبارح؟! لا لا مش هو….. بصتله ولاقيت نفسي ابتسمت تلقائي”
-ولايهمك محصلش حاجه ولا شكر علي واجب ده شغلي
-ابتسم……شكرا ليكي يا دكتوره
-ابتسمت… عفوا
“بصلي بابتسامه وسابني وخرج وانا قلبي بيدق…. طلع لطيف فعلا مش بارد زي ماكنت شايفه… لا بس ابتسامته حلوه… ايه ده لا طبعا حلوه ايه…. ابتسمت هي فعلا حلوه……. مر 4 ايام وانا لسه معاهم عمر فاق وبقي احسن شويه وكريم طلع لطيف فعلا ودمه خفيف بقي بيتكلم معايا بهدوء وضحك وماشوفتش الجزء البارد منه تاني… بقينا اصحاب انا ومنه وخدنا ارقام بعض وجابتلي هدوم من عندها عشان هدومي اتبهدلت…”
-الف حمدلله علي سلامتك ياعمر… انت دلوقتي بقيت احسن وانا ظبطلك العلاج وقولت لمنه عليه عشان تيديهولك في ميعاده
وانا بقي لازم امشي ورقمي مع منه لو عوزتوا حاجه
-خلاص هتمشي
“لاقيته هو داخل وقال الجمله دي… في الحقيقه انا زعلانه اني همشي حبيتهم وحبيت وجودهم وخصوصا هو حبيت ابتسامته وجوده خفه دمه كل حاجه بس لازم امشي”
-ابتسمت… امم همشي اهو ترتاح من عِندي
-ابتسم… مش هاشوفك تاني؟
-رقمي مع منه لو عوزتوا حاجه
-اشوفك علي خير
-ابتسمت…ربنا معاكم باذن الله هتخرجوا من اللي حصل ده
-ابتسم
-طب انا همشي بقي مع السلامه
“حضنت منه وسلمت علي عمر ومشيت واخر واحد بصيت عليه كان هو….. مر شهر اممم وحشني الصراحه كلمت منه وقالتلي انهم الحمدلله خرجوا او مادخلوش اصلا عشان البوليس شاف الكاميرات وعرف انهم معملوش حاجه فرحت انهم خرجوا وكل حاجه بقيت احسن”
-دكتوره في مريض بره
-دخليه…. بتشتكي من ايه
-صاحبي مُصاب ومحتاج مساعدتك
-رفعت راسي…. كريم؟!!
-البارد
-ابتسمت…. انت ايه اللي جابك هنا
-والله وحشني عِندك قولت اجي اتطمن عليه
-ابتسمت…. جاي ليه بجد
-صاحبي تعبان ومحتاج مساعدتك
-صاحبك مين
-ده
“لاقيته شاور علي قلبه ابتسمت وبصتله”
-تتجوزيني يا عنيده؟
-العنيده بتحب البارد♥️
“راته عيني…….فتورط قلبي” ♥

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)