رواية بياع الورد الفصل السادس 6 بقلم نور محمد
رواية بياع الورد الفصل السادس 6 بقلم نور محمد
رواية بياع الورد البارت السادس
رواية بياع الورد الجزء السادس
رواية بياع الورد الحلقة السادسة
وبعد وقت في المستشفي مرت خمس ساعات على دخول جلال للعمليات وورد كانت منهاره عليه وايدها اتحرقت وهي بتنقذه وكانت موجوعه بس ألم قلبها كان اكبر على جلال وجاسم جنبها بيحاول يهديها بكل الطرق وبعد دقايق خرج الدكتور وملامحه لاتبشر بالخير ابدا
جاسم شافه وجرى عليه بقلق كبير وقال:طمني يادكتور جلال كويس مش كده؟
الدكتور بصله بحزن كبير وقال:ايوه المريض تخطى مرحله الخطر الحمد لله بس للاسف المريض دخل في غيبوبه وكمان جسمه فيه حروق كتير محتاجه علاج ووقت طويل علشان تشفي
ورد سمعته ودموعها نزلت بوجع عليه وجاسم قال بألم وحزن: تمام شكرا يادكتور على تعبك معانا
الدكتور هز رأسه بحترام ومشي وورد حضنت جدها بقوه وهي منهاره:لا ياجدي انا محتاجه جلال اوي انا ماصدقت لقيته بعد مااتحرمنا منه السنين دي كلها
جاسم سمعها بعدم فهم وقال: انتي بتقولي ايه ياورد قصدك ايه بالكلام ده
بعدت ورد عنه بدموع وقالت بدموع:قصدي ان جلال مش غريب عننا ياجدي جلال من لحمنا ودمنا جلال ابن عمي احمد الله يرحمه
جاسم انصدم منها وقال بزهول:انتي بتقولي ايه ازاي ابن احمد الله برحمه وانا دافن ابني وابنه بأيدي من زمان
ردت ورد بحزن:لا ياجدي اللي دفنته مع عمي الله يرحمه مكنش ابنه كان ابن حد تاني يوم الحادث عمي كان فيه حادث تاني حصل ودخلت وحده مع ابنها اللي كان في عمر جلال ابن عمي وهناك مع التوتر والخوف حصلت لغبطه وانت اخدت ابن الست دي بعد ما مات وجلال اخده جوز الست دي على انه ابنه لانه مكنش يعرف بوجوده قبل الحادث فأخده وهو فاكر انه ابنه
جاسم قعد وحط ايده على رأسه بألم وتعب وقال:طيب انتي عرفتي الحقيقه دي كلها ازاي ياورد يابنتي
تهندت ورد بتزكر وردت عليه:من نفس المستشفي اللي حصل فيها الحادث ياجدي انا كنت مع الدكتور وبتكلم معاه على حالتك الطبيه والدكتور كان عنده سجيلات قديمه اوي وباصدفه وقع سجل منهم قدامي ولما قرأت الاسم وشوفت الصوره في السجل انصدمت لاني اعرف شكل ابن عمي وهو صغير من الصور القديمه هنا ولما سئلت الدكتور عرفت منه كل حاجه واخدت منه العنوان ورحت وعرفت ان ساب المنطقه دي كلها ففضلت ابحث عنه في كل مكان لغايه ما لقيت ناس صحابه دلوني عنه وفضلت اراقبه من بعيد لغايه ما اتأكدت منه وجبته معايا الفله علشان يفضل معانا هنا
خلصت جملتها وقعدت جنب جاسم اللي تهند بفرحه وقال:يعني يعني جلال يبقى حفيدي ابن ابني الغالي
ورد هزت رأسها ليه ببسمه ودموع وجاسم نزلت دموعه بسعاده كبيره وهو بيحمد ربنا على نعمه رجوع حفيده الغالي
وبعد ساعات تم نقل جلال لغرفه عاديه وورد كانت جنبه هي وجاسم لغايه ما جاسم حس باتعب لانه اتأخر في اخد علاجه فرجع الفله علشان ياخده وورد فضلت جنب جلال وعنيها كلها دموع من الحزن عليه
لمست وجهه بحنيه وهي بتقول بدموع:جلال ابوس ايدك فوق انا محتاجاك اوي جنبي انا ماصدقت لقيتك تاني ياقلبي ارجوك متبعدش عني تاني
فضلت تعيط وهي بتكلمه وفجأه حست ان ايده بتتحرك بصتله بتركيز وجلال بقى بيحاول يفتح عنيه ببطئ
ورد بسرعه وفرحه:جلال انت سامعني رد عليا ارجوك انت معايا
جلال فتح بقه بصعوبه وقال:ورد انتي هنا جنبي
ردت ورد بفرحه كبيره وقالت:ايوه ياقلب ورد انا هنا جنبك
جلال حاول يرفع ايده ولمس وجهها وقال:انتي انتي كويسه وكمان جدي كويس
ورد ببسمه:ايوه كلنا كويسين ياجلال متقلقش انت وارتاح كلنا كويسين حتي ام فتحي كمان كويسه
جلال غمض عنيه براحه وورد مسكت ايده بسعاده عارمه ولسه هتتكلم معاه رن فونها وفتحت بسرعه لما لقته رقم من الفله
ورد بقلق:ايوه ياعبير خير حصل حاجه في الفله
عبير بخوف:الحقيني ياورد هانم دخلت على جاسم بيه مكتبه لقيته واقع على الارض ومش بينطق معايا ومش عارفه اعمل ايه؟
ورد بصدمه:اييه طيب انا هاجي فورا وانتي اتصلي على الاسعاف بسرعه ماشي
عبير بطاعه:حاضر ياورد هانم
ورد قفلت معاها وعلامات الخوف بقت مرسومه على وجهها وجلال فتح عنيه على صوتها وقال بقلق:ورد في ايه جدي كويس؟
ورد بقلق وخوف:معرفش عبير بتقول انها لقته واقع على الارض ومش بينطق ولازم الحقه بسرعه
جلال سمعها وحاول يقوم بألم كبير وقال:انا انا هاجي معاكي ياورد ياله بينا
ورد قربت منه بقلق وقالت:انت بتعمل ايه الدكتور قال ان جسمك تعرض لحروق كبيره ولازم ترتاح ومتتحركش ابدا خليك مكانك ارجوك
جلال بعند:لا مش هسيبك لازم اروح اطمن على جدي معاكي انا كويس متقلقيش
حاول يقف والألم زاد عليه اكتر وورد جرت عليه بخوف ولسه هتسنده جلال وقفها بسرعه وعند وقال:انا كويس هقف لوحدي خليكي عندك
وقفت ورد وعنيها كلها قلق عليه وجلال وقف بهدووء وألم شديد ولسه هيخطي برجله بعيد عن السرير بس للاسف وقع على الارض بقوه وورد جرت عليه بقلق وهي بتقول:جلال انت كويس رد عليا انا قولتلك خليك وبلاش عناد انت لسه تعبان و
قاطعها جلال بصدمه وزهول وهو بيقول:ورد ورد انا مش حاسس برجلي خالص هما عملوا فيها ايه؟!
ورد سمعته وقالت بصدمه:ايييه!!
جلال المسكين الدنيا جايه عليه وورد بقت في موقف لاتحسد عليه من جهه جدها ومن اجهه تانيه جوزها ياترى هتعمل ايه دلوقتي؟🤔🥺
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية بياع الورد)