رواية حكاوي فرح وكريم الفصل الثاني عشر 12 بقلم ندى وائل

رواية حكاوي فرح وكريم الفصل الثاني عشر 12 بقلم ندى وائل

رواية حكاوي فرح وكريم البارت الثاني عشر

رواية حكاوي فرح وكريم الجزء الثاني عشر

رواية حكاوي فرح وكريم الحلقة الثانية عشر

-ايه مالك يا حبيب خالتو.
-بعياط…المستر في المدرسه زعقلي وضربني.
-ايه ليه انت عملت ايه.
-عشان كنت عامل الواجب غلط.
-إتعصبت…يعني ضربك عشان كنت عامل الواجب غلط طب تعالي يا حبيبي ندخل عند ماما وانا بكره هاجي اشوف المستر ده بقى.
-بضحك…ايه مالك متعصبه ليه.
-إنتِ بتهزري يا ساره الاستاذ ده يضرب عمر ليه والولد جاي مفحوم من العياط وانتِ ساكته.
-لا مش ساكته يا فرح انا دخلت نيمته اهو وبقى كويس والمدرس ده والله مشعرفه اعمل ايه.
-تعملي معاه ايه ازاي.
-بصتلي وسكتت.
-هي دي مش اول مره يضرب عمر.
-لا وكمان.
-بصتلها…ايه.
-عمر كان عامل الواجب صح يا فرح المدرس ده بيعمل ده كله عشان طلب يتجوزني وانا رفضت.
-بصتلها بصدمه….يعني ماسك في عمر وبيعمل ده كله عشان ياخد حقه انك رفضتي طب والله لاروح المدرسه بكره يا ساره واشوف حل في ده كله بقي.
“ازاي وليه اصلًا يضرب إبن اختي وازاي عشان حد عمل حاجه ضايقتك او زعلتك تقوم مطلع غلك وخنقتك في حد تاني وخصوصًا لو كان طفل صغير…”
-فين يا حبيبي المستر اللي ضربك.
-في الفصل ده يا خالتوا.
-طب تعالى.
-ببرود…لو سمحت ممكن ثانيه.
-خرج….ايوه.
-معلش كنت عاوزه حضرتك بره الفصل شويه.
-خالتوا…
-استني يا عمر.
-طب إتفضلي.
“مشيت وراه وانا عاوزه اجيب حاجه اخبطه بيها وعمر عمال ينادي عليا وانا مش مركزه ماانا لازم احدد هاقول ايه برضو….بس ازاي ساره اختي موافقتش عليه في حد يرفض القمر ده…ايه لا طبعا ده ضرب عمر وانا مش هسكت…”
-ايوه حضرتك كنتِ عاوزاني في ايه.
-انت ازاي يا استاذ يا محترم انت تضرب ابن اختي كده لمجرد انها رفضت تتجوزك ازاي اصلا تطلع خنقتك وغلك من رفضها فانك تضرب طفل صغير مالهوش اي دخل في موضوعكم ولا ليه ذنب ومش فاهمه ازاي تستغل وظيفتك في إنك تاخد حقك وتضرب اطفال صغيرين هي رفضتك فده قضاء وقدر انما تيجي لحد إبنها واستوب انا اللي هقفلك و…
-يا خالتوا…
-إستنى انت يا عمر.
-وبعدين لما انت المفروض بتحبها او حتي معجب بيها وفجاه رفضتك مش المفروض تعامل الحاجه اللي تخصها بطريقه كويسه حتي لو هي رفضاك ايه ذنب الولد يروح مفحوم من العياط عشان عمل الواجب غلط يعني.
-يا خالتوا مش ده مش ده.
-بصتله….ايه يا عمر.
-مش ده المستر يا خالتوا.
“هي مالها بردت كده ليه…انا سمعت غلط مش كده…اكيد كل الكلام اللي انا قولته ده مطلعش للشخص الغلط واكيد كمان انا شكلي مبقاش وحش دلوقتي…بصيت حواليا…لاقيت عدد من الطلبه واقفين بيبصوا علينا وشويه مدرسين جماعه يارب الارض تنشق وتبلعني….بصتله ووشي احمر ومش عرفه اقول ايه وهو…هو مبتسم وساكت ليه كده..انا اسفه يا عمر إنك هتترفد يا حبيبي انا اسفه..”
-باحراج….إحم انا..
–إبتسم…كملي.
-انا غلطت بس وكان يعني ايه…
-بص حواليه….يلا كل واحد يروح لفصله مافيش حاجه هنا يلا.
“الناس مشيت وانا واقفه الكلام كله طار…هعمل ايه انا دلوقتي ياريتني ما جيت..”
-بابتسامه…ممكن تتفضلي علي مكتبي.
“هزيت دماغي بهدوء ومشيت وراءه ماهو اصل انا ماينفعش اتكلم خالص دلوقتي…يا تري هيعمل فيا ايه…دخلنا وقعدنا انا وعمر وانا باصه في الارض مش قادره ارفع وشي اساسًا….”
-انت عمر يا حبيبي انت في فصل كام.
-٤/٥.
-اه والمستر بتاع العربي هو اللي ضربك.
-ايوه بس انا والله كنت حالل الاسئله صح.
-طب يا عمور ايه رايك تيجي في فصل من فصولي انا.
-بجد.
-اه هكلم الناظر واخليه ينقلك عندي عشان محدش يضايقك ايه رايك.
-موافق كل اصحابي بيقولوا انه حضرتك مش بتضرب.
-ضحك….ماشي يا حبيبي يلا على فصلك وانا هخلص مع خالتوا واجي.
“في اللحظه دي بصتله وبصيت لعمر..لا اوعي عمر يمشي..زفت عمرر ولاد الاخوات في اجازه بجد…بصتله ورجعت بصيت قدامي بس عمر قال انه مبيضربش اكيد مش هيضربني اكيد….طب هيقتلني لا لا باين عليه طيب…ايه الاوڤر ده..”
-مافيهاش إحراج ولا حاجه ممكن حضرتك تقعدي عادي من غير توتر.
-بصتله ووشي احمر….ها لا مش متوتره اصلا.
-إبتسم….بس صوابعك هتبوظ كده من كتر ما بتلعبي فيها.
“بصيت لصوابعي وفكيت ايدي وإتنهدت…”
-بص حضرتك انا ماكنش قصدي اقول اي جمله من اللي قولتها دول وانا كنت جايه عشان مدرس تاني خالص فـ…يعني بعتذر عن كل ده واتمنى ده ما يخلكش تعمل حاجه لعمر كرد فعل لتصرفات خالته يعني.
-قام من مكان وجيه قعد قدامي….بس زي ما انتِ قولتي هو مالهوش ذنب في اللي انتِ عملتيه فاانا ماينفعش اخد حقي منه.
-بلعت ريقي…اومال هـ هتاخد حقك من مين.
-سند ضهره…..اكيد منك.
-بصتله شويه….ايه وبعدين انا ماقولتلكش كلام وحش يعني ده كله كلام عادي وسوء تفاهم يبقى انا معملتش حاجه غلط وانت كده متاخدش حقك مني.
-هل انا قِبلت كلامك.
-امم لا.
-وهل انا سمحت إنك تعلي صوتك عليا اصلًا.
-ايه لا برضو.
-يبقي انتِ غلطتِ والا لا.
-بصيت في الارض….غلطت.
-بس.
-رفعت راسي….بس برضو ده كان غصب عني انا م….
-انا مش بحب حد يناقشني كتير يلا امشي.
-ايه قله الزوق دي.
-بصلي ورفع حاجبه…..نعم.
-وقفت…..انا ماشيه وفرصه سعيده اتمني متتكررش تاني بعد إذنك.
-خدي يا شبر ونص انتِ هنا.
-بصتله بصدمه…..انا شبر ونص ياابو طويله انت انا غلطانه اني جيت المدرسه دي اصلًا بعد إذنك.
-انا ابو طويله.
“سبته وخرجت بسرعه ازاي يقولي كده ابو طويله القمر قليل الزوق ده…الحمدلله خرجت منها على خير الواحد كان قلقان واللهِ وانا مغلطتش برضو ده…ده كان سوء تفاهم هه…..مر اسبوع وانا نسيت او منستش لا نسيت نسيت..”
-فرح.
-ايوه ايه.
-عمر نسي كراسه الواجب بتاعته روحي وديهاله عشان المدرس مايقولوش حاجه.
-يعني انا وانا كبيره كده هاروح اودي كراسه لابنك اللي في سنه رابعه ابتدائي انتِ إتجننتي يا ساره.
-انتِ كده كده شكلك في ساته إبتدائي فهيبقي عادي يعني يلا روحي.
-طب مش رايحه عشان الجمله دي.
-يلا يا فرح ومتعانديش.
-يووه بقي ماشي.
“انا اللي مخلصه كليه اروح اودي كراسه لطفل في رابعه إبتدائي دي اخرتي يعني ياكش بس يطلع دكتور على المرمطه دي…”
-لو سمحت.
-لفلي….شبر ونص تاني.
-بصتله…..إنت.
-جايه ليه.
-بصيت بعيد….انا عاوزه عمر.
-ايوه عاوزاه في ايه عنده حصه.
-اه طب اديلوا كراسته دي عشان نسيها.
-وريني.
“كان ماسك كتبه في إيده وجيه ياخد مني الكراسه فوقع كتاب منها….ميلت جبته..”
-ايه ده انت بتقرأ روايات.
-إبتسم….بتحبي القراءه.
-بصتله….اه جدًا بحب الروايات اوي.
-ممكن تاخديها.
-بصتله….نعم.
-قصدي بما إنك بتحبي القراءه يعني فممكن تستعيري ده مني ولما تخلصيه رجعيه او ابعتيه مع عمر.
“بصتله وقعدت افكر شويه طب ما عادي ايه المشكله…”
-إبتسمت….خلاص تمام هاقراه واقولك رايي وابقى ابعته مع عمر.
-هيعجبك وعلى فكره.
-ايه.
-انا مبسلفش كتبي لحد في العادي بس بما إنك بتحبي القراءه وكده وكمان من طرف عمر فـهسلفهولك لله.
-بصتله بغيظ…..لا خده مش عاوزه حاجه ايه الرخامه دي.
-ضِحك….خلاص بهزر خديه.
-إبتسمت….هبقى ابعتهولك مع عمر بقى.
-هستناه.
“خدت الكتاب وروحت….فتحته وبدات اقراه لفت إنتباهي كلام كتير هو معلم عليه…جُمل مهمه في الكتاب باين عليه مُثقف إبتسمت بهدوء وكملت قراءه لحد ما خلصته…”
-عمر.
-نعم ياخالتوا.
-خُد الكتاب ده اديه للمستر كريم عندك في المدرسه.
-ليه.
-هو بتاعه يا حبيبي وانا كنت واخداه اقراه.
-حاضر.
-خالتوا.
-نعم.
-مستر كريم قاللي اديكي الكتاب ده.
-بصتله باستغراب….ماشي يا حبيبي.
“مسكت الكتاب وغلافه كان لطيف لفت انتباهي فتحته ووقع منه ورقه فتحتها” بصي الصراحه ما صدقت الاقي حد اشاركه الكتب والروايات والكلام اللي بيلفتني وبيعبر عني فيهم فاسمحيلي ازهقك بمُشاركتي ليكِ والروايه د من اقرب الروايات لقلبي إتحمست أبعتهالك تقرايها بتمنى تعجبك….”إبتسمت بهدوء وفتحت الروايه وقعدت اقراها كانت من النوع الرومانسي اللطيف اللي بحبه ونمت وانا بقراها…”
-صباح الخير.
-لف وبصلي….صباح النور.
-جيت عشان اديلك الروايه انا شخصيًا واعبرلك عن إعجابي الشديد بيها بجد حقيقي من اجمل الروايات اللي قراتها شكرًا انك شاركتني بيها.
-إبتسم….لا شكر على واجب بس لحظه.
“خد مني الروايه ولاقيته طلع قلم وكتب حاجه وادهالي…”
-إتفضلي.
-ايه ده.
-بما انها عجبتك فانا بهديها ليكِ اعتبريها هديه لطيفه يعني بمناسبه إننا بقينا اصحاب واني بشاركك حاجاتي.
-إبتسمت….شكرًا.
-ممكن تقبلي عزومتي على قهوه لو بتحبيها.
-إبتسمت…..بحبها.
“روحنا نشرب قهوه ونتكلم في حاجات كتير اوي بخصوص الكتب…الافلام…حاجات كتير طلعنا
شبهه بعض فيها وصورته وضحت قدامي اكتر وإعجابي بيه بدا يزيد مثلًا.. ”
-شكرًا على القهوه والقعده اللطيفه دي.
-لا والله انا اللي بشكرك بجد من زمان مقعدتش مع حد واتكلمت كتير كده شكرًا ليكِ.
-ابتسمت….العفو على ايه يعني انا هنا دائمًا.
-هاشوفك تاني.
-بصتله….اكيد وكمان انت خدت رقمي فرن عليا في اي وقت هبقى هنا وكمان بقى اسمحلي ازهقك واستلف منك كتب وهسلفك انا كمان متقلقش.
-ضِحك….براحتك اللي انتِ عاوزاه.
-طب انا همشي بقى باي.
-باي.
-الا قوليلي يا فرح.
-ها.
-مين كريم ده.
-بصتلها…..ها كريم مين.
-عليا انا برضو.
-انتِ مين قالك.
-عمر قاللي ان المدرس بتاعه بيفضل يساله عليكِ وبيبعتلك معاه كتب وروايات.
-ااه كريم ده لا ده المستر بتاع عمر اللي انا نقلته عنده لما روحت وكده.
-وكده برضو.
-جرا ايه يا وليه في ايه.
-في انك اختي ومش هتوه عنك يعني باين انك متغيره اليومين دول كده.
-متغيره ايه ماانا زي ماانا اهو.
-حبيتي يا فرح.
“سكتت وبصتلها لا طبعًا يعني اكيد محبتوش ده عادي يعني بنتكلم كتير اه بنشارك بعض حياتنا ايوه ببقى مبسوطه لما بشوفه ماشي انما احبه لا انتوا بتهزروا….”
-حبيت ايه انتِ كمان احنا مجرد اصحاب مش اكتر.
-ماشي يا فرح ربنا يريح قلبك يا حبيبتي.
-عامله ايه.
-إبتسمت….الحمدلله وانت.
-الحمدلله انا كنت عاوز اقولك حاجه.
-بصتله….إتفضل.
-إبتسم….خطوبتي بكره.
-ها.
-ايه.
-لا قصدي الف مبروك الف مبروك.
-الله يبارك فيكِ بس ادعيلي توافق لاحسن خايف.
-يارب توافق ربنا يسعدكم.
-يارب عقبالك.
-شكرا انا همشي بقى ها وابقى طمني عملت ايه.
-إبتسم….هطمنك.
-باي.
-باي.
“انا مالي وزعلانه ليه اصلًا انا مش بحبه ومش هحبه بس انا متضايقه ليه….احنا اصحاب ومش هحبه او يمكن حبيته…!! ”
-جايلك عريس بكره.
-خدي منه الجاتوه وقوليله يمشي.
-انا مش بهزر.
-ايه جايب شكولاته.
-فرح انا بتكلم حد ولازم تقعدي معاه.
-ليه لازم يعني.
-كده عشان كفايه قعده بقى اصحابكم كلهم إتجوزوا مافضلش غيرك.
-ماشي يا ساره.
“مشعرفه وافقت ليه بس عادي يعني هقعد وخلاص عشانها وابقي امشيه بس ياتري هو هيعمل ايه هو كمان بكره…ربنا معاه..”
-خدي العصير.
-لو خدت حاجه هدلقها عليه انا بقولك اهو.
-ماشي اتنيلي اطلعي فاضيه.
-متزوقيش طيب.
-طب نسيب العرسان مع بعض.
-عامله ايه يا شبر ونص.
-رفعت راسي وبصتله….انت.
-اكيد يعني اصلي جيت اخد حقي من اللي عملتيه نسيتي والا فاكره.
-ايه احنا مش بقينا اصحاب.
-ايوه ماخدتش حقي برضو.
-هتعملي ايه هتتجوزني وتقتلني وتبيعني صح.
-ادي اخرة الروايات اللي ببعتهالك لا ياستي هتجوزك بس فها موافقه.
-يعني مش هتقتلني.
-إبتسم….لا هسلفك كتب.
-إبتسمت….موافقه♥.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)