رواية حكاوي فرح وكريم الفصل الرابع عشر 14 بقلم ندى وائل

رواية حكاوي فرح وكريم الفصل الرابع عشر 14 بقلم ندى وائل

رواية حكاوي فرح وكريم البارت الرابع عشر

رواية حكاوي فرح وكريم الجزء الرابع عشر

رواية حكاوي فرح وكريم الحلقة الرابعة عشر

-الو انت فين.
-في البيت ليه.
-انزل الكافيه اللي بنتقابل فيه يلا.
-ايه اللي حصل.
-مستنياك هناك.
-انا نفسي افهم انت مخك ده بيبقىٰ فين المره الكام دي اللي تتخانق فيها مع البت من ساعه مااتخطبتوا.
-اه هي قالتلك بقىٰ.
-وهتقول لمين غيري يعني ايه اللي حصل المره دي.
-محصلش تشربي قهوه.
-انا مش بهزر البت كلمتني وعماله تعيط في ايه.
-القهوه بتاعه الكافيه ده تحفه لازم تجربيها.
-يابني ركز معايا بقىٰ.
-عاوزه ايه يافرح.
-اتخانقتوا ليه.
-الحلوه عاوزه تروح مع إبن عمها تختار معاه البدله اللي هيحضر بيها فرحنا واما قولتلها لا تقولي ده زي اخويا هو مين ده اللي زي اخوها اصلًا بصي انا مابقتش مستحمل هي مش بتسمع الكلام دائمًا شايفه إني بتحكم فيها بالرغم اني بعمل تصرفات اي راجل شرقي طبيعي بيعملها بفكر اروح وكل شئ قسمه ونصيب.
-بس انت بتحبها يا كريم.
-وهي مش عاجبها طريقتي وانا تعبت من اني كل شويه اقولها متعمليش كذا وهي تروح وتعملي عادي جدًا وكمان…
-وكمان ايه.
-بصلي شويه وبَعِد عينه….مافيش حاجه.
-عملت ايه تاني.
-معملتش بصي فرح انا مش مرتاح ايوه بحبها وكل حاجه بس هي مش شبهي كده مشعارف.
-ولسه عارف الكلام ده دلوقتي بعد ما خطبتها.
-ايوه يعني اعمل ايه هما بيقولوا الخطوبه عشان تعرفوا بعض وانا…انا عرفت ومش مرتاح.
-يعني هتسيبها.
-ماينفعش افضل عشان مظلمهاش.
-يابني انت بتحبهااا.
-شكلي اتسرعت في اني اوصف مشاعري.
“بصتله يمكن هي فعلًا مش شبهه بس هو قال انه بيحبها…..هو متعاملش معاها قبل الخطوبه مجرد مشاعر ساذجة كان بيحسها ناحيتها فشل في إنه يحددها فقال عليها حب!! مليون مره قولتله انه الحب ده حاجه بريئة تمامًا من كل اللي بيحصل تحت مُسماها اي حد يحس بتحرك مشاعر بسيط ناحيه شخص يسميه حب واهو افتكره حب ومقدرش يتقبلها واكتشف انه محبهاش….”
-طيب يا كريم قول لطنط وروح بكره انهي كل حاجه.
-تفتكري اعمل كده.
-مافيش حل غير كده هتفضل معاها ليه وانت مبتحبهاش هتظلمها زي ما بتقول.
-ماشي.
-انا روحت أمبارح وخلصت كل حاجه مع والد ساره.
-بصتله….طب وانت كويس يا كريم.
-مشعارف انا همشي.
“فتح الباب ومشي يمكن مبيحبهاش بس وجود حد في حياتك لفتره من الزمن هيخليك تتعود على وجوده حتى لو مبتحبيهوش هتوحشك ذكريات….تفاهات حاجات كتير وانا عارفه احساسه….”
-فين كريم يا طنط.
-جوه يابنتي.
-يلا قوم.
-ليه.
-هننزل نتمشى شويه.
-مش عاوز.
-فتحت دولابه…ايوه فعلًا القميص الازرق هيبقى حلو.
-ايه.
-والبنطلون اممم….الجينز الازرق الغامق ده هيبقوا حلوين اوي.
-فرح.
-اهم مستنياك بره لحد ما تخلص انجز.
-خلصت.
-ايه يابني الحلاوه دي هتتعاكس مني كده.
-إبتسم….
-يلا يلا.
-انتي جايه ليه بقى.
-الاه ابن عمي ووحشني ايه المشكله يعني.
-انا كويس يا فرح.
-بصتله….هو انا قولت انك مش كويس؟ تيل مي انا قولت انا بس زهقانه قولت استغلك.
-يعني مبتعمليش كده عشان فكراني مش كويس وعاوزه تخرجيني من الموود تؤتؤ بتستغليني.
-إتنهدت…..بلاش تكدب على نفسك لو زعلان خد وقتك في الزعل انت انسان مش آله اقع واخسر بس بعدها قوم واقف وكمل وانت اتعلمت.
-…..
-إبتسمت…..تعالى نجيب آيس كريم.
-مشعارف ايه سر الايس كريم اللي بتاكليه وتاكليه للناس وهم زعلانين ده.
-بص علبه صغننه فيها ايس كريم فراوله وڤانيليا ويا سلام لو عليها صوص شوكلاته يااااه تاكل معلقه من هنا وتنسى احزانك يابني ده دوا سعاده ده كُل كُل.
-اهو.
-ها بقيت سعيد.
-امشي من قدامي يا فرح.
-الاه خد طيب يا كرررريم.
-فرح هو انا غلطت في اللي عملته.
-اللي هو.
-انا المفروض ماكنش اقولها اني بحبها وانا مبحبهاش.
-انت كنت عارف انك مبتحبهاش.
-لا.
-قولت الكلمه وانت فاكر انه دي مشاعرك والا لا.
-ايوه.
-حاسس انك كدبت اما قولتها.
-لا انا قولتها وانا فعلًا كنت فاكر اني كده.
-يبقى مغلطتش يا كريم يمكن غلطة الوحيد انك صنفت مشاعرك غلط وده اترتب عليه كل ده انت خايف تبقى اذيتها مش كده.
-هز دماغه…
-إبتسمت…..متخافش يا كريم ساره كويسه انتوا الاتنين ماكنتوش شبهه بعض فحتى لو كانت كملت واتجوزتوا ماكنتش هتبقى علاقتكم كويسه وده لانكم الاتنين مش فاهمين بعض اصلًا فهمت.
-ايوه.
-بس انت اهم حاجه تعرف تحدد مشاعرك قبل ما تنطق بيها فاهمني.
-بصلي شويه…..فاهم.
-يلا اعزمني على عصير.
-انا اللي حزين هنا.
-وده معناه انك مش هتعزمني والا ايه يلا روح هاتلي عصير جوافه.
-هزعلك.
-الاه يعني عماله ادي في نصائح وبتاع.
-ايه ده انتي بتعايريني طب يلا على بيتكم بقى انا ماشي.
-وزه متسبنيش وتمشي كده وزه اقف بقولك كرييم.
-الو.
-بنعس….الو.
-انتي نايمه.
-متصل بيا الساعه ٢ هبقى بلعب بلايستيشن يعني.
-طب أصحي عاوزك في حوار.
-قعدت…..ها ايه الحوارات المهمه اللي بتصحيني عشانها.
-انتي عارفه لولا انك بنت عمي وصاحبتي انا كنت قطعت علاقتي بيكي من زمان.
-دي اخرتها.
-اه واسكتي بقى اما اقول اللي هاقوله.
-ها أشجيني.
-احدد مشاعري ازاي يا فرح.
-حب يعني.
-ايوه.
-الاه بتحب من ورايا يا ولد.
-اخلصي بدل مااقفل السكه في وشك.
-انت قفوش اوي بص يا سيدي.
-ها.
-إنك تبقى متطمن.
-ايوه.
-بس.
-ايه ده.
-اه والله تبقى متطمن ومرتاح انك هتصحى وانت واثق انه الشخص ده معاك..تبقي متطمن انه في عز زعلك لو قولت حاجه مش لطيفه مثلًا الشخص ده هيبقى عارف انه مش قصدك…تروح وتيجي وتلف وفي النهايه هتروحله عشان عارف انك مش هتبقى مرتاح الا معاه فهمت.
-لا.
-طب يلا عشان عاوزه انام.
-امشي امشي بس عجبني فلسفتك وفتيك في علم النفس كده.
-طبعًا يلااا عشان اناام.
-امشي باي.
-باااي.
-بخ بتعمل ايه.
-انتي ايه اللي جابك هنا.
-ده مكتبك لو لونه ابيض هيبقى اشيك.
-جايه ليه يا فرح.
-اممم جيت اشوفك وانت بتشتغل.
-فرح انا بجد كويس.
-هو انت ليه فاكر اني جايه عشان فكراك مش كويس.
-عشان عارفك وعارف انك خايفه عليا وعارف انك فاكره اني مش كويس بس انا كويس انا تعبت من كده ومش عاوز كده.
“بصتله والدموع اتجمعت في عيني انا ماكنش قصدي انا كنت عاوزاه يبقى كويس بس عارفه اني اوڤر بس انا مش عارفه انا مالي…انا عاوزه امشي”
-انا اسفه انا ماكنش قصدي اشوفك بكره.
“فتحت الباب ومشيت مستنتهوش يتكلم….انا شكلي حبيته والا ايه اللي حصلي….انا كنت تلقائيه وعفوية مش كان قصدي اتعامل معاه كده انا غبيه….”
-قولتِ هشوفك بكره عدى تلاته ايام وبكره مجاش.
-كنت نايمه.
-غيبوبه مبتصحيش…وحشتيني.
-بصتله وسكت….
-موحشتكيش يعني طب عيني في عينك كده.
-امشي متكلمنيش.
-انا اسف عارف انك بتزعلي لما حد بيزعقلك وخصوصًا لو انا متزعليش انا والله كان في مشاكل في الشغل وطلعت كله فيكِ.
-يعني مزعقتليش عشان زعلان مني.
-مش بزعل منك انتي زعلتي مني.
-مش بزعل منك….ايه بتبصلي كده ليه.
-قولتيلي نعرف ازاي اننا بنحب.
-لما نبقى مرتاحين.
-وانا شكلي ارتحت.
-ايه.
-تيجي نأكل ايسكريم.
-إبتسمت…..أجي♥.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاوي فرح وكريم)