رواية نصف جثة مجهولة الفصل الثالث 3 بقلم عادل عبدالله

رواية نصف جثة مجهولة الفصل الثالث 3 بقلم عادل عبدالله

رواية نصف جثة مجهولة البارت الثالث

رواية نصف جثة مجهولة الجزء الثالث

رواية نصف جثة مجهولة الحلقة الثالثة

سامح : أنا عارف يا حاجة زي كل يوم عايزاهم ورق ب١٠٠ و٢٠٠ جنية .
احسان : ايوه يا حبيبي الله يخليك .
سامح : حاضر يا حاجة ، عارفاهم كام ولا أعدهم أنا ؟؟
احسان : لأ معرفش ، تعالي عدهم هنا قدامي .
سامح : دول ١٦٨٠ جنية ورق بخمسات وعشرات وعشرينات !!!!!
احسان : شوف كده يمكن فلوس وقعت علي الارض ولا حاجة ؟؟
يضحك سامح : لا يا حاجة مفيش حاجة وقعت دي كل الفلوس قدامك .
احسان : طيب هات الفلوس الصحيحة بقي .
سامح ” يضحك ” : حاضر يا حاجة .
أخذت احسان الأموال وانصرفت تمشي ببطئ في طريقها حتي وصلت مسكنها ودخلت غرفتها وجلست لتنال قسطا من الراحة .
وبعد أن أرتاحت من الطريق وصعود درج المنزل جلست تتناول كسرة من الخبز مع قطعة جبن صغيرة !!!
وبعد أن أنتهت فتحت صندوق خشبي ضخم مليئ بالأموال النقدية الكبيرة ووضعت فيه حصيلة اليوم !!!!
وظلت تنظر أحسان الي الأموال الهائلة التي أمامها وتغمر عينيها ووجهها سعادة بالغة !!!!!
ثم فتحت صندوق أخر أقل حجما فأذا بالصندوق يمتلأ بالجواهر والمشغولات الذهبية الثمينة !! وظلت تتفحصها بعينين لامعتين ثم أغلقت الصندوق ووضعته في مكانه وذهبت في نوم عميق .
عاد عمار الي منزله وفي الطريق اتصل بأخيه أنور وقال له : انا روحت لأمي عند الجامع اللي بتقعد تشحت عنده وفعلا لقيتها هناك !!!
أنور : أنا كنت متأكد أنك هتلاقيها هناك ، المهم عملت معها ايه ؟؟
عمار : حاولت أخدها معايا علي البيت عندي لكن مفيش فايدة !!!
أنور : أنا من رأيي تسيبها ومتروحش وراها تاني وأنساها وأعتبر أنها ماتت زي ما أنا عملت انا وعاطف أخوك .
عمار : مش هاين عليا أعمل كده !!!
أنور : مش هاين عليك ولا مستني تورث منها ؟؟
عمار : أورث منها ؟؟!! أنت بتقول ايه ؟؟
أنور : أيوه ، يعني أنت مش عارف أن امك دي لما تموت هتلاقي عندها فلوس متلتلة ؟! دي تلاقي عندها كنز يا عمار !!!
عمار : أنت بتتكلم جد ؟؟
أنور : أيوه أومال بهزر !!!
عمار : وليه بتقول كده ؟؟
أنور : أنا من فترة طويلة كنت عندها بحاول أقنعها تبطل الشحاتة قبل ما أيأس منها وشوفت عندها شنطة كبيرة مليانة فلوس .
عمار : معقول ؟؟
أنور : أيوه يا ابني ده كل يوم بيدخلها مش اقل من الفين تلاتة يعني دلوقتي ممكن يكون معها ملايين !! وما خفي كان أعظم !!!
عمار : ولما أنت عارف أنها معها الفلوس دي كلها ليه بتقول أنك أعتبرتها ماتت أنت وعاطف ؟؟ معني كده أنكم مش عايزين ميراثكم منها لما تموت ؟؟ ده علي كلامك ده المفروض أننا نورث منها ملايين !!!
يضحك أنور ويقول له : طبعا عايزين ميراثنا منها لكن أنا وعاطف واثقين فيك وعارفين أنك مش هتاكل حقنا .
وفي اليوم التالي تعود احسان صباحا وتجلس أمام باب المسجد لتتسول !! وتمر عدة ساعات قبل أن يراها الحاج حامد تجلس في ذات المكان فيشتعل غضبا ويذهب اليها ويعنفها قائلا : أنتي يا ست أنتي مفيش فايدة فيكي ؟! مش قولتلك اوعي تقعدي هنا تاني ؟!!
احسان : وأنت مالك ؟ هو أنا قاعدة علي دماغك ؟!!
الحاج حامد : أما أنك ست قليلة الأدب صحيح !!! طيب يلا أمشي من هنا بدل ما أمد أيدي عليكي !!
احسان : تمد أيدك عليا ؟؟ طيب أنا هوريك تمد أيدك عليا ازاي !!! ثم صرخت بصوت عال جدا حتي تجمع كل المارة بالشارع وكثير من أبناء الحي !!!!
: مالك يا حاجة فيه ايه ؟؟
: ألحقوني الراجل ده عايز يضر.بني ويبهد.لني !!
: ليه كده يا حاج حامد ؟ دي ست مسكينة !!!
الحاج حامد : دي ست لعينة مش مسكينة !!! الست دي أولادها دكاترة ومهندسين ورافضين اللي هي بتعمله ده لكن هي مصممة تقعد هنا وتشحت زي ما أنتوا شايفين كده !!!
احسان : ده كداب !! أنا ولادي رموني في الشارع ومش بلاقي اكل الا من ولاد الحلال اللي بيساعدوني .
: ماهي بتقول أن ولادها رموها اهو يا حاج حامد ومفيش حد بيسأل فيها !! يعني هي معذورة !!!
الحاج حامد : دي كدابة ، البارح ابنها دكتور وكان هنا علشان ياخدها تقعد معاه في بيته وهي اللي رفضت ولما سألته عن سبب اللي هي بتعمله ده قالي أنها مريضة بداء الشحاتة وهو واخواته مراكزهم عالية ورافضين اللي بتعمله لكن مش قادرين يمنعوها !!!
احسان : الراجل ده كداب !!! منك لله .
الحاج حامد : شايفين الست قليلة الأدب بتقول ايه ؟ شاهدين ؟!!
احسان : أنا بشهدكم يا جماعة علي الراجل ده بيغلط فيا وبيستقصدني ، و لو حصلي حاجة يبقي هو السبب .
: خلاص يا حاج حامد سيبك من الست دي بقي مادام مش قاعدة قدام بيتك سيبها في حالها .
: وأسيبها قاعدة قدام بيت ربنا كده ؟!
: معلش يا حاج حامد ، دي مهما كان ست كبيرة و ربنا اللي هيحاسبها .
احسان : روح يا أخي منك لله ، بعد كلامك ده مش هلاقي حد يساعدني وهموت من الجو.ع !!!
: خلاص يا حاجة بعد كده الحاج حامد مش هيتكلم معاكي في حاجة تاني .
في شقة نجوي وزوجها وحيد
يجلس وحيد مهموم وبجواره زوجته نجوي التي تنظر اليه ويبدو عليها أنها مترددة في أمر ما !!!
يسألها وحيد : مالك يا ست هانم ؟ شكلك كده عايزة تقولي حاجة !!
نجوي : عايزة أقولك حاجة بس خايفة !!
وحيد : قولي .
نجوي : يعني مش هتزعق وتتخانق ؟؟
وحيد : اتكلمي وأخلصي .
نجوي : عايزة فلوس .
وحيد ” بصوت عال ” : وأجيبلك زفت فلوس منين ؟؟؟
نجوي : معرفش ، البيت مفيش فيه رغيف عيش ولا حباية بطاطس ولا ملعقة سكر ولا زيت ولا رز ولا….. !!!!
وحيد ” بصوت عال جداا ” : وأنا أعملك ايه ؟؟ ما أنتي شايفاني قاعد من الشغل من بدري ومفيش فلوس !!! وأستلفت من طوب الأرض ومفيش حد تاني استلف منه !!! عايزاني أعملك ايه ؟؟
نجوي : والعيال الجعانين اللي جوه دول انا أعمل فيهم ايه ؟؟
وحيد ” بصوت عال ” : وأنا أجيبلهم منين ؟؟
نجوي : أتصرف ، مش أنت أبوهم ؟!!!
وحيد : يعني أمو.ت نفسي ولا أو.لع في نفسي ولا اعمل ايه ؟؟ حرام عليكو ارحموني .
نجوي : وأنا اعمل ايه ؟؟ يعني أنزل أشحت من الجيران ؟!!
وحيد : خلاص اسكتي ، أنا نازل ساعة وأرجع أكون أتصرفت !!!
أنصرف وحيد وغاب عن المنزل طوال اليوم حتي بعد منتصف الليل بوقت طويل ثم عاد قبل فجر اليوم التالي بوقت قليل !!!
عاد وحيد الي المنزل ومعه كثير من الطعام والفاكهة !!
وبمجرد دخوله المنزل ايقظ زوجته نجوي وقال لها قومي صحي العيال أنا جيبتلكم عشا وفاكهة اهو يلا علشان تتعشوا !!!
نظرت له نجوي نظرة سخرية وقالت له : العيال اتعشوا قبل ما يناموا ولا كنت فاكر أنهم هيستحملوا الجوع لحد دلوقتي !!!
وحيد : وأنتي جيبتي أكل للعيال منين ؟؟
نجوي : أتصرفت وخلاص .
وحيد : يعني أيه أتصرفتي ؟؟
نجوي : ايه اللي مش مفهوم في كلامي ؟!
وحيد : يعني أتصرفتي منين ؟؟
نجوي : هو تحقيق ولا ايه ؟؟
وحيد : أيوه تحقيق ، أنا راجل البيت ولازم أعرف كل جنية دخل البيت مصدره منين ؟!!
نجوي : أستلفت من وحده صحبتي ، أرتحت ؟؟ قولي بقي أنت جيبت فلوس منين ؟؟
وحيد ” بأرتباك ” : أتصرفت .
نجوي : اتصرفت منين ؟؟
وحيد : أتصرفت وخلاص ، أنا راجل البيت وانتوا ملزومين مني اللي ليكو عندي أوفي طلباتكم أنما أتصرفت منين دي تخصني أنا لوحدي .
نجوي : يا ريتك كنت أتصرفت بدري شوية .
وحيد : يعني ايه ؟؟؟
نجوي ” بأرتباك ” : لأ مفيش ، قصدي أنك رجعت متأخر بعد ما العيال ناموا .
وحيد ” يضحك ” : طيب كويس بقي أنهم ناموا ، تعالي عايزك في حاجة ضروري اوي اوي يا حبيبتي .
نجوي : لا لا مش هينفع .
وحيد ” بعصبية ” : ليه ؟؟
نجوي : لأ يا وحيد أنا تعبانة مش هينفع .
وبعد أيام ……
تتلقي نجوي مكالمة هاتفية من أختها سلمي …….
سلمي : صباح الخير يا نوجا .
نجوي : صباح النور يا حبيبتي ، مال صوتك فيه ايه ؟؟
سلمي : قلقانة علي امك .
نجوي : ليه مالها أمك ؟؟
سلمي : بتصل بيها من البارح بالليل تليفونها مقفول !!!
نجوي : متقلقيش ، أمك ميتخافش عليها .
سلمي : خايفة تكون حصلها حاجة واحنا مش عارفين .
نجوي : لا متخافيش ممكن تكون سافرت عند خالك في البلد زي ما بتعمل كل فترة .
سلمي : وتليفونها اللي مقفول علطول ده ؟!!
نجوي : ما انتي عارفة امك بتنسي التليفون علشان مش بتستخدمه كتير ، ممكن يكون فصل شحن وهي نسيت او مش اهتمت تشحنه .
سلمي : تفتكري كده ؟؟
نجوي : أيوه اكيد ، المهم قوليلي عملتي ايه في موضوع شاشة التليفزيون ؟؟
سلمي : اسكتي يا بت يا نوجا البارح رفعت جوزي اشتري شاشة تليفزيون انما ايه كبيرة وحلوة اوي ، تحفة يا بت .
نجوي : ألف مبروك يا حبيبتي ، و رفعت جاب فلوسها منين ؟؟
سلمي : معرفش بيقولي انه اشتراها بالتقسيط بس بيتهيألي أنه بيكدب أنا حاسة انه شاريها كاش .

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية نصف جثة مجهولة)