رواية حكاوي فرح وكريم الفصل العاشر 10 بقلم ندى وائل

رواية حكاوي فرح وكريم الفصل العاشر 10 بقلم ندى وائل

رواية حكاوي فرح وكريم البارت العاشر

رواية حكاوي فرح وكريم الجزء العاشر

رواية حكاوي فرح وكريم الحلقة العاشرة

-يحرق الشغل على الصبح بقى في حد ينزل يشتغل علي الساعه ٨ هستفيد ايه من كده يعني هخرج من تحت اللحاف وخلاص.
-ايه بس مخنوقه برضو.
-بس اسكتِ انتِ كمان عشان اعرف اسوق.
-طب ارجوكِ ركزي في الطريق لاحسن تعملي بينا حادثه ارجوكِ.
-بصتلها….اهو بعد كلامك ده هعمل ح…
-حاااسبي.
“وانا بكلمها ماكنتش واخده بالي من الطريق لحد ما عدى حد من قدامنا وهي قالتلي حسابي ولحسن الحظ انا وقفت والخبطه كانت خفيفه بس للاسف اغمي عليه…”
-لو سمحت إنت كويس…يا كابتن.
-قتلتيييه.
-اهدي قتلت ايه إنتِ كمان الخبطه كانت خفيفه اصلًا.
-هنعمل ايه طيب.
-بصي ساعديني نسنده يلا نوديه المستشفي وانا هشرف على الحاله.
-اه عشان ميبانش انك انتِ اللي خبطتيه لو مات وتكوني انتِ الدكتوره دماغ شغاله مش بتنام.
-هي دماغ نايمه مش شغاله خالص اخرسي وساعديني.
“سندناه ودخلناه العربيه والحمدلله محدش شافنا…ايه طب ما عادي حد يشوفنا….المهم روحت بيه المستشفي اللي بشتغل فيها عشان اشوف انا حالته وبالمره اعوضه عن ده…”
-انا فين.
-إبتسمت….حمدالله على سلامتك.
-أنا مين اللي جابني هنا.
-قعدت جمبه….انا للاسف خبطتك الصبح لو تفتكر يعني وجبتك هنا ولحسن الحظ انا دكتوره فكشفت عليك والحمدلله كان عندك كسور وكدمات خفيفه يعني بس لازم تفضل هنا شويه عشان رِجلك تتحسن ونتطمن عليك…
-بصلي….إنتِ اللي خبطتيني.
-إحم اه.
-ولما أنتوا مبتعرفوش تسوقوا بتركبوها ليه.
-انت بتزعقلي ليه ماانا جبتك المستشفي وعالجتك اهو اعمل ايه اكتر من كده.
-متركبيش عربيات تاني مادام مابتعرفيش تسوقي يبقي ماتركبييش.
-وانت مالك اركب والا…..
-ساره دخلت….فرح فرح اهدي فرح.
-وانت مالك انت اركب والا عني ما ركبت انت مالك.
-يلا يا فرح نطلع فرح.
“بني ادم مستفز طب حتي يشكرني اني مسبتهوش مرمي في الشارع لا كمان بيزعقلي…”
-اهدي يا فرح بقى.
-سيبيني سيبيني على البني ادم المستفز ده.
-يابنتي خلاص الراجل تعبان.
-ما يتعب والا يتنيل انا مش عالجته مش يشكرني.
-اه هي بدات اترزعي هنا عقبال مااجبلك القهوه بتاعتك عشان هي اللي معصباكِ كده.
-إتفضلي واهدي بقى.
-شربت بوء…..وال يقولي متسوقيش عربيات انا انا.
-معاه حق.
-ايه بتقولي ايه انتِ كمان.
-انا انا بقول اهدي عشان تعرفي تكملي شغلك عشان كده غلط عليكِ.
-انا هوريه هو مش قاعد معانا شويه هوريه.
-انا رايحه اكمل شغل وانتِ خلصي واهدي كده وكملي.
“خرجت وسابتني…عارفه اني بتعصب بسرعه وخصوصًا لو مش شاربه القهوه بتاعتي الصبح وبسبب اللي حصل نسيت اشربها والكائن ده كمان عصبني اكتر ما هي نقصاه….”
-بغيظ…..عامل ايه دلوقتي.
-بصلي وسكت.
-يا انت انا بكلمك.
-اسمي كريم واظن انه باين عليا انا عامل ايه ياريت تسألي اسئله منطقيه.
-انا هخرج قبل ما اقتل حد دلوقتي.
-خدي يا اسمك ايه انتِ.
-انا اسمي ايه..!!!…اهدي يا فرح اهدي….عاوز ايه واسمي دكتوره فرح.
-بص قدامه….انا عاوز ادخل الحمام.
-اجي ادخل معاك يعني والا ايه.
-بصلي….انتِ متاكده انك دكتوره.
-هبعتلك حد يساعدك ياكش…يووه.
-إتفضل يلا عشان تأكل.
-هاكل ازاي بقى وانا ايدي مربوطه كده.
“بصتله بغيظ وغمضت عيني وإتنهدت…..”
-إفتح بوق حضرتك.
“اكلته و….ايه ده انا اكلته!! انا مبعرفش اكل نفسي اساسا بصوا عادي عادي مريض وبساعده عااااادي جدًا….”
-نعم قالوا انك طلبتني.
-انا كنت عاوز انزل اتمشى شويه عشان زهقت من قعده الاوضه ممكن…!!.
-اه ممكن هناديلك حد يساعدك حاضر.
-لا.
-نعم.
-انا عاوز اتمشى معاكِ انتِ.
-بصتله شويه…..حاضر لحظه.
“ساعدته وجبتله حاجه يسند عليها وخدته ونزلنا نتمشى في جنينه المستشفى بهدوء…”
-هو انا ممكن اسالك سؤال.
-لا.
-بصوت واطي….طب ازقك ارميك في الارض دلوقتي.
-اسالي.
-لا غيرت رايي.
-تعالي نقعد هنا.
-إتفضل.
-لا انا اهلي مش معايا.
-نعم.
-مش هو ده سؤالك اكيد استغربتي محدش كلمني او سأل عليا وكده من ساعه ما جيت بس اهلي كانوا عايشين بره في السعوديه وانا سبتهم وجيت هنا و في اليوم اللي انتِ خبطتيني فيه كنت….
-ايه.
-كان جايلي رساله من هناك انهم…..عملوا حادثه وكلهم ماتوا.
-انا اسفه انا….الله يرحمهم.
-انا عاوز انام.
“ساعدته يطلع ينام وقعدت في المستشفى…مشعرفه بس حاسه انه دماغي اتشلت انا من النوع اللي مبيعرفش يواسي تمامًا بس لما بلاقي واحده من صحابي تعبانه او زعلانه بحضنها….بس هحضنه ازاي ده ايه ده….اكيد كله خير اما اروح اشوفه….دخلت بصيت عليه كان نايم….هادي كده مش مستفز ملامحه لطيفه انا ماكنتش بلاحظ ازاي انه حلو كده…ايه ده في ايه انا قايمه..”
-بابتسامه….صباح الخير.
-بصلي….صباح النور.
-يلا عشان تفطر وتاخد علاجك بقى.
-ايه النشاط ده.
-لا عادي يعني.
-يلا إفطر.
-بص لايده….برضو.
-اه خلاص يلا.
“قعدت اكله والمره دي مختلفه شويه يمكن مشعرفه بس حاسه باحساس مختلف شويه….اكلته وانا بحاول اهزر واضحك معاه والحمدلله ضحك…”
-بالهنا.
-شكرًا ليكِ يا فرح اقصد دكتوره فرح.
-إبتسمت…..لا فرح عادي بقى احنا دلوقتي اصحاب.
-بصلي….انا وافقت نبقى صحاب.
-يا راجل هو انت تطول اساسًا امسك خد علاجك امسك.
-ايوه فعلًا انتِ اطول مني.
-خد العلاج واسكت بدل ما اخنقك.
-ضحك…..بتبقي حلوه اوي وانتِ متعصبه على فكره.
-وشي احمر….نينينيني وانت مستفز.
-بصلي وإبتسم.
-طب انا هاروح اكمل شغلي بقى هعدي عليك باليل.
“قعد شويه كمان في المستشفي كنت بروح الصبح اصبح عليه واكمل شغلي واجي اقعد معاه باليل…..حاجه أتغيرت سيكا اممم لا كتير بقيت بحب اقعد معاه واتكلم معاه و I Think اني كده داخله على منطقه خطيره….انا حبيته!! ”
-بحزن شويه….يلا يا بطل فوق كده عشان خلاص هتمشي.
-بجد انا خفيت.
-ابتسمت….اه حمدالله على سلامتك يلا بقى ودعنا عشان زهقت من إستفزازك.
-اتنيلي هو حد كان معبرك غيري.
-ياربي على الخفه قوم قوم.
-شكرًا ليكِ يا فرح على انك جبتيني هنا والوقت اللي قضتيه معايا حقيقي بشكرك اوي.
-ايه يا عم ما قولتلك احنا اصحاب مافيش شكر بينا.
-رفع حاجبه….هو انا لسه وافقت نبقي اصحاب.
-امشي من وشي يا كريم امشي يلا روح.
-متزقيش طيب انا ماشي اهو.
-ابتسمت بحزن….اشوفك على خير.
-وانا كمان.
“مشي خلاص اهو انا ليه زعلت اما لاقيته فرحانه انه هيمشي ماهو لازم يبقى فرحان يعني.. ااه انا هكمل شغل…مره تلاته ايام والايام رخمه اوي ايه ده هو كان وجوده مهم اوي كده مشعرفه اهو اديني نازله شغل اليوم الرابع ياكش يعدي على خير بقى ومعيطش فـ اخره….”
-حاسبييي.
“وقفت العربيه فجاه اما لاقيت حد جيه وقف قدامي وقال الكلمه دي نزلت بسرعه وكان….”
-كريم.
-انتِ لسه برضو مبتعرفيش تسوقي بتركبوها لييه.
-انت بتعمل ايه هنا.
-يعني قولت اعدي قدامك تخبطيني تاني اصل وحشتني قعده المستشفي اوي.
-ياراجل.
-و دكتوره المستشفي برضو.
-مالها.
-غبيه دكتوره المستشفي غبيه.
-الاه وانا مالي يا لمبي.
-إبتسم….تيجي نبقى صحاب.
-انا وافقت نبقي صحاب؟!.
-إبتسم….بس انا وافقت♥.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)