رواية ابن الجيران الفصل الثالث 3 بقلم نانسي العربي

رواية ابن الجيران الفصل الثالث 3 بقلم نانسي العربي

رواية ابن الجيران البارت الثالث

رواية ابن الجيران الجزء الثالث

رواية ابن الجيران الحلقة الثالثة

” وهما قاعدين علي السطح تخلص ملك اللب والشيبسي ويبقا فاضل ف الطبق اخر واحدة من الشيبسي يفضلوا يبصوا لبعض بتحدي ”
ملك : هتسبها
علي : كفاية فجعة بقا انتي مخلصة علي الحاجة كلها
ملك بزعل مصطنع : انت بتعد عليا الاكل يا علي
علي : لا لا بقولك اي الجو ده مش هياكل معايا واهو
” ياخدها وياكلها ويبصلها بنتصار تخبطه ملك بالمخدة ”
ملك : يا بارد يا مفجوع
علي : يا شيخة اعملي اعتبار لاني خطيبك
ملك : انت صدقت ياض هو انا ناقصة بلاوي
علي : وانتي فاكرة اني هسيبك تتخطبي عادي كدا
ملك :يا بني مش لما ارتبط الاول انا سنجل بقالي 19 سنة يا ناس ده انا صحابي كانوا بيرتبطوا من وهما ف اعدادي 😂
” يخبطها بالمخدة ”
علي : عايزة ترتبطي بمين ياختي ها عايزة ترتبطي بمين قومي ننزل يلا زمانهم خلصوا عياط
ملك : امك عندها فشار
علي : هشوف يلا
” ينزلوا ويلاقوهم قاموا ناموا وطفوا التليفزيون ”
ملك : وصلة النكد خلصت اي رايك نشغل فيلم كوميدي ولا استني كدة … روح اعمل الفشار عقبال ما اشوف حاجة علي الفون
علي : خدام ابوكي انا
” يمشي وهي تقعد علي الكنبة وتقلب ف التليفون وبعدين تنط بفرحة وتبص علي المطبخ بخبث
”
ملك : yes
” يخرج من المطبخ بعد شوية ويلاقيها جابت الفيلم ومندمجة اوي معاه ومع البطل يقعد جنبها عادي لحد ما تيجي لقطة فيها البطل ”
ملك : يا رووحييي علي رموشك دي بكرش علي رموش بني ادم انا اول مرة اشوف حد بيكرش علي رموش بني ادم
علي : انتي جبتي الواد ده ليه
ملك : اخرس ياض متقولش عليه واد
” ياخد الطبق وياكل بغيظ ”
ملك : ليه يارب مخلقتنيش مكانها ليه
علي يبصلها بغيظ وياخد منها الريمود ويطفي الفيلم وبعدين يبتسم ”
ملك بزعل : تصدق انك بارد
علي : دماغي مصدعة اعملك اي انتي والواد المايص بتاعك ده
ملك : متقولش عليه مايص قوم ادخل اوضتك عشان عايزة انام
علي : ما تدخلي تنامي حد منعك
ملك : هنام هنا
علي : بلاش عند قومي عشان ضهرك ميوجعكيش
ملك : احسن خلي ضهرك انت الي يوجعك
علي : هاتيلي بطانية ومخدة
” تروح تجبله وتيجي تحدفهم فوشه ، وهي ماشية ”
ملك بخبث : علي … ابقا اعمل تليفونك صامت لما تيجي تنام عشان المسدچات 😉
” يبصلها بعدم فهم وتسيبه وتمشي ، وتدخل تقعد علي السرير وتكمل الفيلم يمر الوقت وتنام وهي بتتفرج ، يدخل يطمن علي عليها يلاقيها نايمة والتاب عليها يشيله ويعدلها ويغطيها ويبصلها بحب ويملس علي شعرها وهو بيبتسم و يخرج وينام ، تاني يوم تصحا مريم وسلمي ويحضروا الفطار وتصحي مريم علي ”
علي وهو بيتاوب : صباح الخير يا روكا
مريم : صباح الخير يا حبيبي يلا قوم اغسل وشك وصحي ملك
” يقوم علي ويدخل الاوضة لملك يصحيها ”
علي : ملك .. ملك يلا قومي عشان الفطار
” تصحا ملك وتقعد علي حرف السرير وهو يقوم ياخد هدومه من الدولاب تيجي تقوم تحس بدوخة تقعد علي السرير تاني وتمسك دماغها يتخض علي ويرمي الي ف ايده ويروحلها ”
علي بخضة : في اي يا ملك مالك
ملك : متتخضش يا عم انا كويسة بس عشان لسة صاحية وقمت علي طول
علي : طب اجبلك ماية
ملك : يابرو والله تمام هقوم اروح الشقة اخد دش والبس واجي
علي : طب ماشي متتاخريش عشان الاكل ميبردش
ملك : تمام
” تقوم وتخرج تسلم علي مريم وتروح علي شقتهم عند علي يخلص ويلبس ويطلع ”
سلمي : ملك لسة بتلبس
علي : اه هتخلص وتيجي تفطر بابا وعمو هيجوا امتي
مريم : زمانهم جاين ده لو مكنش في حالة مستعجلة جت يعني
سلمي : الاتنين ببشتغلوا ولا كان الاتنين صحاب المستشفي
مريم : يوسف وسليم بيتقوا ربنا فشغلهم مش عاملين فيها مدراء علي الي شغالين هناك … مش ملك اتاخرت شوية
سلمي : هقوم اشوفها
” تقوم وتشوفها تلاقيها لسة بتلبس ”
سلمي : اتاخرتي ليه يا بنتي كدة الاكل برد
ملك : خلاص خلصت وجاية اهو تقريبا امبارح خدت برد من هوا السطح دماغي مصدعة اوي
سلمي : تعالي افطري وخدي اسبرينا
” تخرج وتروح تقعد معاهم ”
ملك : صباح الخير يا قوم
مريم : اي يا موكا اتاخرتي ليه البيض بالبسطرمة برد وكان تحفة
ملك : والله لو متلج هكله 😂…. هو اي ده
سلمي : ده عسل اسود هتاخدي معلقة قبل ما تنزلي انتي وهو
ملك : يا امي انا اابتاع ده بيقفلي اليوم وربنا مبحبوش والله مبحبوووش بقالي 19 سنة بقولك مبحبوش
علي : لا انا شامم ريحة غدر احنا نقوم عشان مش هيعتقونا ونبقا نفطر ف الجامعة
ملك : طب يا قمرات باي باي بقا يلا يا لولي 😂
علي : انا غلطان اني كنت هعزمك والله
” ينزلوا ”
مريم : العيال حلقولنا يا سلمي
” تركب وراه ويطلع وشوية ويوصلوا الجامعة يلاقوا مازن وليلي واقفين مستنينهم واول ما يشوفوا علي يضحكوا وتفهم ملك ”
علي بعدم فهم ويبص لهدومه : هو التي شيرت مقطوع من النص ولا لبسه غلط ولا اي
ليلي بضحك : لا لا استحالة تكون مش واخد بالك 😂
مازن بضحك : انت مفتحتش تليفونك من امبارح 😂
” ملك واقفة وحطة ايديها علي وشها وعمالة تضحك فسرها يبصلها بقلق”
علي : انتي معملتيش حاجة صح !
ملك : ولا اي حااجةة 😂
” يطلع تليفونه ويفتح الواتس يلاقي ملك منزلة استوري يفتحها ويلاقي فيديو وهو لابس تيشرت من هدومها ونايم هي عمالة تحطله ف ميكياچ من بتاعها 😂”
علي : ده اليوم الي امي حطت هدومي كلها ف الغسيل عشان لقت فار ف الدولاب صح
” تهز دماغها باه وتطلع تستخبا ورا ليلي ومازن وليلي ميتين من الضحك”
علي : انا هعمل من وشك مساحة جزم
ملك : انت حالف انك مش هتمد ايدك عليا ابعد .. يا ماازننن 😂😂
” مازن يقف قدامه وهو بيضحك ويحوشه ”
مازن :خلاص يا عليا محصلش حاجة سرك ف الواتس بس 😂😂
علي: عليا يابنالل
” يضربه بالركبة فبطنه ”
ليلي : خلاص يا شباب خلاص يا علي قلبك ابيض هنتاخر علي المحاضرة يا شباب 😂
علي : تمممااامم انتي الي جبتيه لنفسك
ملك : ولا هتقدر تعمل حاجة 😂 عشان تبقا تغفلني بعد كدا كويس 😂
” يعدي الوقت ويدخلوا المحاضرة ويخرجوا ويروح علي يجيب اكل لملك من الكفاتريا ومازن ليلي وملك قاعدين مستنينه ”
ليلي : المهم انك هتيجي معايا
مازن : يا بنتي انتي عبيطة اجي خطوبة واحدة معرفهاش .. بطلي زن بقا
ليلي: اروح لوحدي يعني وبعدين انا زنانة ؟؟ …. انت باصص فين انا بكلمك علي فكرة
” تلف تلاقي بنت واقفة ولابسة ضيق ومازن مش منزل عنيه من عليها تحس بنغزة فقلبها وتبصله وهو ياخد باله ويبصلها ”
مازن : انا معاكي
ليلي : بجد والله
” تقوم وتقوم وراها ملك ”
ملك: انت عايز ضرب الجزمة 😒 …. يا ليلي
” يجي علي ”
علي : في اي
” يتنهد ويحكيله ”
علي : انت فعلا عايز ضرب الجزمة ملك مكدبتش ! اتفضل قوم عشان تحاول تصلح الي هببته
مازن : يا عم فكك هي هتيجي دلوقتي
علي : يابني انت اتهبلت يلا بقولك
مازن : قولتلك لا يا علي انا رايح اجيب حاجة اشربها
” يمشي ويبصله علي بستغراب ويروح لملك وليلي ”
علي لملك : هي بصة فين
ملك : اسكت لتنفجر فوشك
علي : طب انا هروح اشوفه الجحش ده واجي
” يقوم علي ويشوفهم جاسر من بعيد قاعدين لوحدهم يروحلهم ”
جاسر : هاي
” تبصله ملك بستغراب ”
ملك : هو مين قالك تقعد
جاسر : اهدي علي نفسك يا قطة بس كدة عشان جاسر مبيتقلوش لا وعرفي البودي جارد بتاعك ده اني مش هسيبه .. ولا هسيبك
ملك بتحدي :وانا عايزة اشوف اخرك يا قلب الست الوالدة والبودي جارد الي بتتكلم عليه ده احسن منك ومن مليون زيك وحظك انه مش واقف والا المرادي مكنتش هتروح وانت ماشي علي رجلك خدها من قصيره وقوم من هنا وابعد عننا خالص تمام
جاسر : هنشوف
” يقوم ”
ملك : الواد ده مجاش هنا هاا
ليلي: متقلقيش بس كويس انك قولتيله كدا عشان يعرف حدوده بعد كدة
” شوية ويجي علي ”
علي : ملقتهوش 😑
ليلي : خليه براحته هو كدة مرتاح فكك منه
” يرن تليفونه ”
علي : ايوة يا بابا
يوسف : اي يا علي انت فين
علي : انا ف الجامعة في حاجة ولا اي
يوسف : كارما بنت خالك نازلة مصر وابوها لسة قافل معايا وقدامها حوالي 4 ساعات وتبقا ف المطار
علي : اربع ساعات … طيب يا بابا هتصرف انت هترجع البيت امتي
يوسف : انا وعمك سليم هنشوف حالتين هنا وهنروح
علي : ماشي يا جو نتقابل ف البيت
” يقفل ”
ملك : اي في اي
علي : بيقولي اروح اخد كارما من المطار كمان اربع ساعات
ملك بصدمة وتقوم تقف: Ne! الساحرة الشريرة جت 😡
” يضحك علي عليها تضربه فكتفه ”
ملك : متضحكش واحنا بنتخانق
علي : اعمل اي طيب دي بقالها خمس سنين منزلتش مصر
ملك فسرها : نزلت الماية من ظورها امين
علي : بتقولي حاجة ؟
ملك بغيظ : والمحاضرات
علي : البركة فيكي بقا ابقي انقليها وهخدها منك
ملك : تمام حمدالله علي سلامتها … يلا عشان نلحق المحاضرة
” يدخلوا وتبقا ملك قاعدة مش طايقة نفسها ، يعدي الوقت والمحاضرة تخلص ويمر تلات ساعات يخرجوا من السكشن ”
ليلي : فاضل ساعة علي المحاضرة التانية تعالي نشرب حاجة عقبال ما تبدا
مازن : انا مش هحضر هروح انا زهقت وكمان مش هيتاخد فيها غياب دي
ليلي : محدش سالك اصلا
ملك : يالهوي علي الكسفة الي انت فيها يا حازم 😂😂😂
مازن : نينيني 😒
علي : تروح فين اومال مين هيوصل ليلي
ليلي : لا انا هاخد تاكسي مش همشي معاه اصلا
ملك : يلا روح انت يا علي عشان متتاخرش وسوء علي مهلك
علي : انا هاجي اوصلك تمام متمشيش الا ماجي
ملك : تمام
” يمشي ويروحوا الكافيه ،يطلع يركب المتوسكيل وبعد شوية يوصل المطار ويدخل يستناها وبعد شوية توصل الطيارة يقوم يقرب علي المكان الي هتخرج منه ، تنزل من الطيارة بنت طويلة شعرها اسود طويل ورفعاه ديل حصان وبشرتها قمحاوية وعنيها سودة حطة ميكاب تقيل وشكله حلو ف نفس الوقت ولابسة بنطلون اسود جلد وچاكت جلد قفلاه نص قافلة ولابسة تحتيه بدي قب احمر ، تخرج لعلي برة وتشوفه من بعيد وتقرب عليه”
كارما : انت علي مش كدا
علي ببتسامة :ايوة انا يا كارما نورتي مصر
كارما : منورة باهلها بقالي كتير اوي منزلتش مصر كنتوا وحشني اوي
علي : بقالك حوالي خمس سنين تقريبا اتغيرتي عن اخر مرة شوفتك
كارما : انت كمان اتغيرت انا لو مكنش معايا صورتك مكنتش هعرفك
” يفضلوا يرغوا لحد ما يخرجوا و يوقف تاكسيي ويقوله العنوان ويمشي وراه ، عند ملك قاعدة ف السكشن وكل شوية تشوف ساعة الموبايل ”
ليلي : يا بنتي في اي انتي عمالة تبصي ف الساعة ليه
ملك : زمانه قابل الساحرة الشريرة دلوقتي
ليلي : هو مين ده ومين الساحرة الشريرة دي
ملك : بت هو فاضل قد اي والراديو ده يسكت
ليلي : حوالي نص ساعة تقريبا
ملك : استني ولا امشي
ليلي : تمشي فين يا بنتي انتي عبيطة
ملك :لا مش قادرة
ليلي بصوت واطي : يا بنت المجنونة اقعدي يا ملك يا زفتة
” تقوم تقف علي البينچ والدكتور مديها ضهره وتنط علي البينچ الي قدامها ويلف الدكتور فجأة ”
الدكتور : وفالحالة دي المريض بيبقا….اي ده
ملك بخوف وهي بتبلع ريقها : يا ليلة سودة 🙂🤦
” عند علي يوصلوا ويطلع الشنط وتبقا مستنياهم مريم علي السلم هي وسلمي ”
مريم ببتسامة : الف حمدالله علي السلامة يا حبيبة عمتو
” تحضنها وتبوسها ”
كارما : الله يسلمك يا عمتو انتي كنتي وحشاني اوي
سلمي : حمدالله علي السلامة يا حببتي نورتي مصر
كارما : الله يسلمك يا طنط منورة بيكوا
سلمي : طب هسيبك انا بقا يا مريم تشبعي منها سليم ويوسف زمانهم جاين ومعملناش اكل لسة
مريم : طيب يا حببتي ابقي اندهيلي لو محتاجة حاجة
سلمي : متحرمش منك .. علي ملك هترجع لوحدها انهاردة صح
علي : لا طبعا انا هروح اجيبها
كارما : هتروح تجيب مين مش هتقعد معايا
علي : ما انا هرجع واقعد معاكي يا كارما مينفعش اسبها ترجع لوحدها …يلا يا جماعة سلام

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ابن الجيران)