رواية حكاوي فرح وكريم الفصل الثاني 2 بقلم ندى وائل

رواية حكاوي فرح وكريم الفصل الثاني 2 بقلم ندى وائل

رواية حكاوي فرح وكريم البارت الثاني

رواية حكاوي فرح وكريم الجزء الثاني

رواية حكاوي فرح وكريم الحلقة الثانية

-فرححححح
-ايه يابت في ايه
-الكليه عامله رحله تخييم
-طب وانا مالي
-هتطلعي
-انتي عارفه اني ماليش في الجو ده يبقي مش هطلع
-عمر طالع
-الرحله الساعه كام
“ايوه هطلع مش معقول هسيبه يطلع لوحده يعني بالرغم اني عارفه انه مايعرفش اني بحبه ولا ملاحظ وجودي اساسا بس كفايه اني هبقي معاه.. بحبه من سنه والمهزء مش ملاحظ وجودي حتي تعبت والله بس حاسه انه في امل اكيد في امل”
-يلا ياشباب علي الاتوبيس
-يلا يابنتي واقفه ليه
-شوفي المهزء واقف بيضحك مع البت صافي ازاي
-ماتسيبيه يضحك
-اسيبه ايه يامنه ماانتي عارفه اني بحبه وهو ذفت مش شايفني اساسا
-انا مش فاهمه بتحبي واحد مش ملاحظ وجودك ولا عارف انك عايشه اساسا انتي هبله يافرح
-يوووه بقي طب اعمل ايه
-يلا يافرح عشان نركب يلا
-انا هركب هنا
-وانا هركب هناك عشان بحب اقعد ورا
-طب روحي يختي
“قعدت في الكرسي اللي جمب الشباك وقعده وباصه عليه وهو قاعد جمب البت الملزقه اللي اسمها صافي مش فاهمه عمالين بيضحكوا علي ايه يعني.. ده بيمسك ايديها كمان مقدرتش ابص اكتر من كده وبصيت للشباك دمعه هربت مني مقدرتش اتحكم في نفسي وعيطت بس كنت بحاول اخفي دموعي”
-اتفضلي
-شكرا
-ماظنش انه في حد يستاهل تنزلي دموعك عشانه
“بصيتله هو مين ده انا اول مره اشوفه هو اداني المنديل وعرف منين اني بعيط عشان حد؟!”
-وانت مالك
-انا اسف
“انا غبيه صح ياريتني وماقولت كده.. ايه الاحراج ده”
-انا اسفه ماكنش قصدي
-ولايهمك.. انا كريم
-وانا فرح
-اتشرفت بمعرفتك يافرح
-انا اكتر
“بطلنا كلام… وفضلنا ساكتين مسحت دموعي وحاولت ماابصش لعمر غمضت عيوني ونمت او كنت بحاول اهرب عشان ماركزش مع عمر تاني”
-فرح.. اصحي وصلنا
-ايه
-وصلنا قومي
-اه.. شكرا
-عفوا قومي يلا
-يلا يابنتي
-هنعمل ايه دلوقتي
-يلا عشان ننصب الخيام بس صحيح مين القمر اللي كان قاعد جمبيكي ده
-احترمي نفسك يابت ده كريم
-ايوه مين كريم ده
-معرفوش اول مره اشوفه بس لطيف
-غمزتلي.. لطيف برضو
-انتي هبله؟ يعني هل انتي هبله؟ وانا مالي ماانتي عارفه اني متنيله بحب عمر بيه
-ماشي يختي انتي وعمر بتاعك بس هاقولك حاجه انا مش متفائل
-اعملي الخيمه يا منه اعملي الخيمه واسكتي
-الا قوليلي يافرح هو كريم ده عمل الخيمه بتاعته بعيده كده ليه
“بصيت مكان ماهي باصه لاقيته فعلا عامل الخيمه بعيده عن الجروب بشويه… بس هو ليه عاملها بعيده كده؟ الله وانا مالي مايعمل اللي هو عاوزه مالي انا”
-ايش عرفني يامنه مايعمل اللي هو عاوزه احنا مالنا
-صباح الخير يابنات
-صباح النور ياعمر
-انا وصافي كنا جايين نعزمكم علي خطوبتنا الاسبوع الجاي
“انتوا سامعين صوت؟ ده صوت قلبي اللي اتكسر.. خطوبتهم ازاي يعني ده.. ده لسه عارفها من يومين والا هو كان يعرفها من قبلها؟! بس هو ليه مالاحظش وجودي ولا لاحظ حبي ليه طب مابيلاحظش مراقبتي ليه ولا اي حاجه”
-الف مبروك ليكم
-وانتي يافرح مش هتباركيلنا
-الف مبروك بعد اذنكم عاوزه اتمشي شويه
-استني يافرح
-منه ممكن تسيبيني لوحدي شويه عشان خاطري
-طب انا مستنياكي
“مشيت وسبتهم….منه كانت معاها حق هو انا ازاي بحب واحد مش ملاحظ وجودي اصلا ولما لاحظ لاحظه عشان يقولي علي ميعاد خطوبته…. انا اللي استاهل بس الحب مش بايدي…. بس قلبي بيوجعني بيوجعني اوي”
-اااه
“من الدموع ماكنتش شايفه قدامي لدرجه اني خبطت في حاجه عورتلي رجلي…. قعدت في الارض ودموعي زادت ورجليا بتنزف جامد بس مافيش حد حواليا هو انا فين؟!!!”
-فرح… فرح ايه اللي حصل
-انا.. ك.. كنت ماشيه.. واتخبطت في رجلي
-طب اهدي طيب وريني… دي جامده اوي… تقدري تقفي علي رجلك نوصل بس لحد الخيمه بتاعتي
-عيطت جامد.. مش قادره
-طب اهدي اهدي بصي خليكي هنا ومتخافيش انا هاجيب علبه الاسعافات من الخيمه وجاي متخافيش خمس دقائق
“حركت راسي بمعني نعم… وهو سابني ومشي… تصدقوا طلع لطيف فعلا.. بس هو كان هنا بيعمل ايه”
-جيت وريني رجلك متخافيش
-براحه طيب
-مش فاهم ايه اللي خلاكي تمشي لوحدك…. بس خلاص خلينا قاعدين هنا لحد مارجلك ترتاح شويه وبعدها نمشي انا هقعد معاكي اهو
-شكرا ليك انك كنت هنا وساعدتني
-لا شكر علي واجب بس ايه اللي خلاكي ماشيه لوحدك كده
-كنت…. كنت بتمشي شويه عادي
-بتتمشي عادي وانتي بتعيطي؟!
-عرفت منين اني كنت بعيط
-انا شوفتك وانتي ماشيه هنا ولاقيتك بتعيطي وكنت جاي اشوفك لاقيتك اختفيتي فجاه قلقت فجيتلك لاقيتك متعوره…. ممكن اعرف كنتِ بتعيطي ليه
“بصتله شويه مشعرفه ليه حسيت اني مرتاحه وعاوزه احكيله… بس هو قال قلقت؟!”
-بحبه بقالي سنه وجيه النهارده يعزمني علي خطوبته
-طب وهو كان عارف انك بتحبيه
-مشعرفه… بس تقريبا لا
-عمر مش كده؟؟!
-انت عرفت ازاي
-جيه النهارده يعزمني انا كمان بس كنت عاوز اقولك انه حبك لعمر ده مش حب وانه مجرد اعجاب بيه وبشخصيته مش اكتر
-طب وانت عرفت منين يعني
-بيبان في عنيكي..بصتك ليه ماكنش فيها حب ده مجرد اعجاب وانا بصدق جدا نظرات العيون شويه وهتنسيه وهتعرفي انه ماكنش حب
-ممكن؟!
-اكيد
-هو انت ليه عامل الخيمه بتاعتك بعيد عن الجروب
-بحب الهدوء شويه ومش بحب يكون في حد حواليا او ناس كتير مش ببقي واخد راحتي
-اااه شبهي اوي انا كمان مش بحب الدوشه وماكنتش هطلع الرحله دي بس….طلعت عشانه..المهم انا اول مره اشوفك كان في الباص هو انت مابتجيش الكليه؟
-ماليش اصحاب في كليه او بمعني اصح انا اللي مش عايز يبقي ليا صحاب مش عايز بس غير شخص واحد حواليا مش اكتر
-هو مين
-ممكن تقولي الحب؟
-هو انت بتحب؟
-لا لسه بس شكلي هحب
“بصتله وقعدنا بعدها نتكلم كتيرر اوي ونضحك ونسيت منه وانها قلقانه عليا والجروب نسيت عمر وخطوبته من صافي نسيت كل حاجه.. هو ممكن فعلا يبقي مش حب؟ وانه كان مجرد اعجاب بيه مش اكتر؟”
-شكرا ليك والله ياكريم علي الوقت اللطيف ده حقيقي استمتعت اوي
-انا اللي بشكرك والله مضحكتش كتير قبل كده رجلك كويسه؟
-اه الحمدلله بخير
-انتي كنتي فين ده كله انتي بتستعبطي وسايباني قلقانه عليكي
-هشششش.. اعرفك يا كريم منه صاحبتي
-اهلا بيكي يامنه
-اعرفك يامنه كريم زميلنا في الكليه
-اهلا بيك يا كريم اتشرفت بمعرفتك
-انا اكتر… طب يا فرح خدي بالك من رجلك ولو عوزتوا حاجه انا هنا مع السلامه
-ابتسمت.. مع السلامه
-ششش.. يابت انا لازم افهم ايه اللي بيحصل هنا دلوقتي وايه اللي حصل في رجليكي وكنتي فين انتي و كريم ده
-ابتسمت….هو الجو ماله حلو النهارده كده
-نعم يختي.. انتي مش كنتي لسه بتعيطي من 4ساعات جو ايه اللي بقي حلو
-لا والله السماء شكلها حلو اوي النهارده والطبيعه والهدوء تعالي ناكل عشان انا جعانه اوي
-انتي اتخبطتي في دماغك يافرح في ايه
-يلا بس يامنون ناكل وهحكيلك كل حاجه يلا يلا
-يلا يختي اما نشوف اخرتها
-وبس يستي ده كل اللي حصل
-غمزتلي…. بس طلع لطيف اوي
-بس يابت اتلمي ده عادي يعني
-عادي باماره الجو ماله بقي حلو النهارده مش كده
-هو ممكن فعلا يبقي كلامه صح وانا محبتش عمر
-كلامه صح الصح انتي اللي مبتفهميش
-ابتسمت بشرود….بس النهارده كان يوم حلو اوي
-غمزتلي تاني…… كريم بقي هاا
-يلا نتخمد يابت يلااا
-صباح الخير
-صباح النور ايه اللي مصحيكي بدري كده
-والله صحيت ومعرفتش انام قولت اطلع بحب الجو الصبح اوي
-وانا كمان… رجلك كويسه؟
-اه الحمدلله وانت صحيت ليه؟
-ابتسم.. صحيت زيك برضو وقولت اطلع تحبي نتمشي شويه؟
-ابتسمت…. يلا
“فضلنا نتمشي شويه واحنا ساكتين لحد ما….”
-ايه ده؟؟
-تعالي كده….. دي عصفوره
-شوف جناحها متعور
-بصي خليكي هنا هاجيب اي حاجه نربطهولها بيه استني
-ماشي
“راح يجيب حاجه وانا مسكت العصفوره شوفتها كانت بتحاول تطير ومش قادره…..قعدت ابص عليها لحد ماهو جيه”
-جيت وريني…..بس خلاص
-هنسيبها؟؟
-طب هنعمل ايه يعني
-انا هخدها معايا لحد ماتخف بس
-ابتسم.. طب ماشي هنخدها
-ابتسمت… طب يلا
“خدنا العصفوره وكل واحد راح خيمته وانا خدتها معايا وحطتلها مياه كنت قاعده بتفرج عليها وانا بفكر فيه….لطيف وحلو دمه خفيف هادئ شبهي بيحب الهدوء والمساعده والجو الصبح هو ممكن….؟؟!ليه لا يعني الحب مش بايدينا لا طبعا مش هيحصل…..بصيت علي العصفوره وابتسمت..بس ممكن يحصل……عدي يومين وانا وهو بنهتم بالعصفوره كل واحد خلاها عنده يوم لحد مابدات تتحسن وجناحها خف….”
-هنمشي خلاص
-ايوه يستي
-بس انا حبيت الجو هنا اوي
-اللي يشوفك دلوقتي مايشوفكيش وانتي كنتِ رافضه تيجي والا كريم هو السبب
-بصتلها وابتسمت…شكله هو السبب…اه صح انا هاروح اشوف العصفوره واجي
-متتاخريشش
-حاضر
-صباح الخير
-ابتسم…صباح النور جهزتي حاجتك
-اه الحمدلله وانت
-خلصت اهو….هنطير العصفوره؟
-اتكلمت بحزن….هو جناحها خف
-اه هنفكهولها وخلاص بقي
-طب يلا….فكه براحه
-حاضر يستي متخافيش….بس خلااص
“بصيت للعصفوره وهي طايره وانا فرحانه وزعلانه في نفس الوقت…..زعلانه انها مشيت وفرحانه انها خفت”
-متزعليش هجبلك واحده
-ابتسمت…..يلا عشان منتاخرش
“روحنا ركبنا الباص وهو ركب جمبي برضو قعدنا نتكلم كتير اوي ونضحك اتشاركنا الهاند فري واحنا بنسمع معاك قلبي لعمرو دياب حتي الاغاني طلعنا بنحبها زي بعض المره دي ماركزتش مع عمر ولا لاحظت وجوده اساسا كنت مركزه معاه هو….هو وبس….كل واحد روح بيته خدنا ارقام بعض وبقينا بنتكلم كتيرر اوي حتي منه بقيت تزعقلي عشان شايفه انه واخدني منها وفي يوم…”
-الو يافرح البسي ونتقابل في كافيه….
-ماشي
-انا جييت اسف اني اتاخرت بس كنت بجيب الهديه دي
-ابتسمت….هي ايه دي
-غمضي عينك
-اهو
-فتَحي
-الله…دي حلوه اوي ياكريم…دي ليا؟
-ابتسم… قولتلك اني هجبلك واحده
-ابتسمت….بجد حلوه اوي شكرا ليك بجد
-هتسميها ايه بقي
-امممم…ممكن زعفرانه؟
-حلو اوي
-هربيها بقي لحد ماتكبر
-هنربيها!
-ايه؟؟
-تتجوزيني؟؟
-ابتسمت بفرحه…هو الجو ماله حلو النهارده♡♡
“ومن ينظُر بعين القلبِ يبصرُ جمالًا ليس تبصره العيونُ”♥️

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)