رواية حكاوي فرح وكريم الفصل الخامس 5 بقلم ندى وائل

رواية حكاوي فرح وكريم الفصل الخامس 5 بقلم ندى وائل

رواية حكاوي فرح وكريم البارت الخامس

رواية حكاوي فرح وكريم الجزء الخامس

رواية حكاوي فرح وكريم الحلقة الخامسة

-فرح يابنتي تعالي عايزاكي
-نعم ياماما
-في عريس متقدملك يافرح
-تاني ياماما مش انا….
-المره دي مختلفه يافرح مامه الشاب هتيجي بكره لازم تقعدي معاها وتفهمي منها
-حاضر ياماما
“سبتها ودخلت اوضتي اول مره تبقي مُصره على عريس كده دائمًا كانت بتقولي انا ممكن اغصبك علي اي حاجه الا الجواز دي حياتك انتي وانتي اللي لازم تختاريها اشمعنا دلوقتي وليه العريس ده”
-ازيك يابنتي
-ازي حضرتك ياطنط انا الحمدلله
-يارب بخير دائمًا يابنتي انا الحمدلله اكيد والدتك قالتلك علي اني ابني متقدملك
-ايوه ماما قالتلي بس ماحكيتليش حاجه تانيه غير انه ابن حضرتك متقدملي بس
-انا اللي قولتلها تقولك كده بس
“في اللحظه دي بصيت لماما اللي قاعده بعيده عننا شويه وبصتلي وكأنها بتطمني بعيونها انا قلقت شكله مش عريس عادي هما بيمهدوا ده كله لايه والعريس ده ماله كده عشان المقدمه الطويله دي”
-ممكن حضرتك تقوليلي ايه الموضوع بالظبط عشان حقيقي بدات اقلق
-متقلقيش بصي في الحقيقه ابني كريم عمل حادثه من حوالي اربع شهور وفقد بصره
“في اللحظه دي بصيت لماما بس وانا مصدومه اعمى!!!! وماله الاعمي ماهو بشر زينا بس ازاي وماما وافقت!!”
-انا عارفه انك اتصدمتي وانك مش مجبوره تشيلي مسؤولية كبيره زي دي بس في الحقيقه من اول ما شوفتك وانا ارتحتلك ومش هلاقي غيرك وسالت عليكي كل الناس شهدوا بادبك واخلاقك مش عاوزه اسيب ابني من غير مااتطمئن
-بعد الشر علي حضرتك ماانتي معاه اهو مش هتسيبيه
-للاسف يابنتي انا عرفت انه عندي مرض نادر ومش موجود ليه علاج ومش هعيش اكتر من شهرين عشان كده جتلك دلوقتي ابني كان المفروض يعمل عمليه عشان يؤجع بصره بس للاسف الدكاتره قالوا مش دلوقتي انتي ممكن تفضلي معاه لحد مايخف وتسيبيه و انتي مش مجبوره توافقي وانا رقمي مع مامتك هستني ردك بعد يومين وبراحتك يابنتي
“دماغي وقفت عن التفكير!! اعمي!! مامته هتتوفى وهتسيبه!! هتجوز!! مسئوليه!!…. صليت استخاره ارتحت.. كلمت مامته وبلغتها بردي واني موافقه فرحت وارتحت اما حسيت بالفرحه في صوتها وهي بتشكرني حسيت اني فعلا عملت حاجه صح… لسه مشوفتوش مشعرفه ليه حاسه اني قلقانه بس مامته اتفقت انهم هيكتبوا الكتاب والفرح علي طول طلبت منهم يبقي حاجه هاديه في البيت مش عاوزه دوشه ولا ظيطه….شوفته جيه باين عليه هادئ كانت مامته بتساعده في الحركه وعشان يقعد كان ماسك عصايه في ايده وبيتحرك بهدوء في حاجه تجذب كده!!… كتبنا الكتاب ومشيت لبيته بهدوء”
-اهلا بيكي ياانسه فرح اتمني البيت يكون ذوقه عجبك
-اه ذوقه جميل اوي انت اللي مختاره
-ايوه ظبطه قبل مااعمل الحادثه باسبوع عشان.. عشان كنت هتجوز فيه
“لحظههه…. يتجوز هو كان خاطب والا بيحب لا انا مش فاهمه حاجه ومامته مقلتليش ليه!!!!”
-هو انت كنت خاطب
-لا كنت بحبهاا وهتقدملها بس حصل اللي حصل ممكن تساعديني اقعد
-اه اتفضل
-شكرا ليكي ممكن اتكلم معاكي شويه
-اه اتفضل بس الاول في ميعاد دواء دلوقتي خده وبعدها نتكلم اتفضل
-شكرا… وافقتي ليه يافرح يعني ليه تشيلي مسئوليه كبيره كده وماما قالتلي انك ماشاء الله عليكي يعني لسه صغيره وحلوه وافقتي ليه
-يعني صليت استخاره وربنا هو اللي اراد الحمدلله وكمان حاسه اني عملت حاجه صح في حياتي البايظه دي
-حاجه صح ازاي
-ها لا مافيش يلا عشان تنام عشان الوقت اتاخر تعالي اساعدك
-شكرا ليكي….. تصبحي علي خير
“بقالنا اسبوعين مع بعض بهتم بيه وبدواءه واكله لطيف وهادئ بيحب الهدوء والقهوه الاغاني الهاديه حبيت وجوده بالرغم اننا مش بنتكلم كتير اوي بس وجوده. بيخليني مرتاحه”
-فرح
-نعم
-ماما قالتلي انك بتحبي القراءه
-اه جداا بس ليه
-طب تعالي ساعديني ندخل الاوضه اللي هناك علي اليمين دي
-طب يلا تعالي
“ساعدته ودخلنا الاوضه فتحت النور لاقيتها عباره عن مكتبه مليانه كتب انا وقفت مزهوله قدامها شويه هي ازاي حلوه كده”
-فرح… فرح روحتي فين
-ها هناا هنا
-عجبتك
-حلوه بشكل حلوه اووي انت بتحب القراه تعالى اقعد
-بحبها اووي من زمان قعدت فتره لحد ماقدرت اجمع كل الكتب دي روحي شوفيها
“روحت اشوفهاو واناا مبتسمه بعيدا عن اني كان نفسي اتجوز واحد بيحب القراءه ونعمل مكتبه سوا بس هي حلوووه اوووي لاحظت انه بيحب الادب والفلسفه والنوع ده من الكتب”
-بتحبي الروايات مش كده
-ابتسمت….ايوه
-في عندك برضو
-تحب اجيب حاجه اقراهالك
-لو مش هتعبك
-ابتسمت… لا مافيش تعب ولا حاجه تعالي اجيب روايه ونقعد في البلكونه اعمل اتنين قهوه واقراهالك ايه رايك
-ابتسم…. طب يلا
“ابتسمت لابتسامته اد ايه شكله حلو وهو مبتسم… ساعدته وخليته يقعد في البلكونه وروحت عملت القهوه وجبت روايه” مارواه البحر”يمكن الروايه الاقرب لقلبي ومبسوطه اني لاقيتها عنده ”
-ها ياسيدي جيت اتفضل القهوه اهي وجبتلك روايه اسمها”مارواه البحر”عارفها
-اه عارفها جبتها بس ماكنتش لسه قراتهاا
-طب هاقراهالك اهو
-طب ممكن تيديني القهوه
-اه اتفضل
“مشعرفه ليه حسيت برعشه في جسمي اول مامسكت ايده دي مش اول مره امسك ايده بس شعوري دلوقتي مختلف قلبي بيدق هو ممكن…. لا اكيد لا”
-فرح انتي كويسه
-ها اه كويسه اشرب القهوه وانا هاقراه اهو
-معاكي
“قعدت اقراله الروايه وانا ملاحظه اندماجه معايا واسئلته ابتسامته الخفيفه اللي بتظهر لو في موقف رومانسي عدى ووشي اللي بيحمر وقتها وبحمد ربنا انه مش شايفني انا ايه اللي خلاني اوافق اقراء حاجه”
-ها عجبتك
-تحفه اوي عشان انتي اللي قراتيها
-ابتسمت… شكرا يلا عشان ده معاد الدواء
-يلا وشكرا علي القهوه طعمها حلو اوي
-عفوا
“اديته القهوه ونام كنت هخرج بس لاقيت نفسي قعدت وبركز في ملامحه هو ازاي حلوك كده شعره الطويل شويه بشرته القمحيه ازاي حلو كده بس لحظه ده بيحب ازاي ماينفعش ده كله يحصل ماينفعش قلبي يدق ماينفعش….. عدي شهر يمكن قربنا من بعض شويه نقضي طول اليوم انا في المطبخ وهو في البلكونه بيسمع اغاني وبعدها نقعد سوا باليل نتكلم او اقراله كتاب ونشرب قهوه او شاي بالنعناع الجو بيبقي لطيف اوي معاه بس ماينفهش اتعود عليه كده ماينفعش… احبه!!”
-اهدي ياكريم اكيد هتبقي بخير
-انا قلقان عليها اوي
-باذن الله الدكتور هيخرج ويطمنا عليها متخافش
“قعدت جمبيه بحاول اهديه شويه واحنا في المستشفي بعد مامته تعبت وفي العمليات دلوقتي”
-ها يادكتور طنط كويسه
-انا اسف البقاء لله
“لاقيته قعد علي الكرسي بصدمه… حاولت اهدي وامنع دموعي عشان لازم ابقي قويه عشان اسنده”
-كنت حاسس انها فيها حاجه بس كانت مخبيه عليا هي ماكنتش كويسه انا كنت بحس بيها بس ماكنتش اعرف انها هتسبني كده
-بدموع…اهدي ياكريم هي في مكان احسن من هنا دلوقتي اهدي انا معاك اهو
“مر شهر علي وفاه والدته بقي اهدي من الاول الدكتور بتاعه كلمني كذا مره عشان يحدد معاد العمليه عشان يرجع بصره بس مشعرفه اقوله بعيد ودائما في اوضته الا لو عاز حاجه بيناديلي زعلانه اوي عليه وعلي اللي وصله بدعيله دايما انه يبقي بخير”
-مش كفايه بقي ياكريم هي في مكان احسن هي اكيد مش فرحانه باللي انت فيه ده لازم تبقي قوي عشان تعرف تكمل هي بتحبك وعاوزاك كويس
-الدكتور كلمك علي العمليه مش كده
-اتنهدت…. ايوه
-حددي معاه معاد يافرح
-بفرحه…. بجد بتكلم جد
-ابتسم… ايوه يافرح هي فعلا عاوزاني كويس ومعرفتش ابقي كويس وهي معايا هخليها تفرح حتي وهي مش هنا
“فرحت بيه اوي وكلمت الدكتور وحدد معاد العمليه بس لحظه هو كده هيسبني بعد مايبقي بيشوف؟! اومال انتي فاكره ايه ماكنش لازم تحلمي يافرح او تحبيه انتي كنتي هنا عشان تساعديه وخلاث يافرح”
-متقلقش انا معاك ومستنياك وهتخف وهتشوف وكل حاجه هتبقي كويسه
-ها يادكتور
-كام دول ياكريم
-5
-حاسس بايه
-شايف انا شايف انا فعلا شايف
“فرحت ودموعي نزلت لفرحته هو خلاص بيشوف خلاص بقي احسن فرحانه اوي ليه فرحانه”
-انتي فرح مش كده
-حركت دماغي ودموعي نازله
“حضني؛!!!!! لاقيته حضني وحسيت بدموعه علي كتفي حد يقرصني دي حقيقه والا ايه”
-انا مبسوط اوي يافرح مبسوط اوي شكرا ليكي شكرا ليكي انك كنتي هنا ومعايا انا بحبك اوي يافرح اوي
“لا حد يقرصني بجد بقي ده بيقول بحبك لا لا اكيد من فرحته بس انا قلبي بيدق قلبي بيدق اوي……..خرجنا من المستشفي لحد مابقي احسن اهو بس الموقف في دماغي مش بيخرج بحاول ابعده بحجه انه من فرحته بس انما هو مبيحبنيش هو بيحب بنت تانيه مبقاش ينفع”
-بتعملي ايه
-ها اه ياسيدي بجهز حاجاتي عشان امشي بقي
-تمشي تروحي فين
-خلاص انت بقيت احسن اهو لازم نتطلق بقي وامشي عشان تروح لحبيبتك
“لاقيته جيه وقف جمبي ولفني ليه”
-انتي عاوزه تمشي يافرح
“اتحركت من قدامه عشان اخفي دموعي انا مش عاوزه امشي بس مبقاش ينفع”
-ايوه ياعم عشان تتجوز بقي وتعيش مع حبيبتك
-بس انا بحبك انتي يافرح
“اتسمرت مكاني مش معقول كل دي احلام… جيه وقف قدامي”
-كلام المستشفي ماكنش من اثر فرحتي زي ماانتي فاكره دي كانت حقيقه انا فعلا بحبك وحببتي اللي بتقولي عليها دي سابتني اما عرفت اللي حصل انتي اللي فضلتي وانتي اللي انا عايزك متمشيش يافرح.. فرح
-ابتسمت… تيجي نشرب شاي بالنعناع
-ابتسم… هتقرايلي روايه
-هقرالك.
”وكأن القدَر قد أرسلكِ دواءً لِروحي❤️”

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)