رواية حكاوي فرح وكريم الفصل السادس 6 بقلم ندى وائل

رواية حكاوي فرح وكريم الفصل السادس 6 بقلم ندى وائل

رواية حكاوي فرح وكريم البارت السادس

رواية حكاوي فرح وكريم الجزء السادس

رواية حكاوي فرح وكريم الحلقة السادسة

-بابااا.
-ايه يا بنتي في ايه.
-عاوزه اروح عند جدو في المزرعه.
-ليه.
يا بابا انا مخرجتش من ساعه ماالاجازه بدات عاااوزه اروح هناك ها عشان خاطري.
-ماشي يابنتي هكلم جدك واوديكي بكره.
-هييه شكررا.
“من ساعه ما خدت الاجازه وانا قعده في البيت مخرجتش زهقتت هروح عند جدو المزرعه عاوزه اغير جو وبحبها اووي”
-جدووو وحشتني اوي عامل ايه.
-الحمدلله يا قلب جدو تعالي.
-وانت عامل ايه بقي واخبار المزرعه ايه.
-إبتسم…الحمدلله يا حبيبه جدو وتعالي يلا اوريكي المزرعه.
-إبتسمت..يلا.
“خدني وقعدنا نلف كتير ويوريني كل الحيوانات اللي مربيهم والزرع والورد لسه اول يوم بس حقيقي ارتحت اوي”
-كفايه عليك كده يا جدو يلا عشان ترتاح ويبقي نكمل بكره.
-يلا يابنتي.
“ساعدته ودخل ينام وانا طلعت انام عشان ارتاح من تعب السفر ومتشوقه اصحي تاني يوم عشان انزل تاني”
-بإبتسامه…صباح الخير يا جدو.
-صباح النور يا حبيبتي ها نمتي كويس.
-اوي يا جدو فطرت.
-لا كنت مستنيكي.
-إبتسمت…طب يلا نفطر.
“فطرت مع جدو واديته الدواء وشغلتله التلفزيون وطلعت اتمشي في المزرعه واتفرج علي الورد والزرع وايه ده إسطبل..فتحته بهدوء..دخلت كان فيه حصانين واحد ابيض وواحد اسود قربت من الابيض براحه”
-ششش..مش هعملك حاجه براحه اهو.
“كل ده وانا بحاول احط ايدي عليه براحه”
-إنتي مين.
-اي..اااعععع.
-فرح يابنتي فوقي انتي كويسه ايه اللي حصل يا كريم.
-والله يا عمي بفتح الاسطبل لاقيتها واقفه بتحاول تقرب من مرجان فبقولها بتعملي ايه مرجان اتخض وخبطها.
-فرح انتي كويسه.
-اه دماغي هو ايه اللي حصل.
-الحمدلله إنك بخير يابنتي.
-هو ايه اللي حصل.
-مرجان الحصان خبطك وكريم شالك وجابك هنا.
“بصتله كان شاب طويل قمحاوي وشعره طويل شويه باين عليه القوه شويه”
-ها عامله ايه دلوقتي.
-الحمدلله يا جدو دماغي وجعاني شويه.
-طب الحمدلله انك بخير يلا ارتاحي وهتبقي احسن وشكرا يا كريم يابني مشعارف من غيرك كان ايه اللي هيحصل.
-بصوت واطي…من غيره ماكنش الحصان هيتخض ويخبطني.
-أنا اسف يا انسه فرح ماكنتش اعرف انك موجوده في الاسطبل.
“بصتله بصدمه ووشي احمر من الكسوف أنه سمعني يا كسفتك يا حازم”
-ااا شكرا إنك انقذتني.
-إبتسم….لا شكر علي واجب….بعد إذنك يا عمي.
-هو مين ده يا جدو.
-ده يابنتي كريم بيشتغل هنا في المزرعه بيهتم بمرجان ومرجانه وبياخد باله مني لما ماكنش فيه حد هنا بعامله زي ابني بالظبط.
“إبتسمت علي كلام جدو باين عليه بيحبه وبالرغم من اني حاسه أنه رخم كده ودمه تقيل بس مبسوطه أنه كان مع جدو ومهتم بيه”
-بإبتسامه….صباح الخير.
-أنتي الانسه فرح حفيده رشوان بيه.
-إبتسمت….ايوه انا انتي مين.
-أنا ملك اخت كريم اللي انقذك امبارح.
-ااه طب وبتعملي ايه هنا.
-بشتغل هنا وبهتم بالورد والزرع إتفضلي.
-إبتسمت…شكرا ليكي يا ملك والله.
-العفو يا أنسه فرح.
-لا بصي احنا صحاب قوليلي يا فرح بس اشطا.
-إبتسمت….إشطا يا فرح.
-إشطا يا ملوكه ممكن تيجي توريني الجنينه عاوزه اتفرج عليها.
-ايوه تعالي.
“إتمشيت وراها وانا ماسكه الورد اللي اديتهالي وبمرجحها في أيدي وانا مبسوطه مغلطتش أما طلبت من بابا أنه يجبني هنا”
-المكان هنا حلو اووي.
-اووي.
-يا بختك عايشه هنا علي طول.
-هو انتي مش عندك ورد في مصر.
-لا عندي بس مش بشوفه أو مش بنزل وشكلي كده هطلب من بابا يبقعدني هنا علي طول.
-إبتسمت….تنوري والله انا ارتحتلك من اول ما شوفتك والله.
-إبتسمت…يا حبيبتي وانا والله حبيتك اوي.
-طب بقولك هاروح اخلص الشغل واجي أقعد معاكي لحد ماتزهقي.
-مستنياكي وانا هلف في المزرعه.
-ماشي.
“حطيت الورده في جيبي ومشيت وصلت عند الاسطبل برضو والصراحة قررت ادخل تاني عاوزه اشوف مرجان ومرجانه جدو قاللي علي إسمهم بس يارب المره متخبطش تاني…فتحت الباب براحه بس المره دي لاقيته جوه”
-وهو حاطط أيده علي الحصان……جيتي تاني عشان تتخبطي.
-اااا انا عاوزه اتعرف عليهم.
-بصلي……تعالي.
-ايوه.
-مد أيده…..هاتي ايدك.
“بصتله بتوتر وقلبي بيدق وببص ليه وللحصان….مديت أيدي مسكها وحطها بالراحه علي الحصان جسمي ارتعش وخوفي زاد شويه بس هو مسك أيدي وبدأ يحسس بيها علي الحصان بصتله بتوتر وهو كان باصص الحصان”
-متخافيش عشان هو كمان ميخفش منك ارتاحي بس.
“بصيت للحصان وبدأت ارتاح فعلا وأحسس انا عليه لوحدي لحد ما عمل صوت خلاني ارجع لورا من الخاصه والورده وقعت من جيبي”
-اهدي متخافيش.
-هو كويس.
-ايوه بس اهدي شويه وشك احمر.
“حاولت اهدي شويه واخد نفس عشان وشي يهدي….لاقيته ميل علي الارض وجاب الورده”
-دي بتاعتك.
-مدتله أيدي…..ايوه.
-إبتسم….هنا هتبقي احلي.
“لاقيته قال الجمله دي وقرب عليا ورتب شعري وحط الورده فيه وانا قلبي بيدق جامد”
-كده احلي.
“بصتله ووشي احمر وطلعت اجري من الاسطبل ايه الهبل اللي بيحصل ده هو ازاي يعمل كده اصلا وقلبي ده بيدق ليه لا انا عاوزه انام ايوه فين السررريييرر”
-بنعس….مساء الخير يا جدو.
-ضحك….مساء الخير يا بنتي كل ده نوم وايه الورده اللي بايظه في شعرك دي.
-ورده
“قولت الكلمه دي وحطيط أيدي مكان ما كان حاطط الورده وشي احمر وقلبي دق اول ماافتكرت الموقف”
-بتوتر….لأ دي دي اه دي من ملك ايوه ملك هي.
-وملك حططها في شعرك ليه.
-وشي احمر اكتر….ها لا دي…تصبح علي خير يا جدو.
“جريت من قدامه برضو انا مبعملش حاجه غير اني بجري بس وانا سامعه صوت ضحكه من ورأيا لأ شكلي بقي ذفت وكريم ده انا لازم…لازم ايه انا لو شوفته هجري تاني”
-جدوووووو.
-أنسه فرح كريم جيه خد رشوان بيه وبيلفوا سوا في المزرعه.
-شكرا.
“خرجت من البيت وروحت ادور علي جدو في كل حته مش لاقياه”
-ملك مشوفتيش جدو.
-أنا كنت جايه انادي عليكي في سبق صغير كده في المزرعه اللي جمبنا بين كريم وعمر بيه صاحب المزرعه التانيه ورشوان بيه راح عشان يشجع كريم ويشوفوه وجيت عشان انادي عليكي.
-إبتسمت…طب إشطا يلا.
“مشيت معاها وروحنا المزرعه التانيه لاقيته راكب مرجان وبيتحرك وهو شايله وهما الاتنين رافعين رأسهم بشموخ يمكن قلبي دق تاني لما شوفته وشوفت واحد تاني راكب حصان تاني وبيتحرك مع كريم حسيت اني مرتحتلوش كده”
-جدو.
-تعالي يا فرح شوفي كريم.
-أنا هنا اهو.
“قعدنا نتفرج عليهم وكريم هو اللي في الأول طول السباق لحد ما لاقينا مرجان اتخبط وهو بينط من فوق الخشب كلنا قمنا من مكانا وروحنا عشان نشوفه وانا قلبي بيدق جامد وخايفه علي كريم اللي وقع من فوق مرجان بعد مااتخبط”
-كريم انت كويس.
-بص يا رشوان بيه ده اتعور.
-فرح انتي صيدلانيه ساعديه.
-حاضر حاضر بس محتاج حاجات من بره.
-شوفي عاوزه ايه وملك هتجيبه.
“مليت ملك اللي انا عااوزاه وراحت جابته وجت كنت بغيرله علي الجرح وبحاول اخفي دموعي اللي بتنزل لما بسمع صوته وهو بيتألم…..غيرتله واللي اسمه عمر ده ساعده ووصلناه بيته اللي في مزرعه جدو”
-هو بس لازم يرتاح شويه وانا هاجي اغيرله علي الجرح تاني.
-إبتسم… حفيدتك دي يا رشوان بيه.
-ايوه اقدملك يا فرح عمر بيه صاحب المزرعه اللي جمبينا ودي فرح حفيدتي يا عمر.
-مد ايده…. اهلا بيكي يا فرح.
-سلمت وشلت ايدي بسرعه…. اهلا بيك… جدو يلا عشان نروح البيت.
-يلا يابنتي اشوفك مره تانيه يا عمر بيه.
-إبتسم….وانا كمان اشوفك مره تانيه ياانسه فرح.
“هزيت دماغي وخدت جدو ومشينا وانا قلبي لسه بيدق وخايفه علي كريم… الاه وانا مالي لا ده متعور برضو ماشي بس انا قلقانه ليه دلوقتي”
-اتفضل يا جدو تحب اجبلك حاجه تانيه.
-لا يا حبيبتي مش هتروحي تغيري لكريم علي الجرح.
-إتوترت… اه رايحه اهو.
“انا بتوووووتر ليه جدو بدا يقفشني وشكلي هيبقي فنله اوي…..لا اهدي يا فرح مافيش حاجه مافيش حاجه…بيته اهو لا انا عاوزه اروح”
-احم ملك.
-إتفضلي يا فرح.
-إبتسمت… انا كنت جايه يعني اغير لكريم علي الجرح.
-اه تعالي هو جوه اهو.
“دخلت لافيته نايم علي السرير وبيبص للسقف ومبتسم…..اول ما شافني اتعدل وبصلي ولسه مبتسم برضو”
-فرح جت تغيرلك علي الجرح يا كريم.
-إبتسم…. إتفضلي.
-إتوترت… اه تمام.
“قعدت اغيرله علي الجررح وانا حاسه بنظراته وللاسف اتوترت اكتر ودوست علي الجرح من غير قصد”
-براحه.
-انا اسفه ماكنتش اقصد بس.
-ولايهمك كملي.
“شكله حس انه السبب فبعد عينه بصتله من غير ما يلاحظ لاقيته لسه مبتسم برضو بس مبيبصليش”
-خلصت.
-إبتسم… شكرا.
-إبتسمت وحاولت اسيطر علي توتري…. العفو شد حيلك بقي عشان تعلمني ازاي اركب خيل.
-عاوزه تركبي خيل.
-جدا خف انت بقي وتعالي علمني.
-من عيوني.
-اااا شكرا بعد اذنك.
“لا هو رخم وذفت وانا غلطانه اني قولت حاجه ايه ده يعني انا بسيطر عليا بالعافيه ييجي هو بكلمه يوقعني كده لا اجمدي يا فرح مش كده اجمد ايه بس انا وقعت زي الجردل خلاص”
-بتكلمي نفسك.
-ها ايه لا.
-عامله ايه.
-الحمدلله وحضرتك.
-تمام بس بلاش حضرتك دي انا مش كبير اوي يعني قوليلي يا عمر عادي.
-لا معلش خليه كده احسن.
-إبتسم….تمام ممكن اتمشي معاكي شويه.
“هو مش باين اني مش طيقاك وكده؟! احرجه طيب والا اعمل ايه لا عيب يلا وخلاص”
-اه عادي.
-تمام… احكيلي بقي عنك.
-احكي ايه.
-يعني بتعملي ايه بتحبي ايه وكده.
-بصتله…. ليه.
-عاوز اعرفك بس.
“اتوترت شويه واتضايقت برضو هو مين عشان يسالني كده ده جاي يتعرف”
-اسفه انا لازم امشي.
-انا ضايقتك.
-لا بعد اذنك.
“سيبته ومشيت ولاحظت انه بقي بييجي يقعد مع جدو كتير كنت بتجنبه او مبطلعش اصلا واروح ابجنينه النهارده كنت رايحه اشوف كريم عشان خلاص خف مبسووووطه ايه الاوفر ده ده جرح عادي يعني بس مبسوطه برضو”
-ها بقيت احسن اهو.
-البركه فيكي.
-آبتسمت
-ها هتتعلمي الخيل.
-طب ماتخليها شويه عشان انت لسه متعافتش اوي.
-لا تعالي يلا.
“مشيت وراه وانا مبتسمه ودخلنا الاسطبل تاني”
-بصي مرجان عرفك فهيبقي سهل تركبي عليه وانا هاخد مرجانه.
-بس انا خايغه انا مبعرفش.
-متخافيش انا معاكي وكمان هبقي جمبيكي.
-إبتسمت بتوتر….. طب ماشي… انا مشعرفه اطلع.
-إستني.
“قال الكلمه دي ولاقيته قرب تاني وشالني طلعني علي الحصان يخربيتك انت وقلبي يااخي من الخضه كنت هقع بس هو مسكني وشي احمر اوووي”
-إبتسم…. اهدي متخافيش انتي بتتكسفي اوي كده ليه.
-اااا
-ضحك…. بس خلاص اهدي هسكت اهو.
“بصيت بعيد عنه عشان ابعد وشي وقلبي لسه بيدق هو رخم اصلا هو ركب هو كمان وقعد يقولي امشي ازاي واحرك الحصان ازاي وانا مبسوطه ومبتسمه طول مااحنا ماشيين كنت حاسه اني فرحاااانه اوي”
-ها إتبسطي.
-جدااا يا كريم بجد شكرا ليك.
-لا شكر علي واجب يا ستي وبعدين لسه شويه كمان علي ماتتعلمي.
-ضحكت… خايفه اقع و…
-فرح تعالي عايزك.
-نعم يا جدو…. طب انا هاروح اشوف جدو.
-ماشي روحي.
-ايوه يا جدو.
-عمر طلب ايدك.
-طب ايه.
-ايه انا بسالك.
-انا مش مرتحاله يا جدو بني ادم لزج كده ومش مريح.
-ضحك… لزج!!.
-اه والله جاي يتعرف كده وسمج.
-ضحك….خلاص يابنتي كده…اقوله ايه.
-كل شئ قسمه ونصيب يا رشوان بيه.
-ماشي يا حبيبه رشوان بيه…كنتي فين.
-كنت بركب خيللل مبسوطه اوي يا جدو.
-مع كريم صح.
-اه علمني وكان حلو اويي.
“قعدت احكي لجدو اللي حصل وانا بحرك ايدي وبوصفله وانا مش واخده بالي من ابتسامته وهو بيبصلي”
-بس يا جدو هو ده…اتوترت…كل اللي حصل يعني.
-بتحبيه يا فرح.
-وشي احمر…ها ايه يا جدو ده لا طبعا.
-هتكدبي علي جدو.
-مشعرفه يا جدو بس ببقي مرتاحه في وجوده.
-ربنا يسعدك يا قلب جدو.
“عدي يومين كانوا حلوين اوي روحت وكملت معاه وهو بيعلمني ركوب الخيل وكل شويه اغلط وكان فاضل سيكا ويرميني من علي الحصان كنن مبسوطه اووي هو انا حبيته فعلا”
-فرح.
-بابتسامه….نعم يا جدو.
-ابوكي كلمني وعاوز ييجي ياخدك.
-إبتسامتي اختفت….بس انا مش عاوزه اروح.
-مش راضي قاللي انك لازم تيجي وكفايه.
-طب قوله يا جدو انا مش عاوزه امشي.
-مش موافق خلاث يا فرح روحي وابقي تعالي تاني.
-طب و…..
-وايه.
-لا خلاص يا جدو مافيش حاجه انا هاروح اجهز حاجتي هو جاي امتي.
-باليل.
-ماشي
“مشيت من قدامه وانا بحاول اتحكم في دموعي هو انا كده مش هشوفه تاني مش هيركب معايا خيل وافضل اغلط ويزعقلي ونتخانق مش هيجبلي ورد هو وملك كل يوم الصبح انا مش عاوزه امشي….جهزت حاجتي ونزلت اودع المزرعه روحت الاسطبل برضو دخلت وقفت قدام مرجان وحطيت ايدي عليه زي ما كان معلمني ودموعي نزلت”
-مش عاوزه امشي انا عاوزه افضل معاه هنا انا…انا بحبه.
-فرح.
“سمعت صوته ومسحت دموعي وحاولت ابتسم”
-نعم.
-انتي كنتي بتعيطي.
-لا انا كنت جايه اسلم عليك عشان…عشان همشي.
-هتروحي فين.
-هروح البيت بقي.
-مش هتيجي تاني.
-لفيت بعيد عنه وحاولت امنع دموعي…..مشعرفه انا همشي بقي.
-فرح استني.
-نعم.
-فرح انا بحبك.
-ايه.
-بحبك متمشيش.
-….
-فرح تتجوزيني.
-….
-ردي تتحوزيني.
-هتزعقلي وانت بتعلمني ركوب الخيل.
-لا مش هزعق هزقك علي طول.
-انت رخم.
-عارف ردي بقي.
-موافقه.
”جاء لِروحي على هيئه عوض عن كل مر قابلته❤️”

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)