رواية العشق الأبدي الفصل الثلاثون 30 بقلم لبنى دراز
رواية العشق الأبدي الفصل الثلاثون 30 بقلم لبنى دراز
رواية العشق الأبدي البارت الثلاثون
رواية العشق الأبدي الجزء الثلاثون
رواية العشق الأبدي الحلقة الثلاثون
• اللهم فارج الهم كاشف الغم مجيب دعوة المضطرين رحمن الدنيا والآخرة ورحيمهما أنت ترحمني فارحمني رحمة تغنيني بها عن رحمة من سواك
.
• اللهم إني أسألك خير المسألة وخير الدعاء وخير النجاح وخير العمل وخير الثواب وخير الحياة وخير الممات وثبتني وثقل موازيني وحقق إيماني وارفع درجتي وتقبل الخير وخواتمه وأوله وآخره وظاهره وباطنه والدرجات العلى من الجنة آمين
• اللهم إني أسألك من الخير كله عاجله وآجله ما علمت منه وما لم أعلم وأعوذ بك من الشر عاجله وآجله ما علمت منه وما لم أعلم وأسألك الجنة وما قرب إليها من قول أو عمل وأعوذ بك من النار وما قرب إليها من قول أو عمل وأسألك من خير ما سألك عبدك ورسولك محمد وأسألك ما قضيت لي من أمر أن تجعل عاقبته رشدا
• اللهم إني أسألك صحة في إيمان وإيمانا في حسن خلق ونجاحا يتبعه فلاح ورحمة منك وعافية ومغفرة منك ورضوانا.
• اللهم أنت الأول لا شيء قبلك وأنت الآخر لا شيء بعدك أعوذ بك من شر كل دابة ناصيتها بيدك وأعوذ بك من الإثم والكسل ومن عذاب القبر ومن فتنة الغنى ومن فتنة الفقر وأعوذ بك من المأثم والمغرم الهم نق قلبي من الخطايا كما نقيت الثوب الأبيض من الدنس اللهم بعد بيني وبين خطيئتي كما بعدت بين المشرق والمغرب.
العشق الأبدي بقلمى✍️__________لبنى دراز
فـ بيت سالم المنصورى
بعد ما رجع خالد و أخواته و بناتهم و هما هيتجننوا من اللى حصل
خالد:: بغـ ـضب .. ااااااااااه يااااابن الكـ ـلب بقى انا خااااالد المنصورى يحصل فيا كدا .. بقى انا بخطط كل السنييييين دى و فـ الاخر يجى عيّل بـ ……. زى ده يضيع لى كل اللى خطتله مرة واحدة ازاااااى قدر يعرف كل ده
جمال:: بعصبية .. قو قو قولتلك كتيييير يا خااااالد فـ فـ فاااارس مش سهل ما صدقتنيش و أهو قدر يعرف كل حاجة و أخد كل حاجة مننا و…
خالد:: جماااااال اسسسسكت انا مش نااااااقصك أقفل بؤقك ده
سلمى:: بغيظ .. ااااااااخ يااااا نااااارى .. عرف كل اللى بنفكر فييييه ازاااااى و جاب الفيديو ده منين ده وقت اللى حصل كان لسة عيّل صغير
خالد:: بزعيق لـ سلمى .. انتى كل اللى همك جااااب الفيديو ده منيييين و مش همك انه خد كل اللى ورانا و اللى قدامنا و اتبرع بيهم للجمعيات الخيرية
سلمى:: انت مش حاسس بالمصـ ـيبة اللى أحنا فيها دى ليييه الفيديو ده يلف حبل المشـ ـنقة حوالين رقبتنا اننننتتتت فااااهم .. فارس و هو قاعد فـ قصره بتليفون صغير منه هيودينا ورا الشمس و اننننتتتت بتفكر فى اللى خده .. انت لازم تتصرف و تجيب الفيديو ده منه بـ أى طريقة
خالد:: أخرررسى بقى خلينى أعرف أفكر أخلص منه ازااااى
سلمى:: كفااااية بقى لغاية كدا يا خاااالد و أديك شوفت فارس وصل لـ فين و أكيد مش هتعرف تعمل اللى بتفكر فيه ده أبداً
خالد:: بغـ ـضب .. قووولتلك اخررررررسى انا لاااااازم أخلص منه بأى طريقة انتى فااااااااهمة
و بالفعل فضلوا طول الليل و الغِل ماليهم من تصرف فارس معاهم .. و خالد قرر و حسم أمره ع تنفيذ اللى فـ راسه و فعلا أول ما طلع النهار جرى ع قصر فارس و مستنى الفرصة اللى هيعرف ينفذ فيها
______________________
فـ القصر
تانى يوم الصبح راحت خديجة و فاروق عشان يطمنوا ع فارس و أخواته بعد مواجهة أخواتها خالد و جمال و سلمى وصلت بالفعل القصر و رنت الجرس
ملك:: فتحت الباب و رحبت بيها .. نورتى يا ست هانم
خديجة:: بمرح .. ايه ست هانم دى يا ملك قولى يا ديچة من غير هانم يا لوكة ههههههههههه
ملك:: العين ما تعلاش عن الحاجب يا هانم .. اتفضلى حضرتك
فاروق:: صباح الخير يا ملك عاملة ايه و الناس اللى هنا بيعاملوكم ازاى انتى و قمر
ملك:: بصراحة يا فاروق بيه كلهم ناس طيبين و محترمين أوى سواء الست الكبيرة و لا فارس باشا و الهانم مراته و اخواته و بيعاملونا بأحترام و كأننا منهم مش شغاليين عندهم
خديجة:: لأ كدا ازعل منك يا ملك انا قولتلك من الأول انكم هنا زيكم زى اى فرد فـ البيت و اعتقد فارس و حلم قالولك الكلام ده
فارس:: من وراهم حصل يا ديچة صدقينى بس مش عارف ملك و قمر قلقانين ليه
ملك:: بأدب و وشها فـ الارض .. انا مش قلقانة يا فارس باشا بس اللى شوفته انا و أختى خلانا مش مصدقين ان فيه ناس زى حضرتك و حلم هانم
خديجة:: لأ صدقى يا ملك و هتشوفى بنفسك لما يرجعوا السويس و تروحوا معاهم ان شاء الله ولا مش عايزين تروحوا و حابين تفضلوا هنا
ملك:: أحنا ملناش حد هنا يا خديجة هانم غير ربنا ثم حضراتكم
فارس:: يبقى ان شاء الله حضروا نفسكم وقت ما نرجع هترجعوا معانا ان شاء الله
ملك:: ان شاء الله .. بعد أذنكم و مشيت فعلا رجعت مكانها بعد ما سمح لها فارس
فاروق:: ابو الفوارس طمنى عملت ايه مع خالد
فارس:: تعال الاول نخرج الجنينة ع ما ينزلوا كلهم
خديجة:: طمنى بس الاول يا حبيبى
فارس:: باس راسها حبيبة قلبي اصبرى بس شوية و ما تقلقيش هحكيلك كل حاجة
و بالفعل خرجوا و قعدوا فـ الجنينة و شوية و الكل نزلوا ورا بعض نجوى و معاها حلم و أمل و ياسمين و عاليا و بعدهم الشباب أدهم و سيف و قصي
و رحبوا بخديجة و فاروق و قال
فاروق:: أحكى بقى يا فارس عملت ايه مع خالد
أدهم:: بهزار .. انت ع طول كدا مستعجل يا جوز عمتى اصبر شوية يا عمو ع الاقل نشرب القهوة بمزاج ههههههههههه
فاروق:: بتجاهل لـ أدهم .. ما تحكى بقى يا عم فارس عملت ايه و لا اروح أعرف من خالد يعنى
أدهم:: بغيظ .. كيس حرنكش انا قدامك يا فاروق ما تعبرنيش و انا بتكلم يعنى
فاروق:: أه مش هعبرك لغاية ما تحترم نفسك و تبطل تقول جوز عمتى دى تانى .. ده غير انى مابحبش الحرنكش يا بارد
سيف:: بضحك لـ فاروق يا عم هو غلط فيك مش انت جوزها برضوا و لا انا بيتهيألى و بعدين ما انت عبرته اهو يا روقة و رديت عليه
فاروق:: لـ سيف اسكت ياض انت كمان و لـ فارس ما تتكلم يا جدع انا هشحت منك الكلام ؟؟
فارس:: مستنى تخلصوا لعب عيال انت و أدهم
فاروق:: سكت أهو احكى بقى
فارس:: أبتدى يحكى فعلا كل اللى حصل لغاية ما وصل لـ موضوع الفيديو اللى معاه
قصي:: عايز اعرف بقى جبت الفيديو ده منين
ياسمين:: انا كنت هسألك نفس السؤال يا فارس الكلام ده من زمان يعنى كنت صغير يبقى جبته ازاى او منين
فارس:: أهدوا بس عليا الموضوع كله ان عاليا و هى صغيرة كانت بتحب التصوير و دايما كانت تلعب و تعمل نفسها بتصور و بابا لما شافها كدا جاب لها كاميرا و خلانى اشغلها ليها عشان تلعب و فعلا بقت بتلعب بيها كتير و تصور اكيد طبعا مش دايما بتصور حلو بس كانت غاوية و اليوم ده و هى بتلعب صورتهم من غير ما تعرف و هما أصلا غافلين عنها او كانوا فاكرين عشان انها طفلة صغيرة مش هتعرف تصورهم الله أعلم و من سوء حظهم الكاميرا كانت مظبوطة المهم ان بعد وفاة بابا بفترة كنت عرفت وقتها انا و أدهم حقيقة مو ته لما سمعنا جدى بيتكلم و اقنعت أدهم اننا سمعنا غلط فـ نفس اليوم تقريبا او تانى يوم عاليا كانت بتلعب بالكاميرا بتاعتها كالعادة و فصلت منها و جات بتديهالى اشغلهالها تانى و انا بشغلها شوفت الفيديو وقتها كنت هتجنن ازاى فيه أخوات كدا و بعدها اقنعت عاليا انها باظت و مش شغالة و خبيتها لغاية الوقت المناسب و ابتديت بعدها أركز معاهم و اراقبهم و كل ما يفكروا يعملوا حاجة كنت ابعت جواب لـ جدى من مجهول عشان يوقفهم و تفشل خططتهم
نجوى:: بوجع .. يا قلبى يابنى كل ده شايله فـ قلبك لوحدك و ساكت
أدهم:: يا جبروتك يا أخى بقى شوفتهم و سمعتهم و ما قولتليش و لـ عاليا و انتى يا قردة عرفتى ازاى تعملى كدا
عاليا:: عرفت ايه يا عم اتنيل انا اساسا كل اللى فاكراه انى كنت متصورة مع بابا و انا ماسكة كاميرا فـ ايدى و لما سألت فارس قال انها كانت بتاعتى و باظت بس مش فاكرة حاجة تانى
فارس:: رد ع أدهم لانك وقتها كنت متهور و ماكنتش هتعرف تتصرف لو عرفت حاجة زى كدا عشان كدا ما قولتلكش و لـ عاليا ع فكرة يا لولى الكاميرا مازالت موجودة و سليمة و محتفظلك بيها و كدا خلاص تقدرى تاخديها لما نرجع ان شاء الله
و فجأة و هما قاعدين كلهم بيتكلموا و يحكوا سمعوا دوشة و زعيق و صوت خالد و سلمى قاموا يجروا ع الصوت
خالد:: بزعييق .. قوووولتلك اوعي يا سلمى ما تقفييييش فـ وشى
سلمى:: كفاااااية بقى يا خاااااالد كفاية خلاص قولتلك احنا مش قد فارس
خالد:: سيبينى يا سلمى هقـ ـتله و اخلص منه و نرجع فلوسنا اللى خدها مننا
نجوى:: بخوف .. يا ستار يارب دول راجعين تانى ليه
فارس:: بسرعة و بزعيق .. أدخلوا جوة كلكم يلااااااا .. لـ سيف اتصرف بسرعة
خالد:: اوعي يا سلمى قولتلك .. و لـ فارس فااااااارس أطلعلى راجل لراجل كدا و بلاش تستخبى جوة القصر بتاعك
فارس:: خرج لـ خالد و الكل جريوا وراه .. مش فارس اللى يستخبى يا خالد عايز ايييه جااااااى تاااانى لييييه
خالد:: عااااايز روووحك يا أبن أحمد هقتـ ـلك يا فااااارس فااااهم هقتـ ـلك و لسة بيرفع سـ لا حه حاولت سلمى تمنعه فـ نفس اللحظة اللى بيضغط فيها ع الزناد خرجت الر صا صة و استقرت فـ قلب سلمى وقعت بين أيدين فارس اللى جرى عليها و هى بتقع قالتله سامحنى يا فارس و ماتت فـ الحال .. قصي و أدهم مسكوا خالد و سيف أتصل بالقوة تيجى تقبض عليه
خديجة:: بصرييخ سلمااااااااااا لااااااااااااااااااااااا و لـ خالد ليييييه عملت كدا استفدت اييييييه فـ الأول أحمد و دلوقتي سلمى تقدر تقوووولى استفدت اييييه حرررااااام علييييك منك لله
جمال:: واقف مصدوم و مش عارف ينطق
فـ ثوانى الدنيا اتقلبت اسعاف و مباحث و نيابة و تحقيقات
عاليا:: بأنهيار .. جريت ع خالد و بتضـ ـرب فيه انننتتت ايييييه بتقـ ـتل فـ أخواااااتك ليييييه عملولك ايييييه منك لله يا خاااااالد منك لله و فضلت تصرخ لغاية ما وقعت فاقدة الوعى
ياسمين:: من كتر الصدمة و اللى شافته وقعت هى كمان و فقدت وعيها
فارس:: شاف أخواته بيقعوا و حس ان روحه بتروح منه و زعق بسرعة ع جوة و اتصررررف يا أدهم فوقهم
أدهم:: بالفعل هو و قصي شالوا عاليا و ياسمين و دخلوا بيهم جوة القصر و معاهم أمل و نجوى
سيف:: سلم خالد لقوة المباحث بعد ما قبض عليه بتهمة قتـ ـل سلمى و جرى ع جوة يطمن ع عاليا .. طمنى يا أدهم عاليا فاقت و لا لسة
أدهم:: للاسف عاليا من كتر الانهيار اتعرضت لـ ولادة مبكرة و لازم نلحقها هى و البنت بسرعة
نجوى:: دى لسة فـ السابع استر يارب
أدهم:: ما تقلقيش يا أمى هتبقى كويسة ان شاء الله بس نتصرف بسرعة و نلحقها يلا يا سيف شيلها ع ما اجيب العربية و نروح المستشفى
أمل:: بدموع .. خدنى معاك يا أدهم
أدهم:: خليكى هنا يا حبيبتى عشان ياسمين .. و فعلا جرى هو و سيف راحوا ع المستشفى اللى كان شغال فيها قبل ما يتنقل مع فارس
فارس:: أخد حلم و نجوى و راحوا وراهم
وصلوا كلهم المستشفى فـ وقت واحد
و اول ما وصلوا أدهم بزعييق دكتووور عايز دكتور بسرررعة
دكتورة أميرة:: شافت أدهم و جرييت عليه دكتور أدهم خييير فى ايه
أدهم:: أختى يا أميرة الحقيها بسرعة مغمى عليها و البيبى خلاص نازل منها
و مش عارف أتصرف
و فعلا دخلت عاليا العمليات و معاها دكتورة أميرة و أدهم و حاولوا ينقذوها هى و البيبى و بالفعل قدروا بس قالت
أميرة:: البنت محتاجة حضّانة يا أدهم لانها مولودة قبل ميعادها
أدهم:: خلاص تمام مافيش مشكلة هخرج بـ البنت اطمنهم برة ع ما يكونوا جهزوا الحضّانة
برة العمليات
واقف سيف مش بيتكلم من كتر التوتر و القلق ع عاليا .. و نجوى قاعدة بتدعى ربنا ينجى عاليا .. و حلم فـ حضن فارس بتعيط و خايفة
فارس:: أهدى يا حبيبتى ان شاء الله هتبقى كويسة
حلم:: انت بتطمن نفسك و لا بتطمنى يا فارس
فارس:: بدموع .. مش عارف يا حلم خايف عليها اوى دى بنتى مش بس أختى
نجوى:: بقلب أم موجوع .. أدعيلها يا فارس ان شاء الله هتبقى بخير
سيف:: واقف ع نفس حالته و بعد شوية شاف باب اوضة العمليات اتفتح و خارج أدهم بأبتسامة و شايل بنته
أدهم:: بأبتسامة و هو بيدى البنت لـ سيف مبروك ما جالك تتربى فـ عزك
سيف:: أخدها منه و هو بيترعش و دموعه نازلة و قلبه ضرباته بتزيد و أخيرا اتكلم .. طمنى ع عاليا يا أدهم
أدهم:: بتنهيدة راحة .. الحمدلله يا سيف هى كويسة و شوية كدا و هتخرج من الإفاقة و تدخل اوضة عادية
سيف:: بفرحة ممزوجة بقلق .. حط البنت بين أيد نجوى شوفتى عاليا الصغيرة يا أمى حلوة ازاى
نجوى:: بسعادة .. حمد الله ع سلامتها يا حبيبى ربنا يجعلها ذرية صالحة و باستها و أديتهاله تانى
أدهم:: هات البنت يا سيف و تعال معايا يلا بسرعة لانها لازم تدخل الحضّانة
فارس:: ليه يا أدهم الحضّانة خير فى حاجة
أدهم:: لا يا حبيبى الحمدلله بس لانها مولودة قبل ميعادها عايزين يطمنوا عليها كام يوم بس ان شاء الله و تخرج
و بالفعل راح أدهم و سيف و فارس قسم الحضّانات بـ البنت دخلوها و رجعوا و بعد شوية خرجت فعلا عاليا و أطمنوا عليها
فارس:: حمد الله ع السلامة يا قلب اخوكى كدا تخضينا عليكى يا لولى
حلم:: بفرحة .. مبروك يا لولى البنوتة زى القمر
عاليا:: بتعب .. عايزة اشوف بنتى
سيف:: قرب منها سيف .. حبيبتى البنوتة فـ الحضّانة هيطمنوا عليها كام يوم بس و تخرج
عاليا:: بدموع .. انا عايزة بنتى يا سيف عايزة اشوفها
سيف:: أهدي يا حبيبتى صدقينى هتشوفيها و تاخديها فـ حضنك كمان بس يطمنوا عليها مش أكتر و بهزار لأنها ما عجبهاش القعدة جوة يا ستى و حلفت لا تنزل بدرى .. عشان كدا بس دخلوها الحضّانة
عاليا:: انت شوفتها يا سيف اوصفهالى عشان خاطرى
سيف:: قعد جنبها بصى ياستى هى حلوة و زى القمر شبهك كدا يا قلبى
أدهم:: بمرح عشان يخفف عنها حزنها .. هى حلوة بعقل دى حلاوتها تلطش زى حلاوة امها كدا
عاليا:: بتعب .. ماشى يا دومى لما نشوف أبنك شكله ايه
نجوى:: حمد الله ع سلامتك يا نور عيني
عاليا:: الله يسلمك يا حبيبتى
حلم:: قولولى بقى هتسموا البنوتة ايه
سيف:: هسميها عُلا ان شاء الله
عاليا:: حلو اوى الاسم يا سيف
سيف:: طبعا يا قلبى لانه من أسمك و هى كلها منك و شبهك
نجوى:: بعد ما اطمنت ع عاليا قالت لـ فارس اتصل طمنى ع ياسمين يا حبيبى
فارس:: يلا بينا نرجع القصر و اطمنى عليها بنفسك يا حبيبتى و هنا سيف و أدهم مع عاليا هياخدو بالهم منها ..
و بالفعل رجعوا القصر عشان يطمنوا ع ياسمين و بلغتهم أمل انها بعد ما فاقت ياسمين و كشفت عليها طلعت حامل فـ شهرين و كلهم باركوا لـ ياسمين و قصي و كمان عرفوهم ان عاليا ولدت بنوتة زى القمر و أخيرا بعد مرور كام يوم خرجت البنوتة من الحضّانة .. و قرروا انهم يرجعوا السويس و معاهم ضيوف جديدة فى منهم اللى شرف و نور الدنيا زى عُلا بنت سيف و عاليا و منهم اللى لسة ومستنينهم يشرفوا زى فارس و حلم و كمان قصي و ياسمين اللى حامل هى و حلم زى بعض فـ شهرين و كمان ملك و قمر رجعوا معاهم
___________________________
فـ المزرعة
بعد رجوعهم من المنصورة بكام يوم و بعد كل التوتر و الضغط
اللى مرو بيه ..
حلم قاعدة فـ مكتبها بعد ما خلصت شغلها و بتفكر مع نفسها ازاى تعمل مفاجأة لـ فارس فـ الفلانتين و كمان تخفف عنه كل الوجع اللى جواه .. أفتكرت الشركة اللى جهزت الڤيلا يوم فرحهم و اتصلت بيهم و فهمتهم عايزة تعمل ايه بالظبط و قفلت المكالمة و قامت نزلت ركبت عربيتها و رجعت بسرعة ع الڤيلا قبل ما يخلص فارس شغله و استقبلت الناس اللى هيجهزوا الڤيلا و سابت معاهم بدر و خرجت تشترى هدية لـ فارس و كمان بدلة شيك بكل احتياجاتها و فستان سواريه أحمر و رجعت المزرعة و اتصلت بـ فارس
حلم:: الووو
فارس:: وحشتينى
حلم:: انت أكتر يا قلب حور
فارس:: حبيبتى انتى لسة فـ المزرعة
حلم:: بمكر .. اه يا روحى و مش عارفة هخلص امتى ايه رأيك تيجى انت النهاردة و نتغدا هنا سوا
فارس:: حبيبى هو لسة عندك شغل كتير يعنى و لا ايه
حلم:: بحزن مصطنع .. اه يا روحى انت عارف الشغل كتير و انا بحب أخلص شغلى بنفسى
فارس:: جواه معقول النهاردة بالذات مش هتقدر ترجع ..
حلم:: فارس حبيبى روحت فين يا حبيبى
فارس :: معاكى يا روحى .. خلاص انا هاجيلك يا حبيبتى و نتغدا سوا عندك و لما تخلصى شغلك نبقى نرجع بيتنا
حلم:: حبيبى هحبك اكتر من كدا ايه ..
و قفلت المكالمة معاه و اتصلت بـ بنت ميك اب ارتيست تيجى ليها و بالفعل جات البنت و جهزت حلم كان فاضل بس الفستان و بعد شوية وقت جه فارس من شغله
حلم:: استقبلته حبيبى حمد الله ع السلامة
فارس :: ضمها فـ حضنه و باسها برقة .. الله يسلمك يا قلبى .. وحشتينى
حلم:: حبيبى و انت كمان وحشتنى تعال بقى نتغدا عشان انا جعانة جدا و أكيد حبيبى كمان جعان مش كدا
فارس:: بغمزة.. حبيبك وااااقع اوى يا قلب فارس
حلم:: فهمت قصده .. يلا يا قلبى بلاش دلع الاكل هيبرد
فارس:: بغيظ مصطنع .. بقى انا بتدلع يا حور طيب انا زعلان
حلم :: قعدته ع كرسى السفرة و قعدت ع رجله و باسته من خده .. حبيبى يا ناس زعلان و مايهونش عليا زعله
فارس:: بص ليها بحب .. طب صالحينى بقى
حلم:: بهمس .. هصالح حبيبى بس مش دلوقتي و مش هنا
فارس :: اممممم اومال فين يا شقية
حلم:: نتغدا و نطلع فوق و اقولك .. و فعلا بعد الغدا طلعوا فوق فـ اوضتهم و كانت مجهزة البدلة كاملة ع السرير و الجزمة و البرفان
فارس:: بأندهاش .. ايه ده بقى
حلم:: بحب .. حبيبى انا عزماك ع العشى ممكن تلبس و تجهز لغاية ما اجهز انا كمان؟؟
فارس:: حاضر يا عمرى كله
هجهز اهو
حلم:: راحت اوضة تانية و لبست فستانها و البنت رفعت لها شعرها بطريقة ظهرت بيها جمالها مع ميك اب خفيف زادها جمال ع جمالها و بعد ما خلصت و طلعت
فارس:: شافها خطـ ـفت قلبه بجمالها .. و عينيه عليها مش قادر ينزلها .. اااااه يا قلبى هتعملى فيا ايه تانى يا حلم عمرى
حلم:: بهيام .. هخطـ ـفك
فارس :: فتح دراعاته لو اللى هتخطـ ـفنى بالجمال ده انا موافق .. بس هتودينى فين
حلم:: ممكن حبيبى يتخـ ـطف و هو ساكت و ينزل معايا و ما يسألش
فارس:: تحت أمر حبيب قلبي مش هسأل.. يلا بينا
وفعلا نزلوا و ركبوا عربيته و فضل سايق لغاية ما وصل ڤيلتهم و من اول ما وصل
شاف الجنينة كلها انوار حمرا و شموع و طريق مفروش ورد لغاية البيسين اللى مليان بلالين حمرا و بيضا كتير و ترابيزة عليها عشى و شموع و بوكيه ورد جميل جدا و هدية
حلم:: أول ما قربوا من الترابيزة و هى بتقدم لـ فارس الورد و الهدية ..
احببتك رغم اختلاف المكان و بعد المسافة
رغم جنوني . . رغماً عني . .
آحببتك لآني كتبت بك و قرآت لك و ضحكت من آجلكَ . .
و آشياء مخبئه لم تحكى بعد . .
هكذآ آحبــــــــك ~ Happy Valentine day
فارس:: بسعادة .. حبيبتى وجدت فيكِ كل النساء ،و فى عيناكِ الفرحة و الضياء ،
و فى القرب منكِ تعلمت الوفاء ، و فى عشقى لكِ شعرت بالكبرياء ، لا تخافين فـ حبى لكِ كامل النقاء ،
حلم:: بحبك يا فارس بحباااااااااك
فارس:: و انا مش بحبك بس لأ انا بعشقك .. كل حتة فيا بتحبك يا حلم عمرى بحبك يا عمرى اللى فات و عمرى اللى جاى
حلم:: و عينيها فـ عينيه تسمحلى بالرقصة دى و شغلت اغنية أجمل إحساس في الكون إنك تعشق بجنون وده حالي معاك
خلتني أعيش أيام مليانة بشوق وغرام دوبني هواك
أجمل إحساس في الكون إنك تعشق بجنون وده حالي معاك
خلتني أعيش أيام مليانة بشوق وغرام دوبني هواك
عشقاك بجنون روحي أنا قلبي المفتون كله منى
وياك بيعيش أحلى هنا حبيبي أنا يا روحي أنا
عشقاك بجنون روحي أنا قلبي المفتون (آه، آه) كله منى
وياك بيعيش أحلى هنا حبيبي أنا يا روحي أنا
يا ويلي يا ناري قل لي إزاي أداري
شوقي ولهفة قلبي في قربك حتى وإحنا سوا
بتنور سنيني وبيكبر حنيني
قرب مني تعالى في حضني وإملى حياتي هوى
يا ويلي يا ناري قل لي إزاي أداري
شوقي ولهفة قلبي في قربك حتى وإحنا سوا
بتنور سنيني وبيكبر حنيني
قرب مني تعالى في حضني وإملى حياتي هوى
عشقاك بجنون روحي أنا قلبي المفتون كله منى
وياك بيعيش أحلى هنا حبيبي أنا يا روحي أنا
عشقاك بجنون روحي أنا قلبي المفتون (آه، آه) كله منى
وياك بيعيش أحلى هنا حبيبي أنا يا روحي أنا
غيرني بثواني إحساسي اللي جاني
أول مرة أحس بدنيا حلوة في عيني كده
إيه أتمنى تاني فيه كل الأماني
ده إنت مليت الدنيا عليا بالأشواق والهنا
عشقاك بجنون روحي أنا قلبي المفتون كله منى
وياك بيعيش أحلى هنا حبيبي أنا يا روحي أنا
عشقاك بجنون روحي أنا قلبي المفتون (آه، آه) كله منى
وياك بيعيش أحلى هنا حبيبي أنا يا روحي أنا
أجمل إحساس في الكون إنك تعشق بجنون وده حالي معاك
خلتني أعيش أيام مليانة بشوق وغرام دوبني هواك
أجمل إحساس في الكون إنك تعشق بجنون وده حالي معاك
خلتني أعيش أيام مليانة بشوق وغرام دوبني هواك
فارس:: بعد ما خلصت الأغنية باسها برقة و شالها طلع بيها اوضتهم
حلم:: بخجل و بعدين معاك بقى مش هتبطل كل شوية تشيلنى كدا
فارس:: و هو شايلها و طالع بيها .. تؤتؤتؤتؤ طول ما انا عايش و فيا نفس مش هبطل أشيلك يا حلم عمري
حلم:: بتغنى و هو شايلها انا بعشقك انا انا كلى لك انا انا انا يا من ملك روحى فـ هواه روحى فـ هواه الامر لك طول الحياه طول الحياه الماضى لك و بكرة لك و بعده لك
فارس:: امممم هو انا قولتلك قبل كدا صوتك حلو
حلم:: بحزن مصطنع .. تؤ مش فاكرة
فارس:: طيب تعالى بقى ندخل جوة و أفكرك و بيفتح باب الاوضة و اتفاجئ بشكلها بلالين حمرا كتييير فـ الارض وبلالين هيليوم ع شكل قلب متعلقة فـ السقف و ع السرير مكتوب بالورد الاحمر
I love you Fares
انبهر بشكل الاوضة .. و بصلها انتى عملتى كل ده امتى
حلم:: بثقة .. مش انت بس اللى بتعمل مفاجأت يا قلبى
فارس:: نزلها فـ نص الاوضة و هو بيقدملها هديتها قرب منها و بهمس ده اول عيد حب و احنا مع بعض كل سنة و انتى دايما فـ حضنى
حلم:: كل سنة و انت دايما معايا
فارس:: قرب منها أكتر و….. خدها لـ جنة عشقهم وعاشوا مع بعض ليلة مميزة من الف ليلة و ليلة
_________________________
فـ بيت أدهم
بعد ما رجعوا من المستشفى و دخلت تحضر الغدا و هى فـ المطبخ
أمل:: بصريخ .. أدهههههههم ااااااه يا أبن المجانين
أدهم:: بخضة جرى ع المطبخ .. ايييه مالك يا أمل بتصرخى ليه
أمل:: ياااااا أبن المجنونة اااااااه و الله لا أربيك بس اشوف وششششك
أدهم:: يااابنتى مااالك فيكى ايه
أمل:: أبن الجززززمة نازل ضـ ـرب فيااااا
أدهم:: بنفاذ صبر .. يابنتى بتشتمى فـ مين كدا فهمينى
أمل:: أبنننننك أبنك العاق اللى بيضـ ـرب أمه من قبل ما ينزززززل بريئة مننننننه مش عايزااااااه
أدهم:: أه يا حوستى السودة يانا يا أما .. كل الصوااات ده عشان أبنى .. ماله عملك ايه
أمل:: يخربييييتك أنت غبى لييييه ياض انت
أدهم:: حاسس انك بتشتمينى و لا انا بيتهيألى
أمل:: حاسس مش متأكد ؟؟ بتصرخ جامد و مش قادرة تتحرك .. طلقنى يا أدهم طلللللللقنى و خد أبنك و روح عند أمك مش عايزااااااكم جوز أغبيا انتوا الاتنييين
أدهم:: فاق من خضته و استوعب الحالة اللى هى فيها .. أمل أوعي تكوووونى
أمل:: أيوااااا يا غبي بوووووولد أللللللحقنى هموووووت
أدهم:: شالها دخلها اوضة النوم بعد ما قفل الغاز و اتصل بـ نجوى
نجوى:: السلام عليكم
أدهم:: و عليكم السلام .. أمى ألحقينى أمل بتولد و انا مش عارف أعمل ايه
نجوى:: خدها ع المستشفى يا حبيبي و انا هاجيلك ع طول و اتصل بمامتها ما تنساش
أدهم:: حاضر يا حبيبتى ما تتأخريش عليا
نجوى:: ما تقلقش يا أدهم هتوصل تلاقينى ان شاء الله
و بالفعل قفلت المكالمة و قالت لـ فارس و بسرعة أخدها هى و حلم و راحوا بسرعة ع المستشفى
نرجع عند أدهم
بعد ما قفل المكالمة دخل لـ أمل غيّر لها هدومها بالعذاب من كتر ما بتصرخ و مش قادرة تتحمل
أدهم:: يا حبيبتى أهدى لميتى علينا الجيران
أمل:: اااااااه مش قاااااادرة يا أدهههمممم خلااااص هموووووت و ترتاااااح منييييي
أدهم:: شالها و خارج بيها من الشقة .. بعد الشر عنك يا حبيبتى ما تقوليش كدا هتبقى كويسة صدقينى
أمل:: هديت ثوانى .. بجد يا أدهم
أدهم:: قبل ما يرد و هو بيضغط ع زر الأسانسير
أمل:: صرخت تانى .. مستنى ايييييه خللللصنننننى يا لهووووى عليااااااا
أدهم:: أهو خلاص يلا و شالها تانى دخلها الاسانسير و نزل بيها و جرى ع العربية و فـ دقايق كان وصل
أمل:: شافت نجوى.. قوليله يطلللللقنى مش عايزااااااه يا نجووووى هو و أبنه خدييييهم حلال علييييييكى افررررحى بيهم
نجوى:: بضحك .. أدخلى أولدى بس الاول و بعدين نشوف الموضوع ده
أوضة العمليات
أدهم:: دخل بيها جرى ع العمليات و قال لـ مريم .. أبعتى لـ دكتورة أمانى و هبة بسرعة
مريم:: حاضر يا دكتور و بالفعل راحت بلغت الدكتورة و رجعت
أمانى:: دخلت العمليات و شافت أمل ع نفس حالتها .. أهدى يا أمل شوية
أمل:: مششش قااااادرة يا أماااانى خلااااص خليييه يطلقنى و ياخد أبنه و يمشششششى
أدهم:: أهدى يا حبيبتى و كفاية فضايح لغاية كدا
أمانى:: ممكن تخرج بقى يا دكتور عشان أعرف اشوف شغلى
أمل:: ماسكة فـ إيده و بصوت ضعيف ماتسبنيش يا أدهم عشان خاطري
أدهم:: لـ أمل ماتخافيش مش هسيبك و لـ أمانى شوفى شغلك يا دكتورة و انا موجود
أمانى:: أمرى لله حاضر يا دكتور و ابتدت تولد أمل فعلا و أخيرا شرف ضيف جديد لـ عيلة فارس المنصورى
أدهم:: أول ما شاف أبنه و شاله بين إيديه احساس جديد اتولد جواه و أفتكر كلمة أمه الأبوة أحساس بيتولد جواك مع أبنك و هو بيتولد و بدموع الفرح باس أبنه و خرج عشان يطمنهم
برة العمليات
واقف فارس مع نجوى و حلم و سيف و عاليا و قصي و ياسمين اللى وصلوا اول ما نجوى اتصلت بيهم و كمان مامت أمل و أخوها وصلوا ع طول بمجرد ما اتصل بيهم أدهم قلقانين ع أمل و مستنيين أى حد يخرج يطمنهم
و بعد شوية وقت خرج أدهم شايل أبنه و حطه فـ إيد نجوى .. حفيدك يا ست الكل فارس المنصورى
نجوى:: بدموع .. ربنا يبارك فـ فارس و أبوه .. مبروك ما جالك يا نور عيني
أدهم:: باس راسها .. يتربى فـ عزك ياست الكل .. اسمحيلى بقى ادخل للمجنونة اللى جوة دى
نجوى:: طمنى عليها يا حبيبي
أدهم:: كويسة يا حبيبتى و هتخرج حالا ماتقلقيش .. و سابهم و دخل تانى لـ أمل
فارس:: باس راس أمه .. و شال أبن أخوه و بدموع .. نورت الدنيا يا فارس باشا
نجوى:: عقبال ما تشيل ضناك بين أيديك يا حبيبي
فارس:: ان شاء الله يا حبيبتى هانت يا أمى و حبيبة أبوها تنور الدنيا هى كمان
بعد شوية خرجت أمل ع اوضة عادية
و دخلت معاها نجوى و البنات حلم و ياسمين و عاليا و كمان مامتها و أخوها و برة الأوضة فارس و قصي و سيف
نجوى:: حمد الله ع السلامة يا أمل
أمل:: الله يسلمك يا نوجة شوفتى حفيدك عمل فيا ايه
أدهم:: بضحك .. انتى مش اتبريتى منه بتشتكي منه ليه بقى
مامتها:: اتبرت منه ازاى يعنى يا أدهم
أدهم:: بص لـ أمل .. اقولهم انتى قولتى ايه ؟ ههههههههههههه
أمل:: قلبك أبيض بقى يا دومى خلاص خلى الطابق مستور
معاذ:: أختى المجنونة حمد الله ع سلامتك يا قلب أخوكى
أمل:: الله يسلمك يا حبيبي و عقبالك يارب
حلم و ياسمين و عاليا باركوا لـ أمل و أدهم
عاليا:: حطت عُلا فـ أيد نجوى و شالت فارس أبن أدهم .. حبيب عمتو يا ناس يا خراشى ع الحلاوة
ياسمين:: أخدته من عاليا .. قلب عمتو القمر ياترى طالع شبه بابى و لا مامى
نجوى:: طالع شبه جده
أدهم:: بسعادة .. ياريت يا أمى يطلع لـ جده و عمه و أخد أبنه و خرج برة الأوضة لـ فارس و هو بيحطه فـ أيده انا ما أذنتلهوش عايزك انت اللى تأذن له يا فارس
فارس:: بدموع الفرح ..أخد فارس الصغير و أذن له و دعاله كتير و حطه فـ إيد سيف و بعدها أخد أدهم بالحضن ربنا يبارك لك فيه يا حبيبي و تشوفه حاجة كبيرة فـ المستقبل
أدهم:: و هو فـ حضن فارس لو هتمنى يكون حاجة كبيرة يبقى مش عايز أكتر من انه يكون زيك و شبهك يا فارس فـ كل حاجة
فارس:: ربنا يخليهولك و تشوفه زى ما بتتمنى يا حبيبي
و بعد ما اطمنوا ع أمل مشيوا كلهم و سابوا أدهم فـ المستشفى مع أمل حياته و أبنه
______________________
فـ ڤيلا فارس
قاعدة مع فارس فـ الليڤنج بعد الغدا و بيتفرجوا ع فيلم و فجأة قالت
حلم:: ريزو حبيبى انا بفكر فـ حاجة و عايزة أخد رأيك فيها
فارس:: عيون و قلب ريزو أؤمرى يا قلبى
حلم:: من يوم ما أتعمل دار رعاية الأيتام ما روحتش و لا مرة ايه رأيك نروح انا و انت بكرة
فارس:: حبيبتى تؤمر و عليا التنفيذ .. خلاص بكرة ننزل نشتري ليهم لعب و هدايا كتير و نروح نقضى معاهم اليوم كله
حلم:: بفرحة بجد يا فارس .. ربنا ما يحرمنيش منك ابدا يا حبيبى
فارس:: بسعادة .. و عشان خاطر الفرحة اللى فـ عينيكى دى قومى يلا دلوقتي و غيرى هدومك و يلا بينا نروح نشتريلهم الهدايا و نوديهم و بكرة نروحلهم تانى
حلم:: بتنطيط .. هيييه حبيبى يا فوفو ربنا يخليك ليا يا قلبى
فارس:: بضحك حاسبى يا مجنونة خلى بالك من اللى فـ بطنك ههههههههههههه
حلم:: يا سلااام .. ما تخافش ياخويا ع اللى فـ بطنى مش هيجرالها حاجة
فارس:: لأ لو سمحتى مالكيش دعوة بـ حور حبيبة بابى
حلم:: انت برضو مصمم تسميها حور مش كفاية حور واحدة
فارس:: و هو بيقرب منها يشيلها و طالع بيها السلم .. تؤتؤتؤتؤ مش كفاية .. انا من كتر حبى فـ حورى كل بنت نخلفها هسميها حور و أعيش معاكى و مع حورياتى فـ جنتنا المتواضعة دى
حلم:: ههههههههههههه يااااه كل بنت .. ليه ان شاء الله هنخلف كام بنت
فارس:: و عينيه فـ عينيها عايز كل سنة بنت جميلة شبه مامتها كدا
حلم:: بذهول .. كل سنة !! ليه يا حبيبى حد قالك انك متجوز ارنبة هخلفلك كل سنة و كمان كلهم بنات ههههههههههههه
فارس:: بضحك .. ان كان عاجبك ههههههههههههه
حلم:: انا أعترض و لأ بقى يا باشا مش عاجبنى
فارس:: و مش عاجبك ليه بقى ياختى ان شاء الله
حلم:: فريق الحوريات ده قصدى البنات اللى سيادتك عايزه ده مش لازم يكون له كابتن موجود معاهم و لا هيطلعوا كدا لوحدهم يعنى
فارس:: وماله ياستى نجيبلهم بدل الكابتن اتنين و لا تلاتة أحنا خسرانين حاجة ههههههههههههه
حلم:: و يا سلام بقى لو يطلعوا شبهك كدا و نسميهم كلهم كمان فارس و تبقى سيادتك ابو الفوارس ههههههههههههه
فارس:: ههههههههههههه قلب ابو الفوارس والله .. ربنا يخليكم ليا و مايحرمنيش منكم ابدا
حلم:: بسعادة .. و يخليك لينا يا حبيبي .. يلا بقى نروح نشترى الهدايا و نروح الدار
فـ دار الرعاية
و فعلا غيرو هدومهم و نزلوا أشتروا الهدايا و راحوا الدار و شافوا بالصدفة سلمى و عمر موجودين مع الأولاد و سلمت عليهم
فارس:: لـ حلم بهمس مين دول
حلم:: أعرفك يا سيدى دى استاذة سلمى الصحفية و جوزها استاذ عمر اللى كانوا السبب فـ وجود المكان الجميل ده بسبب مناشدتهم لـ أنقاذ الأولاد الحلوين دول و لـ سلمى بتشاور ع فارس .. العقيد فارس المنصورى جوزى
عمر:: بيسلم ع فارس .. أهلا بـ حضرتك فارس باشا
فارس:: تشرفت بـ معرفتك استاذ عمر
سلمى:: الشرف لينا أحنا يا أفندم
حلم:: لـ سلمى و عمر .. تعرفوا ان دى أول مرة أجى الدار النهاردة من وقت ما اشتغلت و الأولاد اتنقلوا فيها
سلمى:: معقول ده ؟؟
عمر:: أكيد يا سلمى و معقول جدا كمان .. حلم هانم أكيد وقتها مش ملكها
فارس:: دى حقيقة .. حلم فعلا وقتها مش ملكها و عشان كدا اول ما جات فرصة جينا ع طول
حلم:: المهم فين الأولاد يا سلمى اللى عملتى عنهم التحقيق
سلمى:: ندهت ع شيماء و أحمد و عنتر و محمد و باقى الأولاد كلهم
حلم و فارس:: قعدوا وسطهم و وزعوا عليهم الهدايا و سمعوا من كل واحد قصته و طموحاته و وعدوهم بتنفيذ كل أحلامهم و تانى يوم راحوا و قضوا يوم جميل معاهم كله ضحك و لعب و جرى و تنطيط و كان يوم مميز جدا بالنسبة للكل
________________________
فـ بيت قصي
بعد كام شهر كمان.. كان راجع من المصنع و دخل البيت و شافه هادى جدا و ياسمين مش فـ استقباله زى كل يوم و نده عليها
قصي:: ياسمين . ياسوو حبيبتى انتى فين و دخل المطبخ مش موجودة و راح ناحية اوضة النوم برضوا مش موجودة و دور فـ الشقة كلها .. لـ نفسه راحت فين دى و طلع موبايله من جيبه و رن عليها .. سمع رنة موبايلها جاية من البلكونة و راح ناحية الصوت و شافها قاعدة ع الكرسى فاقدة الوعى .. و بخضة ياسميييين حبيبتى فووووقى حاول يفوقها مش بتفوق شالها و نزل بيها ركب عربيته و جرى ع المستشفى و اول ما وصل شاف أمل فـ وشه
أمل:: بخضة .. ياسمين مالها يا قصي
قصي:: ألحقينى يا أمل أرجوكى رجعت من المصنع لاقيتها مغمى عليها
و مش بتفوق اتصرفى
أمل:: بتوتر .. حاضر حاضر دخلها هنا و انا هتصرف
قصي:: دخلها فعلا اوضة الكشف
أمل:: معاها فوقتها و كشفت عليها .. لـ قصي ما تقلقش هتبقى كويسة .. هى بس بتولد و شكلها كتمت وجع الولادة لغاية ما فقدت وعيها
قصي:: بصدمة .. أيه !! بتولد ازاى
أمل:: بدهشة من ردة فعله .. ازاى ايه يابنى بقولك مراتك بتولد تقولى ازاى .. وسع كدا خلينى ألحق اتصرف
قصي:: بعصبية .. هتتصرفى ازاى فهمينى
أمل:: اسكت يا قصي لو سمحت و رنت جرس جنبها
هبة:: دخلت.. نعم يا دكتورة
أمل:: شوفى دكتورة امانى فين بسرعة و جهزى العمليات حالا .. و لـ قصي اتصل بـ ماما نجوى بلغها ان ياسمين بتولد
بالفعل خرجت هبة و نفذت كلام أمل و بعد شوية دخلت دكتورة أمانى و شافت ياسمين مش قادرة تاخد نفسها و بسرعة أمرت الممرضات ياخدوها ع العمليات و راحت معاها هى و أمل
فـ العمليات
أمانى:: لـ ياسمين ساعدينى و بلاش تكتمى وجعك عشان ابنك يشرف بالسلامة
ياسمين:: بتعيط و مش قادرة من كتر الوجع
أمل:: بتحاول تساعدها و بمرح .. يا بت اصرخى صووتى أعملى أى حاجة ما تسكتيش كدا .. اقولك ادخلك قصي تعملى فيه زى ما عملت فـ أدهم
ياسمين:: بوهن و تعب .. بس يا أمل مش قادرة اسكتى
أمل:: يابت اسمعى مني طب اقولك أفتكرينى يوم ولادة فارس و أعملى زيى
أمانى:: يلا يا ياسمين ساعدينى .. عشان ما نضطرش نفتح قيصرى
ياسمين:: بصريخ .. مش قاااااااادرة ارحمووووونى
برة العمليات
واقف قصي قلقان و بعد شوية وصلت نجوى هى و فارس و حلم و عاليا و سيف بعد ما اتصل بيهم
فارس:: بقلق .. أيه الاخبار يا قصي
نجوى:: بقلب ام خايف .. طمنى يابنى
قصي:: ليها ساعة جوة و أمل معاها لسة ما خرجتش
فارس:: و أدهم معاهم جوة ؟؟
قصي:: لأ و معرفش هو فين
حلم:: بتعب .. انت ما بلغتهوش يا قصي
قصي:: بيهز دماغه بـ لأ .. انا اصلا مش عارف اتصلت بـ فارس ازاى و من بعدها و انا مش عارف افكر
فارس:: اتصل بـ أدهم و بلغه انهم فـ المستشفى
أدهم:: نزل جرى من مكتبه .. ايه الاخبار
نجوى:: أدخل يابنى طمنى ع أختك جوة قصي بيقول ليها ساعة و ماحدش خرج طمنه
أدهم:: باس ايدها .. حاضر يا حبيبتى و قبل ما يدخل العمليات شاف
أمل:: خارجة و معاها البيبى و لـ قصي اتفضل يا سيدى أبنك اهو خرج بالسلامة
نجوى:: طمنينى يا أمل أختك عاملة ايه
أمل:: باست راسها بخير يا نوجة الحمدلله و خلاص شوية و هتخرج
أدهم:: لـ امل حبيبتى المجنونة اوعي تكونى انتى اللى ولدتيها
أمل:: بمرح ده كلام برضوا يا دومى أكيد لأ طبعا .. و سابته واقف و دخلت العمليات تانى
قصي::بدموع شايله أبنه و احساس جديد أول مرة بيحس بيه .. أخيرا بقى أب و جواه هعلمك كل حاجة هخليك احسن واحد فـ الكون ده كله
فارس:: بفرحة .. مبروك يا قصي قولى بقى هتسميه ايه
قصي:: ياسين أن شاء الله
سيف:: بمرح .. ياسين قصي النويرى باشا نورت الدنيا .. مبروك يا قصي يتربى فـ عزك يا باشمهندس
حلم:: واقفة و حاسة انها هتقع و ضغطت جامد ع ايد فارس
فارس:: حس بيها .. مالك يا حبيبتى
حلم:: بتعب .. ألحقنى يا فارس روحى بتروح و مش قادرة أقف
فارس:: بقلق .. حاسة بايه
حلم:: بدموع حاسة خبط جامد فـ ضهرى و بطنى و فجأة صرخت .. اااااااااااه
فارس:: حووووورررر
نجوى:: بخوف .. فيه ماية نازلة منها شكلها بتولد ألحقها يا أدهم
أدهم:: بسرعة يا فارس شيلها و تعال معايا ع العمليات
سيف:: بضحك .. هى العيلة دى مترابطة اوى كدا فـ كل حاجة مع بعض حتى فـ الولادة
عاليا:: بفخر .. اومال يابنى انت فاكر ايه
قصي:: بنفاذ صبر .. بذمتك احنا فـ ايه وانتوا فـ ايه
سيف:: يا عم انت مش اطمنت ع مراتك و أبنك
جوة العمليات
دخل فارس شايل حلم و كانت ياسمين لسة جوة و معاها أمل بتجهزها عشان تخرج
أمل:: لـ حلم اوعي تقولى انك بتولدى انتى كمان و ربنا انا دكتورة أطفال مش مساعدة أمانى أرحمونى شوية
حلم:: بصريخ .. اسسسسكتى مش نقصااااااكى يا أمممممل
أمل:: كدا يا سلفتى ده انا كنت هعمل معاكى زى ما عملت ما ياسمين
حلم:: كلمة زياااااااادة و هرررررفدك اسسسسسكتى
فارس:: قلق .. استحملى يا حبيبتى عشان خاطرى و لـ أمل خدى جوزك و أخرجى برة العمليات يا امل
أمانى:: و حضرتك كمان ياريت تخرج معاهم
حلم:: ضاغطة ع ايده ماتسبنيش يا فارس
فارس:: لـ حلم ماتخافيش يا روحى انا معاكى و مش هسيبك و بعصبية لـ أمانى .. لأ مش خارج و ياريت تخلصى
أدهم:: أمانى شوفى شغلك و هو موجود ده أخويا و انا عارفه مش هيخرج و يسيب حلم .. و خرج فعلا و ساب أمل مع حلم و فارس
برة العمليات
خرجت ياسمين ع اوضة عادية و دخلت نجوى معاها تطمن عليها و معاها عاليا و أدهم و قصي و برة الأوضة واقف سيف
نجوى:: بسعادة .. حمد الله ع سلامتك يا نور عيني
ياسمين:: بتعب .. الله يسلمك يا حبيبتى
قصي:: قعد جنبها .. رعبتينى عليكى يا سمسمة حمد الله ع السلامة يا قلبى
ياسمين:: الله يسلمك يا حبيبى .. عايزة أشوف ابنى يا قصي
عاليا:: بهزار .. تشوفى ايه يا بنتى عينك ما تشوف الا النور أبنك مش حلو خالص
ياسمين:: بجد يا عاليا
عاليا:: اه يا بنتى طالع شبه مامته خاااالص اسكتى
نجوى:: الله يجازيكى يا عاليا خضتيها ههههههههههههه
نرجع أوضة العمليات عند ابطالنا
حلم:: بتعب مش قادرة يا فارس حاسة انى خلاص هموووت
فارس:: بخوف .. ما تقوليش كدا و بلاش تستسلمى عشان خاطرى
حلم:: صوتها بيضعف .. خد بالك من بنتنا لما تيجى و كلمها عنى
أمانى:: بسرعة بتحاول تفوقها فوووقى يا حلم و ساعدينى و لـ فارس ما تخليهاش تغيب عن الوعى
فارس:: فووقى يا حلم أرجوكى عشانى و عشان حور حوريتنا احنا الاتنين قاومى أكتر يا حوور
حلم:: مش قادرة أقاوم صدقنى
أمل:: خلاص يا حلم هانت بس صرخة واحدة كمان و هتخلصى و تشوفى بنوتك قصاد عينيكى
فارس:: يلا يا حلم عمرى كله ساعديهم و ساعدى حور
حلم:: بتحاول بكل قوتها و بصرخة قوية ياااااااااااااااارب قدرت تساعدهم و فقدت وعيها
فارس:: سمع صوت عياط بنته بس شاف حلم بيغمى عليها و بخضة .. حللللللم فوووقى يا حبيبتى فوووووقى و لـ أمل اتصررررفى يا أمل
أمل:: و هى بتفوق حلم ..أهدى يا فارس ده وضع طبيعى بعد المجهود اللى عملته
أمانى:: بابتسامة .. اتفضل بنتك حطها بين ايديها و هى هتفوق و تبقى كويسة
فارس:: شال بنته بين إيديه و بدموعه ضمها لـ حضنه نورتى قلبى و دنيتى يا أحلى حور من أجمل حلم و أذن لها فـ ودنها و بعد كدا قرب من حلم اللى ابتدت تفوق و حطها بين ايديها بعد ما باس جبينها حمد الله ع سلامتك يا حلم عمرى شوفتى حوريتنا الصغيرة جميلة ازاى
حلم:: بتعب .. باست بنتها ربنا يبارك لنا فيها و تتربى فـ عزك و خيرك يا حبيبى
فارس::بسعادة.. ربنا يخليكم ليا يا قلبى و تفضلوا منورين حياتى دايما
أمل:: يلا يا باشا اتفضل خد بنتك و أخرج لهم برة لغاية ما حلم تفوق كويس و تخرج
فارس:: لأ يا أمل زى ما دخلت معاها هخرج معاهم و ياريت تحفظى بقى زى جوزك
حلم:: بأبتسامة .. يا حبيبى هى حفظت طبعك خلاص
برة العمليات
أدهم واقف مع سيف و قصي مستنيين فارس يخرج و يطمنوا منه ع حلم و شافوا
أمل:: خارجة من العمليات و كالعادة بتبرطم .. لأ يا أمل مش خارج و ياريت تحفظى زى جوزك يا سلام ياخويا .. طاااايب يا أدهم لو ماعملتش زيه بعد كدا انت حر بس ها
أدهم:: بضحك .. مالك يا مجنونتى عايزانى اعمل ايه بالظبط
أمل:: برفعة حاجب لـ أدهم .. تعمل زى فارس كدا و ماتسبنيش و انا عيانة كدا و لا و انا بولد
سيف:: بضحك .. الله يهديكى يا أمل تسكتى و بلاش تتكلمى قصاد عاليا اعملى معروف و لـ أدهم أخوك مش هيسكت الا لما يقعدنا فـ بيوت أهالينا نقشر بصل ههههههههههههه
فارس:: خارج و شايل بنته حور و حلم ع الترول هتروح اوضتها .. و لـ سيف مالك يا تافه بتبرطم ليه
قصي:: أبدا يا باشا ده سيف بيشكر فيك بس ههههههههههههه
فارس:: لـ قصي .. متأكد ؟ ههههههههههههه
قصي :: لـ فارس إلا متأكد يابنى هو يقدر يقول غير كدا .. المهم مبروك يا باشا تتربى فـ عزك و هات بقى كدا عروسة أبنى اشوفها و فعلا خدها منه
أدهم:: اخد فارس بالحضن و بارك له .. مبروك يا حبيب أخوك تتربى فـ عزك يا حبيبى و تعيش و تشوفها أجمل عروسة
فارس:: فـ حياتك يا حبيبى
حلم:: دخلت اوضتها و دخلتلها نجوى و عاليا مع أمل يطمنوا عليها و شافوا حور الصغيرة و فرحوا بيها جدا
و أخيرا بعد شوية وقت خرجت حلم و ياسمين من المستشفى و راحوا ع الڤيلا و بعد اسبوع قرر الشباب الاربعة فارس و أدهم و قصي و سيف يعملوا حفلة سبوع لـ حور و ياسين و عقيقة للمواليد الاربعة حور فارس المنصورى و فارس أدهم المنصورى و ياسين قصي النويرى و عُلا سيف عز الدين و كلهم دبـ ـحوا عشان العقيقة و كان كل اصحابهم و أحبابهم موجودين حازم و الاء و هاجر و أمجد و دكتور كمال و اللوا حسين و هانى و ياسر حتى خديجة و فاروق و اولادهم و هشام و سمير و فُتنة و كانت حفلة سبوع اسطورية فعلا
و نقول بعد مرور شوية سنين حلوين حصل فيهم ايه
أشرار الرواية
عابد:: اتنفذ فيه أخيرا حكم الأعدام.. بسـ………..
رانيا:: اصبحت وحيدة بعد ما خسرت صداقة حلم
عزة:: سابت السويس و مصر كلها و سافرت تشتغل برة و تبعد عن حلم خوفا منها
خالد:: اتحكم عليه بالاشغال الشاقة المؤبدة بتهمة قتـ ـل سلمى
جمال:: ما ت من الخوف و القـ ـهر بعد اللى حصل لـ أخواته قصاد عينيه
شروق:: بعد موت سلمى قصاد عينيها كل ما يتقدملها عريس ترفضه و زهدت الدنيا خالص و قفلت ع نفسها
ضحى هى و هالة أمها:: بعد موت جمال سابوا البلد وراحوا بلد تانية ماحدش يعرفهم فيها و اشتغلت عشان تقدر تعيش هى و أمها
أحلام:: جوزها طلقها بعد ما اخد منها كل اللى حيلتها و رماها هى و بناتها و اتجوز عليها و ندمت بس ماقدرتش ترجع لـ اخوتها و قررت تعيش لوحدها مع بناتها اللى حاولوا كتير معاها انها ترجع فـ حضن أخواتها لكن كانت خايفة انهم يرفضوها
مها:: أختفت فـ ظروف غامضة بعد اللى حصل منها مع فارس و حلم و ماحدش عارف هى فين انتحـ ـرت و لا حد من أهلها قتـ ـلها و لا قدرت تهرب بعيد و تعيش بـ عارها و أبنها اللى كانت حامل فيه..
اما اللى حصل لـ باقى الابطال
نجوى:: عايشة مبسوطة مع أحفادها و اللى لازم كل يوم يكونوا عندها فـ الڤيلا تقعد معاهم تحكيلهم حكاية الشاطر فارس و حلمه و أخواته و كمان تحفظهم القرآن و تعلمهم ازاى يحبوا بعض و يطلعوا أيد واحدة زى فارس و أخواته
خديجة:: بعد موت أخواتها قررت هى و جوزها يتنقلوا السويس و يعيشوا مع فارس و أخواته و يرجعوا المنصورة فـ الاجازات بس
حازم و الاء:: ربنا رزقهم بولدين عامر و عمر و مجننين حلم أختهم و عاملين عليها رجالة اما حازم اصبح شريك حلم فـ المزرعة هو الاء
هاجر:: سافرت مع أمجد ألمانيا عشان ياخد الدكتوراه و عجبتهم القعدة و استقروا هناك و مش ناويين يرجعوا تانى و فعلا عاشت معاه قصة حب خيالية زى ما كانت بتتمنى و ربنا رزقها بـ ولد و بنتين زياد و رودينا و روفيدة
حسام:: بعد مشكلة حلم و أحلام قرر ينزل يستقر فـ مصر و يحاوط ع أخواته حتى أحلام رجعها لـ حضنهم تانى بعد ما حلم سامحتها و ابتدا من جديد و فـ فترة صغيرة قدر ينجح فـ مجاله و يكبر شغله لغاية ما بقى صاحب اكبر مكتب هندسى له اسمه و وزنه فـ البلد
هشام:: بقى اشهر محامى فـ البلد بسبب نزاهته فـ شغله و ان مافيش قضية يمسكها الا و يكسبها و أتجوز فُتنة أخت سمير و خلف منها ولد و بنت سامر و روڤان توأم و متعلقين بـ حلم جدا و بأستمرار عندها فـ الڤيلا
سمير:: عمل ماچيستير و دكتوراه فـ هندسة البرمجيات و بقى دكتور فـ الجامعة و اتجوز دكتورة زميلته بعد قصة حب دامت سنة قبل الارتباط الرسمى
اللوا حسين:: تقاعد و سلّم مكانه لـ رئيس القطاع الجديد
د/ كمال:: اتوفى و قبل وفاته كتب نصيبه ف?
نور:: السلام عليكم و رحمة الله
فارس:: و عليكم السلام و رحمة الله و بركاته .. لولو وحشتينى
نور:: بتساؤل .. مين معايا ؟؟
فارس:: أخص عليكى يا لبنى كدا تنسينى ده احنا حتى عشرة 30 بارت فـ 6 شهور ان ما كانوش أكتر
نور:: بفرحة .. فااااارس مش معقول اخبارك ايه يا ريزو طمنى عليك و ع باقى أبطال العشق الأبدي
فارس:: اسمعى يا ستى بقى اولا كدا كلهم كويسين جدا و بيقولولك انك وحشتيهم جدا جدا جدا و كمان فانزاتك الحلوين وحشوهم اوى و عشان كدا بقى قررنا كلنا نيجى نسهر معاكم الليلة و نهنيكم بمناسبة شهر رمضان ايه رأيك
نور:: و دى عايزة رأى دى .. ده انتوا تنورونا جدا و الناس هتفرح بيكم اوى .. ده انت ما تتخيلش زعلوا قد ايه لما خلصت الرواية و مشيتوا رجعتوا بلدكم
فارس:: خلاص يا قمر هنيجى كلنا و مش بس كدا ده أحنا كمان هنعرفهم بأسامينا الحقيقية و نتكلم معاهم ايه رأيك بقى فـ المفاجأة دى
نور:: مفاجأة جبارة طبعا لان فى ناس كتير ما تعرفكمش و أكيد هيكون نفسهم يعرفوا أبطال العشق الأبدي يبقوا مين فـ الحقيقة
فارس:: ماشى يا لولتى شوية كدا و تلاقينا كلنا كدا بربطة المعلم عندك سلام مؤقت
نور:: سلام يا باشا مستنياكم ماتتأخروش
و خلصت المكالمة و رجعت لـ تفكيرى تانى فـ المفاجأة اللى هعملهالكم و شردت كدا جوايا و قولت طيب ده مافيش أحلى من دى مفاجأة أبطال الرواية جايين بنفسهم و شخصياتهم الحقيقية عشان يسهروا معانا فـ الجروب لااااااااا ده كدا بقى لازم نحضر بقى أحلى تسالى و عصاير و كمان عشا فاخر اوماااال دول أبطال قلوبنا و شوية جرس الباب رن و قومت افتح و لاقيت مين بقى فـ وشى ع الباب الاتنين العمالقة
ماجدة زكى:: السلام عليكم ورحمة
عبلة كاملة:: ايه يا لبنى هتفضلى متنحة كدا مش هتقولى اتفضلوا
نور:: ها لأ ازاى طبعا طبعا ده انتوا تنورونى و ان ما شالتكمش الارض أشيلكم ع راسى
ماجدة/أمينة:: مالك مخضوضة ليه كدا .. ندخل و لا نمشى طيب
نور:: أبدا و الله مش مخضوضة و لا حاجة بس الفرحة لجمتنى شوية و أكيد طبعا اتفضلوا ادخلوا
عبلة/نجوى:: أومال لما تعرفى بقى ان باقى الأبطال جايين ورانا هتعملى أيه
نور:: فارس كلمنى فعلا و قال انكم جايين بس مش عارفة بصراحة من فرحتى بيكم بقى مش عارفة اتكلم
ماجدة/أمينة:: ههههههههههههه خلاص أهدى شوية و خدى نفسك
عبلة/نجوى:: تعالوا ندردش شوية لغاية ما الباقيين يوصلوا
نور:: لأ اهدوا عليا شوية كدا نجيب كوبايتين عصير فريش و شوية تسالى و بعدين ندردش حبة لغاية ما يوصلوا
و بالفعل دخلت جرى ع المطبخ حضرت عصير فريش فـ أشيك كاسين طلعتهم من النيش اللى مش بيتفتح غير للشديد القوى ده أكيد عارفينه و كمان طبق التسالى المخصوص ده ما انا غامرت بقى و فتحت النيش المهم حضرت الضيافة و طلعت قدمتها و ابتدينا ندردش سوا
نور:: لـ ماجدة عرفينا بنفسك يا ماجى
ماجدة/أمينة:: بصى ياستى انا للى ما يعرفنيش أسمى ماجدة حسن زكى من مواليد 12/12 و مافيش داعى لذكر السنة ههههههههههههه خريجة المعهد العالى للفنون المسرحية و ابتديت مشوارى الفنى فـ السبعينيات و عملت مسلسلات كتير منها (عائلة الحاج متولى و العطار و السبع بنات و عملت كريمة كريمة و كيد الحموات) و عملت طبعا معاكى العشق الأبدي
نور:: طيب قوليلى بقى عايزة أعرف دور أمينة رغم انه كان صغير بس كان له تأثير ازاى كدا
ماجدة/أمينة:: شوفى قوة الدور مش فـ حجمه بالعكس ممكن الدور يكون مشهد واحد بس مؤثر جدا و يكون محورى و تدور حواليه الرواية كلها .. و أمينة رغم انها دورها صغير بس كان مؤثر فعلا زى ما قولتى لان بموتها حلم اتخلت عن عِندها و فتحت قلبها و كمان هشام حس ببشاعة اللى عمله فـ أخته و ندم لما خسر أمه و خاف يخسر أخته كمان .. لكن تعالى كدا نتخيل مع بعض ان أمينة فضلت عايشة و حلم وخداها سندها تفتكرى كان ممكن تعترف بحبها لـ فارس
نور:: أكيد لأ طبعا
ماجدة/أمينة:: لاحظى كمان ان طول ما أمينة كانت عايشة حلم واقفة قصاد فارس الند بالند رغم انها بتحبه بس جواها متقوية بـ أمينة و مش هاممها حاجة و كمان هشام لو أمينة ما ماتتش كان هيفضل زى ما هو ماشى فـ تيار مراته الطماعة و اللى كان عندها استعداد تضحى بيه هو شخصيا لو ما وصلتش لغرضها و اللى هو فلوس حلم
نور:: دى حقيقة فعلا و بموت أمينة حلم ضعفت و كان لازم تتسند ع حد بتحبه و تثق فيه و زى ما قولت كان لازم حد يموت عشان حد يعيش انتى بجد اسعدتينا جدا يا ماجى بوجودك معانا فـ الرواية و عايزة أقولك ان الناس فعلا زعلت و كلهم قالوا حرام بلاش تخليها تموت
ماجدة/أمينة:: انا كنت متابعة فعلا ردود الافعال وقتها بس زى ما قولتى كان لازم أمينة تموت عشان حلم و هشام يعيشوا و عشان حسام فـ الأخر يرجع يحوط ع أخواته و يرجّع أحلام لـ حضنهم بعد ما اتبهدلت بسبب افعالها و بقت وحيدة
نور:: فعلا عندك حق و لـ عبلة كاملة بلبلة عرفينا بقى بنفسك و كلمينا عن دور نجوى
عبلة/نجوى:: انا عبلة كامل من محافظة البحيرة و تحديدا مركز ايتاى البارود مواليد 17/9 و هقولك زى ماجدة مافيش داعى لذكر السنة
نور:: يا قلبى انتوا لسة قمرات و شباب
ماجدة:: بهزار .. ايوا انا لسة بنت 19 ههههههههههههه
نور:: و أصغر كمان سامحنى يارب ههههههههههههه
عبلة/نجوى:: ههههههههههههه عندك حق يا ماجدة احنا لسة صغيرين ما وصلناش الـ 20 ههههههههههههه
نور:: ايون حصل ههههههههههههه المهم كملى بقى و قوليلنا انتى خريجة ايه و ابتديتى مشوارك الفنى أمتى و كدا يعنى
عبلة/نجوى:: تمام انا يا لولو خريجة كلية أداب قسم مكتبات و ابتديت مسيرتى الفنية من مسرح الطليعة و بعدها عملت مع محمد صبحى مسرحية وجهة نظر و عملت افلام كتير طبعا اشهرها (كلم ماما .. خالتى فرنسا .. اللمبى .. بلطية العايمة) و غيرهم و كمان مسلسلات كتير منها( ليالى الحلمية .. هوانم جاردن سيتى .. لن أعيش فـ جلباب أبى و سلسال الدم) و أخيرا العشق الأبدي
نور:: قوليلنا بقى ايه اللى خلاكى تقبلى دور نجوى مع انى عارفة انك مش بتقبلى اى حاجه
عبلة/نجوى:: يعنى عايزاهم يقولولى هتعملى دور فـ رواية لـ لبنى دراز و ارفض مستحيل طبعا خصوصا انا تابعت اعمالك و شوفتك قد ايه رواياتك ليها هدف و كل عمل بتقدمى فيه رسالة لـ قرائك عشان كدا وافقت و انا مغمضة ده غير بقى حبيبة قلبي ماجدة و كمان الشباب الحلوين اللى شاركوا معايا فـ الرواية
نور:: فعلا يا بلبلة كلهم حلوين ما شاء الله .. قوليلى بقى نجوى فيها كام فـ % من الام المصرية
عبلة:: بدون مبالغة نجوى أم مصرية 100% أم صديقة لـ ولادها بمعنى الكلمة بتحتويهم و بتنبهم و بتسمعهم و فـ نفس الوقت دايما بتحلل المواقف صح و ده كان واضح جدا فـ موقفها مع فارس و حلم لما حللت اللى حصل بينهم و وضحتلهم ان اللى حصل ده لعبة فعلا من قبل ما تنكشف الحقيقة و كمان احتوائها لـ حلم لما رجعت و تفهمت موقفها و طبعا اى ام غيرها كان ممكن تبهدل الدنيا ازاى خطيبة أبنى تمشى كدا من غير ما حد يعرف لها طريق و كان ممكن تقلب أبنها ع خطيبته لكن نجوى ما عملتش كدا خالص زى ما قولت هى تفهمت موقف حلم ده غير حالة فارس اللى كان فيها طول فترة أختفاء حلم و لما رجعت حالته اتبدلت للعكس تماما و موقفها طبعا بعد كدا وقت المواجهة مع خالد و قد ايه خوفها ع ولادها و حزنها من الحالة اللى وصلوا ليها و اللى اتبدلت بعد ما شافت أحفادها
ماجدة:: فعلا يا عبلة انا كنت متابعة .. انتى فعلا عملتى الدور بجدارة و قدمتيه بعفويتك المعهودة
عبلة:: حبيبتى يا ماجى تسلمى و انتى كمان أمينة فعلا قدمتيها ببساطة و بسلاسة حبيتها جدا
و احنا بنتكلم رن جرس الباب مرة تانية استأذنت من عبلة و ماجدة و قومت فتحت شوفت مييييين
فارس:: السلام عليكم ورحمة الله
نور:: و عليكم السلام مراد باشا و لا أقول فارس زى ما الفانز عرفوك
فارس:: خلينا فارس بس لغاية ما نبتدى نتعرف كلنا
حلم:: هاى يا لولو وحشتينى
نور:: حبيبتى يا ايسو عاملة ايه وانتى كمان و حشتينى
أمل:: و انا كمان يا لولو ما وحشتكيش و لا ايه
نور:: أمولة أكيد وحشتينى و وحشنى جنانك
أدهم:: استنى ندخل الاول احنا كمان طيب
نور:: اهلا اهلا حبايبى نورتونى تعالوا اتفضلوا عبلة و ماجدة فـ انتظاركم جوة
فارس:: دخل و سلم ع عبلة و ماجدة و باس ايدهم .. أمى حبيبتى و خالتو الغالية وحشتونى
عبلة:: و انت كمان يا حبيبى وحشتنى و الله
أدهم:: الله الله و أحنا بقى يا ست الكل
عبلة:: أكيد كلكم وحشتونى و الله و نفسى نرجع نشتغل تانى مع بعض .. بجد الشغل معاكم ممتع جدا
نور:: طيب اسيبكم مع بعض شوية و هرجع تانى
حلم:: رايحة فين يا لولو
نور:: هروح المطبخ ياقمر و أجى
و فعلا جريت تانى ع المطبخ و أكيد روحت ناحية النيش الاول أطلع باقى طقم الكاسات الشيك ما هى مغامرة بقى و لازم تكمل و برضوا طلعت بصينية الضيافة العصير و التسالى لغاية ما بقى الأبطال يوصلوا و نحضر بعد كدا أحلى عشا او سحور ع حسب بقى هيكون أيه المهم و انا بقدم واجب الضيافة ها يا حلوين عايزين نعرف بقى الفانز الحلوين بيكم
فارس:: تمام يا ست لبنى هبتدى اعرف نفسى انا يا ستى اسمى الحقيقى مراد يلدريم ممثل تركى طبعا من مواليد 13/4/1979 متخرج من كلية الهندسة الميكانيكية أبويا تركى و أمى من أصول عربية
و من اعمالى ياستى للى ما يعرفنيش( العاصفة .. عاصى .. ملكة الليل .. رامو .. عزيز) و غيرهم و طبعا معاكى العشق الأبدي و كان من أجمل الأدوار اللى حبيتها جدا دور فارس
نور:: أحكيلنا بقى يا باشا عن دور فارس ايه اللى شدك ليه
مراد/فارس:: بصى بس خلينا متفقين الأول كلمينى ع انى فارس عشان انا عارف ان الناس حبت شخصية فارس جدا و انا حابب حبهم للشخصية
نور:: تمام يا فارس باشا قولى بقى ايه اللى شوفته فـ شخصية فارس شدك تعمله
مراد/فارس:: بصى مش هخبى عليكى انا فـ الاول كنت متخوف جدا دور تقيل زى ده و محورى جدا و كمان الرواية مصرية بس انا قولت أجرب ليه لأ بطبعى بحب المغامرة و بصراحة لما ابتديت اشتغل فـ الدور حبيته جدا
نور:: تعرف ان الناس اللى شافوا الرواية فى ناس منهم قالوا انه نفس دور رامو و نفس النمط و الاحداث .. مع انى اصلا وقت ما كتبت الرواية فعلا ما كنتش شوفت المسلسل
مراد/ فارس:: لأ ع فكرة مافيش وجه شبه خالص بين الدورين يمكن التشابه الوحيد هو قتـ ـل الأب و هو صغير سواء فارس او رامو انما الاحداث غير خالص و أكيد اللى اتفرج ع المسلسل و تابع الرواية هيعرف ده
ماجدة/أمينة:: طيب ايه الفرق بين الدورين
مراد/فارس:: يا ست الكل رامو واحد دخل وسط عصابات الماڤيا عشان ينتـ ـقم لـ أبوه منهم انما فارس ده ظابط له اسمه حتى لما فكر ياخد حق أبوه خده بالقانون من غير دم و لا حتى فكر يسجن أعمامه إلا ان عمه كان ليه رأى تانى و طبعا شوفنا نهايته هو و أخواته كان ايه
نور:: تمام استنى هرجعلك تانى يا فارس بس نروح لـ حلم عمرك منورة يا ايسو
حلم:: حبيبتى انتى .. انا مبسوطة انى معاكم النهاردة و بجد نفسى نرجع تانى نشتغل مع بعض
نور:: أكيد يا قلبى فـ أقرب فرصة .. يلا بقى عرفينا بيكى
حلم:: شوفى انا أسراء بيلجيتش ممثلة تركية من مواليد 14/10/1992 و أبتديت مشوارى الفنى فـ 2014 فـ مسلسل قيامة أرطغرل فـ دور السلطانة حليمة و كمان مسلسل رامو دور سيبال و مسلسل أرضى بلا قوانين و طبعا رواية العشق الأبدي فـ دور حلم الرشيدي
نور:: ايه اللى عجبك فـ حلم
إسراء/حلم:: قوة شخصيتها و بساطتها فـ نفس الوقت .. انها تقدر تجمع بين الشخصيتين و تعرف تظهر كل شخصية فـ وقتها المناسب و كمان حبها لـ فارس و مناقرتهم فـ الاول و مشاكستهم لبعض
مراد/فارس:: هههههههههههه فعلا من اكتر الاوقات اللى حبيتها وقت استفزاز حلم و نرفزتها و هى بتقوله يا مستفز و بالذات لما فاقت من الغيبوبة اللى دخلتها بعد موت ماما أمينة لما قالت حتى و انت بتعيط برضوا مستفز
أسراء/حلم:: و لا و هى بتقلد فارس انا أختى لو طلبت منك حاجة أقتـ ـلها ههههههههههه .. حقيقى استمتعت معاكم جدا بدور حلم و كمان اختيارك لـ فريق العمل مميز جدا
أدهم::ههههههههههه و نسيتى فوفو و لا ايه
أسراء/حلم:: لأ طبعا يا أدهم و دى حاجة تتنسى ده كفاية ان كان فى ناس معينة بتستنى فوفو دى و لك ان تتخيل بقى فارس باشا بقى فوفو ههههههههههههه .. بجد يا لولو اختيارك للكلمات و المواقف يجنن
أدهم:: لأ و الاخراج كمان تحفة سمعت ان فى ناس كتير قالوا اننا عيشنا جوة الأحداث كأننا معاهم جوة الرواية و كأننا بنتابع عرض مسرحى جبار
نور:: طيب عرفنا بقى بنفسك يا دكتور أدهم
أدهم:: عيونى طبعا ياقمر
نور:: تسلم عيونك يا ريس أرغى يلا
أدهم:: هههههههههههه حاضر ماتزوقيش هرغى أهو اسمعى ياستى انا اسمى سيركاى توتونجو لاعب كورة قدم و كمان عارض ازياء و ممثل تاريخ ميلادي عشان تجيبيلى الهدية 7/2/1991
نور:: ههههههههههههه خلاص عدى السنة دى ..لما نعيش بقى السنة الجاية ان شاء الله
سيركاى/أدهم:: شكلك بخيلة يا لولو
نور:: مين انا !! لأ خااااالص بس بحب كل حاجة فـ وقتها ههههههههههه
عبلة:: هجيبلك انا الهدية بس كمل يا أدهم تعريف بأعمالك
سيركاى/أدهم:: حبيبتى يا ماما عبلة حاضر شوفى يا ست الكل انا ابتديت فـ 2018 اول مسلسل( ذنب الانسانية .. و بعدين العشق الفاخر .. البراءة .. الأحلام و الواقع) و طبعا العشق الأبدي دور أدهم و فعلا دور جميل جدا و حبيته
نور:: تمام يا باشا و لـ أمل .. امولة نورتينى يا قمر امممم مش واخدة عليكى عاقلة و هادية خير انتى عيانة و لا ايه
أمل:: اخص عليكى يا نورى كدا برضوا بقى انا مجنونة
أدهم:: اكيد يا قلبى ههههههههههههه
نور:: يلا يا أمولة عرفينا بيكى
أمل:: شوفى يا نورى انا أسمى إيلاندا أليشان تركية طبعا من اسطنبول و عينيها ع أدهم مواليد 26/2/1996 ههههههههههههه
نور:: لأ كدا انتوا قاصدينها بقى و داخلين ع طمع ههههههههههههه
أمرى لله هجيبلكم هدايا
إيلاندا/أمل:: أكيد و مش هتنازل عنها طبعا انا بقولك اهو
نور:: ماشى يا ستى و انا عند وعدى بس كملى
إيلاندا/أمل:: انا ياستى ببساطة عارضة أزياء و ممثلة لسة فـ البداية و اهم إعمالى مسلسل ( الحفرة .. و البراءة) و حاليا العشق الأبدي مع سيادتك
نور:: قوليلى بقى دور أمل أضافلك و لا أخد منك
إيلاندا/أمل:: دور أمل أضافلى كتير كفاية ان فى شريحة جديدة شافتنى و عرفتنى خصوصا انى اول مرة اشتغل مع حد جميل و مميز زيك عرفتى توظفى الدور صح
نور:: شكرا ياستى ع المجاملة الرقيقة دى
مراد/فارس:: ع فكرة يا لولو دى مش مجاملة دى حقيقة أختيارك للشخصيات و توظيف كل شخصية مش سهل ابدا
شوية كمان و احنا بتتكلم جرس الباب رن و قومت أفتح و كانوا سيف و عاليا و قصي و ياسمين و طبعا رحبت بيهم كالعادة و كملت مغامرة و طلعت طقم كاسات تانى من النيش ما هما برضوا ضيوفى و طلعت برضوا قدمت الضيافة و فضلنا نرغى مع بعض ع ما يوصلوا أخر الضيوف
نور:: حمد الله ع السلامة يا حلوين نورتونى و الله
سيف:: لولية وحشتينى يا قمر
نور:: انت كمان يا سيف وحشتنى عرفنا بيك بقى يا باشا و قول لنا انت مين
سيف:: اشطات يا مزة بس كدا انتى تؤمرى
عاليا:: ههههههههههههه مش خايف فارس يقولك سييييف انا عايز أعرف انت ظابط ازاى ؟
سيف:: ههههههههههههه لا فارس مين و الناس نايمين ههههههههههههه
مراد/ فارس:: سيييييف ههههههههههههه
سيف:: خلاص يا كبير سماح ههههههههههههه
نور:: احكى يابنى و عرفنا بيك يلا و بطل رغى فاضى
سيف:: خلاص ياختى هحكى اهو .. شوفى يا ستى و شوفوا يا فانزاتنا .. أنا اسمى الحقيقى بوراك دينيز أكيد تركى من اسطنبول و برضوا. مواليد شهر 2 ههههههههههههه 17/2/1991
و كدا الهدية هتبقى بـ التلاتة يا لولو
نور:: لأ انتوا كدا متفقين عليا بقى ههههههههههههه ماشى يا سيدى من عينى حاضر المهم كمل تعارف يلا
بوراك/سيف:: شوفى انا برضوا عارض و ممثل و من أعمالى طبعا( مسلسل الحب لا يفهم من الكلام .. و مسلسل عطر الأمس مع مراد يلدريم و مسلسل مرعشلى مع ألينا بوز ) و طبعا تشرفت بالعمل معاكى و معاهم مرة تانية فـ العشق الأبدي
نور:: انا اللى اتشرفت بيكم بجد و بوجودكم معايا طول فترة كتابة الرواية و نشرها
عاليا:: حبيبتى يا لولو بجد الشرف لينا اننا نيجى مصر و نشتغل معاكى يا سكرة
نور:: يا لهوى عليا ده ايه العسل ده كله يا لولى عرفينا بيكى بقى يا قمر
إيلاندا/أمل:: لأ كدا كتير انتى ناوية تعشينا و لا هنقضيها عصير و تسالى كدا يا لولو
نور:: ايلاندا أمل حياة أدهم من عونيا بس هجيبلك تصبيرة يا قمر لغاية ما الباقيين يوصلوا
أيلاندا/أمل:: اشطات بقى ايوا كدا يا شيخة هو ده كرم المصريين بجد
ماجدة:: لأ المصريين مافيش فـ كرمهم يا أمل و بيحبوا اى ضيف يشرف بلدهم و يستقبلوه بترحاب و بقلب صادق
أسراء/حلم:: حقيقى يا ماما ماجدة انا شوفت ده بنفسى من وقت ما وصلت فـ المطار لغاية ما جيت هنا فعلا انتم المصريين كرمكم مالوش حدود روحكم المرحة كمان مالهاش حل
نور:: خارجة من المطبخ بصينية ساندويتشات كتير لكل اللى موجودين .. ع فكرة يا لومى الشعب المصري شعب مالوش كتالوج دايما تلاقيهم فـ عز الازمة مهما كانت صعبة تلاقيهم بيضحكوا و يتريقوا ع حالهم و ياخدوها ببساطة
بوراك/سيف:: انا فعلا بستغرب منكم جدا انتوا أكتر بلد مرت بأزمات كتير و فعلا قادرين تعيشوا و تعدوها
عبلة:: عشان مصر ربنا حاميها من فوق سبع سموات و مش بس كدا ده كمان قال أدخلوها أمنين يعنى حتى اللى هيجى من برة هيتمتع بأمنها و أمانها
ماجدة:: و عشان كدا مهما مرينا بأزمات بنقدر نعيش و نتعايش و كمان بنتريق ع حالنا لاننا واثقين و عندنا يقين ان البلد اللى ربنا حاميها عمرها ما تقع أبدا ولا شعبها هيضيع مهما اشتدت الازمة
نور:: فعلا يا ماجى كلامك صح انتى و بلبلة تسلموا يا قمرات و لـ عاليا يلا يا ست لولى عرفينا بنفسك ياقمر بس استنى اجيب الشاى لزوم الساندويتشات و أجى
عاليا:: خلاص مش هحكى لغاية ماتيجى انا هاكل بس
و فعلا يا قمرات ابتدوا ياكلوا و انا جبت الشاى و جيت .. اتفضلوا الشاى اللى بالنعناع يا حلوين
عبلة:: تسلم ايدك يا لبنى كوباية شاى جاية فـ وقتها
نور:: بالهنا يا بلبلة يارب و لـ عاليا أرغى يا شابة يلا هههههههه
عاليا:: اشى يا مزة اسمعى و اسمعوا انتوا كمان اسمعوا يا بشرررررر انا اسمى ألينا بوز تركية ع روسية مخلطة يعنى زى ما بتقولوا
نور:: مخلطة ازاى يعنى عايزين فهم
ألينا/عاليا:: يعنى مامتى روسية و بابايا تركى و انا طبعا اتولدت فـ موسكو يوم 14/6/1998
نور:: أحمدك يارب أخيرا فى حد بعيد عن شهر 2 ههههههههههههه
ألينا/عاليا:: أه بعيد عن شهر 2 بس برضوا مش هسيبك لازم تيجيبيلى هدية زيهم خصوصا انا اصغر واحدة فيهم
نور:: لااااااااا دى كدا مؤامرة بقى ههههههههههههه ماشى ياستى عينى حاضر .. سمعت انك بتتكلمى 5 لغات
ألينا/عاليا:: طبعا بتكلم اللغة التركية و الروسية و الانجليزية والاسبانية و الصينية
نور:: ابتديتى تمثلى امتى
ألينا/عاليا:: أبتديت يا قمرى فـ 2013 و كان اول عمل ليا مسلسل (الممرضة الشجاعة و بعد كدا مسلسل حطام .. و مسلسل لا تترك يدى و مسلسل مرعشلى مع بوراك دينيز ) و طبعا معاكم برضوا فـ العشق الأبدي دور عاليا المجنونة و اللى حبيتها جدا حسيتها قريبة مني فعلا
نور:: حبيبتى يا لينا نورتينى يا قمر و لـ قصي منور يا كابتن كيف أحوالك
قصي:: انا فاين يا لولو انتى عاملة ايه
نور:: الحمدلله يا باشا زى الفل و الله بخير و نعم ..يلا يا ريس الدور عليك عرفنا بنفسك
قصي:: دوغرى كدا و من غير رغى كتير انا ببساطة اسمى ميشيل مورونى ايطالى طبعا مواليد 3/10/1990
نور:: أحب الناس الدوغرى انا قولى بقى يا باشا اشتغلت ايه غير ممثل
ميشيل/قصي:: شوفى ياستى انا عارض ازياء و مغنى و كمان كاتب أغانى و بس كدا
نور:: اممممم قولتلى بقى طيب غنيلنا حاجة يا كابتن
ميشيل/قصي:: أغنى وماله بس أغنيلك حاجة مصري و لا ايطالى
نور:: لا يا عم أيطالى ايه بس احنا بنفهم عربى بالعافية ههههههههههه غنى مصرى يا سيدى
ميشيل:: ماشى هنقول حاجة كدا بمناسبة شهر رمضان كل سنة و انتم طيبين .. بس هتغنوا معايا ماشى
وفعلا ابتدى قصي يغنى و كلنا غنينا معاه
مرحب شهر الصوم مرحب ..
لياليك عادت في أمان
بعد انتظارنا و شوقنا إليك ..
جيت يا رمضان
مرحب بقدومك يا رمضان ..
ونعيش ونصومك يا رمضان
بعد انتظارنا و شوقنا إليك ..
جيت يارمضان…
نور:: صوتك حلو فعلا يا قصي .. طيب فى كمان مناسبة تانية النهاردة عايزينك تسمعنا حاجة بخصوصها برضوا
ميشيل/قصي:: و ماله نغنى ما نغنيش ليه هو أحنا صغيرين بس ايه المناسبة دى
نور:: عيد الأم .. عايزين طبعا نقول لكل أم كل سنة و انتى طيبة أوعى تفتكرى ان حبك و تقديرك يوم واحد فـ السنة لأ حبك و تقديرك فـ قلوب أولادك كل يوم طول السنة .. ربنا يبارك فـ أعمار أمهاتنا و يفضلوا منورين حياة أولادهم و يرحم أمى و امهات كتير رحلت عن دنيانا و يغفرلهم و يسكنهم فسيح جناته و طبعا أجمل هدية تروح لهم فـ اليوم ده هى الدعاء
عبلة و ماجدة:: ربنا يرحمهم و يغفرلهم اللهم أمين
نور:: يلا يا ميشو غنى سمعنا حاجة عن الام
ميشيل/قصي:: غنوا معايا برضوا يلا
و فعلا غنينا معاه برضو
أمي غير
أمي ست عظيمة منها مافيش كثير
أمي نهر عطاء وتضحيات كبير
أمي مهما هبوس إيديها
وأشيلها وأجري العمر بيها
صعب أسد ديوني ليها
معاها للنفس الأخير
نور:: لا تستاهل شوية عصير كمان يا ميشو
إيلاندا/أمل:: انتى هتشبعينا بقى عصير و تسالى و مافيش عشا بقى و لا ايه ههههههههههههه
نور:: يابنتى مستنيين بس باقى الناس يوصلوا و استنى بقى نشوف القمر اللى ساكتة دى .. لـ ياسمين مالك يا ياسو ساكتة ليه
ياسمين:: هقولك ايه يعنى بس
نور:: عرفينا بيكى يا قمر
ياسمين:: انا موديل مصنفة من أجمل 20 بنت فـ الفترة دى بيستخدموا صورى لـ بروفايلات الفيس او فـ مجلات الفاشون
نور:: اممممم طيب و أسمك ايه بقى
ياسمين:: أنا الناس عرفتنى بـ ياسمين المنصورى مش مهم أسمى الحقيقى المهم أكون سيبت بصمة فـ الرواية
نور:: أكيد يا قلبى طبعا سيبتى بصمة .. اهلا بيكى يا ياسو معانا نورتينى يا قمر .. استنوا بقى اتصل بالناس اللى اتأخرت دى
و بالفعل اتصلت بـ حبيب الملايين ههههههههههههه بيدو المقنع
نور:: الووو بيييدوو فينكم يابنى اتأخرتوا ليه
عابد:: ايه يابنتى داخلة حامية ليه كدا مش تقولى ازيك الاول و بعدين تسألى
نور:: طيب ازيك يا عابد و بعدين تسألى ها انتوا فين و اتأخرتوا ليه
عابد:: أفتحى الباب ياختى احنا ع السلم اهو
نور:: بهزار و هى بتفتح الباب .. و لما سيادتك ع السلم بتفتح عليا المكالمة ليه هى غرامة و خلاص
هاجر:: يعنى فتح عليكى باب الحمام يا ام الدنيا
نور:: طب ادخلى ياختى و بطلى رغى
الاء:: ماتبقاش هاجر لو بطلت رغى
هاجر:: اتلمى يا أولاااااااق خلينا نشوف الناس الحلوة اللى قاعدة دى
حازم:: لـ هاجر يابنتى ادخلى ساكتة بقى مش كفاية كلتى دماغنا طول الطريق
هاجر:: قصدك ايه يا سي حازم بقى
أمجد:: قصده انك صداع يا روحى و محتاجين صيدلية كاملة عشان يخف ههههههههههههه
نور:: طيب ادخلوا الاول و بعدين كملوا مناقرة فـ بعض .. و بأندهاش أومال فين باقى الناس اتأخروا ليه
عابد:: عندك حق يا لولو ندخل الاول و نسلم ع الناس اللى قاعدين دول .. هاى عليكم يا بشر .. الباقيين اعتذروا يا ستى مرتبطين بمواعيد شغل و بيقولولك ان شاء الله مرة تانية يكونوا فاضيين و نتجمع كلنا تانى
نور:: اممممم ان شاء الله قريب
فارس:: يا هلا حمد الله ع السلامة
حازم:: الله يسلمك يا فارس باشا
نور:: بفرحة .. بجد نورتونى جدا النهاردة و أحلى مفاجأة و حقيقى قبل ما يتصل فارس و يقول انكم جايين كنت قاعدة مع نفسى كدا بفكر هعمل أيه و أفاجئ الفانز و أعضاء الجروب فـ ليلة الرؤية أزاى
حلم:: طيب تفتكرى هينبسطوا بوجودنا معاهم الليلة دى فـ السهرة
نور:: أكيد طبعا يا لومى انتى ماتتخيليش هما زعلوا قد ايه لما مشيتوا و عملوا مظاهرة بيطالبوا بجزء تانى عشان ترجعوا و يعيشوا معاكم من تانى .. و بهمس للفانز .. بلاش تكسفونى قصادهم و اتفاعلوا معاهم شالله يخليكم .. احم و لـ عابد يلا بقى يا بيدو عرفنا بيك .. و لا أقولك استنى بقى نجهز العشا الأول و نبقى نرغى و نتعرف و أحنا بنتعشى
أمل:: اشطا يلا بينا يا مزة و لـ هاجر و الاء و حلم و عاليا و ياسمين يلا يا بنات ع المطبخ هجوووووم
حلم:: هههههههههه يلا يا مجنونة
و فعلا دخلت انا و البنات المطبخ هو معرفش شالنا ازاى بصراحة بس كلنا كنا جواه و مش قادرة أقولكم بقى ع الروح المغامرة اللى لبستنى و طلعت طقم الصينى اللى فـ النيش و طقم كوبايات تركى فاخر عشان يتحط ع السفرة عشان يشربوا فيه و اتفاجئت يالهوى ده انا فتحت التابوت و طلعت كل اللى فيه و جوايا استر يارب و ماتحلش عليه لعنة الفراعنة .. اومال ما هو ليه سنين مقفول و مش بيتفتح غير يتنضف بس و يرجع يتقفل تانى و ممنوع حد يعدى جنبه بس .. المهم عشان ما اطولش عليكم حطينا العشى و قعدنا أكلنا و ضحكنا و هزرنا و بصراحة كان وقت جميل جدا و بعد العشى بقى و العصير و الحلويات و الذى منه قال
أدهم:: يلا بقى يا عابد و لا انت يا حازم عرفونا بنفسكم
عابد:: ماشى يا عم هعرفكم بنفسى شوف يا سيدى
أدهم:: شوفت يا عمى ههههههههههههه
نور:: لـ أدهم ما تبس يابنى سيبه يتكلم .. و لـ عابد أرغى يا عم انت كمان
عابد:: ماشى خلاص اهدي عليا و اسمعى .. انا أسمى جون أبراهام ممثل هندى طبعا و اتولدت فـ 17/12/1972 و مش هتنازل عن الهدية برضوا زيهم ماشى
نور:: ايه ده انت عرفت حوار الهدية ده منين
جون/ عابد:: العصفورة قالتلى و مش هتنازل عنها بقولك اهو هههههههههههه
نور::ماشى يا عم بس استنى كدا يا باشا انت عايز تقول انك اكبر مني
جون/عابد:: اه شوفتى بقى أكبر منك بـ 5 سنين بحالهم
نور:: ليه يابنى كدا تحبطنى و تقولها فـ وشى ده اللى يشوفنا مع بعض يقول انى أمك يا ضنايا
جون/عابد:: بهزار احسدونا بقى .. عينك يا حاجّة هههههههههههه
نور:: كمل يا حنين كمل .. يخربيت اللى يزعلك
جون/عابد:: الله أكبر فـ عينيكى ياختى خمسة و خميسة
فارس:: ما تكمل يابنى انت هتعلقنا كدا كتير
عابد:: شوف يا باشا انا بدأت حياتى المهنية كموديل أعلانات و نجحت جدا فـ مجال الاعلانات و ده اللى شهرنى و خلى المخرجين يطلبونى بالأسم و انتقلت لعالم السينما الهندية و اتجهت كمان للانتاج السينمائي
نور:: اشطا انتج لنا بقى مسلسل العشق الأبدي
عابد:: انتى يا حولة يا لبنى بقول انتاج سينمائي مش تلفزيوني
نور:: برفعة حاجب ع فكرة بقى انا مركزة يا كابتشن بس بقول مافيش مانع انك تجرب الانتاج التلفزيونى يا خفة
عابد:: اممممم ممكن why not
نور:: ماشى هستنى يا بيدو .. و لـ حازم دورك يا برنس عرفنا بسيادتك
حازم:: ع طول كدا مش تصبرى شوية يا بنتى
نور:: لأ .. و أرغى يلا عشان نشوف غيرك
حازم:: أمرى لله .. انا أسمى أبراهيم تشيليكول تركى طبعا و بتوتر بص لـ أدهم و أمل و سيف مواليد 14/2/1982
أدهم وأمل و سيف:: ألللللعب ههههههههههههه
نور:: لاااااا بقى انا قولت انها مؤامرة ماحدش صدقنى .. لأ و أيه كمان الست والدتك مظبطة مواعيدها ع الڤلانتين
سيف:: أه يا أبن المحظوظة يا حازم يعنى العالم كله بيحتفل بعيد ميلادك و تجيلك بدل الهدية هديتين
نور:: بحزن مصطنع .. كمل يابنى كمل .. هى غرامة و لا أكتر كمل يا حبيبى
أبراهيم/ حازم:: شوفى يا ستى انا أصلا كنت لاعب كورة سلة محترف و بعد كدا بسبب شكلى و جمسى بقيت عارض ازياء و منها ابتدت مسيرتى الفنية و عملت أول فيلم سنة 2007 و توالت بقى الأعمال التليفزيونية و أهم المسلسلات اللى عملتها( مسلسل عفت .. ردة فعل .. الرحمة .. حب أبيض و أسود) و أخيرا طبعا العشق الأبدي معاكى و مع المجموعة الجميلة دى
نور:: اشطا يا زوما و لـ الاء لولو نورتينى ياقمر
الاء:: منور بيكى يا قلبى
نور:: الله عليكى يا لولو قعدتك فـ مصر شوية علمتك تردى اهو شوية كمان و تبقى تركية من بولاق ههههههههههههه .. عرفينا بنفسك بقى ياسكرة
الاء:: وماله نتعرف طبعا انا أسمى بيلين كاراهان من أنقرة مواليد 7/9/1984
نور:: أخيرا فى حد ظهر بعيد عن شهر 2 أحمدك يارب
أدهم:: لـ نور كل ده عشان الهدايا يا بخيلة
نور:: يا عم مش بخيلة والله بس كدا كتير يعنى ههههههههههههه و لـ ألاء كملى رغى يابنتى ابتديتى مشوارك الفنى امتى
بيلين/الاء:: شوفى انا ابتديت كمغنية بوب و بعدها اتنقلت من أنقرة لـ اسطنبول و اشتغلت فـ الاعلانات زى أعلان كوكاكولا و كيت كات و بانتين و بعد كدا عملت اول مسلسل ( سنوات الصفصاف و بيتكلم عن اصدقاء الطفولة و عملت بعد كدا مسلسل حريم السلطان قومت بدور السلطانة مريم و بصراحة المسلسل ده بالذات سبب شهرتى فـ تركيا و العالم العربى و حاليا عملت معاكم العشق الأبدي
عبلة:: كلكم ماشاء الله عليكم تاريخكم حافل و مليان بالأعمال الجميلة و كلها أعمال ليها جمهور عريض فـ مصر و العالم العربى
ماجدة:: فعلا يا بلبلة كلهم ماشاء الله بدايتهم كمان قوية
نور:: يلا بقى يا دكتور أمجد عرفنا بيك يا كابتن
أمجد:: أشى يا ست نور انا ريان إيجولد أمريكى من كاليفورنيا من مواليد 10/8/1984 و ابتديت حياتى الفنية فـ 2006 اول مسلسل تليفزيوني كنت فيه ضيف شرف و ع الرغم من نجاحى فـ التمثيل ما أكتفيتش اتجهت كمان لكتابة الاغانى و كمان بعزف جيتار و بيانو و بغنى و ده يا جماعة ببساطة انا
نور:: مافيش أحلى من البساطة فعلا و لـ هاجر اللى مسيطانى فـ الجروب و فضحانى فـ قلب الرواية ههههههههههههه
هاجر:: حبيبتشى يا مولاااااتى أؤمرينى
نور:: عرفينا بيكى يا قمر
هاجر:: انا يا ستى زى ياسمين كدا موديل مصنفة برضوا من أجمل 20
بنت بس محجبة و برضوا بنتصور من كل زاوية عشان يستخدموا صورنا ك صورة بروفايل للفيس او الانستا او مجلات الفاشون
نور:: تمام يا چورى .. قولولى بقى عايزة منكم كلكم كل واحد لمحة صغيرة عن دوره و نبتدى بـ عبلة
عبلة:: نجوى زى ما قولتلك أم مصرية 100% بتعرف ازاى تحتوى ولادها و تسندهم من قبل ما يميلوا
ماجدة:: أمينة ست بسيطة و رغم بساطتها كانت سند و داعم قوى لـ بنتها بس كمان كانت دايما حزينة بسبب بعد باقى ولادها عنها و عن أختهم
فارس:: فارس متعدد الطباع و بيعرف يفصل فعلا .. فـ شغله مش بيتفاهم و ما يعرفش حد .. مع أمه و أخواته شخص حنون كدا و بيحتوى أخواته و لو حد فيهم غلط بيعرف ازاى يفهمهم غلطهم من غير ما يتعصب عليهم و طبعا مع حبيبته حد تانى خالص
نور:: فعلا مع حبيبته فوفو خاااالص فـ نفسه كدا ههههههههههههه
فارس:: ههههههه فعلا و ع رغم غيرته بس كان بيحاول دايما يتحكم فيها و يخليها ما تظهرش
حلم:: حلم الرشيدى شخصيتين فـ بعض البنت الجد اللى بميت راجل و اللى رغم و جود كمال الأب الروحى ليها إلا انها قدرت بمجهودها و ذكائها تعمل اسم يحكوا و يتحاكوا عنه و كمان حور البسيطة اللى بتعيش حياتها بشكل طبيعى جدا و كمان بتتعامل مع اللى شغالين معاها ع انهم من أصحابها مش مجرد شغالين
أدهم:: أدهم المنصورى هو دكتور مرح جدا عنده عيلته أمه و أخواته رقم واحد و بالذات أخوه كان كل حاجة بالنسبة ليه أخ و أب و صديق و طبعا حبيبته المجنونة اللى لفتت نظره من اول مرة شافها فيها
أمل:: أمل العربى دكتورة الأطفال المطرقعة ماتعرفش تكشف ع الاطفال من غير ما تتنطط معاهم لدرجة ان الاطفال بتحبها جدا ده غير بقى العادة اللى فيها تبرطم بصوت عالى و مش بتاخد بالها ان فى حد سامعها و خصوصا أدهم اللى كان بيحب ينرفزها عشان بس يسمعها وهى بتبرطم
قصي:: دور قصي بسيط مهندس و مدير مصنع بيشوف ياسمين و بيحبها و طبعا لما عرف أخوها بيشتغل ايه اتردد كتير بس اخيرا قرر انه يتقدملها و فعلا اتجوزها وعاشوا حياة هادية مع بعض
ياسمين:: ياسمين بنت هادية جدا و بتحب اخواتها جدا و خصوصا فارس اللى بيحتويها جدا فـ كل حالاتها و بتقابل قصي اللى شخصيته قريبة منها شوية بس فيه حبة جنان بسيط و بيحبوا بعض و طبعا اتجوزو و خلفوا 3 أولاد طبعاهم مختلفة
سيف:: دور سيف رغم شغله فـ مكان حيوى و حساس جدا زى قطاع الأمن الوطنى إلا انه مجنون و كان مجنن رئيسه فارس بتصرفاته و بيتعرف بأخت فارس و يتقدم لها مباشرتاً من غير لف و لا دوران و يتجوزها و بيخلفوا بنت و ولد مجانين زيهم
عاليا:: دور عاليا بنت دلوعة أخوتها و بالذات اخوها الكبير اللى بيحاول يعوضها عن حرمانها من حضن أبوها ورغم دلعها و جنانها بس بتقدر تتحمل مسؤولية بتقابل سيف و تحبه بس مش بتعترف بحبها غير لما بيخطبها
عابد:: دور شرير جداً .. عابد وصولى و انتهازى استغل حلم فـ الاول فترة الدراسة وبعدها استغل سيلين و اتجوزها عشان يوصل ع كتاف أبوها عضو مجلس النواب و اشتغل فـ كل حاجة شمال لغاية ما وصل للماڤيا ونهايته كانت ع إيد حلم اللى حاربها كتير عشان يستغل اسمها و فارس الظابط اللى كان ماسك قضية الـ سـ ـلاح اللى كان هيدخلها البلد
حازم:: دور حازم كان صديق حلم هو و الاء اللى حبها من و هما فـ الجامعة و اشتغلوا مع حلم و وقفوا جنبها و كانوا فعلا نعم الاصدقاء
الاء:: دور الاء الصديقة المخلصة اللى بتحب صاحبتها جدا لدرجة انها لما حست بخطر ع حلم جريت وراها عشان تلحقها و ما اهتمتش بحملها و تعبها و كأن حياتها مش مهم قصاد حياة صحبتها و قصاد ده حلم مع أخلاص حازم و ألاء خليتهم شركائها فـ المزرعة
أمجد:: دكتور الطوارئ اللى شغال فـ مستشفى حلم قابل بالصدفة البنت اللى خطفت قلبه و ما اترددش لحظة انه يخطبها و يكمل حياته معاها رغم جنانها
هاجر:: صديقة حلم و أيقونة الضحك طول الوقت و كانت بتمر بمواقف كتير و برضوا كانت بتحب حلم جدا و كانت هتتجنن عليها لما قلبها وقف بعد موت أمينة و قابلت أمجد اللى عيشها فعلا قصة الحب اللى نفسها فيها و اتجوزته و سافرت معاه ألمانيا و عاشوا حياتهم و استقروا فيها
نور:: أنتوا بجد يا جماعة شرفتونى جدا و بجد بجد السهرة معاكم ليها شكل تانى
عبلة:: احنا جينا النهاردة نسهر معاكى و مع فانزاتك الحلوين و نقولهم كل سنة و انتم طيبين رمضان كريم عليكم و على أم محمد أجمعين
ماجدة:: رمضان كريم عليكم .. اعاده الله عليكم بالخير و اليمن و البركات
نور:: لـ قصي يلا يا باشا غنيلنا حاجة و هنغنى معاك ماشى
قصي:: ماشى يلا بينا مع بعض
و فعلا غنينا كلنا
الله .. الله … الله .. الله
قصي:: رمضاااااااان كرييييييم
رمضان كريم فتح يا عليم
30 يوم فيه هنا وسعادة
كلنا:: الله الله الله الله الله الله
قصي:: قاعدة رمضان حلوة يا جدعان
شهر الإحسان كله عبادة
كلنا:: الله الله الله الله الله الله
قصي:: رمضان كريم فتح يا عليم
30 يوم فيه هنا وسعادة
كلنا:: الله الله الله الله الله الله
قصي:: قاعدة رمضان حلوة يا جدعان
شهر الإحسان كله عبادة
كلنا:: الله الله الله الله الله الله
قصي:: و الناس بتقول ملناش غيره
بيهل علينا كده بخيره
كلنا :: الناس بتقول ملناش غيره
بيهل علينا كده بخيره
قصي:: وكريم والله كرماته هالّة
ورزقه على الله نوره زيادة
رمضان كريم فتح يا عليم
30 يوم فيه هنا وسعادة
كلنا:: الله الله الله الله الله الله
قصي:: قاعدة رمضان حلوه يا جدعان
شهر الإحسان كله عبادة
وحوى يا وحوى
كلنا:: ايوحة
قصي:: وكمان وحوى
كلنا :: ايوحة
قصي:: رمضان جانا
كلنا:: رمضان كريم
قصي:: قولوا معانا
كلنا:: رمضان كريم
قصي:: هل هلاله رمضان كريم
اه يا جمله رمضان كريم
فوانيسه وا لعة
كلنا :: ايوحة
قصي:: لمبة و شمعة
كلنا:: رمضان كريم
قصي:: رمضان كريم زي العادة
و من دا على دا
و كل يوم عندنا فى جديد
رمضان كريم و الله يوماتى
و خدى و هاتى
و كل ايد بتناول ايد
وحوى يا وحوى
كلنا :: ايوحة
قصي:: و كمان وحوى
كلنا:: ايوحة
قصي:: رمضان جانا
كلنا:: رمضان كريم
قصي:: قولوا معانا
كلنا:: زينة فى الشوارع
و فانوس على كل بيت
هيه هيه
و النور مالى الجوامع
لو روحت و لا جيت
قصي:: و القهوة اللى فى حارتنا
بتفتح بعد الفطار
و بياع الكنافه عنده زباين كتار
القهوه اللى فى حارتنا
بتفتح بعد الفطار
و بياع الكنافه عنده زباين كتار
و اسمع فى الراديو عندى توشيح النقشبندى و الناس قوام تطير
نتسحر بدرى بدرى و الحارة بحالها تجرى ع الجامع الكبير
كلنا:: رمضان كريم فتح يا عليم
30 يوم فيه هنا و سعادة
قصي:: رمضااااااااان كرريييييم
كلنا :: قاعدة رمضان حلوه يا جدعان شهر الاحسان كله عبادة
قصي:: ده كريم والله كرماته هالّة رزق على الله و نوره زيادة
و بعد ما خلصت الاغنية هنينا بعض طبعا و كملنا سهرتنا و كانت سهرة مميزة جدا و قبل ما يمشوا كلهم فـ نفس واحد و نفس الوقت
لقراءة باقي حلقات الرواية اضغط على : (رواية العشق الأبدي)