رواية حكاوي فرح وكريم الفصل الرابع 4 بقلم ندى وائل

رواية حكاوي فرح وكريم الفصل الرابع 4 بقلم ندى وائل

رواية حكاوي فرح وكريم البارت الرابع

رواية حكاوي فرح وكريم الجزء الرابع

رواية حكاوي فرح وكريم الحلقة الرابعة

-بابا بص ماما هناك اهي.
“نزلت علي ركبتي وبصيت لعمر وأنا بحاول أجمع نفسي..ملك مراتي ماتت من 5شهور ولحد الان هو مش مصدق”
-عمر ياحبيبي مش أنا قولتلك انه ماما راحت مكان تاني فوق عند ربنا مكان حلو اووي.
-لا يا بابا هي هناك تعالي.
“لاقيته سحبني من ايدي وجري قدامي وانا من صدمتي مشيت معاه دخلني محل ورد علي اول الشارع و…”
-اهي يا بابا ماما اهي.
-بهمس…ملك!!.
-ابتسمت….ايوه حضرتك عاوز حاجه.
-ملك؟!
-ملك مين أنا اسمي فرح.
-انا اسف جدا ابني بس أسف بعد اذنك يلا ياعمر.
-ايه يا بابا سايب ماما ليه أنا عاوز أروح عندها.
-دي مش ماما يا عمر.
-عاوز أروح عند ماما.
-قولتلك مش مااما….حبيبي أهدي خلاص متعيطش بص تعالي اجبلك شيكولاته وبكره نروح نشوف ماما ماشي.
-ضحك….ماشي يلا.
“أزاي يبقي في حد شبهه حد كده دي هي ملك بالظبط بس هي قالتلي إنها اسمها فرح بس أزاي دي نفس الشكل ونفس كل حاجه بإختلاف العيون بس ملك عيونها كانت بني غامق أما دي عيونها خضراء لا أنا لازم أفهم كل حاجه بكره لازم”
-لو سمحت كان في بنت شغاله هنا إسمها فرح هي فين.
-اه أنسه فرح هي خمس دقائق وهتيجي ممكن حضرتك تستناها هناك.
-اه طب شكرا.
“قعدت أتفرج علي المحل والورد يمكن إكتشفت فرق تاني انه ملك كان عندها حساسيه من الورد و…”
-حضرتك عاوزني.
-ايوه لا
-نعم؟!
-كنت عاوز بوكيه ورد
-ابتسمت…..نوعه ايه
-بتفكير وأنا باصص لعنيها….جوري احمر.
-إبتسمت…..طب لحظه واحده.
-بإبتسامه…..إتفضل.
“خدت منها البوكيه وقعدت اتفرج عليه من حلاوته كان جميل اوي وملفوف بطريقه لطيفه اوي سيبت البوكيه وبصتلها”
-ها عجب حضرتك.
-حلو جدًا بجد شكرًا ليكي.
-إبتسمت…..مبسوطه أنه شغلي عجب حضرتك وأتمني يعجب صاحبه البوكيه.
-هو المحل ده بتاعك.
-ايوه بتاعي وباسمي.
-اه تمام شكرًا علي البوكيه ومش هتبقي اخر مره.
-مستنين حضرتك في أي وقت بعد إذنك.
“حاسبت علي البوكيه وخرجت من المحل وأنا في دماغي حاجه بس لسه متردد أنفذها والا لا ركبت عربيتي وروحت عشان أجيب عمر من عند والدتي دائمًا بسيبه عندها لو روحت أي مشوار أو شغل بره”
-بابا وحشتني اوي مش انت قولتلي إنك هتوديني عند ماما النهارده مش هنروح بقي.
-هسلم علي تيتا الاول ياعمور وأجيلك.
-حاضر.
-إزيك ياأمي.
-الحمدلله ياحبيبي لمين الورد الحلو ده
-ده!!ده ليكِ إتفضلِ
-إبتسمت بهدوء….ليا برضو جايبه لمين يا كريم.
-والله ياأمي في موضوع حصل كده عاوز احكيلك عليه.
-أحكي يا ابني.
“حكتلها علىٰ فرح والشبه الكبير بينها وبين ملك وعلىٰ الموضوع اللي في دماغي وبفكر أنفذه”
-إبتسمت بهدوء……بص ياكريم يابني يخلق من الشبهه أربعين وزي ما بتقول في فروق بينها وبين ملك مراتك الله يرحمها بس اللي انت بتقول عليه ده كده ممكن تظلم البنت معاك.
-أنا مش هظلمها يا أمي عمر شايفها مامته أنا عارف أنه ممكن يبقي الغلط الأكبر في إني هتجوزها لانها شبهه ملك بس هي أكيد شبهها في الشكل بس إنما الروح دي حاجه مختلفه.
-يعني خلاص قررت ياابني.
-مشعارف يا امي لسه أنا هاخد عمر بكره أخلي يقعد معاها شويه وأشوف هعمل ايه.
-إبتسمت وحطت إيدها علي كتفي……إعمل الصح يا أبني اللي ترضاه ليك ولابنك.
-حاضر يا امي انا همشي بقي وهعدي عليكي بكره.
-ايه يا بابا هنروح لماما.
-هي مشغوله النهارده ياحبيبي بكره هنروحلها يلا.
-صباح الخير أنسه فرح.
-صباح النور…إبتسمت وميلت علي عمر…..اسمك ايه ياحبيبي.
-هو إنتي مش فكراني ياماما.
“لاقيتها رفعت دماغها وبصتلي بإستغراب”
-كنت عاوز اتكلم مع حضرتك شويه ممكن.
-ايوه طبعا.
-بصي يا أنسه فرح انا اسمي كريم صفوت واللي هناك ده ابني عمر عارف انك مستغربه ده كله وكلمه ماما اللي عمر بيقولهالك مراتي اتوفت من 5شهور تقريبا ومن وقتها ابني عمر دخل في حاله نفسيه صعبه ماكنش بياكل او بيعمل حاجه غير انه ساكت بس يعني شويه شويه قدر يخرج من المود ده بسبب وجود والدتي حواليه بس من يومين ومن ساعه ماشافك والدكتور النفسي بتاعه قاللي إنه حالته إتحسنت شويه ومن ساعتها برضو وهو بيطلب يشوفك.
-طب وليه أنا ليه بيقول انه انا مامته.
-في الحقيقه يا أنسه فرح انتي نسخه طبق الاصل من ملك مراتي نفس كل حاجه يمكن الحاجه المختلفه بينكم هو لون عينيكي.
-مش فاهمه ازاي.
-بصي
“قولتلها الكلمه دي وطلعت موبايلي عشان اوريها صوره لملك شوفت الصدمه علي وشها وهي بتبص في الصوره وبتدقق في ملامحها اللي هي شبهها بالظبط”
-ازاي كده ازاي يبقي في حد شبهه حد كده.
-عشان كده عمر كان بيناديلك بماما وفاكرك امه.
“لاقيتها بصت علي عمر اللي بيلعب بعيد عننا شويه وقالت”
-طب أنا اقدر اعمل ايه عشان اساعده.
-ممكن أجيبه كل يوم يقعد معاكي في محل الورد بتاعك لو ميضايقيش.
-بصتلي…لا طبعا هيضايقني ايه انا هستناه كل يوم بس كنت عاوزه اقول لحضرتك حاجه.
-اتفضلي.
-انا لازم اعرفه اني مش مامته اني مش ملك واني واحده تانيه هو عنده كام سنه.
-12.
-تمام سيب الموضوع ده عليا وانا هستناه كل يوم.
“ابتسمت وبعدها خدت عمر وكل واحد روح مطلبتش الجواز يمكن لاني حسيت فعلا اني هظلمها زي ما ماما قالت بس هي لطيفه اوي ويمكن جميلها اللي عملته معايا في إنها تساعد عمر ده هفضل شايلهولها…….وديت عمر ليها تاني يوم وقعدت شويه وسبته معاها عشان كان عندي شغل ويمكن لاني حسيت انها فعلا هتاخد بالها منه”
-باباااا.
-وحشتني ياعمور ها إتبسطت النهارده.
-اوي يا بابا إبقي هاتني هنا كل يوم.
-حاضر ياحبيبي….شكرا ليكي بجد مشعارف اقولك ايه.
-إبتسمت…لا شكر علي واجب…ميلت علي عمر…إتفضل ياعمور وهستناك بكره بقي.
-وأنا هاجي.
“إبتسمتلها وخدت عمر ومشيت….عدي اسبوعين وعمر بيروحلها يوميا بدا يحبها ويتعلق بيها والصراحه أنا كمان مش هنكر إني بدات أعجب بيها من كلام عمر الكتير عنها”
-أنا هاروح العب هناك.
-روح يا حبيبي….شكرا ليكي اوي يا فرح الدكتور قاللي انه عمر حالته اتظبطت وفعلا وجوده معاكي بدا يجيب نتيجه وكمان انتي عملتي ايه عشان تقوليله انك مش ملك.
-قعدت معاه وفهمته انه ماما راحت عند ربنا وإني شبهها بس وأحكيله عني واقوله هي ماما كانت بتعمل كده فكان بيقولي لا وفي الاخر قاللي أنا بحبك برضو حتي لو أنتي مش ماما.
-إبتسمت….حقيقي جميلك ده هفضل شايله طول عمري بجد.
_إبتسمت……لا..
_الحق يا باشمهندس كريم عمر اتعور.
-ايه انا جاي.
“جرينا انا وهي علي عمر وهي سبقتني اصلا”
_عمر ياحبيبي أنت كويس وريني رجلك….دي متعوره جامد لازم يروح للدكتور.
-طب يلا.
“شيلت عمر وروحنا انا وهي علي العربيه وهي دموعها نازله عليه بالرغم انها كانت مش جامده اوي”
-بس خلاص كده يا بطل.
-شكرا ليك يا دكتور.
-عمر انت كويس.
-ايوه يا ماما فرح انا كويس متعيطيش.
-الحمدلله انك بخير يا حبيبي.
-خلاص يابنتي كفايه عياط بقي.
-انت مش شايفه متعور ازاي.
-بس الدكتور قال انها بسيطه.
-برضو اتعور هه.
“ضحكنا انا وعمر وبعدها ركبنا العربيه عشان نروح”
-هاشوفك بكره ياماما فرح.
-ايوه ياحبيبي مستنياك.
-يلا ياعمور انزل عند تيتا وانا هروح ماما فرح واجي.
-حاضر مع السلامه يا ماما فرح.
-باي يا عمور.
-شكرا ليك علي التوصيله.
-لا شكر علي واجب صح كنت عاوز اقولك حاجه.
-إتفضل.
-كنت بفكر اخد عمر واوديه الملاهي بكره تيجي معانا.
-إبتسمت…. تمام ماشي.
-إبتسمت… تصبحي علي خير.
-وإنت من اهله باي.
-باي يا فرحتي.
-حساك مبسوط كده الفتره دي.
-انا.
-ايوه…. كله بسببها والا ايه.
– إبتسمت بشرود… شكله كده بسببها يا امي حلوه اوي قلبها ابيض بيشبه الورد اللي بتبيعه بتخاف علي عمر اكتر مني وكانها امه فعلا إتعلقت بيها وبوجودها مشعارف يا أمي.
-إبتسمت….حبيتها يا كريم.
-إتنهدت….شكله كده بقولك انا همشي بقي عشان عمر ينام عشان هوديهم الملاهي بكره.
-ماشي يا حبيبي مع السلامه.
-ماما فرح تعالي اركبي معايا.
-اركب ايه يا عمر انا كبيره ماينفعش.
-بابا خليها تركب معايا.
-اركبي معاه عادي انتي شبهه الاطفال اصلا وانتي اوزعه كده.
-بغيظ… شكرا يا رجوله شكرا تعالي ياعمور.
“طلعت تركب مع عمر وانا بتفرج عليها ومبتسم هي فعلا شبهم قعدت اتفرج عليهم وهما بيضحكوا وابتسامتي علي وشي شكلي حبيتك والا ايه يا فرح…. قضينا اليوم كله لعب وهزار وصور وكاني جايب طفلين معايا مش واحد”
-يلا بقي عشان نمشي.
-بابا هو ماينفعش ماما فرح تيجي معانا عند تيتا.
-بصتلها…. من ساعه ما عمر بدا يحكي عنك وهي نفسها تشوفك تحبي تيجي.
-إبتسمت…..يلا
-أقدملك ياامي فرح.
-إبتسمت بهدوء…….اهلا بيكي يابنتي من ساعه ما عمر بدا يحكي عنك وانا كان نفسي اشوفك.
-إبتسمت…إتشرفت بمعرفتك يا طنط.
“قعدت هي وأمي يحكوا ويضحكوا وكأنهم عارفين بعض من سنين وانا قاعد يتفرج عليهم وانا مبتسم وبشاركهم الحديث من وقت للتاني”
-طب انا لازم امشي يا طنط عشان اتاخرت.
-ماشي يابنتي ابقي تعالي قعدتك حلوه اوي.
-حاضر من عيوني.
-يسلموا يا حبيبتي.
-مع السلامه.
-مامتك لطيفه اوي.
-تخيلي مضحكتش كده من فتره كبيره.
-إبتسمت…. ده انا عملت حاجه حلوه بقي.
-أحلي حاجه عملتيها إنك دخلتي حياتنا.
-إبتسمت بكسوف….خلاص البيت هنزل بقي تصبح علي خير.
-وإنتي من اهله.
“مر اسبوع يمكن اتعلقت بيها اكتر وعمر وامي كلنا بقيت مصاحبه ماما وبتيجي تقعد معاها وعمر معاها كل يوم بحمد ربنا انه عمر شافها وهو السيب انه دخلها حياتنا”
-امي.
-نعم يا كريم.
-أنا قررت اتجوز فرح.
-يا حبيبي ده يوم فرحتي البنت ماشاء الله عليها زي العسل ربنا يحميها روح واعترفلها وهات رقم اهلها وربنا يتمملكم علي خير يارب.
“يمكن كنت محتاج كلام امي ده اللي شجعني اكتر إبتسمت وسبت عمر مع امي ونزلت اركب العربيه عشان اروحلها”
-لو سمحت هي فين أنسه فرح.
-اه الانسه فرح خطوبتها النهارده عشان كده مجتش حضرتك عاوز حاجه.
-ايه… خطوبتها.
-بإبتسامه…. ايوه…. يااستاذ عاوز حاجه طيب اعملهالك.
“ماكنتش سامع حاجه خرجت من المحل ويمكن حاسس انه قلبي هيخرج من مكانه من الوجع.. خطوبتها!!! طب ازاي طب وانا… فوق لنفسك بقي هي كانت معاك عشان عمر مش اكتر متفتكرش انها حبيتك….طب انا حبيتها ليه… إتعلقت بيها ليه…”
-الو يا أمي خلي عمر عندك النهارده معلش عاوز اقعد لوحدي.
-مالك يا كريم في ايه.
-مافيش يا أمي عاوز ابقي لوحدي بس.
-ماشي يا ابني ابنك معايا متقلقش.
-تمام يا أمي.
” اسبوعين سكت وبعدت تماما عنها عشان مشوفهاش بس بالرغم من كده هي وحشتني اوي عاوز اشوفها… بقيت ببعت عمر ليها بالسواق عشان انا مروحش كل شويه يقولي انها بتسال عليا وبتسال انا مجتش ليه كنت بقوله يقولها اني عندي شغل ومشبعرف اجي بس انا عاوز اروح عاوز اشوفها بس مبقاش ينفع”
-بابا.
-نعم يا عمر.
-هو أنت ليه متتجوزش ماما فرح وتيجي تعيش معانا في بيتنا.
-إتنهدت بحزن…. عشان خلاص يا حبيبي ماما فرح هتتجوز.
-مين اللي قالك كده.
-انا عرفت يا عمر وخلاص الموضوع انتهي متتكلمش فيه تاني.
“لو تعرف كان نفسي ياعمر اد ايه بس خلاص مابقاش ينفع”
-طق طق.
-ايوه جاي.
-في ايه مابتجيش ليه وكل اما اسال عمر عنك يقولي عندك شغل.
-ببرود مصطنع…..الف مبروك الاول علي خطوبتك.
-خطوبتي!!.
-ايوه مش انتي اتخطبتي.
-مين قال الكلام ده.
-البنت اللي بتشتغل عندك.
-مين… اه افتكرت ماكنتش خطوبتي يا باشمهندش ده كان واحد طالب ايدي وجاي يتقدم ورفضته ولو ده اللي مخليك مبتجيش مجتش قولتلي ليه.
-لا استني استني يعني انتي متخطبتيش.
-إبتسمت…..لا متخطبتش.
“حاولت اسيطر علي إبتسامتي وفرحتي بس معرفتش غصب عني قولتلها”
-بابتسامه…. طب مش عاوزه تتخطبي.
-ضحكت… ياراجل.
-بتكلم جد فرح انا بحبك.
-ايه.
-مش وقت طرش هو.
-يخربيت رخامتك.
-ها تتجوزيني.
-هتوديني الملاهي.
-إبتسمت…. هوديكي.
-إبتسمت… موافقه.
”كانت لِقلبي شفاءً مِن بعد تَعب❤”.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)