رواية بنت الشيطان الفصل الرابع والخمسون 54 بقلم رحمة نبيل

رواية بنت الشيطان الفصل الرابع والخمسون 54 بقلم رحمة نبيل

رواية بنت الشيطان البارت الرابع والخمسون

رواية بنت الشيطان الجزء الرابع والخمسون

رواية بنت الشيطان الحلقة الرابعة والخمسون

كان عبدالرحمن يجلس في منزل ليث وهو يشعر بملل شديد حقا يريد الخروج وبشده بسبب هذا الحادث الذي دبر له لكان الان في الخارج أغلق عينه بشده وهو يتذكر انه كان علي وشك الموت في ذلك اليوم
Flash back
بلاك بصراخ / عبدالرحمن عبدالرحمن سامعني رد عليا
عبدالرحمن وهو ينحرف بسيارته بسرعه كبيره ويشتم وهو ينظر في المرأه فصاحب هذه السياره خلفه مصر علي الاصتطدام به وبشده
عبدالرحمن بصراخ / يا ابن……
ليث بغضب / رد يا زفت فيه ايه
عبدالرحمن بسخريه / بعمل سباق ياقلبي
ليث بصراخ / عبدالرحمن يا حيوان بطل هزار
عبدالرحمن وهو يتفادي السياره خلفه / وانت بطل شتيمه
ليث وهو يتنفس ليهدأ / طب من اللي حواليك تقريبا في سياره بتطاردك
عبدالرحمن / اسم الله عليك
ليث بصراخ / قسما بالله لو ما سكت لاجي انا اقتلك انت فاهم هو سيارته نوعها ايه
عبدالرحمن / ترله زي اللي راكبها
ليث / حلو اوي
اسمع كويس هتحاول انك تعمل انحراف كبير بالعربيه وتتأكد انه وراك بالضبط وتفتح الباب وتنط بسرعه بس متنطش غير لما يقرب منك اوي ويبقي علي وشك انه يخبط فاهم عشان مياخدش باله انك نطيت وكمان حجم العربيه اللي هو راكبها مش هتخليه يلاحظ اوي نفذ يا عبدالرحمن وخد بالك كويس فاهم
عبدالرحمن ببسمه مستمتعه / فاهم يا بلاك
اخذ عبدالرحمن ينفذ التعليمات بدقه وعندما كانت الشاحنة خلفه علي وشك الاصتطدام به فتح الباب وققز بسرعه كبيره في الوقت الذي كانت سيارته تنقلب رأسا علي عقب نظر لها عبدالرحمن بصدمه / ده انا كنت هتعمل كفته
نظر للهاتف الذي كان قد أخذه في جيبه وأخرجه ونظر له بحزن/الشاشه انكسرت
سمع صوت ليث يأتي بسخريه من الهاتف / وربنا اما جيتلي دلوقتي لاكون انا اللي كاسر عضمك كله
عبدالرحمن بضحك / اخص عليك يا قاسي انت ويهون عليك عبده حبيبك
نظر عبدالرحمن بتعجب للهاتف / قفل في وشي ماشي
ثم اتصل عليه مره اخري
أجاب ليث بحنق / نع….
لم يكمل لان عبدالرحمن أغلق في وجهه ليث بصدمه / ده هو واخته طلعوا نفس العبط يخربيت دي عيله
Back
تذكر بعدها دخوله المشفي عن طريق طبيب يعرفه ليث وترتيب امر نقله للعمليات ثم نقله لغرفه عنايه مركزه حتي لايدخل احد لرؤيته
تنهد بثقل / يارب الايام دي تخلص علي خير وارجع حق كل واحد مات من غير ذنب
أغلق عينه بحزن
Flash back
كان ناصر ينظر لعبدالرحمن وسمير ومينا ويغمز لهم ثم ينظر لشادي الذي يتحدث مع خطيبته بعيدا عنهم علي صخره علي الكورنيش نعم فهذه عادتهم عندما يكونون في عطله يخرجون للمرح والذهاب للكورنيش
ناصر يخبث / واد يا مينا
مينا وهو يحول بعينه / عيونه
ضربه ناصر / مش عايز عيونه عايز صوته
مينا بتعجب / يعني ايه
ناصر بضحكه خبيثه / هو انت مش بتعرف تعمل أصوات بنات ياض
مينا / اه ليه
ناصر وهو ينظر بخبث لشادي الذي يبتسم وهو يحدث خطيبته
/ عايزك في مهمه قوميه يا باشا
كان شادي يضحك بخفوت / والله ياقلبي هخلص مع الشباب وبكره كله ليكي
سمع صوت انثوي بجانبه يقول / وانا امتي يا شادي يا وحش بعد بكره؟؟؟
نظر شادي بفزع وجده مينا
وعبدالرحمن وسمير وناصر يكادون يموتون من الضحك
شادي وهو يتحدث بفزع / والله يا حبيبتي ده صاحبي بس بيهزر
اه والله صاحبي لا مش واحدة والله
مينا وهو يستند برأسه علي كتف شادي ويتحدث بصوت نسائي / الله بقي ياشادي هو انت جاي ليا انهارده عشان نفرفش ولا تتكلم في الفون
شادي وهو يبعد يده ويتحدث بلهفه /والله صاحبي يا بنتي بنت مين بس االي معاها هو انا ملاحق اشوفك لما اخونك مع غيرك
ناصر بضحكه صاخبه / يخربيتك يا مينا فظيع
عبدالرحمن بضحك شديد / ده انت اللي فظيع يخربيتك هيطلقوا
مينا / يلا بقي ياشادي
ثم قال مقلدا اغنيه ام كلثوم /مستنياك ياروح بشوق كل العشاق مستنياك تعبت تعبت من الاشواق مستنياك وانا دايبه يا عيني من الفراااااااااق حبيبي حبيبي
قال آخر كلمه وهو يستند علي كتفه ويتنهد بتمثيل / اه يا سارق قلوب العذارة انت دوختني معاك ياقاسي مش يلا بقي
نظر له شادي بشر وهو يتحدث / بتغني مين بس يا حبيبتي دي كانت عرسه مزنوقه بين طوبتين وبتطلع في الروح بقي ده غني اساسا
وقع سمير أرضا وهو يصرخ / يا ختي هموووووووت هههههههههههههههههههه
بينما عبدالرحمن سقط بجانبه وهو يقول بصوت عالي / خلاص يا قمر تعالي ليا انا وسيبي شادي
مينا بدلال مثل الفتيات / لا انا عايزه شوشو وبس
ناصر بضحك / الواد اتطلق خلاص ههههههههههه
شادي يتوتر / والله صحابي بيهزروا معايا حفله ايه بس اللي عملينها يا هناء هناء الو الو
نظر بجانبه بشر لمينا الذي ركض بسرعه الصاروخ / والله ناصر اللي قالي والله ناصر
ركض مينا الي الشباب الذين كانوا مسطحين أرضا وهم يضحكون ولكن رأوا مينا يركض لهم وخلفه شادي
مينا بصراخ / اجري يا مجدددددددددددددي
ركض الجميع وخلفهم شادي وهم يضحكون بشده حتي تمددوا علي جانب صخره بتعب ولكن فجأه انفجر ناصر بالضحك وتيعه سمير وعبده ومينا نظر لهم شادي بحنق سرعان ما اختفي وحل محله بسمة ثم تحولت لضحكات صاخبه عمت المكان
شادي بمشاغبه / بقولك ايه ياقمر ما تجيبي بوسه
مينا بانتفاض وهو ينهض / لا بقولك ايه انا مينا اه بس راجل اوي
ذهب شادي خلفه وهو يضحك / طب هزود فلوسك طيب طب هاتي حضن طيب منا بقيت سنجل خلاص وهطلعه عليك خد ياض يخربيتك ههههههههههههه
سمير وهو ينظر وهم يذهبون / هروح اجيب لينا اي حاجه نشربها بدل الطور اللي قطع نفسنا ده
تنهد عبدالرحمن وهو ينظر للسماء براحه
ناصر وهو يبتسم له ويشير للنجوم / بتفكرني بينا اوي
نظر له عبدالرحمن بتعجب
ناصر وهو ينظر للسماء / تقريبا تحسهم نفس الشكل والحجم بس لما أقرب هتلاقي كل واحدة فيهم مميزه عن التانيه زينا بالضبط اللي يشوفنا يقول زي بعض لكن اللي يشوف جوانا يعرف ان كل واحد فينا فيه ميزه بتكمل التاني بنكمل بعض ياعبده
ابتسم عبدالرحمن له بشده وجاء الجميع
شادي وهو يأخذ مشروب من سمير / بتقولوا ايه
ناصر ببسمه / بقول اننا شبه بعض في حجات كتير بس فينا ميزه بتميز كل واحد عن التاني
مينا ببسمه حب لهؤلاء /دايما كنت بلاقي ناس تقولي انت مصاحب ناس مش شبهك ومش ديانتك بس مكنوش يعرفوا ان فيه اللي بيربطنا لبعض الاخوه عمري ما حسيت في يوم اني مختلف عنكم يكش بس المايه المشبره اللي بشربها قدامكم في صيامكم وسندونشات الكفته اللي بتاكلوها في صيامي هههههه
بس هتفضلوا طول عمركم أقرب ليا من نفسي حتي
ضم الجميع بعضه في دائره وتحدث سمير ببسمه / اخوات دايما
قال الجميع بصوت عالي وضحكه اخترقت السماء / اخوات دايماااااااا
Back
مسح عبدالرحمن دموعه التي انهمرت بشده وهو يقول بصوت مبحوح / اخوات دايما حتي وانتم مش معايا اخوات دايما وحشتوني اوي
دخلت دانه المكتب بعد أن اذن لها ليث وهو ينظر للأمام بشرود كعادته معها حتي لاتشك بشئ.
دانه وهي تجلس امامه علي المكتب / ايوه يا فندم فين العقود اللي كنت حضرتك مأجلها
لاحظ بطرف عينه شكلها غير المرتب / ثواني لما الطرف التاني في الصفقه يوصل
وقاسم كمان
دخل قاسم وهو يقول بمرح / حبيب هارت قاسم انا جيت ياحبي
ابتسم قاسم علي صديقه منذ ايام الجامعه /كده ناقص…
قطع كلامه شهقه قاسم الذي ينظر لشكل كاترينا وتحدث بسخريه / كاترينا انتي عربيه عدت عليكي ولا اية
نظرت كاترينا لدانه بغضب شديد بينما دانه ابتسمت بخبث ثم اخفت ابتسامتها بسرعه وانطلقت تجاه كاترينا وهي تمد يدها / ياحبيبي ايه اللي حصل ده
ثم عانقتها بحده / ايه ياقلبي بس طمنيني مين االي عمل فيكي كده ياختي دي عين وصابتك اه والله اكمنك يعني مربره كده وشعرك معفن قصدي جميل فاتحسدتي يا قلب امك متخافيش هعملك عروسه ورق وابخرك يا قلبي
كاد ليث ان ينفجر ضاحكا ففلتت منة ضحكه حاول أن يداريها وهو يقول / احم تمام لو خلصتم اللي بتعملوه نبدأ
ابتعدت كاترينا عن دانه بحده واتجهت تجاه ليث الذي يجلس علي مكتبة وجلست ووضعت قدم علي قدم
بينما دانه جلست علي الاريكه المقابله لها وبجانبها قاسم
ليث بحده شديده / تعالي هنا ياقاسم
نظر له قاسم بتعجب
بينما ليث حاول تدارك موقفه / عشان تقرأ ليا العقود وتكون جنبي
تفهم قاسم الأمر وذهب وجلس بجانبه
ليث بهدوء وبرود معتاد / نبدأ الاجتماع
مراد وهو ينظر للمريض امامه ويتحدث للطلاب الذين يدربهم بكل جديه حتي وقعت عينة علي ذلك الشاب الذي ينظر لزوجته نظرات هو يعرفها جيدا ارتفعت الدماء بعروقه ثم تحدث بحده / انت يا حضرت
انتبه الشاب له وتحدث وهو يشير لنفسه / انا يا دكتور
مراد بحده لم يستطع السيطره عليها / ايوه انت اتفضل اطلع بره وبعد كده ركز في المحاضره انا هكتفي اني احذرك المره دي وبعد كده هتتمنع من العملي بتاعي انا وافقت اكون مكان دكتور رفيق لحد ما يكون كويس رغم انه مش شغلي بس بحاول افهمكم علي قد ما قدر ولو ملاقتش تعاون منكم هتعذر عن الموضوع اتفضل اطلع بره
خرج الشاب وهو ينظر له بغيظ وحده
ابتسمت روجى بفرحة فهذا الشاب الذي كان دائما يزعجها
عاد مراد للمحاضرة وهو يوجه نظرات ناريه لروجى بينما هي لم تفهم لماذا ينظر إليها هكذا
انتهت المحاضره وذهب كل شخص حيث يريد بينما روجى تبعت مراد لمكتبه بسرعه وأغلقت الباب تحت نظرات خبيثه / بقي عشان كده اتحمقت اوي علي المزه بتاعتك ماشي اما فضحتكم مبقاش فارس
روجي وهي تنظر لمراد الذي يقف أمام مكتبه ثم انطلقت وعانقته من الخلف وهي تدفن وجهها في ظهره وتتمرغ به مثل القطط / حبيبي زعلان مني
مراد وهو يمنع نفسه من الالتفات و دفنها في احضانه / ايوه زعلان ولو سمحتي سبيني لوحدي عشان اخلص الشغل
روجى وهو تنفي برأسها / تؤ تؤ مش قبل ما اعرف ليه زعلان
مراد وهو يلتفت بحده / يعني ما شفتيش الاستاذ كان بيبص ليكي ازاي
روجى / عادي يا مراد انا مش بديله اي اهتمام ولو قرب و……
قاطعها مراد وهو يجذب زراعها بحده / يعني هو بيبص كده علي طول وعمرك ما قولتي ليا
عضت روجى علي شفتيها بسبب تسرعها ثم عانقته بقوه/ حتي لو بيبص مليش دعوه بيه لاني بحب زوجي وبعشقه كمان
مراد وهو يغمض عينه بسبب المشاعر التي هاجمته وتحدث بصوت مثقل بالمشاعر / بس برضو لازم يتعلم الأدب
روجى وهي تبتسم عليه / نعلمه ياباشا ولا يهمك اصلا مش بطيقه عيل ثقيل
جذبها مراد من اذنها / وانتي تطقيه بتاع ايه انتي متطيقيش حد غيري انا بس
روجى وهي تضحك وتدفن وجهه في صدر / علم وينفذ
ياباشا
ضحك مراد وضمها له بحنان / انتي الوحيده اللي معاها مش بعرف نفسي يا روجي
ناري وهي تنظر لسمر التي تحدثها كأنها تشرح خطه هجوم كبيره / فهمتي يابت انتي ولا متنحه
ناري وهي تفتح فمها / انتي عايزاني اعمل كده
سمر / ومتعمليش ليه ياختي
ناري بخجل / انتي عايزاني ادلعه يا ماما واتدلع عليه كده ازاي
سمر بتشنج / نعم ياختي انتي مكسوفه تدلعيه يا خيبتك يا سمر في بناتك علي الاقل روجي الصغيره الهبلة بتتدلع علي مراد ده الود معاها بيقلب قطه اللي مش بنعرف نكلمه كلمه واحده بيتحول معاها
ناري / يا ماما روجى ومراد من صغرهم وهما مع بعض ومتعودين علي بعض بس انا وخالد…….
سمر / سافل
نظرت لها ناري بتعجب
سمر / جوزك سافل ماعدش عليه تلات دقايق تربيه ده كفايه انه ابن أسد وجميله ده يخليه مشفش تربيه ابدا ولو انتي معملتش حاجه هو هيعمل
ضحكت ناري علي والدتها / انتي بتظلميه يا ماما مش للدرجه دي يعني
سمر / بكره تقولي سمر قالت المهم نرجع لموضوعنا ها عرفتي هتعملي ايه
ناري وهي تهز راسها / شوق ولا تدوق
سمر / وايه كمان
ناري/ ابنك علي ما تربيه وجوزك علي ما تعوديه
سمر وهي تصفق / برافو يا بنتي ايه الحلاوه دي
_حلاوه ايه يخربيتك انتي بتعلمي البت ايه يا سمر
سمر وهي تنظر له بتذمر / ايه ياسراج بوعي البنت
سراج / توعي ايه يا بلوه انتي انتي هتضيعي البنت معاكي
سمر وهي تنظر له وتتدعي الفهم / لو سمحت يا اخ سراج سيبني اربي عيالي كويس
سراج / كويس اللي هو ازاي معلش بالطريقه دي
سمر وهي تتخصر / ليه بقي هو الكلام ده مش جاب معاك برضو
سراج وهو ينظر لخصرها الذي تهزه ويغمز بمشاكسه / جاب ياباشا وجاب اوي
ابتسمت سمر ثم اقتربت منه وجذبت رابطه عنقه واقتربت منه أكثر /طب يلا غير لحد ما اخلص واجهز الغدا
ابتسم سراج لها وقبل خدها / تمام ياروحي
خرج سراج ونظرت سمر لناري وتحدثت بغمزه /ايه رأيك دي كانت التجربه العمليه
ناري وهي تصفر وتصفق / ايه الحلاوه دي ده الراجل نسي وهو كان بيزعق ليه اساسا ومشي عادي
سمر بفخر وهي تغمز / عيب عليكي يابنتي ده انا ماما يلا بقي اروح اجهز الغدا
خرجت سمر وتركت ناري تضحك علبها سمعت صوت رساله فتحتها وجدتها من خالد / كلها كام يوم وتبقي في حضني ومعايا يا ناري قلبي تجهزي عشان هنخرج شويه
نظرت ناري للرساله بحب شديد وهي تتنهد / يارب تمم الموضوع علي خير يارب
كانت سما تجلس في غرفتها وتنظر للأمام بشرود كبير وحزن ووجع هي سيئه تعترف أهلها لا يستحقون منها اي شئ سيئ فهم لم يحرموها اي شئ بل اعطوها الحنان والحب كله الخطأ خطأها لم يكن عليها ان تنساق خلف أصدقاء السوء وتسمح لهم بتسميم أفكارها كلها تنهدت بثقل وهي تهئ نفسها لاستقبال غضب حسام في الأيام القادمة ولكن ستتحمله لأنها تريده ان يساعدها تريده ان يخرجها من هذه الدوامة
سمعت صوت رساله رأت انها منه (اجهزي نص ساعه وهفوت عليكي) نظرت للرساله بتعجب ماذا يريد منها تنهدت وهي تنهض لترتدي ثيابها لتري ماذا يريد
نظر عمر لادم بحنان / ايه ياباشا قاعد لوحدك ليه
ابتسم ادم بحزن / د…. دانه في الشغل وان…. انا م…. مش عندي ص….. صحاب اخرج معاهم
نظر له عمر بحزن شديد فصغيره منذ صغره وهو يعتزل الجميع ماعدا دانه فقط فهي استطاعت بحبها وحنانها جذب قلبه لها هذا الصغير البرئ بشكل كبير يستحق أن يجد من يحبه
عمر وهو يبتسم / طب اي رأيك اخدك انت وجنة ونخرج نتفسح شويه لان اخواتك بره ومش فاضين
ادم ببسمه طفل وهو طفل فعلا / مو….. موافق طبعا
ابتسم عمر له / طب يلا جهز نفسك عشان نلحق نروح ونرجع قبل ما الجو يليل
ابتسم ادم ورحل ليجهز نفسه بينما هو أخبر جنه حتي يذهبوا بسرعه
نظرت سما لحسام الذي يقود السياره بشرود كبير ولم يتحدث بكلمه واحده منذ أن رأها
سما بخفوت /احنا رايحين فين
لارد
سما بضيق / انا بكلمك علي فكره
نظر لها حسام لدقائق ثم أعاد نظره للطريق مره اخري وتحدث بصوت غامض / كتب الكتاب بكره والسفر كمان
نظرت سما له برعب / بببكره ازاي هو مش آخر الأسبوع مح…..
قاطعها / زي ما سمعتي كدة الشغل أتقدم ومينفعش يتأخر وانا قولت لعمي أسد وهو وافق
انتفض قلبها برعب اذا موعد اعدامها اقترب جدا
خالد بضحك شديد / يابنتي هتكسري الباب وانتي عماله تلزقي فيه كده هو انا هاكلك يعني متخافيش
ثم ابتسم بخبث وتحدث بخفوت / بعد الجواز ابقي خافي
سمعته ونظرت له وتحدثت بحده / ماما عندها حق انت سافل فعلا
نظر لها بغضب شديد اخافها واوقف السياره واقترب منها بينما هي نظرت له برعب / اسف……..
قاطعها وهو يهمس في اذنها / سمر مغلطتش انا سافل فعلا
ثم ابتعد عنها وهو يضحك بشدة علي خوفها الكبير صمت قليلا ثم نظر لها بحنان وامسك يدها وهو ينظر للطريق واخذ يحرك أصبعه علي يدها وتنهد بحب / بحبك
فتحت هي عينها بصدمه كبيره هل ما سمعته صحيح الكلمه التي تمنت سماعها طوال حياتها واخيرا قالها اه تشعر ان قلبها سيخرج من مكانه
خالد وهو يرفع يدها ويقبلها بكل حنان / بحبك اوي يا سما ومن زمان اوي
نظرت له بصدمه اكبر وتحدثت بخفوت / زمان
هز رأسه ببسمه عاشقه / من لما كنا صغيرين كنت بحب اوي انك تفضلي تجري ورايا وكده كنت بحس نفسي ولد مشهور ههههههه بس لما كبرت شويه حسيت اني انا اللي المفروض اجري وراكي لأنك متتعوضيش رقتك وحنانك ده مش في حد وبسبب اللي حصل زمان وبعدي عنكم
ضغطت علي يدها وهو يتذكر ما حدث / عارفه عمرك ما روحتي من بالي ابدا يا ناري كنت بصبر نفسي بيكي واني هيجي اليوم اللي ارجع تاني ووقتها هتكوني ليا انا وبس بس للاسف لما رجعت حسيت نفسي ملوث وأقل من اني اكون مع واحده رقيقه ونضيفه زيك
نظرت له وقد هبطت دموعها
خالد وهو مازال ينظر امامة / عشان كده بدأت ابعدك عني باي طريقه اصاحب بنات شكل وامشي مع دي ومع دي عشان تبعدي بس عمرك ما بعدتي عن نظري كنت دايما براقبك
نظر لها بحب / كنت دايما بمشي وراكي في كل حته ومش بقدر ابعد سنتي بخاف ليوم تحبي غيري رغم اني وقتها كنت مقتنع انك متنفعيش ليا بس مكنتش متخيل انك تحبي حد غيري كنت اناني اوي وفضلت كده لحد ما عمك مالك اخدني لمكتبه واداني القاضيه
نظرت له بتعجب
بينما هو ضحك واكمل / الراجل ده مرعب اوي طلع عارف كل حاجه عارف اني براقبك واني بحبك هددني اني لو متقدمتش رسمي وقولتلك علي حبي هيجوزك لواحد غيري
عشان كده مكدبتش خبر وجريت لعمي سراج وقولتله بنتك تلزمني لامؤاخذه
ضحكت هي بسعاده علي كلامه ثم همست باسمه /خالد
خالد وهو ينظر لها بعين تعصف بها المشاعر وتحدث بصوت مبحوح من هول مشاعره / بلاش يا ناري صدقيني.
نظرت له بتعجب / بلاش ايه انت عارف عايزة اقول اية
خالد وهو يتوقف بسيارته امام المول ونظر لها / عارف بس بلاش دلوقتي عشان مش هضمن نفسي
اقترب منها وهمس بتخدر شديد / بكره هخليكي تقوليها كل شويه
ابتعد وحدها تغمض عينها ابتسم عليها فتحت هي عينها وهمست بتعجب / بكره ازاي
خالد بخبث / ايه ضااا انتي متعرفيش مش بكره كتب الكتاب يا عسل انت
نظرت له بصدمه شديده بينما هو ترجل من السياره وهو يضحك عليها بشده
اقترب عبدالرحمن وهو يرتدي احدي ثياب بلاك التي يخرج بها في المهمات وهي عباره عن بنطال جينز اسود وتيشرت اسود وجاكت له قبعه وايضا من اللون الاسود ويضع القبعه علي وجهه حتي لايصادف اي احد اخرج المفتاح وفتح الباب وتقدم للداخل حتي وقف في الباحه الخاصه بالمنزل سمع صوت قادم من الداخل ابتسم وهو يعرف انها هي فالرجل للذي عينه لمراقبتها اخبره انها خرجت من المشفي منذ نصف ساعه وجاءت هنا للمنزل
كانت رحمة تحمل حقيبه بها بعض الثياب للأطفال كما تحمل حامله طعام لهم نظر وجدت شخص يقف في منتصف الباحه ويرتدي ثياب كلها سوداء دب الرعب في قلبها ان يكون هذا القذر عاد او احد رجاله تركت الحقيبه وركضت للداخل حتي تحتمي باي شئ ولكن لم تستطع بسبب هذه اليد التي جذبتها بعنف لتصطدم بصدر صلب صرخت رحمه بشده وهي تتخبط بين زراعه / لا سبني سبني لا ارجوك سبني لالالالا
فزع عبدالرحمن من رده فعلها هو لم يقصد اخافتها وماذا فعل هذا الحقير بها لتخاف منه هكذا هناك شئ لم يعرفه لقد أكد له ليث انه لم يمسها شئ اذا لما هذا الرعب
خرج من شروده علي صوت بكاءها كطفل صغير / مش هعمل كده تاني واللة ما هعمل كده تاني متضربنيش لا سبني
ابتعد عبدالرحمن عنها بفزع وهو ينظر لها تتقوقع علي نفسها كالجنين وصراخها ينخفض بصوت مكسور/معملتش حاجه ك… كنت بس جعانه والله
ثم صرخت مجددا وهي تحمي وجهها / مش حرميه والله مش حرميه مش هعمل كده تاني مش هاكل تاني
نظر لها بصدمه ماذا فعل لكل هذا
بينما هي واخيرا انفجر كل ما بداخلها من اختطاف وإطلاق النار علي أحمد وهذا الضغط الذي تعرضت له جعلها هشه ضعيفه تنتظر اي نسمه هواء لتعيد إشعال النيران بداخلها التي ظنت انها خمدت منذ زمن ولكن لم تعرف ان هناك اسفل ذلك الماء شعله صغيره تنتظر نسمه هواء وكانت هذه النسمة هي ما تعرضت له في الآونة الاخيرة اقترب منها عبدالرحمن بسرعه كبيره وشدها لاحضانه بشده يود لو يمسح عنها كل هذا الألم اخذ يهمس لها بكلمات حنونه ويضمها اكثر بينما هي وكأنها وجدت طوق النجاة لها من هذه الذكريات
اخذ يهمس لها بعشق / اهدي يا رحمه انا جنبك جنبك علي طول ومش هسيبك ابدا انا عبدالرحمن يا رحمه
رفعت عينها الحمراء وهي تهمس بنظره قتلته / عبدالرحمن
هز رأسه واسند جبينه علي خاصتها / اه يا قلب عبدالرحمن
بكت رحمه بشده في احضانه مثل الطفله / كان بيضربني جامد اوي عشان جوعت واكلت تفاحه يا عبدالرحمن
ضمها بشده وعينه تزداد قتامه وشر وصوته أصبح مرعب / وحياتك عندي لوريهم كلهم الويل
كادت ضحكه تفلت من ليث علي ملامح دانه العابثه وهي تنظر أمامها لهذه الكاترينا بقرف
كاترينا بدلع وهي تميل علي ليث وهو فقط ينظر امامة بجمود وبرود شديد / اووف مش معقول الجو هنا مقرف اوي
كانت تقول هذا وهي تنظر لدانه بينما دانه اغمضت عينها بغضب وتذكر نفسها ان هذه المرأه زوجته وهي مجرد موظفه عنده فتحت عيناها ونظرت لهم بملامح لاتمت لدانه المرحه بشئ / تمام يا فندم خلال ساعتين العقود هتترجم اي أوامر تانيه
نظر لها بطرف عينه وقد اقلقته نبرتها وجدها جامدة او هذا ما تدعيه تحدث بصوت حاول إخراجه غير مبالي / لا مفيش اتفضلي انتي يا انسه دانه
أخذت دانه اشياءها واتجهت ناحيه الباب ولكن قبل أن تخرج لم تنسي ان تترك شئ للذكري لكاترينا فقد داست علي قدمها بشده فصرخت كاترينا بألم
دانه / اوووبس اسفه ما اخدتش بالي
ثم خرجت وهي تضم الملفات لها بضيق شديد وهي تزفر لما هي غاضبه فليذهبوا للجحيم جميعا لما هي حزينه هكذا وضعت يدها علي صدرها وهي تتألم وتتحدث بحزن /اهدي انت ليه زعلان هو مش من حقك من الاول
اغمضت عينها بحزن / كان عنده حق عبده لما قال هيوجعني هو فعلا وجعني
نظر ليث لكاترينا التي تبتسم بنصر وكأنها فازت في أحدي المعارك نظر نظره توحي بغضبه بسبب أحزان صغيرته حسنا هو الآن في أشد حالاته غضبت نظره الحزن في عينها لا يعرف لها سبب سوف تجعله يجن تماما
نظرت له كاترينا ببسمه خبيثه / خلينا نكمل كلامنا يا ليث
مد ليث يده لقاسم للذي فهمه واعطاه العقود وفي ثواني كانت قصاصات العقود تتطاير أمام عين كاترينا التي نظرت بصدمه ثم تحدثت بغضب /ايه اللي عم……
قاطعتها كلمه ليث التي خرجت كالرعد / برررررررررره
نظرت له برعب شديد هي تعرف حالته هذه لايمكنها التحدث معها اخذت اشيائها وهي تعد نفسها ان تعيد لها ليث وقريبا وهي تعرف ماذا ستفعل نظر ليث امامه وهو يتنفس بعنف / قاسم اخرج وابعت ليا دانه
نظر له قاسم بتعجب / مالك يا ليث كنت كويس مره واحدة….
ليث / اخلص يا قاسم
خرج قاسم وهو يفكر ماذا حدث له وبعد مرور عدة دقائق كانت دانه تطرق الباب وتدخل نظرت له / حضرتك طلبتني
ليث بجمود / قربي لو سمحتي
نظرت له دانه بحاجب مرفوع /افندم
ليث وهو يشير لها / معلشي قربي شويه انا كده كده مش شايفك
اقتربت دانه منه بحذر شديد وعندما أصبحت بجانبه لم يمهلها الفرصه للتحدث فجذبها من يدها فسقطت علي قدمه وشدها لاحضانه بقوه وتحدث بجانب اذنها بعشق وتخدر / ليه استسلمتي يا دانه
كانت دانه لا تعي ما يقوله فقط هي مخدره لا تشعر سوي يزراعيه التي تضم خصرها اليه بشده تحدثت بأول كلمه جائت علي شفتيها / بغير
فتحت عينها بصدمه ماذا قالت الان يالله ماذا سيظن بها ماذا……
نور ببسمه حنونه / خلاص يا مالك هستناك انت ودانه ونروح مع بعض لعبده تمام هجهزلك الاكل يا حبيبي لا معرفش هي فين من ساعه ما رجعت البيت وانا مش بشوفها تقريبا كده تمام هستناك يا شيطان ههههههه سلام
انتهت نور الحديث مع مالك وذهبت للمطبخ لتعد الطعام أخرجت المكونات التي ستجهزها وبدأت تعد الطعام بهمه وبعد ساعه تقريبا كادت تنتهي لولا أن سمعت صوت شئ يصطدم بالماء ركضت للباب الخلفي في المطبخ الذي يطل علي المسبح وهناك فتحت عيناها بفزع مما تري / يا خربيتك
سمعت صوت سياره مالك تدخل للمنزل نظرت هي لايملي التي ترتدي ثياب سباحه كاشفه كثيرا ونادت بحده / هيييه ايملي فلتخرجي حالا من المسبح
نظرت لها ايملي ببسمه غير مباليه ثم نظرت وجدت مالك يقترب من مكان نور فأخذت تستعرض مفاتنها وتبتسم بخبث
بينما نور نظرت لها بغيظ وغضب / انتي اساسا مش محترمه
هيا اخرجي ايملي هذا لايجوز
اقتربت نور من المسبح / قلت لكي ان…….. آآآآآآه ماااااااالك
نظر مالك لنور التي انزلقت قدمها واصطدمت رأسها بطرف المسبح بحده وسقطت به وملئت دمائمها المسبح
مالك بصراخ وهو يركض وكأنه روحه تنتزع منه بقوه وبالم شديد صرخ / نوووووووووووووور

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)