رواية زواج اضطراري الفصل الخامس عشر 15 بقلم أروى عادل

رواية زواج اضطراري الفصل الخامس عشر 15 بقلم أروى عادل

رواية زواج اضطراري البارت الخامس عشر

رواية زواج اضطراري الجزء الخامس عشر

رواية زواج اضطراري الحلقة الخامسة عشر

أورى ٠٠ عمر انا حامل
عمر٠٠ حامل ازاى..قصدى منين…قصدى فين
أروى ٠٠ عمر .. عمر .. ششش … خد نفس بعد كدا اتكلم
عمر٠٠ حامل بجد
أروى ٠٠ ايوه بجد
عمر٠٠ و انتى ازاى ماتقوليش حاجة زى دى
أروى٠٠ عمر انا لسه عارفه إمبارح
عمر٠٠ بنت ولا ولد.
اروى٠٠ انت تقول ايه لسه بدرى على الكلام ده
عمر٠٠ اه كمان بلاش مش عايزين نعرف بنت ولا ولد بس انا عايز بنت شبهك..مش ممكن انا هكون أب
اروى٠٠ عمر اسكت ششش
عمر.٠ ششش هسكت.. اه هتولدى امتى
اروى٠٠ عمر لسه بدرى انت بتقول ايه
( هنا حضنها عمر و بيقول)
عمر٠٠ شكرآ انك موجوده فى حياتى

عمر٠٠ اسمعى انتى تقعدى ماتقوميش من مكانك و انا هعمل كل حاجه.. اه قوليلى فى حاجه و*جعكى انتى تعبانه
أروى ٠٠ عمر انا كويسه
عمر٠٠ بس انا بسمع ان الحامل بتكون تعبانه
أروى٠٠ انا لسه فى الأول الكلام ده مش دلوقتى خالص
عمر٠٠ يعنى انتى مش حاسه باى حاجه
أروى٠٠ طبعا حاسه
عمر٠٠ طيب حاسة بأيه
أروى ٠٠ حاسه انى عايزه حضن كبير اوى
(هنا حضنها عمر ثم رن جرس الباب)
عمر٠٠ ماتتحركيش انا إللى هفتح
■■■■■■■■■■■■■
عندما رأت ناديه فرحة عمر قالت.
نادية٠٠ مساء الخير
عمر٠٠ مساء الخير
نادية٠٠ من الفرحه إللى فى عينيك يبقى أروى قالتلك مبروك
عمر٠٠ مبروك عليكى انتى كمان هتكونى جده لو انى مش مقتنع..بصراحه
نادية ٠٠ مش مقتنع بأيه بالظبط
عمر٠٠ انك تكونى جده بصراحه شكلك صغير اوى على الموضوع ده
نادية٠٠ اعمل ايه فيكم كبرتونى
أروى٠٠ ماما (حضنت أروى أمها )
نادية٠٠ يلا ممكن تغيرى هدومك و تلبسى ده
أروى٠٠ ايه ده ياماما
نادية٠٠ لبس هيكون ايه يعنى … يلا غيرى وبسرعة
عمر٠٠ على فين
نادية٠٠ عزمكم على الغدا
عمر٠٠ بس بشرط انا إللى هدفع
نادية٠٠ وانا موافقه
■■■■■■■■■■■■■■
فى مطعم على البحر
نادية٠٠ ايه رأيك فى الاكل على فكره المطعم ده من احلى المطاعم إللى بتعمل مأكولات بحرية فى اسكندرية

عمر٠٠ فعلا انا عارف اكلت هنا قبل كدا
ناديه٠٠ بجد انت على كده بتيجى اسكندريه كتير
عمر٠٠ اه طبعا انا اعرف كل حته فى اسكندرية
أروى٠٠ اه.. محسوبك صايع قديم
نادية٠٠ لسانك يا أروى
أروى٠٠ هو انا قولت حاجه
عمر٠٠ ابدآ يا حبيبى
( هنا قرصها عمر فى رجلها)
أروى٠٠ اى ى ..
نادية٠٠ فى ايه
أروى٠٠ شوفتى قرصنى ازاى
عمر٠٠ انا .. امتى
أروى٠٠ دلوقتى
نادية٠٠ خلاص الناس بتتفرج عليكم .. بطلوا شغل عيال ده
( قضيت ناديه اليوم كله برفقة عمر و أروى )
نادية٠٠ هترجع القاهرة امتى
عمر٠٠ المفروض بكرة
أروى٠٠ بكرة كدا على طول
عمر٠٠ معلش عندى شغل فى الشركة
نادية٠٠ هتوحشينى يا أروى
أروى٠٠ بقولك ايه ياماما ماتجى معانا القاهرة
نادية٠٠ اروح فين اعقلى شوية
اروى٠٠ خلاص بس على الاقل خليكى معايا حتى النهاردة
نادية٠٠ حاضر من عينى
■■■■■■■■■■■■■
فى المنزل
عمر ٠٠ رايحه فين
أروى٠٠ هنام مع ماما.. و انت هتنام على الكنبة هنا
عمر٠٠ نعم ياختى . ايه نومة العازب دى كمان
أروى٠٠ واطى صوتك ماما تسمع
عمر٠٠ حاضر خلاص بس على فكره انا زعلانه
أروى٠٠ تصبح على خير
(ذهبت أروى لنوم مع امها فى الغرفة لكنها شعرت بقلق لذلك رجعت لتنام بجوار عمر بعد منتصف الليل )
عمر٠٠ ايه إللى جابك .. انتى مش قولتى هنام مع ماما
أروى٠٠ خلاص بقى مش عارفه انام و انتى مش جانبى
عمر٠٠ تعالى انا كنت عارف انك مش هتقدرى تنامى بعيد عنى
أروى ٠٠ بطل غرور و يلا نومنى

■■■■■■■■■■■■■■■
فى مساء اليوم التالى فى القاهرة
(هنا شقة عمر الجديدة
وصل عمر و أروى الشقة )
عمر٠٠ ايه رايك يا أروى
أروى٠٠حلوه اوى
عمر٠٠ كل حاجة عايزها هتلاقيها موجوده هنا
أروى ٠٠ بس امتى عملت كل ده
عمر٠٠ انا بحهزها من فتره .. عشانك
أروى٠٠ عشانى طيب ازاى
عمر٠٠ انا من ساعة ما ماما طلبت منى ارتبط بنيفين و انا اتفقت مع صالح البواب انه يوضب الشقة
أروى٠٠ طيب ليه مقولتليش يا عمر
عمر٠٠ كنت هقولك بس انتى هربتى ..زى المجنونه
أروى٠٠ اسفه
عمر٠٠ حبيبتى ولا يهمك الهم اننا مع بعض
■■■■■■■■■■■■■■■
صباح اليوم التالى
عمر٠٠ انا رايح الشركة عايزه حاجة
أروى٠٠ اه كنت عايزه كتبى من الفيلا
عمر٠٠ انا كلمت ياسمين امبارح عشان تلم كل حاجاتك من الفيلا.. و انا هروح اخدهم بعد الشغل..
أورى٠٠ تمام ..عمر شكر
آ ( هنا قبلها عمر وقال)
عمر٠٠ اه كنت هنسى انا قولت لصالح البواب هيجيبلك كل طلبات البيت النهاردة .. كمان كلمتوا بشوف واحده تساعدك فى شغل البيت
أروى٠٠ لأ انا مش عايزه حد يساعدنى
عمر٠٠ بس الشقه كبيره ..و انت. حامل كدا هيبقى تعب عليكى
أروى ٠٠ لأ مش تعب ولا حاجة..انا حابة كده مش عايزه حد يكون معانا فى البيت
عمر٠٠ خلاص براحتك.. بس لو حسيت انك تعبتى
أروى٠٠ خلاص بيقى اعمل إللى انت عايزه تمام
عمر٠٠. تمام .. يلا باى
■■■■■■■■■■■
بعد ساعتين رن جرس الباب
أروى٠٠ مين
صالح٠٠ انا صالح البواب يا ستى هانم
أروى٠٠ تعالى يا عم صالح.. ايه ده كله
صالح٠٠ دى الطلبات البيت عمر بيه بعتنى اجيبها
أروى٠٠ داخلها المطبخ بعد أذنك
صالح٠٠ دخلتها عايزه حاجه منى تانى
أروى ٠٠ شكرآ(خرج صالح البواب)
(رن هاتف أروى )
بداية المكالمة
أروى٠٠ الو يا بابا
توفيق٠٠ الو. أروى انتى عامله ايه يا حبيبتى
اروى٠٠ الحمد الله تمام
توفيق٠٠ آمال ايه إللى امك قالتو
أروى٠٠ ماما كلمتك
توفيق٠٠ كلمتنى وبس…دى اتخنقت معايا كمان..
أروى٠٠ يمكن كان وحشها خناقاتكم
توفيق٠٠ بتهزرى …. أروى هو بجد جدك غصب عليكى فى الجوازك من عمر .. وصحيح انا اهلى عمر بيعملوكى وحش
أروى٠٠ خلاص يا بابا الكلام ده بقى قديم بلاش نتكلم فيه دلوقتى . المهم انا دلوقتى مبسوطه فى حياتى مع عمر.
توفيق٠٠ الحمدالله يا بنتى طمنتنى
أروى٠٠ بابا انا حامل
توفيق٠٠ ايه الخبر الحلو ده.. مبروك يا حبيبتى.. ليكى عندى هدية اول ما تولدى بالسلامه هتكون مفاجأة
أروى٠٠ انا الهدية بتاعتى انى أجى ازورك انت وماما فى الإسكندرية
اندهش توفيق من حديث أروى ذلك قال بحزن
توفيق٠٠ انتى بتقولى اية يا أرزى .. انتى عارفه دماغ امك
أروى ٠٠ ماما اتغيرت .. و محتاجلك يا بابا
توفيق٠٠ تفتكرى بعد كل السنين دى ينفع
أروى٠٠ طالما لسه بتحبها يبقى السنين مالهش اى قيمه هى دلوقتى وحيده محتاجلك جانبها..انا كمان محتاجة اشوفكم مع بعض
توفيق٠٠ حاضر يا حبيبتى بكرة هروح اتكلم معاها
أروى٠٠ شكرآ يا بابا
توفيق٠٠ أروى خدى بالك على نفسك ..مع السلامة
إنتهت المكالمة
■■■■■■■■■■■■■■
فى فيلا الألفى
جيلان٠٠ عمر فين يا عزت دلوقتى بقالو ٥ ايام مابيجيش البيت
عزت٠٠ طيب كويس انك خدتى بالك..ابنك ساب البيت
ياسمين٠٠ اه يا ماما عمر اتصل بيا امبارح و طلب منى ألم حاجاته هو و أروى من البيت
جيلان٠٠ يعنى ايه عمر ابنى عايز يسيبنى..لا مش معقوله عمر مايعملش كده ابدا
(هنا وصل عمر معاه حسام لكنه وقف بعيد من غير ما حد ينتبه له و انتظره انتهاء حديث عزت و جيلان)
عزت٠٠ مش مسدقه ممكن تتصلى بيه
و هتعرفى ان ابنك ساب البيت
جيلان٠٠ اتصل بيه بعد إللى عمل عشان خاطر الحلوه مراته.. اكيد كمان هى إللى طلبت منه يسيب البيت
عزت٠٠ فوقى بقى بلاش تعلقى شماعة أخطائك على غيرك .. عمر قرر يسيب البيت فى اليوم إللى انت كنت عايزاه يتجوز نيفين
جيلان٠٠ مين قالك كدا لا اكيد انت غلطان
عزت٠٠ عمر نفسه إللى قالى كدا .. جالى و قالى انه عايز يسيب البيت
جيلان٠٠ كل ده ليه ..عشان عايزه مصلحتو
عزت٠٠ انتى بتكدبى عليا و على نفسك انتى عمرك ما فكرت غير فى مصلحتك انتى شكلك الإجتماعى قدام الناس و آخر عمك احنا عايزين ايه
جيلان٠٠ انت ازاى شايفنى كده
عزت٠٠ مش هى دى الحقيقة
جيلان٠٠ الحقيقة انى أم بتحب نفسها على حساب ولادها .كدا يا عزت .. كل ده عشان ايه.. عشان عايزه احافظ على شكلكم قدام الناس عشان عايزه الكمال لكل واحد فى البيت
عزت٠٠ الكمال من وجهة نظر مين.. نظرك انتى… و نظر الناس.. ولا من وجهة نظر ولادك .. بعدين مافيش حد كامل ..الكمال لله وحده ..
جيلان٠٠ يعنى انا كنت غلط ..انى عايزه لولادى الأحسن
عزت٠٠ الاحسن ليكى..ممكن مايكنش الاحسن ليا .. و الأحسن ليا ممكن مايكنش الاحسن لعمر احنا بشر ربنا خلقنا مختلفين
جيلان٠٠ و ليه انت مقولتليش انى غلطانة كلكم كنتوا شايفين انا بعمل ايه ماحدتش فيكم كان يعترض
عزت ٠٠ عشان كنا خايفين عليكى.. بعدين انا نبهتك كتير و قولتلك عمر غير علاء
( جالست هى تبكى على ما وصلت إليه الأمور وهنا ظهر عمر نفسه تم قال)
عمر٠٠ مالهاش لازمه الدموع دى دلوقتى. إللى حصل حصل
جيلان٠٠ انت صحيح هتسيب البيت
عمر٠٠ مش دى سنة الحياة
جيلان٠٠ سنة الحياة انك تسيبنى
عمر٠٠ لأ مافيش ابن بيسيب امه ..هو بس بيستقر عنها بحياته .. وانا من حقى اكون ليا بيتى الخاص
جيلان٠٠ و ده مش بيتك
عمر٠٠ لأ مش بيتى … البيت إللى مقدرش اخد فى قرر يخصنى بيقى مش بيتى.. البيت إللى اكون انا مش صاحب القرار على مراتى بيقى مش بيتى.. البيت إللى اتهنت مراتى فيه يبقى مش بيتى
جيلان٠٠ خلاص ارجع يا عمر.. وانا اوعدك انا مش هدخل فى حياتك تانى ..و لا حياة أروى.. بس خليك معايا ماتمشيش

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج اضطراري)