رواية الاختيار الخطأ الفصل الثالث 3 بقلم رحاب القاضي

رواية الاختيار الخطأ الفصل الثالث 3 بقلم رحاب القاضي

رواية الاختيار الخطأ البارت الثالث

رواية الاختيار الخطأ الجزء الثالث

رواية الاختيار الخطأ الحلقة الثالثة

_وبعد كام يوم رجع ياسين من بره وكان مدايق جدا وقال..
ياسين
بقولك ايه انا هشوف شقه تانيه ننقل فيها العماره دي ناسها كلها بتوع مشاكل..
سميره
ليه يعني ما احنا من لما اتجوزنا قاعدين هنا، ولا خلاص مش قادر تمسك نفسك…
ياسين بحده
قصدك ايه يا بت انتي وبعدين انا اقرر وانتي تقولي حاضر وبس..
سميره
انا مش كرسي هنا ولا ابجوره هتنقلها مع العفش، كفااااايه بقي انت ايه الجبروت ده، انا وشي بقي في الارض قدام كل ستات العمار والرجاله كمان وكل شويه واحده تجيب سيرتك انك بتعاكسها..
ياسين بغضب
كدابين ورحمة امي كدااابين..
سميره بحده
اخرس خالص بقي كفايه انت ايه حتي امك اللي في دار الحق بتحلف برحمتها كدب، وعلي فكره بقي ما حدش بيكدب غيرك انت..
ياسين بحده
انتي بتكلميني انا كده يا سميره، بتعلي صوتك كده عليا انا ده انتي يومك اسود ومش طالعله نور..
سميره بغضب
والله العظيم لو مديت ايدك عليا ما تعرفش انا هعمل فيك ايه..
قرب منها وهو ناوي يمد ايده عليها
وهتعملي ايه بقي وريني..
مسكت الفازه وحدفتها عليه وقالت بعصبيه
انا كمان همد ايدي واي حاجه هتعملها فيا انا هردها فيك، انا مش هسكتلك تاني ومش هخاف منك تاني يا كدااب يا خاااين..
ياسين بعصبيه
لا وكمان بتمدي ايدك بجد بس الغلط مني انا ادي اخرة اني بعاملك بحنيه وذوق وحياة امك ليبقي يومك اسود..
_طلعو بناته وهما بيعيطو من اوضتهم، وقالت ملك ببكاء..
ملك
سيبها يا بابا عشان خاطري والنبي سيب ماما..
زعق فيهم وقال
امشي يا بنت انتي وهي ادخلو اوضتكم يلا، والا والله هيبقي يومكم اسود انتو كمان انا هعرف اربيكم كلكم..
_ وفعلا اخد سميره اوضتهم وزي كل مره مد ايده عليهة بكل قسوه، وبالليل خرج ياسين من البيت وسميره كانت قاعده في اوضتها بتعيط وهدومها متقطعه وجسمها ووشها كله كدمات..
_دخلو عندها بناتها وقعدو جنبيها وهما بيعيطو، وتيا بنتها قالت بخوف..
تيا
ماما انا مش عايزه اكبر ومش عايزه اتجوز عشان جوزي ما يعملش فيا زي بابا ما بيعمل معاكي..
ملك ببكاء
وانا كمان انا مش عايزه اكبر ومش عايزه بابا يقعد معانا خليه يمشي يا ماما..
حضنتهم سميره وقالت بحزن
لا لا انتو هتكبرو وهتتجوزو وهتبقي مبسوطين كمان، وهو مش هيكون معانا مش هسمحله يخلي حياتكم متدمره زي حياتي..
_ وقامت امدت موبيلها وكل الاوراق المهمه واخدت هدومها هي وبناتها وراحت عند اميره اللي اول ما فتحتلها قالت وهي مصدومه.
اميره
يا نهار مش فايت هو عمل فيكي ايه يا بنتي..
سميره بدموع
انا اا انا عايزه ارفع قضية طلاق وتعدي علي اللي عملو فيا، انا مش عايزه اسكت تاني يا اميره انا تعبت وبناتي بيضيعو هما كمان بسببه..
اميره بحزن
طيب تعالي ادخلي واقعدي جوه شويه اعالج وشك ده علي الاقل وبعدين نروح ونعمل كل اللي عايزااه..
سميره بقلق
لا والنبي انا لازم اروحلها بسرعه قبل ما هو يرجع وامشي وارجع الشرقيه عند اهلي..
اميره
طيب دقيقه واحده هنده محمد يجي معانا عشان الوقت المتأخر ده، ونروح علي طول هنروحلها بيتها انا اعرفها معرفه شخصيه وانا واثقه انها هتساعدنا..
_ وفعلا بعد شويه وصلت سميره وبناتها ومعاها محمد بيت المحاميه وكان معاها اميره ومحمد جوزها..
المحاميه بحزن
انتي ليه يا بنتي تتحملي الوقت ده كله ست سنين تعيشي مع راجل مريض زي ده ومعيشه بناتك معاه كمان..
سميره ببكاء
انا فاض بيا خلاص ما بقاش في حاجه اقدر اتحمل عشانها، انتي هتساعديني مش كده.؟..
المحاميه
بصي انا جوزي وكيل نيابه وهخليه كمان يساعدنا وانا من بكره هاجي وراكي بلدك واوعدك انك هتخلصي منه وكمان هتاخدي حقك منه تالت ومتلت..
اميره
هو مش المفروض انها تعمل كشف طبي وتثبت الحاله اللي هي فيها بسببه دي؟..
المحاميه
بكره ان شاء الله في بلدها هنعمل كل حاجه، اطمني يا سميره انا كل هدفي من لما اشتغلت اني ما اخليش ست تتظلم ولا راجل يستقوي علي واحده وحقك هيجي يعني هيجي..
محمد
تعالي يا مدام سميره انا هاخدك انا واميره نوصلك البلد بتاعتك..
سميره
انا مش عايزه اتعبكم بس ااا..
محمد
لا ما فيش تعب ولا حاجه، عشتن البنات بس ما يتعبوش في الموصلات..
_ وبعد كام ساعه وصلت سميره بيت مامتها ومحمد. واميره رجعو تاني القاهره، وخبطت هي علي شقة مامتها اللي فتحت واتصدمت من شكل بنتها وقالت..
زهره
يا نهار اسود ايه اللي عمل فيكي كده يا بت وايه اللي جابك لوحدك ده انتي جوزك هيطين عيشتك..
_دخلت سميره هي وبناتها وراحت اوضتها وقفلت الباب وزهره فضلت تزعق وقالت..
زهره
انة مش بتكلم معاكي يا بت انتي اطلعي هنا.
طلعت سميره وقالت
نعم يا ماما عايزه ايه؟..
زهره
ايه اللي خلاكي تسيبي بيت جوزك وتيجي في وقت زي ده؟..
سميره
الرد قدام حضرتك اهو استني انا ممكن اوريكي جسمي مليان حاجات من اللي في وشي دي واكتر..
زهره
عملتي ايه يخلي جوزك يمد ايده عليكي بالشكل ده..
سميره
ما عملتش حاجه يا ماما والله العظيم ما عملت حاجه، هو اللي عمل بيعاكس في الستات اللي ساكنين معانا في العماره وفي زميلاته في الشغل وياريت بالكلام بس ده…
سكت ودموعها نزلت وقالت
وعلاقات تقرف مع نسوان رخيصه وتلاكيك علي اي سبب المهم يمد ايده عليا وخلاص، وتهزئ في الرايحه والجايه وكاني جاريه عنده اشتراني عشان يطلع فيها مرضه، انا ليه يحصل فيا كده واسكت يا ماما عشان كلام الناس ملعون ابو الناس اللي هتخليني ادوس علي كرامتي واخسر حياتي وحياة بناتي..
زهره بدموع
حقك عليا يا بنتي حقك عليا، انا كنت فاكره انه هيعقل وده طيش شباب وما كنتش عايزاكي تخربي بيتك..
سميره ببكاء
البيت اتخرب من اول يوم اتجوزت فيه، ده مش طبيعي والله مش طبيعي..
زهره
ادخلي نامي جنب بناتك وانا هكلم عمك واقوله علي اللي ابنه بيعملو ويشوفلو حل بقي معاه..
سميره
انا قررت ارفع عليه قضية طلاق انا مستحيل ارجعله ولا اعيش معاه دقيقه واحده كمان..
زهره بحزن
اللي يريحك يا بنتي اعمليه، ادخلي بس ارتاحي جوه..
_ وعدي اليوم علي خير وتاني يوم بالليل كان فتحي ابو ياسين عندهم، وسميره قالتله كل حاجه وهو قال بحزن..
فتحي
حقك عليا انا يا بنتي، هو جاي دلوقتي وانا هعلمه الادب قدامك..
سميره ببكاء
لا يا عمي ابوس ايدك انا مش عايزه اشوفه ولا عايزه ارجعله ولا اي حاجه عشان خاطري..
فتحي بحزن
اللي انتي عايزاه هنعمله، مش عايزه تكملي معاه يبقي غصب عنه يطلقك..
_ في الوقت ده الباب خبط وراحت زهره فتحت وكان ياسين اللي دخل وهو متعصب وقال..
ياسين
بقي تنزلي لوحدك البلد في نصاص الليالي ده انا هربيكي كويس يا سميره..
وقف ابوه وقال
يا بجاحتك يا اخي انت ايه يا واد اللي عملته في مراتك ده، وايه القرف اللي كنت بتعمله مع جيرانك والنسوان اللي تعرفها..
ياسين
انا راجل واعمل اللي عايزه وسميره مراتي واعمل فيها اللي عايزه برضو..
فتحي بحده
لييييه فاكرها سايبه يا خسارة تربيتي فيك بس من اللحظه دي انت مش ابني ولا اعرفك وتغور تمشي وتطلقها وتبعت نفقة بناتك غصب عنك والا..
ياسين
بص يا ايااا انا بيتي مفتوح بنت اخوك عايزه ترجع بيتها ترجع وهعتبر اللي حصل ده ما حصلش اصلا، اانما عايزه تخرب بيتها يبقي خليها عندك شالله تخلل وطلاق مش هطلق وده اخر كلام عندي..
_قال كلامه ومشي وزهره قالت
شايف ابنك يا فتحي، بقي هو ده اللي كان راسم دور الطيبه والاخلاق..
فتحي بحزن
كملي في القضيه اللي هترفعيها يا بنتي ومش انا ابوه بس هشهد معاكي وهجيبلك حقك، وحقك عليا عشان انا اللي ما عرفتش اربيه..
_ وراحت فعلا سميره تاني يوم مع المحاميه وعملتلها توكيل ورفعت عليه قضيه، وبلغت عنه انه مد ايده عليها… وطلعت مع المحاميه وقعدو في كافي..
المحاميه
الدكتوره عملت كشف برضو علي العلمات اللي في جسمك القديمه دي، قوليلي هو من امتي بدأ يمد ايده عليكي..
سميره بحزن
من اول اسبوع جواز، عديت وقولت لسه بنعرف بعض انا وهو بس كل يوم كان بيزيد فيها اكتر..
المحاميه
طيب وما اشتكتيش ليه لاهلك؟..
سميره
ما كانش بيمد ايده زي دلوقتي كان ممكن بوكس قلمين تلاته، ولما كنت بشتكي كانو بيقولو كل المتجوزين كده شويه حلو وشويه مر، بس انا ما شوفتش في حياتي معاه ولا يوم واحد حلو..
المحاميه بحزن
اطمني يا سميره القضيه في صالحنا علي فكره، وانا اميره كلمتني وقالتلي انها اتفقت مع كل الجيران انهم يشهدو عليه وعلي اللي كان بيعملو فيكي ومعاهم من معاكاسات وكده..
سميره بحزن
ما كنتش عايزه اعمل كده عشان بناتي وهو ابوهم، بس انا عارفااه هو مش هيسكت ولازم يتعاقب علي كل حاجه..
_ وفعلا بعد فتره اتقبض علي ياسين واتحكم عليه بكام سنه بتهمة انه مد ايده علي سميره وكمان انه حاول يعاكس جيرانه والكاميرات اثبتت كل حاجه ، وسميره كسبت قضية الطلاق واطلقت منه… وبعد سنه كانت قاعده في بيت مامتها بتعمل اكل والباب خبط، وراحت فتحت لقيتها اميره..
سميره
اميره تعالي اتفضلي يا حبيبتي نورتيني..
دخلت اميره وقعدت معاها وقالتلها
وحشتيني وقولت اجي اطمن عليكي، اخبارك ايه واخبار البنات وشغلك..
سميره
الحمد لله البنات اهو اخر سنه حضانه وهيدخلو المدرسه، والشغل ماشي تمام بقيت اشطر وتحده في الشرقيه كلها تعمل اكل بيتي وبحوش لبناتي اهو عشان مستقبلهم وكده..
اميره
امتي بنت حلال يا سميره وتعبتي كتير وربنا هيعوصك خير، وبعدين انتي هتاخديني في الكلام وتخليني انسي اقولك اللي جايه عشانه..
سميره
خير ان شاء الله ايه الموضوع..
اميره
احممم اا ياسين لقيوه واخد حبوب كتير والبقاء لله..
سميره بحزن
عرفت عمي قالي تصدقي زعلت عليه، بيقولو اخر فنره كان كل اللي بيقولو خلو سميره تسامحني ما كنتش اتمني يعمل في نفسه كده..
اميره
ربنا يسامحه بقي، المهم بناتك دلوقتي انتي ليهم الاب والام خلي بالك منهم ولو احتاجتي حاجه في اي وقت كلميني…
سميره
استني انتي رايحه فين انتي مش هتمشي غير لما تتغدي وتتعشي معايا استني اصحي ماما تسلم عليكي كمان..
اميره
يا بنتي محمد تحت مستنيني..
سميره
كلميه خليه يطلع وانا هكلم عكي يجي ونتغدي كلنا سوا، يلاا بقي ما تقعديش ساكته كده..
_ وفي نهاية حكايتنا ياريت نكون اتعلمنا ان السكوت والضعف مش حل، والرضا بالمعامله الوحشه والتضحيه بالكرامه وباجمل ايام حياتنا ده مش مكسب ده خساره كبيره لينا..
ـــــــــــــــــــــــــــــــــــــــــــــــــــــــــــــــــــــــــــــ

لقراءة باقي حلقات الرواية اضغط على : (رواية الاختيار الخطأ)